%@@1 % File name : tripura.itx %-------------------------------------------- % Text title : Tripurasundari Manasa Puja Stotra % Author : Adi Shankaracharya % Language : Sanskrit % Subject : hinduism/religion % Description/comments : A Hymn of worship to Goddess Tripurasundari % Transliterated by : Sunder Hattangadi (sunderh@hotmail.com) % Proofread by : Sunder Hattangadi (sunderh@hotmail.com) % Latest update : April, 29, 2000 % Send corrections to : sanskrit@cheerful.com % % Special Instructions: % i1h.hdr,ijag.inc,itrans.sty,multicol.sty,iarticle.sty % Transliteration scheme: ITRANS 5.2 % Site access : % http://sanskrit.gde.to % http://www.alkhemy.com/sanskrit/ % ftp://jaguar.cs.utah.edu/sanskrit/sanskrit.html %----------------------------------------------------- % The text is to be used for personal studies and research only. % Any use for commercial purpose is prohibited as a 'gentleman's' % agreement. % @@2 % % Please ignore the following commands upto #indian and others with % \ mark, % which are needed for devanaagarii output and formatting. %-------------------------------------------------------- %-------------------------------------------------------- %-------------------------------------------------------- \documentstyle[11pt,multicol,itrans]{article} %\documentclass[11pt]{article} %\usepackage{multicol} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\large #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Tripurasandari Manasa Puja Stotra ..}## \itxtitle{.. tripurasundariimaanasapuujaastotram.h ..}##\endtitles## shriiH mama na bhajanashaktiH paadayoste na bhakti\- rna cha vishhayaviraktirdhyaanayoge na saktiH . iti manasi sadaaha.n chintayannaadyashakte ruchiravachanapushhpairarchana.n sa.nchinomi .. 1.. vyaapta.n haaTakavigrahairjalacharairaaruuDhadevavrajaiH potairaakulitaantaraM maNidharairbhuumiidharairbhuushhitam.h . aaraktaamR^itasindhumuddhurachaladvichiichayavyaakula\- vyomaanaM parichintya santatamaho chetaH kR^itaarthiibhava .. 2.. tasminnujjvalaratnajaalavilasatkaantichchhaTaabhiH sphuTaM kurvaaNa.n viyadindrachaapanichayairaachchhaadita.n sarvataH . uchchaiHshR^i~NganishhaNNadivyavanitaabR^indaananaprollasa\- dgiitaakarNananishchalaakhilamR^iga.n dviipa.n namaskurmahe .. 3.. jaatiichampakapaaTalaadisumanaHsaurabhyasambhaavitaM hrii~NkaaradhvanikaNThakokilakuhuuprollaasichuutadrumam.h . aavirbhuutasugandhichandanavana.n dR^ishhTipriya.n nandanaM cha~nchachcha~nchalacha~ncharikachaTula.n chetashchira.n chintaya .. 4.. paripatitaparaagaiH paaTalakshoNibhaago vikasitakusumochchaiH piitachandraarkarashmiH . alishukapikaraajiikuujitaiH shrotrahaarii sphuratu hR^idi madiiye nuunamudyaanaraajaH .. 5.. ramyadvaarapuraprachaaratamasaa.n sa.nhaarakaariprabha sphuurjattoraNabhaarahaarakamahaavistaarahaaradyute . kshoNiimaNDalahemahaaravilasatsa.nsaarapaaraprada prodyadbhaktamanovihaara kanakapraakaara tubhya.n namaH .. 6.. udyatkaantikalaapakalpitanabhaHsphuurjadvitaanaprabha satkR^ishhNaagarudhuupavaasitaviyatkaashhThaantare vishrutaH . sevaayaatasamastadaivatagaNairaasevyamaano.anishaM so.aya.n shriimaNimaNDapo.anavarataM machchetasi dyotataam.h .. 7.. kvaapi prodbhaTapadmaraagakiraNavraatena sandhyaayitaM kutraapi sphuTavisphuranmarakatadyutyaa tamisraayitam.h . madhyaalambivishaalamauktikaruchaa jyotsnaayita.n kutrachi\- nmaataH shriimaNimandira.n tava sadaa vandaamahe sundaram.h .. 8.. uttu~NgaalayavisphuranmarakataprodyatprabhaamaNDalaa\- nyaalokyaa~NkuritotsavairnavatR^iNaakiirNasthaliisha~Nkayaa . niito vaajibhirutpathaM bata rathaH suutena tigmadyute\- rvalgaavalgigatahastamastashikhara.n kashhTairitaH praapyate .. 