%@@1 % File name : shAradA300.itx %-------------------------------------------- % Text title : shAradA trishati % Author : Gangadharamakhin % Translation by : % Language : Sanskrit % Subject : hinduism/religion % Description/comments : % ## The above text, along with the ambikAtrishatI and kamalAtrishatI, % forms a triad of hymns to Devi, Lakshmi and Sarasvati, in the same % codex, composed by the poet Gangadharamakhin; hymns of this % type in AryA metre are inspired by and bear the patent influence % of the AryAdvishatI (lalitAstavaratnam.h) of Sage Durvasa and % the AryAshatakam.h in the pa~nchashatI of Mukakavi. The verbal % echoes of the latter are indeed too marked in the above text. ## % Transliterated by : Sridhar Seshagiri seshagir@egr.msu.edu % Translated by : % Proofread by : Sridhar Seshagiri seshagir@egr.msu.edu % Latest update : July 14, 2003 % Send corrections to : sanskrit@cheerful.com % % Special Instructions: % i1h.hdr,ijag.inc,itrans.sty,multicol.sty,iarticle.sty % Transliteration scheme: ITRANS 5.2 % Site access : % http://sanskrit.gde.to % http://sanskrit.bhaarat.com See the document project %----------------------------------------------------- % The text is to be used for personal studies and research only. % Any use for commercial purpose is prohibited as a 'gentleman's' % agreement. % @@2 % % Please ignore the following commands upto #indian and others with % \ mark, % which are needed for devanaagarii output and formatting. %-------------------------------------------------------- %-------------------------------------------------------- %-------------------------------------------------------- \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=10pt \let\usedvng=\normaldvng \pagenumbering{itrans} \def\twocol{\begin{multicols}{2}} \def\engtitle#1{\hrule\medskip\centerline{\large #1}} \def\itxtitle#1{\medskip\centerline{\hugedvng #1}\medskip\hrule} \def\endtitles{\medskip\twocol\obeyspaceslines} \newfont{\csroman}{putr8i at 9pt} \newfont{\csromani}{putri8i at 9pt} #romanifm=romancsx.ifm #romanfont=\csroman %% \begin{document} \engtitle{.. shAradAtrishatI ..}## \itxtitle{.. shAradAtrishatI ..}##\endtitles ## gaN^gAdharamakhivirachitA . paramAbharaNa.n dhAturvadanAmbhojasya shAradA devI . yA rAjati jananI sA lasatu sadA suprasannA naH .. 1.. sA shAradA prasannA rAjati mama mAnase nityam . yA shAradAbjavadanA jananI kIrtyA hi sarvalokAnAm .. 2.. sa.npad divyA dhAtuH khyAtA sA shAradA devI . yadbhajana.n devAnAmapi tattvaj~nAnada.n vidurvibudhAH .. 3.. sarasakavitAvibhUtyai yatpadamArAdhyate visheShaj~naiH . sA shAradA shriyai naH kAle sarvaprasannAtmA .. 4.. nIlAravindalochanayugalA sA shAradA devI . karakamalakalitavINA sadA prasannA shriyaiH vaH syAt ..5.. kalaye tAmahamanisha.n phullAbjavilochanA.n vANIm . yA sR^iShTyAdau sAhya.n kalayati dhAturjaganmAtA .. 6.. yasyA lIlAlolaH padmAsanago.api vedapATharataH . tAmahamatulAnandaprAptyai kalaye manaHpadme .. 7.. brahmANa.n tA.n vANImekAsanabhAsurA.n shriyaH prAptyai . ArAdvilokya mAnasamAnandarasa.n para.n bhajate .. 8.. muktAmaye vimAne padmAsanayantrikAmadhye . dR^ishyA.n vANI.n devI.n seve sa.ntatasukhaprAptyai .. 9.. bhAgyAnmama cha kavInA.n sA devI dR^ishyatAmeti . vINApustakahastA yA kamalAsanapurandhrI hi .. 10.. mAmakamAnasakIra.n badhnIyAshcharaNapa~njare mAtaH . tena mama janmalAbhaH stotra.n cha tava prakAmakalitArtham .. 11.. sa.nvitprarohakalikAprAptyai tA.n naumi shAradA.n devIm . yA kila kavIshcharANAmadhinetrI kAvyakalanAdau .. 12.. bhaktAnA.n jihvAgra.n si.nhAsanamAdarAd vANI . kalayanti nR^ityati kila tatastu tannUpuraninAdaH .. 13.. ma~njulaphaNitijharIti pragIyate diktaTe rasikaiH . prAtaHphullapayoruhamarandarasakelidhUrvahA kAle .. 14.. durvAragarvadurmatidurarthanirasanakalAnipuNAH . mAtastava pAdayoruhasevAdhanyatA.n prAptAH .. 15.. nIchA mama tu manIShA tathApi tava nutikalApravR^itto.asmi . amba tava tatra hetuH kR^ipA.n para.n buddhidA jayati .. 16.. vidhidayite tava mAtaH stutau na shaktA api tridashAH . kShantavyamatra dayayA mama chApalya.n tava stotre .. 17.. shukavANImiva mAtarnirarthakA.n madvachobhaN^gIm . sadasi shR^iNoShi dayayA tat tava chottamapadavyaktyai .. 18.. paradevate prasIda prANeshvari dhAturamba mama vANIm . kR^ipayA tava nutiyogyA.n tvannUpuraninadaramyarasagumphAm .. 19.. sarvaj~natva.n sa.npadamathavAnyA.n prAptumatra tava mAtaH . tava charaNakamalametachchharaNa.n nAnyA gatirdR^iShTA .. 20.. mandadhiyA svalpApi stutiramba nirarthakApi rasahInA . kalitA chet tava kR^ipayA tadeva sadasIDita.n bhAti .. 21.. kuNThIkarotu vipada.n chAj~nAna.n durgati.n vANi . tava charaNakamalasevAdaro janAnA.n kalau kAle .. 22.. vIrashrIrvidvachchhrIrjayashriyo vAmarairmAnye . tava pAdAmbujasevAdareNa sidhyanti nAnyathA loke .. 