% Text title            : sarasvatIstotram
% File name             : sarasvatistotrabrahma.itx
% Category              : devii, sarasvatI, stotra, vyAsa, devI
% Location              : doc\_devii
% Author                : Brahmadeva
% Proofread by          : Ravin Bhalekar ravibhalekar at hotmail.com, Sri Raghava Kiran Mukku msrkiran at gmail.com
% Latest update         : June 30, 2004; December 31, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIsarasvatIstotram ..}##
\itxtitle{.. shrIsarasvatIstotram ..}##\endtitles ##
ArUDhAsarasvatIstotram cha
shrIgaNeshAya namaH |
OM asya shrIsarasvatIstotramantrasya | brahmA R^iShiH |
gAyatrI ChandaH | shrIsarasvatI devatA |
dharmArthakAmamokShArthe jape viniyogaH |
ArUDhA shvetaha.nse bhramati cha gagane dakShiNe chAkShasUtraM
vAme haste cha divyAmbarakanakamayaM pustakaM j~nAnagamyA |
sA vINAM vAdayantI svakarakarajapaiH shAstravij~nAnashabdaiH
krIDantI divyarUpA karakamaladharA bhAratI suprasannA || 1||
shvetapadmAsanA devI shvetagandhAnulepanA |
architA munibhiH sarvaiH R^irShibhiH stUyate sadA |
evaM dhyAtvA sadA devIM vA~nChitaM labhate naraH || 2||
shuklAM brahmavichArasAraparamAmAdyAM jagadvyApinIM
vINApustakadhAriNImabhayadAM jADyAndhakArApahAm |
haste sphATikamAlikAM vidadhatIM padmAsane sa.nsthitAM
vande tAM parameshvarIM bhagavatIM buddhipradAM shAradAm || 3||
yA kundendutuShArahAradhavalA yA shubhravastrAvR^itA
yA vINAvaradaNDamaNDitakarA yA shvetapadmAsanA |
yA brahmAchyutasha~NkaraprabhR^itibhirdevaiH sadA vanditA
sA mAM pAtu sarasvatI bhagavatI niHsheShajADyApahA || 4||
bIjamantragarbhita stutiH \-
hrIM hrIM hR^idyaikabIje shashiruchikamale kalpavispaShTashobhe
bhavye bhavyAnukUle kumativanadave vishvavandyA.nghripadme |
padme padmopaviShTe praNatajanamanomodasampAdayitri
protphullaj~nAnakUTe harinijadayite devi sa.nsArasAre || 5||
aiM aiM aiM dR^iShTamantre kamalabhavamukhAmbhojabhUtasvarUpe
rUpArUpaprakAshe sakalaguNamaye nirguNe nirvikAre |
na sthUle naiva sUkShme.apyaviditavibhave nApi vij~nAnatattve
vishve vishvAntarAtme suravaranamite niShkale nityashuddhe || 6||
hrIM hrIM hrIM jApyatuShTe himaruchimukuTe vallakIvyagrahaste
mAtarmAtarnamaste daha daha jaDatAM dehi buddhiM prashastAm |
vidye vedAntavedye pariNatapaThite mokShade muktimArge |
mArgAtItasvarUpe bhava mama varadA shArade shubhrahAre || 7||
dhIM dhIM dhIM dhAraNAkhye dhR^itimatinatibhirnAmabhiH kIrtanIye
nitye.anitye nimitte munigaNanamite nUtane vai purANe |
puNye puNyapravAhe hariharanamite nityashuddhe suvarNe
mAtarmAtrArdhatattve matimati matide mAdhavaprItimode || 8||
hrUM hrUM hrUM svasvarUpe daha daha duritaM pustakavyagrahaste
santuShTAkArachitte smitamukhi subhage jR^imbhiNi stambhavidye |
mohe mugdhapravAhe kuru mama vimatidhvAntavidhva.nsamIDe
gIrgaurvAgbhArati tvaM kavivararasanAsiddhide siddhisAdhye || 9||
Atmanivedanam \-
staumi tvAM tvAM cha vande mama khalu rasanAM no kadAchittyajethA
mA me buddhirviruddhA bhavatu na cha mano devi me yAtu pApam |
mA me duHkhaM kadAchitkvachidapi viShaye.apyastu me nAkulatvaM
shAstre vAde kavitve prasaratu mama dhIrmAstu kuNThA kadApi || 10||
ityetaiH shlokamukhyaiH pratidinamuShasi stauti yo bhaktinamro
vANI vAchaspaterapyaviditavibhavo vAkpaTurmR^iShTakaNThaH |
saH syAdiShTAdyarthalAbhaiH sutamiva satataM pAtitaM sA cha devI
saubhAgyaM tasya loke prabhavati kavitA vighnamastaM vrayAti || 11||
rnivighnaM tasya vidyA prabhavati satataM chAshrutagranthabodhaH
kIrtisrailokyamadhye nivasati vadane shAradA tasya sAkShAt |
dIrghAyurlokapUjyaH sakalaguNanidhiH santataM rAjamAnyo
vAgdevyAH samprasAdAttrijagati vijayI jAyate satsabhAsu || 12||
phalashrutiH \-
brahmachArI vratI maunI trayodashyAM nirAmiShaH |
sArasvato janaH pAThAtsakR^idiShTArthalAbhavAn || 13||
pakShadvaye trayodashyAmekavi.nshatisa.nkhyayA |
avichChinnaH paTheddhImAndhyAtvA devIM sarasvatIm || 14||
sarvapApavinirmuktaH subhago lokavishrutaH |
vA~nChitaM phalamApnoti loke.asminnAtra sa.nshayaH || 15||
brahmaNeti svayaM proktaM sarasvatyAH stavaM shubham |
prayatnena paThennityaM so.amR^itattvAya kalpate || 16||

|| iti rudrayAmalatantrAntargataM shrImadbrahmaNA virachitaM
        sarasvatIstotraM athavA ArUDhAsarasvatIstotraM sampUrNam ||
##
Proofread by Ravin Bhalekar ravibhalekar@hotmail.com
and Sri Raghava Kiran Mukku msrkiran@gmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}