%@@1
% File name             : giitaabhaashya-3.itx
%--------------------------------------------
% Text title            : Gita Ch. 3 - Shankara Bhashya
% Author                : Adi Sankaracharya
% Language              : Sanskrit
% Subject               : philosophy/hinduism/religion
% Description/comments  :
% Transliterated by     : sunder hattangadi
% Proofread by          :   sunder hattangadi
% Translation by        : -
% Latest update         : October , 2008
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :
% http://sanskritdocuments.org
% http://sanskrit.gde.to/
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto engtitle are
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Gita - Shankara Bhashya - Ch. 3 ..}##
\itxtitle{.. gItAbhAshya\-3 ..}##\endtitles ##
tR^itIyo.adhyAyaH ..
karma\-yoga .
shAstrasya pravR^ittinivR^ittiviShayabhUte
dve buddhI bhagavatA nirdiShTe \, sA~Nkhye
buddhiH yoge buddhiH iti cha . tatra ##'## prajahAti
yadA kAmAn.h ##'##
ityArabhya A adhyAyaparisamApteH
sA~NkhyabuddhyAshritAnAM sa.nnyAsaM
kartavyamuktvA teShAM tanniShThatayaiva
cha kR^itArthatA uktA \- ##'## eShA
brAhmI sthitiH ##'## iti .  arjunAya
cha ##'## karmaNyevAdhikAraste \.\.\.
mA te sa~Ngo.astvakarmaNi ##'## iti karmaiva
kartavyamuktavAn.h yogabuddhimAshritya \,
na tata eva shreyaHprAptimuktavAn.h .
tadetadAlakShya paryAkulIkR^itabuddhiH
arjunaH uvAcha . kathaM bhaktAya shreyorthine
yat.h sAkShAt.h shreyaHprAptisAdhanaM
sA~NkhyabuddhiniShThAM shrAvayitvA mAM
karmaNi dR^iShTAnekAnarthayukte
pAraMparyeNApi anaikAntikashreyaHprAptiphale
niyu~njyAt.h iti yuktaH paryAkulIbhAvaH
arjunasya \,  tadanurUpashcha prashnaH ##'## jyAyasI
chet.h ##'## ityAdiH \, prashnApakaraNavAkyaM
cha bhagavataH yuktaM yathoktavibhAgaviShaye shAstre ..

kechittu \- arjunasya prashnArthamanyathA kalpayitvA
tatpratikUlaM bhagavataH prativachanaM varNayanti\,
yathA cha AtmanA sambandhagranthe gItArtho nirUpitaH
tatpratikUlaM chaiha punaH prashnaprativachanayoH arthaM
nirUpayanti . katham.h ##?## tatra sambandhagranthe tAvat.h \-
sarveShAmAshramiNAM j~nAnakarmaNoH samuchchayaH
gItAshAstre nirUpitaH arthaH ityuktam.h \; punaH
visheShitaM cha yAvajjIvashrutichoditAni
karmANi parityajya kevalAdeva j~nAnAt.h mokShaH
prApyate ityetat.h ekAntenaiva pratiShiddhamiti .
iha tu AshramavikalpaM darshayatA yAvajjIvashrutichoditAnAmeva
karmaNAM parityAga uktaH . tat.h kathamIdR^ishaM
viruddhamartham.h arjunAya brUyAt.h bhagavAn.h \,
shrotA vA kathaM viruddhamarthamavadhArayet.h ..

tatraitat.h syAt.h \- gR^ihasthAnAmeva shrautakarmaparityAgena
kevalAdeva j~nAnAt.h mokShaH pratiShidhyate \, na tu
AshramAntarANAmiti . etadapi pUrvottaraviruddhameva .
katham ##?## sarvAshramiNAM j~nAnakarmaNoH samuchchayo
gItAshAstre nishchitaH arthaH iti pratij~nAya iha kathaM
tadviruddhaM kevalAdeva j~nAnAt.h mokShaM brUyAt.h
AshramAntarANAm.h ..

atha mataM shrautakarmApekShayA etadvachanaM ##'## kevalAdeva
j~nAnAt.h shrautakarmarahitAt.h gR^ihasthAnAM mokShaH
pratiShidhyate ##'## iti \; tatra gR^ihasthAnAM vidyamAnamapi
smArtaM karma avidyamAnavat.h upekShya ##'## j~nAnAdeva kevalAt.h ##'##
ityuchyate iti . etadapi viruddham.h . katham.h ##?## gR^ihasthasyaiva
smArtakarmaNA samuchchitAt.h j~nAnAt.h mokShaH pratiShidhyate na tu
AshramAntarANAmiti kathaM vivekibhiH shakyamavadhArayitum.h .
ki.ncha \- yadi mokShasAdhanatvena smArtAni karmANi
UrdhvaretasAM samuchchIyante tathA gR^ihasthasyApi iShyatAM
smArtaireva samuchchayo na shrautaiH ..

atha shrautaiH smArtaishcha gR^ihasthasyaiva samuchchayaH
mokShAya \, UrdhvaretasAM tu smArtakarmamAtrasamuchchitAt.h
j~nAnAt.h mokSha iti . tatraivaM sati gR^ihasthasya
AyAsabAhulyAt.h \, shrautaM smArtaM cha bahuduHkharUpaM
karma shirasi AropitaM syAt.h ..

atha gR^ihasthasyaiva AyAsabAhulyakAraNAt.h mokShaH syAt.h \,
na AshramAntarANAM shrautanityakarmarahitatvAt.h iti . tadapyasat.h \,
sarvopaniShatsu itihAsapurANayogashAstreShu cha j~nAnA~Ngatvena
mumukShoH sarvakarmasa.nnyAsavidhAnAt.h \,
AshramavikalpasamuchchayavidhAnAchcha shrutismR^ityoH ..

siddhastarhi sarvAshramiNAM j~nAnakarmaNoH samuchchayaH \- na \,
mumukShoH sarvakarmasa.nnyAsavidhAnAt.h . ##'## putraiShaNAyA
vittaiShaNAyAshcha vyutthAyAthabhikShAcharyaM charanti ##'##\,
##'## tasmAt.h nyAsameShAM tapasAmatiriktamAhuH ##'##\,##'## nyAsa
evAtyarechayat.h ##'## iti \, ##'## na karmaNA na prajayA dhanena
tyAgenaike amR^itatvamAnashuH ##'## iti cha .
##'## brahmacharyAdeva pravrajet.h ##'## ityAdyAH shrutayaH .
##'## tyaja dharmamadharmaM cha ubhe satyAnR^ite tyaja . ubhe
satyAnR^ite tyaktvA yena tyajasi tattyaja . saMsArameva
niHsAraM dR^iShTvA sAradidR^ikShayA . pravrajantyakR^itodvAhAH
paraM vairAgyamAshritAH ##'## iti bR^ihaspatiH . ##'## karmaNA
badhyate janturvidyayA cha vimuchyate . tasmAtkarma na kurvanti
yatayaH pAradarshinaH ##'## iti shukAnushAsanam.h . ihApi cha
##'## sarvakarmANi manasA sa.nnyasya ##'## ityAdi ..