23.. karuNArasavarShiNi te charaNasarojadvaya.n nidhehi mama . mastakatale vidAritajarAdika.n sapadi janma sArtha.n me .. 24.. shraddhA.n medhA.n sa.npadamanyAmamarendramAnanIyA.n hi . dayayA vidhehi kAle bhaktAnA.n nastvadekasharaNAnAm .. 25.. preyasi dhAturjagatA.n parameshvari vANi mAtaramba nanu . tava nAmAni phaNantastridashaiH saha yAnti yAnena .. 26.. tava nAma yasya jihvAN^gaNe vishuddha.n kShaNa.n sphurati . sa hi vandyastridashairapi vigalitapApaH pare loke .. 27.. natanAkIshvaravanitAmaulisraggalitamakarandaiH . snigdhapadAmbujayugalA vANI devI shriyo hi lasati parA .. 28.. viduShAmapi tuShTikara.n navanavarasagumphana.n kavitva.n tu . yatkaruNAvIkShaNato sidhyati tA.n shAradA.n vande .. 29.. amba prasIda parama.n mAyAmetA.n nirasya natibhAjaH . mama sa.nvidhehi madhurA.n vAcha.n tava nutikalArhA.n cha .. 30.. vANI mAtA jagatA.n vANIpustakakarAmbhojA . ha.nsAshritA hi namatA.n shreyaHsidhyai prasannA naH .. 31.. shlAghyA sa.npatkAle vaiduShya.n vA yadIyavIkShaNataH . sidhyantyapi devAnA.n tA.n vande shAradA.n devIm .. 32.. vidyAdAnakarIya.n kamalAsanapuNyaparipAkaH . mama manasi sa.nnidhattA.n divyaj~nAnAdisidhyai hi .. 33.. divyaj~nAna.n dayayA vidhehi mAtarmahAsAram . tenaiva te tu kIrtirdAnaphala.n nashcha janmasAphalyam .. 34.. dvAdashabIjAkSharagA.n mantroddhArakriyAshaktim . vANI.n vidhestu patnI.n madhye pashyAmi bimbamadhyasthAm .. 35.. ravikoTitejasa.n tA.n sarasvatI.n tryakSharakriyAshaktim . aNimAdidA.n prasannAmambA.n pashyAmi padmamadhyagatAm .. 36.. jagadIshvari bhArati me prasIda vANi prapannAya . ahamapi kutukAt tava nutikalane.ashaktashcha mandadhiShaNashcha .. 37.. munijanamAnasapeTIratna.n dhAturgR^ihe ratnam . vANIti divyaratna.n jayati sadA kAmadhuk kAle .. 38.. aj~nAnavyAdhihara.n tadauShadha.n shAradArUpam . yaH pashyati sa hi loke parAtmane rochate kAle .. 39.. kamalAsananayanaphala.n sR^iShTyAdikalAsamAsaktam . vANIrUpa.n tejaH sphurati jagachchhreyase nityam .. 40.. ha.nsagati.n tAmambAmambhoruhalochanA.n vande . tilakayati yA gurUNA.n jihvAsi.nhAsana.n vANI .. 41.. vANi taraN^gaya lochanavIkShaNashailI.n kShaNa.n mayi bhoH . mama janma labdhavibhava.n tena bhavennaiva te hAniH .. 42.. padmAsanena sAka.n kAle vANI samAsanA jayati . kuchakalashanamitadehA kurvantI bhadrasa.ntati.n namatAm .. 43.. vyAtanvAnA vANI kavIshvarANA.n manoj~navachanajharIm . jayati vidhisukR^itasa.ntatipariNamitamAlA budhairvandyA .. 44.. kamalasuShamAN^gayaShTiH sA devI jayati padmamadhyatale . shatabIjAkSharalasita.n dikpatikR^itarakShaka.n cha merumukham .. 45.. vANIyantra.n vibudhairmAnya.n yogAsanAbdhIndum . hrImakSharamukhamAdya.n prAktaTakalita.n cha padmamadhyatale .. 46.. tanmeruchakrarUpa.n samAdhidR^ishya.n cha lokavedya.n cha . saiShAshritya tadetad rAjati rAjIvalochanA vANI .. 47.. ha.nsAshritagativibhavA mandasmerA tamonihantrI cha . madhurataravAN^nigumphA vINApustakakarAmbhojA .. 48.. vINAvAdanarasikA namatAmiShTArthadAyinI vANI . dhAturnayanamahotsavakalikA kuryAchchhubha.n jagatAm .. 49.. tApi~nchharamyadehashrIreShA kavisamAjanutA . aShTaishvaryAdikalAdAne dattekShaNA jayati .. 50.. sR^iShTyAdau vidhilikhita.n vANI saiShA hi chAnyathAkartum . nAkaukasAmapIha prabhavati kalitapraNAmAnAm .. 51.. yaH pashyati tAmetA.n vANI.n puruSho hi dhanyatAmeti . ya.n pashyati saiShAya.n nitarA.n dhanyo nR^ipeDitaH kAle .. 52.. kabalitatamaHsamUhA vANI saiShA hi vijayate jagati . apunarbhavasukhadAtrI viri~nchimukhalAlitA kAle .. 53.. kamalAsanamukhakamalasthirAsanA.n shAradA.n vande . yannAmochcharaNakalAvibhavAt sarvaj~natA niyatam .. 54.. bhavaparamauShadhametadvANIrUpa.n sadArAdhyam . kamalAsanalochanagaNasarasakrIDAspada.n jayati .. 55.. nArIva.nshashikhAmaNireShA chintAmaNirnatAnA.n hi . dhAtR^igR^ihabhAgadheya.n dhyeya.n sadbhiH shriyaH samR^iddhyai naH .. 56.. janani bhuvaneshvari tvA.n vANI.n vande kavitvarasasiddhyai . tva.n tu dadAsi hi dayayA mama mandasyApi vAgjharIrmadhurAH .. 57.. etena tava tu kIrtermahimA sa.ngIyate dishA.n valaye . ki.nnaravargairamarIkanyAbhiH kalpavR^ikShamUlatale .. 58.. kavimallasUktilaharIstanvAnA shAradA jayati . vidhikelisadanaha.nsI kalyANaikasthalI namatAm .. 59.. sphuratu mama vachasi vANi tvadIyavaibhavasudhAdhArA . nitya.n vyakti.n prAptA dhutanatajanakhedajAlakA mahatI .. 60.. vANi tava stutiviShaye buddhirjAtA hi me sahasA . tena mama bhAgadeya.n pariNatimityeva nityasa.ntuShTaH .. 61.. sR^iShTikalAmaNDanabhUreShA vANI jagajjananI . AlokamAtravashatastamaso hantrI cha sa.npadA.n jananI .. 62.. pauruShalopavidhAtrI dhAturiya.n kamalakomalAN^galatA . vasatu sadA jihvAgre divyaj~nAnapradA devI .. 63.. pratidinaduritanihantrI padmAsananayanapuNyaparipAkaH . kavitAsa.ntAnakalAbIjaN^kuravardhinI jayati .. 