%@@1
% File name             : gitaabhaashhya.itx
%--------------------------------------------
% Text title            : gItAbhAShya
% Author                : Traditional
% Language              : Sanskrit
% Subject               : philosophy/hinduism/religion
% Description/comments  : ????Source
% Transliterated by     : Kapila Shankaran utsaaha at accglobal.net
% Proofread by          : Kapila Shankaran utsaaha at accglobal.net
% Latest update         : August 23, 2000
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :
% http://sanskrit.gde.to/
% http://sanskritdocuments.org/
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto engtitle are
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Gita commentary by Adi Shankaracharya Chapters 2, 12..}##
\itxtitle{.. gItA shA.nkarabhAShya adhyAya 2 12 ..}##\endtitles ##
##
%filename=##''##Introduction.txt##''##
Encoded by Kapila Shankaran utsAha\ at accglobal.net
\medskip
\centerline{Introduction}
## shrImachChaN^karAchAryavirachitaM shrImadbhagavadgItAbhAShyam.h .
OM namo bhagavate vAsudevAya |
upaddhAtaH
nArAyaNaH paro.avyaktAt.h aNDamavyaktasambhavam.h .
aNDasyAntastvime lokAH saptadvIpA cha medinI ..

1\. sa bhagavAn.h sR^iShTvedaM jagat.h tasya cha sthiti chikIrShuH
marIchyAdIn.h agre sR^iShTvA prajApatIn.h pravR^ittilaxaNaM dharmaM
grAhayAmAsa vedoktam.h . tataH anyAn.h cha sanakasanandanAdIn.h
utpAdya nivR^ittilaxaNaM dharmaM GYAnavairAgyalaxaNaM grAhayAmAsa .
dvividho hi vedokto dharmaH \- pravR^ittilaxaNaH nivR^ittilaxaNashcha
jagataH sthitikAraNam.h . prANinAM sAxAt.h abhyudayaniHshreyasahetuH
yH sa dharmaH brAhmaNAdyaiH varNibhiH AshramibhiH shreyorthibhiH
anuShThIyamAnaH . dIrgheNa kAlena anuShThAtR^INAM kAmodbhavAt.h
hIyamAnavivekaviGYAnahetukena adharmeNa abhibhUyamAne dharme
pravadharmAne cha adharme jagataH sthiti paripipAlayiShuH saH AdikartA
nArAyaNAkhyaH viShNuH bhaumasya brahmaNaH brAhmaNatvasya raxaNArtha
devakyAM vasudevAt.h a.nshena kR^iShNaH kila sambabhUva .
brAhmaNatvasya hi raxaNe raxitaH syAt.h vaidiko dharmaH tadadhInatvAt.h
varNAshramabhedAnAm.h ..

2\. sa cha bhagavAn.h GYAnaishvaryashaktibalavIryatejobhiH sadA sampannaH
triguNAtmikAM vaiShNavIM svAM mAyAM mUlaprakR^itiM vashIkR^itya ajaH
avyayaH bhUtAnAM IshvaraH nityashuddhabuddhamuktasvabhAvo.api san.h
svamAyayA dehavAn.h iva jAtaH iva cha lokAnugrahaM kurvan.h laxyate .
svaprayojanAbhAve.api bhUtAnujighR^ixayA vaidikaM dharmadvyaM arjunAya
shokamohamahodadhau nimagnAya upadidesha guNAdhikaiH hi gR^ihItaH
anuShThIyamAnashcha dharmaH prachayaM gamiShyatIti . taM dharmaM
bhagavatA yathopadiShTaM vedavyAsaH sarvaGYaH bhagavAn.h gItAkyaiH
saptabhiH shlokashataiH upanibabandha ..

3\. tat.h idam.h gItAshAstraM samastavedArthasArasaN^grahabhUtaM
durviGYeyArthaM tadarthAviShkaraNAya anekaiH
vivR^itapadapadArthavAkyArthanyAyam.h api atyantaviruddhAnekArthatvena
lokikaiH gR^ihyamANaM upalabhya ahaM vivekataH arthanirdhAraNArthaM
sa.nxepataH vivaraNaM kariShyAmi ..

4\. tasya asya gItAshAstrasya sa.nxepataH prayojanaM paraM niHshreyasaM
sahetukasya sa.nsArasya atyantoparamalaxaNam.h . tachcha
sarvakarmasa.nyAsapUrvakAt.h AtmaGYAnaniShThArUpAt.h dharmAt.h bhavati .
tathA imaM eva gItArthaM dharmaM uddishya bhagtavatA eva uktam.h \-

sa hi dharmaH suparyApto brahmaNaH padavedane . ##[##ma\. bhA\. ashva\. 16\. 12\.##]##
iti anugItAsu . tatraiva cha uktam.h \-
naiva dharmI na chAdharmI na chaiva hi shubhAshubhI . ##[##ma\. bhA\.
ashva\. 19 \.7\.##]##
yaH syAdekAsena lInaH tUShNIM ki~nchidachintayan.h . ##[##ma\. bhA\. ashva\.
19 \. 1\.##]##
GYAnaM sanyAsalaxaNam.h ##[##ma\. bhA\. ashva\. 43 \. 25\.##]## iti cha .
ihApi cha ante uktaM arjunAya \-
sarvadharmAn.h pariytajya mAmekaM sharaNaM vraja . ##[##18\. 66\.##]## iti .

5\. abhudayArtho.api yaH pravR^ittilaxaNaH dharmaH varNAn.h
AshramA.nshcha uddishya vihitaH sa devAdisthAnaprAptihetuH api san.h
IshvarArpaNabuddhyA anuShThIyamAnaH satvashuddhaye bhavati
phalAbhisandhivarjitaH . shuddhasatvasya cha
GYAnaniShThAyogyatAprAptidvAreNa GYAnotpattihetutvena cha
niHshreyasahetutvam.h api pratipadyate . tathA chemam.h eva artham.h
abhisa.ndhAya vaxyati \- brahmaNyAdhAya karmANi ##[##5\. 10\.##]## yoginaH karma
kurvanti saN^gaM tyaktvAtmashuddhaye ##[##5\. 11\.##]##

6\. imaM dviprakAraM dharmaM niHshreyasaprayojanaM paramArthatatvaM cha
vAsudevAkhyaM parabrahmAbhidheyabhUtaM visheShataH abhivya~njayat.h
vishiShTaprayojanasambandhAbhidheyavat.h gItAshAstram.h . yataH
tadarthaviGYAne smastapuruShArthasiddhiH ataH tadvivaraNe yatnaH kriyate
mayA ..

atra cha dhR^itarAShTra uvAcha \- dharmaxetre ityAdi .  ##
\medskip
\hrule
## atha dvitIyo.adhyAyaH |

11\.0 a atra dR^iShTvA tu pANDavAnIkam.h ##[##1\. 2\.##]## iti Arabhya
yAvat.h na yotsya iti govindamuktvAtUShNIM babhUva ha . ##[##1\.9\.##]##
ityetadantaH prANinaM
shokamohAdisa.nsArabIjabhUtadoShodbhavakAraNapradarshanArthatvena
vyAkhyeyaH granthaH . tathA hi \- arjuneta
rAjyaguruputramitrasuhR^itsvajanasa.nbandhibAndhaveShu ahaM eShAM mama ete
ityevaM bhrAntipratyayanimitasnehavichChedAdinimitau AtmanaH shokamohau
pradarshitau kathaM bhIShmamahaM sa.nkhye ##[##2\. 4\.##]## ityAdinA .
shokamohAbhyAM hi abhibhUtavivekaviGYAnaH svataH eva xatradharme yuddhe
pravR^ito.api tasmAt.h yuddhAt.h upararAma paradharmaM cha bhixAjIvanAdikaM
kartuM pravavR^ite . tathA cha sarvaprANinAM
shokamohAdidoShAviShTachetasAM svabhAvataH eva svadharmaparityAgaH
pratiShiddhasevA cha syAt.h . svadharme pravR^itAnAm.h api teShAM
vAN^manaH kAyAdInAM pravR^itiH phalAbhisandhipUrvikA eva sAhaN^kArA cha
bhavati . tatra evaM sati dharmAdharmopachayAt.h
iShTAniShTajanmasukhaduHkhaprAptilaxaNaH sa.nsAraH anuparataH bhavati .
ityataH sa.nsArabIjabhUtau shokamohau . tayoshcha
sarvakarmasa.nyAsapUrvakAt.h AtmaGYAnAt.h NAnyataH nivR^itiH iti tat.h
upadidixuH sarvalokAnugrahArthaM arjunaM nimitIkR^itya Aha bhagavAn.h
vAsudevaH \- ashochyAn.h ##[##2\. 11\.##]## itvAdi ..

11\.0 A\. atra kechit.h AhuH \- sarvakarmasa.nyAsapUrvakAt.h
AtmaGYAnaniShThAmAtrAt.h eva kevalAt.h kaivalyaM na prApyate eva . kiM
tarhi . agnihotrAdishrautasmartakarmasahitAt.h GYanAt.h kaivalyaprAptiH
iti karvAsu gItAsu nishchitaH arthaH iti . GYApakaM cha AhuH aysa
arthasya \- atha chetvamimaM dharmyaM sa.ngrAmaM na kariShyasi ##[##2 \. 33\.
##]## karmaNyevAdikAraste ##[##2 \. 47\.##]## kuru karvmaiva tasmAtvam.h ##[##4\. 15\.##]##
ityAdi . hi.nsAdiyuktatvAt.h vaidika karma adharmAya iti iyam.h api
AshaN^kA na kAryA . katham.h . xAtraM karma yuddhalaxaNaM
gurubhrAtR^iputrAdihi.nsAlaxaNaM atyantakrUram.h api svadharmaH iti kR^itvA
na adharmAya tadakaraNe cha \- tataH svadharmaM kItiM cha
hitvApApamavApsyasi . ##[##2 \. 33\.##]## iti bruvatA
yAvajjIvAdishrutichoditAnAM pashvAdihisAlaxaNAnAM cha karmaNAM prAgave na
adharmatvamiti sunishchitaM uktaM bhavati \- iti .

11\.0 i\. tat.h asat.h GYAnakarmaniShThayoH vibhAgavachanAt.h
buddhidvayAshrayayoH . ashocyAn.h ##[##\ 2\. 11\.##]## ityAdinA bhagavatA
yAvat.h svadharmamapi chAvexya ##[##2 \. 31\.##]## ityetadantena granthena
yatparamrthAtmatatvanirUpaNaM kR^itam.h tat.h sA.nkhyam.h . tadviShayA
buddhiH AtmanaH janmAdiShaDvikriyAbhAvAt.h akartA AtmA iti
prakaraNArthanirUpaNAt.h yA jAyate sA sA.nkhyabuddhiH . sAyeShAM GYAninAM
uchitA bhavati te sA.nkhyAH . etasyAH buddheH janmanaH prAk.h AtmanaH
dehAdivyatiriktatvakartR^itvabhoktR^itvAdyapexaH dharmAdharma
vivekapUrvakaH moxasAdhanAnuShThAnalaxNaH yogaH . tadviShayA buddhih
yogabuddhiH . sAyeShAM karmiNA uchitAbhavti te yoginaH . tathA cha
bhagavatA vibhakte dve buddhI nirdiShTe eShA eShA te.abhihitA sA.nkhye
buddhiryoge tvimAM shR^iNu . ##[##2\. 39\.##]## iti . tayoshcha
sAN^khyabuddhyAshrayAM GYAnayogena niShThAM sAN^khyAnAM vibhaktAM vaxyati
purA vedAtmanA mayA proktA ##[##3 \. 3\.##]## iti . tathA cha
yogabuddhyAshrayAM karmayogena niShThAM vibhaktAM vaxyati \- karmayogena
yoginAm.h ##[##3\. 3\.##]## iti . evaM sAN^khyabuddhiM yogabuddhiM cha
Ashritya dve niShThe vibhakte bhagavtA eva ukte GYAnakarmaNoH
kartR^itvAkartR^itvikatvAne katvabuddhyAshrayayoH yugapat.h
ekapuruShAshrayatvAsa.nbhavaM pashyatA .

