%@@1
%--------------------------------------------
% File name             : ribhugita.itx
% Text title            : ribhugItA
% Author                : 
% Language              : Sanskrit
% Subject               : Hinduism/religion/traditional
% Description/comments  : 
% Transliterated by     : D.V.N.Sarma hyd1_narayana at sancharnet.in
% Proofread by          : D.V.N.Sarma hyd1_narayana at sancharnet.in
% Translation by        : 
% Latest update         : 30th Sept 1998, June 16, 2007
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskritdocuments.org
% http://sanskrit.gde.to/
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. shrI  RibhugItA ..}##
\itxtitle{.. shrI  R^ibhugItA ..}##\endtitles ##
\centerline{prathamo.adhyAyaH |}
        shrI gurumUrtiH |
punarj~nAnaM pravakShyAmi yathAvatpadmasambhava |
yenaiva sarve muchyante janAssaMsArabandhanAt.h || 1\.01||
vidhe purA nidAghAkhyo muniH paprachCha sadgurum.h |
R^ibhusa.nj~naM mahAprAj~naM tadvadAmi tavAdhunA || 1\.02||
          nidAghaH |
AtmAnAtmavivekaM me kR^ipayA brUhi sadguro |
yena saMsArapAdodhiM tariShyAmi sukhena vai || 1\.03||
R^ibhurevaM tadA pR^iShTa uvAcha sakalArthavit.h |
sarvavedAntasAraj~nassarvapUjyo mahattamaH || 1\.04||
          R^ibhuH |
sarvavAcho.avadhirbrahma sarvachintA.avadhirguruH |
sarvakAraNakAryAtmA kAryakAraNavarjitaH || 1\.05||
sarvasa.nkalparahitassarvanAdamayashshivaH |
sarvavarjitachinmAtrassarvAnandamayaH paraH || 1\.06||
sarvatejaH prakAshAtmA nAdAnandamayAtmakaH |
sarvAnubhavanirmuktaH sarvadhyAnavivarjitaH || 1\.07||
sarvanAdakalAtIta eSha AtmA.ahamavyayaH |
AtmAnAtmavivekAdi bhedAbhedavivarjitaH || 1\.08||
shAntAshAntAdihInAtmA nAdAntarjyotirAtmakaH |
mahAvAkyArthato dUro brahmAsmItyati dUragaH || 1\.09||
tachChabdavarjyastvaMshabdahIno vAkyArthavarjitaH |
kSharAkSharavihIno yo nAdAntarjyotireva saH || 1\.10||
akhaNDaikaraso vA.ahamAnandosmIti varjitaH |
sarvAtItasvabhAvAtmA nAdAntarjyotireva saH || 1\.11||
Atmeti shabdahIno ya AtmashabdArthavarjitaH |
sachchidAnandahIno ya eShaivAtmA sanAtanaH || 1\.12||
nanirdeShTuM cha shakno yo vedavAkyairagamyakaH |
yasya kinchidbahirnAsti kinchidantaH kiyannacha || 1\.13||
yasya ligaM prapa.nchaM vA brahmaivAtmA na saMshayaH |
nAsti yasya sharIraM vA jIvo vA bhUtabhautikaH || 1\.14||
nAmarUpA.adikaM nAsti bhojyaM vA bhogabhukcha vA |
sdvA.asadvA sthitirvA.api yasya nAsti kSharAkSharam.h || 1\.15||
guNaM vA viguNaM vA.api sama AsIn.h na saMshayaH |
yasya vAchyaM vAchakaM vA shravaNaM mananaM cha vA || 1\.16||
gurushiShyA.adi bhedaM vA devalokAssurAsurAH |
yatra dharmamadharmaM vA shuddhaM vA.ashuddhamaNvapi || 1\.17||
yatra kAlamakAlaM vA nishchayaM saMshayaM nahi |
yatra mantramamantraM vA vidyA.avidye na vidyate || 1\.18||
draShTR^idarshanadR^ishyaM vA IShaNmAtraM kalAdikam.h |
anAtmeti prasa.ngo vA hyanAtmeti manopi vA || 1\.19||
anAtmeti jagadvA.api nAsti nAstIti nishchinu |
sarvasa.nkalpashUnyatvAt.h sarvakAryavivarjanAt.h || 1\.20||
kevalaM brahmamAtratvAt.h nAstyanAtmeti nishchinu |
dehatrayavihInatvAt.h kAlatrayavivarjanAt.h || 1\.21||
lokatrayavihInatvAt.h sarvamAtmeti shAsanAt.h |
chittAbhAvAnnachintAsti dehAbhAvAjjarA na cha || 1\.22||
pAdAbhAvAdgatirnAsti hastAbhAvAt.h kriyA na cha |
mR^ityurnAsti jarA.abhAvAt.h buddhyabhAvAt.h sukhAdikam.h || 1\.23||
dharmo nAsti shuchirnAsti satyaM nAsti bhayaM na cha |
akSharochchAraNam.h nAsti gurushiShyAdi nAstyapi || 1\.24||
ekAbhAve dvitIyaM na na dvitIye nachaikatA |
satyatvamastichet.h ki.nchidasatyaM na cha saMbhavet.h || 1\.25||
asatyatvaM yadi bhavet.h satyatvaM na vadiShyati |
shubhaM yadyashubhaM viddhi ashubhAchchubhamiShyate || 1\.26||
bhayaM yadyabhayaM viddhi abhayAdbhayamApatet.h |
bandhatvamapichenmokSho bandhAbhAve na mokShatA || 1\.27||
maraNam.h yadi chejjanma janmAbhAve mR^itirnacha |
tvamityapi bhavechchAhaM tvaM no chedahameva na || 1\.28||
idaM yadi tadevAsti tadabhAvAdidaM na cha |
astIti chennAsti tadA nAstichedasti kinchana || 1\.29||
kAryaM chetkAraNam.h ki.nchit.h kAryAbhAve na kAraNam.h |
dvaitaM yadi tadA.advaitaM dvaitAbhAve.advayaM na cha || 1\.30||
dR^ishyaM yadi dR^igapyasti dR^ishyAbhAve dR^igeva na |
antaryadi bahissatyamantAbhAve bahirnacha || 1\.31||
pUrNatvamasti chedki.nchidapUrNatvaM prasajyate |
tasmAdetadkvachinnAsti tvaM chAhaM vA ime idam.h || 1\.32||
nAsti dR^iShTAntakassatye nAstidArShTAntikaM hyaje |
paraM brahmAhamasmIti smaraNasya mano nahi || 1\.33||
brahmamAtraM jagadidaM brahmamAtraM tvamapyaham.h |
chinmAtraM kevalaM chAhaM nAstyanAtmeti nishchinu || 1\.34||
idaM prapa.nchaM nAstyeva notpannaM nosthitaM kvachit.h |
chittaM prapa.nchamityAhurnAsti nAstyeva sarvadA || 1\.35||
na prapa.nchaM na chittadi nAha.nkAro na jIvakaH |
mAyAkAryAdikaM nAsti mAyA nAsti bhayaM na cha || 1\.36||
kartA nAsti kriyA nAsti shravaNaM mananaM na hi |
samAdhi dvitayaM nAsti mAtR^imAnAdi nAsti hi || 1\.37||
aj~nAnaM chApi nAstyeva hyavivekaH kadA cha na |
anubandhachatuShkaM na saMbandhatrayameva na || 1\.38||
na ga.ngA na gayA seturna bhUtaM nAnyadasti hi |
