% Text title : shyAmalAsahasranAmastotram % File name : shyAmalAsahasranAmastotra.itx % Category : sahasranAma, devii, pArvatI, stotra, devI % Location : doc\_devii % Author : Traditional % Transliterated by : DPD, Alex % Proofread by : DPD, NA % Description-comments : See corresponding nAmAvalI % Source : Saubhagyalaxmikalpa, bhagavatistutimanjari % Acknowledge-Permission: Mahaperiaval Trust % Latest update : February 1, 2015, April 2, 2016 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrI shyAmalAsahasranAmastotram ..}## \itxtitle{.. shrI shyAmalAsahasranAmastotram ..}##\endtitles ## nAmasArastavaH sarvashR^i~NgArashobhADhyAM tu~NgapInapayodharAm | ga~NgAdharapriyAM devIM mAta~NgIM naumi santatam || 1|| shrImadvaikuNThanilayaM shrIpatiM siddhasevitam | kadAchitsvapriyaM lakShmIrnArAyaNamapR^ichChata || 2|| lakShmIruvAcha kiM japyaM paramaM nRRINAM bhogamokShaphalapradam | sarvavashyakaraM chaiva sarvaishvaryapradAyakam || 3|| sarvarakShAkaraM chaiva sarvatra vijayapradam | brahmaj~nAnapradaM puMsAM tanme brUhi janArdana || 4|| bhagavAnuvAcha nAmasArastavaM puNyaM paThennityaM prayatnataH | tena prItA shyAmalAmbA tvadvashaM kurute jagat || 5|| tantreShu lalitAdInAM shaktInAM nAmakoshataH | sAramuddhR^itya rachito nAmasArastavo hyayam || 6|| nAmasArastavaM mahyaM dattavAn parameshvaraH | tava nAmasahasraM tat shyAmalAyA vadAmyaham || 7|| viniyogaH || asya shrIshyAmalAparameshvarInAmasAhasrastotramAlA mantrasya, sadAshiva R^iShiH | anuShTupChandaH | shrIrAjarAjeshvarI shyAmalA parameshvarI devatA | chaturvidhapuruShArthasiddhyarthe nAmapArAyaNe viniyogaH | dhyAnam || dhyAye.ahaM ratnapIThe shukakalapaThitaM shR^iNvatIM shyAmagAtrIM nyastaikA~NghrIM saroje shashishakaladharAM vallakIM vAdayantIm | kalhArAbaddhamauliM niyamitalasachchUlikAM raktavastrAM mAta~NgIM bhUShitA~NgIM madhumadamuditAM chitrakodbhAsiphAlAm || pa~nchapUjA | atha sahasranAmastotram | OM | saubhAgyalakShmIH saundaryanidhiH samarasapriyA | sarvakalyANanilayA sarveshI sarvama~NgalA || 1|| sarvavashyakarI sarvA sarvama~NgaladAyinI | sarvavidyAdAnadakShA sa~NgItopaniShatpriyA || 2|| sarvabhUtahR^idAvAsA sarvagIrvANapUjitA | samR^iddhA sa~NgamuditA sarvalokaikasaMshrayA || 3|| saptakoTimahAmantrasvarUpA sarvasAkShiNI | sarvA~NgasundarI sarvagatA satyasvarUpiNI || 4|| samA samayasaMvedyA samayaj~nA sadAshivA | sa~NgItarasikA sarvakalAmayashukapriyA || 5|| chandanAlepadigdhA~NgI sachchidAnandarUpiNI | kadambavATInilayA kamalAkAntasevitA || 6|| kaTAkShotpannakandarpA kaTAkShitamaheshvarA | kalyANI kamalAsevyA