%@@1
% File name             : shyaamala.itx
%--------------------------------------------
% Text title            : shyAmalA daNDakam
% Author                : Kalidasa
% Language              : Sanskrit
% Subject               : philosophy/hinduism/literature
% Description/comments  : 
% Transliterated by     : P. P. Narayanaswami  (swami@math.mun.ca)
% Proofread by          : P. P. Narayanaswami  (swami@math.mun.ca), srirama_at_navayuga.com, Avinash
% Latest update         : December 24, 2008, July 28, 2010
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskritdocuments.org
% http://sanskrit.gde.to/
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto #indian and others with \ mark
% are needed for devanaagarii output and formatting.
%--------------------------------------------------------
 
\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. shyAmalA da.nDakaM ( kAlidAsa )   ..}##
\itxtitle{.. shyAmalA daNDakam kAlidAsa virachitam ) ..}##\endtitles ##
       .. atha shyAmalA daNDakam.h ..

          .. dhyAnam.h ..

mANikyavINAmupalAlayantIM
madAlasAM ma~njulavAgvilAsAm.h .
mAhendranIladyutikomalA~NgIM
mAta~NgakanyAM manasA smarAmi .. 1..

chaturbhuje chandrakalAvata.nse
kuchonnate ku~NkumarAgashoNe .
puNDrekShupAshA~NkushapuShpabANa\-
haste namaste jagadekamAtaH .. 2..

           .. viniyogaH ..

mAtA maratakashyAmA mAta~NgI madashAlinI .
kuryAt.h kaTAkShaM kalyANI kadaMbavanavAsinI .. 3..

          .. stuti ..
jaya mAta~Ngatanaye jaya nIlotpaladyute .
jaya sa~NgItarasike jaya lIlAshukapriye .. 4..

           .. daNDakam.h ..

jaya janani sudhAsamudrAntarudyanmaNIdvIpasa.nrUDh \-
bilvATavImadhyakalpadrumAkalpakAdaMbakAntAravAsapriye
kR^ittivAsapriye sarvalokapriye

sAdarArabdhasa.ngItasaMbhAvanAsaMbhramAlola\-
nIpasragAbaddhachUlIsanAthatrike sAnumatputrike

shekharIbhUtashItA.nshurekhAmayUkhAvalIbaddha\-
susnigdhanIlAlakashreNishR^i~NgArite lokasaMbhAvite
kAmalIlAdhanussannibhabhrUlatApuShpasandohasandehakR^illochane
vAksudhAsechane chArugorochanApa~NkakelIlalAmAbhirAme surAme rame

prollasaddhvAlikAmauktikashreNikAchandrikAmaNDalodbhAsi
lAvaNyagaNDasthalanyastakastUrikApatrarekhAsamudbhUtasaurabhya\-
saMbhrAntabhR^i~NgA~NganAgItasAndrIbhavanmandratantrIsvare susvare bhAsvare

vallakIvAdanaprakriyAlolatAlIdalAbaddha\-
tATa~NkabhUShAvisheShAnvite siddhasammAnite

divyahAlAmadodvelahelAlasachchakShurAndolanashrIsamAkShiptakarNaika\-
nIlotpale shyAmale pUritAsheShalokAbhivA~nchhAphale shrIphale

svedabindUllasadphAlalAvaNya niShyandasandohasandehakR^innAsikAmauktike
sarvavishvAtmike sarvasiddhyAtmike kAlike mugddhamandasmitodAravaktra\-
sphurat.h pUgatAmbUlakarpUrakhaNDotkare j~nAnamudrAkare sarvasaMpatkare
padmabhAsvatkare shrIkare

kundapuShpadyutisnigdhadantAvalInirmalAlolakallolasammelana
smerashoNAdhare chAruvINAdhare pakvabiMbAdhare

sulalita navayauvanAraMbhachandrodayodvelalAvaNyadugdhArNavAvirbhavat.h
kambubimbokabhR^itkanthare satkalAmandire manthare

divyaratnaprabhAbandhurachchhannahArAdibhUShAsamudyotamAnAnavadyA~Nga\-
shobhe shubhe

ratnakeyUrarashmichchhaTApallavaprollasaddollatArAjite
yogibhiH pUjite vishvadi~NmaNDalavyAptamANikyatejassphuratka~NkaNAla.nkR^ite
vibhramAla.nkR^ite sAdhubhiH pUjite vAsarAraMbhavelAsamujjR^imbha
mANAravindapratidvandvipANidvaye santatodyaddaye advaye
divyaratnormikAdIdhitistomasandhyAyamAnA~NgulIpallavodya
nnakhenduprabhAmaNDale sannutAkhaNDale chitprabhAmaNDale prollasatkuNDale

tArakArAjinIkAshahArAvalismera chArustanAbhogabhArAnamanmadhya\-
vallIvalichchheda vIchIsamudyatsamullAsasandarshitAkArasaundaryaratnAkare
vallakIbhR^itkare ki~NkarashrIkare