na bhUmirna jalaM nAgnirna vAyurna cha khaM kvachit.h || 1\.39||
na devo na cha dikpAlA na vedA na guruH kvachit.h |
na dUraM nAtikaM nAntaM na madhyaM na kvachit.h sthitam.h || 1\.40||
nAdvaitadvaitasatyaM vA hyasatyaM vA idaM cha na |
bandhamokShAdikaM nAsti sadvA.asadvA sukhAdi vA || 1\.41||
jAtirnAsti gatirnAsti varNo nAsti na laukikam.h |
sarvaM brahmeti nAstyeva brahma ityeva nAsti hi || 1\.42||
chidityeveti nAstyeva chidahaM bhAShaNaM nahi |
ahaM brahmAsmi nAstyeva nityashuddhosmi na kvachit.h || 1\.43||
vAchA yaduchyate ki.nchin.h manasA manute kvachit.h |
buddhyA nishchinute nAsti chittena j~nAyate nahi || 1\.44||
yogiyogAdikaM nAsti sadA sarvaM sadA na cha |
ahorAtrAdikaM nAsti snAnadhyAnAdikaM nahi || 1\.45||
bhrAntyabhrAntyAdikaM nAsti nAstyanAtmeti nishchinu |
vedashshAstraM purANaM cha kAryaM kAraNamIshvaraH || 1\.46||
loko bhUtaM janastvaikyaM sarvaM mithyA na saMshayaH |
vAchA vadati yatki.nchitsa.nkalpaiH kalpyate cha yat.h || 1\.47||
manasA chintyate yadyat.h sarvaM mithyA na saMshayaH |
buddhyA nishchIyate ki.nchichchitte nishchIyate kvachit.h || 1\.48||
shAstraiH prapa.nchyate yadyat.h netreNaiva nirIkShyate |
shrotrAbhyAM shrUyate yadyadanyatsadbhAvameva cha || 1\.49||
tvamahaM tadidaM so.ahamanyat.h sadbhAvameva cha |
netraM shrotraM gAtrameva mithyeti cha sunishchitam.h || 1\.50||
idaM midhyaivanirdiShTamayamityeva kalpyate |
yadyatsaMbhAvyate loke sarvaM sa.nkalpasaMbhramaH || 1\.51||
sarvAdhyAsaM sarvagopyaM sarvabhogaprabhedakam.h |
sarvadoShaprabhedaM cha nAstyanAtmeti nishchinu || 1\.52||
madIyaM cha tvadIyaM cha mameti cha taveti cha |
mahyaM tubhyaM mayetyAdi tatsarvaM vitathaM bhavet.h || 1\.53||
rakShako viShNurityAdi brahmA sR^iShTestu kAraNam.h |
saMhAre rudra ityevaM sarvaM mithyeti nishchinu || 1\.54||
snAnaM japastapo homassvAdhyAyo devapUjanam.h |
mantraM tantraM cha satsa~Ngo guNadoShavijR^ibhaNam.h || 1\.55||
antaHkaraNa sadbhAvo.avidyAyAshcha saMbhavaH |
anekakoTibrahmANDaM sarvaM mithyeti nishchinu || 1\.56||
sarvadeshikavAkyoktiryenakenApi nishchitA |
dR^ishyate jagati yadyat.h yadyajjagati vIkShyate || 1\.57||
vartate jagati yadyat.h sarvaM mithyeti nishchinu |
yenekenAkShareNoktaM yenekena vivarNitam.h || 1\.58||
yenekenApi gaditaM yenekenApi moditam.h |
yenekenApi yaddattaM yenakenApi yatkR^itam.h || 1\.59||
yatrayatra shubhaM karma yatrayatra cha duShkR^itam.h |
yadyatkaroti satyena sarvaM mithyeti nishchinu || 1\.60||
idaM prapa.nchaM yatki.nchit.h yadyajjagati vidyate |
dR^ishyarUpaM cha dR^igrUpaM sarvaM shashaviShANavat.h || 1\.61||
     shrI gurumUrtiH |
evaM shrutvA nidAghassa brahman.h saMshayaveShTitaH |
R^ibhuM paprachCha punarapyAtmavij~nAnasiddhaye || 1\.62||
     nidAghaH |
svAmin.h mumukShossaMsArAn.h mamArUpeNa vastunA |
prapa.nchitena na phalaM bhavediti me matiH || 1\.63||
yatastvadkathitaM brahma tattvamasyAdyagocharam.h |
akhaNDaikarasAtItaM mokShAtItaM cha sadguro || 1\.64||
j~neyatvAdivihInaM tat.h kathaM j~nAsyAmyahaM nu vA |
tajj~nAnena phalaM kiM vA mokShasyaiva phalatvataH || 1\.65||
phalamAstikyabuddhyA syAn.h na chaivaMbhUtavastunaH |
tvadukta nishchaye sarvasA.nkaryaM cha prasajyate || 1\.66||
yadyukta vyatiriktAnAM sarveShAM syAdanAtmatA |
heyatvAnnaiva jij~nAsyaM ki.nchidapyatra siddhyati || 1\.67||
shashashR^i.nga samAnatvaM yathAproktamanAtmanAm.h |
atyantArUpavattvena tathA tatsiddhirAtmanaH || 1\.68||
athavA tat.h tathaivAstAm.h anyathAvApi me guro |
yajj~nAnena bhavAnmuktirbhavet.h tad.h brUhi veditum.h || 1\.69||
evam.h ukto nidAghena kushAgramatinA param.h |
R^ibhussantuShTahR^idayaH punarevAbravIdidam.h || 1\.70||
     R^ibhuH |
nidAgha satyamevaitattvaduktaM yuktigarbhitam.h |
tathApi yuktaM madvAkyaM traividdhyAjj~neyavastunaH || 1\.71||
saguNaM nirguNaM tAbhyAm.h anyanniShpratiyogikam.h |
brahmaivaM trividhaM lingairvedAnteShu hi vishrutam.h || 1\.72||
tatrAdyaM heyaguNakaM sopAdhitvAnmumukShubhiH |
tattvamasyAdivAchyatvAjj~neyaM heyatayAgrataH || 1\.73||
jIveshvaravibhAgena saguNaM dvividhaM bhavet.h |
jIvashcha trividhastadvad.h IshashchAstAm.h idaM tathA || 1\.74||
upAdeyaM dvitIyaM syAnnirguNaM mokShakA.nkShibhiH |
tattvamasyAdilakShyatvAjj~neyaM chAtmatayA tataH || 1\.75||
heyopAdeyashUnyaM tattR^itIyaM prakR^itaM yataH |
muktaiH prApyam.h atashshabdamapi j~neyaM mumukShubhiH || 1\.76||
idantvenApyahantvena svatvenApi navedyatA |
tathApyasyAsti vedyatvaM shrutyuktatvAnna nAstitA || 1\.77||
muktasya svagato bhedo yadanAptau na nashyati |
tajj~nAne phalametatsyAt.h sarvabhedanibarhaNam.h || 1\.78||
ato.asyAlakShaNatvena sadasadparatAstyapi |
shashashR^i.ngasamAnatvaM nidAghAshakyamIritum.h || 1\.79||
visheShasattA.abhAvepi sattAsAmAnyatA yataH |
nirdvandvatvena saMsiddhA tatassattvAdikaM bhavet.h || 1\.80||
athavA shashashR^i.ngAdi sAdR^ishyaM bhavatu svataH |
siddhAntatA shrutiproktA nairAshyasya hi suvrata || 1\.81||
na tAvatA virodhosti kashchidapyadhunA tava |
saMsAramokShasiddhyartham.h asyAnuktatayA mayA || 1\.82||
|| iti  shrI guruj~nAnavAsiShThe tattvanArAyaNe