kalyANAchalavAsinI || 7|| kAntA kandarpajananI karuNArasasAgarA | kalidoShaharA kAmyA kAmadA kAmavardhinI || 8|| kadambakalikottaMsA kadambakusumApriyA | kadambamUlarasikA kAmAkShI kamalAnanA || 9|| kambukaNThI kalAlApA kamalAsanapUjitA | kAtyAyanI keliparA kamalAkShasahodarI || 10|| kamalAkShI kalArUpA kokAkArakuchadvayA | kokilA kokilArAvA kumArajananI shivA || 11|| sarvaj~nA santatonmattA sarvaishvaryapradAyinI | sudhApriyA surArAdhyA sukeshI surasundarI || 12|| shobhanA shubhadA shuddhA shuddhachittaikavAsinI | vedavedyA vedamayI vidyAdharagaNArchitA || 13|| vedAntasArA vishveshI vishvarUpA virUpiNI | virUpAkShapriyA vidyA vindhyAchalanivAsinI || 14|| vINAvAdavinodaj~nA vINAgAnavishAradA | vINAvatI bindurUpA brahmANI brahmarUpiNI || 15|| pArvatI paramA.achintyA parAshaktiH parAtparA | parAnandA pareshAnI paravidyA parAparA || 16|| bhaktapriyA bhaktigamyA bhaktAnAM paramA gatiH | bhavyA bhavapriyA bhIrurbhavasAgaratAriNI || 17|| bhayaghnI bhAvukA bhavyA bhAminI bhaktapAlinI | bhedashUnyA bhedahantrI bhAvanA munibhAvitA || 18|| mAyA maheshvarI mAnyA mAta~NgI malayAlayA | mahanIyA madonmattA mantriNI mantranAyikA || 19|| mahA.a.anandA manogamyA mata~NgakulamaNDanA | manoj~nA mAninI mAdhvI sindhumadhyakR^itAlayA || 20|| madhuprItA nIlakachA mAdhvIrasamadAlasA | pUrNachandrAbhavadanA pUrNA puNyaphalapradA || 21|| pulomajArchitA pUjyA puruShArthapradAyinI | nArAyaNI nAdarUpA nAdabrahmasvarUpiNI || 22|| nityA navanavAkArA nityAnandA nirAkulA | niTilAkShapriyA netrI nIlendIvaralochanA || 23|| tamAlakomalAkArA taruNI tanumadhyamA | taTitpisha~NgavasanA taTitkoTisabhadyutiH || 24|| madhurA ma~NgalA medhyA madhupAnapriyA sakhI | chitkalA chAruvadanA sukharUpA sukhapradA || 25|| kUTasthA kaulinI kUrmapIThasthA kuTilAlakA | shAntA shAntimatI shAntiH shyAmalA shyAmalAkR^itiH || 26|| sha~NkhinI sha~NkarI shaivI sha~NkhakuNDalamaNDitA | kundadantA komalA~NgI kumArI kulayoginI || 27|| nirgarbhayoginIsevyA nirantararatipriyA | shivadUtI shivakarI jaTilA jagadAshrayA || | 28|| shAmbhavI yoginilayA parachaitanyarUpiNI | daharAkAshanilayA daNDinIparipUjitA || 29|| sampatkarIgajArUDhA sAndrAnandA sureshvarI | champakodbhAsitakachA chandrashekharavallabhA || 30|| chArurUpA chArudantI chandrikA shambhumohinI | vimalA viduShI vANI kamalA kamalAsanA || 31|| karuNApUrNahR^idayA kAmeshI kambukandharA | rAjarAjeshvarI rAjamAta~NgI rAjavallabhA || 32|| sachivA sachiveshAnI sachivatvapradAyinI | pa~nchabANArchitA bAlA pa~nchamI paradevatA || 33|| umA maheshvarI gaurI sa~NgItaj~nA sarasvatI | kavipriyA