%@@1 % File name : sanvich100.itx %-------------------------------------------- % Text title : sa.nvichchhatakam.h .. % Author : tyAgarAja % Translation by : % Language : Sanskrit % Subject : hinduism/religion % Description/comments : % Transliterated by : Sridhar Seshagiri seshagir@egr.msu.edu % Proofread by : Sridhar Seshagiri seshagir@egr.msu.edu % Latest update : June 28, 2003 % Send corrections to : sanskrit@cheerful.com % % Special Instructions: % i1h.hdr,ijag.inc,itrans.sty,multicol.sty,iarticle.sty % Transliteration scheme: ITRANS 5.2 % Site access : % http://sanskrit.gde.to % http://www.alkhemy.com/sanskrit/ % http://sanskrit.bhaarat.com/ See the document project %----------------------------------------------------- % The text is to be used for personal studies and research only. % Any use for commercial purpose is prohibited as a 'gentleman's' % agreement. % @@2 % % Please ignore the following commands upto #indian and others with % \ mark, % which are needed for devanaagarii output and formatting. %-------------------------------------------------------- %-------------------------------------------------------- %-------------------------------------------------------- \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=10pt \let\usedvng=\normaldvng \pagenumbering{itrans} \def\twocol{\begin{multicols}{2}} \def\engtitle#1{\hrule\medskip\centerline{\large #1}} \def\itxtitle#1{\medskip\centerline{\hugedvng #1}\medskip\hrule} \def\endtitles{\medskip\twocol\obeyspaceslines} \newfont{\csroman}{putr8i at 9pt} \newfont{\csromani}{putri8i at 9pt} #romanifm=romancsx.ifm #romanfont=\csroman %% \begin{document} \engtitle{.. sa.nvichchhatakam ..}## \itxtitle{.. sa.nvichchhatakam ..}##\endtitles ## .. atha tyAgarAjavirachitam.h sa.nvichchhatakam.h .. yasyA nitya.n charaNakamaladvandvamaishcharyabIja.n pradhyAyanto hR^idayakamale puNyabhAjo munIndrAH . nirdvandva.n tat.h samarasamaho prApya tiShThanti tasmin.h tasyai devyai tapanaruchaye tattvato.astu praNAmaH .. 1.. yA kalyANaguNaprasUH parashivAnandAmR^itasyandinI bhUmAnandamayI parAparamayI tejomayI vAN^gmayI . AdyAntArNatanUH shivAdivasudhAntAntaHprakAshAtmikA sA sa.nvit.h sukR^itodayA sphuratu nashchitte sadA sarvagA .. 2.. yasyA.n protamida.n chaturdashajagat.h sUtre maNistomavad.h yasyA.n bhAti jaDa.n jaDetaramida.n stambhAdivad.h dAruNi . yasyA.n pashyati vishvamaj~nahR^idayAH sthANau pumA.nsa.n yathA sA sa.nvit.h sukR^itodayA sphuratu nashchitte sadA sarvagA .. 3.. mUlauDyANagaloparodhanamahAmudrAprasannA parA tejaHpu~njamayI sadA gatiyutA ha.nsI sahasrArakam.h . ambhoja.n paraha.nsakelisadana.n yA prApya lebhe muda.n sA sa.nvit.h sukR^itodayA sphuratu nashchitte sadA sarvagA .. 4.. prANApAnaravInduyogaparamAnandaprabuddhA satI sa.nsuptA shrutipatrapadmashayane sauShumnavIthyAdyutam.h . varShatyasabhAnaTa.n samarasAnandAmR^ita.n prApya yA sA sa.nvit.h sukR^itodayA sphuratu nashchitte sadA sarvagA .. 5.. yA mitrAvaruNAlayAt.h samuditA tejomayI vallarI vINAdaNDatarushritA shivaviyadyAntI svabhAvAt.h sadA . nAnAvarNapadAdipuShpanichayAn.h svasmin.h kirantIchchhayA sA sa.nvit.h sukR^itodayA sphuratu nashchitte sadA sarvagA .. 