64.. kShaNavIkShaNena mAtA lakShmI.n pakShmalayati praNate . vedhasi suratamahotsavasa.nketatalapradarshinI kAle .. 65.. shR^iN^gAravibhramavatA nIlotpalakAntichAturIsupuShA . vANInetreNa vidhirjito.abhavat so.api satatakR^itavedaH .. 66.. shyAmA kaTAkShalaharI mAturjayatIha sa.npadA.n jananI . yAmastauShIt kAle maghavA nAkAdhipA munayaH .. 67.. maNikaTakanAdapUritamambApAdAmbuja.n mahAmantraiH . japya.n dhyeya.n kAle dishi dishi kalitasvarakSha.n cha .. 68.. smaraNena duritahantrI namanena kavitvasiddhidA vANI . kusumasamarpaNakalayA kAle mokShapradAtrI cha .. 69.. visR^imaratamonihantri tvA.n seve shAradAdevi . shishirIkuru mA.n kAle karuNArasavIkShitena varadena .. 70.. mAtarnamo.astu tAvakakaTAkShamadhupAya shArade jayati . yo vedhaso.api kAle sR^iShTyAdau chAturI.n ditsan .. 71.. sumanovA~nchhAdAne kR^itAvadhAna.n dhana.n dhAtuH . dhiShaNAjADyAdihara.n yadvIkShaNamAmananti jagati budhAH .. 72.. lalitagamana.n tvadIya.n kalanUpuranAdapUrita.n vANi . naumi padAmbujayugala.n kavitAsiddhyai vidheH kAnte .. 73.. kamalakR^itavaijayantI vidhermukheShvAdarAdvANyAH . jayati kaTAkShalaharI toraNalakShmIstu satyaloke hi .. 74.. nishreNikA cha mukteH sajj~nAnanadImahAlaharI . nAnArasachAturyaprasArikA duritashaN^kulA kAle .. 75.. paratantritavidhivibhavA devI sA shAradA jayati . kaivalyAdikalAnA.n dAtrI bhaktAlikAmadhenuryA .. 76.. kavikAmadhenureShA ma~njusmerAnanAmbhojA . vANI jayati vidhAturmananAgamasa.npradAyaphaladA hi .. 77.. ghanatarakR^ipArasArdrairnAnAvibhavapradAnakR^itadIkShaiH . vANI jayati kaTAkShairnaH kAshmalya.n haThAnnirasyantI .. 78.. dAsAshAdAnakalApraklR^iptadIkShAkaTAkShalaharI me . kabalayatu pAparAshi.n vANyA nitya.n mahaudAryA .. 79.. AdimajananI saiShA vANI jayatIha bhaktarakShAyai . sarvatra kalitadehA nAnAshAstrAdirUpato jagati .. 80.. bahuvidhalIlAsadana.n sa.nbhR^itaphullAbjashilpavaichitryam . vANImukhAravinda.n chumbati mAnasamida.n haThAt kR^ityam .. 81.. saubhAgyakAntisAra.n vadanAmbhoja.n shriyai vANyAH . Ashritya sakalavedA api nitya.n mAnyatA.n prAptAH .. 82.. j~nAnamayI salilamayI tattvamayI bhAti sarvalokAnAm . akSharamayI cha vANI shreyodAne nibaddhachittagatiH .. 83.. namauktirastu mAtre vANyaiH naH siddhidA bhaktyA . Anandinyai j~nAnasvarUpabhAje prabandharUpAyai .. 84.. ArAdhyAyai dhyeyAyai chAttakalAchitranAdarUpAyai . sachchittavAsabhAje vANyai bhUyo namo.astu bhaktikR^itam .. 85.. kamalAsanapuNyakalA namatA.n chintAmaNirvANI . jIvAkSharabodhakalArUpA jayatIha sattvarUpavatI .. 86.. brahmANDamaNDalamida.n vyApta.n mAtrA kSharAkSharAdijuShA . yatpadakamala.n nitya.n shrutitatisudatIvibhUShaNa.n cha viduH .. 87.. manasijasAmrAjyakalAlakShmIreShA viri~nchimukhaharSham . vyAtanvAnA nitya.n rAjati ShaDarasvarUpachakratale .. 88.. ma~njulavINAninadaprayoganirdhUtamohasa.nchArA . ha.nsIyAnA vANI ha.nsagatiH sukR^itinetrapuNyakalA .. 89.. kuchakalashasavidhavinihitavINAnikkANasAvadhAnakalA . adhinetrI hi kalAnA.n sakalAnA.n shAradA jayati .. 90.. tridashapariShanniShevyA prAtaH sAya.n praphullamukhakamalA . kamalAsnuShA hi vANI vANI.n dishatu prabandharasabharitAm .. 91.. adhikachapalaiH kaTAkShaira~nchitalIlArasairudArairnaH . maN^galamAtanvAnA vidhAtR^igR^ihiNI surAdinutapAdA .. 92.. kAnta.n lakShmIbhavana.n mukhakamala.n shAradAdevyAH . saubhAgyakAntisAra.n spR^ihayati me mAnasa.n sarasam .. 93.. kAruNyapUrNanayana.n pustakahasta.n mahaH kimapi . dhAtuH puNyakalAnA.n paripAko martyarakShaNa.n kurute .. 94.. sa.nsAravArirAshi.n tartu.n sA setureShA naH . dhAturgR^ihiNI duHkha.n shithilayatu para.n janiprAptam .. 95.. sarasakavikalpavallImambA.n vANImahamupAse . antastamonihantrI.n yAmAhurj~nAnadA.n munayaH .. 96.. mama lochanayorbhUyAt vidyA kApi pradhUtajanibhItiH . nigameShu sa.ncharantI kR^ipAnidhiH shAradA devI .. 97.. shamitanataduritasa.nghA dhAtre nijanetrakalpitAnaN^gA . kR^itasurashAtravabhaN^gA sA devI maN^galaistuN^gA .. 98.. padmAsanasthitA.n tA.n vANI.n chaturAnanA.n vande . kalyANAnA.n saraNi.n kavipariShatkalpavallarI.n mAnyAm .. 99.. kuchabhArasa.nnatAN^gI.n kundasmerAnanAmbhojAm . kundalakusumaparimalasa.npAditabhR^iN^gajha.nkR^ititaraN^gAm .. 100.. chidrUpA.n vidhimahiShI.n ha.nsagati.n ha.nsasa.nnutacharitrAm . vidyAkalAdinilayAmArAdhyA.n sakalajaDimadoShaharIm .. 101.. janani yadi bhajati loke tava lochanavIkShaNa.n kShaNa.n martyaH . kupuruShanutivimukhaste rUpa.n j~nAnaprada.n pashyan .. 102.. kukShi.nbharitvamukhadurguNAdika.n dUratastyaktvA . tvadbhAvanena dhanyo nayati cha kAla.n pramodena .. 103.. mayi tApabhArashAntyai taraN^gaya tvadilochane mAtaH . yachchhAradAbjasuShamAmAnye devAdibhiH prArthye .. 104.. sarvArthadA hi bhajatA.n kaTAkShadhATI shiva.nkarI vANi . chintAmaNimiva kalayati yA.n hi vidhirviditamantro.api .. 