11\.0 I\. tathA etat.h vibhAgavachanaM tathaiva darshitaM shAtapathIye
brAhmaNe \- etameva pravrAjino lokamichChAnto brAhmaNAH pravrajanti iti
sarvakarmasa.nyAsM vidhAya tachCheSheNa kiM prajayA kariShyAmo yeShAM
no.ayamAtmA.ayaM lokaH ##[##bR^i \. u\. 4\. 4\. 22\.##]## iti . tatraiva ch
prAk.h dAraparigrahAt.h puruShaH AtmA prAkR^itaH dharmajiGYAsotarakAlaM
lokatrayasAdhanaM \- putraM dviprakAraM cha vitaM \- mAnuShaM daivaM cha \;
tatra mAnuShaM karmarUpaM pitR^ilokaprAptisAdhanaM vidyAM cha daivaM vitaM
devalokaprAptisAdhanaM so.akAmayata iti avidyAkAmavataH eva sarvANi karmANi
shrautAdIni darshitAni . tebhyaH \##(## vyutthAya pravrajanti iti \##)##
vyutthAnaM AtmanaM eva lokaM ichChataH akAmasya vihitam.h . tadetat.h
vibhAgavachanaM anupapannaM syAt.h yadi shrautakarmaGYAnayoH samuchchayaH
abhipreta syAt.h bhagavataH ..

11\.0 u\. na cha rjunasya prashnaH upapannaH bhavati jyAyasI
chetkarmaNaste ##[##3\. 1\.##]## ityAdiH . ekapuruShAnuShTheyatvAsa.nbhavaM
buddhikarmaNoH bhagavatA pUrvaM anuktaM kathaM arjunaH ashrutaM buddheshcha
karmaNaH jyAyastvaM bhagavati adhyAropayet.h mR^iShaiva jyAyasI
chetkarmaNaste matAbuddhiH ##[##3\. 1\.##]## iti ..

11\.0 U\. ki~ncha \- yadi buddhikarmaNoH sarveShAM smuchchayaH uktaH
syAt.h arjunasyApi saH uktaH eva iti yachChreya etayorekaM tanme brUhi
sunishcitam.h ##[##5 \. 1 \.##]## iti kathamubhayoH upadeshe sati
anyataraviShayaH eva prashnaH syAt.h . na hi pitaprashamanArthinaH
vaidyena madhuraM shItaM cha bhoktavyamiti upadiShTe
tayoranyataratpitaprashamanakAraNaM brUhi iti prashnaH sa.nbhavati . atha
arjunasya bhagavaduktavachanArthavivekAnavadhAraNanimitaH prashnaH kalpyate
tathA.api bhagavatA prashnAnurUpaM prativachanaM deyaM mayA buddhikarmaNoH
samuchchayaH uktaH kimartham.h itthaM tvaM bhrAnto.asi iti . na tu punaH
prativachanamananurUpaM pR^iShTAt.h anyat.h eva dve niShThe mayA purA
prokte ##[##3\. 3\.##]## iti vaktuM yuktam.h  .

11\.0 R^i\. nApi smArtenaiva karmaNA buddheH samuchchaye.abhiprete
vibhAgavachanAdi sarvam.h upapannaM ki.ncha xatriyasya yuddhaM smArtaM
karma svadharma iti jAnataH tatkiM karmaNi ghore mAM niyojayasi ##[##3\. 1\.##]##
iti upAlambhaH anupapannaH .

11\.0 R^I\. tasmAdgItAshAstre IShanmAtreNApi shrautena smArtena vA
karmaNA.a.atmaGYAnasya samuchchayaH na kenachiddarshayituM shakyaH .

11\. L^i\. yasya tu aGYAnAdrAgAdidoShato vAkarmaNi pravR^itasya yaGYena
dAnena tapasA vA vishuddhasatvasya GYAnamutpannaM paramArthatatvaviShayaM
ekamevedaM sarvaM brahma akartR^i cha iti tasya karmaNi karmaprayojane cha
nivR^ite.api lokasa.ngrahArthaM yatnapUrvaM yathA pravR^itiH tathaiva
karmaNi pravR^itasya yatpravR^itirUpaM dR^ishyate na tatkarma yena buddheH
samuchchayaH syAt.h . yathA bhagavataH vAsudevasya xAtradharmacheShTitaM
na GYAnena samuchchIyate puruShArthasiddhayeH
tadvatatphalAbhisa.ndhyaha.nkArAbhAvasya tulyatvAt.h viduShaH . tatvavitu
na ahaM karomi iti manyate na cha tatphalam.h abhisa.ndhate . yathA cha
svargAdikrAmArthinaH agnihotrAdikAmasAdhanAnuShThAnAya AhitAgneH kAmye eva
agnihotrAdau pravR^itasya sAmikR^ite vinaShTe.api kAme tadeva agnihotrAdi
anutiShThato.api na tatkAmyam.h agnihotrAdi bhavati . tathA cha
darshayati bhagavAn.h kurvannapi na lipyate ##[##5\. 7\.##]## na kAroti na
lipyate ##[##13 \. 31\.##]## iti tatra tatra . yachcha pUrvaiH pUrvataraM
kR^itam.h ##[##4 \. 15\.##]## karmaNaiva hi sa.nsiddhimAsthitA janakAdayaH ##[##3\.
20\.##]## iti tatu pravibhajya viGYeyam.h . tatkatham.h . yadi tAvatpUrve
janakAdayaH tatvavidaH api pravR^ittakarmANaH syuH te lokasa.ngrahArthaM
guNA guNeShu vartante ##[##3\. 28\.##]## iti GYAnenaiva sa.nsiddhim.h AsthitAH na
karmasa.nyAsaM kR^itavantaH ityarthaH . atha na te tatvavidaH \-
Ishvarasamarpitena karmaNA sAdhanabhUtena sa.nsiddhiM satvashuddhiM
GYAnotpatilaxaNAM vA sa.nsiddhimAsthitAH janakAdayaH iti vyAkhyeyam.h .
etameva arthaM vaxyati bhagavAn.h satvashuddhaye karma kurvanti ##[##5\. 11\.
##]## iti . svakarmaNA tamabhyarchya siddhiM vindati mAnavaH ##[##18\. 46\.##]##
ityuktvA siddhiM prAptasya cha punaH GYAnaniShThAM vaxyati siddhiM prApto
yathA brahma ##[##15\. 50\.##]## ityAdinA . tasmAt.h gItAshAstre kevalAt.h eva
tatvaGYAnAt.h moxaprAptiH na karmasamuchchitAt.h iti nishchitaH arthaH .
yathA cha ayaM arthaH tathA prakaraNashaH vibhajya tatra tatra
darshayiShyAmaH ..

11\.0 L^I\. tatra evaM dharmasambbUdhachetasaH mithyAGYAnavataH mahati
shokasAgare nimagnaysya arjunasya anyatra AtmaGYAnAt.h uddharaNaM
apashyan.h bhagavAn.h vAsudevaH tataH kR^ipayA arjunaM uddidhArayiShuH
AtmaGYAnAya avatArayan.h Aha \-

11\.1 ashocyAn.h ityAdi .. na shochyAh ashochyAH bhIShmadorNAdayaH
sadvR^itatvAt.h paramArthasvarUpeNa cha nityatvAt.h . tAn.h ashochyAn.h
anvashochaH anushochitavAn.h asi te mriyante mannimitaM ahaM taiH
vinAbhUtaH kiM kariShyAmi rAjyasukhAdinA iti . tvaM praGYAvAdAn.h
praGYAvatAM buddhimataM vAdAn.h cha vachanAni cha bhAShase . tadetat.h
mauDhyaM pANDityaM cha viruddhaM Atmani darshayasi unmataH iva iti
abhiprAyaH yasmAt.h gatAsUn.h gataprANAt.h mR^itAn.h agatAsUn.h
agataprANAn.h jIvataH cha na anushochanti paNDitAH AtmaGYAH . paNDA
AtmaviShayA buddhiH yeShAM te hi paNDitAH pANDItyaM nirvedya ##[##bR^i\. u\.
3\. 5\. 1\.##]## iti shruteH . paramArthatastu tAn.h nityAn.h ashochyAn.h
anushochasi ataH mUDhaH asi iti abhiprAyaH ..

12\.0 kutaH te ashocyA . yatazH nityAH . katham.h .

12\.1 na tu iti .. na tu eva jAtu kadAchit.h ahaM na Asa.m kintu Asam.h
eva .. atIteShu dehotpativinAsheShu ghaTAdiShu viyad.h iva nityaH eva
ahaM AsaM iti abhiprAyaH . tathA \- na tvaM na AsIH kiM tu AsIH eva .
tathA \- na ime janAdhipAH na Asan.h kiM tu Asan.h eva . tathA na cha
eva na bhaviShyAmaH kiM tu bhaviShyAmaH eva sarve vayaM ataH asmAt.h
dehavinAshAt.h paraM utarakAle.api . triShvapi kAleShu nityAH
AtmasvarUpeNa ityarthaH . dehabhedAnuvR^ityA bahuvachanam.h na
AtmabhedAbhiprAyeNa .

13\.0  tatra kathamiva nityaH AtmA iti . dR^iShTAntaM Aha \-

13\.1 dehinaH iti .. dehaH asya asti iti dehI tasya dehinaH dehavataH
AtmanaH asmin.h vartamAne dehe yathA yena prakAreNa kaumAraM kumArabhAvaH
bAlyAvasthA yauvanaM yUnaH bhAvaH madhyamAvasthA jarA vayohAniH jIrNAvasthA
iti etaH tisraH avasthAH anyonyavilaxaNAH . tAsAM prathamAvasthAnAshe na
nAshaH dvitIyAvasthopajanane na upajananaM AtmanaH . kiM tarhi .
avikriyasya eva ekasya dvitIyatR^itIyAvasthAprAptiH AtmanaH dR^iShTA .
tathA tadvat.h eva dehAt.h anyaH dehaH dehAntaraM tasya prAptiH
dehAntaraprAptiH avikR^iyasya eva AtmanaH ityarthaH . dhIrAH dhImAn.h
tatra evaM sati na muhyati na mohaM Apadyate ..

14\.0 yadyapi AtmavinAshanimitaH mohaH na sa.nbhavati nityaH AtmA iti
vijAnataH tathApi shItoShNasukhaduHkhaprAptinimitaH mohaH laukikaH
dR^ishyate sukhaviyoganimito mohaH duHkhasa.nyoganimitashcha shokaH .
ityetat.h arjunasya vachanaM AshaN^kya bhagavAn.h Aha \-

14\.1 mAtrAsparshAH iti .. mAtrAH AbhiH mIyante shabdAdayaH iti
shrotrAdIni indriyANi . mAtrANAM sparshAH shabdAdibhiH sa.nyogAH . te
shItoShNasukhaduHkhadAH shItaM uShNaM sukhaM duHkhaM cha prayachChantIti .
athavA \- spR^ishyante iti sparShAH viShayAH shabdAdayaH mAtrAshcha
sparshAshcha shItoShNasukhaduHkhadAH \- shItaM kadAchit.h sukhaM kadAchit.h
duHkham.h . tathA uShNam.h api aniyatasvarUpam.h . sukhaduHkhe punaH
niyatarUpatAM na vyabhicharataH . ataH tAbhyAM pR^ithak.h shItoShNayoH
grahaNam.h . yasmAt.h te mAtrAsparshAdayaH AgamApAyinaH AgamApAyashIlAH
tasmAt.h anityAH . ataH tAn.h shItoShNAdIn.h titixasva prasahasva .
teShu harShaM viShAdaM vA mA kArShIH ityarthaH ..

