%@@1 % File name : avadhuta.itx %-------------------------------------------- % Text title : Avadhuta Gita % Author : Rishi Dattatreya % Language : Sanskrit % Subject : philosophy % Description/comments : A classic poem of Absolute Non-Dual Philosophy % Transliterated by : Sunder Hattangadi % Proofread by : Sunder Hattangadi % Latest update : September 13, 2000 % Send corrections to : sanskrit@cheerful.com % % Special Instructions: % i1h.hdr,ijag.inc,itrans.sty,multicol.sty,iarticle.sty % Transliteration scheme: ITRANS 5.2 % Site access : % http://sanskrit.gde.to % http://sanskritdocuments.org/ %----------------------------------------------------- % The text is to be used for personal studies and research only. % Any use for commercial purpose is prohibited as a 'gentleman's' % agreement. % @@2 % % Please ignore the following commands upto #indian and others with % \ mark, % which are needed for devanaagarii output and formatting. %-------------------------------------------------------------------------- \documentstyle[11pt,multicol,itrans]{article} %\documentclass[11pt]{article} %\usepackage{multicol} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Avadhuta Gita ..}## \itxtitle{.. avadhUta gItA ..}##\endtitles ## atha prathamo.adhyAyaH .. IshvarAnugrahAdeva pu.nsAmadvaitavAsanA . mahadbhayaparitrANAdviprANAmupajAyate .. 1.. yenedaM pUrita.n sarvamAtmanaivAtmanAtmani . nirAkAra.n katha.n vande hyabhinna.n shivamavyayam.h .. 2.. pa~nchabhUtAtmaka.n vishvaM marIchijalasannibham.h . kasyApyaho namaskuryAmahameko nira~njanaH .. 3.. Atmaiva kevala.n sarvaM bhedAbhedo na vidyate . asti nAsti kathaM brUyA.n vismayaH pratibhAti me .. 4.. vedAntasArasarvasva.n j~nAna.n vij~nAnameva cha . ahamAtmA nirAkAraH sarvavyApI svabhAvataH .. 5.. yo vai sarvAtmako devo niShkalo gaganopamaH . svabhAvanirmalaH shuddhaH sa evAya.n na sa.nshayaH .. 6.. ahamevAvyayo.anantaH shuddhavij~nAnavigrahaH . sukha.n duHkha.n na jAnAmi katha.n kasyApi vartate .. 7.. na mAnasa.n karma shubhAshubhaM me na kAyika.n karma shubhAshubhaM me . na vAchika.n karma shubhAshubhaM me j~nAnAmR^ita.n shuddhamatIndriyo.aham.h .. 8.. mano vai gaganAkAraM mano vai sarvatomukham.h . mano.atItaM manaH sarva.n na manaH paramArthataH .. 9.. ahamekamida.n sarva.n vyomAtIta.n nirantaram.h . pashyAmi kathamAtmAnaM pratyakSha.n vA tirohitam.h .. 10.. tvamevameka.n hi katha.n na budhyase sama.n hi sarveShu vimR^iShTamavyayam.h . sadodito.asi tvamakhaNDitaH prabho divA cha nakta.n cha katha.n hi manyase .. 11.. AtmAna.n satata.n viddhi sarvatraika.n nirantaram.h . aha.n dhyAtA para.n dhyeyamakhaNDa.n khaNDyate katham.h .. 12.. na jAto na mR^ito.asi tva.n na te dehaH kadAchana . sarvaM brahmeti vikhyAtaM bravIti bahudhA shrutiH .. 13.. sa bAhyAbhyantaro.asi tva.n shivaH sarvatra sarvadA . itastataH kathaM bhrAntaH pradhAvasi pishAchavat.h .. 14.. sa.nyogashcha viyogashcha vartate na cha te na me . na tva.n nAha.n jaganneda.n sarvamAtmaiva kevalam.h .. 15.. shabdAdipa~nchakasyAsya naivAsi tva.n na te punaH . tvameva parama.n tattvamataH kiM paritapyase .. 16.. janma mR^ityurna te chittaM bandhamokShau shubhAshubhau . katha.n rodiShi re vatsa nAmarUpa.n na te na me .. 17.. aho chitta kathaM bhrAntaH pradhAvasi pishAchavat.h . abhinnaM pashya chAtmAna.n rAgatyAgAtsukhI bhava .. 18.. tvameva tattva.n hi vikAravarjitaM niShkampameka.n hi vimokShavigraham.h . na te cha rAgo hyathavA virAgaH katha.n hi santapyasi kAmakAmataH .. 19.. vadanti shrutayaH sarvAH nirguNa.n shuddhamavyayam.h . asharIra.n sama.n tattva.n tanmA.n viddhi na sa.nshayaH .. 20.. sAkAramanR^ita.n viddhi nirAkAra.n nirantaram.h . etattattvopadeshena na punarbhavasambhavaH .. 21.. ekameva sama.n tattva.n vadanti hi vipashchitaH . rAgatyAgAtpunashchittamekAneka.n na vidyate .. 22.. anAtmarUpa.n cha katha.n samAdhi\- rAtmasvarUpa.n cha katha.n samAdhiH . astIti nAstIti katha.n samAdhi\- rmokShasvarUpa.n yadi sarvamekam.h .. 23.. vishuddho.asi sama.n tattva.n videhastvamajo.avyayaH . jAnAmIha na jAnAmItyAtmAnaM manyase katham.h .. 24.. tattvamasyAdivAkyena svAtmA hi pratipAditaH . neti neti shrutirbrUyAdanR^itaM pA~nchabhautikam.h .. 25.. AtmanyevAtmanA sarva.n tvayA pUrNa.n nirantaram.h . dhyAtA dhyAna.n na te chitta.n nirlajja.n dhyAyate katham.h .. 26.. shiva.n na jAnAmi katha.n vadAmi shiva.n na jAnAmi kathaM bhajAmi . aha.n shivashchetparamArthathatattvaM samasvarUpa.n gaganopama.n cha .. 27.. nAha.n tattva.n sama.n tattva.n kalpanAhetuvarjitam.h . grAhyagrAhakanirmukta.n svasa.nvedya.n kathaM bhavet.h .. 28.. anantarUpa.n na hi vastu ki.nchi\- ttattvasvarUpa.n na hi vastu ki.nchit.h . AtmaikarUpaM paramArthatattvaM na hi.nsako vApi na chApyahi.nsA .. 29.. vishuddho.asi sama.n tattva.n videhamajamavyayam.h . vibhrama.n kathamAtmArthe vibhrAnto.aha.n kathaM punaH .. 