105.. sukR^itaparipAkamAnasA dhanyAstvAmarchayanti nanu vANi . ahamapi tadvatkalaye phalapradA tva.n samAnakalpAsi .. 106.. nigamavachasA.n nidAna.n tava pAdAbja.n vata.nsayatu kAle . devo.api devadevo vijitajagattrayatale mAtaH .. 107.. antastamaso hantrI paTIyasI te kaTAkShajharamAlA . yA toraNamAlyashriyamAtanute vedhasaH saudhe .. 108.. shR^iN^gAravibhramavatI.n tvA.n prApyaiva kriyAkAle . kalayati sR^iShTyAdimasau vidhiH shrutivyaktamAhAtmyaH .. 109.. vedhovadana.n kelIvanamAsAdyAmba paramayA hi mudA . krIDasi shukIva kAle dvijasa.nghasamarchitAtmavR^ittishcha .. 110.. dhAturmukhama~njUShAratna.n nigamAntakelivanaha.nsIm . paramA.n kalAmupAse tAmambA.n chidvilAsaghanavR^ittim .. 111.. vAgIshadevarUpiNi gIShpatimukhadevasa.nghanutacharaNe . tava rUpa.n sUryAyutadR^ishya.n darshaya mama j~nAne .. 112.. divyaj~nAnapradamidamamba tvadrUpamAdarAdvANi . kAle darshaya kR^ipayA tena vaya.n prAptakAryasAphalyAH .. 113.. ambA trisa.ndhyapaThanapravR^ittibhAjA.n krameNa nAmnA.n tu . dvAdashakalAvibhedavyUhAdij~nAnadA prasannA hi .. 114.. mUko.api satkaviH syAd durakSharANyapi vidhAtR^ilikhitAni . satphaladAni sarasvati kaTAkShapUre yadi kApi .. 115.. avalambe tAmambA.n pa~nchAshadvarNakalpitajagatkAm . sR^iShTisthitisa.nhArasthirodayA.n vividhashAstrarUpADhyAm .. 116.. vANI.n dishatu manoj~nA.n vANI gatihasitakAdambA . yA dambhAdivimuktA nAda.n bhAvya.n vadanti yadrUpam .. 117.. rAkenduvadanabimbA sAmbA vANI punAtu kR^itimenAm . parikalitabhAvabandhA.n rasojjvalA.n maN^galottuN^gAm .. 118.. lAvaNyakAntisindhuH pAdAbjanataprabhAvasa.ndhAtrI . prasR^imaratamonihantrI madvAchA.n devatA chAdyA .. 119.. janatAnetrAnanda.n rUpa.n yasyAH sphuTa.n bhAti . smaraNa.n tvaj~nAnahara.n vishvaj~nAnaprada.n cha sA jayati .. 120.. sahadharmiNI vidhAturdAridryadhva.nsinI nijakaTAkShaiH . sA.nnidhya.n janayatu me suramuninarasa.nnutasvamahimeyam .. 121.. mukharitavINA vANI vANI.n me dishatu naijanutiyogyAm . AsvAditashAstrAmR^italaharI.n sadyastamonihantrI.n cha .. 122.. maNinUpuranAdanibhA vANI bhAti tvadIyabhaktamukhe . kIrtirdishAsu shuddhirvapuShi bahumukhI para.n kAle .. 123.. tava pAdasmaraNavashAt tAmyati timirAvalishchAntaH . AnandalaharivIchI prasarpati kShamAtale hi bhaktAnAm .. 124.. sa.npannalinIbhAnu.n j~nAnAbdhisudhAkara.n hi tava rUpam . bhaktyA manasi gR^iNanto gachchhanti vyomayAnamArUDhAH .. 125.. hR^ittamasA.n dIparuchirvidhAtR^idayitA mamAstu paradaivam.h . bhavatApameghamAlA kavishukavAsantikashrIrhi .. 126.. mama mAnasamaNiharmye viharatu vANyAH svarUpa.n tu . nigamavachasA.n nigumphairvedya.n tadvedhasA lAlyam.h .. 127.. satatamabhigamyarUpA vibudhavareDyA sarasvatI mAtA . manasi mama sa.nnidhattA.n bhUtyai naH sarvataH kAle .. 128.. mama shirasi nIchapuNye puNyaghanA vedamauliharmyA cha . kR^itapadavinyAsabharA vANI jayatIha shatamakhAdinutA .. 129.. mAyAnirasanadakShA mAteya.n suprasannA me . labhate parama.n j~nAna.n yadbhaktyA pAmaro.api cha dharitryAm.h .. 130.. vANIshvari tava rUpa.n nAmasmaraNa.n cha pUjana.n bhaktyA . sidhyati sakalavibhUtyai tatra hi bhavatIdayAprasArastu .. 131.. saphalayatu netrayugala.n hatanataduritA cha sA parA devI . kamalajamAnyacharitrA sumanovA~nchhApradAnakR^itadIkShA .. 132.. paN^kajamR^iNAlatantupratibhaTarUpa.n kvachiddR^ishyam.h . kavikulavANIkairavashAradachandraprabhAkabalita.n cha .. 133.. nalinabhavagR^ihiNi vANi prahvAnA.n sapadi bhaktAnAm.h . lumpasi moha.n bhavatIsmaraNAdvarivasyayA stutyA .. 134.. kavikulakalpakavallImapAN^galIlAkR^itArtishamanA.n tAm.h . vANImanvahamAryArAdhyA.n mokShAya nibhR^itamahamIDe .. 135.. sa.nvitsukhasvarUpAmambA.n vANImaharnisha.n manasi . kalaye kalitAprabharaprashAntikAmaH prabhAvatI.n jayadAm.h .. 136.. nataparipAlini vANi trijagadaghadhva.nsini shritAnA.n naH . tava pAdayuga.n nigala.n bhavatu tamorAshiduShTahastigaNe .. 137.. kAmAdidurgrahakR^itAnarthanirAsAya tAvakApAN^gAH . vANi janayanti natAnA.n kaivalya khapradAnAya .. 138.. tava darshana.n hi mAtaH parama.n sa.nskAramAttapApAnAm.h . kalyANasUktikandalarasaprada.n mAnyate vibudhaiH .. 139.. dhAturvadanasaroje shrutisImani hR^idi cha bhaktAnAm.h . ekapadA dvipadA vA rAjati vANI jaganmAtA .. 140.. maNimayakA~nchIlasitA vINApustakakarAravindA cha . namatA.n jADyavidhUnanadhR^itadIkShA rAjate vANI .. 141.. kabalayatu tApamasyAH smaraNa.n pAdAbjavandana.n vANyAH . dhAturjihvAgratale nR^ityantyAH sArasUktirasayantyAH .. 142.. padmajavadanavibhUShA nigamashikhotta.nsapIThikA vANI . sakalavidhashAstrarUpA bhaktAnA.n satkavitvadAnaprA .. 143 ... gatijitamarAlagamanA marAlavAhA cha vedhaso dArAH . shishiradayAsArA sA namatA.n sa.ntApahAriNI sahasA .. 144.. stanabhArasa.nnatAN^gI daradalitAmbhojalochanAntashrIH . savidhatale vibudhavadhUparicharaNAdyaishcha tuShTachittA sA .. 