% Text title : shAradAstutiH 4 % File name : shAradAstuti.itx % Category : devii, sarasvatI, devI % Location : doc\_devii % Author : Kukke. Subrahmanyashastri % Transliterated by : DPD % Proofread by : DPD % Description/comments : From Maharaja Sanskrit Mahapathashala patrika p. 39-44 % Latest update : August 28, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shAradAstutiH ..}## \itxtitle{.. shAradAstutiH ..}##\endtitles ## shrIshAradAmbAyai namaH | kalyANamUrtiH karuNAlavAlA kalAdharottaMsakirITakoTiH | kalAvatI kA~NkShitakalpavallI karotu kalyANaparamparAM naH || 1|| chakrIkR^itollochashiraHphaNIndraphaNAmaNIbhAsuratUlikADhye | shrImaMTapAntarmR^igarAjapIThe vidyotate naH kulabhAgadheyam || 2|| j~neyaM munIndraishchirayogasiddhaissavinmayaM tatparadevatAyAH | lIlAgR^ihitaM yadupAsakAnAM dhyayopalabdhyai vivR^iNomi rUpam || 3|| shR^iNomi vAchaM yadi lochanena pashyAmi chetpAdatalena rUpam | pAsyAmi cheda~njalinA mahAbdhiM kalpeya devyA guNavarNanAya || 4|| tathApi vAchaMyamasArvabhaumakR^ipAlavAlAptavachobhirambAm | stoShyAmi ki~nchitpratibhAtadR^iShTashrutAnubhUtoruguNapravAhaiH || 5|| ratnAvajIkarburitendurekhApariShkR^itAnarghyakirITakoTim | lAvaNyavApIpulinAyamA na lalATakhelachchikurAlichakrAm || 6|| unnidrachAmpeyaparAgagandhi madhuvratashrImadarAlakeshIm | bhogIndrabhogopamanIlaveNI viShaktachUDAmaNinAgapAlIm || 7|| lAvaNyakulyAyitashoNakAnti sImantarekhAgrachalallalantIm | bhrUchApasaMyojitamArabANanibhAkShilakShIkR^itadhAtR^ivaktrAm || 8|| pravarShShakAmbhodharakIryamANavarShopalaspardhikaTAkShavIkShAm | hIraprabhAbhAsurachampakAbhanAsAgravisphArimaNipravekAm || 9|| vikasvarAmbhoruhakesarAbharadAMshusanmishritamugdhahAsAm | radachChadApATalakundakoshamAlA pratispardhishitAgradantAm || 10|| varNAvalIvAdanashoNaratna koNAyamAnAgravilolajihvAm | kapolapAlImaNidarpaNAntaH sphuratprabhAvimbitakarNapUrAm || 11|| visR^itvarasmeramukhendubimba jyotsnAsudhApInajagachchakorAm | vipa~nchikA~nchatkalanAdabha~NgI vibhAvanAmodavilolavaktrAm || 12|| vakrAbjanAlapratimAna kaNThamR^iNAla kANDAyita harihArAm | rekhAtrayIsUchita bhartR^ibhAgyamA~Ngalya sUtrA~nchita kambuka~nThIm || 13|| oShThaprabhAlaktakarUShita shrIkausheyakUrpAsapinaddhavakShAm | suvR^ittamuktAvali kA~NkShyamANastanyAmR^itApIna kuchAbjakoshAm || 14|| chirAgatAneka sutAvaloka srutastana kShIrakaNArdrahArAm | abhaShTidAna prathitAmaradru shAkhAyamAnAM salabAhupAshAm || 15|| shANopalollIDha maNipraveka keyUravallIvalayA~NgulIyAm | prapannalokAbhayadAna mudrApustAkShamAlAM kushapAshahastAm || 16|| vaiDUryashoNopalahIra nIlapratyupta hemA~Ngadaka~NkaNADhyAm | tATa~Nka shoNopala bIjapUra bIjabhramotkaNThakarAgrakIrAm || 17|| ApInavakShoruhabhAra bhugnavalitrayIpAta pinaddhamadhyAm | suvarNa kA~nchImaNisUtranaddhasparshAnumeyAmbaragUDhagaChChAm || 18|| ratna pravekA~nchitanUpurAgra maNiprabhApi~njara pAdapadmAm | sharatprasannendu kalAbhirAma nakhAMshuvidrAvitahArdatApAm || 19|| prataptajAmbUnada kAyakAntichChaTApi sha~NgIkR^itasaudhamAlAm | shR^ityanta sImAnta vibhAga rekhApramANadaNDAyitagAtrayaShTim || 20|| shItAMshutArAli tuShArahIra nibhottarAsa~NgasamR^iddhashobhAm | sarvaj~natAdhyApana