15\.0 shItoShNAdIn.h sahataH kiM syAt.h iti . shR^iNu \-

15\.1 yaM hi iti .. yaM hi puruShaM samaduHkhasukhaM same duHkhasukhe
yasya taM samaduHkhasukhaM sukhaduHkhaprAptau harshaviShAdarahitaM dhIraM
dhImantaM na vyathayanti na chAlayanti nityAtmadarshanAt.h ete yathoktAH
shItoShNAdayaH saH nityAtmasvarUpadarshananiShThaH dvandvasahiShNuH
amR^itatvAya amR^itabhAvAya moxAya kalpate samarthaH bhavati ..

16\.0 itashcha shokamohau akR^itvAshItoShNAdisahanaM yuktaM yasmAt.h \-

16\.1 nAsataH iti .. na asataH avidyamAnasya shItoShNAdeH sakAraNasya na
vidyate nAsti bhAvo bhavanaM astitA ..

na hi shItoShNAdi sakAraNaM pramANaiH nirUpyamANaM vastu sat.h bhavati .
vikAro hi saH vikArashcha vyabhicharati . yathA ghaTAdisa.nsthAnaM
chaxuShAnirUpyamANaM mR^idvyatirekeNa anupalabdheH asat.h tathA sarvo
vikAraH kAraNavyatirekeNa anupalabdheH asan.h . janmapradhva.nsAbhyAM
prAk.h UrdhvaM cha anupalabdheH kAryasya ghaTAdeH mR^idAdikAraNasya cha
tatkAraNavyatirekeNa anupalabdheH asatvam.h .. tadastve
sarvAbhAvaprasaN^gaH iti chet.h \- na sarvatra buddhidvayopalabdheH
sadbuddhiH asadbuddhiH iti . yadviShayA buddhiH na vyabhicharati tat.h
sat.h yadviShayA vyabhicharati tat.h asat.h iti sadasadvibhAge buddhitantre
sthite sarvatra dve buddhI sarvaiH upalabhyete samAnAdhikaraNe na
nIlotpalavat.h san.h ghaTaH san.h paTaH san.h hastI iti . evaM sarvatra .
tayoH buddhyoH ghaTAdibuddhiH vyabhicharati . tathA cha darshitam.h .
na tu sadbuddhiH . tasmAd.h ghaTAdibuddhiviShayaH asan.h vyabhichArAt.h
na tu sadbuddhiviShayaH avyabhichArAt.h ..

16\.2 ghaTe vinaShTe ghaTabuddhau vyabhicharantyAM sadbuddhiH api
vyabhicharati iti chet.h \- na paTAdau api sadbuddhidarshanAt.h .
visheShaNaviShayA eva sA sadbuddhiH .. sadbuddhivat.h ghaTabuddhiH api
ghaTAntare dR^ishyate iti chet.h \- na paTAdau adarshanAt.h ..
visheShaNaviShayA eva sA sadbuddhiH .. sadbuddhivat.h ghTabuddhiH api
ghaTAntare dR^ishyate iti chet.h na paTAdau adarshanAt.h .. sadbuddhiH
api naShTe ghaTe na dR^ishyate iti chet.h na visheShyAbhAvAt.h .
sadbuddhiH visheShaNaviShayA satI visheShyAbhAve visheShaNAnupapatau
ki.nviShayA syAt.h . na tu punaH sadbuddheH viShayAbhAvAt.h .

16\.3 ekAdhikaraNatvaM ghaTAdivisheShyAbhAve na yuktamiti chet.h \- na
idaM udakam.h iti marIchyAdau anyatarAbhAve.api sAmAnAdhikaraNyadarshanAt.h .
tasmAt.h dehAdeH dvandvasya cha skAraNasya asataH na vidyate bhAvaH iti .
tathA satH cha AtmanaH abhAvaH avidyamAnatA na vidyate sarvatra
avyabhichArAt.h iti avochAma . evaM AtmAnAtmanoH sadasatoH ubhayoH api
dR^iShTaH upalabdhaH antaH nirNayaH sat.h sadeva asat.h asadeva iti tu
anayoH yathoktayoH tatvadarshibhiH .

16\.4 tat.h iti sarvanAmaH sarvaM cha brahma . tasya nAma tat.h iti
tadbhAvaH tatvaM brahmaNaH yAthAtmyam.h . tat.h draShTiM shIlaM yeShAM te
tatvadarshinaH tauH tatvadarshibhiH . tvamapi tatvadarshinAM dR^iShTiM
Ashritya shokaM mohaM cha hitvA shItoShNAdIni niyatAni yatarUpANi
dvandvAni vikAro.ayamasan.h eva marIchijalavat.h mithyA avbhAsate \- iti
manasi nishchitya titixasva iti abhiprAyaH ..

17\.0 kiM punaH tat.h yat.h sat.h eva sarvadA iti . uchyate \-

17\.1 avinAshi iti .. avinAshi na vinaShTuM shIlaM asya iti . tu
shabdaH asataH visheShaNArthaH . tat.h viddhi vijAnIhi . kim.h . yena
sarvaM idaM jagat.h tat.h vyAptaM sadAkhyena brahmaNA sAkAshaM AkAshena eva
ghaTAdayaH . vinAshaM adarshanaM abhAvam.h . avyayasya na vyeti
upachayApachayau na yAti iti avyayaM tasya avyayasya .

17\.2 na etat.h sadAkhyaM brahma svena rUpeNa vyeti vyabhicharati
niravayavatvAt.h dehAdivat.h . nApi AtmIyena AtmIyAbhAvAt.h . yathA
devadattaH dhanahAnyA vyeti ta tu evaM brahma vyeti . ataH avyayasya asya
brahmaNaH vinAshaM na kashcit.h artuM arhati na kashchit.h AtmAnaM
vinAshayituM shaknoti Ishvaro.api . AtmA hi brahmaH svAtmani cha
kriyAvirodhAt.h ..

18\.0 kiM punaH tat.h asat.h yat.h svAtmasatAM vyabhicharati iti .
uchyate \-

18\.1 antavantaH iti .. antaH vinAshaH vidyate yeShAM te antavantaH .
yathA mR^igatR^iShNikAdau sadbuddhiH anuvR^ittA pramANavirUpaNAnte
vichChidyate sa tasya antaH tathA ime dehAH svapnamAyAdehAdivachcha
antavantaH nityasya sharIriNaH sharIravataH anAshinaH aprameyasya AtmanaH
antavanta iti uktAH vivekibhiH ityarthaH . nityasya anAshinaH iti na
punaruktam.h . nityatvasya dvividhatvAt.h loke nAshasya cha . yathA
dehaH bhasmIbhUtaH adarshanaM gataH naShTaH uchyate . tatra nityasya
anAshinaH iti dvividhenApi nAshena asa.nbaddhasya ityarthaH . anyathA
pR^ithivyAdivat.h api nityatvaM syAt.h AtmanaH tat.h mA bhUt.h iti nityasya
anAshinaH ityAha .

18\.2 aprameyasya na prameyasya pratyaxAdipramANaiH aparichChedyasya
ityarthaH . nanu Agamena AtmA parichChidyate pratyaxAdinA cha pUrvam.h .
na AtmanaH svataHsiddhatvAt.h . siddhe hi Atmani pramAtari pramitsoH
pramANAnveShaNA bhavati . na hi pUrvaM itthaM ahaM iti AtmAnaM apramAya
pashchAt.h prameyaparichChedAya pravartate . na hi AtmA nAma kasyachit.h
aprasiddhaH bhavati . shAstraM tu antyaM pramANaM
ataddharmAdhyAropaNamAtra nivartakatvena prAmANyaM AtmanaH pratipadyate na
tu aGYAtArthaGYApakatvena . tathA cha shrutiH \- yat.h sAxAdaparoxAd.h
brahma ya AtmA sarvAntaraH ##[##bR^i\. u\. 3\. 4\. 1\.##]## iti ..

18\.3 yasmAt.h evaM nityaH avikriyashcha AtmA tasmAt.h yudhyasva yuddhAt.h
uparamaM mA kArShIH ityarthaH ..

na hi atra yuddhakartavyatA vidhIyate yuddhe pravR^itaH eva hi asau
shokamohapratibaddhaH tUShNIM Aste . ataH tasya
kartavyapratibandhApanayanamAtraM bhagavatA kriyate . tasmAt.h
yudhyasva iti anuvAdamAtraM na vidhiH ..

19\.0 shokamohAdisa.nsArakAraNanivR^ityarthaM gItAshAstraM na pravartakaM
iti etasya arthasya sAxibhUte R^Ichau ##[##kaTha\. u\. 2\. 18\. 19\.##]## AninAya
bhagavAn.h .. yatu manyase yuddhe bhIShmAdayaH mayA hanyante aham.h eva
teShAM hantA iti eShA buddhiH mR^iShaiva te . katham.h \-

19\.1 ya enaM iti .. yaH enaM prakR^itaM dehinaM vetiH vijAnAti hantAraM
hananakriyAyAH kartAraM yaH cha enaM anyaH manyate hataM dehahananena hataH
aham.h iti hananakriyAyAH karmabhUtaM tau ubhau na vijAnItaH na GYAtavantau
avivekena AtmAnam.h . hantA ahaM hataH asmi aham.h iti dehahananena
AtmAnaM aha.npratyayaviShayaM yau vijAnItaH tau AtmasvarUpAnabhiGYau
ityarthaH. yasmAt.h na ayaM AtmA hanti na hananakriyAyAH kartA bhavati na
hanyate na cha karma bhavatItyarthaH avikriyatvAt.h ..

20\.0 kathaM avikriyaH AtmA iti dvitIyaH mantraH \-

20\.1 na jAyate iti . na jAyate na utpadyate janilaxaNA vastuvikriyA na
AtmanaH vidyate ityarthaH . tathA na mriyate vA . vAshabdaH chArthe .
na mriyate cha iti antyA vinAshalaxaNA vikriyA pratiShiddhyate .
kadAchit.h shabdaH sarvavikriyApratiShedhauH sa.nbaddhyate \- na kadAchit.h
jAyate na kadAchit.h mriyate ityevam.h . yasmAt.h ayaM AtmAbhUtvA
bhavanakriyAM anubhUya pashchAt.h abhivitA abhAvaM gantA na bhUyaH punaH
tasmAt.h na mriyate . yo hi bhUtvA na bhavitA sa mriyate iti uchyate loke .
vAshabdAt.h nashabdAchcha ayaM AtmA abhUtvA vA bhavitA dehavat.h na
bhUyaH punaH . tasmAt.h na jAyate . yo hi abhUtvA bhavitA sa jAyate iti
uchyate . naivaM AtmA . atH na jAyate . yasmAt.h evaM tasmAt.h ajaH .
yasmAt.h na mriyate tasmAt.h nityaH cha .

20\.2 yadyapi AdyantayoH vikriyayoH pratiShedhe sarvAH vikriyAH
pratiShiddhAH bhavanti tathApi madhyabhAvinInAM vikriyANAM svashabdaiH eva
tadArthaiH pratiShedhaH kartavyaH iti anuktAnAM api
yauvanAdisamastavikriyANAM pratiShedhaH yathA syAt.h ityAha \- shAshvataH
ityAdinA . shAshvataH iti apaxayalaxaNA vikriyA pratiShiddhyate .
shashvadbhavaH shAshvataH . na apaxIyate svarUpeNa niravayavatvAt.h .
nirguNatvAt.h cha nApi guNaxayeNa apaxayaH . apaxayaviparItA api
vR^iddhilaxaNA vikriyA pratiShiddhyate purANaH iti . yo hi avayavAgamena
upachIyate sa vardhate abhinavaH iti cha uchyate . ayaM tu AtmA
niravayavatvAt.h purA api navaH eva iti purANaH na vardhate ityarthaH .
tathA na hanyate . hantiH atra vipariNAmArtho draShTavyaH apunaruktatayai .
na vipariNamyate ityarthaH . hanyamAne vipariNamyamAne.api sharIre .
asmin.h mantre ShaD.h bhAvavikArAH laukikavastuvikriyAH Atmani
pratiShiddhyante . sarvaprakAravikriyArahitaH AtmA iti vAkyArthaH .
yasmAt.h evaM tasmAt.h ubhau tau na vijAnItaH ##[##2 \. 19\.##]## iti pUrveNa
mantreNa asya sa.nbandhaH ..