30.. ghaTe bhinne ghaTAkAsha.n sulInaM bhedavarjitam.h . shivena manasA shuddho na bhedaH pratibhAti me .. 31.. na ghaTo na ghaTAkAsho na jIvo na jIvavigrahaH . kevalaM brahma sa.nviddhi vedyavedakavarjitam.h .. 32.. sarvatra sarvadA sarvamAtmAna.n satata.n dhruvam.h . sarva.n shUnyamashUnya.n cha tanmA.n viddhi na sa.nshayaH .. 33.. vedA na lokA na surA na yaj~nA varNAshramo naiva kula.n na jAtiH . na dhUmamArgo na cha dIptimArgo brahmaikarUpaM paramArthatattvam.h .. 34.. vyApyavyApakanirmuktaH tvamekaH saphala.n yadi . pratyakSha.n chAparokSha.n cha hyAtmAna.n manyase katham.h .. 35.. advaita.n kechidichChanti dvaitamichChanti chApare . sama.n tattva.n na vindanti dvaitAdvaitavivarjitam.h .. 36.. shvetAdivarNarahita.n shabdAdiguNavarjitam.h . kathayanti katha.n tattvaM manovAchAmagocharam.h .. 37.. yadA.anR^itamida.n sarva.n dehAdigaganopamam.h . tadA hi brahma sa.nvetti na te dvaitaparamparA .. 38.. pareNa sahajAtmApi hyabhinnaH pratibhAti me . vyomAkAra.n tathaivaika.n dhyAtA dhyAna.n kathaM bhavet.h .. 39.. yatkaromi yadashnAmi yajjuhomi dadAmi yat.h . etatsarva.n na me ki.nchidvishuddho.ahamajo.avyayaH .. 40.. sarva.n jagadviddhi nirAkR^itIdaM sarva.n jagadviddhi vikArahInam.h . sarva.n jagadviddhi vishuddhadehaM sarva.n jagadviddhi shivaikarUpam.h .. 41.. tattva.n tva.n na hi sandehaH ki.n jAnAmyathavA punaH . asa.nvedya.n svasa.nvedyamAtmAnaM manyase katham.h .. 42.. mAyA.amAyA katha.n tAta ChAyA.aChAyA na vidyate . tattvamekamida.n sarva.n vyomAkAra.n nira~njanam.h .. 43.. AdimadhyAntamukto.aha.n na baddho.aha.n kadAchana . svabhAvanirmalaH shuddha iti me nishchitA matiH .. 44.. mahadAdi jagatsarva.n na ki.nchitpratibhAti me . brahmaiva kevala.n sarva.n katha.n varNAshramasthitiH .. 45.. jAnAmi sarvathA sarvamahameko nirantaram.h . nirAlambamashUnya.n cha shUnya.n vyomAdipa~nchakam.h .. 46.. na ShaNDho na pumAnna strI na bodho naiva kalpanA . sAnando vA nirAnandamAtmAnaM manyase katham.h .. 47.. ShaDa~NgayogAnna tu naiva shuddhaM manovinAshAnna tu naiva shuddham.h . gurUpadeshAnna tu naiva shuddhaM svaya.n cha tattva.n svayameva buddham.h .. 48.. na hi pa~nchAtmako deho videho vartate na hi . Atmaiva kevala.n sarva.n turIya.n cha traya.n katham.h .. 49.. na baddho naiva mukto.aha.n na chAhaM brahmaNaH pR^ithak.h . na kartA na cha bhoktAha.n vyApyavyApakavarjitaH .. 50.. yathA jala.n jale nyasta.n salilaM bhedavarjitam.h . prakR^itiM puruSha.n tadvadabhinnaM pratibhAti me .. 51.. yadi nAma na mukto.asi na baddho.asi kadAchana . sAkAra.n cha nirAkAramAtmAnaM manyase katham.h .. 52.. jAnAmi te para.n rUpaM pratyakSha.n gaganopamam.h . yathA para.n hi rUpa.n yanmarIchijalasannibham.h .. 53.. na gururnopadeshashcha na chopAdhirna me kriyA . videha.n gagana.n viddhi vishuddho.aha.n svabhAvataH .. 54.. vishuddho.asya sharIro.asi na te chittaM parAtparam.h . aha.n chAtmA para.n tattvamiti vaktu.n na lajjase .. 55.. katha.n rodiShi re chitta hyAtmaivAtmAtmanA bhava . piba vatsa kalAtItamadvaitaM paramAmR^itam.h .. 56.. naiva bodho na chAbodho na bodhAbodha eva cha . yasyedR^ishaH sadA bodhaH sa bodho nAnyathA bhavet.h .. 57.. j~nAna.n na tarko na samAdhiyogo na deshakAlau na gurUpadeshaH . svabhAvasa.nvittaraha.n cha tattva\- mAkAshakalpa.n sahaja.n dhruva.n cha .. 58.. na jAto.ahaM mR^ito vApi na me karma shubhAshubham.h . vishuddha.n nirguNaM brahma bandho muktiH kathaM mama .. 59.. yadi sarvagato devaH sthiraH pUrNo nirantaraH . antara.n hi na pashyAmi sa bAhyAbhyantaraH katham.h .. 60.. sphuratyeva jagatkR^itsnamakhaNDitanirantaram.h . aho mAyAmahAmoho dvaitAdvaitavikalpanA .. 61.. sAkAra.n cha nirAkAra.n neti netIti sarvadA . bhedAbhedavinirmukto vartate kevalaH shivaH .. 62.. na te cha mAtA cha pitA cha bandhuH na te cha patnI na sutashcha mitram.h . na pakShapAtI na vipakShapAtaH katha.n hi sa.ntaptiriya.n hi chitte .. 63.. divA nakta.n na te chitta.n udayAstamayau na hi . videhasya sharIratva.n kalpayanti kathaM budhAH .. 64.. nAvibhakta.n vibhakta.n cha na hi duHkhasukhAdi cha . na hi sarvamasarva.n cha viddhi chAtmAnamavyayam.h .. 65.. nAha.n kartA na bhoktA cha na me karma purA.adhunA . na me deho videho vA nirmameti mameti kim.h .. 66.. na me rAgAdiko doSho duHkha.n dehAdika.n na me . AtmAna.n viddhi mAmeka.n vishAla.n gaganopamam.h .. 67.. sakhe manaH kiM bahujalpitena sakhe manaH sarvamida.n vitarkyam.h . yatsArabhUta.n kathitaM mayA te tvameva tattva.n gaganopamo.asi .. 68.. yena kenApi bhAvena yatra kutra mR^itA api . yoginastatra lIyante ghaTAkAshamivAmbare .. 69.. tIrthe chAntyajagehe vA naShTasmR^itirapi tyajan.h . samakAle tanuM muktaH kaivalyavyApako bhavet.h .. 70.. dharmArthakAmamokShA.nshcha dvipadAdicharAcharam.h . manyante yoginaH sarvaM marIchijalasannibham.h .. 71.. atItAnAgata.n karma vartamAna.n tathaiva cha . na karomi na bhu~njAmi iti me nishchalA matiH .. 