%@@1 % File name : pandavagita.itx %-------------------------------------------- % Text title : Pandava Gita % Author : Anonymous % Language : Sanskrit % Subject : Hindu, religion % Description.comments : Anthology of hymns from Mahabharata, Bhagavata & Vishnu Purana-s % % % Transliterated by : Sunder Hattangadi % Proofread by : Sunder Hattangadi % Latest update : 5/18/2006 % Send corrections to : sanskrit@cheerful.com % % Special Instructions : i2big.hdr,ijag.inc,itrans.sty,multicol.sty,article.sty % Transliteration scheme: ITRANS 5.1 % Site access : http://sanskrit.gde.to %----------------------------------------------------- % The text is to be used for personal studies and research only. % Any use for commercial purpose is prohibited as a 'gentleman's' agreement. %@@1 % % Please ignore the following commands upto #indian and others with \ mark, % which are needed for devanaagarii output and formatting. %-------------------------------------------------------- \documentstyle[11pt,multicol,itrans]{article} %\documentclass[11pt]{article} %\usepackage{multicol} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. pANDavagItA ..}## \itxtitle{.. pANDavagItA ..}## \endtitles ## ##Reference - Anthology compiled from Mahabharata, Bhagavata, and Vishnu Purana by an Anonymous writer. Publ.: V. Rajagopal Bhat - 1970; Publications Committee, Shri Chitrapur Math, Shirali http://www.chitrapurmath.net/books.htm## prahlAdanAradaparAsharapuNDarIka\- vyAsAmbarIShashukashaunakabhIShmakAvyAH | rukmAN^gadArjunavasiShThavibhIShaNAdyA etAnahaM paramabhAgavatAn.h namAmi || 1|| lomaharShaNa uvAcha | dharmo vivardhati yudhiShThirakIrtanena pApaM praNashyati vR^ikodarakIrtanena | shatrurvinashyati dhana~njayakIrtanena mAdrIsutau kathayatA.n na bhavanti rogAH || 2|| brahmovAcha|| ye mAnavA vigatarAgaparA.aparaGYA nArAyaNa.n suraguru.n satata.n smaranti | dhyAnena tena hatakilbiSha chetanAste mAtuH payodhararasa.n na punaH pibanti || 3|| indra uvAcha|| nArAyaNo nAma naro narANAM prasiddhachauraH kathitaH pR^ithivyAm.h|| anekajanmArjitapAsa~nchayaM haratyasheShaM smR^itamAtra eva yaH || 4|| yudhiShThira uvAcha|| meghashyAmaM pItakausheyavAsa.n shrIvatsAN^ka.n kaustubhodbhAsitAN^gam.h | puNyopetaM puNDarIkAyatAxa.n viShNu.n vande sarvalokaikanAtham.h || 5|| bhIma uvAcha|| jalaughamagnA sacharA.acharA dharA viShANakoTyA.akhilavishvamUrtinA|| samuddhR^itA yena varAharUpiNA sa me svayambhUrbhagavAn.h prasIdaru || 6|| arjuna uvAcha|| achintyamavyaktamanantamavyayaM vibhuM prabhuM bhAvitavishvabhAvanam.h|| trailokyavistAravichArakArakaM hariM prapanno.asmi gatiM mahAtmanAm.h || 7|| nakula uvAcha|| yadi gamanamadhastAt.h kAlapAshAnubandhAd.h yadi cha kulavihIne jAyate pakShikITe|| kR^imishatamapi gatvA dhyAyate chAntarAtmA mama bhavatu hR^idisthA keshave bhaktirekA || 8|| sahadeva uvAcha|| tasya yaj~navarAhasya viShNoratulatejasaH|| praNAmaM ye prakurvanti teShAmapi namo namaH || 9|| kuntI uvAcha|| svakarmaphalanirdiShTA.n yA.n yA.n yoni.n vrajAmyaham.h | tasyA.n tasyA.n hR^iShIkesha tvayi bhaktirdR^iDhA.astu me || 10|| mAdrI uvAcha|| kR^iShNe ratAH kR^iShNamanusmaranti rAtrau cha kR^iShNaM punarutthitA ye | te bhinnadehAH pravishanti kR^iShNe haviryathA mantrahutaM hutAshe || 11|| draupadI uvAcha|| kITeShu