% Text title            : ShrI Tripurasundari chakrarAjastotram
% File name             : tripurasundarIchakrarAjastotram.itx
% Category              : devii, dashamahAvidyA, stotra, devI, panchadashI
% Location              : doc\_devii
% Transliterated by     : Pankaj Dubey dr.pankaj.dubey at gmail.com
% Proofread by          : Pankaj Dubey dr.pankaj.dubey at gmail.com
% Latest update         : December 27, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrItripurasundarI chakrarAjastotram ..}##
\itxtitle{.. shrItripurasundarIchakrarAjastotram ..}##\endtitles ##
shrItripurasundarI mUlamantrAtmakaH chakrarAjastavaH
shrIgaNeshAya namaH |
OM ka e I la hrIM ha sa ka ha la hrIM sa ka la hrIM shrIM |
            || ka||
kartuM devi ! jagad\-vilAsa\-vidhinA sR^iShTena te mAyayA
sarvAnanda\-mayena madhya\-vilasachChrI\-vinadunA.ala~NkR^itam |
shrImad\-sad\-guru\-pUjya\-pAda\-karuNA\-saMvedya\-tattvAtmakaM
shrI\-chakraM sharaNaM vrajAmi satataM sarveShTa\-siddhi\-pradam || 1||

            || e||
ekasminnaNimAdibhirvilasitaM bhUmI\-gR^ihe siddhibhiH
vAhyAdyAbhirupAshritaM cha dashabhirmudrAbhirudbhAsitam |
chakreshyA prakateDyayA tripurayA trailokya\-sammohanaM
shrI\-chakraM sharaNaM vrajAmi satataM sarveShTa\-siddhi\-pradam || 2||

            || I||
IDyAbhirnava\-vidruma\-chChavi\-samAbhikhyAbhira~NgI\-kR^itaM
kAmAkarShiNI kAdibhiH svara\-dale guptAbhidhAbhiH sadA |
sarvAshA\-pari\-pUrake pari\-lasad\-devyA pureshyA yutaM
shrI\-chakraM sharaNaM vrajAmi satataM sarveShTa\-siddhi\-pradam  || 3||

            || la||
labdha\-projjvala\-yauvanAbhirabhito.ana~Nga\-prasUnAdibhiH
sevyaM gupta\-tarAbhiraShTa\-kamale sa~NkShobhakAkhye sadA |
chakreshyA pura\-sundarIti jagati prakhyAtayAsa~NgataM
shrI\-chakraM sharaNaM vrajAmi satataM sarveShTa\-siddhi\-pradam || 4||

            || hrIM||
hrI~NkArA~Nkita\-mantra\-rAja\-nilayaM shrIsarva\-sa~NkShobhiNI
mukhyAbhishchala\-kuntalAbhiruShitaM manvasra\-chakre shubhe |
yatra shrI\-pura\-vAsinI vijayate shrI\-sarva\-saubhAgyade
shrI\-chakraM sharaNaM vrajAmi satataM sarveShTa\-siddhi\-pradam  || 5||

            || ha||
haste pAsha\-gadAdi\-shastra\-nichayaM dIptaM vahantIbhiH
uttIrNAkhyAbhirupAsya pAti shubhade sarvArtha\-siddhi\-prade |
chakre bAhya\-dashArake vilasitaM devyA pUra\-shryAkhyayA
shrI\-chakraM sharaNaM vrajAmi satataM sarveShTa\-siddhi\-pradam || 6||

            || sa||
sarvaj~nAdibhirinadu\-kAnti\-dhavalA kAlAbhirArakShite
chakre.antardasha\-koNake.ati\-vimale nAmnA cha rakShA\-kare |
yatra shrItripura\-mAlinI vijayate nityaM nigarbhA stutA
shrI\-chakraM sharaNaM vrajAmi satataM sarveShTa\-siddhi\-pradam  || 7||