6.. yA chaikottarakhAdipa~nchakaguNAkArArNamantrAtmikA yA pItAruNashubhravigrahamayI sa.ndhyAtraye rAjate . yApyekAkSharanAdasa.ntatisukhodbodhaikamUrtiH parA sA sa.nvit.h sukR^itodayA sphuratu nashchitte sadA sarvagA .. 7.. yAvyaktA navavAranAthakaruNApAN^gA prakAshAtmikA nIlendIvarapadmaharShakaradR^iktattvArNamuktAvaliH . kAmeshyAdisudhA.nshuShoDashakalApUrNAtmavaktrAmbujA sA sa.nvit.h sukR^itodayA sphuratu nashchitte sadA sarvagA .. 8.. yA sImA navakhaNDachakravasudhAla.nkArameroH parA nAnAdeshikayoginImaNilasachchhubhrAdivarNAvaneH . kAmeshAN^kanirabhranirmalamahAkAshasthavidyullatA sA sa.nvit.h sukR^itodayA sphuratu nashchitte sadA sarvagA .. 9.. yasyAH prItiraharnisha.n kulagirisrotaHsudhAyA.n parA niShkAmapraNatAntaraN^gakusume hrI.nkAraghaNTAdhvanau . gandhe.aha.n shiva eva nAnya iti yo dIpe vimarshAtmake sA sa.nvit.h sukR^itodayA sphuratu nashchitte sadA sarvagA .. 10.. yA chitra.n tripurA purAntakasamAshliShTA parA jyotiShAm.h advaitApi shivArdharmUrtiramalA pAshApahA pAshinI . padmArAdhyapadAravindayugalA bhikShATaneshapriyA sA sa.nvit.h sukR^itodayA sphuratu nashchitte sadA sarvagA .. 11.. yA dUrA lalitApi duShkR^itajuShA.n yA komalAN^gyadrijA yA nIlAmbudamechakApi bhuvana.n vidyotayatyadbhutam.h . yA kalyANaguNapravAhasumahAvArA.nnidhirnirguNA sA sa.nvit.h sukR^itodayA sphuratu nashchitte sadA sarvagA .. 12.. niShkrodhA natalokamR^ityumathane yA baddhakachchhA sadA nirvairA nijapUjanAdikR^itinA.n dainye dviShantyadbhutam.h . bhaktAnA.n bhayamochinI bhavaratA shrIkAmarAjAtmikA sA sa.nvit.h sukR^itodayA sphuratu nashchitte sadA sarvagA .. 13.. vidyAraNyapulindikA shrutigirA tattvopadeShTrI satA.n vArAhI nakulI vilAsakutukA yApyuttamabrAhmaNI . yA chitra.n sukhashAntyatItavasudhA shrIchaNDikA shUlinI sA sa.nvit.h sukR^itodayA sphuratu nashchitte sadA sarvagA .. 14.. yA shAlA nigamAgamasmR^itikalAlIlAtatestryakSharI yA phAlAkShamahAsatI smarakalAhelA parApyadbhutam.h . yA kAlAnalakAntimatyapi sadA nIlAlakA shItalA sA sa.nvit.h sukR^itodayA sphuratu nashchitte sadA sarvagA .. 15.. kalyANAchalakArmukasya mahiShI puNDrekShuchApAdbhuta.n lakShmIvallabhasAyakasya ramaNI puShpeShuhastAmbujA . yA rAmA parameshvarasya lalitA lokatraye.atyadbhuta.n sA sa.nvit.h sukR^itodayA sphuratu nashchitte sadA sarvagA .. 16.. yA vAchAmadhidevatApyaviShayA vAchA.n shrutervarNitu.n shrotrAdIndriyadevatApi na jaDaiH shrotrAdibhirj~nAyate . antaHsthAmapi yA.n prachodakatayA no jAnate jantavaH sA sa.nvit.h sukR^itodayA sphuratu nashchitte sadA sarvagA .. 17.. yA vINA parameshvarAN^kanilayA hrI.nkAramantrI sadA shyAmA kAlasumUrchchhanAdikalanAhInApi rAgiNyaho . nAthenAhatanAdavibhramavatI sthANu.n shiva.n chAkarot.h sA sa.nvit.h sukR^itodayA sphuratu nashchitte sadA sarvagA .. 18.. yA mohAndhatamo.apanodanavidhau bodhAtmikA kaumudI sa.nsArArNavatAraNe dR^iDhatarA naukendrachApaprabhA . dAridryAdrividAraNe kanakarug.h dambholirichchhAtmikA sA sa.nvit.h sukR^itodayA sphuratu nashchitte sadA sarvagA .. 19.. yA tApatrayajADyashokashamane kAchinnR^iNA.n svardhunI yA shAntyAdiguNapravAlamanisa.nvR^iddhau sudhAmbonidhiH . pratyagdR^iShTyasitAbjapoShaNavidhau jADyApahA dIrghikA sA sa.nvit.h sukR^itodayA sphuratu nashchitte sadA sarvagA .. 