paxiShu mR^igeShu sarIsR^ipeShu raxaHpishAchamanujeShvapi yatra yatra | jAtasya me bhavatu keshava tvatprasAdAt.h tvayyeva bhaktirachalA.avyabhichAriNI cha || 12|| subhadrA uvAcha|| eko.api kR^iShNasya kR^itaH praNAmo dashAshvamedhAvabhR^ithena tulyaH | dashAshvamedhI punareti janma kR^iShNapraNAmI na punarbhavAya || 13|| abhimanyuruvAcha|| govinda govinda hare murAre govinda govinda mukunda kR^iShNa govinda govinda rathAN^gapANe | govinda govinda namAmi nityam.h || 14|| dhR^iShTadyumna uvAcha|| shrIrAma nArAyaNa vAsudeva govinda vaikuNTha mukunda kR^iShNa|| shrIkeshavAnanta nR^isiMha viShNo mAM trAhi saMsArabhuja~NgadaShTam.h || 15|| sAtyakiruvAcha|| aprameya hare viShNo kR^iShNa dAmodarA.achyuta|| govindAnanta sarvesha vAsudeva namo.astu te || 16|| uddhava uvAcha|| vAsudevaM parityajya yo.anya.n devamupAsate | tR^iShito jAhnavItIre kUpa.n khanati durmatiH || 17|| dhaumya uvAcha|| apAM samIpe shayanAsanasthite divA cha rAtrau cha yathAdhigachChatA|| yadyasti ki~nchit.h sukR^itaM kR^itaM mayA janArdanastena kR^itena tuShyatu || 18|| sa~njaya uvAcha|| ArtA viShaNNAH shithilAshcha bhItA ghoreShu vyAghrAdiShu vartamAnAH|| saMkIrtya nArAyaNashabdamAtraM vimuktaduHkhAH sukhino bhavanti || 19|| akrUra uvAcha|| ahaM tu nArAyaNadAsadAsa\- dAsasya dAsasya cha dAsadAsaH|| anyo na hIsho jagato narANAM tasmAdahaM dhanyataro.asmi loke || 20|| virATa uvAcha|| vAsudevasya ye bhaktAH shAntAstadgatachetasaH|| teShA.n dAsasya dAso.ahaM bhaveyaM janmajanmani || 21|| bhIShma uvAcha|| viparIteShu kAleShu parixINeShu bandhuShu | trAhi mA.n kR^ipayA kR^iShNa sharaNAgatavatsala || 22|| droNa uvAcha|| ye ye hatAshchakradhareNa daityA.n\- strailokyanAthena janArdanena | te te gatA viShNupurIM prayAtAH krodho.api devasya vareNa tulyaH || 23|| kR^ipAchArya uvAcha|| majjanmanaH phalamidaM madhukaiTabhAre matprArthanIya madanugraha eSha eva|| tvadbhR^ityabhR^ityaparichArakabhR^ityabhR^itya\- bhR^ityasya bhR^itya iti mAM smara lokanAtha || 24|| ashvatthAma uvAcha|| govinda keshava janArdana vAsudeva vishvesha vishva madhusUdana vishvarUpa|| shrIpadmanAbha puruShottama dehi dAsyaM nArAyaNAchyuta nR^isiMha namo namaste || 25|| karNa uvAcha|| nAnyaM vadAmi na shR^iNomi na chintayAmi nAnyaM smarAmi na bhajAmi na chAshrayAmi|| bhaktyA tvadIyacharaNAmbujamAdareNa shrIshrInivAsa puruShottama dehi dAsyam.h || 26|| dhR^itarAShTra uvAcha|| namo namaH kAraNavAmanAya nArAyaNAyAmitavikramAya|| shrIshAr~NgachakrAsigadAdharAya namo.astu tasmai puruShottamAya || 27|| gAndhArI uvAcha|| tvameva mAtA cha pitA tvameva tvameva bandhushcha sakhA tvameva | tvameva vidyA draviNa.n tvameva tvameva sarvaM mama deva deva || 28|| drupada uvAcha|| yaj~neshAchyuta govinda mAdhavAnanta keshava|| kR^iShNa viShNo hR^iShIkesha vAsudeva namo.astu te || 29|| jayadratha uvAcha|| namaH kR^iShNAya devAya brahmaNe.anantashaktaye|| yogeshvarAya yogAya tvAmahaM sharaNaM gataH || 30|| vikarNa uvAcha|| kR^iShNAya vAsudevAya devakInandanAya cha|| nandagopakumArAya govindAya namo namaH || 31|| virATa uvAcha|| namo brahmaNyadevAya gobrAhmaNahitAya cha|| jagaddhitAya kR^iShNAya govindAya namo namaH || 32|| shalya uvAcha|| atasIpuShpasa~NkAshaM pItavAsasamachyutam.h|| ye namasyanti govindaM teShAM na vidyate bhayam.h || 33|| balabhadra uvAcha|| kR^iShNa