j~nAnakANDasya prathamapAde tR^itIyo.adhyAyaH evaM
shrI R^ibhugItA prathamo.adhyAyaH samAptaH ||
\medskip\hrule\medskip
\centerline{dvitIyo.adhyAyaH |}
athAtassaMpravakShyAmi nidAgha shR^iNu sAdaram |
saMsAramokShasiddhyarthaM sarUpaM brahma nirguNam  || 2\.01 ||
tattvamasyAdivAkyairyallakShyaM jIvAdikAraNam |
nityashuddhavibuddhaM cha nityamuktaM cha shAshvatam || 2\.02 ||
yatsarvavedasiddhAntaM yajj~nAnenaiva muktatA |
jIvasya yachcha saMpUrNaM tattvamevAsi nirmalam || 2\.03 ||
tvameva paramAtmAsi tvameva paramoguruH |
tvamevAkAsharUposi sAkShihInosi sarvadA || 2\.04 ||
tvameva sarvabhAvosi tvaM brahmAsi nasaMshayaH |
kAlahInosi kAlosi sadA brahmAsi chidghanaH || 2\.05 ||
sarvatassarvarUposi chaitanyaghanavAnasi |
sarvabhUtAntarasthosi karmAdhyakShosi nirguNaH || 2\.06 ||
satyosi siddhosi sanAtanosi muktosi mokShosi mudA.amR^itosi |
devosi shAntosi nirAmayosi brahmAsi pUrNosi parAtparosi || 2\.07 ||
samosi sachchasi cirantanosi satyAdivakyaiH pratibodhitosi |
sarvA~NgahInosi sadAsthitosi brahmendrarudrAdivibhAvitosi || 2\.08 ||
sarvaprapaMchabhramavarjitosi sarveShu bhUteShu cha bhAvitosi |
sarvatra sa~Nkalpavivarjitosi sarvAgamAntArthavibhAvitosi || 2\.09 ||
sarvatra santoShasukhAsanosi sarvatra gatyAdivivarjitosi |
sarvatra lakShyAdi vivarjitosi dhyAtosi viShNvAdisurairajasram || 2\.10 ||
cidAkAra svarUposi cinmAtrosi nira~NkushaH |
Atmanyeva sthitosi tvaM sarvashUnyosi nishchalaH || 2\.11 ||
Anandosi parosi tvamekamevAdvitIyakaH |
cidghanAnandarUposi paripUrNasvarUpakaH || 2\.12 ||
sadasi tvamabhij~nosi sosi jAnAsi vIkShyasi |
saccidAnandarUposi vAsudevosi vai prabhuH || 2\.13 ||
amR^itosi vibhushchasi cha~nchalosyachalohyasi |
sarvosi sarvahInosi shAntAshAntavivarjitaH || 2\.14 ||
sattAmAtraprakAshosi sattAsAmAnyakohyasi |
nityasiddhasvarUposi sarvasiddhivivarjitaH || 2\.15 ||
IShaNmAtravishUnyosi hyaNumAtravivarjitaH |
astitvavarjitosi tvaM nAstitvAdivivarjitaH || 2\.16 ||
lakShyalakShaNahInosi nirvikAro nirAmayaH |
sarvanAdAntarosi tvaM kalAkAShThAdivarjitaH || 2\.17 ||
brahmaviShNvIshahInosi svasvarUpaM prapashyasi |
svasvarUpAvasheShosi svAnandAbdhau nimajjasi || 2\.18 ||
svAtmarAjye svamevAsi svayaMbhAvavivarjitaH |
shiShTapUrNasvarUposi svasmAtki~ncinnapashyasi || 2\.19 ||
svasvarUpAnnachalasi svasvarUpeNa jR^iMbhasi |
svasvarUpAdananyosi hyahamevAsi nishcinu || 2\.20 ||
idaM prapa~nchaM yatki~ncidyadyajjagati vidyate |
dR^ishyarUpaM cha dR^igrUpaM sarvaM shashaviShANavat || 2\.21 ||
lakShyalakShaNahInatvAdyuktyAniShpratiyogikam |
na mantavyaM yathAyogyaM laukikaistvaM vinishcinu || 2\.22 ||
nirguNaM nirmalaM shAntaM brahmasapratiyogikam |
shuddhAntaHkaraNaj~neyaM vedoktaM prakR^itaM khalu || 2\.23 ||
AtmastvaM sacchidAnandalakShNairlakShyamadvayam |
brahmaivAsmi na deho.ayamiti citte.avadhAraya || 2\.24 ||
deho.ahamiti sa~NkalpastadantaHkaraNaM  smR^itam |
deho.ahamiti sa~Nkalpo mahAn saMsAra ucyate || 2\.25 ||
deho.ahamiti sa~Nkalpastadbandha iti cocyate |
deho.ahamiti sa~NkalpastadduHkhamiti cochayte || 2\.26 ||
deho.ahamiti yajj~nAnaM tadeva narakaM smR^itam |
deho.ahamiti sa~Nkalpo jagatsarvaM samIryate || 2\.27 ||
deho.ahamiti sa~Nkalpo hR^idayagrandhirIritaH |
deho.ahamiti yajj~nAnaM tadasajj~nAnamevacha || 2\.28 ||
deho.ahamiti yadbuddhiH sAchavidyeti bhaNyate |
deho.ahamiti yajj~nAnaM tadeva dvaitamucyate || 2\.29 ||
deho.ahamiti sa~NkalpassatyajIvassa eva cha |
deho.ahamiti yajj~nAnaM paricChinnamitIritam || 2\.30 ||
deho.ahamiti sa~Nkalpo mahApApamiti sphuTam |
deho.ahamiti yA buddhistR^iShNAdoShA.a.amayaH kila || 2\.31 ||
yatki~ncidapi sa~NkalpastApatrayamitIritam |
tachcha sarvaM manuShyANAM mAnasaM hi nigadyate || 2\.32 ||
kAmaM krodhaM bandhanaM sarvaduHkhaM vishvaM doShaM kAlanAnAsvarUpam |
yatki~ncedaM sarvasa~NkalpajAtaM tatki~ncedaM mAnasaM somya viddhi || 2\.33 ||
mana eva jagatsarvaM mana eva mahAripuH |
mana eva hi saMsAro mana eva jagattrayam || 2\.34 ||
mana eva mahadduHkhaM mana eva jarAdikam |
mana eva hi kAlashcha mana eva malaM tathA || 2\.35 ||
mana eva hi sa~Nkalpo mana eva cha jIvakaH |
mana eva hi cittaM cha mano.aha~NkAra eva cha || 2\.36 ||
mana eva mahAn bandho mano.antaHkaraNaM cha tat |
mana eva hi bhUmishcha mana eva hi tajjalam || 2\.37 ||
mana eva hi tejashcha mana eva marunmahAn |
mana eva hi chakAsho mana eva hi shabdakaH || 2\.38 ||
sparsharUparasA gandhaH koshAH pa~ncha manobhavAH |
jAgratsvapnasuShuptyAdi manomayamitIritam || 2\.39 ||
dikpAlA vasavo rudrA AdityAshcha manomayAH |
dR^ishyaM bandhaM dvandvajAtamaj~nAnaM mAnasaM smR^itam || 2\.40 ||
sa~Nkalpameva yatki~ncittattannAstIti nishcinu |
nAsti nAsti jagatsarvaM gurushiShyAdikaM nihi || 2\.41 ||
vyavahAradashAyAM hi gurushiShyAdikaM bhavet |
paramArthadashAyAM tat kathaM muktau prasiddhyati || 2\.42 ||
muktyatIta dashAyAM cha procyate paramArthatA |
tathApyasatyahaMtR^itvAnmukterevAsti mukhyayAH || 2\.43 ||
manasA kalpitaM sarvaM manasA paripAlitam |
manasA saMsmR^itaM tasmAnmana evAsti kAraNam || 2\.44 ||
manasA saMsmR^itaM sarvaM manasaiva cha vismR^itam |
manasA bhAvitaM sarvaM manasaiva hyabhAvitaM || 2\.45 ||