145.. hariNAN^kavadanabimbA pR^ithulanitambA kachAttalolambA . nijagatijitakAdambA sAmbA padapadmanamrabhaktakadambA .. 146.. parihasitanIlanIrajadehashrIH shAradA prathamA . sphaTikamaNibharakAntiH sarasvatI kIrtyate cha vibudhagaNaiH .. 147.. nAthe dR^iDhabhaktimatI sR^iShTyAdau chitsvarUpA cha . dhAtrA samAnabhAvA chaikAsanapUNDarIkamadhyasthA .. 148.. prItyA sarasapumarthAn.h dadAti kAle chidAdisa.ndhAtrI . sA me daivatameShA satataniShevyA cha kAmadA bhUyAt.h .. 149.. haricharaNanalinayugale sadaikatAnA hi shAradA jananI . padmAnIlAdisakhI shrutyudyAne vihArarasabharitA .. 150.. dhAtuH kuTumbinIya.n tanyAt.h kalyANasa.ntati.n satatam.h . yA tAruNyavibhuShA samakramA tripurasundaryA .. 151.. nAnAkSharAdimAtR^ikagaNeDitA shabdarUpA cha . nAdabrahmavilAsA vANI sA maN^galAni nastanyAt.h .. 152.. dR^ikkoNavIkShaNakalAnigamaprAbhavavidhAnadA namatAm.h . vibudhAnA.n hR^idayAbja.n yasyA vAsasthalI cha nirdiShTam.h .. 153.. mohAdivanakuThArA yA nitya.n sevyate tridashasa.ndhaiH . nityaprasannarUpA.n shAntA.n yAmeva sevate vedhAH .. 154.. namatA.n yayaiva khaNDIkriyate suvarNadR^iShTipuShA . yadvIkShaNena puruShaH khyAto nR^ipasadasi mAnyate prathamam.h .. 155.. yasyai shrotriyavaryaistrisa.ndhyamadhArdika.n kriyate . sA ma~njunItirUpA vANIrUpA cha bhaNyate nipuNaiH .. 156.. sA mayi tanyAdIkShA.n vIkShAvanadA.n sarasvatI devI . sa.ntAnakusumajaitrI.n yAmaichchhat.h prAptuma~njasA vedhAH .. 157.. mandasmitamadhurAsya.n kR^ipAvaloka.n nirastajAdyatati . bhUyAd.h vANyA rUpa.n puraH karAmbhojakalitavINAdi .. 158.. vANyAH para.n na jAne daivatamanyad.h vane girau cha pathi . gagane vA sa.nrakShitanatajanatAyAH kR^ipArasArdrAyAH .. 159.. AsyendoravalokanamambAyAH pAdapadmasevA cha . sarvashreyaHprAptyai shAstraj~naiH suShThu nirdiShTA .. 160.. vANI hi tApahantrI jagatA.n kAruNyapUrNanayanashrIH . mandAn.h karoti vibudhAn.h drAvayati shilAstatastu ki.n chitram.h .. 161.. yasmin.h kaTAkShapUro na bhavati sa hi dInavadanaH san.h . praskhalitavAgbhArto bhikShAmaTatIha nindito bahushaH .. 162.. vANyAH kaTAkShapUrasrajA tvala.nkR^itanigAlo yaH . sa hi bhavati rAjamAnyaH kAntAdharamadhuravAgvilAsashcha .. 163.. kavitAbhAgyavidhAtrI parimalasa.nkrAntamadhupagaNakeshA . mama nayanayoH kadA vA sA devI kalitasa.nnidhAnakalA .. 164.. parachidvidhAnarUpA vANI shrutisImni rAjate paramA . munijanamAnasaha.nsI yA viharati sA shubhAya syAt.h .. 165.. japamAlikayA vANIkaradhR^itayA vINayA cha koshena . ahamasmi nAthavAniha ki.n vAshAsya.n para.n loke .. 166.. kaivalyAnandasukhaprAptyai tejastu manmahe kimapi . yad.h vA~nchhitachintAmaNiriti vANIti cha bhuvi khyAtam.h .. 167.. kavikulasUktishreNIshravaNAnandollasadvata.nsasumA . sA devI mama hR^idaye kR^itasA.nnidhyA kR^itatrANA .. 168.. yasyA dR^iShTividUrAH kumatAH shrutyarthava~nchakAH shaptAH . krandanti digantataTe mohAdyairluptanayanAshcha .. 169.. satpariShatsa.nmAnyA shrutijIvanadAyinI jaganmAtA . chaturAnanabhAgyakalA kR^itasA.nnidhyA hi rAjate hR^idaye .. 170.. kR^itasukR^itaiH sa.ndR^ishyA mandasmitamadhuravadanapadmashrIH . muninAradAdipariShattattvopakramavichakShaNA vANI .. 171.. kavivAgvAsantInA.n vasantalakShmIrvidhAtR^idayitA naH . paramA.n muda.n vidhatte kAle kAle mahAbhUtyai .. 172.. kavitArasaparimalita.n karoti vadana.n natAnA.n yA . stotu.n tA.n me hyArAt.h sA devI suprasannAstu .. 173.. yasyAH prasAdabhUmnA nAkigaNAH sattvasa.npannAH . aindrI.n shriyamapi mAnyA.n pashyanti kShapitashatrubhayapIDAm.h .. 174.. mAnya.n vidhAtR^iloke tattejo bhAti sarvasuravandyam.h . brahmANDamaNDalamida.n yadrUpa.n yatra chAkSharagatishcha .. 175.. janani taraN^gaya nayane mayi dIne te dayAsnigdhe . tena vaya.n kR^itArthA nAtaH paramastiH naH prArthyam.h .. 176.. vANi vidhAtuH kAnte stotu.n tvAmAdareNa ki.n vAchyam.h . bhAsi tvameva parama.n daivatamityeva jAnAmi .. 177.. kabalitatamovilAsa.n tejastanmanmahe mahodAram.h . phalitasumano.abhilASha.n vANIrUpa.n vipa~nchikollasitam.h .. 178.. padmasanasukR^itakalAparipAkodayamapAstanatadoSham.h . sarasaj~nAnakavitvAdyanantasukR^ita.n virAjate tejaH .. 179.. nijanAthavadanasi.nhAsanamArUDhAmupAsmahe vANIm.h . yA kR^itrimavAggumphairvirachitakelirdhinoti vidhimAdyam.h .. 180.. sujanAnandakarI sA janayantI sarvasa.npada.n dhAtuH . bhakteShu tA.n nayantImanvahamahamAdriye girA.n devIm.h .. 181.. karuNAkaTAkShalaharI kAmAyAstu prakAmakR^itarakShA . vANyA vidhAtR^imAnyA satsukhadAne dishi khyAtA .. 182.. visaro mahotsavAnA.n viri~nchinayanAvaleriya.n mAtA . priyakAryasiddhidAtrI jagatIrakShAdhura.ndharA jayati .. 183.. vibudhAbhigamyarUpA ha.nsAvalisevitA girA.n devI . gaN^geva kanati kAle parikampitashivajaTAkoTiH .. 