% Text title            : sarasavatIgItA
% File name             : sarasavatIgiitaa.itx
% Category              : gItA, giitaa
% Location              : doc\_giitaa
% Transliterated by     : Sunder Hattangadi sunder at hotmail.com
% Proofread by          : Sunder Hattangadi sunder at hotmail.com
% Description-comments  : from Panchadasha Gita published by Khemraj 1896.
% Latest update         : December 15, 2012
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIsarasvatIgItA ..}##
\itxtitle{.. shrIsarasvatIgItA ..}##\endtitles ##

     || atha sarasvatIgItA ||
mArkaNDeya uvAcha \-
atraiva cha sarasvatyA gItaM parapura~njaya |
pR^iShTA yA muninA vIra shR^iNu tArkShyeNa dhImatA || 1||
tArkShya uvAcha \-
kinu shreyaH puruShasyeha bhadre kathaM kurvanna chyavate svadharmAt |
AchakShva me chArusarvA.ngi kuryAtvayAshiShTo na chyaveyaM svadharmAt || 2||
kathaM vAgniM juhuyAM pUjaye vA kasminkAle kena dharmo na nashyet |
etatsarva subhage prabravIhi yathA lokAn virajAH sa.nchareyam || 3||
mArkaNDeya uvAcha \-
evaM pR^iShTA prItiyuktena tena shushrUmIkShyottamabuddhiyuktam |
tArkShyaM vipraM dharmayuktaM hitaM cha sarasvatI vAkyamidaM babhAShe || 4||
sarasvatyuvAcha \-
yo brahma jAnAti yathApradeshaM svAdhyAyanityaH suchirapramattaH |
sa vai pAraM devalokasya gantA sahAmaraiH prApnuyAtprItiyogam || 5||
tatra sma ramyAvipulA vishokAH supuShpitAH puShkariNyaH supuNyAH |
akardamAmInavatyaH sutIrthA hiraNmayairAvR^itAH puNDarIkaiH || 6||
tAsAM tIreShvAsate puNyabhAjo mahIyamAnAH pR^ithagapsarobhiH |
supuNyagandhAbhirala.nkR^itAbhirhiraNyavarNAbhiratIva dR^iShTAH || 7||
paraM lokaM gopradAstvApnuvanti datvAnaDuhaM sUryalokaM vrajanti |
vAso datvA chAndramasaM tu lokaM datvA hiraNyamamaratvameti || 8||
dhenuM datvA suprabhAM supradohAM kalyANavatsAmapalAyinIM cha |
yAvanti romANi bhavanti tasyAstAvadvarShANyAsate devaloke || 9||
anaDvAhaM suvrataM yo dadAti halasya voDhAramanantavIryam |
dhurandharaM balavantaM yudmanaM prApnoti lokAndashadhenudasya  || 10||
dadAti yo vai kapilAM sachailAM kA.nsyopadohAM draviNairuttarIyai |
taistairguNaiH kAmaduhAtha bhUtvA naraM pradAtAramupaiti sA gauH || 11||
yAvanti romANi bhavanti dhenvAstAvatphalaM bhavati gopradAne |
putrA.nshcha pautrA.nshcha kulaM cha sarvamAsaptamaM tArayate paratra || 12||
sadakShiNAM kA.nchanachArushR^i~NgIM kA.nsyopadohAM draviNairuttarIyaiH |
dhenuM tilAnAM dadato dvijAya lokA vasUnAM sulabhA bhavanti || 13||
svakarmabhirdAnavasa.nniruddhe tIvrAndhakAre narake patantam |
mahArNave nauriva vAtayuktA dAnaM gavAM tArayate paratra || 14||
yo brAhmadeyAM tu dadAti kanyAM bhUmipradAnaM cha karoti vipre |
dadAti dAnaM vidhinA cha yashcha sa lokamApnoti purandarasya || 15||
yaH saptavarShANi juhoti tArkShya havyaM tvagnau niyataH sAdhushIla |
saptAvarAnsaptapUrvAnpunAti pitAmahAnAtmanA karmabhiH svaiH || 16||
tArkShya uvAcha \-
kimagnihotrasya vrataM purANamAchakShva me pR^ichChatashchAnurUpe |
tvayAnushiShTohamihAdya vidyAM yadagnihotrasya vrataM purANam || 17||
sarasvatI uvAcha \-
na vAshuchirnApyanirNikya pANirnAbrahmavijjuhuyAnnAvipashchit |
bubhutsavaH shuchikAmA hi devA nAshraddadhAnAddhihavirjuhanti || 18||
nAshrotriyaM devahavye niyu.njyAnmoghaM purA si.nchati tAdR^isho hi |
apUrvamashrotriyamAha tArkShya na vai tAdR^igjuhuyAdagnihotram || 19||
kR^ishAshcha ye juhvati shraddadhAnAH satyavratA hutashiShTAshinashcha |
gavAM lokaM prApya te puNyagandhaM pashyanti devaM paramaM chApi satyam || 20||
tArkShya uvAcha \-
kShetraj~nabhUtAM paralokabhAve karmodaye buddhimati praviShTAm |
praj~nAM cha devIM subhage vimR^ishya pR^ichChAmi tvAM kAhyasi chArurUpe || 21||
sarasvatyuvAcha \-
agnihotrAdahamabhyAgatAsmi visarpamANA sa.nshayachChedanAya |
tvatsanniyogAdahametadabrubaM bhAve sthitA tathyamarthaM yathAvat || 22||
tArkShya uvAcha \-
na hi tvayA sadR^ishI kAchidasti vibhrAjase hyatimAtraM yathA shrIH |
rUpaM cha te divyamanantakAnti praj~nA.n cha devIM subhage bibharShi || 23||
sarasvatyuvAcha \-
shreShThAni yAni dvipadAM variShTha yaj~neShu vidvannupapAdayanti |
taireva chAhaM sampravR^iddhA bhavAmi chApyAyitA rUpavatI cha vipra || 24||
yachchApi dravyamupayujyateha vAnaspatyamAyasampArthivaM vA |
divyena rUpeNa cha praj~nayA cha tavaiva siddhiriti viddhi vidvan || 25||
tArkShya uvAcha \-
idaM shreyaH paramaM manyamAnA vyApR^ichChante munayaH sampratItAH |
AchakShva me taM paramaM vishokaM mokShaM paraM yaM pravishanti dhIrAH |
sA.nkhyaM yogAH paramaM yaM vidanti paraM purANaM tamahaM na vedmi  || 26||
sarasvatyuvAcha \-
taM vai paraM vedavidaH prapannAH paraM parebhyaH prathitaM purANam |
svAdhyAyavanto vratapuNyayogaistapodhanA vItashokA vimuktAH || 27||
tasyAtha madhye chetasaH puNyagandhAH sahasra shAkhA vipulA vibhAnti |
tasya mUlAtsaritaH prasravanti madhUdakaprasravaNAH supuNyAH || 28||
shAkhAM shAkhAM mahAnadyaH saMyAnti sikatAshayAH |
dhAnAH pUpA mA.nsashAkA sadA pAyasakardamAH || 29||
yasminnagnimukhA devAH sendrAH sahamarudgaNAH |
Ijire kratubhiH shreShThaistatpadaM paramaM mama || 30||
            iti sarasvatIgItA samAptA||


##
Encoded and proofread by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}