manasA dUShitaM sarvaM manasaiva cha bhUShitam |
manasA sukhavR^ittissyAnmanasA duHkhasa~nchayaH || 2\.46 ||
tasmAtsarvanidAnaM tanmanassUkShmaM parAtmani |
tvayi saccitsukhAMbodhau kalpitaM viddhi mAyayA || 2\.47 ||
tvadanyasya cha sarvasya kalpitatvAdabodhataH |
tvameva sarvasAkShI san svayaM bhAsi nirantaram || 2\.48 ||
tava bodhasvarUpatvAt tvayyabodhasya kA gatiH |
mandabuddhyA gatau satyAmapi nAshassvayaM bhavet || 2\.49 ||
nityabodhasvarUpastvaM hyabodhapratiyogikaH |
tvayi tatsannivarteta tamassUryodaye yathA || 2\.50 ||
j~nAtR^ij~nAneprakalpyete yatra j~neye.advaye tvayi |
tasyAkhaNDasvarUpatvAt sarvAdhiShThAnatocitA || 2\.51 ||
mumukShubhishcha vij~neyAssvadharmAssaccidAdayaH |
sanmayashcinmayashchatmA tathAnandamayo yataH || 2\.52 ||
cidrUpasya tavAtmatvAdanAtmAnastvacinmayAH |
anAtmanAM vikAritvAnnirvikArastvamiShyase || 2\.53 ||
vikArasya samastasyApyavidyAkalpitatvataH |
vilaye nirvikArastvaM vidyAvAnavashiShyase || 2\.54 ||
bR^ihad brahmAvasheSho hi nAshaH kalpitavastunaH |
yacCheShAssyurime sarve sa sheShI nityatAM vrajet || 2\.55 ||
sheShasya sheShyananyatvaM vAstavaM sarvasammatam |
sheShiNastu tavAnyatvAnna sheShasyAsti nityatA || 2\.56 ||
sheShiNashsheShasApekShyAnna svAtantryeNa sheShitA |
iti vaktuM na shakyaM hi svamahimni sthitatvataH || 2\.57 ||
svasyaiSha mahimA sarvavyApakatvAdilakShaNaH |
sarvashR^ityAdi saMsiddhaH kAbhIrhIyeta yuktibhiH || 2\.58 ||
vyApyasApekShatA tasya vyApakasyeticecChR^iNu |
vyApyAnapekShaM siddhirhi vyApakasya nijAshrayAt || 2\.59 ||
vyApyasyaiva hi jIvasya vikArApekShayA tathA |
vyApakApekShayA cha syAt sthitirna vyApakasyatu || 2\.60 ||
vikArAlaMbanAbhAvAtsvAlaMbanatayApi cha |
sarvAlaMbanatA siddhA na svahAneshcha sa~NgatiH || 2\.61 ||
sarvAdhArasya nAdhAro.apekShyatepi kvacidvibhoH |
sa cedAdhArasApekSho na sarvAdhAratAM vrajet || 2\.62 ||
sarvAdhArasya cha vyomno yathAtmAdhAra iShyate |
tathAtmanopi kashcitsyAditi cedbADhamucyate || 2\.63 ||
AtmaivAtmana AdhAra AtmanyevAtmanassthiteH |
anAtmano yathA.anAtmA kashcidevAsti chashrayaH || 2\.64 ||
Atmano.api tu nAnAtve syAdanAtmAvisheShatA |
iti cennaiSha bhedo hi vikArAvAshrayo bhavet || 2\.65 ||
yathA bhavati dehasya prANa evAshrayaH punaH |
prANasya chashrayo dehastathAtmA.anAtmanorapi || 2\.66 ||
anyonyAshrayatA prAptA tathA nAsho dvayorapi |
iti ceduktamevaitadAtmA hi svAshrayo mataH || 2\.67 ||
AshrayAshrayi vArtA cha vyavahAre nigadyate |
paramArthadashAyAM tu svasmAdanyannavidyate || 2\.68 ||
Atmanassvagato bhedo yosminnabhyupagamyate |
sa kiM nityostyanityovetyevaM prashne tu kathyate || 2\.69 ||
labdhAtmasamyagbodhasya tava yAvadihasthitiH |
tAvattasyAvinAshitvAnnitya eveti nirNayaH || 2\.70 ||
pashchadanityatAyAshcha tava praShTurabhAvataH |
svabhedAnityavArtAyA nAvakAsho.atra vidyate || 2\.71 ||
AtmA sa kiM bhaveddraShTA dR^ishyo vA kinnu darshanam |
draShTR^itve sati jIvatvAtsaMsAritvaM prasajyate || 2\.72 ||
dR^ishyatve tu ghaTAdInAmivasyAdviShayAtmatA |
darshanatve tu vR^ittitvAjjADyameva prasajyate || 2\.73 ||
asaMsArI parAtmA.asau svayaM nirviShayastathA |
chaitanyarUpa ityetadvyarthameveti cecChR^iNu || 2\.74 ||
draShTR^itvaM tasya viddhyevaM jIveshAdIkShitR^itvataH |
dR^ishyatvaM cha tathA viddhi muktairdraShTR^itvatassvataH || 2\.75 ||
darshanatvaM cha sAkShitvAddR^igrUpatvAchcha tasya vai |
saMsAritvAdayo doShAH prasajyante na tatra vai || 2\.76 ||
asaMsAriNamAtmAnaM saMsAryAtmA yadi svayaM |
pashyettadAkShirogI saMprapashyechcha nira~Nkusham || 2\.77 ||
asambhavAni sarvANi saMbhaveyushcha vaidikAH |
siddhAntAniyamApetAssvecChAvyAhAra saMbhavAt || 2\.78 ||
iti cennaiva doSho.asti saMsArasyApavAdataH |
vishuddhasatvasaMpannassaMsArI nirmalo hi saH || 2\.79 ||
yadi jIvasya saMsArassvatassiddhastathA.akhilAH |
ukta doShAH prasajyerannaj~nAnAddhyAgato na te || 2\.80 ||
jIvasya yadi saMsAro brahmaNastadabhAvataH |
brahmAtmatvopadesho.ayamayukta iti cecChR^iNu || 2\.81 ||
uktajIvaikadeshasya hyasaMsAritvamanvaham |
tatastattvopadeshesmin nidAghAstyanavadyatA || 2\.82 ||
tasmAtsarvagataM satyasukhabodhaikalakShaNam |
brahmAsmIti vijAnIhi kevalaM tvamasaMshayam || 2\.83 ||
muktyai j~neyaM cha tad brahma saccidAnandalakShaNam |
natvalakShaNamanyatsyAditi coktaM na vismara || 2\.84 ||
|| iti  shrI guruj~nAnavAsiShThe tattvanArAyaNe
j~nAnakANDasya prathamapAde chaturtho.adhyAyaH evaM
shrI R^ibhugItA dvitIyo.adhyAyaH samAptaH ||
\hrule
\centerline{tR^itIyo.adhyAyaH |}
punarj~nAnaM pravakShyAmi nidAgha shR^iNu sAdaram |
brahmaNo.ati durUhatvAdasakR^icChrAvyameva tat || 3\.01 ||
sarvaM chinmayaM viddhi sarvaM saccinmayaM tatam |
saccidAnandamadvaitaM saccidAnandamavyayam || 3\.02 ||
saccidAnandamAtraM hi saccidAnandamanyakam |
saccidAnandarUpo.ahaM saccidAnandameva kham || 3\.03 ||
saccidAnandameva tvaM saccidAnandako.asmyaham |
manobuddhiraha~NkAracittasa~NghAtakA amI || 3\.04 ||
na tvaM nAhaM nachanyadvA sarvaM brahmaiva kevalam |
na vAkyaM na padaM vedaM nAkSharaM na jaDaM kvacit || 3\.05 ||
na madhyaM nAdi nAntaM vA na satyaM na nibandhanam |
