%@@1
% File name             : shriistuti.itx
%--------------------------------------------
% Text title            : shrIstutiH
% Author                : venkaTeshArya
% Language              : Sanskrit
% Subject               : philosophy/hinduism/religion
% Description/comments  : 
% Transliterated by     : WebD
% Proofread by          : Ravin Bhalekar ravibhalekar@hotmail.com
% Latest update         : July 09, 2004
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://www.alkhemy.com/sanskrit/
% http://sanskrit.bhaarat.com
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. shrIstutiH ..}##
\itxtitle{.. shrIstutiH ..}##\endtitles ##
shrIgaNeshAya namaH |
mAnAtItaprathitavibhavAM ma~NgalaM ma~NgalAnAM vakShaHpIThaM
madhuvijayino bhUShayantIM svakAntyA |
pratyakShAnushravikamahimaprArthinInAM prajAnAM
shreyomUrtiM shriyamasharaNastvAM sharaNyAM prapadye || 1||
AvirbhAvaH kalashajaladhAvadhvare vA.api yasyAH
sthAnaM yasyAH sarasijavanaM viShNuvakShaHsthalaM vA |
bhUmA yasyA bhuvanamakhilaM devi divyaM padaM vA
stokapraj~nairanavadhiguNA stUyase sA kathaM tvam || 2||
stotavyatvaM dishati bhavatI dehibhiH stUyamAnA
tAmeva tvAmanitaragatiH stotumAsha.nsamAnaH |
siddhArambhaH sakalabhuvanashlAghanIyo bhaveyaM
sevApekShA tava charaNayoH shreyase kasya na syAt || 3||
yatsa~NkalpAdbhavati kamale yatra dehinyamIShAM
janmasthemapralayarachanA ja~NgamAja~NgamAnAm |
tatkalyANaM kimapi yaminAmekalakShyaM samAdhau
pUrNaM tejaH sphurati bhavatIpAdalAkShArasA~Nkam || 4||
niShpratyUhapraNayaghaTitaM devi nityAnapAyaM viShNustvaM
chetyanavadhiguNaM dvandvamanyonyalakShyam |
sheShashchittaM vimalamanasAM maulayashcha shrutInAM
sampadyante viharaNavidhau yasya shayyAvisheShAH || 5||
uddeshyatvaM janani bhajatorUjjhitopAdhigandhaM
pratyagrUpe haviShi yuvayorekasheShitvayogAt |
padme patyustava cha nigamairnityamanviShyamANo
nAvachchhedaM bhajati mahimA nartayana mAnasaM naH || 6||
pashyantIShu shrutiShu paritaH sUrivR^indena sArdhaM
madhyekR^itya triguNaphalakaM nirmitasthAnabhedam |
vishvAdhIshapraNayinI sadA vibhramadyUtavR^ittau
brahmeshAdyA dadhati yuvayorakShashAraprachAram || 7||
asyeshAnA tvamasi jagataH sa.nshrayantI mukundaM
lakShmIH padmA jaladhitanayA viShNupat{}nIndireti |
yannAmAni shrutiparipaNAnyevamAvartayanto
nAvartante duritapavanaprerite janmachakre || 8||
tvAmevAhuH katichidapare tvatpriyaM lokanAthaM
kiM tairantaHkalahamalinaiH ki~n{}chiduttIrya magnaiH |
tvatsamprItyai viharati harau sammukhInAM shrutInAM
bhAvArUDhau bhagavati yuvAM dampatI daivataM naH || 9||
ApannArtiprashamanavidhau baddhadIkShasya
viShNorAchakhyustvAM priyasahacharImaikamatyopapannAm |
prAdurbhAvairapi samatanuH prAdhvamanvIyase tvaM
dUrotkShiptairiva madhuratA dugdharAshestara~Nge || 10||
dhatte shobhAM harimarakate tAvakI mUrtirAdyA
tanvI tu.ngastanabharanatA taptajAmbUnadAbhA |
yasyAM gachchhantyudayavilayairnityamAnandasindhA\-
vichchhAvegollasitalaharIvibhramaM vyak{}tayaste || 11||
Asa.nsAraM vitatamakhilaM vA~NmayaM
