% Text title            : viGYaanagaNarAjastotram
% File name             : viGYaanagaNarAjastotram.itx
% Category              : ganesha, stotra
% Location              : doc\_ganesha
% Author                : Traditional
% Transliterated by     : Karthik Chandan.P (kardan5380 at yahoo.com) : Amith K Nagaraj)
% Proofread by          : Ravin Bhalekar ravibhalekar at hotmail.com
% Description-comments  : mudgalapurANa
% Latest update         : May 12, 2004, July 5, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. viGYAnagaNarAjastotram ..}##
\itxtitle{.. viGYAnagaNarAjastotram ..}##\endtitles ##

shrI gaNeshAya namaH |
atriruvAcha |
shR^iNu putra pravaxyAmi shAntiyogaM sanAtanam |
brahmaNA kathitaM hyetadyena shAnto.ahama~njasA || 1||
asmAkaM kuladevatvaM prApto gaNapatiHprabhuH |
sa vai devAdhidevAnAM kuladevaH prakIrtitaH || 2||
shAntiyogasvarUpaM taM jAnIhi tvaM mahAmate |
bhajasva suprayatnena tadA shAntimavApsyasi || 3||
gaNeshAtsarvamutpannaM tena saMsthApitaM suta |
tasyArAdhanamAtreNa kR^itakR^ityAH shivAdayaH || 4||
nAmarUpAtmakaM sarvaM jagad brahma prakathyate |
tadeva shaktirUpAkhyaM brahmAsadrUpakaM param || 5||
tatrAmR^itamayaM bhAnumAtmAkAreNa saMsthitam |
sadrUpaM taM vijAnIyAd brahma vede prakIrtitam || 6||
tayorabhedato brahma samaM sarvatra saMsthitam |
sadasanmayagaM viShNuM jAnIhi vedavAdataH || 7||
tebhyo vilakShaNasturyA netirUpaH prakIrtitaH |
nirmohaH shivasaMGYashcha svAdhInaM brahma tadbudhaiH || 8||
chaturNAM brahmasaMyoge svAnandaH kathyate budhaiH |
sa vai mAyAmayaH sAxAdguNesho vedavAdibhiH || 9||
antarbAhyAH kriyAH sarvA brahmAkAraH pradR^ishyate |
karmayogaH sa viGYeyaH saMyogaH karmaNAM suta || 10||
GYAnAtmachaxuShA GYAnaM yadyadbhavati yoginAm |
teShAmabhedako yogo GYAnayogaH prakIrtitaH || 11||
GYAnAnAM karmaNAm chaiva bhede yogaH samAtmakaH |
AnandAtmakarUpo.ayaM dvaidhanAshe sa prApyate || 12||
svechChayA karmayogashcha dhR^ito yena mahAtmanA |
svechChayA GYAnayogashcha svechChayAnandayogakaH || 13||
svechChayA sa tribhirhinaH sahajAkhyaH prakathyate |
sadA svAdhInarUpashcha svechChayA krIDate svayam || 14||
brahmabhUtAtmako yogaH svAnandAkhyaH prakIrtitaH |
tatra svAdhInatA putra parAdhInA tridhA kR^itA || 15||
brahmaNi brahmabhUtasya svataH parata eva cha |
utthAnaM nAsti saMyogAtsvasvarUpiNi yoginaH || 16||
svAnande sutasaMyogo jagatAM brahmaNAM bhavet |
sarvAbhedena yogo.ayaM tasmAnmAyAsamanvitaH || 17||
ayogAtmakayogashcha sadA saMyogavarjitaH |
jagatAM brahmaNAM tatra pravesho.ato na vidyate || 18||
sadA nirmAyiko yogaH svasaMvedyavivarjitaH |
svakIyAbhedahInatvAnnivR^ittiryogibhirdhR^itA || 19||
brahma brahmANi saMsthaM yannAgataM na gataM punaH |
svAnandanAshatastubhyaM brahmabhUtamayogakam || 20||
brahmasvAnandavAsI sa gaNeshaH kathyate budhaiH |