na duHkhaM na sukhaM bhAvaM na mAyA prakR^itistathA || 3\.06 ||
na dehaM na mukhaM ghrANaM na jihvA na cha tAlunI |
na dantoShThau lalATaM cha nishvAsocChvAsa eva cha || 3\.07 ||
na svedamasthimAsaM cha na raktaM na cha mUtrakam |
na dUraM nAntikaM nAhaM nodaraM na kirITakam || 3\.08 ||
na hastapAdachalanaM na shAstraM na cha shAsanam |
na vettA vedanaM vedyaM na jAgratsvapnasuptayaH || 3\.09 ||
turyAtItaM na me ki~ncitsarvaM saccinmayaM tatam |
nAdhyAtmikaM nAdhibhUtaM nAdhidaivaM na mAyikam || 3\.10 ||
na vishvastaijasaH prAj~naH virATsUtrAtmakeshvarAH |
na gamAgamaceShTA cha na naShShTaM na prayojanam || 3\.11 ||
tyAjyaM grAhyaM na dUShyaM vA hyamedhyaM medhyakaM tathA |
na pInaM na kR^ishaM kledaM na kAlaM deshabhAShaNam || 3\.12 ||
na sarvaM na bhayaM chaitanna vR^ikShatR^iNaparvatAH |
na dhyAnaM yogasaMsiddhirnabrahmakShatravaishyakam || 3\.13 ||
na pakShI na mR^igo nAgI na lobho moha eva cha |
na mado na cha mAtsaryaM kAmakrodhAdayastathA || 3\.14 ||
na strIshUdrabiDAlAdi bhakShyabhojyAdikaM cha yat |
na prauDhahInanAstikyaM na vArtAvasarosti hi || 3\.15 ||
na laukiko na lokovA na vyApAro na mUDhatA |
na bhoktA bhojanaM bhojyaM mAtR^imAnaM na meyakam || 3\.16||
na shatrumitraputrAdi na mAtA na pitA svasA|
na janma na mR^itirvR^iddhirna deho.ahamiti bhramaH || 3\.17 ||
na shUnyaM nApi chashUnyaM nAntaHkaraNasaMsmR^itiH |
na rAtrirnadivA naktaM na brahmA na harishshivaH || 3\.18 ||
na vArapakShamAsAdi vatsaraM na cha cha~nchalam |
na brahmaloko vaikuNTho na kailAso na chanyakaH || 3\.19 ||
na svargo na cha devendro nAgniloko na chagnikaH |
na yamo na yamaloko vA na lokA lokapAlakAH || 3\.20 ||
na bhUrbhuvassvastrailokyaM na pAtALaM na bhUtalaM |
nAvidyA na cha vidyA cha na mAyA prakR^itirna cha || 3\.21 ||
na sthiraM kShaNikaM nAsho na gatirna cha dhAvanam |
na dhyAtavyaM na me snAnaM na mantro na japaH kvacit || 3\.22 ||
na padArthaM na pUjArhaM nAbhiShekaM na charchanaM |
na puShpaM na phalaM patraM gandhapuShpAdidhUpakam || 3\.23 ||
na stotraM na namaskAro na pradakShiNamaNvapi |
na prArthanA pR^ithagbhAvo na havirnAsti vandanam || 3\.24 ||
na homo na cha karmANi na durvAkyaM subhAShaNam |
na gAyatrI na vA sandhirna manasyaM na duHsthitiH || 3\.25 ||
na durAshA na duShTAtmA na chaNDAlo na paulkasaH |
na dussahaM durAlApaM na kirAto na kaitavam || 3\.26 ||
na pakShapAtaM pakShaM vA na vibhUShaNataskarau |
na cha DaMbho DAMbhiko vA na hIno nAdhiko naraH || 3\.27 ||
naikaM dvayaM trayaM turyaM na mahatvaM na chalpatA |
na pUrNaM na paricChinnaM na kAshI na vrataM tapaH || 3\.28 ||
na gotraM na kulaM sUtraM na vibhutvaM na shUnyatA |
na strIrna yoShinno vR^iddhA na kanyA na vitantukA || 3\.29 ||
na sUtakaM na jAtaM vA nAntarmukhasuvibhramaH |
na mahAvAkyamaikyaM vA nANimAdivibhUtayaH || 3\.30 ||
evaM salakShaNaM brahma vyatirekamukhena vai |
nidAgha tvaM vijAnIhi brahmetaraniShedhataH || 3\.31 ||
brahmaNaH prakR^itasyAtra dvividhaM pratipAdanaM |
asanniShedharUpaM sadvidhirUpaM cha tatra tu || 3\.32 ||
AtmA niShedharUpeNa tubhyaM saMpratipAditaH |
athAdya vidhirUpeNa shR^iNu saMpratipAdyate || 3\.33 ||
sarvaM chaitanyamAtratvAtsarvadoShassadAnahi |
sarvaM sanmAtrarUpatvAtsaccidAnandarUpakam || 3\.34 ||
brahmaiva sarvaM nAnyo.asmi tadahaM tadahaM tathA |
tadevAhaM tadevAhaM brahmaivAhaM sanAtanam || 3\.35 ||
brahmaivAhaM na saMsArI brahmaivAhaM na me manaH |
brahmaivAhaM na me siddhirbrahmaivAhaM na cendriyam || 3\.36 ||
brahmaivAhaM na deho.ahaM brahmaivAhaM na gocharaH |
brahmaivAhaM na jIvo.ahaM brahmaivAhaM na bheda bhUH || 3\.37 ||
brahmaivAhaM jaDo nAhamahaM brahma na me mR^itiH |
brahmaivAhaM na cha prANo brahmaivAhaM parAtparam || 3\.38 ||
idaM brahma paraM brahma satyaM brahma prabhurhi saH |
kAlo brahma kalA brahma sukhaM brahma svayaMprabham || 3\.39 ||
ekaM brahma dvayaM brahma moho brahma shamAdikam |
doSho brahma guNo brahma dishashshAntarvibhuH prabhuH || 3\.40 ||
lokA brahma gururbrahma shiShyo brahma sadAshivaH |
pUrvaM brahma paraM brahma shuddhaM brahma shubhAshubham || 3\.41 ||
jIva eva sadA brahma saccidAnandamasmyaham |
sarvaM brahmamayaM proktaM sarvaM brahmamayaM jagat || 3\.42 ||
svayaM brahma na sandehaH svasmAdanyanna ki~nchana |
sarvamAtmaiva shuddhAtmA sarvaM cinmAtramavyayam || 3\.43 ||
nityanirmalarUpAtmA hyAtmanonyanna ki~nchana |
aNumAtralasadrUpamaNumAtramidaM jagat || 3\.44 ||
aNumAtraM sharIraM vA hyaNumAtramasatyakam |
aNumAtraM manashcittamaNumatrApyaha~NkR^itiH || 3\.45 ||
aNumAtrA cha buddhishcha hyaNumAtro.api jIvakam |
aNumAtramidaM cittaM sarvamapyaNumAtrakam || 3\.46 ||
brahmaiva sarvaM cinmAtraM brahmamAtraM jagattrayam |
AnandaM paramAnandamanyatki~ncinnaki~nchana || 3\.47 ||
chaitanyamAtramo~NkAraM brahmaiva bhavati svayam |
ahameva jagatsarvamahameva paraMpadam || 3\.48 ||
ahameva guNAtItosmyahameva parAtparaH |
ahameva paraMbrahma hyahameva gurorguruH || 3\.49 ||
ahamevAkhilAdhArosmyahameva sukhAtsukham |
AtmanonyajjagannAsti hyAtmanonyatsukhaM na cha || 3\.50 ||
AtmanonyA gatirnAsti sarvamAtmamayaM jagat |
