% Text title            : Kashirajakrita Shri Ganesha Stuti
% File name             : gaNeshastutiHkAshirAjakRRitA.itx
% Category              : ganesha, gaNeshapurANa, stuti
% Location              : doc\_ganesha
% Proofread by          : Preeti Bhandare
% Description/comments  : shrIgaNeshapurANaM krIDA (uttara)khaNDaH | adhyAyaH 53 | 2.53 27-43||
% Latest update         : April 20, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kashirajakrita Shri Ganesha Stuti ..}##
\itxtitle{.. kAshirAjakR^itA shrIgaNeshastutiH ..}##\endtitles ##
nR^ipa uvAcha |
namAmi te nAtha padAravindaM brahmAdibhirdhyeyatamaM shivAya |
yatpadmapAshAsiparashvadhAdi(su)chihnitaM vighnaharaM nijAnAm || 27||
yadarchyate viShNushivAdibhiH surairanekakAryArthakarairnaraishcha |
anekasho vighnavinAshadakShaM saMsArataptAmR^itavR^iShTikAri || 28||
namAmi te nAtha mukhAravindaM trilochanaM vahniravIndutAram |
kR^ipAkaTAkShAmR^itasechanena tApatrayonmUlanadR^iShTashakti || 29||
namAmi te nAtha karAravindamanekahetikShatadaityasa~Ngham |
anekabhaktAbhayadaM suresha ! saMsArakUpottaraNAvalambam || 30||
tvameva sattvAtmatayA bibharShi sR^ijasyajo rAjasatAmavApya |
tamoguNAdhAratayA cha haMsi charAcharaM te vashagaM gaNesha || 31||
yaH shuddhachetA bhajate.anishaM tvAmAkramya vighnAn paridhAvasi tvam |
sa tvAM vashe kR^itya sukhaM hi shete vatsaM yathA gauriva dhAvasi tvam || 32||
ye.anye bhajantaH samavApya tApAn saMsArachakre bahudhA bhramantaH |
kadApi te.anugrahamApya te.api bhajanti mAnuShyamavApya te.api || 33||
dharArajaH ko.api mimIta nAke tArA gaNaM vArimuchAM chadhArAH |
nAlaM guNAnAM gaNAnAM hi kartuM sheSho vidhAtA tava varShapUgaiH || 34||
nirAkR^iteste yadi nAkR^itiH syAdupAsanAkarmavidhirvR^ithA syAt |
guNaprapa~nchaH prakR^itervilAso janasya bhogashcha tathA kathaM syAt || 35||
satsa~Ngatishchet sadanugrahaH syAt sakarmaniShThA sadanusmR^itishcha |
chittasya shuddhirmahatI kR^ipA te j~nAnaM vimuktishcha na durlabhA syAt || 36||
ka uvAcha |
iti stotraM samAkarNya parituShTo vinAyakaH |
uvAcha kAshIrAjaM sa varaM vR^iNu hR^idi sthitam || 37||
nR^ipa uvAcha |
jAtaM varasya kR^ityaM me yatrAhaM hi samAgataH |
itaH punarjanmamR^itI na syAtAM tad vidhIyatAm || 38||
phalashrutiH \-
ka uvAcha |
stotreNa prItastaM prAha tatheti divyadehinam |
sthApayAmAsa nikaTe kalpakoTiyugAvadhi || 39||
mune ! stotraM mayA tasmAt prAptaM tasya prasAdataH |
nAradAya mayA proktaM nArado gautamAya cha || 40||
prAha so.api munIn sarvAn sarvakAmaphalapradam |
j~nAnadaM mokShadaM vighnanAshanaM pAvanaM param || 41||
yaH paThet sa labhedbhaktiM gaNeshasannidhau naraH |
vidyAkAmo labhed vidyAM trisandhyaM yaH paThennaraH || 42||
putrakAmo labhet putrAn jayakAmo labhejjayam |
evaM sarvaM samAkhyAtaM yad yat pR^iShTaM tvayA mune || 43||

iti kAshirAjakR^itA shrIgaNeshastutiH sampUrNA ||

\- || shrIgaNeshapurANaM krIDA (uttara)khaNDaH | adhyAyaH 53 | 2\.53 27\-43||
##
-  .. shrIgaNeshapurANaM krIDA (uttara)khaNDaH . adhyAyaH 53 . 2.53 27-43..

Proofread by Preeti Bhandare

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}