% Text title : rudrANIstotram % File name : rudrANIstotram.itx % Category : devii, ShaTchakrashakti, devI, yoginI % Location : doc\_devii % Transliterated by : Muktabodha.org % Proofread by : Muktabodha.org, PSA Easwaran % Description-comments : Rudrayamalatantra paTala 46 % Acknowledge-Permission: Muktabodha.org % Latest update : January 7, 2017 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrI rudrANI stotram ..}## \itxtitle{.. shrIrudrANIstotram athavA shrIrudrashaktilAkinIstotram ..}##\endtitles ## AnandabhairavI uvAcha shR^iNu bhairava vakShyAmi rudrANIstotramuttamam | shruttvA paThittvA devesha dhArayittvA svadehake || 1|| mahAsiddho bhavedeva mahAkAlavasho bhavet | trailokyarakShaNArthAya brahmaNA viShNunA tathA || 2|| rudrayuktAM mahAraudrIM stuttvA sarvajayo bhavet | tachChruttvA munayaH sarve yogino yogadarshakAH || 3|| sarve devAH sarvalokAdhipAH syuH prANarakShakAH | etatstavanamAtreNa brahmA brahmatvamApnuyAt || 4|| viShNurviShNutvamApnoti devatvaM sarvadevatAH | idAnIM shR^iNu tatstotramaShTA~NgayogasAdhanam || 5|| etatstavanapAThena chAShTA~NgakuladevatAH | vashIbhUtAH prabhavanti saptasvargasthadevatAH || 6|| asya mahArudrashaktistotrasya mahAkAlabhairavaR^iShiranuShTupChandaH | shrImaChrIrUpiNI devatA | vAM bIjaM drAM shaktiH samauM spheM kIlakam | mahogrAdi devatA sarvAbhIShTasiddhyarthe jape viniyogaH || mahAraudrI rudrAruNAravaravakrodhanikarA vikArA dharmANAM haratu viShayaM dehi paramam | vivekaM satputraM tvamapi jagatAmAdipuruShaM vibhAkoTigrAmaskhalananichalA lochanachalA || 7|| tvamekA trailokyaM vyavasi satataM me shubhabhavA anantA sA chAtIndriyagaNakalA nAgavasanA | shriyaM dAtuM nityaM samudayati rashmistava shive shivAhlAdAnandA jaDitamanamandA kuru mudA || 8|| mahAlobhaM pApaM hara hara hare hIrakanibhe viShAnandodghAtA mama tanu viShaM veshavashini | sudhAnandaM dehi kShayamapi hara krodhamatulaM madaM kAmaM mohaM kulajanani divyaM vitara tat || 9|| tapasyAsadbhAvaM tvamapi cha dadAsIha yadi vA pradIptA sadvyAptA bhavati tava dAne mama manaH | praphullAtishrIde jaya mama na bhaktiM nijashubhAM samIDe tvAmekAM bhuvanajanarakShAM kuru sadA || 10|| vichArya sve tantre rachayasi sukhaM nityamilitaM mahAkhaDgaprakhyA tribhuvanakarA rudradayitA | surANAM saMrakShAM yadi kuru mudA pIThanikare maNidvIpe tejomayi hi maNipUre.amalapadam || 11|| mahAkShetre yuddhotsavabhayaharA tvaM kulakalA kirAtI sarvANI mama kulagataM pAlaya laye | layaj~nAnAnandaM rachaya hR^idaye yogajanani yatInAM rakShAyai kulayuvati vidye udayati || 12|| pratiShThA kIrtiste tvamavatarasi trAsi timirA\- nna jAne tvattattvaM taruNi mahimAnaM sukhamayam | mahApArAvArAMnidhibhavajaleshaM kuru jayaM hiraNyAhlAdasthA tvamapi karuNAsAgaramayI || 13|| vidhAtAraM viShNuM suravaraNavandIn parajanAn prapAsi tvaM siddhA sukhabhuvanabha~NgakShayakarA | kirantI sAnandA kiraNashatakoTiM tribhuvane tvamekA kalyANi girisharamaNiM pAhi satatam || 14|| tvadIyaM sukhAntaM samIchChAmi satyaM visargenduvarNAtmakaM kAmanA.a.akhyam | kR^ipAdR^iShTipAtA manaH pAhi shuddhA tvamekA parabrahmarUpeNa siddhA || 15|| jagattAriNI tvaM jagadvyApinI tvaM jagajjvAlarUpA jagaddharmarUpA | anaikAntikattvAttvamAnandarUpA tvamekA parabrahmarUpeNa siddhA || 16|| vidhAnaM janAnAM kuru tvaM tvamIshA kShapAkShAmachittA priyAnandadAtrI | tvamAj~nAmbujasthA tvamAryA gurUNAM