21\.0 ya enaM veti hantAram.h ##[##2\. 19\.##]## ityanena mantreNa
hananakriyAyAH kartA karma cha na bhavati iti pratiGYAya na jAyate ityanena
avikriyatve hetuM uktvA pratiGYAtArthaM upasa.nharati \-

21\.1 vedAvinAshinaM iti . veda vijAnAti avinAshinaM
antyabhAvavikArarahitaM nityaM vipariNAmarahitaM yaH veda iti sambandhaH .
enaM pUrveNa mantreNa uktalaxaNaM ajaM janmarahitaM avyayaM apaxayarahitaM
kathaM kena prakAreNa saH vidvAn.h puruShaH adhikR^itaH hanti hananakriyAM
karoti . kathaM vA ghAtayati hantAraM prayojayati . na katha.nchit.h
ka.nchit.h hanti na katha.nchit.h ki.nchit.h ghAtayati iti ubhayatra AxepaH
eva arthaH prashnArthA sa.nbhavAt.h . hetvarthasya cha avikriyatvasya
tulyatvAt.h viduShaH sarvakarmapratiShedhaH eva prakaraNArthaH abhipretaH
bhagavataH . hanteH tu AxepaH udAharaNArthatvena kathitaH ..

21\.2 viduShaH kaM karmAsa.nbhave hetuvisheShaM pasyan.h karmANi Axipati
bhagavAn.h kathaM sa puruShaH iti . nanu uktaH eva AtmanaH avikriyatvaM
sarvakarmAsa.nbhavakAraNavisheShaH . satyaM uktaH . na tu saH
kAraNavisheShaH anyatvAt.h viduShaH avikriyAt.h AtmanaH iti . na hi
avikriyaM sthANuM viditavataH karma na sambhavati iti chet.h \- na viduShaH
AtmatvAt.h . na dehAdisa.nghAtasya didvattA . ataH pArisheShyAt.h
asa.nhataH AtmAvidvAn.h avikriyaH iti tasya viduShaH karmAsa.mbhavAt.h
AxepaH yuktaH kathaM sa puruShaH iti .

21\.3 yathA buddhyAdyAhR^itasya shabdAdyarthasya avikriyaH eva san.h
buddhivR^ityavivekaviGYAnena avidyayA upalabdhA AtmA kalpyate evaM eva
AtmAnAtmavivekaGYAnena buddhivR^ItyA vidyayA \- asatyarUpayA eva
paramArthataH avikriyaH eva AtmA vidvAn.h uchyate . viduShaH
karmAsa.nbhavavachanAt.h yAni karmANi shAstreNa vidhIyante tAni aviduShaH
vihitAni iti bhagavataH nishchayo.avagamyate ..

21\.4 nanu vidyApi aviduShaH eva vidhIyate viditvidyasya
piShTapeShaNavat.h vidyAvidhAnAnarthakyAt.h . tatra aviduShaH karmANi
vidhIyante na viduShaH iti visheShaH na upapadyate iti chet.h \- na .
anuShTheyasya bhAvAbhAvavisheShopapateH . agnihotrAdi
vidhyarthaGYAnotarakAlaM agnihotrAdikarma anekasAdhanopasa.nhArapUrvakaM
anuShTheyaM kartA ahaM mama kartavyam.h ityeva.nprakArakaviGYAnavataH
aviduShaH yathA anuShTheyaM bhavati na tu tathA na jAyate
ityAdyAtmasvarUpavidhyarthaGYAnotarakAlabhAvi ki~nchit.h anuShTheyaM
bhavati kintu nAhaM kartA nAhaM bhoktA
ityAdyatmaikatvAkartR^itvAdiviShayaGYAnAt.h anyat.h na utpadyate iti eShaH
visheShaH upapadyate . yaH punaH kartA ahaM iti veti AtmAnaM tasy mama
idaM kartavyam.h iti avashya.nbhAvinI buddhiH syAt.h tadapexayA saH
adhikriyate iti taM prati karmANi sa.nbhavanti . sa cha avidvAn.h ubhau
tau na vijAnItaH ##[##2\. 19\.##]## iti vachanAt.h visheShitasya cha viduShaH
karmAxepavachanAt.h cha kathaM sa puruShaH iti . tasmAt.h visheShitasya
avikriyAtmadarshinH viduShaH mumuxoshcha sarvakarmasa.nyAse eva adhikAraH .
ataH eva bhagavAn.h nArAyaNaH sA.ndhyAn.h viduShaH aviduShashcha
karmiNaH pravibhajya dve niShThe grAhayati \- GYAnayogena sA.nkhyAnAM
karmayogena yoginAm.h ##[##3\. 3\.##]## iti . tathA cha putrAya Aha bhagavAn.h
vyAsaH \- dvAvimAvatha panthAnau ##[##ma\. bhA\. shA.nti 240\. 6\.##]## ityAdi .
tathAcha kriyApathashcaiva purastAt.h pashchAt.h sa.nyAsasashcha ##[##tau\.
A\. 10\. 62\. tAtparyAnuvAdaH . tulaya \- I\. u\. 2\. bhAShyaM tathA
ke\. u\. 1\. bhAshyam.h##]## iti . etameva vibhAgaM punaH punaH
darshayiShyati bhagavAn.h \=3D atatvavit.h aha.nkAravimUdhAtmA kartAhamiti
manyate tatvavit.h tu na ahaM karomi ##[##3\. 27 \- 28##]## iti . tathA cha
sarvakarmANi manasA sa.nyasyAste ##[##5\. 13\.##]## ityAdi ..

21\.5 tatra kechit.h paNDitamanyAH vadanti \-
janmAdiShaDbhAvavikriyArahitaH avikriyaH akartA ekaH ahaM AtmA iti na
kasyachit.h GYAnaM utpadyate yasmin.h sati sarvakarmasa.nyAsaH upadishyate
iti . tat.h na; na jAyate ityAdishAstropadeshAnarthakyaprasaN^gAt.h .
yathA cha shAstropadeshasAmarthyAt.h dharmAdharmAstitvaviGYAnaM kartushcha
dehAntarasa.nbandhaviGYAnaM utpadyate tathA shAstrAt.h tasya eva AtmanaH
avikriyatvAkartR^itvaikatvAdiviGYAnaM kasmAt.h na utpadyate iti praShTavyAH
te . karaNAgocharatvAt.h iti chet.h \- na manasaivAnukraShTavyam.h ##[##
bR^i\. u\. 4\. 4\. 19\.##]## iti shruteH . shAstrAchAryopadeshshamadamAdi
sa.nskR^itaM manaH Atmadarshane karaNam.h . tathA cha tadadhigamAya
anumAne Agame cha sati GYAnaM na utpadyate iti sAhasamAtraM etat.h ..

21\.6 GYAnaM cha utpadyamAnaM tadviparItaM aGYAnaM avashyaM bAdhate iti
abhyupagantayvam.h . tat.h cha aGYAnaM darshitaM hantA ahaM hataH asmi
iti ubhau tau na vijAnItaH ##[##2\. 19\.##]## iti . atra cha AtmanaH
hananakriyAyAH kartR^itvaM karmatvaM hetukartR^itvaM cha aGYAnakR^itaM
darshitam.h . tat.h cha sarvakriyAsu api samAnaM kartR^itvAdeH
avidyAkR^itatvaM avikriyatvAt.h AtmanaH . vikriyAvAn.h hi kartA AtmanaH
karmabhUtaM anyaM prayojayati kuru iti \- tat.h etat.h avisheSheNa viduShaH
sarvakriyAsu kartR^itvaM hetukartR^itvaM cha pratiShedhati bhagavAn.h
vAsudevaH viduShaH karmAdhikArAbhAvaprdarshanArtha vedAvinAshinaM kathaM sa
puruShaH ityAdinA .

21\.7 kva punaH viduShaH adhikAraH iti . etat.h uktaM pUrvameva
GYAnayogena sA.nkhyAnAm.h ##[##3\. 3\.##]## iti . tathA cha sarvakarmasa.nyAsaM
vaxyati sarvakarmANi manasA ##[##5\. 13\.##]## ityAdinA .
nanu manasA iti vachanAt.h na vAchikAnAM kAyikAnAM cha sa.nyAsaH iti chet.h
\- na sarvakarmANi iti visheShitatvAt.h . mAnasAnAM eva sarvakarmaNAM iti
chet.h \- na manovyApArapUrvakatvAt.h vAkkAyavyApArANAM manovyApArAbhAve
tadanupapateH . shAstrIyANAM vAkkAyakarmaNaM kAraNani mAnasAni karmANi
varjayitvAanyAni sarvakarmANi manasAsa.nyAsya iti chet.h \- na naiva
kurvanna kArayan.h ##[##5\. 13\.##]## iti visheShaNAt.h . sarvakarmasa.nyAsaH
ayaM bhagavatA uktaH mariShyataH na jIvataH iti chet.h \- na navadvAre
pure dehI \.\.\. Aste ##[##5\. 13\.##]## iti visheShaNAnupapateH . na hi
sarvakarmasa.nyAsena mR^itasya taddehe AsanaM sa.nbhavati . akurvataH
akArayatashcha dehe sa.nyasya iti sa.nbandhaH na dehe Aste iti chet.h \- na
sarvatra AtmanaH avikriyatvAvadhAraNAt.h AsanakriyAyAH cha
adhikaraNApexatvAt.h tadanapexatvAt.h cha sa.nyAsasya . saMpUrvastu
nyAsashabdaH atra tyAgArthaH na nixepArthaH . tasmAt.h gItAshAstre
AtmaGYAnavtaH sa.nyAsa eva adhikAraH na karmaNi iti tatra tatra
upariShTAt.h AtmaGYAnaprakaraNe darshayiShyAmaH ..

22\.0 prakR^itaM tu vaxyAmaH . tatra AtmanaH avinAshitvaM pratiGYAtam.h .
tat.h kimiva iti . uchyate \-

22\.1 vAsA.nsi iti . vAsA.nsi vastrANi jIrNAni durbalatAM gatAni yathA
loke vihAya parityajya navAni abhinavAni gR^ihNAti upAdate naraH puruShaH
aparANi anyAni tathA tadvat.h eva sharIrANi vihAya jIrNAni anyAni sa.nyAti
sa.ngachChati navAni dehI AtmA puruShavat.h avikriyaH eva ityarthaH .. 22 ..

23\.0 kasmAt.h avikriya eveti . Aha \-

23\.1 nainaM Chindanti iti .. enaM krakR^itaM dehinaM na Chindanti
shastrANi niravayavatvAt.h na avayavavibhAgaM kurvanti . shastrANi
asyAdIni . tathA na enaM dahati pAvakaH agniH api na bhasmIkaroti .
tathA \- na cha enaM kledayanti ApaH . apAM hi sAvayavasya vastunaH
ArdrIbhAvakaraNena avayavavishleShApAdane sAmarthyam.h . tat.h na
niravayave Atmani sa.nbhavati . tathA snehavat.h dravyaM snehashoShaNena
nAshayati yataH evaM tasmAt.h \-

24\.1 achChedyo.ayaM iti .. yasmAt.h anynyanAshahetUni bhUtAni enaM
AtmAnaM nAshayituM na utsahante tasmAt.h nityaH . nityatvAt.h sarvagataH .
sarvagatatvAt.h sthANuH iva sthiraH ityetat.h . sthiratvAt.h achalaH
ayaM AtmA ataH sanAtanaH chirantanaH na kAraNAt.h kutashcit.h niShpannaH
abhinavaH ityarthaH .

