%@@1
% File name             : svayamvarampArvati.itx
%--------------------------------------------
% Text title            : shrI svaya.nvara pArvatI stotra.n\- mantramAlAstotra.n
% Author                : Traditional
% Language              : Sanskrit
% Subject               : philosophy/hinduism/religion
% Description/comments  : 
% Transliterated by     : Adwaith Menon adwaithmenon at gmail.com
% Proofread by          : Adwaith Menon adwaithmenon at gmail.com, Subhash Prajapati subhashzp@gmail.com
%
% Latest update         : September 6, 2007
% Send corrections to   : sanskrit@cheerful.com
%
% Transliteration scheme: ITRANS 5.2
% Site access  :         
% http://sanskritdocuments.org
% http://sanskrit.gde.to/
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto engtitle are 
% needed for devanaagarii output and formatting.
%------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. shrI svaya.nvara pArvatI stotra.n evaM mantramAlAstotra.n ..}##
\itxtitle{.. shrI svaya.nvara pArvatI stotra.n evaM mantramAlAstotra.n ..}##\endtitles ##
bandhUkavarNAmaruNA.n sugAtrAm
shambhu.n samuddishya shanairupetAm .
ambhojamR^idvImabhilAshhadAtrI.n
sambhAvaye nirjaradArukalpAm .. 1..
hImmantharANi charaNAgragatiprapAte\-
shhvAma~njusa.nkvaNitaka~NkaNaki~NkiNIni .
kAma.n kumAri\! tava tAni shive\! smarAmi
kShema~NkarANi janakAlayakhelanAni .. 2..
yogena bAlyavayaso lalitA.n purastAt
drAgeva kaNThavilasat kanakormikaughAm .
AkamranaddharashanA.n bhavatI.n nirIkShe
shrIkaNThabhAmini\! kadA prapadInaveNIm .. 3..
giryalpamugdhavishada.n navayauvana.n shrI\-
dhurya.n vilAsamayamakShNi kR^isha.n vilagne .
paryuch chhrita.n kuchabhare jaghane ghana.n yat
paryutsuko.asmi satata.n janani prasIda .. 4..
nirdhUtakuNDalamuda~nchitagharmalesha.n
visrastakeshamabhitashchaladIkShaNAntam .
nirdhvAnika~NkaNamudagrakuchAntamantar\-
badhnAmi tAtagR^ihakandukakhelana.n te .. 5..
yogeshvara.n prachurabhakti girIshamArA\-
dekAntavartinamupetya tapashcharanta.n .
AkA.nkShayA paricharishhNumanAkulA.n tvA.n
ye kechidIshvari bhajanti ta eva dhanyAH .. 6..
giryAtmaje\! madanadAhamahAvamAna\-
paryAkulA purahare hR^idaya.n nidhAya .
kuryAstapo vidadhatI kushalAni bhUbhR^it\-
paryAyapInakuchakumbhavishumbhada~NgI .. 7..
nidhyAya mAnasadR^ishA muhurinduchUDa.n
maddhye sthitA rahasi pa~nchahutAshanAnAm .
tattAdR^ishena tapasA jagadaNDbhAjA.n
vitrAsadAtri paripAhi sadAshive\! naH .. 8..
yogya.n vaTorvapurupasthitamAtmabhakti.n
dIrghA.n parIkShitumanukShaNamAkShipantam .
sAkShAgdirIshamavadhUya rushhA prayAte
drAktena sa.nshritapadA.n bhavatI.n bhajAmaH .. 9..
gehe nije varaNadAmalasatkarAbjA.n
vyAhArinUpuramudashchitamandahAsAm .
nIhArubhAnudharamucchalitA.n varItu.n
mohAvahA.n tribhuvanasya bhajAmahe tvAm .. 10..
shvastAhi ka~NkaNavilokanabhItabhIta.n
pratyagrarAgavivasha.n mama ta.n nidhehi .
utsvedavepathu pinAkabhR^itA gR^ihIta.n
rudrANi dakShiNakarAmbujamuttamA.nge .. 11..