mokShasya cha akAryatvAt.h mumukShoH karmAnarthakyam.h .
nityAni pratyavAyaparihArArthAni iti chet.h \,
na \; asa.nnyAsiviShayatvAt.h pratyavAyaprApteH .
na hi agnikAryAdyakaraNAt.h sa.nnyAsinaH pratyavAyaH
kalpayituM shakyaH \, yathA brahmachAriNAmasa.nnyAsinAmapi
karmiNAm.h . na tAvat.h nityAnAM karmaNAmabhAvAdeva
bhAvarUpasya pratyavAyasya utpattiH kalpayituM shakyA \,
##'## kathamasataH sajjAyeta ##'## iti asataH sajjanmAsambhavashruteH .
yadi vihitAkaraNAt.h asambhAvyamapi pratyavAyaM brUyAt.h vedaH \,
tadA anarthakaraH vedaH apramANamityuktaM syAt.h \; vihitasya
karaNAkaraNayoH duHkhamAtraphalatvAt.h . tathA cha kArakaM
shAstraM na j~nApakaM ityanupapannarthaM kalpitaM syAt.h .
na chaitadiShTam.h . tasmAt.h na sa.nnyAsinAM karmANi .
ato j~nAnakarmaNoH samuchchayAnupapattiH \; ##'## jyAyasI
chet.h karmaNaste matA buddhiH ##'## iti arjunasya prashnAnupapatteshcha ..

yadi hi bhagavatA dvitIye.adhyAye j~nAnaM karma cha
samuchchitya tvayA anuShTheyam.h ityuktaM syAt.h \, tataH
arjunasya prashnaH anupapannaH ##'## jyAyasI chetkarmaNaste
matA buddhiH ##'## iti . arjunAya chet.h buddhikarmaNI tvayA
anuShTheye ityukte \, yA karmaNo jyAyasI buddhiH sApi uktaiva
iti ##'## tat.h kiM karmaNi ghore mAM niyojayasi keshava ##'## iti
upAlambhaH prashno vA na katha~nchana upapadyate . na cha
arjunasyaiva jyAyasI buddhiH na anuShTheyA iti bhagavatA
uktaM pUrvam.h iti kalpayituM yuktam.h \, yena ##'## jyAyasI chet.h ##'##
iti vivekataH prashnaH syAt.h ..

yadi punaH ekasya puruShasya j~nAnakarmaNorvirodhAt.h yugapadanuShThAnaM
na sambhavatIti bhinnapuruShAnuShTheyatvaM bhagavatA pUrvamuktaM syAt.h \,
tato.ayaM prashna upapannaH ##'## jyAyasI chet.h ##'## ityAdiH .
avivekataH prashnakalpanAyAmapi bhinnapuruShAnuShTheyatvena
j~nAnakarmaniShThayoH bhagavataH prativachanaM nopapadyate . na cha
aj~nAnanimittaM bhagavatprativachanaM kalpanIyam.h . asmAchcha
bhinnapuruShAnuShTheyena j~nAnakarmaniShThayoH bhagavataH
prativachanadarshanAt.h j~nAnakarmaNoH samuchchayAnupapattiH .
tasmAt.h kevalAdeva j~nAnAt.h mokSha ityeSho.artho nishchito
gItAsu sarvopaniShatsu cha ..

j~nAnakarmaNoH ##'## ekaM vada nishchitya ##'## iti cha ekaviShayaiva prArthanA
anupapannA \, ubhayoH samuchchayasambhave . ##'## kuru karmaiva tasmAttvaM ##'##
iti cha j~nAnaniShThAsambhavaM arjunasya avadhAraNena darshayiShyati ..

arjuna uvAcha .
jyAyasI chetkarmaNaste matA buddhirjanArdana .
tatki.n karmaNi ghore mA.n niyojayasi keshava .. 3\-1..

jyAyasI shreyasI chet.h yadi karmaNaH sakAshAt.h te tava matA
abhipretA buddhiH j~nAnaM he janArdana . yadi buddhikarmaNI samuchchite
iShTe tadA ekaM shreyaHsAdhanamiti karmaNo jyAyasI buddhiH iti karmaNaH
atiriktakaraNaM buddheranupapannaM arjunena kR^itaM syAt.h \; na hi tadeva
tasmAt.h phalato.ariktaM syAt.h . tathA cha \, karmaNaH shreyaskarI
bhagavatoktA buddhiH \, ashreyaskaraM cha karma kurviti mAM pratipAdayati \,
tat.h kiM nu kAraNamiti bhagavata upAlambhamiva kurvan.h tat.h kiM kasmAt.h
karmaNi ghore krUre hiMsAlakShaNe mAM niyojayasi keshava iti cha yadAha \,
tachcha nopapadyate . atha smArtenaiva karmaNA samuchchayaH sarveShAM
bhagavatA uktaH arjunena cha avadhAritashchet.h \, ##'## tatkiM karmaNi
ghore mAM niyojayasi ##'## ityAdi kathaM yuktaM vachanam.h ..

ki.ncha \-

vyAmishreNeva vAkyena buddhiM mohayasIva me .
tadekaM vada nishchitya yena shreyo.ahamApnuyAm.h .. 3\-2..

vyAmishreNeva \, yadyapi viviktAbhidhAyI bhagavAn.h \, tathApi mama
mandabuddheH vyAmishramiva bhagavadvAkyaM pratibhAti . tena mama buddhiM
mohayasi iva \, mama buddhivyAmohApanayAya hi pravR^ittaH tvaM tu kathaM
mohayasi ##?## ataH bravImi buddhiM mohayasi iva me mama iti . tvaM tu
bhinnakartR^ikayoH j~nAnakarmaNoH ekapuruShAnuShThAnasambhavaM yadi
manyase \, tatraivaM sati tat.h tayoH ekaM buddhiM karma vA idameva
arjunasya yogyaM buddhishaktyavasthAnurUpamiti nishchitya vada brUhi \,
yena j~nAnena karmaNA vA anyatareNa shreyaH aham.h ApnuyAM prApnuyAm.h .
iti yaduktaM tadapi nopapadyate ..

yadi hi karmaniShThAyAM guNabhUtamapi j~nAnaM bhagavatA uktaM syAt.h \,
tat.h kathaM tayoH ##'## ekaM vada ##'## iti ekaviShayaiva arjunasya shushrUShA
syAt.h . na hi bhagavatA pUrvamuktaM ##'## anyataradeva j~nAnakarmaNoH
vakShyAmi \, naiva dvayam.h ##'## iti \, yena ubhayaprAptyasambhavam.h Atmano
manyamAnaH ekameva prArthayet.h ..

prashnAnurUpameva prativachanaM shrIbhagavAnuvAcha \-

shrIbhagavAnuvAcha .
loke.asmin dvividhA niShThA purA proktA mayAnagha .
GYAnayogena sA~NkhyAnA.n karmayogena yoginAm.h .. 3\-3..