72.. shUnyAgAre samarasapUta\- stiShThannekaH sukhamavadhUtaH . charati hi nagnastyaktvA garvaM vindati kevalamAtmani sarvam.h .. 73.. tritayaturIya.n nahi nahi yatra vindati kevalamAtmani tatra . dharmAdharmau nahi nahi yatra baddho muktaH kathamiha tatra .. 74.. vindati vindati nahi nahi mantraM ChandolakShaNa.n nahi nahi tantram.h . samarasamagno bhAvitapUtaH pralapitametatparamavadhUtaH .. 75.. sarvashUnyamashUnya.n cha satyAsatya.n na vidyate . svabhAvabhAvataH prokta.n shAstrasa.nvittipUrvakam.h .. 76.. iti prathamo.adhyAyaH .. 1.. \smallskip\hrule\smallskip atha dvitIyo.adhyAyaH .. bAlasya vA viShayabhogaratasya vApi mUrkhasya sevakajanasya gR^ihasthitasya . etadguroH kimapi naiva na chintanIyaM ratna.n katha.n tyajati ko.apyashuchau praviShTam.h .. 1.. naivAtra kAvyaguNa eva tu chintanIyo grAhyaH para.n guNavatA khalu sAra eva . sindUrachitrarahitA bhuvi rUpashUnyA pAra.n na ki.n nayati nauriha gantukAmAn.h .. 2.. prayatnena vinA yena nishchalena chalAchalam.h . grasta.n svabhAvataH shAnta.n chaitanya.n gaganopamam.h .. 3.. ayatnAChAlayedyastu ekameva charAcharam.h . sarvaga.n tatkathaM bhinnamadvaita.n vartate mama .. 4.. ahameva para.n yasmAtsArAtsAratara.n shivam.h . gamAgamavinirmukta.n nirvikalpa.n nirAkulam.h .. 5.. sarvAvayavanirmukta.n tathAha.n tridashArchitam.h . saMpUrNatvAnna gR^ihNAmi vibhAga.n tridashAdikam.h .. 6.. pramAdena na sandehaH ki.n kariShyAmi vR^ittimAn.h . utpadyante vilIyante budbudAshcha yathA jale .. 7.. mahadAdIni bhUtAni samApyaiva.n sadaiva hi . mR^idudravyeShu tIkShNeShu guDeShu kaTukeShu cha .. 8.. kaTutva.n chaiva shaityatvaM mR^idutva.n cha yathA jale . prakR^itiH puruShastadvadabhinnaM pratibhAti me .. 9.. sarvAkhyArahita.n yadyatsUkShmAtsUkShmataraM param.h . manobuddhIndriyAtItamakala~Nka.n jagatpatim.h .. 10.. IdR^isha.n sahaja.n yatra aha.n tatra kathaM bhavet.h . tvameva hi katha.n tatra katha.n tatra charAcharam.h .. 11.. gaganopama.n tu yatprokta.n tadeva gaganopamam.h . chaitanya.n doShahIna.n cha sarvaj~naM pUrNameva cha .. 12.. pR^ithivyA.n charita.n naiva mArutena cha vAhitam.h . variNA pihita.n naiva tejomadhye vyavasthitam.h .. 13.. AkAsha.n tena sa.nvyApta.n na tadvyApta.n cha kenachit.h . sa bAhyAbhyantara.n tiShThatyavachChinna.n nirantaram.h .. 14.. sUkShmatvAttadadR^ishyatvAnnirguNatvAchcha yogibhiH . AlambanAdi yatprokta.n kramAdAlambanaM bhavet.h .. 15.. satatA.abhyAsayuktastu nirAlambo yadA bhavet.h . tallayAllIyate nAntarguNadoShavivarjitaH .. 16.. viShavishvasya raudrasya mohamUrchChApradasya cha . ekameva vinAshAya hyamogha.n sahajAmR^itam.h .. 17.. bhAvagamya.n nirAkAra.n sAkAra.n dR^iShTigocharam.h . bhAvAbhAvavinirmuktamantarAla.n taduchyate .. 18.. bAhyabhAvaM bhavedvishvamantaH prakR^itiruchyate . antarAdantara.n j~neya.n nArikelaphalAmbuvat.h .. 19.. bhrAntij~nAna.n sthitaM bAhya.n samyagj~nAna.n cha madhyagam.h . madhyAnmadhyatara.n j~neya.n nArikelaphalAmbuvat.h .. 20.. paurNamAsyA.n yathA chandra eka evAtinirmalaH . tena tatsadR^ishaM pashyeddvidhAdR^iShTirviparyayaH .. 21.. anenaiva prakAreNa buddhibhedo na sarvagaH . dAtA cha dhIratAmeti gIyate nAmakoTibhiH .. 22.. gurupraj~nAprasAdena mUrkho vA yadi paNDitaH . yastu saMbudhyate tattva.n virakto bhavasAgarAt.h .. 23.. rAgadveShavinirmuktaH sarvabhUtahite rataH . dR^iDhabodhashcha dhIrashcha sa gachChetparamaM padam.h .. 24.. ghaTe bhinne ghaTAkAsha AkAshe lIyate yathA . dehAbhAve tathA yogI svarUpe paramAtmani .. 25.. ukteya.n karmayuktAnAM matiryAnte.api sA gatiH . na choktA yogayuktAnAM matiryAnte.api sA gatiH .. 26.. yA gatiH karmayuktAnA.n sA cha vAgindriyAdvadet.h . yoginA.n yA gatiH kvApi hyakathyA bhavatorjitA .. 27.. eva.n j~nAtvA tvamuM mArga.n yoginA.n naiva kalpitam.h . vikalpavarjana.n teShA.n svaya.n siddhiH pravartate .. 28.. tIrthe vAntyajagehe vA yatra kutra mR^ito.api vA . na yogI pashyate garbhaM pare brahmaNi lIyate .. 29.. sahajamajamachintya.n yastu pashyetsvarUpaM ghaTati yadi yatheShTa.n lipyate naiva doShaiH . sakR^idapi tadabhAvAtkarma ki.nchinnakuryAt.h tadapi na cha vibaddhaH sa.nyamI vA tapasvI .. 30.. nirAmaya.n niShpratima.n nirAkR^itiM nirAshraya.n nirvapuSha.n nirAshiSham.h . nirdvandvanirmohamaluptashaktikaM tamIshamAtmAnamupaiti shAshvatam.h .. 31.. vedo na dIkShA na cha muNDanakriyA gururna shiShyo na cha yantrasampadaH . mudrAdika.n chApi na yatra bhAsate tamIshamAtmAnamupaiti shAshvatam.h .. 32.. na shAmbhava.n shAktikamAnava.n na vA piNDa.n cha rUpa.n cha padAdika.n na vA . ArambhaniShpattighaTAdika.n cha no tamIshamAtmAnamupaiti shAshvatam.h .. 33.. yasya svarUpAtsacharAchara.n jaga\- dutpadyate tiShThati lIyate.api vA . payovikArAdiva phenabudbudA\- stamIshamAtmAnamupaiti shAshvatam.h .. 34.. nAsAnirodho na cha dR^iShTirAsanaM bodho.apyabodho.api na yatra bhAsate . nADIprachAro.api na yatra ki~nchi\- ttamIshamAtmAnamupaiti shAshvatam.h .. 