rishhTApaha.n bhavatu bharttR^inakhendubimba\-
spashhTAnubimbitatanu.n vibudhApagA.n tAm .
dR^ishhTvAshu rAgarabhasodayashoNakoNa.n
dR^ishhTidvaya.n tava karagrahaNe sthita.n naH .. 12..
yoge nave tava bhavAni shivAni dadyAt
drAgeva satvaramapatrapayA nivR^ittam .
sAkampamAlivachanairvihitAbhimukhya.n
drAgutsmita.n purabhidA parirabdhama.ngam .. 13..
gatyA nitambabharamantharayA salajjai\-
rardhekShaNairasakalAkSharavAgvilAsaiH .
hR^idyaishcha vibhramaguNair madanAridhairya\-
prastAraddAriNi shive janani prasIda .. 14..
bhadrA mukhendunamanAdabhivIkShaNeshhu
pratyuktidAnaviramAnnavasatkathAsu .
udvepanAdapi haThAtparirambhaNeshhu
patyuH pramodajananI janani prasIda .. 15..
ya.n nAthamAdimunayo nigamoktigumbhe\-
shhvAlakShya tAntamanaso vimukhIbhavanti .
sannahya tena dayitena manojavidyA\-
nandAnubhUtirasike janani prasIda .. 16..
kalyANakuntalabhara.n navakalpavallI\-
pushhpollasad bahulasaurabhalobhanIyam .
kalyANadAmashashikhaNDamakhaNDashobhA\-
kallolita.n tava maheshvari sa.nshrayAmaH .. 17..
ri~ncholikA tava shive\! niTilAlakAnA.n
nya~nchatpaTIratilake niTile vibhAntI .
ma~njuprasannamukhapadmavihArilakShmI\-
pi~nchhAtapatraruchirA hR^idi naH samindhAm .. 18..
samyagbhruvau tava vilAsabhuvau smarAmaH
sammugddha manmathasharAsanachArurUpe .
hR^inmadhyagUDhanihita.n haradhairyalakShya.n
yanmUlayantritakaTAkShasharairvibhinnam .. 19..
kamrAH sitAsitaruchA shravaNAntadIrghAH
bimbokaDambarabhR^ito nibhR^itAnukampAH .
sampAtukA mayi bhavantu pinAkivaktra\-
bimbAbujanmamadhupAH sati\! te kaTAkShAH .. 20..
lagnAbhirAmamR^iganAbhivichitrapatra.n
magna.n prabhAsamudaye tava gaNDabimbam .
chitte vibhAtu satata.n maNikuNDalodya\-
dratnAnubimbaparichumbitamambike naH .. 21..
sthANoH sadA bhagavataH priyatAnidhAna.n
prANAdapi praviralasmitalobhanIyam .
sthAnIkurushhva girije\! tava bandhujIva\-
shreNIsagandhamadhara.n dhishhaNAntare naH .. 22..
vandAmahe kanakama.ngalasUtrashobhA\-
sandIptaku~Nkumavalitrayabha.ngi ramyam .
mandrAdikasvaravikasvaranAdavidyA\-
sandarbhagarbhamagaje\! tava kaNThanAlam .. 23..
rakShArthamatra mama mUrdhani dhatsva nitya.n
dakShArigADhaparirambharasAnukUlam .
akShAmahemakaTakA.ngadaratnashobha.n
lAkShAvila.n janani\! pAniyuga.n tvadIyam .. 24..
jambhArikumbhivarakumbhanibhAmuroja\-
kumbhadvayI.n lalitasambhR^itaratnamAlAm .
shambhorbhujairanudina.n nibiDA.nkapAlI\-
sambhAvitA.n bhuvanasundari\! bhAvayAmaH .. 25..
garvApahe vaTadalasya tanUdarAnte
nirvyUDhabhAsi tava nAbhisarasyagAdhe .
sharvAvalokaruchimeduraromavallI\-
nirvAsite vasatu me dhishhaNAmarAlI .. 26..