9.. maNisadanasamudyatkaantidhaaraanurakte viyati charamasandhyaasha~Nkino bhaanurathyaaH . shithilitagatakupyatsuutahu~NkaaranaadaiH kathamapi maNigehaaduchchakairuchchalanti .. 10.. bhaktyaa ki.n nu samarpitaani bahudhaa ratnaani paathodhinaa ki.n vaa rohaNaparvatena sadana.n yairvishvakarmaakarot.h . aa j~naata.n girije kaTaakshakalayaa nuuna.n tvayaa toshhite shambhau nR^ityati naagaraajaphaNinaa kiirNaa maNishreNayaH .. 11.. viduuramuktavaahanairvinamramaulimaNDalai\- rnibaddhahastasaMpuTaiH prayatnasa.nyatendriyaiH . viri~nchivishhNusha~Nkaraadibhirmudaa tavaambike pratiikshyamaaNanirgamo vibhaati ratnamaNDapaH .. 12.. dhvananmR^ida~NgakaahalaH pragiitaki.nnariigaNaH pranR^ittadivyakanyakaH pravR^ittama~NgalakramaH . prakR^ishhTasevakavrajaH prahR^ishhTabhaktamaNDalo mude mamaastu santata.n tvadiiyaratnamaNDapaH .. 13.. praveshanirgamaakulaiH svakR^ityaraktamaanasai\- rbahisthitaamaraavaliividhiiyamaanabhaktibhiH . vicitravastrabhuushhaNairupetama~NganaajanaiH sadaa karotu ma~NgalaM mameha ratnamaNDapaH .. 14.. suvarNaratnabhuushhitairvichitravastradhaaribhi\- rgR^ihiitahemayashhTibhirniruddhasarvadaivataiH . asa.nkhyasundariijanaiH purasthitairadhishhThito madiiyametu maanasa.n tvadiiyatu~NgatoraNaH .. 15.. indraadii.nshcha digiishvaraansahaparivaaraanatho saayudhaa\- nyoshhidruupadharaansvadikshu nihitaansa.nchintya hR^itpa~Nkaje . sha~Nkhe shriivasudhaarayaa vasumatiiyukta.n cha padma.n smara\- nkaama.n naumi ratipriya.n sahacharaM priityaa vasantaM bhaje .. 16.. gaayantiiH kalaviiNayaatimadhura.n hu~Nkaaramaatanvatii\- rdvaaraabhyaasakR^itasthitiiriha sarasvatyaadikaaH puujayan.h . dvaare naumi madonmada.n suragaNaadhiishaM madenonmadaaM maata~NgiimasitaambaraaM parilasanmuktaavibhuushhaaM bhaje .. 17.. kastuurikaashyaamalakomalaa~NgiiM kaadambariipaanamadaalasaa~Ngiim.h . vaamastanaali~NgitaratnaviiNaaM maata~NgakanyaaM manasaa smaraami .. 18.. vikiirNachikurotkare vigalitaambaraaDambare madaakulitalochane vimalabhuushhaNodbhaasini . tiraskariNi taavaka.n charaNapa~Nkaja.n chintaya\- nkaromi pashumaNDaliimalikamohadughdhaashayaam.h .. 19.. pramattavaaruNiirasairvighuurNamaanalochanaaH prachaNDadaityasuudanaaH pravishhTabhaktamaanasaaH . upoDhakajjalachchhavichchhaTaaviraajivigrahaH kapaalashuuladhaariNiiH stuve tvadiiyaduutikaaH .. 20.. sphuurjannavyayavaa~NkuropalasitaabhogaiH puraH sthaapitai\- rdiipodbhaasisharaavashobhitamukhaiH kumbhairnavaiH shobhinaa . svarNaabaddhavichitraratnapaTaliicha~nchatkapaaTashriyaa yukta.n dvaarachatushhTayena girije vande maNii mandiram.h .. 21.. aastiirNaaruNakambalaasanayutaM pushhpopahaaraanvitaM diiptaanekamaNipradiipasubhaga.n raajadvitaanottamam.h . dhuupodgaarisugandhisambhramamiladbhR^i~Ngaavaliigu~njitaM kalyaaNa.n vitanotu me.anavarata.n shriimaNDapaabhyantaram.h .. 22.. kanakarachite pa~nchapretaasanena viraajite maNigaNachite raktashvetaambaraastaraNottame . kusumasurabhau talpe divyopadhaanasukhaavahe hR^idayakamale praadurbhuutaaM bhaje paradevataam.h .. 23.. sarvaa~NgasthitiramyaruuparuchiraaM praataH samabhyutthitaaM jR^imbhaama~njumukhaambujaaM madhumadavyaaghuurNadakshitrayaam.h . sevaayaatasamastasa.nnidhisakhiiH saMmaanayantii.n dR^ishaa saMpashyanparadevataaM paramaho manye kR^itaartha.n januH .. 24.. uchchaistoraNavartivaadyanivahadhvaane samujjR^imbhite bhaktairbhuumivilagnamaulibhirala.n daNDapraNaame kR^ite . naanaaratnasamuuhanaddhakathanasthaaliisamudbhaasitaaM praataste parikalpayaami girije niiraajanaamujjvalaam.h .. 