20.. shokAraNyakuThArikA shubhaphalodyAnasya yA vApikA pApakShvelasuparNakalpaghuTikA prAj~nAj~nayorambikA . AshochchATanamUlikA vipaNikA vAgarthavR^iddheH kaveH sA sa.nvit.h sukR^itodayA sphuratu nashchitte sadA sarvagA .. 21.. yA vA~nchhAparipUraNe suralatA mokShendirA devatA sraShTrAdeH kuladevatA sucharitA vidyAsu sarvonnatA . nityAnandaratA sukarmamuditA lokatrayArAdhitA sA sa.nvit.h sukR^itodayA sphuratu nashchitte sadA sarvagA .. 22.. sArAsArapayovivechanavidhau ha.nsI para.n tu tviShA shyAmA mohatamopanodanavidhau ha.nsaH sadA bhAsakaH . praj~nAsaudhavihArinistulamahAjyotsnA divApi dhruvA sA sa.nvit.h sukR^itodayA sphuratu nashchitte sadA sarvagA .. 23.. yA chintAmaNireva doShashamane dAne para.n tvadrijA vAsantI pikasundarI shrutisukhAlApe svaya.n pa~nchamI . yAne yauvanasindhutIrakariNI padmATavIrakShiNI sA sa.nvit.h sukR^itodayA sphuratu nashchitte sadA sarvagA .. 24.. yA sha.nbhornayanotpalenduvadanA ka.ndarpadUtIkShaNA chetashchAtakanIlanIradakachAjIvAtusImantinI . shR^iN^gArAdvayashAntipAThasukR^itashreyaHphalAgrayastanI sA sa.nvit.h sukR^itodayA sphuratu nashchitte sadA sarvagA .. 25.. yA tryakShasya manorathaH kimu tapaHpAkaH sukha.n naijaka.n dakShasyeva tapaHphala.n kuladhana.n daiva.n himAdrerapi . bhAgya.n bhaktajanasya deshikadR^ishoH shlAdhya.n kavInA.n girA.n sA sa.nvit.h sukR^itodayA sphuratu nashchitte sadA sarvagA .. 26.. seturduHkhamahodadhermaNimayachchhAyA vibhostattaroH pAnthAnA.n paramArthinA.n pratipada.n kAruNyapAthaHprapA . satyAnandachidannadAnavilasachchhAlA cha kalyANadhIH sA sa.nvit.h sukR^itodayA sphuratu nashchitte sadA sarvagA .. 27.. yA lokatritayaikaratnamajaDa.n bhAnvindubhAshItala.n nirdoSha.n guNavarjita.n cha nikhilaishcharyaprada.n dehinAm.h . chitra.n bhikShukasArvabhaumanilaya.n lokatraye bhAsate sA sa.nvit.h sukR^itodayA sphuratu nashchitte sadA sarvagA .. 28.. yAparNApyanapAyakalpalatikA sthANuH patiH kalpako yasyA bhaktaphalaprapUraNavidhau putro vishAkho.adbhutam.h . ittha.n nityakuTumbinI trijagatA.n rakShAkarI rAjate sA sa.nvit.h sukR^itodayA sphuratu nashchitte sadA sarvagA .. 29.. yA puNyAshrama eva shA.nkaratapaHsiddhyai mahAyoginA.n nirvairo gajapa~nchavaktragatimadhyaH shAntiraN^gasthalam.h . nirdvandvastanachakravAkalasitaH kokArichUDAmaNiH sA sa.nvit.h sukR^itodayA sphuratu nashchitte sadA sarvagA .. 30.. yA kedAramamUlyamAnamabhaya.n niShpaN^kamAshAspada.n shrIkaNThetarabhogabandharahita.n kalpe kadApyadbhutam.h . praj~nAshAlina eva ditsati bata j~nAnAN^kura.n kasyachit.h sA sa.nvit.h sukR^itodayA sphuratu nashchitte sadA sarvagA .. 31.. yA chitra.n kariNI himAchalabhavA tAmrAravindekShaNA kAntyA bhartsayatI vara.n marataka.n pAshAN^kushokShvanvitA . pa~nchAsyaprabhuma~nchakopari vasatyAnandapuryA.n mudA sA sa.nvit.h sukR^itodayA sphuratu nashchitte sadA sarvagA .. 32.. eNAN^kArbhakamAtmakuntalatamorAtryAmapi dyotaya\- tyAshcharya.n yaminA.n kaTAkShayamunAkallolamAlA.n cha yA . nitya.n vaktrashashAN^kamandahasitajyotsnA.n kR^ipAyA.n guroH sA sa.nvit.h sukR^itodayA sphuratu nashchitte sadA sarvagA .. 33.. yA dR^iShTiH shrutimUlashIlanaparA nIlA~njanAdrishriya.n svAtmasmerapayodadhau sahabhava.n shrIvallabha.n tanvatI . vAtsalyAnnatalokamohitimira.n chitra.n dhunIte cha yA sA sa.nvit.h sukR^itodayA sphuratu nashchitte sadA sarvagA .. 