% Text title : rAdhAnAmnAmaShTAdashashatI % File name : rAdhAnAmnAmaShTAdashashatI.itx % Category : devii, radha % Location : doc\_devii % Transliterated by : Shri Devi Kumar, refined by PSA Easwaran % Proofread by : PSA Easwaran psaeaswaran at gmail % Description-comments : 1800 names for Radha from Krishnayamala mahAtantra % Source : shrIkriShNayAmale mahAtantre chaturvisho.adhyAyaH % Acknowledge-Permission: Mahaperiyaval Trust % Latest update : November 6, 2014 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. 1800 names of Radha ..}## \itxtitle{.. shrImadrAdhAdevyA nAmnAmaShTAdashashatI ..}##\endtitles ## ##(##shrIkR^iShNayAmale mahAtantre##)## chaturviMsho.adhyAyaH brAhmaNa uvAcha tataH sA tvarayA vR^indA dAsI kR^iShNasya yoginI | sammukhasthA mahAdevyA gR^ihItvA karapa~Nkajam | apR^ichChanmadhurAlApA tannAma charitAni cha || 1|| vR^indA uvAcha kiM te nAma mahAdevi tanme kathaya suvrate | mayA tvaM kR^ityayAviShTA lakShyase mandagAmini || 2|| shrutamasti mayA ki~nchittadAkarNaya suvrate | parabrahmasvarUpasya kR^iShNasyA.adbhutarUpiNaH || 3|| dehAdvinirgatA pUrvaM rAdhikA sakalAdhikA | tAM dR^iShTvA rUpiNIM devIM svayaM kR^iShNo mumoha saH || 4|| tatastuShTAva vikalo rAdhA rAdheti jalpakaH | tAmeva nIlarAjIvalochanIM shokamochanIm || 5|| tataH sA cha mahAdevI bhuvaneshyA.avarodhitA | kR^iShNadehodbhavA.apyadya ratibhItA.adravat kShaNAt || 6|| hastaprAptAM cha tAM devIM na sa jagrAha keshavaH | premabha~NgabhayAt sA.api tatashchAntardadhe kShaNAt || 7|| antarhitAyAM rAdhAyAM tatkAmAsaktachetanaH | chintayAmAsa vishvAtmA kathaM madvashagA bhavet || 8|| apUrvarUpasampannA navayauvanagarviNI | tatra chintayatastasya kR^iShNasya paramAtmanaH || 9|| dehAdAvirbabhUvA.asau parabrahmasvarUpiNI | samastalokajananI shrImattripurasundarI || 10|| yathA kR^iShNe na bhedo.asti paramAnandarUpiNI | bahurUpA cha sA devI tato jAtAH sahasrashaH || 11|| ana~NgakusumAdyAshcha nityalIlA mahAbalAH | nAnArUpadharAH sarvA nAnAshaktisamanvitAH || 12|| anveShaNAya rAdhAyAH preShitA vishvarUpayA | rAdhayA chApi tAH sarvA nirjitA nijamAyayA || 13|| tachChrutvA tripurAdevI yoginI tripurAtanI | chakAra karma taddivyaM mantramudrAsamanvitam || 14|| saMkShobhaNaM drAvaNaM cha vashyAkarShaNamAdanam | trikhaNDAdyA mudrikAshcha vashyakarmakutUhalAH || 15|| yAbhirvirachitAbhishcha kA strI na syAdvasha~NgatA | mAyayA mohitA yAshcha unmAdyantyo manasvini || 16|| na jAne kIdR^ishI tAsAM gatirbhavati shobhane | tripurA trijagaddhAtrI sAkShAdyA bhagavattanuH || 17|| tayA virachitA mAyA na kasyA vA harenmanaH | na jAne kAsi devI tvaM kiM te nAma prakAshyatAm || 18|| navalAvaNyavashyAbhiH samAplAvitavigrahAH | na kvApi kApi me dR^iShTA sR^iShTAviha vihAriNI || 19|| brAhmaNa uvAcha ityuktA sA mahAdevI kR^iShNadevasya vallabhA | vANIM sumadhurAM kAntAmakarodatithiM mukhe || 20|| shrIrAdhikA uvAcha na jAnAmi kuto jAtA kasmAdatra samAgatA | kiM me nAma na jAnAmi