% Text title : tArAsahasranAmastotram bRRihannIlatantrAntargatam % File name : tArAsahasranAmastotrambRRihannIla.itx % Category : sahasranAma, devii, dashamahAvidyA, stotra, devI % Location : doc\_devii % Transliterated by : muktabodha.org % Proofread by : DPD % Description-comments : Brihannilatantra % Acknowledge-Permission: Marjorie Woollacott, Ph.D., Digital Library Coordinator muktabodha.org % Latest update : March 8, 2013 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. tArAsahasranamastotra from Brihannilatantra ..}## \itxtitle{.. tArAsahasranAmastotram bR^ihannIlatantrArgatam ..}##\endtitles ## shrIdevyuvAcha | deva deva mahAdeva sR^iShTisthityantakAraka | prasa~Ngena mahAdevyA vistaraM kathitaM mayi || 18\-1|| devyA nIlasarasvatyAH sahasraM parameshvara | nAmnAM shrotuM maheshAna prasAdaH kriyatAM mayi | kathayasva mahAdeva yadyahaM tava vallabhA || 18\-2|| shrIbhairava uvAcha | sAdhu pR^iShTaM mahAdevi sarvatantreShu gopitam | nAmnAM sahasraM tArAyAH kathituM naiva shakyate || 18\-3|| prakAshAt siddhihAniH syAt shriyA cha parihIyate | prakAshayati yo mohAt ShaNmAsAd mR^ityumApnuyAt || 18\-4|| akathyaM parameshAni akathyaM chaiva sundari | kShamasva varade devi yadi sneho.asti mAM prati || 18\-5|| sarvasvaM shR^iNu he devi sarvAgamavidAM vare | dhanasAraM mahAdevi goptavyaM parameshvari || 18\-6|| AyurgopyaM gR^ihachChidraM gopyaM na pApabhAg bhavet | sugopyaM parameshAni gopanAt siddhimashnute || 18\-7|| prakAshAt kAryahAnishcha prakAshAt pralayaM bhavet | tasmAd bhadre maheshAni na prakAshyaM kadAchana || 18\-8|| iti devavachaH shrutvA devI paramasundarI | vismitA parameshAnI viShaNA tatra jAyate || 18\-9|| shR^iNu he parameshAna kR^ipAsAgarapAraga | tava sneho mahAdeva mayi nAstyatra nishchitam || 18\-10|| bhadraM bhadraM mahAdeva iti kR^itvA maheshvarI | vimukhIbhUya deveshI tatrAste shailajA shubhA || 18\-11|| vilokya vimukhIM devIM mahAdevo maheshvaraH | prahasya parameshAnIM pariShvajya priyAM kathAm || 18\-12|| kathayAmAsa tatraiva mahAdevyai maheshvari | mama sarvasvarUpA tvaM jAnIhi naganandini || 18\-13|| tvAM vinAhaM mahAdevi pUrvoktashavarUpavAn | kShamasva paramAnande kShamasva naganandini || 18\-14|| yathA prANo maheshAni dehe tiShThati sundari | tathA tvaM jagatAmAdye charaNe patito.asmyaham || 18\-15|| iti matvA mahAdevi rakSha mAM tava ki~Nkaram | tato devI maheshAnI trailokyamohinI shivA || 18\-16|| mahAdevaM pariShvajya prAha gadgadayA girA | sadA dehasvarUpAhaM dehI tvaM parameshvara || 18\-17|| tathApi va~nchanAM kartuM mAmitthaM vadasi priyam | mahAdevaH punaH prAha bhairavi prANavallabhe || 18\-18|| nAmnAM sahasraM tArAyAH shrotumichChasyasheShataH | shrIdevyuvAcha | na shrutaM parameshAna tArAnAmasahasrakam | kathayasva mahAbhAga satyaM paramasundaram || 18\-19|| shrIpArvatyuvAcha | kathamIshAna sarvaj~na labhante siddhimuttamAm | sAdhakAH sarvadA yena tanme kathaya sundara || 18\-20|| yasmAt parataraM nAsti stotraM tantreShu nishchitam | sarvapApaharaM divyaM sarvApadvinivArakam || 18\-21|| sarvaj~nAnakaraM puNyaM sarvama~NgalasaMyutam | purashcharyAshataistulyaM stotraM sarvapriya~Nkaram || 18\-22|| vashyapradaM mAraNadamuchchATanapradaM mahat | nAmnAM sahasraM tArAyAH kathayasva sureshvara || 18\-23|| shrImahAdeva uvAcha | nAmnAM sahasraM tArAyAH stotrapAThAd bhaviShyati | nAmnAM sahasraM tArAyAH kathayiShyAmyasheShataH || 18\-24|| shR^iNu devi sadA bhaktyA bhaktAnAM paramaM hitam | vinA pUjopahAreNa vinA jA(pyena yat phalam || 18\-25|| tat phalaM sakalaM devi kathayiShyAmi tachChR^iNu | OM asya shrItArAsahasranAmastotramahAmantrasya\, akShobhya R^iShiH\, bR^ihatI\-uShNik ChandaH\, shrI ugratArA shrImadekajaTA shrInIlasarasvatI devatA\, puruShArthachatuShTayasiddhyarthe viniyogaH || tArA rAtrirmahArAtrirkAlarAtrirmahAmatiH | kAlikA kAmadA mAyA mahAmAyA mahAsmR^itiH || 18\-26|| mahAdAnaratA yaj~nA yaj~notsavavibhUShitA | chandravvajrA chakorAkShI chArunetrA sulochanA || 18\-27|| trinetrA mahatI devI kura~NgAkShI manoramA | brAhmI nArAyaNI jyotsnA chArukeshI sumUrdhajA || 18\-28|| vArAhI vAruNI vidyA mahAvidyA maheshvarI | siddhA ku~nchitakeshA cha mahAyaj~nasvarUpiNI || 18\-29|| gaurI champakavarNA cha kR^ishA~NgI shivamohinI | sarvAnandasvarUpA cha sarvasha~NkaikatAriNI || 18\-30|| vidyAnandamayI nandA bhadrakAlIsvarUpiNI | gAyatrI sucharitrA cha kaulavrataparAyaNA || 18\-31|| hiraNyagarbhA bhUgarbhA mahAgarbhA sulochanI | himavattanayA divyA mahAmeghasvarUpiNI || 18\-32|| jaganmAtA jagaddhAtrI jagatAmupakAriNI | aindrI saumyA tathA ghorA vAruNI mAdhavI tathA || 18\-33|| AgneyI nairR^itI chaiva aishAnI chaNDikAtmikA | sumerutanayA nityA sarveShAmupakAriNI || 18\-34|| lalajjihvA sarojAkShI muNDasrakparibhUShitA | sarvAnandamayI sarvA sarvAnandasvarUpiNI || 18\-35|| dhR^itirmedhA tathA lakShmIH shraddhA pannagagAminI | rukmiNI jAnakI durgAmbikA satyavatI ratiH || 18\-36|| 18\- kAmAkhyA kAmadA nandA nArasiMhI sarasvatI | mahAdevaratA chaNDI chaNDadordaNDakhaNDinI || 18\-37|| dIrghakeshI sukeshI cha pi~NgakeshI mahAkachA | bhavAnI bhavapatnI cha bhavabhItiharA satI || 18\-38|| paurandarI tathA viShNorjAyA mAheshvarI tathA | sarveShAM jananI vidyA chArva~NgI daityanAshinI || 18\-39|| sarvarUpA maheshAni kAminI varavarNinI | mahAvidyA mahAmAyA mahAmedhA mahotsavA || 18\-40|| virUpA vishvarUpA cha mR^iDAnI mR^iDavallabhA | koTichandrapratIkAshA shatasUryaprakAshinI || 18\-41|| jahnukanyA mahogrA cha pArvatI vishvamohinI | kAmarUpA maheshAnI nityotsAhA manasvinI || 18\-42|| vaikuNThanAthapatnI cha tathA sha~NkaramohinI | kAshyapI kamalA kR^iShNA kR^iShNarUpA cha kAlinI || 18\-43|| mAheshvarI vR^iShArUDhA sarvavismayakAriNI | mAnyA mAnavatI shuddhA kanyA himagirestathA || 18\-44|| aparNA padmapatrAkShI