34.. yA kAruNyakaTAkShanIlavanajadveShyAtmajAmbhaHsvaho mugdhasnigdhamR^idusmitAmaradhunIvIchIvilAsAshrite . susnAta.n nijapAdapaN^kajarajaHsikta.n bata vyAtanot.h sA sa.nvit.h sukR^itodayA sphuratu nashchitte sadA sarvagA .. 35.. shrIkaNThArdhasharIriNI dhruvamapi shrIkAntasodaryaho nArAyaNyapi sarvadA kulanagotta.nsAtmajAtyadbhutam.h . prAleyAchalakanyakApi sakalAha.nrUpiNI yAdbhutam.h sA sa.nvit.h sukR^itodayA sphuratu nashchitte sadA sarvagA .. 36.. AnaN^gasmR^itisa.npradAyamakhila.n svApAN^gashiShyeNa yA kAmadrohiNameva shikShayati hA lokottarAtyadbhutam.h . tenaivAtmapadAravindarasapAnotha.n triloke.anyathA sA sa.nvit.h sukR^itodayA sphuratu nashchitte sadA sarvagA .. 37.. bandhUkastabaka.n ruchA parihasatyambhojamapyadbhuta.n karNAsyekShaNapANinA vanachara.n madhyena vakShoruhA . gatyA svAdugirA sudhAkarakalotta.nsaishcha nIlAlakaiH sA sa.nvit.h sukR^itodayA sphuratu nashchitte sadA sarvagA .. 38.. niHspanda.n nigamAgamAdyaviShaya.n shrotrAdihIna.n para.n niHshabda.n tadaho pumA.nsamakarot.h kAmesha ityAkhyayA . yA chitra.n nijadAsamachchhahR^idaya.n shaktyA tanotyanyathA sA sa.nvit.h sukR^itodayA sphuratu nashchitte sadA sarvagA .. 39.. vAgarthena yathA yutApi paramAnandAtmanA shUlinA nitya.n yA viharatyaho janamanogeheShu mugdheShu hA . nirbhItA kulaTeva karma kurute sarvendriyANA.n sadA sA sa.nvit.h sukR^itodayA sphuratu nashchitte sadA sarvagA .. 40.. nAsAmauktikadaityadeshikamaho mandasmitaiH puShNatI tATaN^kadyutibhirdineshashashinau devau tiraskurvatI . mArArerguhamedhinI manasija.n rakShatyapAN^goTaje sA sa.nvit.h sukR^itodayA sphuratu nashchitte sadA sarvagA .. 41.. bandhachchhedavichakShaNA pashujanastomAtidUrAdbhuta.n yA rakShatyagarAjashekharasutApyAmnAyasUtrairdR^iDham.h . baddhvA devapashUn.h sadA pashupateH sa.nsargadoSheNa hA sA sa.nvit.h sukR^itodayA sphuratu nashchitte sadA sarvagA .. 42.. dhArA deshikadivyadR^iShTimadhuno mArArinetrAmR^ita.n dhArA durmatadArudAriparashostArAvaliryoginAm.h . tIra.n mantramahodadheH kavigirA.n pUraH sukhAmbhonidheH sA sa.nvit.h sukR^itodayA sphuratu nashchitte sadA sarvagA .. 43.. kAmAkShIti vadanti kechana budhAH kAmeshvarItyadbhuta.n rAmAstomashiromaNIti madanArAterdR^ishoH pAraNA . sImA bhUmasukhasya chinmayakalA shR^iN^gAramUrtishcha yA sA sa.nvit.h sukR^itodayA sphuratu nashchitte sadA sarvagA .. 44.. mugdhasnigdhakaTAkShamitratanayA yasyAH sadAnandinI mandasmerapayonidhi.n nijapati.n sa.ngamya vANIshriyaH . sa.nsUya pradadAtyayAchitatatyA bhaktebhya evAdarAt.h sA sa.nvit.h sukR^itodayA sphuratu nashchitte sadA sarvagA .. 45.. aunnatya.n muhureti chitramamarashreNIShu yadyogato dakShadveShyapi bhikShuko.api viShamAkSho.apyukShayAno.api vA . aj~nAtAnvayasa.nbhavo.api nigamAtIto.api lubdhastathA sA sa.nvit.h sukR^itodayA sphuratu nashchitte sadA sarvagA .. 46.. yA lokaikasumaN^galA smarakalA nIlAmbudashyAmalA DolA sha.nkaralochanadvayashishormAlAShTasiddhishriyAm.h . kAlAtItakalA kalAnidhikalotta.nsAtulA nirmalA sA sa.nvit.h sukR^itodayA sphuratu nashchitte sadA sarvagA .. 47.. asta.n yA nalinekShaNena nayati kShobhAtapa.n yoginA.n svAnandAmR^itachandrikA.n karuNayA nitya.n tanotyadbhutam.h . varShatyAnanapaN^kaje sukavitApIyUShadhArAH kaveH sA sa.nvit.h sukR^itodayA sphuratu nashchitte sadA sarvagA .. 