kAvyakalA kalau siddhipradAyinI || 34|| lalitAmantriNI ramyA lalitArAjyapAlinI | lalitAsevanaparA lalitAj~nAvashaMvadA || 35|| lalitAkAryachaturA lalitAbhaktapAlinI | lalitArdhAsanArUDhA lAvaNyarasashevadhiH || 36|| ra~njanI lAlitashukA lasachchUlIvarAnvitA | rAgiNI ramaNI rAmA ratI ratisukhapradA || 37|| bhogadA bhogyadA bhUmipradA bhUShaNashAlinI | puNyalabhyA puNyakIrtiH purandarapureshvarI || 38|| bhUmA.a.anandA bhUtikarI klI~NkArI klinnarUpiNI | bhAnumaNDalamadhyasthA bhAminI bhAratI dhR^itiH || 39|| nArAyaNArchitA nAthA nAdinI nAdarUpiNI | pa~nchakoNAsthitA lakShmIH purANI purarUpiNI || 40|| chakrasthitA chakrarUpA chakriNI chakranAyikA | ShaTchakramaNDalAntaHsthA brahmachakranivAsinI || 41|| antarabhyarchanaprItA bahirarchanalolupA | pa~nchAshatpIThamadhyasthA mAtR^ikAvarNarUpiNI || 42|| mahAdevI mahAshaktiH mahAmAyA mahAmatiH | mahArUpA mahAdIptiH mahAlAvaNyashAlinI || 43|| mAhendrI madirAdR^iptA madirAsindhuvAsinI | madirAmodavadanA madirApAnamantharA || 44|| duritaghnI duHkhahantrI dUtI dUtaratipriyA | vIrasevyA vighnaharA yoginI gaNasevitA || 45|| nijavINAravAnandanimIlitavilochanA | vajreshvarI vashyakarI sarvachittavimohinI || 46|| shabarI shambarArAdhyA shAmbarI sAmasaMstutA | tripurAmantrajapinI tripurArchanatatparA || 47|| trilokeshI trayImAtA trimUrtistridiveshvarI | ai~NkArI sarvajananI sauHkArI saMvidIshvarI || 48|| bodhA bodhakarI bodhyA budhArAdhyA purAtanI | bhaNDasodarasaMhartrI bhaNDasainyavinAshinI || 49|| geyachakrarathArUDhA gurumUrtiH kulA~NganA | gAndharvashAstramarmaj~nA gandharvagaNapUjitA || 50|| jaganmAtA jayakarI jananI janadevatA | shivArAdhyA shivArdhA~NgI shi~njanma~njIramaNDitA || 51|| sarvAtmikA R^iShIkeshI sarvapApavinAshinI | sarvarogaharA sAdhyA dharmiNI dharmarUpiNI || 52|| AchAralabhyA svAchArA khecharI yonirUpiNI | pativratA pAshahantrI paramArthasvarUpiNI || 53|| paNDitA parivArADhyA pAShaNDamatabha~njanI | shrIkarI shrImatI devI bindunAdasvarUpiNI || 54|| aparNA himavatputrI durgA durgatihAriNI | vyAlolasha~NkhAtATa~NkA vilasadgaNDapAlikA || 55|| sudhAmadhurasAlApA sindUratilakojjvalA | alaktakAraktapAdA nandanodyAnavAsinI || 56|| vAsantakusumApIDA vasantasamayapriyA | dhyAnaniShThA dhyAnagamyA dhyeyA dhyAnasvarUpiNI || 57|| dAridryahantrI daurbhAgyashamanI dAnavAntakA | tIrtharUpA trinayanA turIyA doShavarjitA || 58|| medhApradAyinI medhyA medinI madashAlinI | madhukaiTabhasaMhartrI mAdhavI mAdhavapriyA || 59|| mahilA mahimAsArA sharvANI sharmadAyinI | rudrANI ruchirA raudrI rukmabhUShaNabhUShitA || 60|| ambikA jagatAM dhAtrI