24\.2 na eteShaM shlokAnAM paunaruktyaM chodanIyam.h yataH ekena eva
shlokena AtmanaH nityatvaM avikriyatvaM choktam.h na jAyate mriyate vA
ityAdinA . tatra yadeva AtmaviShayaM ki~nchit.h uchyate tat.h etasmAt.h
shlokArthAt.h na atirichyate ki~nchit.h shabdataH punaruktaM ki~nchit.h
arthataH iti . durbodhatvAt.h AtmavastunaH punaH punaH prasaN^gaM ApAdya
shabdAntareNa tadeva vastu nirUpayati bhagavAn.h vAsudevaH kathaM nu nAma
avyaktaM sa.nsAriNAM ##[##asa.nsAritva \-##]## buddhigocharatAM ApannaM
sa.nsArnivR^itteya syAt.h iti .. ki~ncha \-

25\.1 avyakto.ayaM tvAt.h na vyajyate iti avyaktaH ayaM AtmA . ataH eva
achintyaH ayam.h . yat.h hi indriyagocharaH tat.h chintAviShayatvaM
Apadyate . ayaM tu AtmA anindriyagocharatvAt.h achintyaH avikAryaH ayam.h
yathA xIraM dadhyAta~nchanAdinA vikAri na tathA ayaM AtmA .
niravayavatvAt.h cha avikriyaH . na hi niravayaM ki~nchit.h vikriyAtmakaM
dR^iShTam.h . avikriyatvAt.h avikAryaH ayaM AtmA uchyate . tasmAt.h
evaM yathoktaprakAreNa enaM AtmAnaM viditvA tvaM na anushochituM arhasi
hantA ahaM eShAM mayA ete hanyante iti ..

26\.0 AtmanaH anityatvaM abhyupagamya idaM uchyate \-

26\.1 atha chainaM iti . atha cha iti abhupagamArthaH . enaM
prakR^itaM AtmAnaM nityajAtaM lokaprasiddhyA pratyanekasharIrotpattiM jAto
jAtaH iti vA manyase tathA pratitattAdvinAshaM nityaM vA manyase mR^itaM
mR^ito mR^itaH iti . tathApi tathAbhAve.api Atmani tvaM mahAbAho na evaM
shochituM arhasi janmavataH nAshaH nAshavataH janma cha iti etau
avashya.nbhAvinau iti yasmAt.h ..
tathA cha sati \-

27\.1 jAtasya iti . jAtasya hi labdhajanmanaH dhruvaH avyabhichArI
mR^ityuH maraNaM dhruvaM mR^itasya cha . tasmAt.h aparihAryo.ayaM
janmamaraNalaxaNaH arthaH ##[##yasmAt.h \- tasmAt.h aparihArye arthe na tvaM
shochituM arhasi . janmavato nAshaH nAshavato janma iti cha
svAbhAvikashchet.h aparihAryaH saH arthaH .##]## tasmin.h aparihArye arthe
na tvaM shochtiuM arhasi ..

28\.0 kAryakaraNasaN^ghAtAtmakAni api bhUtAni uddishya shokaH na yuktaH
kartuM yataH \-

28\.1 avyaktAdIni iti . avyaktAdIni avyaktaM adarshanaM anupalabdhiH
AdiH yeShAM bhUtAnAM putramitrAdikAryakaraNasa.nghAtAtmakAnAM tAni
avyaktAdIni bhUtAni prAk.h utpatteH . utpannAni cha prAk.h maraNAt.h
vyaktamadhyAni . avyaktanidhanAni eva punaH avyaktaM adarshanaM nidhanaM
maraNaM yeShAM tAni avyaktanidhanAni . maraNAt.h UrdhvaM avyaktatAm.h eva
pratipadyante ityarthaH . tathA choktam.h \- adarshanAdApatitaH
punashchAdarshanaM gataH . nAsau tava na tasya tvaM vR^ithA kA paridevanA .
##[##strIparva\. 2\. 13\.##]## iti .. tatra kA paridevanA ko vA pralApaH
adR^iShTadR^iShtapranaShTabhrAntibhUteShu bhUteShu ityarthaH ..

29\.0 durveGYeyaH ayaM prakR^itaH AtmA . kiM tvAm.h eva ekaM upAlabhe
sAdhAraNe bhrAntinimitte . kathaM durviGYeyaH ayaM AtmA iti . ataH Aha
\-

29\.1 Ashcaryavat.h iti .. Ashcharyavat.h AshcharyaM adR^iShTapUrvaM
adbhutaM akasmAt.h dR^ishyamAnaM tena tulyaM Ashcharyavat.h Ashcharyamiva
enaM AtmAnaM pashyati kashchit.h . Ashcharyavat.h enaM vadati tathaiva
cha anyaH Ashcharyavat.h cha enaM anyaH shR^iNoti . shrutvA dR^iShTvA
uktvA api enaM AtmAnaM veda na chaiva kashchit.h .

29\.2 athavA \- yaH ayaM AtmAnaM pashyati sa AshcharyatulyaH . yaH
vadati yaH cha shR^iNoti saH anekasahasreShu kashchideva bhavati . ataH
durbodhaH AtmA ityabhiprAyaH ..

30\.0 atha idAnI prakaraNArthaM upasa.nharati \-

30\.1 dehI iti .. dehI sharIrI nityaM sarvadA sarvAvasthAsu avadhyaH
niravayavatvAt.h nityatvAt.h cha tatra avadhyo.ayaM dehe sharIre sarvasya
sarvagatatvAt.h sthAvarAdiShu sthito.api . sarvasya prANijAtasya dehe
vadhyamAne.api ayaM dehI na vadhyaH yasmAt.h tasmAt.h bhIShmAdIni sarvANi
sarvANi bhUtAni uddishya na tvaM shochituM arhasi ..

31\.1 iha ##[##2\. 30\.##]## paramArthatatvApexAyAM shoko vA moho vA na
sa.nbhavati ityuktam.h . na kevalaM paramArthatatvApexAyAm.h iva ki.ntu \-

31\.1 svadharmaM iti .. svadharmaM api svaH dharmaH xatriyasya dharmaH
yuddhaM tamapi avixyatvaM na vikampituM prachalituM arhasi dharmyAt.h
xatriyasya svAbhAvikAt.h dharmAt.h AtmasvAbhAvyAt.h ityabhiprAyaH .
tachcha yuddhaM pR^ithivIjayadvAreNa dharmArthaM prajAraxaNArthaM cha iti
paramaM dharmyam.h . dharmAt.h anapetaM dharmyam.h . tasmAt.h
dharmyAt.h yuddhAt.h shreyaH anyat.h xatriyasya na vidyate hi yasmAt.h ..

32\.0 kutashcha tat.h yuddhaM kartavyaM iti . uchyate \-

32\.1 yadR^ichChayA iti . yudR^ichChayA cha aprArthitayA upapannaM AgataM
svargadvAraM apAvR^itaM udghATitaM ye etat.h IdR^ishaM yuddhaM labhante
xatriyAH he pArtha . kiM na sukhinaH te ..

33\.0 evaM kartavyatAprAptam.h api \-

33\.1 atha iti .. atha chet.h tvaM imaM dharmyaM dharmAdanapetaM vihitaM
sa.ngrAmaM yuddhaM na kariShyasi chet.h tataH tadakaraNAt.h svadharmaM
kIrtiM cha mahAdevAdisamAgamanimittAM hitvA kevalaM pApaM avApsyasi ..

34\.0 na kevalaM svadharmakIrtiparityAgaH \-

34\.1 akIrtiM iti .. akIrtiM cha api bhUtAni kathayiShyanti te tava
avyayAM dIrghakAlAm.h . dharmAtmA shUraH ityevamAdibhiH guNaiH
sa.nbhAvitasya cha akIrtiH maraNAt.h atirichyate sa.nbhAvitasya cha akIrteH
varaM maraNaM ityarthaH .. ki~ncha

35\.1 bhayAt.h iti .. bhayAt.h karNAdibhyaH raNAt.h yuddhAt.h uparataM
nivR^ittaM ma.nsyante chintayiShyanti na kR^ipayA iti tvAM mahArathAH
duryodhanaprabhR^itayaH . ##[##ke ma.nsyante ##?## iti Aha \-##]## yeShAM cha
tvaM duryodhanAdInAM bahumataH bahubhiH guNaiH yuktaH ityevaM mataH
bahumataH bhUtvApunaH tvaM yAsyasi lAghavaM laghubhAvam.h ki~ncha \-

36\.1 avAchyavAdAn.h iti .. avAchyavAdAn.h avaktavyAn.h vAdAn.h cha
bahUn.h anekaprakArAn.h vadiShyanti tava ahitAH shatravaH nindantaH
kutsayantaH tava tvadIyaM sAmarthyam.h nivAtakavachAdiyuddhanimittam.h .
tataH tasmAt.h nindAprApteH duHkhAt.h duHkhataraM nu kiM ##?## tataH
kaShTataraM duHkhaM nAsti ityarthaH ..

37\.0 yuddhe punaH kriyamANe karNAdibhiH \-

37\.1. hato vA iti .. hataH vA prApsyasi svargaM hataH san.h svargaM
prApsyasi . jitvA vA karNAdIn.h shUrAn.h bhoxyase mahIm.h . ubhayathApi
tava lAbhaH eva ityabhipriyaH . yataH evaM tasmAt.h uttiShTha kaunteya .
yuddhAya kR^itanishchayaH jeShyAmi shatrUn.hmariShyAmi vA iti nishchayaM
kR^itvA ityarthaH ..

38\.0 tatra yuddhaM svadharmaH ityevaM yudhyamAnasya upadesham.h imaM
shR^iNu \-

38\.1 sukhaduHkhe iti .. sukhaduHkhe same tulye kR^itvA rAgadveShau ##[##
api##]## akR^itvA ityetat.h . tathA lAbhAlAbhau jayAjayau cha samau kR^itvA
tataH yuddhAya yujyasva ghaTasva . na evaM yuddhaM kurvan.h pApaM
avApsyasi ##[##iti##]## eShaH upadeshaH prAsaN^gakaH ..

39\.0 shokamohApanaye ##[##nayanAya##]## laukikaH nyAyaH svadharmamapi chAvexya
ityAdyaiH shlokaiH uktaH na tu tAtparyeNa . paramARthadarshanaM tu iha
prakR^itam.h . tachcha uktaM upsa.nhriyate \- eShA te abhihitvA iti
shAstraviShayavibhAgapradarshanAya . iha hi pradarshite punaH
shastraviShayavibhAge upariShThAt.h GYAnayogena sA.nkhyAnAM karmayogena
yoginAm.h ##[##3\. 3\.##]## iti niShThAdvayaviShayaM shAstraM sukhaM
pravartiShyate shrotArashcha viShayavibhAgena sukhaM grahIShyanti iti \-
ataH Aha \-

39\.1 eShA te iti .. eShA te tubhyaM abhihitA uktA sA.nkhye
paramArthavastuviveka viShaye buddhiH GYAnaM sAxAt.h
shokamohAdisa.nsArahetudoShanivR^ittikAraNam.h yoge tu tatprAptyupAye
niHsaN^gatayA dvandvaprahANapUrvakaM IshvarArAdhanArthe karmayoge
karmAnuShThAne samAdhiyoge cha imAM anantaram.h eva uchyamAnAM buddhiM
shR^iNu . tAM cha buddhiM stauti prarochanArtham.h \- buddhyA yayA
yogaviShayayA yuktaH he pArtha . karmbandhaM darma eva dharmAdharmAkhyaH
bandhaH karmabandhaH taM prahAsyasi IshvaraprasAdanimittaGYAnaprAptyA eva
ityabhiprAyaH ..
ki~ncha anyat.h \-

40\.1 neha iti .. na iha moxamArge karmayoge abhikramanAshaH abhikramaNaM
abhikramaH prArambhaH tasya nAshaH na asti yathA kR^iShyAdeH .
yogaviShaye prArambhasya na anaikAntikaphalatvaM ityarthaH . kiM cha \-
na api chikitsAvat.h pratyavAyaH vidyate . kiM tu svalpam.h api asya
dharmasya yogadharmasya anuShThitaM trAyate raxati mahataH bhayAt.h
sa.nsArabhayAt.h janmamaraNAdilaxaNAt.h ..