184.. naukA.n bhavAmburAsheraj~nAnadhvAntachandrikA.n vANIm.h . kalaye manasi sadAha.n shrutipa~njarashArikA.n devIm.h .. 185.. bhavatApAraNyatale jahnusutA shAradA devI . j~nAnAnandamayI naH sa.npatsiddhyai pratikShaNa.n jayatu .. 186.. mattagajamAnyagamanA madhurAlApA cha mAnyacharitA sA . mandasmeramukhAbjA vANI mama hR^idayasArase lasatu .. 187.. rakShaNachaNau cha vANyAH pAdau vande manoj~namaNinAdau . yatsevanena dhanyAH puruhUtAdyA dishA.n nAthAH .. 188.. dhAturdhairyakR^ipANI vANI suravR^ikShakusumamR^iduveNI . shukavANI nutavANI kavikulamodAya jayati mR^iduvANI .. 189.. kalyANaikaniketanamasyA rUpa.n sadA sphuratu chitte . mAnasakAluShyahara.n madhumathanashivAdibahumatotkarSham.h .. 190.. munijanamAnasaratna.n chiratnametadvidhAtR^isukR^itakalA . vinatajanalochanashrIkarpUrakalA parA jayati .. 191.. dhR^itasumamadhupakrIDAsthAnAyitakeshabhArAyai . nama uktirastu mAtre vAgjitapIyUShadhArAyai .. 192.. bAlakuraN^gavilochanadhATIrakShitasurAdimanujAnAm.h . nayanayugAsevya.n tadbhAtIha dharAtale tejaH .. 193.. kushalavidhaye tadastu shrutipATharatAdR^itAtmabahukeliH . kabalitapadanatadainya.n taruNAmbujalochana.n tejaH .. 194.. bAlamarAlIgatyai suragirikanyAdimahitakalagItyai . virachitanAnAnItyai cheto me spR^ihayate bahulakIrtyai .. 195.. vinamadamareshasudatIkachasumamakarandadhArayA snigdham.h . tava pAdapadmametat.h kadA nu mama mUrdhni bhUShaNa.n janani .. 196.. kamalajaparatantra.n tadgatatandra.n vastu nistulamupAse . tenaivAha.n dhanyo madva.nshyA nirasitAtmatApabharAH .. 197.. j~nAnAmR^itasa.ndhAtrI bhavAbdhisa.ntaraNapotranAmAdiH . vANI vAchA.n laharImavandhyayantI surAdinutacharitA .. 198.. kAruNyapUrNametad.h vANIrUpa.n sadA kalaye . yadbhajanAd.h devAnAmapi sa.nvid.h bhAti kAryakAleShu .. 199.. dhIpadmapIThamAste sA vANI kAN^kShitAni kalayantI . yA ghanakR^ipAsvarUpA sa.nkIrtyA sarvadevanutA .. 200.. tava pAdapadmavisR^imarakAntijharI.n manasi kalaya.nstu . nirasitanarakAdibhayo virAjate nAkisadasi suramAnyaH .. 201.. kuchayugalanamragAtra.n pavitrametad.h bhaje tejaH . dhAturapi sarvadevairyannirdiShTa.n hu bhadrAya .. 202.. kR^itanatapadavAgdhATI cheTIbhUtAmareshamahiShI naH . kaTikR^itamanoj~nashATI pATIrarasArdranaijatanukoTI .. 203.. padmabhavapuNyakoTI harShitakavibR^indasUktirasadhATI . mukhalasitasarasavATI vilasatu mama mAnase kR^ipAkoTI .. 204.. j~nAnaparAkramakalikA dishi dishi kinnarasugItanijayashasaH . dhanyA bhAnti hi manujAH yadvIkShAlavavisheShataH kAle .. 205.. surajanapAlanadakShA prashAntavIkShA nirastaripupakShA . mokShArthibhiH shritA sA lAkShArasalasitapAdabhAg.h bhAti .. 206.. kuN^kumabhararuchirAN^gI bhAti kR^ishAN^gI girA.n devI . dhAturapi j~nAnapradamasyA rUpa.n vadanti vibudheshAH .. 207.. vANi natimamba nitya.n karavANi hi chitsukhAvAptyai . tAdR^iktvadIyakaruNAvIkShaNato gIShpatishcha suramAnyaH .. 208.. kalyAmi natimanantA.n kAle kAle shubhaprAptyai . dhAtuH sukR^itollAsa.n karadhR^itavINAdika.n cha yadrUpam.h .. 209.. kamalAsanadayitA sA lasatu puro.asmAkamAdarakR^itashrIH . yatpraNamanAjjanAnA.n kavitonmeShaH sadIDito bhavati .. 210.. parasa.nvidAtmikA sA mahiShI dhAtuH kalAvatI vANI . shishirIkaroti taptAn.h karuNArasadigdhanetrapAlyA naH .. 211.. dhAtR^imanorathapAtra.n sa.ntaptasvarNakAmyanijagAtram.h . Ashritakamalajagotra.n rakShitanatabAhuchchhAtram.h .. 212.. kavikulajihvAlola.n pitAmahAdR^itamanoj~nanijalIlam.h . nirasitanataduShkAla.n vande tejaH sadAlinutashIlam.h .. 213.. mandAnAmapi ma~njulakavitvarasadAyinI jananI . kApi karuNAmayI sA lasatu purastAt.h sadAsmAkam.h .. 214.. nistulapadasa.nprAptyai bhUyo bhUyo namA.nsi te vANi . dIpakalAmayi chAntaHsmaraNa.n dhAtuH kuTumbinyai .. 215.. mAyAnirAsakAmo vande vANyAH padAmbhojam.h . siddhamanorathashatakA yadbhajanenArthinaH kAle .. 216.. satata.n baddhA~njalipuTumupAsmahe tachchhubhaprada.n tejaH . yatkamalajanayanAnA.n pramodapIyUShalaharikAmodam.h .. 217.. divi vA bhuvi dikShu jale vahnau vA sarvato vANi . jantUnA.n kila rakShA tvadhInA kIrtyate vibudhaiH .. 218.. bhArati bhavatApArtAn.h pAhi kaTAkShAN^kuraiH shItaiH . paramanandavidhAtR^in.h yAneva stauti padmavAso.api .. 219.. kuladaivatamasmAka.n tattejaH kuTilakuntala.n kimapi . karadhR^itapustakavINa.n kalaye kAmAgamodaya.n dhAtuH .. 220.. paramAnandadhana.n taddhAturapi brahmatattvarasadAyi . AbrahmakITanR^ityatsvavaibhava.n jayati shAradArUpam.h .. 221.. vibudhajanamodajananI jananI naH sA vidheH patnI . mR^idusa.nchAravilAsaiH shubha.nkarI bhavatu sa.ntata.n kAle .. 222.. sarasamanoj~navilAsaiH svavashe kR^itvA mano vidhervANI . sR^iShTyAdau shubhalekhAkarI nR^iNA.n mastake mAtA .. 223.. prakR^itimR^idula.n padAbja.n vANIdevyA madIyachittataTe . kAmAdisUchinichite katha.n sthiti.n prApnuyAt.h kAle .. 224.. nikhilacharAchararakShA.n vitanvatI padmajapriyA devI . mama kuladaivatameShA jayati sadArAdhyamAnyapadakamalA .. 