macchetasi sphuratu mArarathA.ngabha.ngI.n
ucchairdadhAnamatipIvaratAnidhAnam .
svachchhandaratnarashanAkalitAntarIya\-
prachchhannamamba\! tava kamranitambabimbam .. 27..
syandAnurAgamadavAripurAricheta\-
ssannAgabandhamaNiveNukamUrukANDam .
bandIkR^itendragajapushhkaramugdharambha.n
nandAma sundari\! shive\! hR^idi sandadhAnAH .. 28..
mugdhollasatkanakanUpuranagdhanAnA\-
ratnAbhayordhvagatayA parito.abhirAmam .
chittaprasUtijayakAhalakAnti ja.nghA\-
yugma.n tvadIyamaganandini\! chintayAmaH .. 29..
khaTvA.ngapANimakuTena tadA tadA sa.n\-
ghR^ishhTAgrayoH praNatishhu praNayaprakope .
ashhTA.ngapAtasahita.n praNatosmi labdhu\-
mishhTA.n gati.n janani\! pAdapayojayoste .. 30..
hR^idyarpaNa.n mama mR^ijantu tadA tvada.nga\-
mudyadravidyuti bhavediha sAnubimbam .
uttu.ngadaityasuramaulibhiruhyamAnA
rudrapriye\! tava padAbjabhavAH parAgAH .. 31..
dadyAH sukhAni mama chakrakalAntarastthA\!
raktAmbarAbharaNamAlyadharA\! japAbhA\! .
rudrANi\! pAshasR^iNichApasharAgrahastA\!
kastUrikAtilakinI\! navaku~NkumArdA\! .. 32..
yatpa~Nkajanmanilaya.n karapadmashumbha\-
dambhoruha.n bhuvanama.ngalamAdriyante .
ambhoruhAkSha sukR^itotkarapAkameka.n
sambhAvaye hR^idi shive\! tava shaktibheda.n .. 33..
mandArakundasushhamA karapallavodyat
puNyAkShadAmavarapustakapUrNakumbhA .
chandrArddhachArumakuTA navapadmasa.nsthA
sandedivItu bhavatI hR^idi nastriNetrA .. 34..
madhyekadambavanamAsthitaratnaDolA.n
udyannakhAgramukharIkR^itaratnavINAm .
atyantanIlakamanIyakalebarA.n tvA.n
utsa.ngalAlitamanoGYashukImupAse .. 35..
vartAmahe manasi sandadhatI.n nitAnta\-
raktA.n varAbhayavirAjikarAravindAm .
udvelamadhyavasati.n madhurA.ngi\! mAyA.n
tattvAtmikA.n bhagavatI.n bhavatI.n bhajantaH .. 36..
shambhupriyA.n shashikalAkalitAvata.nsA.n
sambhAvitAbhayavarA.n kushapAshapANim .
sampAtpradAnaniratA.n bhuvaneshvarI.n tvA.n
shumbhajjapAruchamapArakR^ipAmupAse .. 37..
ArUDhatu.ngaturagA.n mR^idubAhuvallI.n
ArUDhapAshasR^iNivetralatA.n triNetrAm .
AropitAmakhilasanvanane pragatbhA.n
ArAdhayAmi bhavatI.n manasA manoGYAm .. 38..
karmAtmike jaya jayAkhiladharmamUrte
chinmAtrike, jaya jaya triguNasvarUpe .
kalmAshhagharmapishunAn karuNAmR^itArdraiH
sammArjya samyagabhishhi~ncha dR^iga~nchalair naH .. 39..
shhaNAmasi tvamadhidaivatamakSharANA.n
varNatrayoditamanuprakR^itistvameva .
tvannAma vishvamanushaktikala.n tvadanyat
kinnAma daivatamihAsti samastamUrtte .. 40..
yA kApi vishvajanamohanadivyamAyA
shrIkAmavairivapurardhaharAnubhAvA .
prAkAshyate jagadadhIshvari\! sA tvamasmAn
mUkAnananyasharaNAn paripAhi dInAn .. 41..