41\.1 yA iyaM sA.nkhye buddhiH uktA yoge cha vaxyamaNalaxaNA sA \-

41\.1 vyavasAya iti .. vyavasAyAtmikA nishchayasvabhAvA ekA eva buddhiH
taraviparItabuddhishAkhAbhedasya bAdhikA samyak.h pramANajanitatvAt.h iha
shreyomArge he kurunandana . yAH punaH itarAH viparItabuddhayaH yAsAM
shAkhAbhedaprachAravashAt.h anantaH apAraH anuparataH sa.nsAraH
nityapratataH nityapratataH vistIRNaH bhavati
pramANajanitavivekabuddhinimittavashAchcha uparatAsu anantabhedabuddhiShu
sa.nsAro.api uparamate tAH buddhayaH bahushAkhAH bahvyaH shAkhAH yAsAM tAH
bahushAkhAH bahubhedAH ityetat.h . pratishAkhAbhedena hi anantAshcha
buddhayaH . keShAm.h . avyavasAyinAM pramANajanitavivekabuddhirahitAnAM
ityarthaH ..

42\.0 yeShAM vyavasAyAtmikA buddhiH nAsti te \-

42\.1 yAmimAM iti .. yAM imAM vaxymANAM puShpitAM puShpitavR^ixaH iva
shobhamAnAM shrUyamANIyAM vAchaM vAkyalaxaNAM pravadanti . ke .
avipashchitaH alpamedhasaH avivekinaH ityarthaH . vedavAdaratAH
bahvarthavAdaphalasadhanaprakAshakeShu vedavAkyeShu ratAH he pArthaH . na
anyat.h svargapashvAdiphalasAdhanebhyaH karmabhyaH asti iti evaM vAdinaH
vadanashIlAH .. te cha \-

43\.1 kAmAtmAnaH iti .. kAmAtmAnaH kAmasvabhAvAH kAmaparAH ityarthaH .
svargaparAH svargaH paraH puruSharthaH yeShAM te svargaparAH
svargapradhAnAH . janmakarmaphalapradAM karmaNaH phalaM karmaphalaM janma
eva karmaNaH phalaM janmakarmaphalaM tat.h pradadAti iti
janmakarmaphalapradA tAM vAcham.h \- pravadanti iti anuShajyate .
kriyAvishehabahulAM kriyANAM visheShAH kriyAvisheShAH te bahulA yasyAM
vAchi tAM svargapashuputrAdyarthAH yayA vAchA bAhulyena prakAshyante .
bhogaishvaryagatiM prati bhogashcha aisvharyaM cha bhogaishvarye tayoH
gatiH prAptiH bhogaishvaryagatiH tAM prati sAdhanabhUtAH ye kriyAvisheShAH
tadbahulAM tAM vAchaM pravadantaH mUDhAH sa.nsAre parivartante
ityabhiprAyaH .. teShAM cha \-

44\.1 bhoga iti .. bhogaishvaryaprasaktAnAM bhogaH kartavyaM aishvaryaM
cha iti bhogaishvaryayoH eva praNavachatAM tadAtmabhUtAnAM . tayA
kriyAvisheShabahulayA vAchA apahR^itachetasAM AchChAditavivekapraGYAnAM
vyavasAyAtmikA sA.nkhye yoge vA yA buddhiH sA samAdhau samAdhIyate asmin.h
puruShopabhogAya sarvaM samAdhiH antaHkaraNaM \- buddhiH tasmin.h samAdhau
na vidhIyate na bhavati ityarthaH ..

45\.0 ye evaM vivekabuddhirahitAH teShAM kamAtmanAM yat.h phalaM tat.h Aha \-

45\.1 traiguNya iti .. traiguNyaviShayAH \- traiguNyaM sa.nsAraH
viShayaH prakAshayitavyaH yeShAM te vedAH traguNyaviShayAH . tvaM tu
nistraiguNyaH bhava arjuna niShkAmaH bhava ityarthaH nirdvandvaH
sukhaduHkhahetU satpratipaxau padArthau dvandvashabdavAchyau tataH nirgataH
nirdvandvaH bhava . nityasatvasthaH sadA satvaguNAshritaH bhava . tathA
niryogaxemaH anupAtasya upAdAnaM yogaH upAtasya raxaNaM xemaH .
yogaxemapradhAnasya shreyasi pravR^ittih duShkarA iti ataH niryogaxemaH
bhava . AtmavAn.h apramattaH cha bhava . eSha tava upadeshaH
svadharmaM anutiShThataH ..

46\.0 sarveShu vedokteShu karmasu yAni uktAni anantAni phalAni tAni na
apexyante chet.h kimarthaM tAni IsvharAya iti anuShThIyante iti . uchyate
shR^iNu \-

46\.1 yAvAn.h iti .. yathA loke kUpataDAgAdyanekasmin.h udapAne
parichChinnodake yAvAn.h yAvatparimANaH snAnapAnAdiH arthaH phalaM
prayojanaM saH sarvaH arthaH sarvathaH sa.nplutodake tAvAn.h eva
sa.npadyate tatra antarbhavati ityarthaH . evaM tAvAn.h tAvatparimANaH
eva sa.npadyate sarveShu vedeShu vekokteShu karmasu yaH arthaH yat.h
karmaphalaM saH arthaH brAhmaNasya sa.nyAsinaH aramArthatatvaM vijAnataH
yaH arthaH yat.h viGYAnaphalaM sarvataH sa.nplutodakasthAnIyaM tasmin.h
tAvAn.h eva sa.npadyate \- tatraiva antarbhavatItyarthaH . sarvaM tat.h
abhisameti yat.h ki~ncha prajAH sAdhu kurvanti yastadveda yat.h sa veda ##[##
ChA\. u\. 4\. 1\. 4\.##]## iti shruteH . sarvaM karmAkhilam.h ##[##4\. 33\.##]##
iti cha vaxyati . tasmAt.h prAk.h GYAnaniShThAdhikAraprApteH karmaNi
adhikR^itena kUpataDAgAdyarthasthAnIyaM api karma kartavyam.h .. tava cha
\-

47\.1 karmaNi iti .. karmaNi eva adhikAraH na GYAnaniShThAyAM te tava .
tatra cha karma kurvataH mA phaleShu adhikAraH astu karmaphalatR^iShNA mA
bhUt.h kadAchana kasyA.nchit.h api avasthAyAM ityarthaH . yadA karmaphale
tR^iShNA te syAt.h tadA karmaphalaprApteH hetuH syAH evaM mA
karmaphalahetuH bhUH . yadA hi karmaphalatR^ihNAprayuktaH karmaphalaM na
iShyate kiM karmaNA duHkharUpeNa . iti mA te tava saN^gaH astu akarmaNi
akaraNe prItiH mA bhUt.h ..

48\.0 yadi karmaphalaprayuktena na kartavyaM karma kathaM tarhi kartavyaM
iti . uchyate \-

48\.1 yogasthaH iti .. yogasthaH san.h kuru karmANi kevalaM IshvarArthaM
tatrApi Ishvaro me tuShyatu iti saN^gaM tyaktvA dhana~njaya .
phalatR^iShNAshUnyena kriyamANe karmaNi satvashuddhijA GYAnaprAptilaxaNA
siddhiH tadviparyayajA asiddhiH tayoH siddhyasiddhyoH api samaH tulyaH
bhUtvA kuru karmANi . to.asau yogaH yatrasthaH kuru iti uktam.h . idaM
eva tat.h \- siddhyasiddhyoH samatvaM yogaH uchyate ..

49\.0 yat.h punaH amatvabuddhiyuktaM IshvarArAdhanArthaM karma ##[##uktaM##]##
etasmAt.h karmaNaH \-

49\.1 dUreNa iti .. dUreNa ativiprakarSheNa hi avaraM adhamaM
nikR^iShTaM karma phalArthinA kriyamANaM buddhiyogAt.h
samatvabuddhiyuktAt.h karmaNaH janmamaraNAdihetutvAt.h . he dhana~njaya
yataH evaM tataH yogaviShayAyAM buddhau tatparipAkajAyAM vA sA.nkhyabuddhau
sharaNaM AshrayaM abhayaprAptikAraNaM anvichCha prArthayasva
paramArthaGYAnasharaNaH bhava ityarthaH . yataH avaraM karma kurvANAH
kR^ipaNAH dInAH phalahetavaH phalatR^iShNAprayuktAH santaH yo vA etadaxaraM
gArgyaviditvA.asmAllokAtpraiti sa kR^ipaNaH ##[##bR^i\. u\. 3\. 8\. 10\.##]## iti
shruteH ..

50\.0 samatvabuddhiyuktaH san.h svadharmaM anutiShThan.h yat.h phalaM
prApnoti tat.h shR^iNu \-

50\.1 buddhi iti .. buddhiyuktaH samatvaviShayayA buddhyA yuktaH
buddhiyuktaH saH jahAti parityajati iha asmin.h loke ubhe
sukR^itaduShkR^ite puNyapApe satvashuddhiGYAna prAptivAreNa yataH tasmAt.h
samatvabuddhiyogAya yujyasva ghaTasva . yogaH hi karmasu kaushalaM
svadharmAkhyeShu karmasu vartamAnasya yA siddhyasiddhyoH samatvabuddhiH
IshvarArpi tachetastayA tat.h kaushalaM kushalabhAvaH . taddhi kaushalaM
yat.h bandhasvabhAvAni api karmANi samatvabuddhyA svabhAvAt.h nivartante .
tasmAt.h samatvabuddhiyuktaH bhava tvam.h .. yasmAt.h \-

51\.1 karmajaM iti .. karmajaM phalaM tyaktvA iti vyavahitena sa.nbandhaH
iShTaniShTadehaprAptiH karmajaM phalaM karmabhyaH jAtaM buddhiyuktAH
samatvabuddhiyuktAH santaH hi yasmAt.h phalaM tyaktvA parityajya manIShiNaH
GYAninaH bhUtvA janmabandhavinirmuktAH janma eva bandhaH janmabandhaH tena
vinirmuktAH jIvantaH eva janmabandhAt.h vinirmuktAH santaH padaM paramaM
viShNoH moxAkhyaM gachChanti anAmayam.h sarvopadravarahitaM ityarthaH .  ##
\medskip
\hrule
\medskip
## atha dvAdasho.adhyAyaH

dvitIyAdhyAyaprabhR^itiShu vibhUtyanteShu adhyAyeShu ##(##10##)##
paramAtmanaH brahmaNaH axarasya vidhvastasarvopAdhivisheShasya upAsanaM
uktaM; sarvayogaishvaryasarvaGYAnashaktimatsatvopAdheH Ishvarasya tava
cha upAsanaM tatra tatra uktam.h . vishvarUpAdhyAye ##(##11##)## tu
aishvaraM AdyaM samastajagadAtmarUpaM vishvarUpaM tvadIyaM darshitaM
upAsanArthameva tvayA . tachcha darshayitvA uktavAnasi
##''##matkarmakR^it.h##''## ##(##11\.55##)## ityAdi . ataH ahaM anayoH ubhayoH paxayoH
vishiShTatarabubhutsayA tvAM pR^ichChAmi iti arjuna uvAcha \-

arjuna uvAchaH

evaM satatayuktA ye bhaktAstvAM paryupAsate .
ye chApyaxaramavyaktaM teShAM ke yogavittamAH .. 12\.1..

evaM iti .. ##''##evaM##''## iti atItAnantarashlokena uktaM arthaM parAmR^ishati
##''##matkarmakR^it.h##''## ##(##11\.55##)## ityAdinA . evaM satatayuktAH nairantaryeNa
bhagavatkarmAdau yathokte arthe samAhitAH santaH pravR^ittAH
ityarthaH . ye bhaktAH ananyasharaNAH santaH tvAM yathAdarshitaM
vishvarUpaM paryupAsate dhyAyanti . ye cha anye api tyktasarvaiShaNAH
sa.nyAstasarvakarmANaH yathAvisheShitaM brahma axaraM .
nirastasarvopAdhitvAt.h avyaktaM akaraNagocharaM \- yat.h hi loke
karaNagocharaM tat.h vyaktaM uchyate  . a~njeH dhAtoH tatkarmakatvAt.h;
idaM tu axaM tadviparItaM \- shiShTaishcha uchyamAnaiH visheShaNaiH
nishiShTaM  . tat.h ye chApi paryupAsate \- teShAM ubhayeShAM madhye ke
yogavittamAH . ke atishayena yogavidaH ##?## ityarthaH ..