svAnandAtmAtmakaH prokto vedeShu vedavAdibhiH || 21||
krIDAtmako gaNeshAnaH svAnandaH parikIrtitaH |
saMyogAtmakarUpeNa svasvarUpeNa tiShThati || 22||
krIDAhIno gaNeshAno yogarUpaH prakIrtitaH |
nirAnandAtmakatvena sadA brahmaNi saMsthitaH || 23||
saMyogAyogayogena tayornAshe gaNeshvaraH |
shAntiyogAtmakaH prokto yogibhiryogasevayA || 24||
pUrNayogAtmakastatra gaNeshaH parikIrtitaH |
mAyAyuktavihInatvaM bhrAntimAtraM prakIrtitam || 25||
pa~nchachittasvarUpAM tvaM buddhiM jAnIhi putraka |
tatra mohakarI siddhirbhrAntidA moharUpiNI || 26||
dharmArthakAmamokShANAM siddhirbhinnA pradR^ishyate |
brahmabhUtamayI siddhiH kathitA yogibhistathA || 27||
pa~nchadhA chittavR^ittiryA tatra yadbimbitaM suta |
tadeva gaNarAjasya rUpaM bimbAtmakaM param || 28||
dharmArthakAmamokSheShu brahmabhUteShu yatsmR^itam |
aishvaryaM mohadaM janturbhramati yatra lAlasaH || 29||
pa~nchaishvaryeShu yadbimbaM tadeva gaNapasya cha |
jIvaM jAnIhi putra tvaM shAntiyogasya sevayA || 30||
pa~nchachittapraNAshe vai pa~nchaishvarye layaM gataH |
adhunA gaNarAjastvaM bhavitA.asi na saMshayaH || 31||
tyajAvadhUtamArgaM tvaM bhAvavadhUtamukhyakaH |
avadhUya mahachchittaM mahadaishvaryamAdarAt || 32||
sadA shAntiM bhajasva tvaM yogena datta satvaram |
dadAmi te mahAmantraM gaNeshasya vidhAnataH || 33||
tata ekAkSharaM mantraM dadau putrAya bhAvataH |
atriryogavidAM shreShThastaM praNamya yayAvajaH|34 |
sAxAdviShNusvarUpashcha datto yogavidAMvaraH |
ga~NgAyA dakShiNe tIre pUjayAmAsa viGhnapam || 35||
tyaktvA bhUmisvarUpaM sa shAntimAsthAya yogavit |
abhajattaM tu bhAvena gaNapaM hR^idi chintayan || 36||
mahAyogI svayaM datto varSheNaikena shaunaka |
shAntiM prApto visheSheNa gANapatyo babhUva ha || 37||
taM draShTuM gaNapastatra yayau bhaktaM nijechChayA |
bhaktavAtsalyabhAvena dattAshramasushAntidaH || 38||
taM dR^iShTvA sahasotthAya praNanAma kR^itAMjaliH |
tuShTAva susthiro bhUtvA vighneshaM kuladaivatam || 39||
datta uvAcha |
namo gaNapate tubhyaM namo yogasvarUpiNe |
yogibhyo yogadAtre cha shAntiyogAtmane namaH || 40||
siddhibuddhipate tubhyaM pa~nchachittapradhArakam |
nAnAvihArashIlAya gaNeshAya namo namaH || 41||
siddhidAtre samastebhyo nAnaishvaryapradhAriNe |
mohahantre mohakartre herambAya namo namaH || 42||
svAnandavAsine tubhyaM saMyogAbhedadhAriNe |
nAnAmAyAvihArAya vighneshAya namo namaH || 43||
sAMkhyAya brahmaniShThAya bodhahInAya dhImate |
paratotthAnarUpAya videhAya namo namaH || 44||
bodhAya sarvarUpAya dehadehimayAya cha |
svata utthAnarUpAya prakR^iterlaya te namaH || 45||
so.aha~NkArAya devAya jagadIshAya te namaH |
mahate bindurUpAya jagadrUpAya te namaH || 46||
nAdAtmakaguNeshAya nAnAveShapradhAriNe |
brahmaNe sR^iShTikartre cha pitAmaha namo.astu te || 47||
haraye pAlakAyaiva nAnAdehadharAya cha |
saMhartre sha~NkarAyaiva karmAkArAya bhAnave || 48||