25.. paadya.n te parikalpayaami padayorarghya.n tathaa hastayoH saudhiibhirmadhuparkamamba madhura.n dhaaraabhiraasvaadaya . toyenaachamana.n vidhehi shuchinaa gaa~Ngena matkalpitaM saashhTaa~NgaM praNipaatamiishadayite dR^ishhTyaa kR^itaarthii kuru .. 26.. maataH pashya mukhaambuja.n suvimale datte mayaa darpaNe devi sviikuru dantadhaavanamida.n ga~Ngaajalenaanvitam.h . suprakshaalitamaanana.n virachayansnigdhaambarapro~nchhanaM draaga~Ngiikuru tattvamamba madhura.n taambuulamaasvaadaya .. 27.. nidhehi maNipaadukopari padaambujaM majjanaa\- laya.n vraja shanaiH sakhiikR^itakaraambujaalambanam.h . maheshi karuNaanidhe tava dR^igantapaatotsukaa\- nvilokaya manaagamuunubhayasa.nsthitaandaivataan.h .. 28.. hemaratnavaraNena veshhTitaM vistR^itaaruNavitaanashobhitam.h . sajjasarvaparichaarikaajanaM pashya majjanagR^ihaM mano mama .. 29.. kanakakalashajaalasphaaTikasnaanapiiThaa\- dyupakaraNavishaala.n gandhamattaalimaalam.h . sphuradaruNavitaaM ma~njugandharvagaanaM paramashivamahele majjanaagaaramehi .. 30.. piinottu~NgapayodharaaH parilasatsaMpuurNachandraananaa ratnasvarNavinirmitaaH parilasatsuukshmaambarapraavR^itaaH . hemasnaanaghaTiistathaa mR^idupaTirudvartana.n kausumaM taila.n ka~Nkatika.n kareshhu dadhatiirvande.amba te daasikaaH .. 31.. tatra sphaaTikapiiThametya shanakairuttaaritaala~NkR^iti\- rniichairujjhitaka~nchukoparihitaaraktottariiyaambaraa . veNiibandhamapaasya ka~Nkatikayaa keshaprasaadaM manaa\- kkurvaaNaa paradevataa bhagavatii chitte mama dyotataam.h .. 32.. abhya~Nga.n girije gR^ihaaNa mR^idunaa tailena saMpaaditaM kaashmiirairagarudravairmalayajairudvartana.n kaaraya . giite ki.nnarakaaminiibhirabhito vaadye mudaa vaadite nR^ityantiimiha pashya devi purato divyaa~NganaamaNDaliim.h .. 33.. kR^itaparikarabandhaastu~NgapiinastanaaDhyaa maNinivahanibaddhaa hemakumbhiirdadhaanaaH . surabhisalilaniryadgandhalubdhaalimaalaaH savinayamupatasthuH sarvataH snaanadaasyaH .. 34.. udgandhairagarudravaiH surabhiNaa kastuurikaavaariNaa sphuurjatsaurabhayakshakardamajalaiH kaashmiiraniirairapi . pushhpaambhobhirasheshhatiirthasalilaiH karpuurapaathobharaiH snaana.n te parikalpayaami girije bhaktyaa tada~Ngiikuru .. 35.. pratya~NgaM parimaarjayaami shuchinaa vastreNa saMpro~nchhanaM kurve keshakalaapamaayatatara.n dhuupottamairdhuupitam.h . aaliibR^indavinirmitaa.n yavanikaamaasthaapyaratnaprabhaM bhaktatraaNapare maheshagR^ihiNi snaanaambaraM muchyataam.h .. 36.. piita.n te parikalpayaami nibiDa.n chaNDaataka.n chaNDike suukshma.n snigdhamuriikurushhva vasana.n sinduurapuuraprabham.h . muktaaratnavichitrahemarachanaachaaruprabhaabhaasvaraM niila.n ka~nchukamarpayaami girishapraaNapriye sundari .. 37.. vilulitachikureNa chchhaaditaa.nsapradeshe maNinikaraviraajatpaadukaanyastapaade . sulalitamavalambya draaksakhiima.nsadeshe girishagR^ihiNi bhuushhaamaNTapaaya prayaahi .. 38.. lasatkanakakuTTimasphuradamandamuktaavalii\- samullasitakaantibhiH kalitashakrachaapavraje . mahaabharaNamaNDape nihitahemasi.nhaasanaM sakhiijanasamaavR^ita.n samadhitishhTha kaatyaayani .. 39.. snigdha.n ka~Nkatikaamukhena shanakaiH sa.nshodhya keshotkaraM siimanta.n virachayya chaaru vimala.n sinduurarekhaanvitam.h . muktaabhirgrathitaalakaaM maNichitaiH sauvarNasuutraiH sphuTaM praante mauktikaguchchhakopalatikaa.n grathnaami veNiimimaam.h .. 40.. vilambiveNiibhujagottamaa~Nga\- sphuranmaNibhraantimupaanayantam.h . svarochishhollaasitakeshapaashaM maheshi chuuDaamaNimarpayaami .. 