2\.0 ye tu axaropAsakAH samyagdarshinaH nivR^ittaiShaNAH  . te tAvat.h
tiShThantu; tAn.h prati yat.h vaktavyaM tat.h upariShTAt.h vaxyAmaH
##(##shloke 13 \- 20##)## ye tu itare \-

shrIbhagavAnuvAchaH

mayyAveshya mano ye mAM nityayuktA upAsate .
shraddhayA parayopetAste me yuktatamA matAH .. 12\.2..

2\.1 mayi iti .. mayi vishvarUpe parimeshvare Aveshya samAdhAya manaH ye
bhaktAH santaH mAM sarvayogeshvarANAM adhIshvaraM sarvaGYaM
vimuktarAgAdikleshatimiradR^iShTiM\, nityayuktAH
atItAnantarAdhyAyAnte uktashlokArthanyAyena satatayuktAH santaH
upAsate shraddhayA parayA prakR^iShTayA upetAH ye\, te me mama
yuktatamAH matAH abhipretAH yuktatamAH iti . nairantaryeNa hi te
machchittatayA ahorAtraM ativAhayanti ##(##ahorAtraM atimAtrM mAM
dhyAyanti##)##\, ataH yuktaM tAn.h prati yuktatamAH iti vaktum.h ..

3\.0 kiM itare yuktatamAH na bhavanti ##?## na; ki.ntu tAn.h prati yat.h
vaktavyaM tat.h shR^iNu \-

ye tvaxaramanirdeshyamavyaktaM paryupAsate .
sarvatragamachintyaM cha kUTasthamachalaM dhruvam.h .. 12\.3..

3\.1 ye tu iti .. ye tu axaraM anirdeshyaM avyaktatvAt.h ashabdagocharaM iti
na nirdeShTu shakyate\, ataH anirdeshyaM\, avyaktaM na kenApi pramANena
vyajyate iti avyaktaM paryupAsate pari samantAt.h upAsate . upAsanaM
nAma yathAshAstraM upAsyasya arthasya viShayIkaraNena sAmIpyaM
upagamya tailadhAravat.h samAnapratyayapravAheNa dIrghakAlaM yat.h
AsanaM\, tat.h upAsanaM Achaxate . axarasya visheShaNaM Aha upAsyasya
\- sarvatragaM vyomavat.h vyApi achintyaM cha \- yat.h hi karaNagocharaM
tat.h manasA.api chintyaM\, tadviparItatvAt.h achintyaM axaraM kUTasthaM
dR^ishyamAnaguNakaM antadoShaM vastu kUTam.h . ##''##kUTarUpakaM\,##''##
##''##kUTasAxyaM##''## ityAdau kUTashabdaH prasiddhaH loke . tathA cha
avidyAdyanekasa.nsArabIjaM antadoShavat.h
mAyA.avyAkR^itAdyanekashabdavAchyatayA ##''##mAyAM tu prakR^itiM
vidyAt.h mAyinaM tu maheshvaram.h##''## ##(##shve\. u\. 4\.10\.##)##\, ##''##mama mAyA
duratyayA##''## ##(##7\.14##)## ityAdau prasiddhaM yat.h tat.h kUTaM\, tasmin.h
kUTe sthitaM kUTasthaM tadadhyaxatayA . athavA \-rAshiriva sthitaM
kUTastham.h . ata eva achalam.h . yasmAt.h achalaM\, tasmAt.h
dhruvaM\, nityaM ityarthaH ..

sa.nniyamendriyagrAmaM sarvatra samabuddhayaH .
te prApnuvanti mAmeva sarvabhUtahite ratAH .. 12\.4..

4\.1 sa.nniyamya iti . sa.nniyamya samyak.h niyamya upasa.nhR^itya
indriyagrAmaM indriyasamudAyaM\, sarvatra sarvasmin.h kAle samabuddhayaH
samA tulyA buddhiH yeShAM iShTAniShTaprAptau te samabuddhayaH . te
ye eva.nvidhAH te prApnuvanti mAM eva sarvabhUtahite ratAH . na tu
teShAM vaktavyaM ki~nchit.h ##''##mAM te prApnuvanti##''## iti\, ##''##GYAni tvAtmaiva
me mataM##''## ##(##7\.18##)## iti hi uktam.h . na hi bhagavatsvarUpANAM satAM
yuktatamatvaM\, ayuktatamatvaM vA vAchyam.h .. kintu \-

klesho.adhikatarasteShAmavyaktAsaktachetasAm.h .
avyaktA hi gatirduHkhaM dehavadbhiravApyate .. 12\.5..

5\.1 kleshaH iti .. kleshaH adhikataraH \- yadyapi matkarmAdiparANAM
adhikaH eva kleshaH\, adhikatarastu axarAtmanAM paramAtmadarshinAM
dehAbhimAnaparityAganimittaH \- avyaktAsaktachetasAM avyakte
AsaktaM chetaH yeShAM te avyaktAsaktachetasaH teShAM
avyaktAsaktachetasAm.h .. avyaktA hi yasmAt.h ##(##yA##)## gatiH
axarAtmikA duHkhaM ##(##sA##)## dehavadbhiH dehAbhimAnavadbhiH avApyate\,
ataH kleshaH adhikataraH .

6\.0 axaropAsakAnAM yat.h vartanaM tat.h upariShTAt.h ##(##shlokeShu 12\. 13 \- 20##)##
vaxyAmaH ..

ye tu sarvANi karmANi mayi sa.nnyasya matparAH .
ananyenaiva yogena mAM dhyAyanta upAsate .. 12\.6..

6\.1 ye tu iti .. ye tu sarvANi karmANi mayi Ishvare sa.nnyasya matparAH
ahaM paraH yeShAM te matparAH santaH ananyena eva avidyamAnaM anyat.h
AlambanaM vishvarUpaM devaM dhyAyantaH chintayantaH upAsate ..
teShAM kim.h ##?## \-

teShAmahaM samuddhartA mR^ityusa.nsArasAgarAt.h .
bhavAmi na chirAtpArtha mayyAveshitachetasAm.h .. 12\. 7..

7\.1 teShAM iti . teShAM madupAsanaikaparANAM ahaM IshvaraH samuddhartA
\- kutaH iti ##?## Aha \- mR^ityusa.nsArasAgarAt.h mR^ityuyuktaH
sa.nsAraH mR^ityusa.nsAraH\, sa eva sAgara iva sAgaraH\, dustaratvAt.h\,
tasmAt.h mR^ityusa.nsArasAgarAt.h ahaM teShAM samuddhartA bhavAmi na
chirAt.h \. kiM tarhi##?## \- xiprameva he pArtha ! mayi AveshitachetasAM
mayi vishvarUpe AveshitaM samAhitaM chetaH yeShAM te
mayyaveshitachetasaH teShAm.h ..

yataH evaM\, tasmAt.h \-

mayyena mana Adhastva mayi buddhiM niveshaya .
nivasiShyasi mayyeva ata UrdhvaM na sa.nshayaH .. 12\.8..

8\.1 mayyeva iti .. mayi eva vishvarUpe Ishvare manaH saN^kalpavikalpAtmakaM
samAdhatsva sathApaya . mayi eva adhyavasAyaM kurvatIM buddhiM cha
Adhatsva niveshaya . tataH te kiM bhyAt.h iti ##?## shR^iNu \-
nivasiShyasi nivatsyasi nishchayena madAtmanA mayi vAsaM kariShyasi eva
ataH sharIrapAtAt.h Urdhvam.h . na sa.nshayaH\, sa.nshayaH atra na
kartavyaH ..

atha chittaM samAdhAtuM na shaknoShi mayi sthiram.h .
abhyAsayogena tato mAmichChAptuM dhana~njaya .. 12\.9..

9\.1 atha iti .. atha evaM yathA avochaM tathA mayi chittaM samAdhAtuM
sthApayituM sthiraM achalaM na shaknoShi chet.h\, tataH pashchAt.h
abhyAsayogena\, chittasya ekasmin.h Alambena sarvataH samAhR^itya
punaHpunaH sthApanaM abhyAsaH\, tatpUrvaka yogaH samAdhAnalaxaNaH tena
abhyAsayogena mAM vishvarUpaM ichCha prArthayasva AptuM he dhana~njaya
! ..

abhyAse.apyasamartho.asi matkarmaparamo bhava .
madarthamapi karmANi kurvan.h siddhimavApsyasi .. 12\.10..

10\.1 abhyAse iti .. abhyAse api asamarthaH asi ashaktaH asi\, tarhi
matkarmaparamaH bhava\, madarthaM karma matkarma\, tatparamaH
matkarmaparamaH\, matkarmapradhAnaH ityarthaH . abhyAsena vinA
madarthaM api karmANi kevalaM kurvan.h siddhi
satvashuddhiyogaGYAnaprAptidvAreNa avApsyasi ..

athaitadapyashakto.asi kartuM madogamAshritaH .
sarvakarmaphalatyAgaM tataH kuru yatAtmavAn.h .. 12\. 11..

11\.1 athaitad.h iti .. atha punaH etat.h api yat.h uktaM matkarmaparamatvaM
tat.h kartuM ashaktaH asi\, madyogaM AshritaH\, mayi kriyamANAni karmANi
sa.nyasya yat.h karaNaM teShAM anuShThAnaM saH madyogaH\, taM AshritaH
san.h \- sarvakarmaphalatyAgaM sarveShAM karmaNAM phalasa.nyAsaM
sarvakarmaphalatyAgaM tataH anantaraM kuru yatAtmavAn.h sa.nyatachittaH
san.h ityarthaH ..

12\.0 idAnIM sarvakarmaphalatyAgaM stauti \-

shreyo hi GYAnamabhyAsAjGYAnAddhyAnaM vishiShyate .
dhyAnAtkarmaphalatyAgastyAgAchChAntiranantaram.h .. 12\. 12..

12\.1 shreyaH iti .. shreyaH hi prashasyataraM GYAnaM \-
kasmAt.h ##?## \- ##(##a##)## vivekapUrvakAth.h abhyAsAt.h
tasmAt.h api GYAnAt.h GYAnapUrvakaM dhyAnaM
vishiShyate . GYAnavataH dhyAnAt.h api karmaphalatyAgaH\,
##''##vishiShyate##''## iti anuShajyate . evaM karmaphalatyAgAt.h
pUrvoktavisheShaNavataH ##(##11##)## shAntiH upashamaH sahetukasya sa.nsArasya
anantaraM eva syAt.h\, na tu kAlAntaraM apexate ..