kR^iShNa kR^ipAlo tvamagatInAM gatirbhava|| saMsArArNavamagnAnAM prasIda puruShottama || 34|| shrIkR^iShNa uvAcha|| kR^iShNa kR^iShNeti kR^iShNeti yo mAM smarati nityashaH|| jalaM bhitvA yathA padmaM narakAduddharAmyaham.h || 35|| shrIkR^iShNa uvAcha|| nityaM vadAmi manujAH svayamUrdhvabAhu\- ryo mAM mukunda narasiMha janArdaneti|| jIvo japatyanudinaM maraNe raNe vA pAShANakAShThasadR^ishAya dadAmyabhIShTam.h || 36|| Ishvara uvAcha|| sakR^innArAyaNetyuktvA pumAn.h kalpashatatrayam.h|| ga~NgAdisarvatIrtheShu snAto bhavati putraka || 37|| sUta uvAcha|| tatraiva ga~NgA yamunA cha tatra godAvarI sindhu sarasvatI cha|| sarvANi tIrthAni vasanti tatra yatrAchyutodAra kathAprasa~NgaH || 38|| yama uvAcha|| narake pachyamAnaM tu yamenaM paribhAShitam.h|| kiM tvayA nArchito devaH keshvaH kleshanAshanaH || 35|| nArada uvAcha|| janmAntarasahasreNa tapodhyAnasamAdhinA|| narANAM kShINapApAnAM kR^iShNe bhaktiH prajAyate || 40|| prahlAda uvAcha|| nAtha yonisahasreShu yeShu yeShu vrajAmyaham.h | teShu teShvachalA bhaktirachyutA.astu sadA tvayi || 41|| yA prItiravivekanA.n viShayeShvanapAyini | tvAmanusmarataH sA me hR^idayAnmA.apasarpatu || 42|| vishvAmitra uvAcha|| kiM tasya dAnaiH kiM tIrthaiH kiM tapobhiH kimadhvaraiH|| yo nityaM dhyAyate devaM nArAyaNamananyadhIH || 43|| jamadagniruvAcha|| nityotsavo bhavetteShAM nityaM nityaM cha ma~Ngalam.h|| yeShAM hR^idistho bhagavAnma~NgalAyatanaM hariH || 44|| bharadvAja uvAcha|| lAbhasteShA.n jayasteShA.n kutasteShA.n parAjayaH | yeShAmindIshvarashyAmo hR^idayastho janArdanaH || 45|| gautama uvAcha|| gokoTidAnaM grahaNeShu kAshI\- prayAgaga~NgAyutakalpavAsaH | yaj~nAyutaM merusuvarNadAnaM govindanAmasmaraNena tulyam.h || 46|| agniruvAcha|| govindeti sadA snAnaM govindeti sadA japaH|| govindeti sadA dhyAnaM sadA govindakIrtanam.h || 47|| tryakSharaM paramaM brahma govinda tryakSharaM param.h|| tasmAduchchAritaM yena brahmabhUyAya kalpate || 48|| vedavyAsa uvAcha|| achyutaH kalpavR^ikSho.asAvanantaH kAmadhenu vai|| chintAmaNistu govindo harernAma vichintayet.h || 49|| indra uvAcha|| jayatu jayatu devo devakInandano.ayaM jayatu jayatu kR^iShNo vR^iShNiva.nshapradIpaH | jayatu jayatu meghashyAmalaH komalA~Ngo jayatu jayatu pR^ithvIbhAranAsho mukundaH || 50|| pippalAyana uvAcha|| shrImannR^isiMhavibhave garuDadhvajAya tApatrayopashamanAya bhavauShadhAya|| kR^iShNAya vR^ishchikajalAgnibhuja~Ngaroga\- kleshavyayAya haraye gurave namaste || 51|| Avirhotra uvAcha|| kR^iShNa tvadIyapadapaN^kajapa~njarAnte adyaiva me vishatu mAnasarAjaha.nsaH | prANaprayANasamaye kaphavAtapittaiH kaNThAvarodhanavidhau smaraNa.n kutaste || 52|| vidura uvAcha|| harernAmaiva nAmaiva nAmaiva mama jIvanam.h | kalau nAstyeva nAstyeva nAstyeva gatiranyathA || 53|| vasiShTha uvAcha|| kR^iShNeti maN^gala.n nAma yasya vAchi pravartate | bhasmIbhavanti tasyAshu mahApAtakakoTayaH || 54|| arundhatyuvAcha|| kR^iShNAya vAsudevAya haraye paramAtmane|| praNatakleshanAshAya govindAya namo namaH || 55|| kashyapa uvAcha|| kR^iShNAnusmaraNAdeva pApasaMghaTTapa~njaram.h|| shatadhA bhedamApnoti girirvajrahato yathA || 56|| duryodhana uvAcha|| jAnAmi dharma.n na cha me pravR^itti\- rjAnAmi pApaM na cha me nivR^ittiH | kenApi devena hR^idi sthitena yathA niyukto.asmi tathA karomi || 57|| yantrasya mama