41.. tvaamaashrayadbhiH kabariitamisrai\- rbandiikR^ita.n draagiva bhaanubimbam.h . mR^iDaani chuuDaamaNimaadadhaanaM vandaamahe taavatamuttamaa~Ngam.h .. 42.. svamadhyanaddhahaaTakasphuranmaNiprabhaakulaM vilambimauktikachchhaTaaviraajita.n samantataH . nibaddhalakshachakshushhaa bhavena bhuuri bhaavitaM samarpayaami bhaasvaraM bhavaani phaalabhuushhaNam.h .. 43.. miinaambhoruhakha~njariiTasushhamaavistaaravismaarake kurvaaNe kila kaamavairimanasaH kandarpabaaNaprabhaam.h . maadhviipaanamadaaruNe.atichapale diirghe dR^igambhoruhe devi svarNashalaakayorjitamida.n divyaa~njana.n diiyataam.h .. 44.. madhyasthaaruNaratnakaantiruchiraaM muktaamugodbhaasitaaM daivaadbhaargavajiivamadhyagaraverlakshmiimadhaH kurvatiim.h . utsiktaadharabimbakaantivisarairbhaumiibhavanmauktikaaM maddattamurariikurushhva girije naasaavibhuushhaamimaam.h .. 45.. uDukR^itapariveshhaspardhayaa shiitabhaano\- riva virachitadehadvandvamaadityabimbam.h . aruNamaNisamudyatpraantavibhraajimuktaM sharavasi parinidhehi svarNataaTa~Nkayugmam.h .. 46.. marakatavarapadmaraagahiiro\- tthitagulikaatritayaavanaddhamadhyam.h . vitatavimalamauktika.n cha kaNThaabharaNamida.n girije samarpayaami .. 47.. naanaadeshasamuttthitairmaNigaNaprodyatprabhaamaNDala\- vyaaptairaabharaNairviraajitagalaaM muktaachchhaTaala~NkR^itaam.h . madhyasthaaruNaratnakaantiruchiraaM praantasthamuktaaphala\- vraataamamba chatushhkikaaM parashive vakshaHsthale sthaapaya .. 48.. anyonyaM plaavayantii satataparichalatkaantikallolajaalaiH kurvaaNaa majjadantaHkaraNavimalataa.n shobhiteva triveNii . muktaabhiH padmaraagairmarakatamaNibhirnirmitaa diipyamaanai\- rnitya.n haaratrayii te parashivarasike chetasi dyotataa.n naH .. 49.. karasarasijanaale visphuratkaantijaale vilasadamalashobhe cha~nchadiishaakshilobhe . vividhamaNimayuukhodbhaasita.n devi durge kanakakaTakayugmaM baahuyugme nidhehi .. 50.. vyaalambamaanasitapaTTakaguchchhashobhi sphuurjanmaNiighaTitahaaravirochamaanam.h . maatarmaheshamahile tava baahumuule keyuurakadvayamida.n viniveshayaami .. 51.. vitatanijamayuukhairnirmitaamindraniilai\- rvijitakamalanaalaaliinamattaalimaalaam.h . maNigaNakhachitaabhyaa.n ka~NkaNaabhyaamupetaaM kalaya valayaraajii.n hastamuule maheshi .. 52.. niilapaTTamR^iduguchchhashobhitaa\- baddhanaikamaNijaalama~njulaam.h . arpayaami valayaatpuraHsare visphuratkanakataitR^ipaalikaam.h .. 53.. aalavaalamiva pushhpadhanvanaa baalavidrumalataasu nirmitam.h . a~Nguliishu vinidhiiyataa.n shanai\- ra~NguliiyakamidaM madarpitam.h .. 54.. vijitaharamanobhuumattamaata~Ngakumbha\- sthalavilulitakuujatki~NkiNiijaalatulyaam.h . aviratakalanadairiishacheto harantiiM vividhamaNinibaddhaaM mekhalaamarpayaami .. 55.. vyaalambamaanavaramauktikaguchchhashobhi vibhraajihaaTakapuTadvayarochamaanam.h . hemnaa vinirmitamanekamaNiprabandhaM niiviinibandhanaguNa.n vinivedayaami .. 56.. vinihatanavalaakshaapa~Nkabaalaatapaughe marakatamaNiraajiima~njuma~njiiraghoshhe . aruNamaNisamudyatkaantidhaaraavichitra\- stava charaNasaroje ha.nsakaH priitimetu .. 57.. nibaddhashitipaTTakapravaraguchchhasa.nshobhitaaM kalakvaNitama~njulaa.n girishachittasaMmohaniim.h . amandamaNimaNDaliivimalakaantikimmiiritaaM nidhehi padapa~Nkaje kanakaghu~Nghuruumambike .. 58.. visphuratsahajaraagara~njite shi~njitena kalitaa.n sakhiijanaiH . padmaraagamaNinuupuradvayii\- marpayaami tava paadapa~Nkaje .. 59.. padaambujamupaasituM parigatena shiitaa.nshunaa kR^itaa.n tanuparamparaamiva dinaantaraagaaruNaam.h . maheshi navayaavakadravabhareNa shoNiikR^itaaM namaami nakhamaNDalii.n charaNapa~Nkajasthaa.n tava .. 