रजस्वला पूजाविवर्णस्तोत्रम्
अथ रजस्वला पूजाविवर्णस्तोत्रप्रारम्भः ।
अस्य श्रीरजस्वलामन्त्रस्यः ईश्वरऋषिः । अनुष्टुप्छन्दः ।
रजस्वला देवता । क्रौं बीजम् । क्रीं शक्तिः । क्रूं कीलकम् ।
मम रजस्वलोपासनार्थे जपे विनियोगः ॥
ऋष्यादीन् विन्यस्य ।
ॐ रजस्वला अङ्गुष्ठाभ्यां हृदयाय नमः ।
ॐ क्रौं तर्जनीभ्यां शिरसे स्वाहा ।
ह्रीं मध्यमाभ्यां शिखायै वषट् ।
क्रीं अनामिकाभ्यां कवचाय हुम् ।
क्रः कनिष्ठिकाभ्यां नेत्रत्रयाय वौषट् ।
रजस्वलायै करतलकरपृष्ठाभ्यां अस्त्राय फट् ॥
अथ ध्यानं -
बालार्कगौरवर्णाभां बालचन्द्रनिभाननाम् ।
अनन्तबाणसहितान्ध्यायेद्देवी रजस्वलाम् ॥ १॥
भगोद्भवां भगात्सर्वं त्रैकोक्यं सचराचरम् ।
सप्तपाताललोकं च सप्ताकारं भगोद्भवम् ॥ २॥
कमलञ्च भगाकारं विरिञ्चि कमलोद्भवः ।
भगवान्भगरूपस्तु नमामि भगदैवतम् ॥ ३॥
एवन्ध्यात्वा महामायां भगेपुष्पं समुद्भवः ।
इति ध्यात्वा मानसैः सम्पूज्य स्तोत्रं पठेत् ॥ ४॥
श्रीदेव्युवाच -
नमः पूजाविधिः प्रोक्ता यन्त्रपूजाविधिस्तथा ।
वदतानि महादेव योनिपूजाविधिर्मम ॥ १॥
ईश्वरोवाच-
आनीतामुत्तमान्तासां पूर्वोक्तानाञ्चनायकाम् ।
सुन्दरां यौवनोन्मत्तान्निर्लज्जां चारुहासिनीम् ॥ २॥
कृत्वा दिगम्बरान्तासाङ्गन्धकुङ्कुमचन्दनैः ।
अनुलिप्तां मुक्तकेशीन्ततस्तद्योनिमण्डले ॥ ३॥
गुरुपङ्क्तिं समाराध्य पूजयित्वा षडङ्गकम् ।
पीठपूजां समादाय तन्मध्ये चिन्तयेत्छिवाम् ॥ ४॥
अत्राप्या वाहनं नास्ति अङ्गन्न्या संविधीयते ।
उपचारैः पूजयित्वा अर्घ्यन्दद्यात्ततः परम् ॥ ५॥
स्मृत्वालिङ्गेश्वरन्देवं पूजयित्वा महेश्वरम् ।
गन्धपुष्पाक्षतैः पूज्यहोमं कुर्यात्ततः परम् ॥ ६॥
धर्माधर्महविर्दीप्तं आत्मानौ मनसा स्रुचा ।
सुषुम्णा वर्त्मना नित्यमक्षवृत्तिं जुहोम्यहम् ॥ ७॥
स्वाहान्ते होममन्त्रश्च प्रतिज्ञाता हुतैः शिवे ।
पूर्णाहुति रसान्ते च जुहुयान्मनुमामुना ॥ ८॥
प्रकाशाकाश हस्ताभ्यामवलम्ब्योन्मनीस्फुटम् ।
धर्माधर्मकलस्नेहं पूर्णवह्नो जुहोम्यहम् ॥ ९॥
स्वाहान्तोयं भवेन्मन्त्रो घोरपातकनाशनः ।
पूजाकालं विनानैव कुर्याच्छक्तिदिगम्बराम् ॥ १०॥
पूजाकालं विनानैव सुरादेयाहिसाधकैः ।
शिवे ज्ञानमये देहे शक्तिबुद्धिमयी तथा ॥ ११॥
शुक्रं शिवोमहादेवी शक्तिः कुण्डलिनी तथा ।
लिङ्गं शिवो महादेवी शक्तिर्योनिस्वरूपिणी ॥ १२॥
इत्येवं त्रिपुराशक्तिरित्येवं त्रिपुराशिवः ।
नानयोर्विद्यतेभेदो या शक्तिः सशिवे ध्रुवम् ॥ १३॥
श्री देव्युवाच -
त्रिधा भिन्ना यदा देव त्रिषु पीठेषु पूजयेत् ।
तानि पीठानी केष्वाह वाग्बीजेन पूजयेत् ॥ १४॥
ईश्वरोवाच-
बुद्धिरूपपरादेवी बुद्धिपीठेर्चनन्तदा ।
चिदग्नौ मनसो देवी होमश्चाग्नाहुतिस्तथा ॥ १५॥
वर्णमयितदा जाप्या जपोमानस उच्यते ।
चित्तिरूपायदा देवी शक्तिकुण्डलिनी तदा ॥ १६॥
यन्त्रे पूजा तदा ज्ञेया होमकुण्डे विधीयते ।
तत्रापि गुटिकामय्या जपश्चैवाक्षमालया ॥ १७॥
उषांशुस्थान महादेवी शीघ्रं सिद्धिप्रदायकः ।
योनिरूपायदा देवी पूजयेद्योनिमण्डले ॥ १८॥
होमसूत्रे नदेद्देवी मैथुनेन विधानतः ।
जपःकर्योमहेशानि तथैव करमालया ॥ १९॥
एतद्देवी प्रयत्नेन गोप्याद्गोप्यतरं कुरू ।
प्रकाशात्सिद्धिहानिस्यात् गोप्यात्सिद्धिमवाप्नुयात् ॥ २०॥
॥ इति श्री गर्भकुलार्णवे ईश्वरपार्वतिसंवादे
भवापूजाविवर्णं सम्पूर्णम् ॥
॥ श्री ललिताम्बार्पणमस्तु ।
Proofread by rajesh thyagarajan