nAgayaj~nopavItinI | mahAsha~NkhadharA kAntA kamanIyA nagAtmajA || 18\-45|| brahmANI vaiShNavI shambhorjAyA ga~NgA jaleshvarI | bhAgIrathI manobuddhirnityA vidyAmayI tathA || 18\-46|| harapriyA girisutA harapatnI tapasvinI | mahAvyAdhiharA devI mahAghorasvarUpiNI || 18\-47|| mahApuNyaprabhA bhImA madhukaiTabhanAshinI | sha~NkhinI vajriNI dhAtrI tathA pustakadhAriNI || 18\-48|| chAmuNDA chapalA tu~NgA shumbadaityanikR^intanI | shAntirnidrA mahAnidrA pUrNanidrA cha reNukA || 18\-49|| kaumArI kulajA kAntI kaulavrataparAyaNA | vanadurgA sadAchArA draupadI drupadAtmajA || 18\-50|| yashasvinI yashasyA cha yashodhAtrI yashaHpradA | sR^iShTirUpA mahAgaurI nishumbaprANanAshinI || 18\-51|| padminI vasudhA pR^ithvI rohiNI vindhyavAsinI | shivashaktirmahAshaktiH sha~NkhinI shaktinirgatA || 18\-52|| daityaprANaharA devI sarvarakShaNakAriNI | kShAntiH kShema~NkarI chaiva buddhirUpA mahAdhanA || 18\-53|| shrIvidyA bhairavi bhavyA bhavAnI bhavanAshinI | tApinI bhAvinI sItA tIkShNatejaHsvarUpiNI || 18\-54|| dAtrI dAnaparA kAlI durgA daityavibhUShaNA | mahApuNyapradA bhImA madhukaiTabhanAshinI || 18\-55|| padmA padmAvatI kR^iShNA tuShTA puShTA tathorvashI | vajriNI vajrahastA cha tathA nArAyaNI shivA || 18\-56|| khaDginI khaDgahastA cha khaDgakharparadhAriNI | devA~NganA devakanyA devamAtA pulomajA || 18\-57|| sukhinI svargadAtrI cha sarvasaukhyavivardhinI | shIlA shIlAvatI sUkShmA sUkShmAkArA varapradA || 18\-58|| vareNyA varadA vANI j~nAninI j~nAnadA sadA | ugrakAlI mahAkAlI bhadrakAlI cha dakShiNA || 18\-59|| bhR^iguvaMshasamudbhUtA bhArgavI bhR^iguvallabhA | shUlinI shUlahastA cha kartrIkharparadhAriNI || 18\-60|| mahAvaMshasamudbhUtA mayUravaravAhanA | mahAsha~NkharatA raktA raktakharparadhAriNI || 18\-61|| raktAmbaradharA rAmA ramaNI suranAyikA | mokShadA shivadA shyAmA madavibhramamantharA || 18\-62|| paramAnandadA jyeShThA yoginI gaNasevitA | sArA jAmbavatI chaiva satyabhAmA nagAtmajA || 18\-63|| raudrA raudrabalA ghorA rudrasArAruNAtmikA | rudrarUpA mahAraudrI raudradaityavinAshinI || 18\-64|| kaumArI kaushikI chaNDA kAladaityavinAshinI | shambhupatnI shambhuratA shambujAyA mahodarI || 18\-65|| shivapatnI shivaratA shivajAyA shivapriyA | harapatnI hararatA harajAyA harapriyA || 18\-66|| madanAntakakAntA cha madanAntakavallabhA | girijA girikanyA cha girIshasya cha vallabhA || 18\-67|| bhUtA bhavyA bhavA spaShTA pAvanI parapAlinI | adR^ishyA cha vyaktarUpA iShTAniShTapravarddhinI || 18\-68|| achyutA prachyutaprANA pramadA vAsaveshvarI | apAMnidhisamudbhUtA dhAriNI cha pratiShThitA || 18\-69|| udbhavA kShobhaNA kShemA shrIgarbhA parameshvarI | kamalA puShpadehA cha kAminI ka~njalochanA || 18\-70|| sharaNyA kamalA prItirvimalAnandavardhinI | kapardinI karAlA cha nirmalA devarUpiNI || 18\-71|| udIrNabhUShaNA bhavyA surasenA mahodarI | shrImatI shishirA navyA shishirAchalakanyakA || 