12\.2 aGYasya karmaNi pravR^ittasya pUrvopadiShTopAyAnuShThAnashaktau
sarvakarmaNAM phalatyAgaH shreyassAdhanaM iti upadiShTaM\, na
prathamameva . atashcha ##''##shreyo hi GYAnaM##''##
ityAdyuttarottaravishiShTatvopadeshena sarvakarmaphalatyAgaH stUyate\,
sampannasAdhanAnuShThAnashaktau anuShTheyatvena shrutatvAt.h . kena
dharmeNa stutitvaM ##?## ##''##yadA sarve pramuchyante##''## ##(##kaTha\. u\. 6\.14##)## .
kAmAshcha sarve shrautasmArtakarmaNAM phalAni . tatyAge cha
viduShaH dhyAnaniShThasya anantarA eva shAntiH . iti
sarvakAmatyAgasAmAnyaM aGYakarmaphalatyAgasya api asti iti
tatsAmAnyAt.h sarvakarmaphalatyAgastutiH iyaM prarochanArthI .
yathA agastyena brAhmaNena samudraH pItaH iti idAnIntanAH api
brAhmaNAH brAhmaNatvasAmAnyAt.h stUyante . evaM
karmaphalatyAgAt.h karmayogasya sheyassAdhanatvaM abhihitam.h ..

13\.0 atra cha AtmeshvarabhedaM Ashritya vishvarUpe Ishvare chetaH
samAdhAnalaxaNaH yogaH uktaH\, IshvarArthaM karmAnuShThAnAdi cha .
##''##athaitadapyashakto.asi##''## ##(##12\.11##)## iti aGYAnakAryasUchanAt.h na
abhedadarshinaH axaropAsakasya karmayogaH upapadyate iti darshayati .
tathA karmayoginaH axaropAsanAnupapattiM darshayati bhagavAn.h ##''##te
prApnuvanti mAmeva##''## ##(##12\.4##)## iti axaropAsakAnAM kaivalyaprAptau
svAtantryaM uktvA\, itareShAM pAratantryAt.h IshvarAdhInatAM
darshitavAn.h ##''##teShAmahaM samuddharthA##''## ##(##12\.7##)## iti . yadi hi
Ishvarasya AtmabhUtAH te matAH abhedadarshitvAt.h axarasvarUpAH eva
te iti samuddharaNa karmaviShayavachanaM tAn.h prati apeshalaM syAt.h .
yasmAchcha arjunasya atyantam.h eva hitauShI bhagavAn.h tasya
samyagdarshanAnanvitaM karmayogaM bhedadR^iShTimantam.h eva upadishati .
na cha AtmAnaM IshvaraM pramANataH buddhvA kasyachit.h guNabAvaM
jigamiShati kashchit.h\, virodhAt.h . tasmAt.h axaropAsakAnAM
samyagdarshananiShThAnAM sa.nyAsinAM tyaktasarvaiShaNAnAM ##''##adveShTA
sarvabhUtAnAM##''## ityAdidharmapUgaM sAxAt.h amR^itatvakAraNaM vaxyAmi
iti pravartate \-

adveShTA sarvabhUtAnAM maitraH karuNa eva cha .
nirmamo nirahaN^kAraH samaduHkhasukhaH xamI .. 12\. 13..

13\.1 adveShTA iti .. adveShTA sarva bhUtAnAM sarveShAM bhUtAnAM na
dveShTA\, AtmanaH duHkhahetumapi na ki~nchit.h dveShTi\, sarvANi bhUtAni
Atmatvena pashyati . maitraH \- mitrabhAvaH maitrI\, mitratayA vartate
iti \- maitraH . karuNaH eva cha\, karuNA kR^ipA duHkhiteShu dayA\,
tadvAn.h karuNaH\, sarvabhUtAbhayapradaH\, sa.nyAsI ityarthaH .
nirmamaH mamapratyayavarjitaH . nirahaN^kAraH nirgatAhapratyayaH .
samaduHkhasukhaH\, same duHkhasukhe dveSharAgayoH apravartake yasya saH
samaduHkhasukhaH . xamI xamAvAn.h AkruShTaH abhihato vA avikriyaH eva
Aste ..

santuShTaH satataM yogI yatAtmA dR^iDhanishchayaH .
mayyarpitamanobuddhiryo madbhaktaH sa me priyaH .. 12\.14..

14\.1 santuShTaH iti .. santuShTaH satataM nityaM\, dehasthitikAraNasya lAbhe
alAbhe cha utpannala.npratyayaH . tathA guNavallAbhe viparyaye cha
santuShTaH . satataM yogI samAhitachittaH . yatAtmA
sa.nyatasvabhAvaH . dR^iDhanishchayaH\, dR^iDhaH sthiraH nishchayaH
adhyavasAyaH yasya AtmatatvaviShaye saH dR^iDhanishchayaH .
mayyarpitamanobuddhiH saN^kalpavikalpAtmakaM manaH\, adhyavasAyalaxaNA
buddhiH\, te mayi eva arpite sthApite yasya sa.nyAsinaH sa
mayyarpitamanobuddhiH . yaH IdR^ishaH madbhaktaH saH me priyaH .
##''##priyo hi GYAnino.atyarthamahaM sa cha mama priyaH##''## ##(##7\.17##)## iti saptame
adhyAye sUchitaM tat.h iha prapa~nchyate ..

yasmAnnodvijate loko lokannodvijate cha yaH .
harShAmarShabhayodvegairmukto yaH sa cha me priyaH .. 12\.15..

15\.1 yasmAt.h iti .. yasmAt.h sa.nyAsinaH na udvijate na udvegaM gachChati
na sa.ntapyate\, na sa.nxubhyati lokaH\, tathA lokAt.h na udvijate cha yaH\,
harShAmarShabhayodvegaiH\, harShashcha amarShashcha bhayaM cha udvegashcha
taiH harShAmarShabhayodvegaiH muktaH \- harShaH priyalAbhe antaHkaraNasya
utkarShaH romA~nchanAshrupAtAdiliN^gaH\, amarShaH asahiShNutA\, bhayaM
trAsaH\, udvegaH sdvignatA\, taiH muktaH yaH saH cha me priyaH ..

anapexaH shudhirdaxa udAsIno gatavyathaH .
sarvArambhaparityAgI yo madbhaktaH sa me priyaH .. 12\.16..

16\.1 anapexaH iti .. anapexaH dehendriyaviShayasambandhAdiShu apexA yasya
nAsti saH anapexaH niHspR^ihaH . shuchiH\, bAhyena AbhyatareNa cha
shauchena sampannaH . daxaH\, pratyutpanneShu kAryeShu sadyaH yathAvat.h
pratipattuM samarthaH . udAsInaH na kasyachit.h mitrAdeH paxaM bhajate
yaH saH udAsInaH \- yatiH . gatavyathaH gatabhayaH .
sarvArambhaparirtyAN^gI\, Arabhyante iti ArambhAH
ihAmutraphalabhogArthAni kAmahetUni karmANi sarvArambhAH\, tAn.h
parityaktuM shIlaM asya iti sarvArambhaparityAgI yaH madbhaktaH saH me
priyaH ..

ki~nch \-

yo na hR^iShyati na dveShTi na shochati na kAN^xati .
shubhAshubhaparityAgI bhaktimAn.h yaH sa me priyaH .. 12\.17..

17\.1 yo na iti .. yaH na hR^iShyati iShTaprAptau\, na dveShTi aniShTaprAptau\,
na shochati priyaviyoge\, na cha aprAptaM kAN^xati\, shubhAshubhe karmaNI
parityaktaM shIlaM asya iti shubhAshubhaparityAgI bhaktimAn.h yaH saH
me priyaH ..

samaH shatrau cha mitre cha tathA mAnApamAnayoH .
shItoShNasukhaduHkheShu samaH saN^gavivarjitaH .. 12\.8..

18\.1 samaH iti .. samaH shatrau cha mitre cha\, tathA mAnApamAnayoH
pujAparibhavayoH\, shItoShNusukhaduHkheShu samaH sarvatra saN^gavivarjitaH ..

ki~ncha \-

tulyanindAstunirmaunI santuShTo yena kenachit.h .
aniketaH sthiramatirbhaktimAnme priyo naraH .. 12\.19..

19\.1 tulya iti .. tulyanindAstutiH nindA cha stutishcha nindAstutI te tulye
yasya saH tulyanindAstuitiH . maunI maunavAn.h sa.nyatavAk.h .
santuShTaH yena kenachit.h sharIrasthitihetumAtreNa; tathA cha uktam.h \-

yena kenachidAchChanno yena kenachidAshitaH .
yatra kvachana shAyI syAttaM devA brAhmaNaM viduH ..

\- ##(##shAntiparva\. 245\. 12\.##)## iti . ki~ncha \- aniketaH niketaH
AshrayaH nivAsaH niyataH na vidyate yasya saH aniketaH\, ##''##nAgAre##''##
ityAdismR^ityantarAt.h . sthiramatiH sthirA pAramArthavastuviShayA
yasya matiH saH sthiramatiH . bhaktimAn.h me priyaH naraH ..

20\.0 ##''##adveShTA sarvabhUtAnAM##''## ##(##12\.13\.##)## ityAdinA axaropAsakAnAM
nivR^ittasarvaiShaNAnAM sa.nyAsinAM paramArthaGYAnaniShThAnAM
dharmajAtaM prakrAntaM upasa.nharati \-

ye tu dharmyAmR^itamidaM yathoktaM paryupAsate .
shraddadhAnA matparamA bhaktAste.atIva me priyAH .. 12\.20 ..

iti shrImahAbhArate shatasAhasryAM sa.nhitAyAM vaiyAsikyAM
bhIShmaparvaNi shrImadbhagavadgItAsUpaniShatsu brahmavidyAyAM
yogashAstre shrIkR^iShNArjunasa.nvAde bhaktiyoge nAma
dvAdasho.adhyAyaH ..

20\.1 ye tu iti .. ye tu sa.nyAsinaH dharmyAmR^itaM dharmAdanapetaM dharmyaM
cha tat.h amR^itaM cha tat.h\, amR^itatvehetutvAt.h\, idaM yathoktaM
##''##adveShTA sarvabhUtAnAM##''## ityAdinA paryupAsate anutiShThanti
shraddadhAnAH sa.ntaH matparamAH yathoktAH ahaM axarAtmA paramaH
niratishayAgatiH yeShAM te matparamAH\, madbhaktAH cha uttamAM
paramArthaGYAnalaxaNAM bhaktiM Asthi ##(##shri##)##tAH te atIva me priyAH .
##''##priyo hi GYAnino.atyartham.h##''## ##(##7\.17\.##)## iti yat.h sUchitaM tat.h
vyAkhyAya iha upasa.nhR^itaM ##''##bhaktAste.atIva me priyAH##''## iti .
yasmAt.h dharmyAmR^itaM idaM yathoktaM anutiShThan.h bhagavataH viShNoH
parameshvarasya atIva priyaH bhavati\, tasmAt.h idaM dharmyAmR^itaM
mumuxuNA yatnataH anuShTheyaM\, viShNoH\, priyaM paraM dhAma jigamiShuNA
\- iti vAkyArthaH ..
\medskip
AUM shA.ntAkAraM bhujagashayanaM padmanAbhaM suresham.h .
vishvAdhAraM gaganasadR^ishaM meghavarNaM shubhA.ngam.h .
lakShmIkA.ntaM kamalanayanaM yogIbhirdhyAnagamyam.h .
va.nde viShNuM bhavabhayaharaM sarvalokaikanAtham.h ..
##
\medskip
\hrule
\medskip
Encoded by Kapila Shankaran utsAha at accglobal.net
%Sent: Monday, October 25, 1999 6:52 PM
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
{\rm http://sanskritdocuments.org}
\end{document}