shaktaye cha kriyAmUrte devamAnavarUpiNe |
nAgAsuramayAyaiva DhuNDhirAjAya te namaH || 49||
sthAvarAya namastubhyaM ja~NgamAya namo namaH |
jagadrUpAya devAya brahmaNe te namo namaH || 50||
kiM staumi tvAM gaNAdhIsha yogAkAreNa saMsthitam |
vedAdayaH samarthA na tvAmataH praNamAmyaham || 51||
dhanyo deho madIyo.adya pitarau kulameva cha |
vidyA yogastapashchaiva tvadaMGhriyugadarshanAt || 52||
ityuktvA bhaktibhAvena paripluto mahAmuniH |
nanarta hR^iShTaromA.asau AnandAshrUH sR^ijanmuhuH || 53||
tatastaM svakare dhR^itvA gaNanAthaH prasasvaje |
uvAcha yoginaM pUrNairvachanaM paramAdbhutam || 54||
gaNesha uvAcha |
dhanyo.asi datta yogIndro jAto.asi madanugrahAt |
shAntiM labhasi pUrNAM tvamachalAM mayi sarvadA || 55||
kadApi te na bhedo me bhaviShyati mahAmune |
tvatprItisampravR^iddhyarthamatra sthAsyAmi nishchalaH || 56||
gaNeshaGYAnamAhAtmyaM tvayA hyatrermukhAchChutam |
sAxAtkArakR^itaM tasmAdidaM viGYAnakShetrakam || 57||
viGYAnagaNapo dattanAmnA khyAto bhavAmyaham |
darshanAchChAntisandAtA bhaviShyAmyatra mAnada || 58||
atra vAsaM prakurvanti madarthaM bhaktisaMyutAH |
shAntiyogaM sadA tebhyo dAsyAmi te svasannidhau || 59||
idaM purA shivenaiva GYAnaM sAxAtkR^itaM svayam |
viGYAneshvaranAmA me kR^ito mayA sa sha~NkaraH || 60||
tasyAtra sannidhiM sthitvA tvayA tathA susAdhitam |
ataH sha~NkaramitratvaM prApto.asi madanugrahAt || 61||
tvayA kR^itamidaM stotraM yogashAntipradaM bhavet |
paThatAM shR^iNvatAM nR^INAM brahmIbhUtakaraM tathA || 62||
dharmArthakAmamokShANAM dAyakaM prabhaviShyati |
sarvasiddhipradaM chaiva sarvebhyo GYAnadAyakam || 63||
ityuktvA.antardadhe tatra gaNesho bhaktavatsalaH |
dattaH khinnashcha taM dhyAtvA tasthau tatra prajApate || 64||
tatastatkR^ipayA tena svAtmA tatra samarpitaH |
yogAbhedamayatvena jAta AtmanivedakaH || 65||
datto bhakto gaNeshashcha svAmI tasyeti nAshitam |
svAmini sevakaH so.api tadAkAreNa saMsthitaH || 66||
iyaM bhaktirgaNeshasyAtmanivedanarUpiNI |
dattena sA dhR^itA mukhyA shAntiyogamayatvataH || 67||
etasminnantare tatra prakaTo.abhUtsvayaM shivaH |
viGYAneshvaranAmAsau dattaM taM pariShasvaje || 68||
aho datta mahAbhAga mama mitratvamAgataH |
atraivAhaM gaNeshAnaM dhyAyAmi yogasevayA || 69||
tato dattaM puraskR^itya sha~Nkaro brAhmaNaiH saha |
gaNeshaM sthApayAmAsa ga~NgAyA daxiNe taTe || 70||
viGYAnagaNarAjeti nAma chakre maharShibhiH |
tadAdikShetravikhyAtaM babhUva gaNapasya tat || 71||
viGYAnanAmakaM puNyaM shAntiyogaphalapradam |
sarvasiddhikaraM kShetraM yAtrAkAri janasya cha || 72||
iti mudgalapurANoktaM viGYAnagaNarAjastotraM samAptam |
##
Encoded by Karthik Chandan.P (kardan5380@yahoo.com)
and Amith K Nagaraj (amithkn@rediffmail.com)
Proofread by Ravin Bhalekar ravibhalekar@hotmail.com


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}