loke asmin.h shAstrArthAnuShThAnAdhikR^itAnAM traivarNikAnAM
dvividhA dviprakArA niShThA sthitiH anuShTheyatAtparyaM purA pUrvaM
sargAdau prajAH sR^iShTvA tAsAm.h abhyudayaniHshreyasaprAptisAdhanaM
vedArthasampradAyamAviShkurvatA proktA mayA sarvaj~nena IshvareNa
he anagha apApa . tatra kA sA dvividhA niShThA ityAha \- tatra
j~nAnayogena j~nAnameva yogaH tena sA~NkhyAnAM AtmAnAtmaviShaya\-
vivekavij~nAnavatAM brahmacharyAshramAdeva kR^itasa.nnyAsAnAM
vedAntavij~nAnasunishchitArthAnAM paramahaMsaparivrAjakAnAM
brahmaNyeva avasthitAnAM niShThA proktA . karmayogena karmaiva yogaH
karmayogaH tena karmayogena yoginAM karmiNAM niShThA proktA ityarthaH .
yadi cha ekena puruSheNa ekasmai puruShArthAya j~nAnaM karma cha
samuchchitya anuShTheyaM bhagavatA iShTam.h uktaM vakShyamANaM vA gItAsu
vedeShu choktam.h \, kathamiha arjunAya upasannAya priyAya vishiShTabhinna\-
puruShakartR^ike eva j~nAnakarmaniShThe brUyAt.h ##?## yadi punaH ##'## arjunaH
j~nAnaM karma cha dvayaM shrutvA svayamevAnuShThAsyati anyeShAM tu
bhinnapuruShAnuShTheyatAM vakShyAmi iti ##'## mataM bhagavataH kalpeta \,
tadA rAgadveShavAn.h apramANabhUto bhagavAn.h kalpitaH syAt.h .
tachchAyuktam.h . tasmAt.h kayApi yuktyA na samuchchayo j~nAnakarmaNoH ..

yat.h arjunena uktaM karmaNo jyAyastvaM buddheH \, tachcha sthitam.h \,
anirAkaraNAt.h . tasyAshcha j~nAnaniShThAyAH sa.nnyAsinAmeva\-
anuShTheyatvam.h \, bhinnapuruShAnuShTheyatvavachanAt.h . bhagavataH
evameva anumatamiti gamyate ..

##'## mAM cha bandhakAraNe karmaNyeva niyojayasi ##'## iti viShaNNa\-
manasamarjunam.h ##'## karma nArabhe ##'## ityevaM manvAnamAlakShya Aha
bhagavAn.h \- na karmaNAmanArambhAt.h iti . athavA \-\-\-j~nAnakarmaniShThayoH
parasparavirodhAt.h ekena puruSheNa yugapat.h anuShThAtumashakyatve sati
itaretAnapekShayoreva puruShArthahetutve prApte karmaniShThAyA
j~nAnaniShThAprAptihetutvena puruShArthahetutvaM \, na svAtantryeNa \;
j~nAnaniShThA tu karmaniShThopAyalabdhAtmikA satI svAtantryeNa
puruShArthahetuH anyAnapekShA \, ityetamarthaM pradarshayishyan.h
Aha bhagavAn.h \-

na karmaNAmanArambhAnnaiShkarmyaM puruSho.ashnute .
na cha sa.nnyasanAdeva siddhi.n samadhigachChati .. 3\-4..

na karmaNAM kriyANAM yaj~nAdInAm.h iha janmani janmAntare vA
anuShThitAnAm.h upAttaduritakShayahetutvena sattvashuddhikAraNAnAM
tatkAraNatvena cha j~nAnotpattidvAreNa j~nAnaniShThAhetUnAm.h \,
##'## j~nAnamutpadyate puMsAM kShayAtpApasya karmaNaH ##'## .
yathAdarshatalaprakhye pashyatyAtmAnamAtmani ##'## ityAdismaraNAt.h \,
anArambhAt.h ananuShThAnAt.h naiShkarmyaM niShkarmabhAvaM karmashUnyatAM
j~nAnayogena niShThAM niShkriyAtmasvarUpeNaiva avasthAnamiti yAvat.h .
puruShaH na ashnute na prApnotItyarthaH ..

karmaNAmanArambhAnnaiShkarmyaM nAshnute iti vachanAt.h tadviparyayAt.h
teShAmArambhAt.h naiShkarmyamashnute iti gamyate . kasmAt.h punaH
kAraNAt.h karmaNAmanArambhAtnaiShkarmyaM nAshnute iti ##?## uchyate \-
karmArambhasyaiva naiShkarmyopAyatvAt.h . na hyupAyamantareNa
upeyaprAptirasti . karmayogopAyatvaM cha naiShkarmyalakShaNasya
j~nAnayogasya \, shrutau iha cha \, pratipAdanAt.h . shrutau tAvat.h
prakR^itasya Atmalokasya vedyasya vedanopAyatvena ##'## tametaM
vedAnuvachanena brAhmaNA vividiShanti yaj~nena ##'## ityAdinA karmayogasya
j~nAnayogapAyatvaM pratipAditam.h . iahApi cha \- ##'## sa.nnyAsastu
mahAbAho duHkhamAptumayogataH ##'## ##'## yoginaH karma kurvanti sa~NgaM
tyaktvAtmashuddhaye ##'## ##'## yaj~no dAnaM tapashchaiva pAvanAni
manIShiNAm.h ##'## ityAdi pratipAdayiShyati ..

nanu cha ##'## abhayaM sarvabhUtebhyo dattvA naiShkarmyamAcharet.h ##'##
ityAdau kartavyakarmasa.nnyAsAdapi naiShkarmyaprAptiM darshayati . loke cha
karmaNAmanArambhAnnaiShkarmyamiti prasiddhataram.h . atashcha
naiShkarmyArtinaH kiM karmArambheNa ##?## iti prAptam.h . ata Aha \- na cha
sa.nnyasanAdeveti . nApi sa.nnyasanAdeva kevalAt.h karmaparityAgamAtrAdeva
j~nAnarahitAt.h siddhiM naiShkarmyalakShaNAM j~nAnayogena niShThAM
samadhigachChati na prApnoti ..

kasmAt.h punaH kAraNAt.h karmasa.nnyAsamAtrAdeva kevalAt.h
j~nAnarahitAt.h siddhiM naiShkarmyalakShaNAM puruSho nAdhigachChati iti
hetvAkA~NkShAyAmAha \-

na hi kashchitkShaNamapi jAtu tiShThatyakarmakR^it.h .
kAryate hyavashaH karma sarvaH prakR^itijairguNaiH .. 3\-5..