35.. nAnAtvamekatvamubhatvamanyatA aNutvadIrghatvamahattvashUnyatA . mAnatvameyatvasamatvavarjitaM tamIshamAtmAnamupaiti shAshvatam.h .. 36.. susa.nyamI vA yadi vA na sa.nyamI susa.ngrahI vA yadi vA na sa.ngrahI . niShkarmako vA yadi vA sakarmaka\- stamIshamAtmAnamupaiti shAshvatam.h .. 37.. mano na buddhirna sharIramindriya.n tanmAtrabhUtAni na bhUtapa~nchakam.h . aha.nkR^itishchApi viyatsvarUpakaM tamIshamAtmAnamupaiti shAshvatam.h .. 38.. vidhau nirodhe paramAtmatA.n gate na yoginashchetasi bhedavarjite . shaucha.n na vAshauchamali~NgabhAvanA sarva.n vidheya.n yadi vA niShidhyate .. 39.. mano vacho yatra na shaktamIrituM nUna.n katha.n tatra gurUpadeshatA . imA.n kathAmuktavato gurosta\- dyuktasya tattva.n hi samaM prakAshate .. 40.. iti dvitIyo.adhyAyaH .. 2.. \smallskip\hrule\smallskip atha tR^itIyo.adhyAyaH .. guNaviguNavibhAgo vartate naiva ki~nchit.h rativirativihIna.n nirmala.n niShprapa~ncham.h . guNaviguNavihIna.n vyApaka.n vishvarUpaM kathamahamiha vande vyomarUpa.n shiva.n vai .. 1.. shvetAdivarNarahito niyata.n shivashcha kArya.n hi kAraNamida.n hi para.n shivashcha . eva.n vikalparahito.ahamala.n shivashcha svAtmAnamAtmani sumitra katha.n namAmi .. 2.. nirmUlamUlarahito hi sadodito.ahaM nirdhUmadhUmarahito hi sadodito.aham.h . nirdIpadIparahito hi sadodito.ahaM j~nAnAmR^ita.n samarasa.n gaganopamo.aham.h .. 3.. niShkAmakAmamiha nAma katha.n vadAmi niHsa~Ngasa~Ngamiha nAma katha.n vadAmi . niHsArasArarahita.n cha katha.n vadAmi j~nAnAmR^ita.n samarasa.n gaganopamo.aham.h .. 4.. advaitarUpamakhila.n hi katha.n vadAmi dvaitasvarUpamakhila.n hi katha.n vadAmi . nitya.n tvanityamakhila.n hi katha.n vadAmi j~nAnAmR^ita.n samarasa.n gaganopamo.aham.h .. 5.. sthUla.n hi no nahi kR^isha.n na gatAgata.n hi Adyantamadhyarahita.n na parApara.n hi . satya.n vadAmi khalu vai paramArthatattvaM j~nAnAmR^ita.n samarasa.n gaganopamo.aham.h .. 6.. sa.nviddhi sarvakaraNAni nabhonibhAni sa.nviddhi sarvaviShayA.nshcha nabhonibhA.nshcha . sa.nviddhi chaikamamala.n na hi bandhamuktaM j~nAnAmR^ita.n samarasa.n gaganopamo.aham.h .. 7.. durbodhabodhagahano na bhavAmi tAta durlakShyalakShyagahano na bhavAmi tAta . AsannarUpagahano na bhavAmi tAta j~nAnAmR^ita.n samarasa.n gaganopamo.aham.h .. 8.. niShkarmadahano jvalano bhavAmi nirduHkhaduHkhadahano jvalano bhavAmi . nirdehadehadahano jvalano bhavAmi j~nAnAmR^ita.n samarasa.n gaganopamo.aham.h .. 9.. niShpApapApadahano hi hutAshano.ahaM nirdharmadharmadahano hi hutAshano.aham.h . nirbandhabandhadahano hi hutAshano.ahaM j~nAnAmR^ita.n samarasa.n gaganopamo.aham.h .. 10.. nirbhAvabhAvarahito na bhavAmi vatsa niryogayogarahito na bhavAmi vatsa . nishchittachittarahito na bhavAmi vatsa j~nAnAmR^ita.n samarasa.n gaganopamo.aham.h .. 11.. nirmohamohapadavIti na me vikalpo niHshokashokapadavIti na me vikalpaH . nirlobhalobhapadavIti na me vikalpo j~nAnAmR^ita.n samarasa.n gaganopamo.aham.h .. 12.. sa.nsArasantatilatA na cha me kadAchit.h santoShasantatisukho na cha me kadAchit.h . aj~nAnabandhanamida.n na cha me kadAchit.h j~nAnAmR^ita.n samarasa.n gaganopamo.aham.h .. 13.. sa.nsArasantatirajo na cha me vikAraH santApasantatitamo na cha me vikAraH . sattva.n svadharmajanaka.n na cha me vikAro j~nAnAmR^ita.n samarasa.n gaganopamo.aham.h .. 14.. santApaduHkhajanako na vidhiH kadAchit.h santApayogajanita.n na manaH kadAchit.h . yasmAdaha~NkR^itiriya.n na cha me kadAchit.h j~nAnAmR^ita.n samarasa.n gaganopamo.aham.h .. 15.. niShkampakampanidhana.n na vikalpakalpaM svapnaprabodhanidhana.n na hitAhita.n hi . niHsArasAranidhana.n na charAchara.n hi j~nAnAmR^ita.n samarasa.n gaganopamo.aham.h .. 16.. no vedyavedakamida.n na cha hetutarkyaM vAchAmagocharamida.n na mano na buddhiH . eva.n katha.n hi bhavataH kathayAmi tattvaM j~nAnAmR^ita.n samarasa.n gaganopamo.aham.h .. 17.. nirbhinnabhinnarahitaM paramArthatattva\- mantarbahirna hi kathaM paramArthatattvam.h . prAksambhava.n na cha rata.n nahi vastu ki~nchit.h j~nAnAmR^ita.n samarasa.n gaganopamo.aham.h .. 18.. rAgAdidoSharahita.n tvahameva tattvaM daivAdidoSharahita.n tvahameva tattvam.h . sa.nsArashokarahita.n tvahameva tattvaM j~nAnAmR^ita.n samarasa.n gaganopamo.aham.h .. 19.. sthAnatraya.n yadi cha neti katha.n turIyaM kAlatraya.n yadi cha neti katha.n dishashcha . shAntaM pada.n hi paramaM paramArthatattvaM j~nAnAmR^ita.n samarasa.n gaganopamo.aham.h .. 20.. dIrgho laghuH punaritIha name vibhAgo vistArasa.nkaTamitIha na me vibhAgaH . koNa.n hi vartulamitIha na me vibhAgo j~nAnAmR^ita.n samarasa.n gaganopamo.aham.h .. 21.. mAtApitAdi tanayAdi na me kadAchit.h jAtaM mR^ita.n na cha mano na cha me kadAchit.h . nirvyAkula.n sthiramidaM paramArthatattvaM j~nAnAmR^ita.n samarasa.n gaganopamo.aham.h .. 22.. shuddha.n vishuddhamavichAramanantarUpaM nirlepalepamavichAramanantarUpam.h . niShkhaNDakhaNDamavichAramanantarUpaM j~nAnAmR^ita.n samarasa.n gaganopamo.aham.h .. 