श्रीयमुनास्तवः
कलिन्दतनये देवि परमानन्दवर्धिनि ।
स्नामि ते सलिले सर्वापराधान् मां विमोचय ॥
चिदानन्दभानोः सदा नन्दसूनोः
परप्रेमपात्री द्रवब्रह्मगात्री ।
अघानां लवित्री जगत्क्षेमदात्री
पवित्रीक्रियान् नो वपुर्मित्रपुत्री ॥
जयति तरणिपुत्री धर्मराजस्वसा या
कलयति मथुरायाः सख्यमत्येति गङ्गाम् ।
मुरहरदयिता तत्पादपद्मप्रसूतं
वहति च मकरन्दं नीरपूरच्छलेन ॥
गङ्गादितीर्थपरिसेवितपादपद्मां
गोलोकसौख्यरसपूरमहिं महिम्ना ।
आप्लाविताखिलसुधासु जलां सुखाब्धौ
राधामुकुन्दमुदितां यमुनां नमामि ॥
इति श्रीयमुनास्तवः सम्पूर्णः ।