225.. kushalasamR^iddhyai bhUyAdambA sA shAradA devI . janirakShaNAdilIlAvihArabhAN^nigamasaudhadIpakalA .. 226.. vAchAlayati kaTAkshairjaDa.n shilAmalpajantu.n vA . yA vANI sA sharaNa.n bhave bhave prArthye shriyaHprAptyai .. 227.. yadi hi prasAdabhUmA vANyAstatraiva sA hareH kAntA . parilasita ##( ... incomplete ... )## nityavAsaratA .. 228.. sanakasanandanavandye kAnte parameShTinaH shriyaHprAptyai . vANi tvA.n naumi sadA bhava prasannA vipa`nchilasitakare .. 229.. vANi vipa~nchIkalaravarasike gandharvayoShidabhivandye . tava charaNa.n mama sharaNa.n bhavavAridhisutemamba kalayAmi .. 230.. vANi kadAha.n lapsye charaNAmbhoja.n tvadIyamidamArAt.h . nijamaNinUpuranAdaspR^ihaNIyavachaHpada.n kalitabhakteH .. 231.. shrutipUtamukhamanoharalAvaNyakusumamR^idusharIreyam.h . nijakaruNApAN^gasudhApUraNakR^itavaibhavA bhAti .. 232.. parisaranatavibudhAlIkirITamaNikAntivallarIvisaraiH . kR^itanIrAjanavidhi te mama tu shirobhUShaNa.n hi padayugalam.h .. 233.. premavatI vidhibhavane ha.nsagatirha.nsayAnakR^itachArA . vAchAmakR^itrimAnA.n sthairyavidhAtrI maheshAnI .. 234.. AnandarUpakoTImambA.n tA.n sa.ntata.n kalaye . sa.nvidrUpA yA kila vidhAtR^igehe shrutishriya.n dhatte .. 235.. kamalajanetramahotsavatAruNyashrIrnirastanatashatruH . lalitalikuchAbhakuchabharayugalA dR^igvijitahariNasa.ndohA .. 236.. kAruNyapUrNanayanA kalikalmaShanAshinI cha sA vANI . mukhajitashAradakamalA vaktrAmbhoje sadA sphuratu mAtA .. 237.. kamalasuShamAnivAsasthAnakaTAkSha.n chirAya kR^itarakSham.h . rakShogaNabhItikara.n tejo bhAti prakAmamiha manasi .. 238.. kamalajatapaHphala.n tanmunijanahR^idayAbjanityakR^itanR^ittam.h . karuNAlolApAN^ga.n tattejo bhAtu mama mukhAmbhoje .. 239.. bhAgya.n vidhinayanAnA.n sa.nsR^ititApajvarAditaptAnAm.h . bheShajametadrUpa.n kalAgraha.n manyate devyAH .. 240.. janani kadA vA neShyAmyahamArAdarchitatvadIyapadaH . nimiShamiva hanta divasAn.h dR^iShTvA tvAmAdareNa kalyANIm.h .. 241.. ma~njulakavitAsa.ntatibIjAN^kuradAyisArasAlokA . janani tavApAN^gashrIrjayati jagattrANakalitadIkSheyam.h .. 242.. amba tavApAN^gashrIrapAN^gakelIshatAni janayantI . dhAturhR^idaye jayati vrIDAmadamodakAmasArakarI .. 243.. sarvajagannutavibhave sa.ntatamapi vA~nchhitaprade mAtaH . adhunA tvameva sharaNa.n tenAha.n prAptajanmasAphalyaH .. 244.. shAntirasasarvashevadhimambA.n seve manorathAvAptyai . yAmArAdhya sureshAH svapada.n prApurhi tadrakSham.h .. 245.. kulajA bhAryA kIrtirdAna.n putrAdayo ye cha . sidhyanti te hi sarve yasmai vANI prasannA sA .. 246.. kA kShatiramba kaTAkShe nyaste sati mayi viri~nchivarapatni . gaN^gAshunakanyAyAnmahatI mama vR^iddhirIritA nipuNaiH .. 247.. aviraladayArdralochanasevanayA dhUtatApA hi . pratikalpa.n surasa.nghAstvAmabhajan.h nutinatipramukhaiH .. 248.. dInAnA.n cha kavInA.n vANi tva.n kAmadhenurasi mAtaH . siddhisteShAmatulA suramAnyA tena sa.nkalitA .. 249.. sakalajagatA.n hi jananI.n vANi tvA.n sa.ntatamupAse . shrutisudatIbhUShAmaNimakhilArthaprAptyai loke .. 250.. dhAtuH kuTumbinI tva.n sanmaN^galadAyinI svamAhAtmyAt.h . shvashrUshvashuramukhAdiprINanachaturA cha bhAsi nigamakalA .. 251.. mukhavijitachandramaNDalamidamambhoruhavilochana.n tejaH . dhyAne jape cha sudR^ishA.n chakAsti hR^idaye kavIshvarANA.n cha .. 252.. yasmai prasannavadanA sA vANI lokamAtA hi . tasya sahasA sahasra.n lAbhaH syAd.h bAndhavAH sukhinaH .. 253.. tApahararasavivarShaNadhR^itakutukA kApi nIlanalinaruchiH . kAdambinI purastAdAstA.n naH sa.ntata.n jananI .. 254.. padmAkShanAbhipadmajadayite lokAmba shAradeti sadA . tava nAmAni japan.h san.h tvaddAso.aha.n tu muktaye siddhaH .. 255.. ambAprasAdabhUmnA naro hi bhuN^kte sukhAni vividhAni . smare vijayaH kavitAdhanalakShmyAdervilAsalIlAdiH .. 256.. tIra.n sa.nsR^itijaladheH pUra.n kamalajavilochanaprIteH . sAra.n nigamAntAnA.n dUra.n durjanataterhi tattejaH .. 257.. api dAsakule jAtaH kaTAkShabhUmnA vidhAtR^imukhapatnyAH . j~nAnI bhavavArAshi.n tarati cha rAjyashriya.n bhuN^kte .. 258.. satkR^itadeshikapAdAmbujayugalo.aha.n namAmi vANi tvAm.h . tva.n tu gurumUrtiruktA kAle kAle cha kAN^kShitavidhAtrI .. 259.. j~nAnAnandamukhAdInapavarga.n vA dadAsi bhaktebhyaH . ata evAnanyagatistvA.n vidhipatnI.n prapadye.aham.h .. 260.. tvayi vinyastabharANA.n na hi chintA jAyate nR^iNA.n kApi . paramAnandAdikalAsphUrtirdiviShadgaNena sa.nmAnyA .. 261.. sumasharasAmrAjyakalAmaN^galavidhirekhikA vANI . dhAturapi chittavR^ittisthairya.n tvanyAdR^isha.n kurute .. 262.. sA dhenushchintAmaNirapi vR^ikShaH sa.npadA.n pradAyinyaH . amba tvameva kAle bhasi j~nAnapradA vyapohya tamaH .. 263.. manaso nairmalyapradamasyAH seve kaTAkShamahamArAt.h . yaH kurute janatA.n tA.n hatamAyA.n madhurAmayodhyA.n cha .. 