na hi yasmAt.h kShaNamapi kAlaM jAtu kadAchit.h kashchit.h tiShThati
akarmakR^it.h san.h . kasmAt.h ##?## kAryate pravartyate hi yasmAt.h avasha
eva asvatantra eva karma sarvaH prANI prakR^itijaiH prakR^itito jAtaiH
sattvarajastamobhiH guNaiH . aj~na iti vAkyasheShaH \, yato vakShyati
##'## guNairyo na vichAlyate ##'## iti . sA~NkhyAnAM pR^ithakkaraNAt.h
aj~nAnameva hi karmayogaH \, na j~nAninAm.h . j~nAninAM tu
guNairachAlyamAnAnaM svatashchalanAbhAvAt.h karmayogo nopapadyate . tathA
cha vyAkhyAtam.h ##'## vedAvinAshinam.h ##'## ityatra ..

yattvanAtmaj~naH choditaM karma nArabhate iti tadasadevetyAha \-

karmendriyANi sa.nyamya ya Aste manasA smaran.h .
indriyArthAnvimUDhAtmA mithyAchAraH sa uchyate .. 3\-6..

karmendriyANi hastAdIni saMyamya saMhR^itya yaH Aste tiShThati manasA
smaran.h chintayan.h indriyArthAn.h viShayAn.h vimUDhAtmA
vimUDhAntakaraNaH mithyAcharo mR^iShAchAraH pApAchAraH sa uchyate ..

yastvindriyANi manasA niyamyArabhate.arjuna .
karmendriyaiH karmayogamasaktaH sa vishiShyate .. 3\-7..

yastu punaH karmaNyadhikR^itaH aj~naH buddhIndriyANi manasA niyamya
Arabhate arjuna karmendriyaiH vAkpANyAdibhiH . kimArabhate ityAha \-
karmayogaH asaktaH san.h phalAbhisandhivarjitaH saH vishiShyate itarasmAt.h
mithyAchArAt.h ..

yataH evam.h ataH \-

niyata.n kuru karma tvaM karma jyAyo hyakarmaNaH .
sharIrayAtrApi cha te na prasidhyedakarmaNaH .. 3\-8..

niyataM nityaM shAstropadiShTam.h \, yo yasmin.h karmaNi adhikR^itaH phalAya
cha ashrutaM tat.h niyataM karma \, tat.h kuru tvaM he arjuna \, yataH karma
jyAyaH adhikataraM phalataH \, hi yasmAt.h akarmaNaH akaraNAt.h
anArambhAt.h . katham ##?## sharIrayAtrA sharIrasthitiH api cha te tava
na prasiddhyet.h prasiddhiM na gachChet.h akarmaNaH akaraNAt.h . ataH
dR^iShTaH karmAkarmaNorvisheSho loke ..

yachcha manyase bandhArthatvAt.h karma na kartavyamiti tadapyasat.h . katham.h \-

yaGYArthAtkarmaNo.anyatra loko.aya.n karmabandhanaH .
tadartha.n karma kaunteya muktasa~NgaH samAchara .. 3\-9..

##'##yaj~no vai viShNuH##' ## iti shruteH yaj~naH IshvaraH \, tadarthaM yet.h
kriyate tat.h yaj~nArthaM karma . tasmAt.h karmaNaH anyatra anyena karmaNaH
lokaH ayaM adhikR^itaH karmakR^it.h karmabandhanaH karma bandhanaM yasya so.ayaM
karmabandhanaH lokaH \, na tu yaj~nArthAt.h . ataH tadarthaM yaj~nArthaM karma
kaunteya \, muktasa~NgaH karmaphalasa~NgavarjitaH san.h samAchara nirvartaya ..

itashcha adhikR^itena karma kartavyam.h \-

sahayaGYAH prajAH sR^iShTvA purovAcha prajApatiH .
anena prasaviShyadhvameSha vo.astviShTakAmadhuk.h .. 3\-10..

sahaya~jnAH yaj~nasahitAH prajAH trayo varNAH tAH sR^iShTvA utpAdya purA
pUrvaM sargAdau uvAcha uktavAn.h prajApatiH prajAnAM sraShTA anena yaj~nena
prasaviShyadhvaM prasavaH vR^iddhiH utpattiH taM kurudhvam.h . eSha yaj~naH vaH
yuShmAkam.h astu bhavatu iShTakAmadhuk.h iShTAn.h abhipretAn.h kAmAn.h
phalavisheShAn.h dogdhIti iShTakAmadhuk.h ..

katham.h \-

devAnbhAvayatAnena te devA bhAvayantu vaH .
parasparaM bhAvayantaH shreyaH paramavApsyatha .. 3\-11..

devAn.h indrAdIn.h bhAvayata vardhayata anena yaj~nena . te devA bhAvayantu
ApyAyayantu vR^iShTyAdinAH vaH yuShmAn.h . evaM parasparaM anyonyaM
bhAvayantaH shreyaH paraM mokShalakShaNaM j~nAnaprAptikrameNa avApsyatha .
svargaM vA paraM shreyaH avApsyatha ..

ki.ncha \-

iShTAnbhogAnhi vo devA dAsyante yaGYabhAvitAH .
tairdattAnapradAyaibhyo yo bhu~Nkte stena eva saH .. 3\-12..

iShTAn.h abhipretAn.h bhogAn.h hi vaH yuShmabhyaM devAH dAsyante vitariShyanti
strIpashuputrAdIn.h yaj~nabhAvitAH yaj~naiH vardhitAH toShitAH ityarthaH .
taiH devaiH dattAn.h bhogAn.h apradAya adattvA \, AnR^iNyamakR^itvA ityarthaH \,
ebhyaH devebhyaH \, yaH bhu~Nkte svadehendriyANeva tarpayati stena eva taskara eva
saH devAdi svApahArI ..

ye punaH \-

yaGYashiShTAshinaH santo muchyante sarvakilbiShaiH .
bhu~njate te tvaghaM pApA ye pachantyAtmakAraNAt.h .. 3\-13..

devayaj~nAdIn.h nirvartya tachChiShTam.h ashanam.h amR^itAkhyam.h ashituM shIlaM
yeShAM te yaj~nashiShTAshinaH santaH muchyante sarvakilbiShaiH sarvapApaiH
chullyAdipa~nchasUnAkR^itaiH pramAdakR^itahiMsAdijanitaishcha anyaiH . ye tu
AtmaMbharayaH \, bhu~njate te tu aghaM pApaM svayamapi pApAH \- ye pachanti pAkaM
nirvartayanti AtmakAraNAt.h AtmahetoH ..

itashcha adhikR^itena karma kartavyam.h jagachchakrapravR^ittiheturhi karma .
kathamiti uchyate \-

annAdbhavanti bhUtAni parjanyAdannasambhavaH .
yaGYAdbhavati parjanyo yaGYaH karmasamudbhavaH .. 3\-14..

annAt.h bhuktAt.h lohitaretaHpariNatAt.h pratyakShaM bhavanti jAyante bhUtAni .
parjanyAt.h vR^iShTeH annasya sambhavaH annasambhavaH . yaj~nAt.h bhavati
parjanyaH \, ##'## agnau prAstAhutiH samyagAdityamupatiShThate . AdityAjjAyate
vR^iShTirvR^iShTerannaM tataH prajAH iti smR^iteH . yaj~naH apUrvam.h . sa cha
yaj~naH karmasamudbhavaH R^itvigyajamAnayoshcha vyApAraH karma \, tat.h
samudbhavaH yasya yaj~nasya apUrvasya sa yaj~naH karmasamudbhavaH ..