kartryai namo.astu jagatonikhilasya bhartryai 
hartryai namo.astu vidhivishhNuharAtmashaktyai .
bhuktyai namo.astu bhuvanAbhimataprasUtyai
muktyai namo.astu munimaNDaladR^ishyamUrtyai .. 42..
shhaDvaktrahastimukhajushhTapadasya bhartu\-
rishhTopagUhanasudhAplutamAnasasya .
dR^ishhTyA nipIya vadanendumadakShiNA~Nke
tushhTyA sthite\! vitara devi\! dayAvalokAn .. 43..
yantAntara.n bhavitR^ibhUtabhava.n mayA yat
svapnaprajAgarasushhuptishhu vA~Nmano.a~NgaiH .
nitya.n tvadarchanakalAsu samastametat
bhaktAnukampini\! mamAstu tava prasAdAt .. 44..
svAheti sAgarasuteti surApageti
vyAhArarUpasushhameti haripriyeti .
nIhArashailatanayeti pR^ithakprakAsha\-
rUpA.n pareshamahishhI.n bhavatI.n bhajAmaH .. 45..
hArasphuratkuchagire\! harajIvanAthe\!
hArisvarUpiNi\! haripramukhAbhivandye\! .
herambashaktidharanandini\! hemavarNe\!
he chaNDi\! haimavati\! devi\! namo namaste .. 46..
ye tu svaya.nvaramahAstavamantrameta.n
prAtarnarAH sakalasiddhikara.n japanti .
bhUtiprabhAvajanara~njanakIrttisaunda\-
ryArogyamAyurapi dIrghamamI labhante .. 47..
shatakratuprabhR^ityamartyatatyabhipraNatyupa\-
kramaprasR^itvarasmitaprabhA~nchitAsyapa~Nkaje .
harapriye\! varaprade\! dharAdharendrakanyake
haridrayA samanvite daridratA.n hara druta.n .. 48..

      svaya.nvaramantram
         nyAsa.n
asya shrIsvaya.nvarAmantrasya brahmA R^ishhiH devIgAyatrI
chhandaH devI giriputrI svaya.nvarA devatA .
mama abhIshhTasidhyarthe jape viniyogaH ..
hrA.n ityAdinA nyAsaH .

         dhyAna.n
shambhu.n jaganmohanarUpapUrNa.n
vilokya lajjAkulitA.n smitADhyAm |
madhUkamAlA.n svasakhIkarAbhyA.n
sambibhratImadrisutA.n bhajeyam ||
\-pa~nchapUjA.n la.n ityAdi\-

AUM hrIM yogini yogini yogeshvari yogabhaya.nkari
sakalasthAvaraja.ngamasya mukhahR^idaya.n mama vasha.n
AkarshhayAkarshhaya svAhA .

   .. svaya.nvaradhyAnam ..
hemAbhAmmativAgatItaguNashIlAntAmashilpAkR^iti.n
premArohamanoharaa.n karalasatkalyANadAmAnvitAm .
shyAmAmIshvaramudyatA.n varayitu.n trailokyasammohinI.n
kAmApAdanakalpavallimanisha.n vande parA.n devatAm .. 1..
bAlArkAyutasuprabhA.n karatale rolambamAlAkulA.n
mAlA.n sandadhatI.n manoharatanu.n mandasmitodyanmukhIm .
manda.n mandamupeyushhI.n varayitu.n shambhu.n jaganmohinI.n
vande devamunIndravanditapadAmishhTArthadA.n pArvatI.n .. 2..
vidhR^itavaraNamAlyA sarvaratnA.ngabhUshhA
nikhilanayanachetohArirUpAgryaveshhA .
bhavatu bhavadabhishhTaprAptaye shailakanyA
purushhayuvativashyAkR^ishhTinityapraharshhA .. 3..
##
Encoded and proofread by
Adwaith Menon adwaithmenon at gmail.com and
Subhash Prajapati subhashzp@gmail.com
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}