tvamekA parabrahmarUpeNa siddhA || 17|| prabhAmaNDalasthA sthitityAgasaMsthA sthalAmbhojamAlA tvamAlagnakaNThA | shivashyAmavarNA mahApi~NgalArNA tvamekA parabrahmarUpeNa siddhA || 18|| chaturthashrutisthA chalachchandrasaMsthA mahAvedabhAShA tvamekA jagatyAm | mahAbhaktibhAvAshritaM mAM prasiddhe tvamekA parabrahmarUpeNa siddhA || 19|| jagaddhAmacheShTe jagadbuddhiniShThe jagadyauvanasthA jagadbhAvasaMsthA | samAvarttamadhye mahAghUrNitaM mAM tvamekA parabrahmarUpeNa siddhA || 20|| mahA sR^iShTisaMhArakAlakramasthA mahAmAMsabhakShA sadAnandarUpA | mahAshAkyamaunIndrapUjye surejye tvamekA parabrahmarUpeNa siddhA || 21|| chatuHShaShTitantrArNavAhlAdakatvA\- nmahAbhautikatvAnmahAsiddhividyA | ChalachChinnadehA ChalAnannasaMj~nA tvamekA parabrahmarUpeNa siddhA || 22|| shivatvaM mahattvaM samatvAmalatvA\- danaikAntikatvaM dadAsi tvamAdyA | sudhAsAgarasthA mahAmohanasthA | tvamekA parabrahmarUpeNa siddhA || 23|| mahAsiMhapR^iShThe padAmbhojalakShmI\- rmama shrIshiromaNDalasthaM prapAtu | bhavAnandasantAnakalpe.ava dehaM tvamekA parabrahmarUpeNa siddhA || 24|| sthirA sA mahAvidyudAkArahArA mahAcha~nchalA chAchalA j~nAnajanyA | sadA bhAvanatvAtsadA j~nApanasthA tvamekA parabrahmarUpeNa siddhA || 25|| kulAnandamohA mahAkaulakanyA kulakShetrarakShA kulachChatrakArA | mahAcha~nchalatvAnmahAvAyughUrNA tvamekA parabrahmarUpeNa siddhA || 26|| chira~njIvinI bhAminI bhUmibIjA bhayAbhAvahantrI sharatkoTichandrA | vibhUtirbhayAhArakartrI prakR^iShTA tvamekA parabrahmarUpeNa siddhA || 27|| mahAvIrabhAvAshrayA bhAvarUpA visheShAvisheShe mahAshaivavIrA | visargApavargAshrayArNojjvalattvAt tvamekA parabrahmarUpeNa siddhA || 28|| mahApa~nchamatvAnmahAmodakatvAt mahAkaulikAtvAdasa~nchAraNatvAt | kulapremabhAvakriyAnishchalatvAt tvamekA parabrahmarUpeNa siddhA || 29|| vasoH siddhidAtrI shivAnandakartrI mahAmaithunAnandasambhedanatvAt | sukhAshvAsatattvAttapaH prANarakShA tvamekA parabrahmarUpeNa siddhA || 30|| galatpremabhAvA kulaj~nAnatattvAt priyA shrIkR^ipAtvaM bhavAdhAramUrtiH | mahaishvaryahetormahArAjakanyA tvamekA parabrahmarUpeNa siddhA || 31|| mahAmokShavidyA mahAnirmalatvAt prabhApa~nchachUDasya siddhipriyA cha | mahAnAdabinduprayAsAbhirAmA tvamekA parabrahmarUpeNa siddhA || 32|| mahAvidrumAkAravarNAbhirAmA kulAhlAdasUtrAdisaMsAdhanatvAt | mahadrAjyavidyAdhanA sa~NghaTatvAt tvamekA parabrahmarUpeNa siddhA || 33|| tavA~NghridvayAmbhojapUjAsukhatvA\- nmahAkAlarUpA svayaM sarvavidyA | vikArAdi sambandhavisheShaNatvAt tvamekA parabrahmarUpeNa siddhA || 34|| shivatvaM shubhatvaM mahAshailakanye priyatvaM paratvaM mahApAvanatvam | samAdhehi tattvAdanaikAntikatvAt tvamekA parabrahmarUpeNa siddhA || 35|| mahAchetanAdevanAdona natvAda\- sa~NkhyAmatInAM manoyogamukhyA | virodhApahantrI ripuprANahantrI tvamekA parabrahmarUpeNa siddhA || 36|| chaturviMshatikrodhatattvAnukUle viyatkhaNDachandrojjvale kIlakasthe | sadA mAM prapAtu prachaNDArkavarNA tvamekA parabrahmarUpeNa siddhA || 37|| shubhaM kAmadhenusvarUpaM svadehaM sadA darshane shraddhayA chAruvarNA | himAMshuprabhAkoTivarNe.atvapUrNe tvamekA parabrahmarUpeNa siddhA || 38|| mahAkAmabIjAnvitA khaNDayantI mahAdoShajAlaM shanairAvahantI | shivA bhadrakAlI sthirAnandamAlA tvamekA parabrahmarUpeNa siddhA || 39|| mahAkAlakUTAshinaM tIkShNanetraM sadA pAhi shambhuM bhayArdrAtivelam | bhavApAlanatvAdasa~NkhyAnivAsA