60.. aaraktashvetapiitasphuradurukasumaishchitritaaM paTTasuutrai\- rdevastriibhiH prayatnaadagarusamuditairdhuupitaa.n divyadhuupaiH . udyadgandhaandhapushhpa.ndhayanivahasamaarabdhajhaa~NkaaragiitaaM cha~nchatkahlaaramaalaaM parashivarasike kaNThapiiThe.arpayaami .. 61.. gR^ihaaNa paramaamR^ita.n kanakapaatrasa.nsthaapitaM samarpaya mukhaambuje vimalaviiTikaamambike . vilokaya mukhaambujaM mukuramaNDale nirmale nidhehi maNipaadukopari padaambuja.n sundari .. 62.. aalambya svasakhii.n kareNa shanakaiH si.nhaasanaadutthitaa kuujanmandamaraalama~njulagatiprollaasibhuushhaambara . aanandapratipaadakairupanishhadvaakyaiH stutaa vedhasaa machchitte sthirataamupaitu girijaa yaantii sabhaamaNDapam.h .. 63.. chalantyaamambaayaaM prachalati samaste parijane savega.n sa.nyaate kanakalatikaala~NkR^itibhare . samataaduttaalasphuritapadasaMpaatajanitai\- rjhaNatkaaraistaarairjhaNajhaNitamaasiinmaNigR^iham.h .. 64.. cha~nchadvetrakaraabhira~NgavilasadbhuushhaambaraabhiH puro\- yantiibhiH parichaarikaabhiramaravraate samutsaarite . ruddhe nirjarasundariibhirabhitaH kakshaantare nirgataM vande nanditashambhu nirmalachidaanandaikaruupaM mahaH .. 65.. vedhaaH paadatale patatyayamasau vishhNurnamatyagrataH shambhurdehi dR^iga~nchala.n surapati.n duurasthamaalokaya . ityevaM parichaarikaabhirudite saMmaananaa.n kurvatii dR^igdvandvena yathochitaM bhagavatii bhuuyaadvibhuutyai mama .. 66.. manda.n chaaraNasundariibhirabhito yaantiibhirutkaNThayaa naamochchaaraNapuurvakaM pratidishaM pratyekamaaveditaat.h . vegaadakshipatha.n gataansuragaNaanaalokayantii shanai\- rditsantii charaNaambujaM pathi jagatpaayaanmaheshapriyaa .. 67.. agre kechana paarshvayoH katipaye pR^ishhThe pare prasthitaa aakaashe samavasthitaaH katipaye dikshu sthitaashchaapare . saMmarda.n shanakairapaasya purato daNDapraNaamaanmuhuH kurvaaNaaH katichitsuraa girisute dR^ikpaatamichchhanti te .. 68.. agre gaayati ki.nnarii kalapada.n gandharvakaantaaH shanai\- raatodyaani cha vaadayanti madhura.n savyaapasavyasthitaaH . kuujannuupuranaada ma~nju purato nR^ityanti divyaa~Nganaa gachchhantaH paritaH stuvanti nigamastutyaa viri~nchyaadayaH .. 69.. kasmaichitsuchiraadupaasitamahaamantraughasiddhi.n kramaa\- dekasmai bhavaniHspR^ihaaya paramaanandasvaruupaa.n gatim.h . anyasmai vishhayaanuraktamanase diinaaya duHkhaapahaM dravya.n dvaarasamaashritaaya dadatii.n vandaamahe sundariim.h .. 70.. namriibhuuya kR^itaa~njaliprakaTitapremaprasannaanane manda.n gachchhati sa.nnidhau savinayaatsotkaNThamoghatraye . naanaamantragaNa.n tadarthamakhila.n tatsaadhana.n tatphalaM vyaachakshaaNamudagrakaanti kalaye yatki~nchidaadyaM mahaH .. 71.. tava dahanasadR^ikshairiikshaNaireva chakshu\- rnikhilapashujanaanaaM bhiishhayadbhiishhaNaasyam.h . kR^itavasati pareshapreyasi dvaari nityaM sharabhamithunamuchchairbhaktiyukto nato.asmi .. 72.. kalpaante sarasaikadaasamuditaanekaarkatulyaprabhaaM ratnastambhanibaddhakaa~nchanaguNasphuurjadvitaanottamaam.h . karpuuraagarugarbhavartikalikaapraaptapradiipaavaliiM shriichakraakR^itimullasanmaNigaNaa.n vandaamahe vedikaam.h .. 73.. svasthaanasthitadevataagaNavR^ite bindau mudaa sthaapitaM naanaaratnaviraajihemavilasatkaantichchhaTaadurdinam.h . cha~nchatkausumatuulikaasanayuta.n kaameshvaraadhishhThitaM nityaanandanidaanamamba satata.n vande cha si.nhaasanam.h .. 74.. vadadbhirabhito mudaa jaya jayeti bR^indaarakaiH kR^itaa~njaliparamparaa vidadhati kR^itaarthaa dR^ishaa . amandamaNimaNDaliikhachitahemasi.nhaasanaM sakhiijanasamaavR^ita.n samadhitishhTha daakshaayaNi .. 