tachchaivaMvidhaM karma kuto jAtmaityAha \-

karma brahmodbhava.n viddhi brahmAkSharasamudbhavam.h .
tasmAtsarvagataM brahma nityaM yaGYe pratiShThitam.h .. 3\-15..

karma brahmodbhavaM brahma vedaH saH udbhavaH kAraNaM prakAshako yasya tat.h karma
brahmodbhavaM viddhi vijAnIhi . brahma punaH vedAkhyam.h akSharasamudbhavam.h
akSharaM brahma paramAtmA samudbhavo yasya tat.h akSharasamudbhavam.h . brahma
veda ityarthaH . yasmAt.h sAkShAt.h paramAtmAkhyAt.h akSharAt.h
puruShaniHshvAsavat.h samudbhUtaM brahma tasmAt.h sarvArthaprakAshakatvAt.h
sarvagatam.h \; sarvagatamapi sat.h nityaM sadA yaj~navidhipradhAnatvAt.h
yaj~ne pratiShThitam.h ..

evaM pravartita.n chakraM nAnuvartayatIha yaH .
aghAyurindriyArAmo moghaM pArtha sa jIvati .. 3\-16..

evam.h ittham.h IshvareNa vedayaj~napUrvaka jagachchakraM pravartitaM na
anuvartayati iha loke yaH karmaNi adhikR^itaH san.h aghAyuH aghaM pApaM AyuH
jIvanaM yasya saH aghAyuH \, pApajIvanaH iti yAvat.h . indriyArAmaH
indriyaiH ArAmaH AramaNam.h AkrIDA viShayeShu yasya saH indriyArAmaH
moghaM vR^ithA he pArtha \, sa jIvati ..

tasmAt.h aj~nena adhikR^itena kartavyameva karmeti prakaraNArthaH . prAk.h
Atmaj~nAnaniShThAyogyatAprApteH tAdarthyena karmayogAnuShThAnam.h
adhikR^itena anAtmaj~nena kartavyamevetyetat.h ##'## na karmaNAmanArambhAt.h ##'##
ityata Arabhya ##'## sharIrayAtrApi cha te na prasidhyedakarmaNaH ##'##
ityevamantena pratipAdya \, ##'## yaj~nArthAt.h karmaNo.anyatra ##'## ityAdinA
##'## moghaM pArtha sa jIvati ##'## ityevamantenApi granthena prAsa~Ngikam.h
adhikR^itasya anAtmavidaH karmAnuShThAne bahu kAraNamuktam.h . tadakaraNe
cha doShasa~NkIrtanaM kR^itam.h ..

evaM sthite kimevaM pravartitaM chakraM sarveNAnuvartanIyam.h \, Ahosvit.h
pUrvoktakarmayogAnuShThAnopAyaprApyAm.h anAtmavidaH j~nAnayogenaiva
niShThAm.h AtmavidbhiH sA.nkhyaiH anuShTheyAmaprAptenaiva \, ityevamartham.h
arjunasya prashnamAsha~Nkya svayameva vA shAstrArthasya vivekapratipratyartham.h
##'## etaM vai tamAtmAnaM viditvA nivR^ittamithyAj~nAnAH santaH brAhmaNAH
mithyAj~nAnavadbhiH avashyaM kartavyebhyaH putraiShaNAdibhyo vyutthAyAtha
bhikShAcharyaM sharIrasthitimAtraprayuktaM charanti na teShAmAtmaj~nAna\-
niShThAvyatirekeNa anyat.h kAryamasti ##'## ityevaM shrutyarthamiha gItAshAstre
pratipAdayiShitamAviShkurvan.h Aha bhagavAn.h \-

yastvAtmaratireva syAdAtmatR^iptashcha mAnavaH .
Atmanyeva cha santuShTastasya kAryaM na vidyate .. 3\-17..

yastu sA~NkhyaH Atmaj~nAnaniShThaH AtmaratiH Atmanyeva ratiH na viShayeShu
yasya saH Atmaratireva syAt.h bhavet.h AtmatR^iptashcha Atmanaiva tR^iptaH
na annarasAdinA saH mAnavaH manuShyaH sa.nnyAsI Atmanyeva cha santuShTaH .
santoSho hi bAhyArthalAbhe sarvasya bhavati \, tamanapekShya Atmanyeva cha
santuShTaH sarvato vItatR^iShNa ityetat.h . yaH IdR^ishaH Atmavit.h tasya
kAryaM karaNIyaM na vidyate nAsti ityarthaH .

ki.ncha \-

naiva tasya kR^itenArtho nAkR^iteneha kashchana .
na chAsya sarvabhUteShu kashchidarthavyapAshrayaH .. 3\-18..

naiva tasya paramArtharateH kR^itena karmaNA arthaH prayojanamasti . astu tarhi
akR^itena akaraNenna pratyavAyAkhyaH anarthaH \, na akR^itena iha loke kashchana
kashchidapi pratyavAyaprAptirUpaH AtmahAnilakShaNo vA naiva asti . na cha asya
sarvabhUteShu brahmAdisthAvarAnteShu bhUteShu kashchit.h arthavyapAshrayaH
prayojananimittakriyAsAdhyaH vyapAshrayaNam.h AlambanaM kaMchit.h bhUtavisheSha\-
mAshritya na sAdhyaH kashchidarthaH asti \, yena tadarthA kriyA anuShTheyA
syAt.h . na tvam.h etasmin.h sarvataHsamplutodakasthAnIye samyagdarshane vartase ..

yataH evam.h \-

tasmAdasaktaH satataM kAryaM karma samAchara .
asakto hyAcharankarma paramApnoti pUruShaH .. 3\-19..

tasmAt.h asaktaH sa~NgavarjitaH satataM sarvadA kAryaM kartavyaM nityaM karma
samAchara nirvartaya . asakto hi yasmAt.h samAcharan.h IshvarArthaM karma kurvan.h
paraM mokSham.h Apnoti pUruShaH sattvashuddhidvAreNa ityarthaH ..

yasmAchcha \-

karmaNaiva hi sa.nsiddhimAsthitA janakAdayaH .
lokasa.ngrahamevApi sampashyankartumarhasi .. 3\-20..