yadvibhUtiryad{}bhrUbha~NgAtkusumadhanuShaH ki~Nkaro merUdhanvA |
yasyAM nityaM nayanashatakairekalakShyo mahendraH
padme tAsAM pariNatirasau bhAvaleshaistvadIyaiH || 12||
agre bhartuH sarasijamaye bhadrapIThe
niShaNNAmambhorAsheradhigatasudhAsamplavAdutthitAM tvAm |
puShpAsArasthagitabhuvanaiH puShkalAvartakAdyaiH
klR^iptArambhAH kanakakalashairabhyaShi~n{}changajendrAH || 13||
Alokya tvAmamR^itasahaje viShNuvakShaHsthalasthAM
shApAkrAntAH sharaNamagamansAvarodhAH surendrAH |
labdhvA bhUyastribhuvanamidaM lakShitaM tvatkaTAkShaiH
sarvAkArasthirasamudayAM sampadaM nirvishanti || 14||
ArtatrANatravratibhiramR^itAsAranIlAmbuvAhai\-
rambhojAnAmuShasi miShatAmantara~NgairapA~Ngai |
yasyAM yasyAM dishi viharate devi dR^iShTistvadIyA
tasyAM tasyAmahamahamikAM tanvate sampadoghAH || 15||
yogArambhatvaritamanaso yuShmadaikAntyayuk{}taM dharmaM
prAptuM prathamamiha ye dhArayante.adhanA yAm ||
teShAM bhUmerdhanapatigR^ihAdambudhervA prakAmaM dhArA
niryAntyadhikamadhikaM vA~nchhitAnAM vasUnAm || 16||
shreyaskAmA yamalanilaye chitramAm{}nAyavAchAM
chUDApIDaM tava padayugaM chetasA dhArayantaH |
chhatrachchhAyAsubhagashirasashchAmarasmerapArshvAH
shlAghAshabdashravaNamuditAH sragviNaH sa~n{}charanti || 17||
UrIkartuM kushalamakhilaM jetumAdInarAtIn
dUrIkartuM duritanivahaM tyak{}tumAdyAmavidyAm |
amba stambAvadhikajananagrAmasImAntarekhAmAlambante
vimalamanaso viShNukAnte dayA te || 18||
jAtAkA.nkShA janani yuvayorekasevAdhikAre
mAyAlIDhaM vibhavamakhilaM manyamAnAstR^iNAya |
prItyai viShNostava cha kR^itinaH prItimanto bhajante
velAbha~NgaprashamanaphalaM vaidikaM dharmasetum || 19||
seve devi tridashamahilAmaulimAlArchitaM te
siddhikShetraM shamitavipadAM sampadAM pAdapadmam |
yasminnIShannamitashiraso yApayitvA sharIraM
vartiShyante vitamasi pade vAsudevasya dhanyAH || 20||
sAnuprAsaprakaTitadayaiH sAndravAtsalyadigdhairamba
snigdhairamR^italaharIlabdhasabrahmacharyaiH |
gharme tApatrayavirachite gADhataptaM kShaNaM
mAmAki~n{}chanyaglapitamanadhairAdriyethAH kaTAkShaiH || 21||
sampadyante bhavabhayatamIbhAnavastvatprasAdAdbhAvAH
sarve bhagavati harau bhak{}timudvelayantaH |
yAche kiM tvAmahamiha yataH shItalodArashIlA
bhUyo bhUyo dishasi mahatAM ma~NgalAnAM prabandhAn || 22||
mAtA devi tvamasi bhagavAnvAsudevaH pitA me
jAtaH so.ahaM janani yuvayorekalakShyaM dayAyAH |
datto yuShmatparijanatayA deshikairapyatastvaM kiM te
bhUyaH priyamiti kila smeravakrA vibhAsi || 23||
kalyANAnAmavikalanidhiH kA.api kAruNyasImA
nityAmodA nigamavachasAM maulimandAramAlA |
sampaddivyaH madhuvijayinaH sannidhattAM sadA
me saiShA devI sakalabhuvanaprArthanAkAmadhenuH || 24||
upachitagurubhak{}terutthitaM ve~NkaTeshAtkali\-
kaluShanivR^ittyai kalpyamAnaM prajAnAm |
sarasijanilayAyAH stotrametatpaThantaH
sakalakushalasImA sArvabhaumA bhavanti || 25||
|| iti shrIve~NkaTeshAryavirachitA shrIstutiH sampUrNA ||
##

Proofread by Ravin Bhalekar ravibhalekar@hotmail.com
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}