75.. karpuuraadikavastujaatamakhila.n sauvarNabhR^i~NgaarakaM taambuulasya karaNDakaM maNimaya.n chailaa~nchala.n darpaNam.h . visphuurjanmaNipaaduke cha dadhatiiH si.nhaasanasyaabhita\- stishhThantiiH parichaarikaastava sadaa vandaamahe sundari .. 76.. tvadamalavapurudyatkaantikallolajaalaiH sphuTamiva dadhatiibhirbaahuvikshepaliilaam.h . muhurapi cha vidhuute chaamaragraahiNiibhiH sitakarakarashubhre chaamare chaalayaami .. 77.. praantasphuradvimalamauktikaguchchhajaalaM cha~nchanmahaamaNivicitritahemadaNDam.h . udyatsahasrakaramaNDalachaaru hema\- chchhatraM maheshamahile viniveshayaami .. 78.. udyattaavakadehakaantipaTaliisinduurapuuraprabhaa\- shoNiibhuutamudagralohitamaNichchhedaanukaarichchhavi . duuraadaadaranirmitaa~njalipuTairaalokamaana.n sura\- vyuuhaiH kaa~nchanamaatapatramatula.n vandaamahe sundaram.h .. 79.. santushhTaaM paramaamR^itena vilasatkaameshvaraa~NkasthitaaM pushhpaughairabhipuujitaaM bhagavatii.n tvaa.n vandamaanaa mudaa . sphuurjattaavakadeharashmikalanaapraaptasvaruupaabhidaaH shriichakraavaraNasthitaaH savinaya.n vandaamahe devataaH .. 80.. aadhaarashaktyaadikamaakalayya madhye samastaadhikayoginii.n cha . mitreshanaathaadikamatra naatha\- chatushhTaya.n shailasute nato.asmi .. 81.. tripuraasudhaarNavaasana\- maarabhya tripuramaalinii yaavat.h . aavaraNaashhTakasa.nsthita\- maasanashhaTka.n namaami parameshi .. 82.. iishaane gaNapa.n smaraami vicharadvighnaandhakaarachchhidaM vaayavye vaTuka.n cha kajjalaruchi.n vyaalopaviitaanvitam.h . nairR^itye mahishhaasurapramathinii.n durgaa.n cha saMpuujaya\- nnaagneye.akhilabhaktarakshaNapara.n kshetraadhi naathaM bhaje .. 83.. uDyaanajaalandharakaamaruupa\- piiThaanimaanpuurNagiriprasaktaan.h . trikoNadakshaagrimasavyabhaaga\- madhyasthitaansiddhikaraannamaami .. 84.. lokeshaH pR^ithiviipatirnigadito vishhNurjalaanaaM prabhu\- stejonaatha umaapatishcha marutaamiishastathaa cheshvaraH . aakaashaadhipatiH sadaashiva iti pretaabhidhaamaagataa\- netaa.nshchakrabahiHsthitaansuragaNaanvandaamahe saadaram.h .. 85.. taaraanaathakalaapraveshanigamavyaajaadgataasuprathaM trailokye tithishhu pravartitakalaakaashhThaadikaalakramam.h . ratnaala~NkR^itichitravastralalita.n kaameshvariipuurvakaM nityaashhoDashaka.n namaami lasita.n chakraatmanorantare .. 86.. hR^idi bhaavitadaivataM prayatnaa\- bhyupadeshaanugR^ihiitabhaktasa~Ngham.h . svagurukramasa.nj~nachakraraaja\- sthitamoghatrayamaanato.asmi muurdhnaa .. 87.. hR^idayamatha shiraH shikhaakhilaadye kavachamatho nayanatraya.n cha devi . munijanaparichintita tathaastraM sphuratu sadaa hR^idaye shhaDa~Ngametat.h .. 88.. trailokyamohanamiti prathite tu chakre cha~nchadvibhuushhaNagaNatripuraadhivaase . rekhaatraye sthitavatiiraNimaadisiddhii\- rmudraa namaami satataM prakaTaabhidhaastaaH .. 89.. sarvaashaaparipuurake vasudaladvandvena vibhraajite visphuurjantripureshvariinivasatau chakre sthitaa nityashaH . kaamaakarshhaNikaadayo maNigaNabhraajishhNudivyaambaraa yoginyaH pradishantu kaa~Nkshitaphala.n vikhyaataguptaabhidhaaH .. 90.. maheshi vasubhirdalairlasati sarvasa.nkshobhaNe vibhuushhaNagaNasphurantripurasundariisadmani . ana~Ngakusumaadayo vividhabhuushhaNodbhaasitaa dishantu mama kaa~Nkshita.n tanutaraashcha guptaabhidhaaH .. 91.. lasadyugadR^ishaarake sphurati sarvasaubhaagyade shubhaabharaNabhuushhitatripuravaasiniimandire . sthitaa dadhatu ma~Ngala.n subhagasarvasa.nkshobhiNii\- mukhaaH sakalasiddhayo viditasaMpradaayaabhidhaaH .. 92.. bahirdashaare sarvaarthasaadhake tripuraashrayaaH . kulakaulaabhidhaaH paantu sarvasiddhipradaayikaaH .. 