Atmanonyannahi kvApi AtamanonyattR^iNaM na hi || 3\.51 ||
AtmanonyattuShaM nAsti sarvamAtmamayaM jagat |
brahmamAtramidaM sarvaM brahmamAtramasanna hi || 3\.52 ||
brahmamAtramidaM sarvaM svayaM brahmaiva kevalam |
brahmamAtraM vrataM sarvaM brahmamAtraM rasaM sukham || 3\.53 ||
brahmamAtraM cidAkAshaM saccidAnandamadvayaMm |
brahmaNonyataraM nAsti brahmaNonyanna ki~nchana || 3\.54 ||
brahmaNonyadahaM nAsti brahmaNonyatphalaM nahi |
brahmaNonyatpadaM nAsti brahmaNonyatpadaM nahi || 3\.55 ||
brahmaNonyadgururnAsti brahmaNonyadasadvapuH |
brahmaNonyannachahantA tvattedaM tena hi kvacit || 3\.56 ||
svayaM brahmAtmakaM viddhi svasmAdanyannaki~nchana |
yatki~nciddR^ishyate loke yatki~ncidbhAShyate janaiH || 3\.57 ||
yatki~ncitkriyate nityaM yatki~ncidgamyate janaiH |
yatki~ncidbhujyate kvApi tatsarvamasadeva hi || 3\.58 ||
kartR^ibhedaM kriyAbhedaM guNabhedaM rasAdikam |
li~NgabhedamidaM sarvamasadeva sadA sukham || 3\.59 ||
kAlabhedaM deshabhedaM vastubhedaM jayAjayam |
yadyadbhedaM cha tatsarvamasadevahi kevalam || 3\.60 ||
asadantaHkaraNamasadevendriyAdikam |
asatprANAdikaM sarvaM sa~NghAtamasadAtmakam || 3\.61 ||
asatyaM pa~nchakoshAkhyamasatyAH pa~nchadevatAH |
asatyaM ShaDvikArAdi hyasatyamarivargakam ||3\.62 ||
asatyaShShadR^itushchaiva hyasatyaShShaDrasassadA |
saptarShayopyasatyAstepyasatyAssaptasAgarAH || 3\.63 ||
saccidAnandamAtrohamanutpannamidaM jagat |
AtmaivAhaM paraMsatyo nAnyAssaMsAradR^iShTayaH || 3\.64 ||
satyamAnandarUpohaM cidghanAnandavigrahaH |
ahameva parAnando.asmyahameva parAtparaH || 3\.65 ||
j~nAnAkAramidaM sarvaM j~nAnAnandohamadvayaH |
j~nAnaprakAsharUpohaM j~nAnAnandaikavigrahaH || 3\.66 ||
yena j~nAtamidaM j~nAnamaj~nAnadhvAntanAshakaH |
j~nAnenAj~nAnanAshena sa hi j~nAnI samIryate ||3\.67 ||
j~nAnaM yathA dvidhA proktaM svarUpaM vR^ittirityapi |
aj~nAnaM cha tathA viddhi mUlaM cha pratibandhkam || 3\.68 ||
yathA j~nAnaM vinA loke ki~ncideva na siddhyati |
tathA j~nAnaM vinA loke kvacinmuktirna siddhyati || 3\.69 ||
j~nAnadvayaM tathA.aj~nAnadvayamapyatravarShmaNi |
sarvadA bhAnti jIvAnaM j~nAnAj~nAnoktidarshanAt || 3\.70 ||
j~nAnasya kva tirobhAvo j~nAnasyAvirbhavastathA |
dR^iShTassarvatra lokesmin durlabhohi viparyayaH || 3\.71 ||
j~nAnaM sarvAntaraM bhAti kUTasthAtmasvarUpakam |
praj~nAmAtramidaM sUkShmaM ko.api jAnAti puNyakR^it || 3\.72 ||
praj~nAyAM kalpitAM praj~nAM praj~nayaiva vihAya yaH |
praj~nAmAtreNa santiShTet sa praj~nAvAnitIryate || 3\.73 ||
bahiH praj~nAM sadotsR^ijyApyantaH praj~nAM cha yo budhaH |
kayApi praj~nayopetaH praj~nAvAniti kathyate || 3\.74 ||
praj~naiva yasya netraM syat praj~naiva shrotramindriyam |
anyachcha sarvaM praj~naiva sa prAj~naH puruShottamaH || 3\.75 ||
praj~nayA jAyate sarvaM praj~nayA pAlyate.akhilam |
praj~nayA kShIyate sarvaM tasmAtpraj~nAM samAshraya || 3\.76 ||
praj~nAhInamasatsarvaM praj~nAhInaM jaDaM khalu |
praj~nAhInaM sadA duHkhaM tasmAtpraj~nAM samAshraya || 3\.77 ||
na vinA praj~nayA puNyaM na lokaH praj~nayA vinA |
vinA na praj~nayA.abhIShTaM tasmAtpraj~nAM samAshraya || 3\.78 ||
susUkShmayA dhiyA praj~nAmimAM tAM j~naptisa~nj~nikAm |
j~nAtvA bhavabhavAnmukto nirguNabrahmarUpiNIm || 3\.79 ||
jAgradAdyAsvavasthAsu yA j~naptistrisR^iShu svayam |
AbhAsatopyanusyUtA j~naptissA nirmalA svataH || 3\.80 ||
j~naptissA sAkShiNI nityA turyA sarvashrutIritA |
viShayaj~naptisantyAgAt j~nAyate vibudhaissvataH || 3\.81 ||
j~naptireva paraMbrahma j~naptireva paraM padam |
j~naptireva paro mokSho j~naptireva paraM sukham || 3\.82 ||
j~naptireva parAchAryo j~naptireva parAmR^itam |
j~naptireva parAtR^iptirj~naptireva parAgatiH || 3\.83 ||
tasmAtj~naptiM samAshritya vij~naptidhiShaNAM tyaja |
aj~napterduHkhahetutvAtsukhArthIj~naptimAshraya || 3\.84 ||
aj~napti voShayo jIvaH kUTastho j~napti gocharaH |
heyopAdeyatA siddhA dharmadharmitvatastayoH || 3\.85 ||
ahaMpratyayashabdAbhyAM vij~neyo jIvasa~nj~nakaH |
asmatpratyayashabdAbhyAM j~neyo kUTasthasa~nj~nakaH || 3\.86 ||
yadahaM pratyayI jIvastadyuShmatpratyayI cha saH |
tvamahaM shabdayoraikyAttatsAkShI pratyagAhvayaH || 3\.87 ||
asmatpratyayinaM sAkShichaitanyAtmakamadvayam |
kUTasthaM pratyagAtmAnaM sAkShAdviShayiNaM param || 3\.88 ||
jahi j~nAtvA tadanyaM tvamahaMpratyayinaM bahiH |
sAkShyaM jIvaM cidAbhAsaM  parA~nchaM viShayaM svataH || 3\.89 ||
dR^igdR^ishyabhUtayoratra jIvAtmapratyagAtmanoH |
vivekena paraM saukhyaM nidAgha vraja santatam || 3\.90 ||
|| iti  shrI guruj~nAnavAsiShThe tattvanArAyaNe
j~nAnakANDasya prathamapAde pa~nchamo.adhyAyaH evaM
shrI R^ibhugItA tR^itIyo.adhyAyaH samAptaH ||
\hrule
\centerline{chaturtho.adhyAyaH |}
punarj~nAnaM pravakshyAmi jAgradAdi vilakshaNam |
turIyabrahmarUpaM tadyadj~nAtvA mokshyase.ashubhAt || 4\.01 ||
UrNanAbhiryathAtantUn sR^ijate saMharatyapi |
jAgratsvapne tathA jIvo gacChatyAgacChate punaH || 4\.02 ||
netre jAgaritaM vidyAtkaNThe svapnaM samAvishet |
suShuptaM hR^idayasthaM tu turIyaM mUrdhni saMsthitam || 4\.03 ||
yato vaco nivartante aprApya manasA saha |
AnandametajjIvasya yajj~nAtvA mucyate budhaH || 4\.04 ||