doSheNa kShamyatAM madhusUdana|| ahaM yantraM bhavAn.h yantrI mama doSho na dIyatAm.h || 58|| bhR^iguruvAcha|| nAmaiva tava govinda nAma tvattaH shatAdhikam.h|| dadAttyuchchAraNAnmuktiH bhavAnaShTA~NgayogataH || 59|| lomasha uvAcha|| namAmi nArAyaNa pAdapa~NkajaM karomi nArAyaNapUjanaM sadA|| vadAmi nArAyaNanAma nirmalaM smarAmi nArAyaNatattvamavyayam.h || 60|| shaunaka uvAcha|| smR^iteH sakalakalyANaM bhajanaM yasya jAyate|| puruShaM tamajaM nityaM vrajAmi sharaNaM harim.h || 61|| garga uvAcha|| nArAyaNeti mantro.asti vAgasti vashavartinI|| tathApi narake ghore patantItyadbhutaM mahat.h || 62|| dAlbhya uvAcha|| kiM tasya bahubhirmantrairbhaktiryasya janArdane|| namo nArAyaNAyeti mantraH sarvArthasAdhAke || 63|| vaishampAyana uvAcha|| yatra yogeshvaraH kR^iShNo yatra pArtho dhanurdharaH|| tatra shrIrvijayo bhUtirdhruvA nItirmatirmama || 64|| agniruvAcha|| harirharati pApAni duShTachittairapi smR^itaH|| anichChayApi saMspR^iShTo dahatyeva hi pAvakaH || 65|| parameshvara uvAcha|| sakR^iduchcharita.n yena harirityaxaradvayam.h | labdhaH parikarastena moxAya gamanaM prati || 66|| pulastya uvAcha|| he jihve rasasAraj~ne sarvadA madhurapriye|| nArAyaNAkhyapIyUShaM piba jihve nirantaram.h || 67|| vyAsa uvAcha|| satya.n satya.n punaH satyaM satyaM satyaM vadAmyaham.h|| nAsti vedAtpara.n shAstra.n na devaH keshavAtparaH || 68|| dhanvantariruvAcha|| achyutAnanta govinda nAmochchAraNabheShajAt.h | nashyanti sakalA rogAH satya.n satya.n vadAmyaham.h || 69|| mArkaNDeya uvAcha|| svargadaM mokShadaM devaM sukhadaM jagato gurum.h|| kathaM muhurtamapi taM vAsudevaM na chintayet.h || 70|| agastya uvAcha|| nimiShaM nimiShArdhaM vA prANinAM viShNuchintanam.h|| tatra tatra kurukShetraM prayAgo naimiShaM varam.h || 71|| vAmadeva uvAcha|| nimiShaM nimiShArdhaM vA prANinAM viShNuchintanam.h|| kalpakoTisahasrANi labhate vA~nchChitaM phalam.h || 72|| shuka uvAcha|| AloDya sarvashAstrANi vichArya cha punaH punaH | idameka.n suniShpanna.n dhyeyo nArAyaNaH sadA || 73|| shrImahAdeva uvAcha|| sharIre jarjarIbhUte vyAdhigraste kalevare|| auShadhaM jAhnavItoyaM vaidyo nArAyaNo hariH || 74|| shaunaka uvAcha|| bhojanAchChAdane chintA.n vR^ithA kurvanti vaiShNavAH | yo.asau vishvambharo devaH sa kiM bhaktAnupexate || 75|| sanatkumAra uvAcha|| yasya haste gadA chakraM garuDo yasya vAhanam.h|| sha~NkhachakragadApadmI sa me viShNuH prasIdatu || 76|| evaM brahmAdayo devA R^iShayashcha tapodhanAH|| kIrtayanti surashreShThamevaM nArAyaNaM vibhum.h || 77|| idaM pavitramAyuShyaM puNyaM pApapraNAshanam.h|| duHsvapnanAshanaM stotraM pANDavaiH parikIrtitam.h || 78|| yaH paThetprAtarutthAya shuchistadgatamAnasaH|| gavAM shatasahasrasya samyagdattasya yatphalam.h || 79|| tatphalaM samavApnoti yaH paThediti saMstavam.h|| sarvapApavinirmukto viShNulokaM sa gachChati || 80|| ga~NgA gItA cha gAyatrI govindo garuDadhvajaH|| gakAraiH pa~nchabhiryuktaH punarjanma na vidyate || 81|| gItAM yaH paThate nityaM shlokArdhaM shlokameva vA|| muchyate sarvapApebhyo viShNulokaM sa gachChati || 82|| AUM tatsat.h|| ## Encoded and proofread by Sunder Hattangadi sunderh at hotmail.com \medskip\hrule\obeylines \medskip {\rm Please send corrections to sanskrit@cheerful.com} {\rm Last updated \today} {\rm http://sanskritdocuments.org} \end{document}