karmaNaiva hi yasmAt.h pUrve kShatriyAH vidvAMsaH saMsiddhiM mokShaM gantum.h
AsthitAH pravR^ittAH . ke \? janakAdayaH janakAshvapatiprabhR^itayaH . yadi te
prAptasamyagdarshanAH \, tataH lokasa.ngrahArthaM prArabdhakarmatvAt.h karmaNA
sahaiva asa.nnyasyaiva karma saMsiddhimAsthitA ityarthaH . atha aprAptasamyag\-
darshanAH janakAdayaH \, tadA karmaNA sattvashuddhisAdhanabhUtena krameNa
saMsiddhimAsthitA iti vyAkhyeyaH shlokaH . atha manyase pUrvairapi janakAdibhiH
ajAnadbhireva kartavyaM karma kR^itam.h \; tAvatA nAvashyamanyena kartavyaM
samyagdarshanavatA kR^itArtheneti \; tathApi prArabdhakarmAyattaH tvam.h
lokasa.ngraham.h eva api lokasya unmArgapravR^ittinivAraNaM lokasa.ngrahaH \,
tamevApi prayojanaM sampashyan.h kartum.h arhasi ..

lokasa.ngrahaH kimarthaM kartavya ityuchyate \-

yadyadAcharati shreShThastattadevetaro janaH .
sa yatpramANaM kurute lokastadanuvartate .. 3\-21..

yadyat.h karma Acharati karoti shreShThaH pradhAnaH tattadeva karma Acharati
itaraH anyaH janaH tadanugataH . ka.ncha saH shreShThaH yat.h pramANaM kutute
laukikaM vaidikaM vA lokaH tat.h anuvartate tadeva pramANIkaroti ityarthaH ..

yadi atra te lokasa.ngrahakartavyatAyAM vipratipattiH tarhi mAM kiM na
pashyasi \? \-

na me pArthAsti kartavyaM triShu lokeShu ki~nchana .
nAnavAptamavAptavyaM varta eva cha karmaNi .. 3\-22..

na me mama pArtha na asti na vidyate kartavyaM triShu api lokeShu ki.nchana
ki.nchidapi . kasmAt.h \? na anavAptam.h aprAptam.h avAptavyaM prApaNIyam.h \,
tathApi varte eva cha karmaNi aham.h ..

yadi hyahaM na varteya.n jAtu karmaNyatandritaH .
mama vartmAnuvartante manuShyAH pArtha sarvashaH .. 3\-23..

yadi hi punaH ahaM na varteya jAtu kadAchit.h karmaNi atandritaH analasaH san.h
mama shreShThasya sataH vartma mArgam.h anuvartante manuShyAH he pArth \,
sarvashaH sarvaprakAraiH ..

utsIdeyurime lokA na kuryA.n karma chedaham.h .
sa~Nkarasya cha kartA syAmupahanyAmimAH prajAH .. 3\-24..

utsIdeyuH vinashyeyuH ime sarve lokAH lokasthitinimittasya karmaNaH abhAvAt.h
na kuryAM karma chet.h aham.h . ki.ncha \, sa~Nkarasya cha kartA syAm.h . tena
kAraNena upahanyAm.h imAH prajaH . prajAnAmanugrahAya pravR^ittaH upahatim.h
upahananaM kuryAm.h ityarthaH . mama Ishvarasya ananurUpamApadyeta ..

yadi punaH ahamiva tvaM kR^itArthabuddhiH \, Atmavit.h anyo vA \, tasyApi
AtmanaH kartavyAbhAve.api parAnugraha eva kartavya ityAha \-

saktAH karmaNyavidvA.nso yathA kurvanti bhArata .
kuryAdvidvA.nstathAsaktashchikIrShurlokasa.ngraham.h .. 3\-25..

saktAH karmaNi ##'## asya karmaNaH phalaM mama bhaviShyati ##'##
iti kechit.h avidvAMsaH yathA kurvanti bhArata\, kuryAt.h vidvAn.h
Atmavit.h tathA asaktaH san.h . tadvat.h kimarthaM karoti ##?## tat.h
shR^iNu\-\-\-chikIrShuH kartumichChuH lokasa.ngraham.h ..

   evaM lokasa.ngrahaM chikIrShoH na mama AtmavidaH kartavyamasti
anyasya vA lokasa.ngrahaM muktvA . tataH tasya AtmavidaH idamupadishyate\-\-\-

na buddhibheda.n janayedaGYAnA.n karmasa~NginAm.h .
joShayetsarvakarmANi vidvAnyuktaH samAcharan.h .. 3\-26..

   buddherbhedaH buddhibhedaH ##'## mayA idaM kartavyaM
bhoktavyaM chAsya karmaNaH phalam.h ##'## iti nishchayarUpAyA
buddheH bhedanaM chAlanaM buddhibhedaH taM na janayet.h
na utpAdayet.h aj~nAnAM avivekinAM karmasa~NginAM
karmaNi AsaktAnAM Asa~NgavatAm.h .kiM nu kuryAt.h ##?##
joShayet.h kArayet.h sarvakarmANi vidvAn.h svayaM tadeva
aviduShAM karma yuktaH abhiyuktaH samAcharan.h ..

   avidvAnaj~naH kathaM karmasu sajjate ityAha \-\-\-

prakR^iteH kriyamANAni guNaiH karmANi sarvashaH .
aha~NkAravimUDhAtmA kartAhamiti manyate .. 3\-27..

   prakR^iteH prakR^itiH pradhAnaM sattvarajastamasAM
guNAnAM sAmyAvasthA tasyAH prakR^iteH guNaiH
vikAraiH kAryakaraNarUpaiH kriyamANAni karmANi
laukikAni shAstrIyANi cha sarvashaH sarvaprakAraiH
aha.nkAravimUDhAtmA kAryakaraNa sa.nghAtAtmapratyayaH
tena vividhaM nAnAvidhaM mUDhaH AtmA antaHkaraNaM yasya
saH ayaM kAryakaraNadharmA kAryakaraNAbhimAnI
avidyayA karmANi Atmani manyamAnaH tattatkarmaNAM
ahaM kartA iti manyate ..

   yaH punarvidvAn.h \-\-\-

tattvavittu mahAbAho guNakarmavibhAgayoH .
guNA guNeShu vartanta iti matvA na sajjate .. 3\-28..

 tattvavit.h tu mahAbAho . kasya tattvavit.h ##?## guNakarmavibhAgayoH
guNavibhAgasya karmavibhAgasya cha tattvavit.h ityarthaH .
guNAH karaNAtmakAH guNeShu viShayAtmakeShu
vartante na AtmA iti matvA na sajjate saktiM na karoti ..

   ye punaH\-\-\-

prakR^iterguNasammUDhAH sajjante guNakarmasu .
tAnakR^itsnavido mandAnkR^itsnavinna vichAlayet.h .. 3\-29..

 prakR^iteH guNaiH samyak.h mUDhAH saMmohitAH santaH
sajjante guNAnAM karmasu guNakarmasu ##'## vayaM karma
kurmaH phalAya ##'## iti . tAn.h karmasa~NginaH akR^itsnavidaH
karmaphalamAtradarshinaH mandAn.h mandapraj~nAn.h
kR^itsnavit.h Atmavit.h svayaM na vichAlayet.h buddhibhedakaraNameva
chAlanaM tat.h na kuryAt.h ityarthaH ..