18\-72|| suramAnyA surashreShThA jyeShThA prANeshvarI sthirA | tamoghnI dhvAntasaMhantrI prayatAtmA pativratA || 18\-73|| pradyotinI rathArUDhA sarvalokaprakAshinI | medhAvinI mahAvIryA haMsI saMsAratAriNI || 18\-74|| praNataprANinAmArtihAriNI daityanAshinI | DAkinI shAkinIdevI varakhaTvA~NgadhAriNI || 18\-75|| kaumudI kumudA kundA kaulikA kulajAmarA | garvitA guNasampannA nagajA khagavAhinI || 18\-76|| chandrAnanA mahogrA cha chArumUrdhajashobhanA | manoj~nA mAdhavI mAnyA mAnanIyA satAM suhR^it || 18\-77|| jyeShThA shreShThA maghA puShyA dhaniShThA pUrvaphAlgunI | raktabIjanihantrI cha raktabIjavinAshinI || 18\-78|| chaNDamuNDanihantrI cha chaNDamuNDavinAshinI | kartrI hartrI sukartrI cha vimalAmalavAhinI || 18\-79|| vimalA bhAskarI vINA mahiShAsuraghAtinI | kAlindI yamunA vR^iddhA surabhiH bAlikA satI || 18\-80|| kaushalyA kaumudI maitrIrUpiNI chApyarundhatI | purArigR^ihiNI pUrNA pUrNAnandasvarUpiNI || 18\-81|| puNDarIkAkShapatnI cha puNDarIkAkShavallabhA | sampUrNachandravadanA bAlachandrasamaprabhA || 18\-82|| revatI ramaNI chitrA chitrAmbaravibhUShaNAm | sItA vINAvatI chaiva yashodA vijayA priyA || 18\-83|| navapuShpasamudbhUtA navapuShpotsavotsavA | navapuShpasrajAmAlA mAlyabhUShaNabhUShitA || 18\-84|| navapuShpasamaprANA navapuShpotsavapriyA | pretamaNDalamadhyastA sarvA~NgasundarI shivA || 18\-85|| navapuShpAtmikA ShaShThI puShpastavakamaNDalA | navapuShpaguNopetA shmashAnabhairavapriyA || 18\-86|| kulashAstrapradIpA cha kulamArgapravarddhinI | shmashAnabhairavI kAlI bhairavI bhairavapriyA || 18\-87|| AnandabhairavI dhyeyA bhairavI kurubhairavI | mahAbhairavasamprItA bhairavIkulamohinI || 18\-88|| shrIvidyAbhairavI nItibhairavI guNabhairavI | sammohabhairavI puShTibhairavI tuShTibhairavI || 18\-89|| saMhArabhairavI sR^iShTibhairavI sthitibhairavI | AnandabhairavI vIrA sundarI sthitisundarI || 18\-90|| guNAnandasvarUpA cha sundarI kAlarUpiNI | shrImAyAsundarI saumyasundarI lokasundarI || 18\-91|| shrIvidyAmohinI buddhirmahAbuddhisvarUpiNI | mallikA hArarasikA hArAlambanasundarI || 18\-92|| nIlapa~NkajavarNA cha nAgakesarabhUShitA | japAkusumasa~NkAshA japAkusumashobhitA || 18\-93|| priyA priya~NkarI viShNordAnavendravinAshinI | j~nAneshvarI j~nAnadAtrI j~nAnAnandapradAyinI || 18\-94|| guNagauravasampannA guNashIlasamanvitA | rUpayauvanasampannA rUpayauvanashobhitA || 18\-95|| guNAshrayA guNaratA guNagauravasundarI | madirAmodamattA cha tATa~NkadvayashobhitA || 18\-96|| vR^ikShamUlasthitA devI vR^ikShashAkhoparisthitA | tAlamadhyAgranilayA vR^ikShamadhyanivAsinI || 18\-97|| svayambhUpuShpasaMkAshA svayambhUpuShpadhAriNI | svayambhUkusumaprItA svayambhUpuShpashobhinI || 18\-98|| svayambhUpuShparasikA nagnA dhyAnavatI sudhA | shukrapriyA shukraratA shukramajjanatatparA || 18\-99|| pUrNaparNA suparNA cha niShparNA pApanAshinI | madirAmodasampannA madirAmodadhAriNI || 