23.. brahmAdayaH suragaNAH kathamatra santi svargAdayo vasatayaH kathamatra santi . yadyekarUpamamalaM paramArthatattvaM j~nAnAmR^ita.n samarasa.n gaganopamo.aham.h .. 24.. nirneti neti vimalo hi katha.n vadAmi niHsheShasheShavimalo hi katha.n vadAmi . nirli~Ngali~Ngavimalo hi katha.n vadAmi j~nAnAmR^ita.n samarasa.n gaganopamo.aham.h .. 25.. niShkarmakarmaparama.n satata.n karomi niHsa~Ngasa~NgarahitaM parama.n vinodam.h . nirdehadeharahita.n satata.n vinodaM j~nAnAmR^ita.n samarasa.n gaganopamo.aham.h .. 26.. mAyAprapa~ncharachanA na cha me vikAraH . kauTilyadambharachanA na cha me vikAraH . satyAnR^iteti rachanA na cha me vikAro j~nAnAmR^ita.n samarasa.n gaganopamo.aham.h .. 27.. sandhyAdikAlarahita.n na cha me viyogo\- hyantaH prabodharahitaM badhiro na mUkaH . eva.n vikalparahita.n na cha bhAvashuddhaM j~nAnAmR^ita.n samarasa.n gaganopamo.aham.h .. 28.. nirnAthanAtharahita.n hi nirAkula.n vai nishchittachittavigata.n hi nirAkula.n vai . sa.nviddhi sarvavigata.n hi nirAkuala.n vai j~nAnAmR^ita.n samarasa.n gaganopamo.aham.h .. 29.. kAntAramandiramida.n hi katha.n vadAmi sa.nsiddhasa.nshayamida.n hi katha.n vadAmi . eva.n nirantarasama.n hi nirAkula.n vai j~nAnAmR^ita.n samarasa.n gaganopamo.aham.h .. 30.. nirjIvajIvarahita.n satata.n vibhAti nirbIjabIjarahita.n satata.n vibhAti . nirvANabandharahita.n satata.n vibhAti j~nAnAmR^ita.n samarasa.n gaganopamo.aham.h .. 31.. sambhUtivarjitamida.n satata.n vibhAti sa.nsAravarjitamida.n satata.n vibhAti . sa.nhAravarjitamiada.n satata.n vibhAti j~nAnAmR^ita.n samarasa.n gaganopamo.aham.h .. 32.. ullekhamAtramapi te na cha nAmarUpaM nirbhinnabhinnamapi te na hi vastu ki~nchit.h . nirlajjamAnasa karoShi katha.n viShAdaM j~nAnAmR^ita.n samarasa.n gaganopamo.aham.h .. 33.. ki.n nAma rodiShi sakhe na jarA na mR^ityuH ki.n nAma rodiShi sakhe na cha janma duHkham.h . ki.n nAma rodiShi sakhe na cha te vikAro j~nAnAmR^ita.n samarasa.n gaganopamo.aham.h .. 34.. ki.n nAma rodiShi sakhe na cha te svarUpaM ki.n nAma rodiShi sakhe na cha te virUpam.h . ki.n nAma rodiShi sakhe na cha te vayA.nsi j~nAnAmR^ita.n samarasa.n gaganopamo.aham.h .. 35.. ki.n nAma rodiShi sakhe na cha te vayA.nsi ki.n nAma rodiShi sakhe na cha te manA.nsi . ki.n nAma rodiShi sakhe na tavendriyANi j~nAnAmR^ita.n samarasa.n gaganopamo.aham.h .. 36.. ki.n nAma rodiShi sakhe na cha te.asti kAmaH ki.n nAma rodiShi sakhe na cha te pralobhaH . ki.n nAma rodiShi sakhe na cha te vimoho j~nAnAmR^ita.n samarasa.n gaganopamo.aham.h .. 37.. aishvaryamichChasi katha.n na cha te dhanAni aishvaryamichChasi katha.n na cha te hi patnI . aishvaryamichChasi katha.n na cha te mameti j~nAnAmR^ita.n samarasa.n gaganopamo.aham.h .. 38.. li~Ngaprapa~nchajanuShI na cha te na me cha nirlajjamAnasamida.n cha vibhAti bhinnam.h . nirbhedabhedarahita.n na cha te na me cha j~nAnAmR^ita.n samarasa.n gaganopamo.aham.h .. 39.. no vANumAtramapi te hi virAgarUpaM no vANumAtramapi te hi sarAgarUpam.h . no vANumAtramapi te hi sakAmarUpaM j~nAnAmR^ita.n samarasa.n gaganopamo.aham.h .. 40.. dhyAtA na te hi hR^idaye na cha te samAdhi\- rdhyAna.n na te hi hR^idaye na bahiH pradeshaH . dhyeya.n na cheti hR^idaye na hi vastu kAlo j~nAnAmR^ita.n samarasa.n gaganopamo.aham.h .. 41.. yatsArabhUtamakhila.n kathitaM mayA te na tva.n na me na mahato na gururna na shiShyaH . svachChandarUpasahajaM paramArthatattvaM j~nAnAmR^ita.n samarasa.n gaganopamo.aham.h .. 42.. kathamiha paramArtha.n tattvamAnandarUpaM kathamiha paramArtha.n naivamAnandarUpam.h . kathamiha paramArtha.n j~nAnavij~nAnarUpaM yadi paramahameka.n vartate vyomarUpam.h .. 43.. dahanapavanahIna.n viddhi vij~nAnameka\- mavanijalavihIna.n viddhi vij~nAnarUpam.h . samagamanavihIna.n viddhi vij~nAnamekaM gaganamiva vishAla.n viddhi vij~nAnamekam.h .. 44.. na shUnyarUpa.n na vishUnyarUpaM na shuddharUpa.n na vishuddharUpam.h . rUpa.n virUpa.n na bhavAmi ki~nchit.h svarUparUpaM paramArthatattvam.h .. 45.. mu~ncha mu~ncha hi sa.nsAra.n tyAga.n mu~ncha hi sarvathA . tyAgAtyAgaviSha.n shuddhamamR^ita.n sahaja.n dhruvam.h .. 46.. iti tR^itIyo.adhyAyaH .. 3.. \smallskip\hrule\smallskip atha chaturtho.adhyAyaH .. nAvAhana.n naiva visarjana.n vA puShpANi patrANi kathaM bhavanti . dhyAnAni mantrANi kathaM bhavanti samAsama.n chaiva shivArchana.n cha .. 1.. na kevalaM bandhavibandhamukto na kevala.n shuddhavishuddhamuktaH . na kevala.n yogaviyogamuktaH sa vai vimukto gaganopamo.aham.h .. 2.. sa~njAyate sarvamida.n hi tathyaM sa~njAyate sarvamida.n vitathyam.h . eva.n vikalpo mama naiva jAtaH svarUpanirvANamanAmayo.aham.h .. 3.. na sA~njana.n chaiva nira~njana.n vA na chAntara.n vApi nirantara.n vA . antarvibhanna.n na hi me vibhAti svarUpanirvANamanAmayo.aham.h .. 4.. abodhabodho mama naiva jAto bodhasvarUpaM mama naiva jAtam.h . nirbodhabodha.n cha katha.n vadAmi svarUpanirvANamanAmayo.aham.h .. 