48.. yA vidyutkamaleShu tiShThati parA tApi~nchhaguchchhachchhavi\- shchita.n prANabhR^itA.n dR^ishoH sukhakarI bhImaprakAshinyalam.h . jyotiH shItalabhUbhR^itastribhuvanakShemapravAhapradA sA sa.nvit.h sukR^itodayA sphuratu nashchitte sadA sarvagA .. 49.. yA kAchiddhariNI marAlagamanA chidvyomasa.nchAriNI hrI.nkArasvanasa.ntateH paravashA hR^idyAnavadyA dR^ishAm.h . astraivyArdhavara.n pinAkinamaho sa.nmohayantyanvaha.n sA sa.nvit.h sukR^itodayA sphuratu nashchitte sadA sarvagA .. 50.. dhenuryA paramAtmanaH pashupateH sarvaj~natAdohinI chitra.n ShaNmukhavakratuNDajananI prAleyashailAtmajA . nirnidrAmalapuNDarIkanayanA shubhrA.nshuchUDAmaNiH sA sa.nvit.h sukR^itodayA sphuratu nashchitte sadA sarvagA .. 51.. yA.n daNDa.n varavidrumAtmakamatishlakShaNa.n susUkShma.n dhruva.n gADha.n nirviShayAH purANapuruShA Alambya gachchhantyaho . tIrtvA dustarajanmapaN^kanibiDa.n mAyAmahImaNDala.n sA sa.nvit.h sukR^itodayA sphuratu nashchitte sadA sarvagA .. 52.. yA kumbhodbhava eva manmatharipordhairyAmbudheH prAshane prArabdhAtmakavindhyabhUdharagatidhva.nse tathA dhImatAm.h . AchAryaH shivabodhane nijapaterAnaN^gadIkShAkrame sA sa.nvit.h sukR^itodayA sphuratu nashchitte sadA sarvagA .. 53.. yA kShIrAbdhisahodarasmitaruchA kambu.n tiraskurvatI kAmArerhR^idaya.n vishuddhamapi sa.nmugdha.n karotyanvaham.h . AshcharyA.n namatA.n dhunoti timira.n svAj~nAnarUpa.n para.n sA sa.nvit.h sukR^itodayA sphuratu nashchitte sadA sarvagA .. 54.. yasyA hAsamarAlikAmR^idugatiH shrIkAmajetre mudA vidyA.n bodhayitu.n parA.n vitanute.apAN^gArkajAtormiShu . sthitvA shrautapathasthakuNDalayugenAlochanAsa.ntata.n sA sa.nvit.h sukR^itodayA sphuratu nashchitte sadA sarvagA .. 55.. yasyA vIkShaNashakramechakamaNIsAmrAjyasi.nhAsana.n shritvA puShpasharaprabhurvijayate tryakShasya pArshve.adbhutam.h . pIyUShArNavaphenajetR^isahitashrIchAmarAsevitaH sA sa.nvit.h sukR^itodayA sphuratu nashchitte sadA sarvagA .. 56.. nIhArAdriyasho.abhivardhanapare ku~nje kaTAkShAtmake yasyAH krIDati nIlakaNThavimalapraj~nAmayUrArbhakaH . pashyan.h nityasugandhikuntalamayI.n kAdambinI.n sa.ntata.n sA sa.nvit.h sukR^itodayA sphuratu nashchitte sadA sarvagA .. 57.. yA hAsArjunabhUbhR^itA sukhayati drAg.h bhImachitta.n para.n dharma.n pAlayati praveshayati vaivarNe.anukUlA.n gatim.h . mAlinya.n nayatetarA.n dhruvamaho taddhArtarAShTra.n kula.n sA sa.nvit.h sukR^itodayA sphuratu nashchitte sadA sarvagA .. 58.. yA muktAphalamadbhuta.n giribhava.n shyAma.n prakAshAspada.n satsUtra.n sakalArthada.n shashikalAchUDa.n triNetra.n charam.h . nirdoSha.nbhavakautukapradamanAdyanta.n para.n nistula.n sA sa.nvit.h sukR^itodayA sphuratu nashchitte sadA sarvagA .. 59.. yA vApI bhuvanapradA rasamayI tR^iShNArditAnA.n para.n niShpAshAbhigatAbhimAnamamatApAshAbhilAShAnvitA . satpAtre phaladAyinI smR^itimatA.n tApatrayadhva.nsinI sA sa.nvit.h sukR^itodayA sphuratu nashchitte sadA sarvagA .. 60.. shR^iN^gArAmbudhavIchivibhramavatI shR^iN^gArabIjAnila\- vyAlolA kumudapriyadhvajapaTI pratyakcharI pArvatI . droNI yA viShamekShaNAnusaraNI chitra.n sadA rAjate sA sa.nvit.h sukR^itodayA sphuratu nashchitte sadA sarvagA .. 61.. yasyA nIradabhAH kaTAkShayadupaH karNAnuvR^itto.adbhuta.n dIvyatkuNDalahAsachakrajalajashliShTaH kR^ipAnIradaH . sthAnorgokulamanvaha.n nayati tadvakShojashailAntara.n sA sa.nvit.h sukR^itodayA sphuratu nashchitte sadA sarvagA .. 