18\-100|| sarvAshrayA sarvaguNA nandanandanadhAriNI | nArIpuShpasamudbhUtA nArIpuShpotsavotsavA || 18\-101|| nArIpuShpasamaprANA nArIpuShparatA mR^igI | sarvakAlodbhavaprItA sarvakAlodbhavotsavA || 18\-102|| chaturbhujA dashabhujA aShTAdashabhujA tathA | dvibhujA ShaDbhujA prItA raktapa~NkajashobhitA || 18\-103|| kauberI kauravI kauryA kurukullA kapAlinI | sudIrghakadalIja~NghA rambhorU rAmavallabhA || 18\-104|| nishAcharI nishAmUrtirnishAchandrasamaprabhA | chAndrI chAndrakalA chandrA chAruchandranibhAnanA || 18\-105|| srotasvatI srutimatI sarvadurgatinAshinI | sarvAdhArA sarvamayI sarvAnandasvarUpiNI || 18\-106|| sarvachakreshvarI sarvA sarvamantramayI shubhA | sahasranayanaprANA sahasranayanapriyA || 18\-107|| sahasrashIrShA suShamA sadambhA sarvabhakShikA | yaShTikA yaShTichakrasthA ShadvargaphaladAyinI || 18\-108|| ShaDviMshapadmamadhyasthA ShaDviMshakulamadhyagA | hU.NkAravarNanilayA hU.NkArAkSharabhUShaNA || 18\-109|| hakAravarNanilayA hakArAkSharabhUShaNA | hAriNI hAravalitA hArahIrakabhUShaNA || 18\-110|| hrIMkArabIjasahitA hrIMkArairupashobhitA | kandarpasya kalA kundA kaulinI kuladarpitA || 18\-111|| ketakIkusumaprANA ketakIkR^itabhUShaNA | ketakIkusumAsaktA ketakIparibhUShitA || 18\-112|| karpUrapUrNavadanA mahAmAyA maheshvarI | kalA keliH kriyA kIrNA kadambakusumotsukA || 18\-113|| kAdambinI karishuNDA ku~njareshvaragAminI | kharvA sukha~njanayanA kha~njanadvandvabhUShaNA || 18\-114|| khadyota iva durlakShA khadyota iva cha~nchalA | mahAmAyA jgaddhAtrI gItavAdyapriyA ratiH || 18\-115|| gaNeshvarI gaNejyA cha guNapUjyA guNapradA | guNADhyA guNasampannA guNadAtrI guNAtmikA || 18\-116|| gurvI gurutarA gaurI gANapatyaphalapradA | mahAvidyA mahAmedhA tulinI gaNamohinI || 18\-117|| bhavyA bhavapriyA bhAvyA bhAvanIyA bhavAtmikA | ghargharA ghoravadanA ghoradaityavinAshinI || 18\-118|| ghorA ghoravatI ghoShA ghoraputrI ghanAchalA | charcharI chArunayanA chAruvaktrA chaturguNA || 18\-119|| chaturvedamayI chaNDI chandrAsyA chaturAnanA | chalachchakoranayanA chalatkha~njanalochanA || 18\-120|| chaladambhojanilayA chaladambhojalochanA | ChatrI ChatrapriyA ChatrA ChatrachAmarashobhitA || 18\-121|| ChinnaChadA ChinnashirAshChinnanAsA ChalAtmikA | ChalADhyA ChalasaMtrastA ChalarUpA ChalasthirA || 18\-122|| ChakAravarNanilayA ChakArADhyA ChalapriyA | ChadminI ChadmaniratA ChadmachChadmanivAsinI || 18\-123|| jagannAthapriyA jIvA jaganmuktikarI matA | jIrNA jImUtavanitA jImUtairupashobhitA || 18\-124|| jAmAtR^ivaradA jambhA jamalArjunabha~njinI | jharjharI jhAkR^itirjhallI jharI jharjharikA tathA || 18\-125|| Ta~NkArakAriNI TIkA sarvaTa~NkArakAriNI | ThaMkarA~NgI DamarukA DAkArA DamarupriyA || 18\-126|| DhakkArAvaratA nityA tulasI maNibhUShitA | tulA cha tolikA tIrNA tArA tAraNikA tathA || 18\-127|| tantravij~nA tantraratA tantravidyA cha tantradA | tAntrikI tantrayogyA cha tantrasArA