264.. sharadiva ha.nsakuleDyA jyotsneva janArtihAriNI vANyAH . jayati hi kaTAkSharekhA dIpakaleva prakAmahatatimirA .. 265.. paN^kajabhavavadanamaNi.n paravidyAdevatA.n vANIm.h . nitya.n yajatA.n japatA.n na hi tulyo.asmin.h kShamAtale kashchit.h .. 266.. vANI nijavANIbhI rachayati nutimAttavINayA kAle . dhAtuH prasAdahetoH pativratAlakShaNairanyaiH .. 267.. Anandayati vilasairambA padmAsana.n nija.n devam.h . tenaiva tuShTahR^idayaH shubhAkSharANyAdarAllikhati maulau .. 268.. mama mAnasadurmadagajamapAratApATavIShu dhAvantam.h . virachayya muditachitta.n kuru vANi tvatpadAbjakR^itahastam.h .. 269.. kamalAsanadhairyamahIdharakulishaste kaTAkSha evAyam.h . kavikulamayUrakAdambinIvilAso mude.astu satata.n naH .. 270.. guruvaradanAmbhoje nR^ityantI shAradA devI . madhuratarashlokanibhA maNinUpuraninadasa.ntatirbhti .. 271.. ko vA na shrayati budhaH shreyo.arthI tAmimA.n vANIm.h . yA.n paN^kajAkShanAbhijasadharmiNImarchayanti suranAthAH .. 272.. muShitapayojamR^idimnA charaNatalenAtra mAnase vANI . pariharatu pAparAshi.n suraughasa.nmAnitena kAle me .. 273.. yAthArthyaj~nAnakalAprAptyai tvA.n shAradA.n vande . sevAphala.n prayachchha prasIda parameshi vallabhe dhAtuH .. 274.. nigamAntasAramartha.n bodhayasi tva.n gurUn.h prakalpya bhuvi . saiShA me j~nAnaghanA vANI nitya.n prasannAsi .. 275.. mandArakusumamadaharamandasmitamadhuravadanapaN^karuhA . hR^idyatamanityayauvanamaNDitagAtrI virAjate vANI .. 276.. saubhAgyasUchakAbhI rekhAbhirbhUShita.n saurairvandyam.h . ambAcharaNapayoja.n vata.nsayan.h prAptasa.nmodaH .. 277.. dvijagaNapUjya.n nitya.n nirastajADya.n tvadIyapAdayugam.h . kShaNamapi vA sA.nnidhya.n bhajatu madIye hR^idi svairam.h .. 278.. natadevarAjamakuTImaNighR^iNiparichumbitAN^ghrikamalA naH . kamalAsanasya dayitA tanyAdanyAdR^ishI shriya.n bhajatAm.h .. 279.. vANI shritakAdambA dambhAdiripUn.h nirasya naH kAle . kShemamavanyA.n tanyAt.h pade pare devasa.nghaparisevye .. 280.. paN^kajabhavasAmrAjyasthiralakShmIshchapANDaratanushrIH . natamAnavasukR^itakalAparipATI bhAti sakalaguNapeTI .. 281.. mukhavijitachandrabimbA sAmbA kAdambasevyapadakamalA . kamalAsanagR^ihalakShmIrlakShmI.n puShNAtu shAradA devI .. 282.. muramathanasyeva ramA sha.nbhoriva sakalabhUdharendrasutA . vANi vidhAtuH sadane.anurUpadAmpatyasa.npadA bhAsi .. 283.. vANi tava dehakAntyA kaTAkShalaharI tu sa.nyutA kAle . dhatte kAmapi shobhA.n surasravantyeva sa.ngatA yamunA .. 284.. madhurAsechanadR^iShTyA mA.n pAyAdApado muhurvANI . AshritatApavibhetrItyeva.n yAmAmananti sUrivarAH .. 285.. aj~nAtakopapUrA yasyA dR^iShTiH kR^itAdarA bhajatAm.h . saiShA vihasitapaura.ndaralakShmI.n sa.npada.n dadyAt.h .. 286.. bAlakuraN^gavilochanamIShatsmitamadhuramAnana.n vANyAH . maNimayatATaN^kamaNIvilAsi bhUyAnmude.asmAkam.h .. 287.. munijanamAnasaha.nsI.n shrutitatipa~njarashukI.n mahAdevIm.h . naumi snuShA.n ramAyAH mAheshvaramahitasatpadaprAptyai .. 288.. dhAtuH saudhAN^gaNakR^itachaN^kramaNA.n shAradA.n naumi . mattamataN^gajagamanA.n paripanthijayAya sukR^itisa.ndR^ishyAm.h .. 289.. vAgIshamukhA devA yasyAH prasadanabaladdhi vijayante . paripAlitabhaktagaNA yaddhyAnollasadapArapulakAntAH .. 290.. naisargikavAkshreNIkelivanamamalabhUShaNa.n dhAtuH . vadanAnAmiyamambA jayatu chira.n kAmavarShiNI bhajatAm.h .. 291.. kalayAmi hR^idayametat.h pAdAbje shAradAdevyAH . prAptAriShaTkavijaya.n tattvadhana.n kalitashAradAdhyAnam.h .. 292.. pAdAravindanamanaprabhAvaparikalitadevasArUpyAH . paramAnandanimagnAH sudhiyo bhAnti kShamAvalaye .. 293.. lalitavidhAtR^irUpa.n pAlitalokatraya.n cha tat.h tejaH . sakalAgamashikharakalAparatattva.n shAradArUpam.h .. 294.. dhyAnairyogaishcha japairyat.h sevya.n paramamAdiShTam.h . tannashchakAstu hR^idaye vishvajanIna.n hi bhaktAnAm.h .. 295.. bhAgIrathIva vANI tava nutirUpA virAjate paramA . iha mAtaryadbhajana.n sarveShA.n sarvasa.npadA.n hetuH .. 296.. sa.ntatamadhurAlApairlAlitavidhivaibhavairameyakalaiH . shreyaHpradAnadIkShitakaTAkShapAtairmahAtattvaiH .. 297.. khelallolambakachaiH kuchabharanamraiH pura.ndhriguNapUrNaiH . Ashritasa.nvitpIThairamareshavadhUkarAdR^itachchhatraiH .. 298.. vINApustakahastairvidhibhAgyairastu mama tu sArUpyam.h . sa.nviddhanaishcha vANIrUpairetairdayAsAraiH .. 299.. mAtaH katha.n nu varNyastava mahimA vANi nigamachayavedyaH . iti nishchitya padAbja.n tava vande mokShakAmo.aham.h .. 300.. tvAmamba bAlisho.aha.n tvachamatkArairgirA.n gumbhaiH . ayathAyathakrama.n hi stuvannapi prAptajanmasAphalyaH .. 301.. iti shrIshAradAtrishatI samAptA ##\medskip\hrule\medskip Encoded and proofread by Sridhar Seshagiri seshagir@egr.msu.edu \end{multicols}\medskip\hrule\obeylines \medskip {\rm Please send corrections to sanskrit@cheerful.com} {\rm Last updated \today} \end{document}