93.. antaHshobhidashaarake.atilalite sarvaadirakshaakare maalinyaa tripuraadyayaa virachitaavaase sthita.n nityashaH . naanaaratnavibhuushhaNaM maNigaNabhraajishhNu divyaambaraM sarvaj~naadikashaktibR^indamanisha.n vande nigarbhaabhidham.h .. 94.. sarvarogahare.ashhTaare tripuraasiddhayaanvite . rahasyayoginiirnitya.n vashinyaadyaa namaamyaham.h .. 95.. chuutaashokavikaasiketakarajaHprodbhaasiniilaambuja\- prasphuurjannavamallikaasamuditaiH pushhpaiH sharaannirmitaan.h . ramyaM pushhpasharaasana.n sulalitaM paasha.n tathaa chaa~NkushaM vande taavakamaayudhaM parashive chakraantaraalesthitam.h .. 96.. trikoNa uditaprabhe jagati sarvasiddhiprade yute tripurayaambayaa sthitavatii cha kaameshvarii . tanotu mama ma~Ngala.n sakalasharma vajreshvarii karotu bhagamaalinii sphuratu maamake chetasi .. 97.. sarvaanandamaye samastajagataamaakaa~Nkshite baindave bhairavyaa tripuraadyayaa virachitaavaase sthitaa sundarii . aanandollasitekshaNaa maNigaNabhraajishhNubhuushhaambaraa visphuurjadvadanaa paraapararahaH sa maaM paatu yoginii .. 98.. ullasatkanakakaantibhaasuraM saurabhasphuraNavaasitaambaram.h . duurataH parihR^itaM madhuvratai\- rarpayaami tava devi champakam.h .. 99.. vairamuddhatamapaasya shambhunaa mastake vinihita.n kalaachchhalaat.h . gandhalubdhamadhupaashrita.n sadaa ketakiikusumamarpayaami te .. 100.. chuurNiikR^ita.n draagiva padmajena tvadaananaspardhisudhaa.nshubimbam.h . samarpayaami sphuTama~njalisthaM vikaasijaatiikusumotkara.n te .. 101.. agarubahaladhuupaajasrasaurabhyaramyaaM marakatamaNiraajiiraajihaarisragaabhaam.h . dishi vidishi visaradgandhalubdhaalimaalaaM vakulakusumamaalaa.n kaNThapiiThe.arpayaami .. 102.. ii~Nkaarordhvagabinduraananamadhobindudvaya.n cha stanau trailokye gurugamyametadakhila.n haarda.n cha rekhaatmakam.h . ittha.n kaamakalaatmikaaM bhagavatiimantaH samaaraadhaya\- nnaanandaambudhimajjane pralabhataamaanandathu.n sajjanaH .. 103.. dhuupa.n te.agarusaMbhavaM bhagavati prollaasigandhoddhuraM diipa.n chaiva nivedayaami mahasaa haardaandhakaarachchhidam.h . rajasvarNavinirmiteshhu paritaH paatreshhu sa.nsthaapitaM naivedya.n vinivedayaami paramaanandaatmike sundari .. 104.. jaatiikorakatulyamodanamida.n sauvarNapaatre sthitaM shuddhaanna.n shuchi mudgamaashhachaNakodbhuutaatathaa suupakaaH . praajyaM maahishhamaajyamuttamamida.n haiva.ngaviinaM pR^itha\- kpaatreshhu pratipaaditaM parashive tatsarvama~Ngiikuru .. 105.. shimbiisuuraNashaakabimbabR^ihatiikuushmaaNDakoshaatakii\- vR^intaakaani paTolakaani mR^idunaa sa.nsaadhitaanyagninaa . saMpannaani cha vesavaaravisarairdivyaani bhaktyaa kR^itaa\- nyagre te vinivedayaami girije sauvarNapaatravraje .. 106.. nimbuukaardrakachuutakandakadaliikaushaatakiikarkaTii\- dhaatriibilvakariirakairvirachitaanyaanandachidvigrahe . raajiibhiH kaTutailasaindhavaharidraabhiH sthitaanpaataye sa.ndhaanaani nivedayaami girije bhuuriprakaaraaNi te .. 107.. sitayaa~nchitalaDDukavrajaa\- nmR^idupuupaanmR^idulaashcha puurikaaH . paramaannamida.n cha paarvati praNayena pratipaadayaami te .. 108.. digdhametadanale susaadhitaM chandramaNDalanibha.n tathaa dadhi . phaaNita.n shikhariNii.n sitaasitaaM sarvamamba vinivedayaami te .. 109.. agre te vinivedya sarvamamita.n naivedyama~NgiikR^itaM j~naatvaa tattvachatushhTayaM prathamato manye sutR^iptaa.n tataH . devii.n tvaaM parishishhTamamba kanakaamatreshhu sa.nsthaapitaM shaktibhyaH samupaahaaraami sakala.n deveshi shambhupriye .. 