5.. na dharmayukto na cha pApayukto na bandhayukto na cha mokShayuktaH . yukta.n tvayukta.n na cha me vibhAti svarUpanirvANamanAmayo.aham.h .. 6.. parApara.n vA na cha me kadAchit.h madhyasthabhAvo hi na chArimitram.h . hitAhita.n chApi katha.n vadAmi svarUpanirvANamanAmayo.aham.h .. 7.. nopAsako naivamupAsyarUpaM na chopadesho na cha me kriyA cha . sa.nvitsvarUpa.n cha katha.n vadAmi svarUpanirvANamanAmayo.aham.h .. 8.. no vyApaka.n vyApyamihAsti ki~nchit.h na chAlaya.n vApi nirAlaya.n vA . ashUnyashUnya.n cha katha.n vadAmi svarUpanirvANamanAmayo.aham.h .. 9.. na grAhako grAhyakameva ki~nchit.h na kAraNa.n vA mama naiva kAryam.h . achintyachintya.n cha katha.n vadAmi svarUpanirvANamanAmayo.aham.h .. 10.. na bhedaka.n vApi na chaiva bhedyaM na vedaka.n vA mama naiva vedyam.h . gatAgata.n tAta katha.n vadAmi svarUpanirvANamanAmayo.aham.h .. 11.. na chAsti deho na cha me videho buddirmano me na hi chendriyANi . rAgo virAgashcha katha.n vadAmi svarUpanirvANamanAmayo.aham.h .. 12.. ullekhamAtra.n na hi bhinnamuchchai\- rullekhamAtra.n na tirohita.n vai . samAsamaM mitra katha.n vadAmi svarUpanirvANamanAmayo.aham.h .. 13.. jitendriyo.aha.n tvajitendriyo vA na sa.nyamo me niyamo na jAtaH . jayAjayau mitra katha.n vadAmi svarUpanirvANamanAmayo.aham.h .. 14.. amUrtamUrtirna cha me kadAchi\- dAdyantamadhya.n na cha me kadAchit.h . balAbalaM mitra katha.n vadAmi svarUpanirvANamanAmayo.aham.h .. 15.. mR^itAmR^ita.n vApi viShAviSha.n cha sa~njAyate tAta na me kadAchit.h . ashuddhashuddha.n cha katha.n vadAmi svarUpanirvANamanAmayo.aham.h .. 16.. svapnaH prabodho na cha yogamudrA nakta.n divA vApi na me kadAchit.h . aturyaturya.n cha katha.n vadAmi svarUpanirvANamanAmayo.aham.h .. 17.. sa.nviddhi mA.n sarvavisarvamuktaM mAyA vimAyA na cha me kadAchit.h . sandhyAdika.n karma katha.n vadAmi svarUpanirvANamanAmayo.aham.h .. 18.. sa.nviddhi mA.n sarvasamAdhiyuktaM sa.nviddhi mA.n lakShyavilakShyamuktam.h . yoga.n viyoga.n cha katha.n vadAmi svarUpanirvANamanAmayo.aham.h .. 19.. mUrkho.api nAha.n na cha paNDito.ahaM mauna.n vimauna.n na cha me kadAchit.h . tarka.n vitarka.n cha katha.n vadAmi svarUpanirvANamanAmayo.aham.h .. 20.. pitA cha mAtA cha kula.n na jAti\- rjanmAdi mR^ityurna cha me kadAchit.h . sneha.n vimoha.n cha katha.n vadAmi svarUpanirvANamanAmayo.aham.h .. 21.. asta.n gato naiva sadodito.ahaM tejovitejo na cha me kadAchit.h . sandhyAdika.n karma katha.n vadAmi svarUpanirvANamanAmayo.aham.h .. 22.. asa.nshaya.n viddhi nirAkulaM mAM asa.nshaya.n viddhi nirantaraM mAm.h . asa.nshaya.n viddhi nira~njanaM mAM svarUpanirvANamanAmayo.aham.h .. 23.. dhyAnAni sarvANi parityajanti shubhAshubha.n karma parityajanti . tyAgAmR^ita.n tAta pibanti dhIrAH svarUpanirvANamanAmayo.aham.h .. 24.. vindati vindati na hi na hi yatra ChandolakShaNa.n na hi na hi tatra . samarasamagno bhAvitapUtaH pralapati tattvaM paramavadhUtaH .. 25.. iti chaturtho.adhyAyaH .. 4.. \smallskip\hrule\smallskip atha pa~nchamodhyAyaH .. AUM iti gadita.n gaganasama.n tat.h na parAparasAravichAra iti . avilAsavilAsanirAkaraNaM kathamakSharabindusamuchcharaNam.h .. 1.. iti tattvamasiprabhR^itishrutibhiH pratipAditamAtmani tattvamasi . tvamupAdhivivarjitasarvasamaM kimu rodiShi mAnasi sarvasamam.h .. 2.. adha{}UrdhvavivarjitasarvasamaM bahirantaravarjitasarvasamam.h . yadi chaikavivarjitasarvasamaM kimu rodiShi mAnasi sarvasamam.h .. 3.. na hi kalpitakalpavichAra iti na hi kAraNakAryavichAra iti . padasandhivivarjitasarvasamaM kimu rodiShi mAnasi sarvasamam.h .. 4.. na hi bodhavibodhasamAdhiriti na hi deshavideshasamAdhiriti . na hi kAlavikAlasamAdhiriti kimu rodiShi mAnasi sarvasamam.h .. 5.. na hi kumbhanabho na hi kumbha iti na hi jIvavapurna hi jIva iti . na hi kAraNakAryavibhAga iti kimu rodiShi mAnasi sarvasamam.h .. 6.. iha sarvanirantaramokShapadaM laghudIrghavichAravihIna iti . na hi vartulakoNavibhAga iti kimu rodiShi mAnasi sarvasamam.h .. 7.. iha shUnyavishUnyavihIna iti iha shuddhavishuddhavihIna iti . iha sarvavisarvavihIna iti kimu rodiShi mAnasi sarvasamam.h .. 8.. na hi bhinnavibhinnavichAra iti bahirantarasandhivichAra iti . arimitravivarjitasarvasamaM kimu rodiShi mAnasi sarvasamam.h .. 9.. na hi shiShyavishiShyasvarUpaiti na charAcharabhedavichAra iti . iha sarvanirantaramokShapadaM kimu rodiShi mAnasi sarvasamam.h .. 10.. nanu rUpavirUpavihIna iti nanu bhinnavibhinnavihIna iti . nanu sargavisargavihIna iti kimu rodiShi mAnasi sarvasamam.h .. 11.. na guNAguNapAshanibandha iti mR^itajIvanakarma karomi katham.h . iti shuddhanira~njanasarvasamaM kimu rodiShi mAnasi sarvasamam.h .. 12.. iha bhAvavibhAvavihIna iti iha kAmavikAmavihIna iti . iha bodhatama.n khalu mokShasamaM kimu rodiShi mAnasi sarvasamam.h .. 13.. iha tattvanirantaratattvamiti na hi sandhivisandhivihIna iti . yadi sarvavivarjitasarvasamaM kimu rodiShi mAnasi sarvasamam.h .. 