tvamekA parabrahmarUpeNa siddhA || 40|| harantI viShADhyaM vahantI kalAdyam raTantI naTantI vishAlA bhramantI | shriyaH pAlanI pAlikA bAlikAtvAt tvamekA parabrahmarUpeNa siddhA || 41|| bhavAnandahetoH sadA shraddhayA vA padAmbhojamadhye manoyogakAle | parAsa~Nkhyate kAmasa~NkShAlanatvAt tvamekA parabrahmarUpeNa siddhA || 42|| kShitikShobhanAshAya siddhAdividyA kulADhyAkhilADhyAnanA sUkShmamadhyA | prayatnaM karoShi kShayAnandadAnA tvamekA parabrahmarUpeNa siddhA || 43|| mahAdhairyamAhR^ityajaM japyate yai\- stavAdyAbhidhAnAni kAliprabhAte | tadaivApi kAle dadAsIha siddhiM tvamekA parabrahmarUpeNa siddhA || 44|| chiraM sthApayantI chiraM bhAsayantI tvamAkhyA gurUNAM kulAnandavidye | svadhAkAratuShTA kalAvahnijAyA tvamekA parabrahmarUpeNa siddhA || 45|| surAnandakAle phalodbhUtachinhA chitAmadhyadeshe mahAsiddhidAtrI | tribhinnA vibhinnA mahArudravidye tvamekA parabrahmarUpeNa siddhA || 46|| mahApUrvi kAtyAyani krodhamUle vivekAdikaM dharmamAdau dadAsi | trayANAM surANAM mudA rakShaNAya tvamekA parabrahmarUpeNa siddhA || 47|| vishuddhasphuTattvAnmahAkautukatvA\- ttanudhyAnamohAdanante kR^itattvAt | kulArakShaNAtmA mahAlakShaNAtmA tvamekA parabrahmarUpeNa siddhA || 48|| dahantI ripUNAM kula~nchAtmadeshaM kShaNAdeva sUkShmAsusUkShmA satI sA | mamAnandadeshaM sadA pAlaya shrI ttvamekA parabrahmarUpeNa siddhA || 49|| chaturthAshramasthAshramaM pAhi rudre mahograpratApe mahAraudri bhadre | mahApAtakAdikShayatvAmR^itattvA\- ttvamekA parabrahmarUpeNa siddhA || 50|| mahAvAyuramye mahAj~nAnagamye mahAmantrajApyAdisiddhiprasiddhe | layaM dehi bAhyAnilAghAtanatvA\- ttvamekA parabrahmarUpeNa siddhA || 51|| na jAnAmi kiM vAmaro vApi viShNu\- rmahAkauliko vA na jAnAti pUjAm | kulAdyAsanante surendrAdipAThe tvamekA parabrahmarUpeNa siddhA || 52|| madIyaM pralobhyaM mahAbhadrakAli prakAshena karttuM samarthA bhava tvam | padAbje cha hantuM mahApApasarge tvamekA parabrahmarUpeNa siddhA || 53|| vahantI kapAlaM skhalantImapArthaM mahAhemamAlA mahAkAshayantI | shivo ma~NgalaM me tu vaishvAnarIshe tvamekA parabrahmarUpeNa siddhA || 54|| prachaNDA prasannA bhavakShobhaheto\- rvivAdAdighAtAya shAntiH pratuShTiH | kiyatkAlasaMsthA prasannAntarAtmA tvamekA parabrahmarUpeNa siddhA || 55|| mahAvAyupAnA kriyAmokShakAle kulaj~nAnadAnA divArUpiNI tvam | prabhutvaM vidhehi kShame kAmakartrI tvamekA parabrahmarUpeNa siddhA || 56|| yadi shrIvarAdye mamAkhyA sasiddhiM videhIti chitte samAdhAya bhaktaH | samApnoti shIghraM sadA prArthyate yaiH sadA paThyate vA mudA vAramekam || 57|| mahAkAlashambho mahAj~nAnasiddhaH sadA kAlavashye paThedekachittaH | mahAbhaktibhAvaM labhed veda muktiM mahAdevabhaktiM trikAlena yogam || 58|| maNeH pIThamadhye mahArudrakAntAM mahAlAkinIM kuNDalIM bhAvayantI | mahApuNyalAbhaM stavaM brahmasAraM mahAkAntalAbhAya puNyAya siddhyai || 59|| mahAkAli rudrANi bhadrANi kR^iShNe bhavAnandamUrtiprakAshAya kuryAt | kilAnandamAkR^itya sampUjyate yai\- rmahAdevi chaNDe tava dhyAnaniShThA || 60|| mahAmokShabhAvaM samApnoti shIghraM mahAshuddhatA kAmahA kAlarUpI || 61|| iti shrIrudrayAmale uttaratantre mahAtantroddIpane siddhimantraprakaraNe ShaTchakraprakAshe maNipUrabhedanakrame bhairavIbhairavasaMvAde rudrashaktilAkinIstotraM nAma ShaTchattvAriMshaH paTalaH || 46|| ## Muktabodha Library Proofread by PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}