62.. yA chitra.n mahatI.n mahAguNavatImapyashrita.n sa.ntata.n kAThinya.n na vimu~nchati stanayuga.n mAndya.n gatiH kuntalAH . kauTilya.n nayanAmbuja.n chapalatA.n bimbAdharo rAgitA.n sA sa.nvit.h sukR^itodayA sphuratu nashchitte sadA sarvagA .. 63.. yA mandasmitakaumudI.n vitanute nityodite sarvata\- stATaN^kAtmani bhAskare svayamaho kAlAmbudashyAmalA . bimboShThadyutisa.ndhyayA dvijagaNe shrIshA.nbhave rAgitA.n sA sa.nvit.h sukR^itodayA sphuratu nashchitte sadA sarvagA .. 64.. jAre mArakirAtajIvanakare chitra.n kaTAkShAtmake yasyAH kuNDalarashmiveNukalite lagnA sukha.n rAjate . kAmArermatishArikA shrutishirodyAnAntarollAsinI sA sa.nvit.h sukR^itodayA sphuratu nashchitte sadA sarvagA .. 65.. nitya.n somakalAdharo.adhvarapatirvyAghrAjinAla.nkR^ita\- stATaN^kadyutivahnivIkShaNashikhAdhUmAtilolekShaNaH . yasyA hAsapayonidhAvavabhR^ithavyAjena majjatyaho sA sa.nvit.h sukR^itodayA sphuratu nashchitte sadA sarvagA .. 66.. yasyAH kApi dayAtmikA pratidina.n shailUShabAlAdbhuta.n nIrAgAlayakAlavarjitavatI nirmUrchchhanA kAmanA . nirlajjaiva digambarA naTati hA sa.nmohashAntyai nR^iNA.n sA sa.nvit.h sukR^itodayA sphuratu nashchitte sadA sarvagA .. 67.. mAN^galya.n harinIlakAntisuguNa.n shlAdhya.n surastrIjanai\- ryasyA ma~njulavIkShaNa.n smarahArAjasya devyA rateH . oShThashIrvarakuN^kuma.n smitamaho sraN^mAdhavI shAshvatI sA sa.nvit.h sukR^itodayA sphuratu nashchitte sadA sarvagA .. 68.. chitra.n kApi sudhA shivetarasurAlabhyA himAdryudbhavA druhyantI kuruvindamAtmaruchibhirdoShAkarotta.nsinI . Aste yA madanajvara.n shashibhR^itaH sa.ndhukShayantyanvaha.n sA sa.nvit.h sukR^itodayA sphuratu nashchitte sadA sarvagA .. 69.. ardha.n rAjyamananyasAdhyamakhilaishcharyaprada.n shUlinaH shuddha.n mUrtimaya.n yayAtivinayaiH prApta.n tadanyat.h punaH . vyAptu.n vA~nchhati gAruDopalavapuH kAntyA mahatyA para.n sA sa.nvit.h sukR^itodayA sphuratu nashchitte sadA sarvagA .. 70.. ardha.n somakalAdharI shashikalAchUDasya yA tryambaka\- stryakShAyA athavA sanAtanatanU jAyApatI shAshvatau . eka.n vetyavadhAritu.n munivarA adyApyala.n nAdbhuta.n sA sa.nvit.h sukR^itodayA sphuratu nashchitte sadA sarvagA .. 71.. dAridryAstadharAdharo.api parama.n bhadrodayo.atyadbhuta.n pApAraNyadavAnalo.api namatA.n kAruNyadhArAdharaH . yA duhkhAmbudamAlikApavanarANnaishchalyarUpAsti vai sA sa.nvit.h sukR^itodayA sphuratu nashchitte sadA sarvagA .. 72.. shrauta.n mArgamatItya gachchhati mudA kApAlika.n dR^ik.h para.n madhyaH shUnyamata.n gato.ativimale dvandve kuchau dvaitinau . saure kuNDalayugmamAtmaruchibhiryasyAH kR^ipA shA.nbhave sA sa.nvit.h sukR^itodayA sphuratu nashchitte sadA sarvagA .. 73.. vallI kApi shivAN^kaNe lasati yA mandasmitaiH puShpitA tAmbUlena sugandhitA suphalitA vakShoruhAbhyA.n param.h . kAntyA pallavitA kachairbhramaritA dR^igbhyA.n para.n patritA sA sa.nvit.h sukR^itodayA sphuratu nashchitte sadA sarvagA .. 74.. yasyA vIkShaNadeshikaH shrutigatistejomayaH sarvavit.h sa.ntuShTo jitakAmashatruraNimAdyaShTAbhirArAdhitA . sachchitsaukhyarataH shiva.n naTamapi kShipra.n karotyadbhuta.n sA sa.nvit.h sukR^itodayA sphuratu nashchitte sadA sarvagA .. 