% Text title            : Shatpanchashadvinayakavarnanam
% File name             : ShaTpanchAshadvinAyakavarNanam.itx
% Category              : ganesha, gaNeshapurANa
% Location              : doc\_ganesha
% Proofread by          : Preeti Bhandare
% Description/comments  : shrIgaNeshapurANaM krIDA (uttara)khaNDaH | adhyAyaH 154 | 2.154 4-24||
% Latest update         : April 20, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shatpanchashadvinayakavarnanam ..}##
\itxtitle{.. ShaTpa~nchAshadvinAyakavarNanam ..}##\endtitles ##
dUtA UchuH |
kathayAmaH samAsena vishveshAvaraNe gatAn || 4||
gaNeshAn kramasho rAjan ! shR^iNu sarvabhayApahAn |
durgA vinAyako.athArkabhImachaNDIvinAyakau || 5||
dehalIgaNapashchAtha tathoddaNDavinAyakaH |
pAshapANiH sarvavighnaharaNo.atha vinAyakaH || 6||
prathamAvaraNe siddhasiddhirUpo vinAyakaH |
lambodaraH kUTadantaH shAlaTa~NkavinAyakaH || 7||
kUShmANDAkhyashchaturthashcha pa~nchamo muNDasa.nj~nakaH |
vikaTadvijasa.nj~nastu rAjaputravinAyakaH || 8||
praNavAkhyo.athAparashcha dvitIyAvaraNe sthitAH |
vakratuNDa ekadantastrimukhashcha vinAyakaH || 9||
vighnarAjashchaturtho.atha varadashcha vinAyakaH |
pa~nchAsyashchAparashchAtra herambashcha vinAyakaH || 10||
modakapriya ityeva tR^itIyAvaraNe sthitAH |
vinAyako.abhayapradaH siMhatuNDavinAyakaH || 11||
kuNitAkShashchAparashcha kShipraprasAdasa.nj~nakaH |
chintAmaNiriti khyAto dantahastavinAyakaH || 12||
prachaNDashchApyaparashchoddaNDamuNDavinAyakaH |
chaturthAvaraNe j~neyA aShTAvete vinAyakAH || 13||
sthUladanto dvitIyastu kalipriyavinAyakaH |
chaturdanto dvituNDashcha jyeShTho gajavinAyakaH || 14||
kAlAkhyashcha tathA j~neyo nAgeshAkhyo.aparo.api cha |
pa~nchamAvaraNe j~neyA aShTAvete vinAyakAH || 15||
maNikarNavinAyaka AshAsR^iShTivinAyakau |
yakShAkhyo gajakarNAkhyashchitraghaNTavinAyakaH || 16||
suma~Ngalashcha mitrAkhya ete ShaShThe vinAyakAH |
modaH pramodaH sumukho durmukhashcha vinAyakaH || 17||
gaNapAkhyo.athAparashcha tathA j~nAnavinAyakaH |
saptamAvaraNe j~neyAstathA dvAravinAyakaH || 18||
avimukto.aShTamo yatra mokShado.atha vinAyakaH |
anyo bhagIrathAkhyo hi harishchandravinAyakaH || 19||
kapardIti paro j~neyastathA binduvinAyakaH |
eteShAM smaraNaM nityaM sarvakAmaphalapradam || 20||
prAtarutthAya yashchaitAn paThate shuddhamAnasaH |
na tasya vighnA vighnaM hi kurvanti sarvakarmasu || 21||
ekaikanAmnA rAjendra ! dUrvAbhistaNDulairapi |
tilaiH shamIdalaishchaitAn pUjayed bhaktimAn naraH || 22||
asAdhyaM sAdhayet kAryaM sarvatra vijayI bhavet |
AyuShyaM puShTimArogyaM prApnuyAddhanamuttamam || 23||

iti ShaTpa~nchAshadvinAyakavarNanaM sampUrNam ||

\- || shrIgaNeshapurANaM krIDA (uttara)khaNDaH | adhyAyaH 154 | 2\.154 4\-24||
##
-  .. shrIgaNeshapurANaM krIDA (uttara)khaNDaH . adhyAyaH 154 . 2.154 4-24..
Fiftysix Vinayaka-s in seven AvaraNa.

Proofread by Preeti Bhandare

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}