श्रीतुरजास्तवराजः
कथं रामेण सादेवी स्तुतादेववरोत्तम ।
सहस्रनामभिश्चैव पूजिता तद्वदस्वमे ॥ १॥
श्रीशङ्कर उवाच -
प्राप्यतं यामुनं शैलं रामचन्द्रः सलक्ष्मणः ।
यावश्चरति शैलेन्द्रे तावत्दृष्टाम्बिका शिवाम् ॥ २॥
ज्ञात्वातां जननीं रामो लक्ष्मणेनापि संयुतः
साष्टाङ्गप्रणिपत्यादौ स्तोतुं चैव प्रचक्रमे ॥ ३॥
श्रीरामचन्द्र उवाच -
नमामि त्वरितां देवि सुन्दरां सुभगां सुखाम् ।
नानारूप धरामाद्यां सर्वप्राणिहितेरताम् ॥ ४॥
षट्चक्र पुत्र निलयां सहस्रा रालयां पराम् ।
नागरूपां कुण्डलिनीमम्बादेवीं नमाम्यहम् ॥ ५॥
सोहं मन्त्रमयीं धीरामजपाजपरूपिणीम् ।
सर्वबीजमयीं शक्तिमम्बादेवीं नमाम्यहम् ॥ ६॥
ऐं बीजां वाग्भवां वाणीं वाग् गोचर मण्डलाम् ।
वाचस्पतिनुतां शक्तिमम्बादेवीं नमाम्यहम् ॥ ७॥
क्लीं कामबीजचलनां चातुर्वर्ण्यकृतालयाम् ।
कामेः कल्पित कन्दर्पामम्बादेवीं नमाम्यहम् ॥ ८॥
सौः सर्वसिद्धिजननीं सकलागमसेविताम् ।
सामिप्यदायिनीं शक्तिमम्बादेवीं नमाम्यहम् ॥ ९॥
नवाक्षर परां शान्तां षोडशाक्षरमीरिताम् ।
द्विपञ्चा षण्मातृरूपामम्बादेवीं नमाम्यहम् ॥ १०॥
कल्पतीतां विष्णुमायां बिन्दुत्रयक्रतालयाम् ।
षट्कोणकोणमध्यस्थामम्बादेवीं नमाम्यहम् ॥ ११॥
वर्तुलां भैरवयुतामष्टवर्णैश्च युग्मकाम् ।
शूलवर्गाष्टकयुतामम्बादेवीं नमाम्यहम् ॥ १२॥
चक्रराजमयीं मन्त्रां सर्वचक्राणिसेविताम् ।
वेदाक्षरनुतां नीलामम्बादेवीं नमाम्यहम् ॥ १३॥
सप्तस्वरैर्गीयमानां मूर्च्छा ग्रामैर्निसेविताम् ।
तालनाट्यकृताह्लादामम्बादेवीं नमाम्यहम् ॥ १४॥
रजोरूपमयीं कालीं कालनिद्राप्रवर्तका ।
विष्णुनेत्रास्य निलयामम्बादेवीं नमाम्यहम् ॥ १५॥
सत्त्वस्थां सत्त्वसम्पन्नां सर्वलोकमनोरमा ।
लक्ष्मीं कमलहस्तानामम्बादेवीं नमाम्यहम् ॥ १६॥
तमःस्वरूपां कालींच सर्वकार्यविनाशिनी ।
कलाकाष्टादि कलनामम्बादेवीं नमाम्यहम् ॥ १७॥
अजरूपां बालरूपां दीर्घरूपां कृशाङ्गिका ।
स्थूलस्वरूपामपरामम्बादेवीं नमाम्यहम् ॥ १८॥
यमुनाद्रिकृतावासां योगिनीवृन्दसेविताम् ।
भक्ताह्लादकरीं शक्तिमम्बादेवीं नमाम्यहम् ॥ १९॥
श्रीशङ्कर उवाच -
एवं स्तुत्वा रामचन्द्रः पूजयामासतां शिवाम् ।
नामभिस्तु सहस्रैर्वै लक्ष्मणेनापिवन्दिताम् ॥ २०॥
इति श्रीस्कन्दपुराणे सह्याद्रीखण्डे तुरजामहात्म्ये
श्रीशङ्करवरिष्ठसंवादे तुरजा स्तवराजः सम्पूर्णः ।
तुलजास्तवराजः, तुळजास्तवराजः