svabhAvachapalA.asmyaham || 21|| ekaM smarAmi puruShaM shyAmalaM puruShAkR^itim | tatkaTAkShabANabhinnahR^idayA hR^idayAmbuje || 22|| riraMsurapi taM dUre bhayAt prathamasa~Ngame | daivAdahaM gatA dUre nIpamUlAditi smare || 23|| brAhmaNa uvAcha tato vR^indA bhagavatI bhUyaH provAcha kAminI | tAmeva rAdhikAM devIM praNayAviShTamAnasA || 24|| vR^indA uvAcha kathayasva maheshAni nAma kiM te sukhAvahe | rUpaM dR^iShTvA mohitAyai mahyaM shushrUShave param || 25|| rUpamIdR^i~NnAma kIdR^ik sudhAsahacharaM bhavet | iti vyAkulitAyA me satyamAndolitaM manaH || 26|| karuNAkaruNApUrNamaruNAyatalochane | yadyasti kuru chetastvaM mama shokavimochane || 27|| shrIrAdhikA uvAcha shR^iNu te kathayiShyAmi vR^inde vR^indAravandite | aShTAdashashatIM nAmnAM vedAgamasugopitAm || 28|| pavitrAM paramAM puNyAM pApasaMhArakAriNIm | shrIkR^iShNavirahAkrAntamanaso yadi no sukham || 29|| tathApi tava saubhAgyAnmukhe vANIM yunajmyaham | yatte pravarttayiShyAmi pravarttyaM na kadAchana | kebhyo.api prANatulyebhyo bhaktebhyo.api visheShataH || 30|| asyA.aShTAdashashatInAmastotrasya nAradaR^iShiranuShTupaChandaH shrIkR^iShNA.abhinnA rAdhArasamayIshaktirdevatA puruShasya puruShArthachatuShTaya\- sAdhane shrIrAdhAnAmnAmaShTAdashashatIpAThe viniyogaH | OM rAdhA paramA shaktiH shrIkR^iShNaprANavallabhA | nityA rasamayI shuddhA prabuddhA buddharUpiNI || 31|| kamalA kamalAsyA cha kamalAsanavanditA | kamalAsanA kAminI cha kAntA kAntamanoharA || 32|| kAntimatyanurAgADhyA kAmakelivilAsinI | vR^indAraNyeshvarI vR^indA vR^indArakamanoramA || 33|| vishveShAM jananI vishvA vishvapAlanakAriNI | vishvAdhArA vishvarUpA vishvasR^iShTivikAsinI || 34|| vishveshvarI vishvamAyA vishvasaMhArachAriNI | amR^itA mokShadA mokShA mokShalakShmIH sulakShaNA || 35|| nityaM vilAsarasikA nityaM kautukalampaTA | gopI rAj~nI shashimukhI kha~njanAkShI cha kha~njanA || 36|| krIDAniku~njanilayA kadambataruvAsinI | abhaktotsAraNakarI sadA praNatavatsalA 37|| jaganmohA moharUpA gajendramR^idugAminI | nitambinI kAmadevajayaja~NgamadevatA || 38|| shivadA vipaduddhArakAriNI vijayapradA | vijayA bhAminI devI shrImatI ratilAlasA || 39|| madonmattA mAdinI cha dIptA trailokyasundarI | vR^iShabhAnusutA durgA durgottAraNakAriNI || 40|| shrIvR^indAvanachandrAkShichakoravarachandrikA | lAvaNyavashyA snAtA~NgI pUrNAmR^itarasodayA || 41|| anantAnantacharitA.anantavikramachAturI | arUpA adhikAkArA amitA ahitA hitA || 42|| alIkahInA adhyAsyA ariShTagaNabha~njanI | ariktA aghR^itAshaktA atyujjvalasamujjvalA || 43|| atyadbhutA avikR^itiravichAravivarjitA | avachogocharA vyaktiramano vartmagAminI || 44|| anuchChvasanmAnasA cha atikAntikalApinI | ajanmA karmasukR^itA amalA atisundarI || 45|| abhirAmA.abhichalitApyabhisAravihAriNI | atIvaratisa~nchArimAnasA chAtikAmukI || 46|| ana~Ngara~NgachaturA chA~Ngasa~NgatachandanA | apA~Ngabha~Ngasa~nchArA atithipriyasevinI || 47|| amarAdhitA~NghryabjA alikA kalikAkulA | achintyarUpacharitA