            || ka||
kartuM mUkamanargala\-sravadita\-drAkShAdi\-vAg\-vaibhavaM
dakShAbhirvashinI\-mukhAbhirabhito vAg\-devatAbhiryutAm |
aShTAre pura\-siddhayA vilasitaM roga\-praNAshe shubhe
shrI\-chakraM sharaNaM vrajAmi satataM sarveShTa\-siddhi\-pradam || 8||

            || ha||
hantuM dAnava\-sa~NghamAhava bhuvi svechChA samAkalpitaiH
shastrairastra\-chayaishcha chApa\-nivahairatyugra\-tejo\-bharaiH |
Arta\-trANa\-parAyaNairari\-kula\-pradhvaMsibhiH saMvR^itaM
shrI\-chakraM sharaNaM vrajAmi satataM sarveShTa\-siddhi\-pradam || 9||

            || la||
lakShmI\-vAga\-gajAdibhiH kara\-lasat\-pAshAsi\-ghaNTAdibhiH
kAmeshyAdibhirAvR^itaM shubha\~NkaraM shrI\-sarva\-siddhi\-pradam |
chakreshI cha purAmbikA vijayate yatra trikoNe mudA
shrI\-chakraM sharaNaM vrajAmi satataM sarveShTa\-siddhi\-pradam  || 10||

            || hrIM||
hrI~NkAraM paramaM japadbhiranishaM mitresha\-nAthAdibhiH
divyaughairmanujaugha\-siddha\-nivahaiH sArUpya\-muktiM gataiH |
nAnA\-mantra\-rahasya\-vidbhirakhilairanvAsitaM yogibhiH
shrI\-chakraM sharaNaM vrajAmi satataM sarveShTa\-siddhi\-pradam || 11||

            || sa||
sarvotkR^iShTa\-vapurdharAbhirabhito devI samAbhirjagat
saMrakShArthamupAgatA.abhirasakR^innityAbhidhAbhirmudA |
kAmeshyAdibhirAj~nayaiva lalitA\-devyAH samudbhAsitaM
shrI\-chakraM sharaNaM vrajAmi satataM sarveShTa\-siddhi\-pradam  || 12||

            || ka||
kartuM shrIlalitA~Nga\-rakShaNa\-vidhiM lAvaNya\-pUrNAM tanUM
AsthAyAstra\-varollasat\-kara\-payojAtAbhiradhyAsitam |
devIbhirhR^idayAdibhishcha parito vinduM sadA.a.anandadaM
shrI\-chakraM sharaNaM vrajAmi satataM sarveShTa\-siddhi\-pradam  || 13||

            || la||
lakShmIshAdi\-padairyutena mahatA ma~nchena saMshobhitaM
ShaT\-triMshadbhiranargha\-ratna\-khachitaiH sopAnakairbhUShitam |
chintA\-ratna\-vinirmitena mahatA siMhAsanenojjvalaM
shrI\-chakraM sharaNaM vrajAmi satataM sarveShTa\-siddhi\-pradam || 14||

            || hrIM||
hrI~NkAraika\-mahA\-manuM prajapatA kAmeshvareNoShitaM
tasyA~Nke cha niShaNNayA tri\-jagatAM mAtrA chidAkirayA |
kAmeshyA karuNA\-rasaika\-nidhinA kalyANa\-dAtryA yutaM
shrI\-chakraM sharaNaM vrajAmi satataM sarveShTa\-siddhi\-pradam || 15||

            || shrIM||
shrImat\-pa~ncha\-dashAkSharaika\-nilayaM shrIShoDashI\-mandiraM
shrInAthAdibhirarchitaM cha bahudhA devaiH samArAdhitam |
shrIkAmesha\-rahassakhI\-nilayanaM shrImad\-guhArAdhitaM
shrI\-chakraM sharaNaM vrajAmi satataM sarveShTa\-siddhi\-pradam || 16||

##
Encoded and proofread by Pankaj Dubey dr.pankaj.dubey at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}