   kathaM punaH karmaNyadhikR^itena aj~nena mumukShuNA karma
kartavyamiti \, uchyate \-\-\-

mayi sarvANi karmANi sa.nnyasyAdhyAtmachetasA .
nirAshIrnirmamo bhUtvA yudhyasva vigatajvaraH .. 3\-30..

   mayi vAsudeve parameshvare sarvaj~ne sarvAtmani sarvANi
karmANi sa.nnyasya nikShipya adhyAtmachetasA vivekabuddhyA
##'## ahaM kartA IshvarAya bhR^ityavat.h karomi ##'## ityanayA
buddhyA . ki.ncha \, nirAshIH tyaktAshIH nirmamaH mamabhAvashcha
nirgataH yasya tava sa tvaM nirmamo bhUtvA yudhyasva vigatajvaraH
vigatasa.ntApaH vigatashokaH sannityarthaH ..

   yadetanmama mataM karma kartavyam.h iti sapramANamuktaM tat.h
tathA \-\-\-

ye me matamidaM nityamanutiShThanti mAnavAH .
shraddhAvanto.anasUyanto muchyante te.api karmabhiH .. 3\-31..

   ye me madIyaM idaM mataM nityam.h anutiShThanti anuvartante
mAnavAH manuShyAH shraddhAvantaH shraddadhAnAH
anasUyantaH asUyAM cha mayi paramagurau vAsudeve
akurvantaH \, muchyante te.api evaMbhUtAH karmabhiH
dharmAdharmAkhyaiH ..

ye tvetadabhyasUyanto nAnutiShThanti me matam.h .
sarvaGYAnavimUDhA.nstAnviddhi naShTAnachetasaH .. 3\-32..

   ye tu tadviparItAH etat.h mama matam.h abhyasUyantaH nindantaH
na anutiShThanti nAnuvartante me matam.h \, sarveShu j~nAneShu
vividhaM mUDhAH te . sarvaj~nAnavimUDhAn.h tAn.h viddhi
jAnIhi naShTAn.h nAshaM gatAn.h achetasaH avivekinaH ..

   kasmAt.h punaH kAraNAt.h tvadIyaM mataM nAnutiShThanti \,
paradharmAnanutiShThanti \, svadharmaM cha nAnuvartante \,
tvatpratikUlaH kathaM na bibhyati tvachChAsanAtikramadoShAt.h ##?##
tatrAha\-\-\-

sadR^isha.n cheShTate svasyAH prakR^iterGYAnavAnapi .
prakR^iti.n yAnti bhUtAni nigrahaH kiM kariShyati .. 3\-33..

   sadR^isham.h anurUpaM cheShTate cheShTAM karoti . kasya ##?##
svasyAH svakIyAyAH prakR^iteH . prakR^itirnAma pUrvakR^ita\-
dharmAdharmAdisaMskAraH vartamAnajanmAdau abhivyaktaH \;
sA prakR^itiH . tasyAH sadR^ishameva sarvo jantuH j~nAnavAnapi
cheShTate \, kiM punarmUrkhaH . tasmAt.h prakR^itiM yAnti
anugachChanti bhUtAni prANinaH . nigrahaH niShedharUpaH
kiM kariShyati mama vA anyasya vA ..

   yadi sarvo jantuH AtmanaH prakR^itisadR^ishameva cheShTate \,
na cha prakR^itishUnyaH kashchit.h asti \, tataH puruShakArasya
viShayAnupapatteH shAstrAnarthakyaprAptau idamuchyate \-\-\-

indriyasyendriyasyArthe rAgadveShau vyavasthitau .
tayorna vashamAgachChettau hyasya paripanthinau .. 3\-34..

   indriyasyendriyasya arthe sarvendriyANAmarthe shabdAdiviShaye
iShTe rAgaH aniShTe dveShaH ityevaM pratIndriyArthaM
rAgadveShau avashyaMbhAvinau tatra ayaM puruShakArasya
shAstrArthasya cha viShaya uchyate . shAstrArthe pravR^ittaH
pUrvameva rAgadveShayorvashaM nAgachChet.h . yA hi
puruShasya prakR^itiH sA rAgadveShapuraHsaraiva svakArye
puruShaM pravartayati . tadA svadharmaparityAgaH
paradharmAnuShThAnaM cha bhavati . yadA punaH rAgadveShau
tatpratipakSheNa niyamayati tadA shAstradR^iShTireva puruShaH
bhavati \, na prakR^itivashaH . tasmAt.h tayoH rAgadveShayoH
vashaM na AgachChet.h \, yataH tau hi asya puruShasya
paripanthinau shreyomArgasya vighnakartArau taskarau iva
pathItyarthaH ..

   tatra rAgadveShaprayukto manyate shAstrArthamapyanyathA
##'## paradharmo.api dharmatvAt.h anuShTheya eva ##'## iti \, tadasat.h\-\-\-

shreyAnsvadharmo viguNaH paradharmAtsvanuShThitAt.h .
svadharme nidhana.n shreyaH paradharmo bhayAvahaH .. 3\-35..


   shreyAn.h prashasyataraH svo dharmaH svadharmaH viguNaH api
vigataguNo.api anuShThIyamAnaH paradharmAt.h svanuShThitAt.h
sAdguNyena saMpAditAdapi . svadharme sthitasya nidhanaM
maraNamapi shreyaH paradharme sthitasya jIvitAt.h . kasmAt.h ##?##
paradharmaH bhayAvahaH narakAdilakShaNaM bhayamAvahati yataH ..

   yadyapi anarthamUlam.h ##'## dhyAyato viShayAnpuMsaH ##'## iti
##'## rAgadveShau hyasya paripanthinau ##'## iti cha uktam.h \, vikShiptam.h
anavadhAritaM cha taduktam.h . tat.h saMkShiptaM nishchitaM cha
idameveti j~nAtumichChan.h arjunaH uvAcha ##'## j~nAte hi tasmin.h
taduchChedAya yatnaM kuryAm.h ##'## iti

        arjuna uvAcha .
atha kena prayukto.ayaM pApa.n charati pUruShaH .
anichChannapi vArShNeya balAdiva niyojitaH .. 3\-36..

   atha kena hetubhUtena prayuktaH san.h rAj~neva bhR^ityaH
ayaM pApaM karma charati Acharati pUruShaH puruShaH
svayam.h anichChan.h api he vArShNeya vR^iShNikulaprasUta \,
balAt.h iva niyojitaH rAj~neva ityukto dR^iShTAntaH ..

   shR^iNu tvaM taM vairiNaM sarvAnarthakaraM yaM tvaM
pR^ichChasi iti bhagavAn.h uvAcha\-\-\-

        shrIbhagavAnuvAcha .
kAma eSha krodha eSha rajoguNasamudbhavaH .
mahAshano mahApApmA vid.hdhyenamiha vairiNam.h .. 3\-37..

