% Text title            : bakagItA evam baka shakra saMvAda
% File name             : bakagiitaa.itx
% Category              : gItA, giitaa
% Location              : doc\_giitaa
% Transliterated by     : Sunder Hattangadi sunder at hotmail.com
% Proofread by          : Sunder Hattangadi sunder at hotmail.com
% Description-comments  : Ch. 193 of Vana Parva, Mahabharata, in Kinjavadekar edition.
% Latest update         : February 10, 2013
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. bakagItA ..}##
\itxtitle{.. bakagItA ..}##\endtitles ##

    ||  atha bakagItA ||
vaishampAyana uvAcha \-
mArkaNDeyamR^iShayo brAhmaNA yudhiShThirashcha paryapR^ichChannR^iShiH |
kena dIrghAyurAsIdbako mArkaNDeyastu tAnsarvAnuvAcha || 1||
mahAtapA dIrghAyushcha bako rAjarShirnAtrakAryA vichAraNA || 2||
etachChR^itvA tu kaunteyo bhrAtR^ibhiH saha bhArata |
mArkaNDeyaM paryapR^ichChaddharmarAjo yudhiShThiraH || 3||
bakadAlbhyau mahAtmAnau shrUyete chirajIvinau |
sakhAyau devarAjasya tAvR^iShI lokasaMmitau || 4||
etadichChAmi bhagavan bakashakrasamAgamam |
sukhaduHkhasamAyuktaM tattvena kathayasva me || 5||
mArkaNDeya uvAcha  \-
vR^itte devAsure rAjansa.ngrAme lomaharShaNe |
trayANAmapi lokAnAmindro lokAdhipo bhavat || 6||
samyagvarShati parjanye sukhasampada uttamAH |
nirAmayAstu dharmiShThAH prajA dharmaparAyaNAH || 7||
muditashcha janaH sarvaH svadharme suvyavasthitaH |
tAH prajA muditAH sarvA dR^iShTAbalaniShUdanaH || 8||
tatastu mudito rAjan devarAjaH shatakratuH |
airAvataM samAsthAya tAH pashyanmuditAH prajAH || 9||
AshramA.nshcha vichitrA.nshcha nadIshcha vividhAH shubhAH |
nagarANi samR^iddhAni kheTA~njanapadA.nstathA || 10||
prajApAlanadakShA.nshcha narendrAndharmachAriNaH |
udapAnaprapAvApItaDAgAnisarA.nsicha || 11||
nAnAbrahmasamAchAraiH sevitAni dvijottamaiH |
tatovatIrya ramyAyAM pR^ithvyAM rAja~nChatakratuH || 12||
tatra ramye shive deshe bahuvR^ikShasamAkule |
pUrvasyAM dishi ramyAyAM samudrAbhyAshato nR^ipa || 13||
tatrAshramapadaM ramyaM mR^igadvijaniShevitam |
tatrAshramapade ramye bakaM pashyati devarAT || 14||
bakastu dR^iShTvA devendraM dR^iDhaM prItamanAbhavat |
pAdyAsanArghadAnena phalamUlairathArchayat  || 15||
sukhopaviShTo varadastatastu balasUdanaH |
tataH prashnaM bakaM deva uvAcha\-tridasheshvaraH|| 16||
shataM varShasahasrANi mune jAtasya tenagha |
samAkhyAhi mama brahman kiM duHkhaM chirajIvinAm || 17||
baka uvAcha \-
apriyaiH saha saMvAsaH priyaishchApi vinAbhavaH |
asadbhiH samprayogashcha tadduHkhaM chirjIvinAm || 18||
putradAravinAshotra j~nAtInAM suhR^idAmapi |
pareShvApatate kR^iChraM kiMnu duHkhataraM tataH || 19||
nAnyadduHkhataraM ki.nchillokeShu pratibhAti me |
arthairvihInaH puruShaH paraiH samparibhUyate || 20||
akulAnAM kule bhAvaM kulInAnAM kulakShayam |
saMyogaM viprayogaM cha pashyanti chirajIvinaH || 21||
api pratyakShamevaitaddevadeva shatakrato |
akulAnAM samR^iddhAnAM kathaM kulaviparyayaH || 22||
devadAnavagandharvamanuShyoragarAkShasAH |
prApnuvanti viparyAsaM kiMnu duHkhataraM tataH || 23||
kule jAtAshcha klishyante dauShkule yavashAnugAH |
ADhyairdaridrAvamatAH kiMnu duHkhataraM tataH || 24||
loke vaidharmyametattu dR^ishyate bahuvistaram |
hInaj~nAnAshcha dR^ishyante klishyante prAj~nakovidAH || 25||
bahuduHkhaparikleshaM mAnuShyamiha dR^ishyate |
indra uvAcha \-
punareva mahAbhAga devarShigaNasevita || 26||
samAkhyAhi mama brahman kiM sukhaM chirajIvinAm |
baka uvAcha \-
aShTame dvAdashe vApi shAkaM yaH pachate gR^ihe || 27||
kumitrANyanapAshritya kiM vai sukhataraM tataH |
yatrAhAni na gaNyante nainamAhurmahAshanam || 28||
api shAkaMpachAnasya sukhaM vai maghavan gR^ihe |
arjitaM svena vIryeNa nApyapAshritya ka~nchana || 29||
phalashAkamapi shreyo bhoktuM hyakR^ipaNe gR^ihe |
parasya tu gR^ihe bhoktuH paribhUtasya nityashaH || 30||
sumR^iShTamapi ne shreyo vikalpoyamataH satAm |
shvavatkIlAlapo yastu parAnnaM bhoktumichChati || 31||
dhigastu tasyatadbhuktaM kR^ipaNasya durAtmanaH |
yo dattvAtithibhUtebhyaH pitR^ibhyashcha dvijottamaH || 32||
shiShTAnyanAni yo bhu~Nkte kiMvai sukhataraM tataH |
ato mR^iShTataraM nAnyatpUtaM ki~nchichChtakrato || 33||
datvA yastvatithibhyo vai bhu~Nkte tenaiva nityashaH |
yAvatohya.ndhasaH piNDAnashnAti satataM dvijaH || 34||
tAvatAM gosahasrANAM phalaM prApnoti dAyakaH |
yadeno yauvanakR^itaM tatsarva nashyate dhruvam || 35||
sadakShiNasya bhuktasya dvijasya tu kare gatam |
yadvAri vAriNA si.nchettaddhyenastarate kShaNAt || 36||
etashchAnyAshchavai bahvIH kathayitvA kathAH shubhAH |
bakena saha devendra ApR^ichChya tridivaM gataH || 37||
  || iti baka shakra saMvAda evaM bakagItA samAptA ||


##
Ch. 193 of Vana Parva, Mahabharata, in Kinjavadekar edition.

Encoded and proofread by Sunder Hattangadi sunder at hotmail.com


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}