adhikAnandashAlinI || 48|| amandarasasampannA akalA chAkulA tathA | akAlA chAkR^itiratA.apyachalA chalasannibhA || 49|| amandA aruNAkShI cha aruNAruNimAdharA | aparAdhabha~njinI cha akhalA chAbalA tathA || 50|| agalantI ChalADhyA cha ambudAgamaharShitA | ambarAvItasarvA~NgI amburAshinivAsinI || 51|| atalAghAtinI chApi anilAnalarUpiNI | aphalADhyApyabhItA cha amUlApyayamAdarA || 52|| aravindekShaNA.alAsyA.apyabodhA chAhR^idarpitA | akShamAlAdharA chAkShakuntakApyakShaNekShaNA || 53|| akAmA.akAlamilitA akAntA.agAminI tathA | achArikA jAlagatA atAnA.atAntarUpiNI || 54|| adAntA.aghAriNI chaiva alAsyA.apAlitA tathA | avAritApyabhAvyA cha amAlyA mArddavA.aparA || 55|| AkalpAkalitA kalyA chAkvaNanmaNinUpurA | AkamrA kamitA kamprA chAku~nchitashiroruhA || 56|| AkhelamAnA khelA cha AkheTakavihAriNI | Alasyena vihInA cha AlayA lAsyakAriNI || 57|| AgamoktAdda.apyagaNitA Agame gopitA gatA | AghR^iNA cha~nchalA.abhyarchyA AjjvalajvalanojjvalA ||58|| AtanvatI ratikathAmAdarodArabhAvitA | AnatAnatisuprItA chApannairApadi smR^itA || 59|| AphalitAvR^itA vItA bhAsayantyabhayA tathA | AmUlarasasaMsnigdhahR^idayA.a.amayavarjitA || 60|| AyatA ratishIlA cha AlIDhA hasitAnanA | AbuddhApyAshritA.akhinnA hArarUpA cha jIvinAm || 61|| AkShodA kShINamadhyA cha AkShAlanakarI tathA | indIvaravarAmodA indukoTisushItalA || 62|| ichChAmayIShTA shiShTAnAmindIvaravanapriyA | inasevanasantuShTA ikAsyebhA madAgamA || 63|| IshvarI IshavashagA chekShaNAhlAdakAriNI | IhamAnA ItihInA IDitA sarvadaivataiH || 64|| umA uchitakartrI cha uktipratyuktikAriNI | unmadA.apyuShitollAsA chochchaistejobhirujjvalA || 65|| ugrA chograprabhA ulkApyukShavAhanasevitA | uchchasvarA.apyudIrNA cha unnItonvayashAlinI || 66|| uchchAryamANacharitA choddhatoddhArakAriNI | upapannA.apyunmanAshcha upapAtakapAtinI || 67|| udArA.apyunnasopAyA.apyUrIkR^itajagattrayA | ullalantI tathollolA.apyuchChritochChrAyakAriNI ||68|| uChvAsA.apyuchChvasadvaktrA uchChvAsanavivarjitA | uShA uShaHkAlagatA uShasipratichintitA || 69|| utsAhavardhanakarI utsahantI parAM vyathAm | utsedhotsekakalitA utsAritavidUShaNA || 70|| UrdhvordhvagamanI R^ikShA R^ikShavR^indaniShevitA | R^ikShavyUhAbhaya~NkArI R^ibhukShA R^ikSharUpiNI || 71|| ekAkinI tvedhamAnA eNAkShI ekasevitA | ai~NkArarUpiNI aikyashAlinI aichChikI tathA || 72|| aishvaryeNa vinArchyA cha aindriyA chaindradAyinI | okaHsvarUpiNI oghA oghatAraNakAriNI || 73|| ojasvinI auchitI cha audarikyaurddhikI tathA | kAlikA kalikA kIlA kIlAlAkulanigrahA || 74|| kulInA kuladharmADhyA kuchakuTTalakuTTitA | kR^itA kR^itamayI kR^ityA hInAkR^itiniShevitA || 75|| kelilolA kelirUpA kaulikI kaularUpiNI | kaulAchAraparA kaulaiHsevitA kauladharmibhiH || 76|| kA~nchanA~NgI kaNTakinI kaNTakena vivarjitA | kutsAvihInA kandarpadarpasaMhArakAriNI || 77|| kalindakanyA kUlasthA kAlindI kalaniHsvanA | kAkI ka~NkatikA ka~NkarUpiNI chaiva ki~NkarI || 78|| kAchA kAchamayI chaiva