labdhavarNaprasAdadAnA dR^itapakShyalAkShi || 21|| jagatrayApatyasapIti modaparyAsavakShoruha pUrNakumbhAm | lokatrayI saMvananaprayukta yantropamAsachenavaktrabimbAm || 22|| sAMsiddhikAgantuka kAntipUratara~Ngari~NgattaralAgashobhAm | nijA~Nga saMsargavisheSharamyadukUla ratnAbharaNa prasUnAm || 23|| pUrNendu kallolitadugdha sindhuphenAyamAnAmbavara saMvR^itA~NgI | bhedabhramonmUlanadakShatatva vij~nAnamudrA~nchitapANipadmAm || 24|| mR^iNAlasUtrIvishadopavIta muktAkShamAlAkanakAluramyAm | bhrUvallarIkomalarundakalpa kAshmIrapa~NkArdratamAlapatrAm || 25|| sindUrapAlI suShumAnuSha~Nga kimmIrakAlAgaruchaitrakADhyAm | vira~nchinetrAShTakapIyamAna saundaryapIyUShamukhendulakShmIm || 26|| dhyAnAyana yachchajagadgurUNA kShemAyanaM bhaktiparAyaNAnAm | rasAyanaM dhAtR^ivilochanAnAmekAyanaM nashsharaNAgatAnAm || 27|| bhaktAvalImAnasarAjahaMsI shrIchakrarAjAshritadivyamUrtim | shrIshR^i~NgashailendravihAralolAM shrIshAradAmbAM satataM smarAmi || 28|| shrIharImatImandavakhaNDachUDaH dayArasallinnavilochanAntAm | chakorasAhityanidAnavaktrAM smarAmi bhakteShTadakalpavallIm || 29|| tAlIpalAshA~nchitakarNajAhA kAshmIrarekhojjvalaphAlamUlA | nishAhvayAchUrNavimR^iShTagaNDA dhAtuHpurandhrI hR^idi sannidhattAm || 30|| pratiShThitAM shrIgurusha~NkarAryaiH samarchitA saMyamisArvabhaumaiH | tapobhireShAM susamiddhashaktiM sthAne shrutistvAM gurumUrtimAha || 31|| nArAyaNorasthalagehinIti viri~nchivakrAbjakuTumbinIti | shrIkaNThavAmA~NgavashaMvadeti yathAbhilAShaM samupAsate tvAm || 32|| shrutvA svarAsi prakR^itiH padeShu vAkyeShu hetuH pramitiH pramANe | kriyAphalA tatpratibhUstvameva sarvAtmanA vyApya vibhAsi vishvam || 33|| kalyA pradugdhe chaturaH pumarthAn hiMsA cha ghorA muShatI vidhatte | shaktidvayI te.amba nisargasiddhA navAsbudasyeva suvR^iShTivajre || 34|| yA te pratiShTheti kalA prasiddhA bhUmau yayA vyAptamidaM samagram | tayaikayA vishvamidaM bibharShi vishvambharAM tvAM hR^idi bhAvayAmi || 35|| mAtashchatuShShaShTikalAbhiretachcharAcharaM vishvamanupravishya | tvameva tachchetayasIha sarvachaitanyarUpAM sharaNaM prapadye || 36|| vidyetyavidyeti cha yatsvarUpe mokShAya bandhAya cha hetubhUte | lIlA tavaivAmba nachetkutAvo tamaHprakAshau sahayoginau staH || 37|| yAshshaktayassargavidhau vidhAturuchchAvachAH kAraNatAM prasannAH | tAsAM parAsAM cha samaShTirUpAmambAmahaM bhAvanayA.avalambe || 38|| avyAkR^itaM pUrvamidaM samagraM tattadvisheShagrahaNAya nAmnA | tadvyAkarostvaM vachasAM savitri tattvAM vinA chetayate na ki~nchit || 39|| R^ichA nuvAkena cha sAmashastrairvidhiprayogAn vividhAnvidhAya | dadAsi lokadvayasaukhyameShAM tAM vA~NgamayIM shAntikalAmupAse || 40|| sudhAsavarNAM taruNAruNAbhAmArAdhya kechidvR^iNute svakAmAn | juShanti bhogAnvihitAn tvayaiva te va~nchitAstvanmahimAnabhij~nAH || 41|| saMvinmayIM tvAM samupAsate ye saMvitsvarUpAH khalu te bhavanti | shraddhAmayoyaM puruShashrutashcha kITo.api peshaskaratAM prayAti || 42|| sevAlasohaM na cha kAmakAmI sevArthinI tvaM nahi pUrNakAmA | naivAvayossevakasevyabhAvastadbhedahAnau kimushiShyate sA || 43|| brahmAhamasmIti nidasharyantu gaveShitaM tairapi tAvadeva | tasyApi chaitanya mupAnayantI chidrUpiNIM