75.. yasyAshchArukapoladarpaNatale dR^iShTvA kapardI ruShA bhIto jahnusutA.n mR^idusmitamayI.n sa.nketamittha.n vyadhAt.h . mugdhe gachchha nijasthala.n drutatar.n jAgarti dR^iShTiryataH sA sa.nvit.h sukR^itodayA sphuratu nashchitte sadA sarvagA .. 76.. shR^iN^gAraikarasa.n vasantasuhR^ida.n ka.ndarpadarpaprada.n chitra.n kokanadaprabodhanakara.n chandrodaya.n shrIkaram.h . yasyA hAsamaya.n chiramapyAste purANaH shivaH sA sa.nvit.h sukR^itodayA sphuratu nashchitte sadA sarvagA .. 77.. yA kAchit.h pikakAminI shrutigatiH saptasvarAlApinI nitya.n mAdhavabodhinI tribhuvane niShpakShapAtA sukham.h . chitra.n chUtanavaprasUnavishikhadveShyAshraye rAjate sA sa.nvit.h sukR^itodayA sphuratu nashchitte sadA sarvagA .. 78.. yasyA vIkShaNamAntrikaH sukR^itinAmagresaraH sha.nkarI\- mantrAmbhonidhipAragaH smitavibhUtyochchAlayan.h sarvadA . dveSha.n sha.nkarakartR^ika.n sumashare vibhrAjate shAshvataH sA sa.nvit.h sukR^itodayA sphuratu nashchitte sadA sarvagA .. 79.. yasyA dR^igramaNImaNirvivadate kAmArisallApane svAdhInapriyayA mR^idusmitasharIriNyA para.n gaN^gayA . AdyAha.nshrutimUlagAdharabhavA tva.n svIkR^iteti dhruva.n sA sa.nvit.h sukR^itodayA sphuratu nashchitte sadA sarvagA .. 80.. yA kAchid.h bhujagI sadA saralagA pIyUShadAyinyaho padmAraNyavihAriNI shrutimatI tejastanUrnirbhayA . janmAbdhiplavavardhinI vashayati shrInIlakaNTha.n dR^ishA sA sa.nvit.h sukR^itodayA sphuratu nashchitte sadA sarvagA .. 81.. AsyAmbhojabhavA pati.n nijamanAdyanta.n kaTAkShAtmaka.n pR^ichchhantIti payonidheH smitamayAnmajjanma ki.n vAmbujAt.h . yasyA niHsmarasa.npada.n sudhanika.n kartu.n shiva.n kAN^kShate sA sa.nvit.h sukR^itodayA sphuratu nashchitte sadA sarvagA .. 82.. yasyAH pANiparigrahe mR^idutanorhemAdridhanvA shivaH pAdAnyAsavidhau dR^iShadyapi surastrINA.n puro lajjitaH . mandAkSha.n gatavAnanaN^gakalikA.n yA.n vIkShitu.n nAdbhuta.n sA sa.nvit.h sukR^itodayA sphuratu nashchitte sadA sarvagA .. 83.. yasyAH pAdakeshashayashriyamaho shrutvAnilAdanvaha.n gAN^gAnyamburuhANi hanta katichit.h prAptu.n parA.n tA.n drutam.h . pItvA kShIralava.n tapanti tapana.n pashyanti majjantyala.n sA sa.nvit.h sukR^itodayA sphuratu nashchitte sadA sarvagA .. 84.. nitya.n sa.ndhimapekShate sucharitA dUtI kaTAkShAtmikA rAjasyAdhararAmayApi na tayA garbhe vahantyAmR^itam.h . kAmAre ratisAttvikadvijamaNermodAya sushreyase sA sa.nvit.h sukR^itodayA sphuratu nashchitte sadA sarvagA .. 85.. pakShe shaivamanomahIbhR^iti manojAgni.n dhruva.n sAdhayan.h yasyA ma~njukaTAkShadhUmashishunA shrautena saddhetunA . oShThadvandvasabhAntare smitamayo naiyAyiko bhAsate sA sa.nvit.h sukR^itodayA sphuratu nashchitte sadA sarvagA .. 86.. yA padma.n himashailaja.n marataka.n bhAsA bhR^isha.n bhartsayat.h ka.ndarpasya jyendirAjanigR^iha.n nirhetukotphullanam.h . sthANorlochanabhR^iN^gasa.nbhramakara.n shItA.nshulekhAN^kita.n sA sa.nvit.h sukR^itodayA sphuratu nashchitte sadA sarvagA .. 87.. yasyA mandagatiH para.n shubhagatiH kAmasya kAmadruhaH kAmodrekagatishchira.n bhajanakR^iddha.nsAN^ganAsa.ntateH . kAma.n dattagatiH sadA vijayate ha.nsAtmikA yoginA.n sA sa.nvit.h sukR^itodayA sphuratu nashchitte sadA sarvagA .. 