14.. aniketakuTI parivArasamaM ihasa~Ngavisa~NgavihInaparam.h . iha bodhavibodhavihInaparaM kimu rodiShi mAnasi sarvasamam.h .. 15.. avikAravikAramasatyamiti avilakShavilakShamasatyamiti . yadi kevalamAtmani satyamiti kimu rodiShi mAnasi sarvasamam.h .. 16.. iha sarvasama.n khalu jIva iti iha sarvanirantarajIva iti . iha kevalanishchalajIva iti kimu rodiShi mAnasi sarvasamam.h .. 17.. avivekavivekamabodha iti avikalpavikalpamabodha iti . yadi chaikanirantarabodha iti kimu rodiShi mAnasi sarvasamam.h .. 18.. na hi mokShapada.n na hi bandhapadaM na hi puNyapada.n na hi pApapadam.h . na hi pUrNapada.n na hi riktapadaM kimu rodiShi mAnasi sarvasamam.h .. 19.. yadi varNavivarNavihInasamaM yadi kAraNakAryavihInasamam.h . yadibhedavibhedavihInasamaM kimu rodiShi mAnasi sarvasamam.h .. 20.. iha sarvanirantarasarvachite iha kevalanishchalasarvachite . dvipadAdivivarjitasarvachite kimu rodiShi mAnasi sarvasamam.h .. 21.. atisarvanirantarasarvagataM atinirmalanishchalasarvagatam.h . dinarAtrivivarjitasarvagataM kimu rodiShi mAnasi sarvasamam.h .. 22.. na hi bandhavibandhasamAgamanaM na hi yogaviyogasamAgamanam.h . na hi tarkavitarkasamAgamanaM kimu rodiShi mAnasi sarvasamam.h .. 23.. iha kAlavikAlanirAkaraNaM aNumAtrakR^ishAnunirAkaraNam.h . na hi kevalasatyanirAkaraNaM kimu rodiShi mAnasi sarvasamam.h .. 24.. iha dehavidehavihIna iti nanu svapnasuShuptivihInaparam.h . abhidhAnavidhAnavihInaparaM kimu rodiShi mAnasi sarvasamam.h .. 25.. gaganopamashuddhavishAlasamaM atisarvavivarjitasarvasamam.h . gatasAravisAravikArasamaM kimu rodiShi mAnasi sarvasamam.h .. 26.. iha dharmavidharmavirAgatara\- miha vastuvivastuvirAgataram.h . iha kAmavikAmavirAgataraM kimu rodiShi mAnasi sarvasamam.h .. 27.. sukhaduHkhavivarjitasarvasama\- miha shokavishokavihInaparam.h . gurushiShyavivarjitatattvaparaM kimu rodiShi mAnasi sarvasamam.h .. 28.. na kilA~NkurasAravisAra iti na chalAchalasAmyavisAmyamiti . avichAravichAravihInamiti kimu rodiShi mAnasi sarvasamam.h .. 29.. iha sArasamuchchayasAramiti . kathita.n nijabhAvavibheda iti . viShaye karaNatvamasatyamiti kimu rodiShi mAnasi sarvasamam.h .. 30.. bahudhA shrutayaH pravadanti yato viyadAdiridaM mR^igatoyasamam.h . yadi chaikanirantarasarvasamaM kimu rodiShi mAnasi sarvasamam.h .. 31.. vindati vindati na hi na hi yatra ChandolakShaNa.n na hi na hi tatra . samarasamagno bhAvitapUtaH pralapati tattvaM paramavadhUtaH .. 32.. iti pa~nchamo.adhyAyaH .. 5.. \smallskip\hrule\smallskip atha ShaShThamo.adhyAyaH .. bahudhA shrutayaH pravadanti vayaM viyadAdiridaM mR^igatoyasamam.h . yadi chaikanirantarasarvashiva\- mupameyamathohyupamA cha katham.h .. 1.. avibhaktivibhaktivihInaparaM nanu kAryavikAryavihInaparam.h . yadi chaikanirantarasarvashivaM yajana.n cha katha.n tapana.n cha katham.h .. 2.. mana eva nirantarasarvagataM hyavishAlavishAlavihInaparam.h . mana eva nirantarasarvashivaM manasApi katha.n vachasA cha katham.h .. 3.. dinarAtrivibhedanirAkaraNa\- muditAnuditasya nirAkaraNam.h . yadi chaikanirantarasarvashivaM ravichandramasau jvalanashcha katham.h .. 4.. gatakAmavikAmavibheda iti gatacheShTavicheShTavibheda iti . yadi chaikanirantarasarvashivaM bahirantarabhinnamatishcha katham.h .. 5.. yadi sAravisAravihIna iti yadi shUnyavishUnyavihIna iti . yadi chaikanirantarasarvashivaM prathama.n cha katha.n charama.n cha katham.h .. 6.. yadibhedavibhedanirAkaraNaM yadi vedakavedyanirAkaraNam.h . yadi chaikanirantarasarvashivaM tR^itIya.n cha katha.n turIya.n cha katham.h .. 7.. gaditAvidita.n na hi satyamiti viditAvidita.n nahi satyamiti . yadi chaikanirantarasarvashivaM viShayendriyabuddhimanA.nsi katham.h .. 8.. gaganaM pavano na hi satyamiti dharaNI dahano na hi satyamiti . yadi chaikanirantarasarvashivaM jaladashcha katha.n salila.n cha katham.h .. 9.. yadi kalpitalokanirAkaraNaM yadi kalpitadevanirAkaraNam.h . yadi chaikanirantarasarvashivaM guNadoShavichAramatishcha katham.h .. 10.. maraNAmaraNa.n hi nirAkaraNaM karaNAkaraNa.n hi nirAkaraNam.h . yadi chaikanirantarasarvashivaM gamanAgamana.n hi katha.n vadati .. 11.. prakR^itiH puruSho na hi bheda iti na hi kAraNakAryavibheda iti . yadi chaikanirantarasarvashivaM puruShApuruSha.n cha katha.n vadati .. 12.. tR^itIya.n na hi duHkhasamAgamanaM na guNAddvitIyasya samAgamanam.h . yadi chaikanirantarasarvashivaM sthavirashcha yuvA cha shishushcha katham.h .. 13.. nanu AshramavarNavihInaparaM nanu kAraNakartR^ivihInaparam.h . yadi chaikanirantarasarvashiva\- mavinaShTavinaShTamatishcha katham.h .. 14.. grasitAgrasita.n cha vitathyamiti janitAjanita.n cha vitathyamiti . yadi chaikanirantarasarvashiva\- mavinAshi vinAshi katha.n hi bhavet.h .. 15.. puruShApuruShasya vinaShTamiti vanitAvanitasya vinaShTamiti . yadi chaikanirantarasarvashiva\- mavinodavinodamatishcha katham.h .. 16.. yadi mohaviShAdavihInaparo yadi sa.nshayashokavihInaparaH . yadi chaikanirantarasarvashiva\- mahameti mameti katha.n cha punaH .. 