hemakuMbhopamottu~Nga vakShojabhArAvanamre trilokAvanamre lasadvR^ittagaMbhIra
nAbhIsarastIrashaivAlasha~NkAkarashyAmaromAvalIbhUShaNe ma~njusaMbhAShaNe

chArushi~nchatkaTIsUtranirbhatsitAna~NgalIladhanushshi~nchinIDaMbare
divyaratnAmbare

padmarAgollasa nmekhalAmauktikashroNishobhAjitasvarNabhUbhR^ittale
chandrikAshItale vikasitanavaki.nshukAtAmradivyA.nshukachChanna
chArUrushobhAparAbhUtasindUrashoNAyamAnendramAta~Nga
hasmArggale vaibhavAnarggale shyAmale komalasnigddha
nIlotpalotpAditAna~NgatUNIrasha~NkAkarodAra
ja.nghAlate chArulIlAgate namradikpAlasImantinI
kuntalasnigddhanIlaprabhApu~nchasa~njAtadurvA~NkurAsha~Nka
sAra.ngasa.nyogari.nkhannakhendUjjvale projjvale
nirmale prahva devesha lakShmIsha bhUtesha toyesha vANIsha kInAsha
daityesha yakShesha vAyvagnikoTIramANikya sa.nhR^iShTabAlAtapoddAma\-\-
lAkShArasAruNyatAruNya lakShmIgR^ihitA~Nghripadmme supadme ume

suruchiranavaratnapIThasthite susthite
ratnapadmAsane ratnasimhAsane sha~NkhapadmadvayopAshrite vishrute
tatra vighneshadurgAvaTukShetrapAlairyute mattamAta~Nga
kanyAsamUhAnvite bhairavairaShTabhirveShTite
ma~nchulAmenakAdya~NganAmAnite devi vAmAdibhiH shaktibhissevite
dhAtri lakShmyAdishaktyaShTakaiH sa.nyute mAtR^ikAmaNDalairmaNDite
yakShagandharvasiddhA~NganA maNDalairarchite

bhairavI sa.nvR^ite pa~nchabANAtmike pa~nchabANena ratyA cha
saMbhAvite prItibhAjA vasantena chAnandite bhaktibhAjaM paraM shreyase
kalpase yoginAM mAnase dyotase chhandasAmojasA bhrAjase gItavidyA
vinodAti tR^iShNena kR^iShNena saMpUjyase bhaktimachchetasA vedhasA
stUyase vishvahR^idyena vAdyena vidyAdharairgIyase

shravaNaharadakShiNakvANayA vINayA kinnarairgIyase
yakShagandharvasiddhA~NganA maNDalairarchyase

sarvasaubhAgyavA~nchhAvatIbhir.h vadhUbhissurANAM samArAdhyase
sarvavidyAvisheShatmakaM chATugAthA samuchchAraNAkaNThamUlollasad\-
varNarAjitrayaM komalashyAmalodArapakShadvayaM tuNDashobhAtidUrIbhavat.h
ki.nshukaM taM shukaM lAlayantI parikrIDase

pANipadmadvayenAkShamAlAmapi sphATikIM j~nAnasArAtmakaM ##var ## mAlAguNa
pustaka~ncha~NkushaM pAshamAbibhratI tena sa~nchintyase tasya vaktrAntarAt.h
gadyapadyAtmikA bhAratI nissaret.h yena vAdhva.nsanAdA
kR^itirbhAvyase tasya vashyA bhavantistiyaH pUruShAH yena vA
shAtakaMbadyutirbhAvyase sopi lakShmIsahasraiH parikrIDate

kinna siddhyedvapuH shyAmalaM komalaM chandrachUDAnvitaM
tAvakaM dhyAyataH tasya lIlA sarovAridhIH tasya kelIvanaM
nandanaM tasya bhadrAsanaM bhUtalaM tasya gIrdevatA ki~Nkari
tasya chAj~nAkarI shrI svayaM

sarvatIrthAtmike sarva mantrAtmike
sarva yantrAtmike sarva tantrAtmike
sarva chakrAtmike sarva shaktyAtmike
sarva pIThAtmike sarva vedAtmike
sarva vidyAtmike sarva yogAtmike
sarva varNAtmike sarvagItAtmike
sarva nAdAtmike sarva shabdAtmike
sarva vishvAtmike sarva vargAtmike
sarva sarvAtmike sarvage sarva rUpe
jaganmAtR^ike pAhi mAM pAhi mAM pAhi mAM
devi tubhyaM namo devi tubhyaM namo devi tubhyaM namo
devi tubhyaM namaH

.. iti  shyAmalA daNDakam.h sampUrNam.h ..

##
Encoded and proofread by P. P. Narayanaswami  (swami@math.mun.ca)
and srirama at navayuga.com, Avinash
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
{\rm http://sanskritdocuments.org}
\end{document}