सुभद्रागीतामृतम्
मध्यवासिनी हे ॐकारमयी भवानी
सुभद्रा सार्द्रा मा नीलाचलदीप्ता
सर्वविद्ये सनातनी (२)
मध्यवासिनी हे ॥ ध्रुवम्॥
पट्टपीताम्बरशालिनी मालिनी
स्वर्णप्रभा गरीयसी ।
पुरीश्रीमन्दिरे समाश्रिताशान्तिः
भोगप्रिया-महीयसी ॥
पार्थप्रेयसि हे गोपालकृष्णभगिनी
मध्यवासिनी हे ॥ १॥
संगीतभारतीमूर्च्छनाभारवि-
भावनानिर्जितभाषा ।
भावविनोदिता नाट्यगंगावारि
राजीवनयना आशा ।
मातः मानसि हे राग-रागिणीतरुणी
मध्यवासिनी हे ॥ २॥
मूलप्रकृतिस्त्वं भुवनमोहिनी
सर्वरम्या वसुन्धरा ।
पार्थिवसम्भारभोगयोगदात्री
विश्वप्रिया चराचरा ॥
भोगमज्जिनि हे सुयोगक्षेमदायिनी
मध्यवासिनी हे ॥ ३॥
इति प्रदीप्तनन्दशर्मविरचितं सुभद्रागीतामृतं गीतं सम्पूर्णम् ।
Composed, encoded, and proofread by
Dr. Pradipta Kumar Nanda, Kendrapara, Orisa pknanda65 at gmail.com