88.. niHsnehApi shivAtirAgakalitA yA dIpikA kApyaho jha~njhAmArutabhItidApi chapalA niShkalmaShA sA~njanA . trailokye.api virAjate shritavatI shrIsha.nkarAN^ka.n dhruva.n sA sa.nvit.h sukR^itodayA sphuratu nashchitte sadA sarvagA .. 89.. niryatnaiva mahAsatI sucharitA yA shailarAjAtmajA nAtha.n lokavilakShaNa.n prahR^itavatyadyApi sevAjane . gANDIvena varAshmabhishcha musalenopAnahA vartate sA sa.nvit.h sukR^itodayA sphuratu nashchitte sadA sarvagA .. 90.. yasyAH pAdakisAlayaprabhuvara.n yAchantyajasra.n para.n kastUryaH surayoShitA.n tilakitAH sadvAsanA.n rAgitAm.h . bimboShTha.n mR^idutA.n shriya.n cha yugapaddhastAH pravAlapriyAH sA sa.nvit.h sukR^itodayA sphuratu nashchitte sadA sarvagA .. 91.. yasyAH pAdasahasrarashmicharala.n kAmArichittAtmaka.n haima.n bhrAmayati praNAshayati sa.ntApa.n satAmaN^kuram.h . praj~nAnAtmakamadbhuta.n shishirayatyakShINyala.n pashyatA.n sA sa.nvit.h sukR^itodayA sphuratu nashchitte sadA sarvagA .. 92.. chitra.n yA kurute mano.api yaminA.n baddha.n mahAyatnato mukta.n shoNapadAravindayugale nIrAgiNa.n rAgiNam.h . ma~njIrasvanamanmathasmitaravaiH sa.nmohana.n shUlinaH sA sa.nvit.h sukR^itodayA sphuratu nashchitte sadA sarvagA .. 93.. pAdAmbhojarajo rajA.nsi harati prauDhAni yasyA nR^iNA.n sattva.n vardhayati pradarshayati sanmArga.n surANAmapi . janmavyAdhimR^itipravAhamatula.n sa.nrodhayatyadbhuta.n sA sa.nvit.h sukR^itodayA sphuratu nashchitte sadA sarvagA .. 94.. nAha.n vishvamida.n charAcharamaya.n mAyAvilAsAspada.n dR^ishyatvAditi shodhayanti sudhiyaH sarva.n yayA praj~nayA . AtmaivAyamida.n vadanti punastUShNI.nbhavantaH sthitAH sA sa.nvit.h sukR^itodayA sphuratu nashchitte sadA sarvagA .. 95.. rAhu.n nindati chandrachUDachikuraistATaN^kakAntyA ravi.n vaktrAbjena vidhu.n guru.n natagirA saugya.n dR^ishA bhadrayA . gatyA mandamaho kuja.n tanuruchA nAsAgramaNyA kavi.n sA sa.nvit.h sukR^itodayA sphuratu nashchitte sadA sarvagA .. 96.. niHshreNI kR^itinA.n parAmR^itaphalaprAptau pravAladyuti\- ryA nIlA~njanamakSharAtmakanidheH sa.ndarshane shrImatAm.h . nityAnandarasA parokShakaraNe shrIdeshikashrIkR^ipA sA sa.nvit.h sukR^itodayA sphuratu nashchitte sadA sarvagA .. 97.. yA kuNThIkurute nijastutividhau garvAt.h pravR^ittA.n gira.n vedAnAmapi gIShpaterapi mahAbhAShyArthavij~nAninaH . datte vAgbhavavaibhavAmR^itajharI.n mUkAj~nayorvAgmitA.n sA sa.nvit.h sukR^itodayA sphuratu nashchitte sadA sarvagA .. 98.. AdyAmamburuhekShaNAmanupamAmApInatuN^gastanI\- mAryAmAgamasAramUrtimaruNAmAnandachandrAnanAm.h . sAdhvI.n satkavivAgjharI.n samarasAnandAmR^itasyandinI.n sA sa.nvit.h sukR^itodayA sphuratu nashchitte sadA sarvagA .. 99.. gurucharaNasaroja.n guptagaN^gAtaraN^ga\- stimitamamitashuklajyotiShA.n jyotirekam.h . nirupamamakarandaspandamAnandakanda.n nidhanajananahIno nirmalo.aha.n niSheve .. 100.. shArdUlavR^ittamapi sAdhu bhavatyaho tat.h sArasvata.n samarasAmR^italochanAnAm.h . sadyo jayatyagharipu.n shrutimArgayogAt.h tyAgeshasAndrakaruNAdbhutameva bhadram.h .. 101.. ityAnandanAthapAdapapadmopajIvinA kAshyapagotrotpannenAndhreNa tyAgarAjanAmnA virachita.n sa.nvichchhataka.n sa.npUrNam.h ##\medskip\hrule\medskip Encoded and proofread by Sridhar Seshagiri seshagir@egr.msu.edu \end{multicols}\medskip\hrule\obeylines \medskip {\rm Please send corrections to sanskrit@cheerful.com} {\rm Last updated \today} \end{document}