cha tantrikA || 18\-128|| tantradhArI tantrakarI sarvatantrasvarUpiNI | tuhinAMshusamAnAsyA tuhinAMshusamaprabhA || 18\-129|| tuShArAkaratulyA~NgI tuShArAdhArasundarI | tantrasArA tantrakaro tantrasArasvarUpiNI || 18\-130|| tuShAradhAmatulyAsyA tuShArAMshusamaprabhA | tuShArAdrisutA tArkShyA tArA~NgI tAlasundarI || 18\-131|| tArasvareNa sahitA tArasvaravibhUShitA | thakArakUTanilayA thakArAkSharamAlinI || 18\-132|| dayAvatI dInaratA duHkhadAridryanAshinI | daurbhAgyaduHkhadalinI daurbhAgyapadanAshinI || 18\-133|| duhitA dInabandhushcha dAnavendravinAshinI | dAnapAtrI dAnaratA dAnasammAnatoShitA || 18\-134|| dAntyAdisevitA dAntA dayA dAmodarapriyA | dadhIchivaradA tuShTA dAnavendravimardinI || 18\-135|| dIrghanetrA dIrghakachA dIrghanAsA cha dIrghikA | dAridryaduHkhasaMnAshA dAridryaduHkhanAshinI || 18\-136|| dAmbhikA danturA dambhA dambhAsuravarapradA | dhanadhAnyapradA dhanyA dhaneshvaradhanapradA || 18\-137|| dharmapatnI dharmaratA dharmAdharmavivivarddhinI | dharmiNI dharmikA dharmyA dharmAdharmavivarddhinI || 18\-138|| dhaneshvarI dharmaratA dharmAnandapravarddhinI | dhanAdhyakShA dhanaprItA dhanADhyA dhanatoShitA || 18\-139|| dhIrA dhairyavatI dhiShNyA dhavalAmbhojasaMnibhA | dhariNI dhAriNI dhAtrI dhUraNI dharaNI dharA || 18\-140|| dhArmikA dharmasahitA dharmanindakavarjitA | navInA nagajA nimnA nimnanAbhirnageshvarI || 18\-141|| nUtanAmbhojanayanA navInAmbhojasundarI | nAgarI nagarajyeShThA nagarAjasutA nagA || 18\-142|| nAgarAjakR^itatoShA nAgarAjavibhUShitA | nAgeshvarI nAgarUDhA nAgarAjakuleshvarI || 18\-143|| navInendukalA nAndI nandikeshvaravallabhA | nIrajA nIrajAkShI cha nIrajadvandvalochanA || 18\-144|| nIrA nIrabhavA vANI nIranirmaladehinI | nAgayaj~nopavItADhyA nAgayaj~nopavItikA || 18\-145|| nAgakesarasaMtuShTA nAgakesaramAlinI | navInaketakIkunda ? mallikAmbhojabhUShitA || 18\-146|| nAyikA nAyakaprItA nAyakapremabhUShitA | nAyakapremasahitA nAyakapremabhAvitA || 18\-147|| nAyakAnandanilayA nAyakAnandakAriNI | narmakarmaratA nityaM narmakarmaphalapradA || 18\-148|| narmakarmapriyA narmA narmakarmakR^itAlayA | narmaprItA narmaratA narmadhyAnaparAyaNA || 18\-149|| pauShNapriyA cha pauShpejyA puShpadAmavibhUShitA | puNyadA pUrNimA pUrNA koTipuNyaphalapradA || 18\-150|| purANAgamagopyA cha purANAgamagopitA | purANagocharA pUrNA pUrvA prauDhA vilAsinI || 18\-151|| prahlAdahR^idayAhlAdagehinI puNyachAriNI | phAlgunI phAlgunaprItA phAlgunapredhAriNI || 18\-152|| phAlgunapremadA chaiva phaNirAjavibhUShitA | phaNikA~nchI phaNiprItA phaNihAravibhUShitA || 18\-153|| phaNIshakR^itasarvA~NgabhUShaNA phaNihAriNI | phaNiprItA phaNiratA phaNika~NkaNadhAriNI || 18\-154|| phaladA triphalA shaktA phalAbharaNabhUShitA | phakArakUTasarvA~NgI phAlgunAnandavarddhinI || 18\-155|| vAsudevaratA vij~nA vij~navij~nAnakAriNI | vINAvatI balAkIrNA bAlapIyUSharochikA || 