17.. nanu dharmavidharmavinAsha iti nanu bandhavibandhavinAsha iti . yadi chaikanirantarasarvashivaM\- mihaduHkhaviduHkhamatishcha katham.h .. 18.. na hi yAj~nikayaj~navibhAga iti na hutAshanavastuvibhAga iti . yadi chaikanirantarasarvashivaM vada karmaphalAni bhavanti katham.h .. 19.. nanu shokavishokavimukta iti nanu darpavidarpavimukta iti . yadi chaikanirantarasarvashivaM nanu rAgavirAgamatishcha katham.h .. 20.. na hi mohavimohavikAra iti na hi lobhavilobhavikAra iti . yadi chaikanirantarasarvashivaM hyavivekavivekamatishcha katham.h .. 21.. tvamaha.n na hi hanta kadAchidapi kulajAtivichAramasatyamiti . ahameva shivaH paramArtha iti abhivAdanamatra karomi katham.h .. 22.. gurushiShyavichAravishIrNa iti upadeshavichAravishIrNa iti . ahameva shivaH paramArtha iti abhivAdanamatra karomi katham.h .. 23.. na hi kalpitadehavibhAga iti na hi kalpitalokavibhAga iti . ahameva shivaH paramArtha iti abhivAdanamatra karomi katham.h .. 24.. sarajo virajo na kadAchidapi nanu nirmalanishchalashuddha iti . ahameva shivaH paramArtha iti abhivAdanamatra karomi katham.h .. 25.. na hi dehavidehavikalpa iti anR^ita.n charita.n na hi satyamiti . ahameva shivaH paramArtha iti abhivAdanamatra karomi katham.h .. 26.. vindati vindati na hi na hi yatra ChandolakShaNa.n na hi na hi tatra . samarasamagno bhAvitapUtaH pralapati tattvaM paramavadhUtaH .. 27.. iti ShaShThamo.adhyAyaH .. 6.. \smallskip\hrule\smallskip atha saptamo.adhyAyaH .. rathyAkarpaTavirachitakanthaH puNyApuNyavivarjitapanthaH . shUnyAgAre tiShThati nagno shuddhanira~njanasamarasamagnaH .. 1.. lakShyAlakShyavivarjitalakShyo yuktAyuktavivarjitadakShaH . kevalatattvanira~njanapUto vAdavivAdaH kathamavadhUtaH .. 2.. AshApAshavibandhanamuktAH shauchAchAravivarjitayuktAH . eva.n sarvavivarjitashAnta\- stattva.n shuddhanira~njanavantaH .. 3.. kathamiha dehavidehavichAraH kathamiha rAgavirAgavichAraH . nirmalanishchalagaganAkAraM svayamiha tattva.n sahajAkAram.h .. 4.. kathamiha tattva.n vindati yatra rUpamarUpa.n kathamiha tatra . gaganAkAraH paramo yatra viShayIkaraNa.n kathamiha tatra .. 5.. gaganAkAranirantaraha.nsa\- stattvavishuddhanira~njanaha.nsaH . eva.n kathamiha bhinnavibhinnaM bandhavibandhavikAravibhinnam.h .. 6.. kevalatattvanirantarasarvaM yogaviyogau kathamiha garvam.h . evaM paramanirantarasarva\- meva.n kathamiha sAravisAram.h .. 7.. kevalatattvanira~njanasarvaM gaganAkAranirantarashuddham.h . eva.n kathamiha sa~Ngavisa~NgaM satya.n kathamiha ra~Ngavira~Ngam.h .. 8.. yogaviyogai rahito yogI bhogavibhogai rahito bhogI . eva.n charati hi mandaM mandaM manasA kalpitasahajAnandam.h .. 9.. bodhavibodhaiH satata.n yukto dvaitAdvaitaiH kathamiha muktaH . sahajo virajaH kathamiha yogI shuddhanira~njanasamarasabhogI .. 10.. bhagnAbhagnavivarjitabhagno lagnAlagnavivarjitalagnaH . eva.n kathamiha sAravisAraH samarasatattva.n gaganAkAraH .. 11.. satata.n sarvavivarjitayuktaH sarva.n tattvavivarjitamuktaH . eva.n kathamiha jIvitamaraNaM dhyAnAdhyAnaiH kathamiha karaNam.h .. 12.. indrajAlamida.n sarva.n yathA marumarIchikA . akhaNDitamanAkAro vartate kevalaH shivaH .. 13.. dharmAdau mokShaparyanta.n nirIhAH sarvathA vayam.h . katha.n rAgavirAgaishcha kalpayanti vipashchitaH .. 14.. vindati vindati na hi na hi yatra ChandolakShaNa.n na hi na hi tatra . samarasamagno bhAvitapUtaH pralapati tattvaM paramavadhUtaH .. 15.. iti saptamo.adhyAyaH .. 7.. \smallskip\hrule\smallskip atha aShTamo.adhyAyaH .. tvadyAtrayA vyApakatA hatA te dhyAnena chetaHparatA hatA te . stutyA mayA vAkparatA hatA te kShamasva nitya.n trividhAparAdhAn.h .. 1.. kAmairahatadhIrdAnto mR^iduH shuchiraki~nchanaH . anIho mitabhuk shAntaH sthiro machCharaNo muniH .. 2.. apramatto gabhIrAtmA dhR^itimAn jitaShaDguNaH . amAnI mAnadaH kalpo maitraH kAruNikaH kaviH .. 3.. kR^ipAlurakR^itadrohastitikShuH sarvadehinAm.h . satyasAro.anavadyAtmA samaH sarvopakArakaH .. 4.. avadhUtalakShaNa.n varNairj~nAtavyaM bhagavattamaiH . vedavarNArthatattvaj~nairvedavedAntavAdibhiH .. 5.. AshApAshavinirmukta AdimadhyAntanirmalaH . Anande vartate nityamakAra.n tasya lakShaNam.h .. 6.. vAsanA varjitA yena vaktavya.n cha nirAmayam.h . vartamAneShu varteta vakAra.n tasya lakShaNam.h .. 7.. dhUlidhUsaragAtrANi dhUtachitto nirAmayaH . dhAraNAdhyAnanirmukto dhUkArastasya lakShaNam.h .. 8.. tattvachintA dhR^itA yena chintAcheShTAvivarjitaH . tamo.aha.nkAranirmuktastakArastasya lakShaNam.h .. 9.. dattAtreyAvadhUtena nirmitAnandarUpiNA . ye paThanti cha shR^iNvanti teShA.n naiva punarbhavaH .. 10.. iti aShTamo.adhyAyaH .. 8.. iti avadhUtagItA samAptA .. ## \smallskip\hrule\smallskip Encoded by Sunder Hattangadi sunderh at hotmail.com \medskip\hrule\obeylines \medskip {\rm Please send corrections to sanskrit@cheerful.com} {\rm Last updated \today} {\rm http://sanskritdocuments.org} \end{document}