jaTinI dhUrjaTipriyA | sukShmasvarUpiNI saumyA suruchiH sulabhA shubhA || 61|| vipa~nchIkalanikkANavimohitajagattrayA | bhairavapremanilayA bhairavI bhAsurAkR^itiH || 62|| puShpiNI puNyanilayA puNyashravaNakIrtanA | kurukullA kuNDalinI vAgIshI nakuleshvarI || 63|| vAmakeshI girisutA vArtAlIparipUjitA | vAruNImadaraktAkShI vandAruvaradAyinI || 64|| kaTAkShasyandikaruNA kandarpamadavardhinI | dUrvAshyAmA duShTahantrI duShTagrahavibhedinI || 65|| sarvashatrukShayakarI sarvasampatpravardhinI | kabarIshobhikalhArA kalashi~njitamekhalA || 66|| mR^iNAlItulvadorvallI mR^iDAnI mR^ityuvarjitA | mR^idulA mR^ityusaMhartrI ma~njulA ma~njubhAShiNI || 67|| karpUravITIkabalA kamanIyakapolabhUH | karpUrakShodadigdhA~NgI kartrI kAraNavarjitA || 68|| anAdinidhanA dhAtrI dhAtrIdharakulodbhavA | stotrapriyA stutimayI mohinI mohahAriNI || 69|| jIvarUpA jIvakArI jIvanmuktipradAyinI | bhadrapIThasthitA bhadrA bhadradA bhargabhAminI || 70|| bhagAnandA bhagamayI bhagali~NgA bhageshvarI | mattamAta~NgagamanA mAta~Ngakulama~njarI || 71|| rAjahaMsagatI rAj~nI rAjarAja samarchitA | bhavAnI pAvanI kAlI dakShiNA dakShakanyakA || 72|| havyavAhA havirbhoktrI hAriNI duHkhahAriNI | saMsAratAriNI saumyA sarveshI samaraprayA || 73|| svapnavatI jAgariNI suShuptA vishvarUpiNI | taijasI prAj~nakalanA chetanA chetanAvatI || 74|| chinmAtrA chidghanA chetyA chichChAyA chitsvarUpiNI | nivR^ittirUpiNI shAntiH pratiShThA nityarUpiNI || 75|| vidyArUpA shAntyatItA kalApa~nchakarUpiNI | hrI~NkArI hrImatI hR^idyA hrIchChAyA harivAhanA || 76|| mUlaprakR^itiravyaktA vyaktAvyaktavinodinI | yaj~narUpA yaj~nabhoktrI yaj~nA~NgI yaj~narUpiNI || 77|| dIkShitA kShamaNA kShAmA kShitiH kShAntiH shrutiH smR^itiH | ekA.anekA kAmakalA kalpA kAlasvarUpiNI || 78|| dakShA dAkShAyaNI dIkShA dakShayaj~navinAshinI | gAyatrI gaganAkArA gIrdevI garuDAsanA || 79|| sAvitrI sakalAdhyakShA brahmANI brAhmaNapriyA | jagannAthA jaganmUrtiH jaganmR^ityunivAriNI || 80|| dR^igrUpA dR^ishyanilayA draShTrI mantrI chirantanI | vij~nAtrI vipulA vedyA vR^iddhA varShIyasI mahI || 81|| AryA kuhariNI guhyA gaurI gautamapUjitA | nandinI nalinI nityA nItirnayavishAradA || 82|| gatAgataj~nA gandharvI girijA garvanAshinI | priyavratA pramA prANA pramANaj~nA priyaMvadA || 83|| asharIrA sharIrasthA nAmarUpavivarjitA | varNAshramavibhAgaj~nA varNAshramavivarjitA || 84|| nityamuktA nityatR^iptA nirlepA niravagrahA | ichChAj~nAnakriyAshaktiH indirA bandhurAkR^itiH || 85|| manorathapradA mukhyA mAninI mAnavarjitA | nIrAgA niraha~NkArA nirnAshA nirupaplavA || 86|| vichitrA