 ##'## aishvarasya samagrasya dharmasya yashasaH shriyaH .
vairAgyasyAtha mokShasya ShaNNAM bhaga itI~NganA ##'##
aishvaryAdiShaTkaM yasmin vAsudeve nityamapratibaddhatvena
sAmastyena cha vartate \, ##'## utpattiM pralayaM chaiva
bhUtAnAmAgatiM gatim.h . vetti vidyAmavidyAM cha sa vAchyo
bhagavAniti ##'## utpattyAdiviShayaM cha vij~nAnaM yasya
sa vAsudevaH vAchyaH bhagavAn.h iti ..

   kAma eSha sarvalokashatruH yannimittA sarvAnarthaprAptiH
prANinAm.h . sa eSha kAmaH pratihataH kenachit.h krodhatvena
pariNamate . ataH krodhaH api eSha eva rajoguNasamudbhavaH
rajashcha tat.h guNasya rajoguNaH saH samudbhavaH yasya saH kAmaH
rajoguNasamudbhavaH \, rajoguNasya vA samudbhavaH . kAmo hi
udbhUtaH rajaH pravartayan.h puruShaM pravartayati \; ##'## tR^iShNayA
hi ahaM kAritaH ##'## iti duHkhinAM rajaHkArye sevAdau pravR^ittAnAM
pralApaH shrUyate . mahAshanaH mahat.h ashanaM asyeti mahAshanaH \;
ata eva mahApApmA \; kAmena hi preritaH jantuH pApaM karoti . ataH
viddhi enaM kAmam.h iha saMsAre vairiNam.h ..

   kathaM vairI iti dR^iShTAntaiH pratyAyayati\-\-\-

dhUmenAvriyate vahniryathAdarsho malena cha .
yatholbenAvR^ito garbhastathA tenedamAvR^itam.h .. 3\-38..

   dhUmena sahajena Avriyate vahniH prakAshAtmakaH
aprakAshAtmakena \, yathA vA Adarsho malena cha \, yathA
ulbena cha jarAyuNA garbhaveShTanena AvR^itaH AchChAditaH
garbhaH tathA tena idam.h AvR^itam.h ..

   kiM punastat.h idaMshabdavAchyaM yat.h kAmenAvR^itamityuchyate \-\-\-   hhAdya

AvR^itaM GYAnametena GYAnino nityavairiNA .
kAmarUpeNa kaunteya duShpUreNAnalena cha .. 3\-39..

   AvR^itam.h etena j~nAnaM j~nAninaH nityavairiNA \, j~nAnI
hi jAnAti ##'## anena ahamanarthe prayuktaH ##'## iti pUrvameva .
duHkhI cha bhavati nityameva . ataH asau j~nAnino nityavairI \,
na tu mUrkhasya . sa hi kAmaM tR^iShNAkAle mitramiva pashyan.h
tatkArye duHkhe prApte jAnAti ##'## tR^iShNayA ahaM duHkhitvamApAditaH ##'##
iti \, na pUrvameva . ataH j~nAnina eva nityavairI . kiMrUpeNa ##?##
kAmarUpeNa kAmaH ichChaiva rUpamasya iti kAmarUpaH tena
duShpUreNa duHkhena pUraNamasya iti duShpUraH tena analena
na asya alaM paryAptiH vidyate ityanalaH tena cha ..

   kimadhiShThAnaH punaH kAmaH j~nAnasya AvaraNatvena vairI
sarvasya lokasya ##?## ityapekShAyAmAha \, j~nAte hi shatroradhiShThAne
sukhena nibarhaNaM kartuM shakyata iti\-\-\-

indriyANi mano buddhirasyAdhiShThAnamuchyate .
etairvimohayatyeSha GYAnamAvR^itya dehinam.h .. 3\-40..

   indriyANi manaH buddhishcha asya kAmasya adhiShThAnam.h
AshrayaH uchyate . etaiH indriyAdibhiH AshrayaiH vimohayati
vividhaM mohayati eSha kAmaH j~nAnam.h AvR^itya AchChAdya
dehinaM sharIriNam.h ..

   yataH evam.h\-\-\-

tasmAttvamindriyANyAdau niyamya bharatarShabha .
pApmAnaM prajahi hyenaM GYAnaviGYAnanAshanam.h .. 3\-41..

 tasmAt.h tvam.h indriyANi Adau pUrvameva niyamya vashIkR^itya
bharatarShabha pApmAnaM pApAchAraM kAmaM prajahihi
parityajya enaM prakR^itaM vairiNaM j~nAnavij~nAnanAshanaM
j~nAnaM shAstrataH AchAryatashcha AtmAdInAm.h avabodhaH \,
vij~nAnaM visheShataH tadanubhavaH \, tayoH j~nAnavij~nAnayoH
shreyaHprAptihetvoH nAshanaM nAshakaraM prajahihi AtmanaH
parityajetyarthaH ..

   indriyANyAdau niyamya kAmaM shatruM jahihi ityuktam.h \; tatra
kimAshrayaH kAmaM jahyAt.h ityuchyate\-\-\-

indriyANi parANyAhurindriyebhyaH paraM manaH .
manasastu parA buddhiryo buddheH paratastu saH .. 3\-42..

   indriyANi shrotrAdIni pa~ncha dehaM sthUlaM bAhyaM
parichChinnaM cha apekShya saukShmyAntaratvavyApitvAdyapekShayA
parANi prakR^iShTAni AhuH paNDitAH . tathA indriyebhyaH
paraM manaH sa.nkalpavikalpAtmakam.h . tathA manasaH tu parA
buddhiH nishchayAtmikA . tathA yaH sarvadR^ishyebhyaH buddhyantebhyaH
AbhyantaraH \, yaM dehinam.h indriyAdibhiH AshrayaiH yuktaH kAmaH
j~nAnAvaraNadvAreNa mohayati ityuktam.h . buddheH paratastu
saH saH buddheH draShTA para AtmA ..

   tataH kim.h\-\-\-

evaM buddheH paraM buddhvA sa.nstabhyAtmAnamAtmanA .
jahi shatruM mahAbAho kAmarUpaM durAsadam.h .. 3\-43..

iti shrImahAbhArate shatasAhasryAM sa.nhitAyAM vaiyAsikyAM
bhIShmaparvaNi  shrImadbhagavadgItAsUpaniShatsu
brahmavidyAyAM yogashAstre shrIkR^iShNArjunasa.nvAde
karmayogo nAma tR^itIyo.adhyAyaH .. 3..

   evaM buddheH param.h AtmAnaM buddhvA j~nAtvA saMstabhya
samyak.h stambhanaM kR^itvA AtmAnaM svenaiva AtmanA
saMskR^itenamanasA samyak.h samAdhAyetyarthaH . jahi enaM
shatruM he mahAbAho kAmarUpaM durAsadaM duHkhena AsadaH
AsAdanaM prAptiH yasya taM durAsadaM durvij~neyAnekavisheShamiti ..

iti shrImatparamahaMsaparivrAjakAchAryasya
shrIgovindabhagavatpUjyapAdashiShyasya
shrImachCha.nkarabhagavataH kR^itau
shrImadbhagavadgItAbhAShye tR^itIyo.adhyAyaH ..
##
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
{\rm http://sanskritdocuments.org}
\end{document}