110.. vaamena svarNapaatriimanupamaparamaannena puurNaa.n dadhaanaa\- manyena svarNadarvii.n nijajanahR^idayaabhiishhTadaa.n dhaarayantiim.h . sinduuraaraktavastraa.n vividhamaNilasadbhuushhaNaaM mechakaa~NgiiM tishhThantiimagrataste madhumadamuditaamannapuurNaa.n namaami .. 111.. pa~NktyopavishhTaanparitastu chakraM shaktyaa svayaali~Ngitavaamabhaagaan.h . sarvopachaaraiH paripuujya bhaktyaa tavaambike paarishhadaannamaami .. 112.. paramaamR^itamattasundarii\- gaNamadhyasthitamarkabhaasuram.h . paramaamR^itaghuurNitekshaNaM kimapi jyotirupaasmahe param.h .. 113.. dR^ishyate tava mukhaambuja.n shive shruuyate sphuTamanaahatadhvaniH . archane tava giraamagochare na prayaati vishhayaantaraM manaH .. 114.. tvanmukhaambujavilokanollasa\- tpremanishchalavilochanadvayiim.h . unmaniimupagataa.n sabhaamimaaM bhaavayaami parameshi taavakiim.h .. 115.. chakshuH pashyatu neha ki.nchana para.n ghraaNa.n na vaa jighratu shrotra.n hanta shruNotu na tvagapi na sparsha.n samaalambataam.h . jihvaa vettu na vaa rasaM mama para.n yushhmatsvaruupaamR^ite nityaanandavighuurNamaananayane nityaM mano majjatu .. 116.. yastvaaM pashyati paarvati pratidina.n dhyaanena tejomayiiM manye sundari tattvametadakhila.n vedeshhu nishhThaa.n gatam.h . yastasminsamaye tavaarchanavidhaavaanandasaandraashayo yaato.aha.n tadabhinnataaM parashive so.ayaM prasaadastava .. 117.. gaNaadhinaatha.n vaTuka.n cha yoginiiH kshetraadhinaatha.n cha vidikchatushhTaye . sarvopachaaraiH paripuujya bhaktito nivedayaamo balimuktayuktibhiH .. 118.. viiNaamupaante khalu vaadayantyai nivedya sheshha.n khalu sheshhikaayai . sauvarNabhR^i~Ngaaravinirgatena jalena shuddhaachamana.n vidhehi .. 119.. taambuula.n vinivedayaami vilasatkarpuurakastuurikaa\- jaatiipuugalava~NgachuurNakhadirairbhaktyaa samullaasitam.h . sphuurjadratnasamudgakapraNihita.n sauvarNapaatre sthitai\- rdiipairujjvalamaannachuurNarachitairaaraartika.n gR^ihyataam.h .. 120.. kaachidgaayati ki.nnarii kalapada.n vaadya.n dadhaanorvashii rambhaa nR^ityati kelima~njulapadaM maataH purastaattava . kR^ityaM projjhya surastriyo madhumadavyaaghuurNamaanekshaNaM nityaanandasudhaambudhi.n tava mukhaM pashyanti dR^ishyanti cha .. 121.. taambuulodbhaasivaktraistvadamalavadanaalokanollaasinetrai\- shchakrasthaiH shaktisa~NghaiH parihR^itavishhayaasa~NgamaakarNyamaanam.h .. 122.. archaavidhau j~naanalavo.api duure duure tadaapaadakavastujaatam.h . pradakshiNiikR^itya tato.archana.n te pa~nchopachaaraatmakamarpayaami .. 123.. yathepsitamanogataprakaTitopachaaraarchitaM nijaavaraNadevataagaNavR^itaa.n sureshasthitaam.h . kR^itaa~njalipuTo muhuH kalitabhuumirashhTaa~Ngakai\- rnamaami bhagavatyaha.n tripurasundari traahi maam.h .. 124.. vij~naptiiravadhehi me sumahataa yatnena te sa.nnidhiM praaptaM maamiha kaandishiikamadhunaa maatarna duuriikuru . chitta.n tvatpadabhaavane vyabhichareddR^igvaakcha me jaatu che\- ttatsaumye svaguNairbadhaana na yathaa bhuuyo vinirgachchhati .. 125.. kvaahaM mandamatiH kva chedamakhilairekaantabhaktaiH stutaM dhyaata.n devi tathaapi te svamanasaa shriipaadukaapuujanam.h . kaadaachitkamadiiyachintanavidhau santushhTayaa sharmadaM stotra.n devatayaa tayaa prakaTitaM manye madiiyaanane .. 126.. nityaarchamida.n chitte bhaavyamaana.n sadaa mayaa . nibaddha.n vividhaiH padyairanugR^ihNaatu sundarii .. 127.. iti shriimatparamaha.nsaparivraajakaachaaryasya shriigovindabhagavatpuujyapaadashishhyasya shriimachchha~NkarabhagavataH kR^itau tripurasundariimaanasapuujaastotraM saMpuurNam.h .. ## \medskip\hrule\obeylines Encoded by Sunder Hattangadi (sunderh@hotmail.com) {\rm Please send corrections to sanskrit@cheerful.com} {\rm Last updated \today} \end{document}