tvAmahamityavaimi || 44|| dayAmbudhiM tvAM jananIti matvA vidhUyagarvAjjananItimamba | atyAcharaM dharmapathaM cha mUDho mAmuddhareti pralapannalajje || 45|| tvatpAdapa~NkeruhadAsamenaM naivapratIkartumalaM surA vA | iti pramattaH karavANi pApaM yashastvakIyaM parirakSha mA vA || 46|| na prArthitAmeva surarAjalakShmIrnavA~nChitaM vA bhuvanAdhipatyam | iyanmayA prIyitameva dehi tavAmba pAdAmburuhasya dAsyam || 47|| bAlasya mUkasya jaDasya chApi dayAmburAro dayase tvamamba | mAmaDemUkaM samupekShase kiM vishR^i~NkhalA te prabhutA dharitryAm || 48|| mAturdayApAtramahaM bhaveyaM parutparAryaiShama ityavekShya | iyanti varShANyativAhitAni phale vilambaH kimabhAvavAdaH || 49|| anugrahaM vA mayi nigrahaM vA yatkartukAmAsi kuruShva tUrNam | dvayepi tasminvihite tvayaikaH sUtetrivargantvaparopavargaH || 50|| tvayyarpite karmaNi tatphale cha mAMmAvikuryAditi nivvR^itepi | sA vAsanA mAM najahAti kiM tat tvayA gR^ihItannu samujjhitaM nu || 51|| upAsanAbhirdaharAtmavidyAvisheShAvaj~nInanivartitAbhiH | prINAsichettvaM tadabodhayantyA tvayaiva mAtarnanu va~nchitAssmaH || 52|| gurUpadeshairnigamAvabodhaissatAM charitrairmanasaH prasAdaiH | nishchaprachante karuNAmayI tvaM kathaM mR^iShodyaM taditi pratImaH || 53|| nApekShase tvaM vidhivatsaparyAM na yogasiddhiM na dR^iDhAM cha bhaktim | sakR^itpraNAmA~njalinaiva tuShTA tanoShi kalyANaparamparAM naH || 54|| smR^itApi tApatrayadAriNIti kR^itAparAdhepi dayAmayIti | matvA sharaNyAM sharaNAgatohamIdR^igguNAnyA kva cha vA vadAnyA || 55|| shoNAshmanIkAshatanuprakAshAM vikoshitashyAmakusheshayAkShIm | dishAmaheshAshritapAdadeshAM smarAmi kAmeshvarakoshanAthAm || 56|| eNInibhAkShIM karuNAmburAshidroNIkR^itApA~NgajharIM purANIm | shroNItaTAlambitachAruveNIM vANIM bhaje mohalatAkR^ipANIm || 57|| vITIrasApATaladantavATI cheTIkR^itAsheShasuparvakoTI | pATIragaurA trijagannaTIyamATIkatAM chetasi vAgvadhUTI || 58|| karAgrasaMlAlitarAjakIrAn prAlambimuktAphalatArahArAn | girAMvidUrAnnigamAntasArAn samAshrayAmo vidhidharmadArAn || 59|| shrIshAradeti chaturAsyakuTumbinIti vAgvAdinIti varadeti cha nAmapa~Nktau | ekaikameva nikhilArthakaraM tadanyadAmreDitaM hi charitArthapadeShu rUDham || 60|| bAlArkapATalamarIchalasaddukUlA lIlAsmitadviguNamauktikaramyamAlAm | velAtilanghitadayormilanetrakhelAM bAlAM namAmi kuTilAlakashobhiphAlAm || 61|| dhAtrI samastajagatAM duritAbdhiyAnapAtrI samagranigamAntagirAM savitrI | dAtrI trivargavibhavasya dayAsudhAyAH pAtrIkarotu hR^idi mAM sukR^itasya goptrI || 62|| abhyarchitAsi vinutAsinatAsi mAtaruShTrAsikAMsamavalambyanirIkShitAsi | jAnAsi mAmasharaNaM phaladAsi nUnaM kAle dayasva samayAptaphalaM sakhAya || 63|| nikhilabhuvanarakShA dakShiNA nekShase mAM vyavahitanikaTasthA na pralApaM shR^iNoShi | mayi nanu kuladAse yadyupekShAM kR^iShIShTAH bhavatu mama hi chetastvasmR^itiM naiva jahyAt || 64|| sarasalalitasUktaiH phullamallImatallI vigalitamakaradasphAramAdhuryasiktaiH | kR^itanutirativelaM jAtachetaHprasaktiH shR^itivitatisavitrI shAradAM saMsmarAmi || 65|| iti kukke\. subrahmaNyashAstrIvirachitA shAradAstutiH sampUrNA | ## Encoded and proofread by DPD \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}