18\-156|| bAlAvasumatI vidyA vidyAhAravibhUShitA | vidyAvatI vaidyapadaprItA vaivasvatI baliH || 18\-157|| balividhvaMsinI chaiva varA~NgasthA varAnanA | viShNorvakShaHsthalasthA cha vAgvatI vindhyavAsinI || 18\-158|| bhItidA bhayadA bhAnoraMshujAlasamaprabhA | bhArgavejyA bhR^igoH pUjyA bharadvAranamaskR^itA || 18\-159|| bhItidA bhayasaMhantrI bhImAkArA cha sundarI | mAyAvatI mAnaratA mAnasammAnatatparA || 18\-160|| mAdhavAnandadA mAdhvI madirAmuditekShaNA | mahotsavaguNopetA mahatI cha mahadguNA || 18\-161|| madirAmodaniratA madirAmajjane ratA | yashodharI yashovidyA yashodAnandavarddhinI || 18\-162|| yashaHkarpUradhavalA yashodAmavibhUShitA | yamarAjapriyA yogamArgAnandapravarddhinI || 18\-163|| yamasvasA cha yamunA yogamArgapravarddhinI | yAdavAnandakartrI cha yAdavAnandavarddhinI || 18\-164|| yaj~naprItA yaj~namayI yaj~nakarmavibhUShitA | rAmaprItA rAmaratA rAmatoShaNatatparA || 18\-165|| rAj~nI rAjakulejyA cha rAjarAjeshvarI ramA | ramaNI rAmaNI ramyA rAmAnandapradAyinI || 18\-166|| rajanIkarapUrNAsyA raktotpalavilochanA | lA~NgalipremasaMtuShTA lA~NgalipraNayapriyA || 18\-167|| lAkShAruNA cha lalanA lIlA lIlAvatI layA | la~NkeshvaraguNaprItA la~NkeshavaradAyinI || 18\-168|| lava~NgIkusumaprItA lava~NgakusumasrajA | dhAtA vivasvadgR^ihiNI vivasvatpremadhAriNI || 18\-169|| shavoparisamAsInA shavavakShaHsthalasthitA | sharaNAgatarakShitrI sharaNyA shrIH sharadguNA || 18\-170|| ShaTkoNachakramadhyasthA sampadArthaniShevitA | hUMkArAkAriNI devI hUMkArarUpashobhitA || 18\-171|| kShema~NkarI tathA kShemA kShemadhAmavivarddhinI | kShemAmnAyA tathAj~nA cha iDA ishvaravallabhA || 18\-172|| ugradakShA tathA chogrA akArAdisvarodbhavA | R^ikAravarNakUTasthA R^IkArasvarabhUShitA || 18\-173|| ekArA cha tathA chaikA ekArAkSharavAsitA | aiShTA chaiShA tathA chauShA aukArAkSharadhAriNI || 18\-174|| aM aHkArasvarUpA cha sarvAgamasugopitA | ityetat kathitaM devi tArAnAmasahasrakam || 18\-175|| ya idaM paThati stotraM pratyahaM bhaktibhAvataH | divA vA yadi vA rAtrau sandhyayorubhayorapi || 18\-176|| stavarAjasya pAThena rAjA bhavati ki~NkaraH | sarvAgameShu pUjyaH syAt sarvatantre svayaM haraH || 18\-177|| shivasthAne shmashAne cha shUnyAgAre chatuShpathe | ya paThechChR^iNuyAd vApi sa yogI nAtra saMshayaH || 18\-178|| yAni nAmAni santyasmin prasa~NgAd muravairiNaH | grAhyANi tAni kalyANi nAnyAnyapi kadAchana || 18\-179|| harernAma na gR^ihNIyAd na spR^ishet tulasIdalam | nAnyachintA prakartavyA nAnyanindA kadAchana || 18\-180|| sindUrakaravIrAdyaiH puShpairlohitakaistathA | yo.archayed bhaktibhAvena tasyAsAdhyaM na ki~nchana || 18\-181|| vAtastambhaM jalastambhaM gatistambhaM vivasvataH | vahneH stambhaM karotyeva stavasyAsya prakIrtanAt || 18\- 182|| shriyamAkarShayet tUrNamAnR^iNyaM jAyate haThAt | yathA tR^iNaM dahed vahnistathArIn mardayet kShaNAt || 18\-183|| mohayed rAjapatnIshcha devAnapi