sarvavyApinamAtmAnaM kShIresarpirivArpitam |
AtmavidyA tapomUlaM tad brahmopaniShatpadaM || 4\.05 ||
     shrI gurumUrtiH |
R^ibhuNoktamidaM shrutvA nidAghassaMshayAkulaH |
papracCha sadguruM shAntaM sAvadhAnena cetasA || 4\.06 ||
     nidAghaH |
bhagavan bhavatA pUrvaM yatovAcha iti shruteH |
Anando brahmaNaH prokto jIvasyatvadhunochyate || 4\.07 ||
AnandamayasaMj~nasya jIvasyoktashcha yadyapi |
shrutau tathApi heyatvAnnatadIyo bhaveddhi saH || 4\.08 ||
nAvA~NmanasagamyatvaM jIvasya khalu yujyate |
nAnandasya cha vedyatvavachanAd brahmaNohi tat || 4\.09 ||
evaM pR^iShTo munishreShTo nidAghena mahAtmanA |
R^ibhuH provAcha sarvaj~no brahman sasmitamAdarAt || 4\.10 ||
brahmoktaM jIvashabdena hyavA~Nmanasagocharam |
mokShAtItadashAyAM yajjIvastad brahmatAM vrajet || 4\.11 ||
pUrvottaravirodho vA madvAkyeShu na tadbhavet |
shrutyarthasyoparodho vA samyagAlocya nishcinu || 4\.12 ||
upasaMkramitavyo yadAnandamaya ucyate |
vedyatvaM tasyachasiddhaM pucChasyAviShayatvataH || 4\.13 ||
tasmAtsvayaM sadApUrNaH pa~nchamasya vikAriNaH |
AtmasthAnIya Ananda iha vedya iti sthitiH || 4\.14 ||
bhR^igave varuNenaivaM taittirIyAbhidashrutau |
pa~nchamasya vikAritvaM na proktamiticecChR^iNu || 4\.15 ||
mayaTprayogAbhAvena hetunA nirvikAratA |
na sha~NkyA pUrvaparyAyeShvannAdiShvapyadarshanAt || 4\.16 ||
ataShShaShTaM paraMbrahma pa~nchamenopalakShitam |
nirguNaM bhR^igave pitrA proktamityavadhAraya || 4\.17 ||
prAcuryArthakatAyAM tu  mayaTo nirvikAriNaH |
saccidAnandarUpasya brahmaNo vedyatA bhavet || 4\.18 ||
shArIratvAbhidAnena pUrvAnandamayasya tu |
vikAritvaM punasspaShTamupasaMkramaNena cha || 4\.19 ||
nAnukarShashcha pucChasya pUrvapUrvasya dR^ishyate |
uttarottarakoshe prAktattadAtmAnukarShaNAt || 4\.20 ||
upasaMkramaNaM coktaM mayaDantasya kevalam |
Anandasya tatonyasya na parAtmatayA khalu || 4\.21 ||
brahmavitparamApnotItyAdau dvaividhyamIritam |
yattatsarUpArUpAbhyAM brahmaNonte cha nishcinu || 4\.22 ||
AtmasthAnIyacidrUpAnandabrahmavidomune |
prArabdhAnte pucChabhUtA.arUpabrahmAptiriShyate || 4\.23 ||
pratiShThAshabdagamyatvAtsarvasheShitvatopi cha |
shAstrasyArUpavad brahmaprAdhAnyaM yadyapi sthitam || 4\.24 ||
tathApivedyatA.abhAvAdarUpasya mumukShubhiH |
AnandarUpavad brahmaprAdhAnyaM mukhyamiShyate || 4\.25 ||
modapramodayoshchaivaM sati vedyatvamApatet |
iticennaiSha doShosti tayorbrahmAMshatA yataH || 4\.26 ||
brahmaNassvagate bhede nityasiddhe mumukShuvaH |
upekShituM samarthAssyurnidAgha kathamatra te || 4\.27 ||
sthUlArthadarshino ye vai shuShkAdvaitasamAshrayAH |
teShAM sAvayavatvAdi doShassphuratu cetasi || 4\.28 ||
na tAvatA tripAcChrutyAdyanurodhena nishcitam |
svabhedaM viduShAM ki~ncicChidyate muktajanmanAm || 4\.29 ||
sUkShmabuddhyA vichare hi svAtmabhedaH prakAshate |
atyantAbhedavArtAyAM pucChagAyAM phalaM kimu || 4\.30 ||
ete koshA hi pa~nchaiva tisro.avasthAssamIritAH |
jAgradAdyAH krameNaitadbhedaM cha shR^iNu sAdaram || 4\.31 ||
AdyA jAgaritA.avasthA dvitIyA svapnasaMj~nikA |
tR^itIyA suptirUpAnyA turIyA citsukhAtmikA || 4\.32 ||
AdyAbhimAnI vishvAkhyo dvitIyastaijasassmR^itaH |
tR^itIyaH prAj~na etebhyo kUTastha itaraH prabhuH || 4\.33 ||
bahiHpraj~no vibhurvishvo hyantaHpraj~nastu taijasaH |
ghanapraj~nastathA prAj~na eka eva trithA sthitaH || 4\.34 ||
dakShiNAkShimukhe vishvo manasyatantastu taijasaH |
AkAshe cha hR^idi prAj~nastrithA dehe vyavasthitaH || 4\.35 ||
vishvo hi sthUlabhu~NnityaM taijasaH praviviktabhuk |
AnandabhuktathA prAj~nastrithA bhogaM nibodha cha || 4\.36 ||
sthUlaM tarpayate vishvaM praviviktaM tu taijasam |
Anandashcha tathA prAj~naM trithA tR^iptiM nibodha cha || 4\.37 ||
triShu dhAmasu yadbhojyaM bhoktA yashcha prakIrtitaH |
vedaitadubhayaM yastu sa bhu~njAno na lipyate || 4\.38 ||
prabhavassarvabhAvAnAM satAmiti vinishchayaH |
sarvaM janayati prANashcetoMshUnpuruShaH pR^ithak || 4\.39 ||
vibhUtiM prasavantvanye manyante sR^iShTicintakAH |
svapnamAyAsvarUpeti sR^iShTiranyairvikalpitA || 4\.40 ||
icChAmAtraM prabhossR^iShTiriti sR^iShTau vinishcitAH |
kAlAtprasUtiM bhUtAnAM manyante kAlacintakAH || 4\.41 ||
bhogArthaM sR^iShTirityanye krIDArthamitichapare |
devasyaiSha svabhAvoyamAptakAmasya kA spR^ihA || 4\.42 ||
AptakAmasya devasya turyasyoktasya suvrata |
svarUpaM procyate samya~NnidAgha shR^iNu tattvataH || 4\.43 ||
nAntaHpraj~naM bahiHpraj~naM na praj~naM nobhayAtmakaM |
na praj~nAnaghanaM praj~naM  nApraj~naM na cha kevalam || 4\.44 ||
idaMtve natadgrAhyamadR^ishyaM chapyalakShaNam |
acintyAvyavahAryaM chavyapadeshaM pR^ithaktayA || 4\.45 ||
ekAtmapratyayaM sAraM prapa~ncopashamaM shivaM |
shAntaM chaturthamadvaitaM manyante brahmavAdinaH || 4\.46 ||
sa AtmA sa hi vij~neyaH sarvairapi mumukShubhiH |
turyAtmaj~nAnahInAnAM na muktisyAdkadAchana || 4\.47 ||
nivR^ittessarvaduHkhAnAmIshAnaH prabhuravyayaH |
advaitassarvabhAvAnAM devasturyo vibhussmR^itaH || 4\.48 ||
kAryakAraNabaddhau tAviShyete vishvataijasau |
prAj~naH kAraNabaddhastu dvau tau turye na siddhyataH || 4\.49 ||
nAtmAnaM na paraM chaiva na satyaM nApichanR^itaM |
prAj~naH kiMcha na saMvetti  turyaM tatsarvadR^iksadA || 4\.50 ||