chitrachAritrA niShkalA nigamAlayA | brahmavidyA brahmanADI bandhahantrI balipriyA || 87|| sulakShaNA lakShaNaj~nA sundarabhrUlatA~nchitA | sumitrA mAlinI sImA mudriNI mudrikA~nchitA || 88|| rajasvalA ramyamUrtirjayA janmavivarjitA | padmAlayA padmapIThA padminI padmavarNinI || 89|| vishvambharA vishvagarbhA vishveshI vishvatomukhI | advitIyA sahasrAkShI virAD.hrUpA vimochinI || 90|| sUtrarUpA shAstrakarI shAstraj~nA shastradhAriNI | vedavidvedakR^idvedyA vittaj~nA vittashAlinI || 91|| vishadA vaiShNavI brAhmI vairi~nchI vAkpradAyinI | vyAkhyAtrI vAmanA vR^iddhiH vishvanAthA vishAradA || 92|| mudreshvarI muNDamAlA kAlI ka~NkAlarUpiNI | maheshvaraprItikarI maheshvara pativratA || 93|| brahmANDamAlinI budhnyA mata~NgamunipUjitA | IshvarI chaNDikA chaNDI niyantrI niyamasthitA || 94|| sarvAntaryAmiNI sevyA santatiH santatipradA | tamAlapallavashyAmA tAmroShThI tANDavapriyA || 95|| nATyalAsyakarI rambhA naTarAjapriyA~NganA | ana~NgarUpA.ana~NgashrIrana~NgeshI vasundharA || 99|| sAmrAjyadAyinI siddhA siddheshI siddhidAyinI | siddhamAtA siddhapUjyA siddhArthA vasudAyinI || 97|| bhaktimatkalpalatikA bhaktidA bhaktavatsalA | pa~nchashaktyarchitapadA paramAtmasvarUpiNI || 98|| aj~nAnatimirajyotsnA nityAhlAdA nira~njanA | mugdhA mugdhasmitA maitrI mugdhakeshI madhupriyA || 99|| kalApinI kAmakalA kAmakeliH kalAvatI | akhaNDA niraha~NkArA pradhAnapuruSheshvarI || 100|| rahaHpUjyA rahaHkelI rahaHstutyA harapriyA | sharaNyA gahanA guhyA guhAntaHsthA guhaprasU || 101|| svasaMvedyA svaprakAshA svAtmasthA svargadAyinI | niShprapa~nchA nirAdhArA nityAnityasvarUpiNI || 102|| narmadA nartakI kIrtiH niShkAmA niShkalA kalA | aShTamUrtiramoghomA nandyAdigaNapUjitA || 103|| yantrarUpA tantrarUpA mantrarUpA manonmanI | shivakAmeshvarI devI chidrUpA chittara~NgiNI || 104|| chitsvarUpA chitprakAshA chinmUrtirshchinmayI chitiH | mUrkhadUrA mohahantrI mukhyA kroDamukhI sakhI || 105|| j~nAnaj~nAtR^ij~neyarUpA vyomAkArA vilAsinI | vimarsharUpiNI vashyA vidhAnaj~nA vijR^imbhitA || 106|| ketakIkusumApIDA kastUrItilakojjvalA | mR^igyA mR^igAkShI rasikA mR^iganAbhisugandhinI || 107|| yakShakardamaliptA~NgI yakShiNI yakShapUjitA | lasanmANikyakaTakA keyUrojjvaladorlatA || 108|| sindUrarAjatsImantA subhrUvallI sunAsikA | kaivalyadA kAntimatI kaThorakuchamaNDalA || 109|| talodarI tamohantrI trayastriMshatsurAtmikA | svayambhUH kusumAmodA svayambhukusumapriyA || 110|| svAdhyAyinI sukhArAdhyA vIrashrIrvIrapUjitA | drAviNI vidrumAbhoShThI veginI viShNuvallabhA || 111|| hAlAmadA lasadvANI lolA lIlAvatI ratiH | lopAmudrArchitA lakShmIrahalyAparipUjitA || 112|| AbrahmakITajananI kailAsagirivAsinI | nidhIshvarI nirAta~NkA niShkala~NkA jaganmayI || 113|| AdilakShmIranantashrIrachyutA tattvarUpiNI | nAmajAtyAdirahitA naranArAyaNArchitA || 114|| guhyopaniShadudgItA lakShmIvANIniShevitA | mata~NgavaradA siddhA mahAyogIshvarI guruH || 115|| gurupriyA kulArAdhyA kulasa~NketapAlinI | chichchandramaNDalAntaH sthA chidAkAshasvarUpiNI || 116|| ana~NgashAstratattvaj~nA nAnAvidharasapriyA | nirmalA niravadyA~NgI nItij~nA nItirUpiNI || 117|| vyApinI vibudhashreShThA kulashailakumArikA | viShNuprasUrvIramAtA nAsAmaNivirAjitA || 118|| nAyikA nagarIsaMsthA nityatuShTA nitambinI | pa~nchabrahmamayI prA~nchI brahmAtmaikyasvarUpiNI || 119|| sarvopaniShadudgItA sarvAnugrahakAriNI | pavitrA pAvanA pUtA paramAtmasvarUpiNI || 120|| sUryenduvahninayanA sUryamaNDalamadhyagA | gAyatrI gAtrarahitA suguNA guNavarjitA || 121|| rakShAkarI ramyarupA sAtvikA sattvadAyinI | vishvAtItA vyomarUpA sadA.archanajapapriyA || 122|| AtmabhUrajitA jiShNurajA svAhA svadhA sudhA | nanditAsheShabhuvanA nAmasa~NkIrtanapriyA || 123|| gurumUrtirgurumayI gurupAdArchanapriyA | gobrAhmaNAtmikA gurvI nIlakaNThI nirAmayA || 124|| mAnavI mantrajananI mahAbhairavapUjitA | nityotsavA nityapuShTA shyAmA yauvanashAlinI || 125|| mahanIyA mahAmUrtirmahatI saukhyasantatiH | pUrNodarI havirdhAtrI gaNArAdhyA gaNeshvarI || 126|| gAyanA garvarahitA svedabindUllasanmukhI | tu~NgastanI tulAshUnyA kanyA kamalavAsinI || 127|| shR^i~NgAriNI shrIH shrIvidyA shrIpradA shrInivAsinI | trailokyasundarI bAlA trailokyajananI sudhIH || 128|| pa~nchakleshaharA pAshadhAriNI pashumochanI | pAShaNDahantrI pApaghnI pArthivashrIkarI dhR^itiH || 129|| nirapAyA durApA yA sulabhA shobhanAkR^itiH | mahAbalA bhagavatI bhavaroganivAriNI || 130|| bhairavAShTakasaMsevyA brAhmyAdiparivAritA | vAmAdishaktisahitA vAruNImadavihvalA || 131|| variShThAvashyadA vashyA bhakttArtidamanA shivA | vairAgyajananI j~nAnadAyinI j~nAnavigrahA || 132|| sarvadoShavinirmuktA sha~NkarArdhasharIriNI | sarveshvarapriyatamA svayaMjyotissvarUpiNI || 133|| kShIrasAgaramadhyasthA mahAbhujagashAyinI | kAmadhenurbR^ihadgarbhA yoganidrA yugandharA || 134|| mahendropendrajananI mAta~NgakulasambhavA | mata~NgajAtisampUjyA mata~NgakuladevatA || 135|| guhyavidyA vashyavidyA siddhavidyA shivA~NganA | suma~NgalA ratnagarbhA sUryamAtA sudhAshanA || 136|| khaDgamaNDala sampUjyA sAlagrAmanivAsinI | durjayA duShTadamanA durnirIkShyA duratyayA || 137|| sha~NkhachakragadAhastA viShNushaktirvimohinI | yogamAtA yogagamyA