vashaM nayet | yaH paThet shR^iNuyAd vApi ekachittena sarvadA || 18\-184|| dIrghAyushcha sukhI vAgmI vANI tasya vasha~NkarI | sarvatIrthAbhiShekeNa gayAshrAddhena yat phalam || 18\-185|| tatphalaM labhate satyaM yaH paThedekachittataH | yeShAmArAdhane shraddhA ye tu sAdhitumudyatAH || 18\-186|| teShAM kR^ititvaM sarvaM syAd gatirdevi parA cha sA | R^ituyuktalatAgAre sthitvA daNDena tADayet || 18\-187|| japtvA stutvA cha bhaktyA cha gachChed vai tAriNIpadam | aShTamyAM cha chaturdashyAM navamyAM shanivAsare || 18\-188|| saMkrAntyAM maNDale rAtrau amAvAsyAM cha yo.archayet | varShaM vyApya cha deveshi tasyAdhInAshcha siddhayaH || 18\-189|| sutahInA cha yA nArI daurbhAgyAmayapIDitA | vandhyA vA kAkavandhyA vA mR^itagarbhA cha yA~NganA || 18\-190|| dhanadhAnyavihInA cha rogashokAkulA cha yA | sApi chaitad mahAdevi bhUrjapatre likhettataH || 18\-191|| savye bhuje cha badhnIyAt sarvasaukhyavatI bhavet | evaM pumAnapi prAyo duHkhena paripIDitaH || 18\-192|| sabhAyAM vyasane ghore vivAde shatrusaMkaTe | chatura~Nge cha tathA yuddhe sarvatrAriprapIDite || 18\-193|| smaraNAdeva kalyANi saMkShayaM yAnti dUrataH | pUjanIyaM prayatnena shUnyAgAre shivAlaye || 18\-194|| bilvamUle shmashAne cha taTe vA kulamaNDale | sharkarAsavasaMyuktairbhaktairdugdhaiH sapAyasaiH || 18\-195|| apUpApiShTasaMyuktairnaivedyaishcha yathochitaiH | niveditaM cha yaddravyaM bhoktavyaM cha vidhAnataH || 18\-196|| tanna ched bhujyate mohAd bhoktuM nechChanti devatAH | anenaiva vidhAnena yo.archayet parameshvarIm || 18\-197|| sa bhUmivalaye devi sAkShAdIsho na saMshayaH | mahAsha~Nkhena deveshi sarvaM kAryaM japAdikam || 18\-198|| kulasarvasvakasyaivaM prabhAvo varNito mayA | na shakyate samAkhyAtuM varShakoTishatairapi || 18\-199|| ki~nchid mayA cha chApalyAt kathitaM parameshvari | janmAntarasahasreNa varNituM naiva shakyate || 18\-200|| kulInAya pradAtavyaM tArAbhaktiparAya cha | anyabhaktAya no deyaM vaiShNavAya visheShataH || 18\-201|| kulInAya mahechChAya bhaktishraddhAparAya cha | mahAtmane sadA deyaM parIkShitaguNAya cha || 18\-202|| nAbhaktAya pradAtavyaM pathyantaraparAya cha | na deyaM devadeveshi gopyaM sarvAgameShu cha || 18\-203|| pUjAjapavihInAya strIsurAnindakAya cha | na stavaM darshayet kvApi sandarshya shivahA bhavet || 18\-204|| paThanIyaM sadA devi sarvAvasthAsu sarvadA | yaH stotraM kulanAyike pratidinaM bhaktyA paThed mAnavaH sa syAdvittachayairdhaneshvarasamo vidyAmadairvAkpatiH | saundaryeNa cha mUrtimAn manasijaH kIrtyA cha nArAyaNaH shaktyA sha~Nkara eva saukhyavibhavairbhUmeH patirnAnyathA || 18\-205|| iti te kathitaM guhyaM tArAnAmasahasrakam | asmAt parataraM stotraM nAsti tantreShu nishchayaH || 18\-206|| iti shrIbR^ihannIlatantre bhairavabhairavIsaMvAde tArAsahasranAmanirUpaNaM aShTAdashaH paTalaH || 18|| ## Proofread byDPD \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}