dvaitasyAgrahaNaM tulyamubhayoH prAj~naturyayoH |
bIjanidrAyutaH prAj~nassA cha turye na vidyate || 4\.51 ||
svapnanidrAyutAvAdyau prAj~nastvasvapnanidrayA |
na nidrAM naiva cha svapnaM turye pashyanti nishcitAH || 4\.52 ||
anyathAgR^ihNatassvapno nidrA tattvamajAnataH |
viparyAse tayoH kShINe turIyaM padamashnute || 4\.53 ||
anAdimAyayA supto yadA jIvaH prabudhyate |
ajamadvaitamasvapnamanidraM budhyate tadA || 4\.54 ||
prapa~nco yadi vidyeta nivarteta na saMshayaH |
mAyAmAtramidaM dvaitamadvaitaM paramArthataH || 4\.55 ||
vikalpo vinivarteta kalpito yadi kenacit |
upadeshAdayaM vAdo j~nAte dvaitaM na vidyate || 4\.56 ||
     nidAghaH |
bhagavan kathamadvaitaM brahmadvaividhyavAdinaH |
bhavatobhimataM tatra saMshayo me bhavatyalam || 4\.57 ||
     R^ibhuH |
dvaitaprapa~nchashUnyesmin nirguNe pUrNachidghane |
brahmaNyadvaitasaMsiddhiryato nAnyatra sarvadhA || 4\.58 ||
atassarUpArUpAbhyAM brahmadvaividhyavAdinaH |
mamaivAdvaitavAditvannArUpAdvaitavAdinaH || 4\.59 ||
dvaitAdvaitobhayAtIte vyvahArAdyagochare |
nIrUpe brahmaNi prAj~nA.advaitavAdaH kathaM bhavet || 4\.60 ||
dvaitAcidrUpakAryasyAdvaitacidrUpakAraNAt |
nivR^ittisyAdyathAdIpAttamaso natvarUpataH || 4\.61 ||
ato nAdvaitasiddhisyAtkatha~ncidapi sattama |
arUpAgocharabrahmavAdinAM tAdR^ishe mate || 4\.62 ||
cidrUpabrahmatAdAtmyaM jIvasya hi vivakShitam |
nArUpavAkyadUratvAttannAdvaitamarUpiNAm || 4\.63 ||
yadyapyarUpabrahmatvaM jIvasyAnte prasiddhyati |
tathApyadvaititAM vaktuM na shakyaM dvandvahAnitaH || 4\.64 ||
vAcyavAchakahIne cha lakShyalakShaNavarjite |
kathamadvaitashabdoyaM sAvakAsho bhavenmune || 4\.65 ||
     nidAghaH |
devatApuruShAdyairhi vedashabdaissamIryate |
tasyaupaniShadatvasyAvyabhicharostyarUpiNaH || 4\.66 ||
tatosya shabdagamyatvAt praShTavyatvaM mayA bhavet |
vAcyatvaM cha tvayetyadya manye shrIgurunAyaka || 4\.67 ||
     R^ibhuH |
arUpabrahmaviShayAshshbdAssantyeva yadyapi |
tenaupaniShadatvaM cha katha~ncittasya siddhyati || 4\.68 ||
tathApi prashnayogyatvaM vAcyatvaM vA na siddhyati |
rUDhyarthamAtravattvenAlakShakatvAdayogataH || 4\.69 ||
yogArthavadbhishshabdairhi lakShakairvAchakaishcha vA |
shiShyebhyaH procyate satyaMvastu shrIgurumUrtibhiH || 4\.70 ||
arUpavastunaH prashnaH pratiShiddhashshrutau yataH |
yAj~navalkyena gArgyai tannatvaM praShTumihArhasi || 4\.71 ||
tasmAt turIyaM sad brahma yogavR^ittyaiva lakShaNaiH |
saccidAnandapUrvaistvaM maduktaM viddhi muktaye || 4\.72 ||
jAgratyannamayaM koshaM sthUladehaM cha viddhi vai |
svapne praNamanoj~nAnamayAssUkShmavapustataH || 4\.73 ||
suShuptau kAraNaM dehamAnandamayakoshakam |
turIye tvasharIraM taccidrUpaM koshavarjitam || 4\.74 ||
sa eva mAyAparimohitAtmA sharIramAsthAya karoti sarvam |
stryannapAnAdi vicitrabhogaissa eva jAgratparitR^iptimeti || 4\.75 ||
svapne.api jIvassukhaduHkhabhoktA svamAyayA kalpitavishvaloke |
suShuptikAle sakale vilIne tamobhibhUtassukharUpameti || 4\.76 ||
punashcha janmAntarakarmayogAtsa eva jIvassvapitiprabuddhaH |
puratraye krIDati yastu jIvastatastu jAtaM sakalaM vicitram || 4\.77 ||
AdhAramAnandamakhaNDabodhaM yasmin layaM yAti puratrayaM cha |
yatsarvavedAntarahasyatattvaM yatpUrNachaitanyanijasvarUpaM || 4\.78 ||
etasmAjjAyate prANo manassarvendriyANi cha |
khaM vAyurjyotirApaH pR^ithvI sarvasya dhAriNI || 4\.79 ||
yatparaMbrahma sarvAtmA vishvasyAyatanaM mahat |
sUkShmAtsUkShmataraM nityaM tattvameva tvameva tat || 4\.80 ||
jAgratsvapnasuShuptyAdiprapa~nchaM yatprakAshate |
tad brahmAhamitij~nAtvA sarvabandhaiH pramucyate || 4\.81 ||
triShu dhAmasu yadbhojyaM bhoktA bhogashcha yadbhavet |
tebhyo vilakShaNassAkShi cinmAtrohaM sadAshivaH || 4\.82 ||
mayyeva sakalaM jAtaM mayi sarvaM pratiShThitam |
mayi sarvaM layaM yAti tad brahmAdvayamasmyaham || 4\.83 ||
aNoraNIyAnahameva tadvanmahAnahaM vishvamidaM vicitram |
purAtano.ahaM puruSho.ahamIsho hiraNmayo.ahaM shivarUpamasmi || 4\.84 ||
apANipAdo.ahamacintyashaktiH pashyAmyachakShussashruNomyakarNaH |
ahaM vijAnAmi viviktarUpo na chasti vettA mama citsadA.ahaM || 4\.85 ||
vedairanekairahameva vedyo vedAntakR^idvedavidevachaham |
na puNyapApe mama nAsti nAsho na janmadehendriyabuddhirasti || 4\.86 ||
na bhUmirApo mama vahnirasti na chanilome.asti na chambaraM cha |
evaM viditvA paramArtharUpaM guhAshayaM niShkaLamadvitIyam || 4\.87 ||
akhaNDamAdyantavihInamekaM tejomayAnandaghanasvarUpam |
samastasAkShiM sadasadvihInaM prayAti shuddhaM paramArthatattvam || 4\.88 ||
     shrI gurumUrtiH |
evaM shrutvA nidAghassa R^ibhuvaktrAdyadArthataH |
brahmaivAhamiti j~nAtvA kR^itakR^ityo.abhavadvidhe || 4\.89 ||
yatastvaM cha parAtmAnaM shrutavAnasi manmukhAt |
tvaM cha dhanyaH punaH pR^icCha shrotavyAntaramasticet || 4\.90 ||
|| iti  shrI guruj~nAnavAsiShThe tattvanArAyaNe
j~nAnakANDasya prathamapAde ShaShTho.adhyAyaH evaM
shrI R^ibhugItAkhyo.ayaM granthassamAptaH ||
\centerline{\LARGEdvng || OM tatsat ||}
##
Encoded and proofread by
D.V.N.Sarma hyd1 underscore narayana at sancharnet.in
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}