yoganiShThA sudhAsravA || 138|| samAdhiniShThaiH saMvedyA sarvabhedavivarjitA | sAdhAraNA sarojAkShI sarvaj~nA sarvasAkShiNI || 139|| mahAshaktirmahodArA mahAma~NgaladevatA | kalau kR^itAvataraNA kalikalmaShanAshinI || 140|| sarvadA sarvajananI nirIshA sarvatomukhI | sugUDhA sarvato bhadrA susthitA sthANuvallabhA || 141|| charAcharajagadrUpA chetanAchetanAkR^itiH | maheshvara prANanADI mahAbhairavamohinI || 142|| ma~njulA yauvanonmattA mahApAtakanAshinI | mahAnubhAvA mAhendrI mahAmarakataprabhA || 143|| sarvashaktyAsanA shaktirnirAbhAsA nirindriyA | samastadevatAmUrtiH samastasamayArchitA || 144|| suvarchalA viyanmUrtiH puShkalA nityapuShpiNI | nIlotpaladalashyAmA mahApralayasAkShiNI || 145|| sa~NkalpasiddhA sa~NgItarasikA rasadAyinI | abhinnA brahmajananI kAlakramavivarjitA || 146|| ajapA jADyarahitA prasannA bhagavatpriyA | indirA jagatIkandA sachchidAnandakandalI || shrIchakranilayA devI shrIvidyA shrIpradAyinI || 147|| phalashrutiH iti te kathito lakShmI nAmasArastavo mayA | shyAmalAyA mahAdevyAH sarvavashyapradAyakaH || 148|| ya imaM paThate nityaM nAmasArastavaM param | tasya nashyanti pApAni mahAntyapi na saMshayaH || 149|| trisandhyaM yaH paThennityaM varShamekamatandritaH | sArvabhaumo mahIpAlastasya vashyo bhaveddhuvam || 150|| mUlamantrajapAnte yaH paThennAmasahasrakam | mantrasiddhirbhavettasya shIghrameva varAnane || 151|| jagattrayaM vashIkR^itya sAkShAtkAmasamo bhavet | dine dine dashAvR^ittyA maNDalaM yo japennaraH || 152|| sachivaH sa bhaveddevi sArvabhaumasya bhUpateH | ShaNmAsaM yo japennityaM ekavAraM dR^iDhavrataH || 153|| bhavanti tasya dhAnyAnAM dhanAnAM cha samR^iddhayaH | chandanaM ku~NkumaM vApi bhasma vA mR^iganAbhikam || 154|| anenaiva trirAvattyA nAmasAreNa mantritam | yo lalATe dhArayate tasya vaktrAvalokanAt || 155|| hantumudyatakhaDgo.api shatrurvashyo bhaveddhruvam | anena nAmasAreNa mantritaM prAshayejjalam || 156|| mAsamAtraM varArohe gAndharvanipuNo bhavet | sa~NgIte kavitAyAM cha nAsti tatsadR^isho bhuvi || 157|| brahmaj~nAnamavApnoti mokShaM chApyadhigachChati | prIyate shyAmalA nityaM prItA.abhIShTaM prayachChati || 158|| || iti saubhAgyalakShmIkalpatAntargate lakShmInArAyaNasaMvAde aShTasaptitame khaNDe shrIshyAmalAsahasranAmastotraM sampUrNam || mAta~NgI mAtarIshe madhumathanAsadhite mahAmAye | mohini mohapramathini manmathamathanapriye varA~Ngi mAta~Ngi || yatijana hR^idayanivAse vAsavavarade varA~Ngi mAta~Ngi | vINAvAda vinodini nAradagIte namo devi || ## Proofread by DPD, NA \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}