kachChapI kajjalojjvalA | kaTakartrI kaTipaTI kaTandIniratA kaTA || 79|| kaThorA kaThinavyaktA kaThinA kaThinastanI | kaDArA kANDasampUrNA kaNDUH kaNDUtikAriNI || 80|| kuNDA kuNDalinI kuNDarUpiNI kuNDasaMsthitA | kuNDinA kuNDinasthA cha kaNDolasthitikAriNI || 81|| kAtarA kvathitA kvAthA kanakAchalavAsinI | kAnanI kAnanamayI kAnanena stutA kadA || 82|| kAdhArA kR^ipaNA kUpA kUpashoShaNakAriNI | kaphaprahAriNI chaiva kaivalyamokShadAyinI || 83 |1 kAmAkulA kUlahInA karmakArmaNakAriNI | kAmadIptA kArarUpA kalADhyA kAshikAmayI || 84|| kAshIshvaraprakAshA cha kaushikI kosharUpiNI | kashA kashAtADinI cha keshinI keshisUdanI || 85|| kAShThA kAShThinI kuShThanAshinI kushajanakarI | kusheshayA kR^ishA~NgI cha kIshakeshvarasevitA || 86|| kushalA kushalADhyA cha kushalA kalikA tathA | kAShAyavasanA kAShThA kAShThinI kuShThanAshinI ||87|| kUrmajalakarI kaMsadhvasinI kasR^itikShamA | kAhArakAriNI kakShA kakShAkoTivihAriNI || 88|| kakSharUpA kakShamayI kaukSheyakakarI tathA | kukShisaMsthApitA chaiva kukShatiH kukShamAkarI || 89|| chakrapANishcha chakitA chakrADhyA chakravartinI | chAmIkarAkAragaurI chamUruramaNIkShaNA || 90|| cha~nchalA chi~nchinAtheShTA cha~nchada~NgI cha chi~nchikA | chaTakA chaTakaprItA chaNDikA chaNDavikramA || 91|| chitteshA chAtakI chandrA chandrikA chandrarUpiNI | chInAchAraparA chaiva chInadeshabhavA tathA || 92|| chapalA champakAmodA champakA~NgI tathaiva cha | chayarUpA chayAkArA chArurUpA charAcharA || 93|| charitrachAriNI charvyamAnAsuranarAdhipA | chatushcharidharA chIrA chirachAraNachAritA || 94|| chalAchalapriyA chaiva chaladvindimanoharA | chASharUpA chUShyarasA chaShakAsyatapAyinI || 95|| chakShurlakShaNayuktA cha charamA.acharamA.achalA | TIkA Ta~NkAriNI chaiva TalaNTalakarI tathA || 96|| tiktA chaiva tathA ta~NkA ta~NkinI ta~NkavarjitA | tigmA takArasantuShTA tigmavahnipriyA tathA |1 97|| ta~NkanI ta~NkamahimA tachChrIstAchChIlyashAlinI | tuchChahInA tejitA cha tajjitA tajjayAtmikA || 98|| taTinI taTarUpA cha taDittADanakAriNI | taDAganilayA tADyA taDitvatprItidAyinI || 99|| tANDavA tANDavaprItA taNDA tANDavitAnanA | tUNIrA tUNakushalA tuNDinI tuNDabhUShaNA || 100|| tatAtatikarI tAnapriyA tittiriniHsvanA | totrA totrakarA chaiva tatsattatsanniveshitA || 101|| tatinI taDinI chaiva tathAstvitivarapradA | tathAgatAgatAbhij~nA tathyavANI tathaiva cha || 102|| tathyAtathyavatA chaiva tithistithipatipriyA | tadArAdhyatanustanvI tanurUpA tanIyasI || 103|| tAninI tAnarasikA tapasyA tapasAratA | tapasvinI tApahInA tApinI tApasapriyA' || 104|| tR^iptA temanasuprItA temanA tAmyatItamA | tApinI tAriNI tArA trinetrA trisharIriNI || 105|| trayI trANakarI tretA tretAyugasamutthitA | taristaraNisantuShTA taruNI tarurUpiNI || 106|| taruNAnandinI tIrarasikA tIrasaMsthitA | talA tallayamApannA tAnotsavaparAyaNA || 107|| tAlA~NkarasikA tAlapriyA tilakinI tilA | tilottamA tulAhInA tulitA tR^iNakAriNI || 108|| tuShinI tuShahInA cha tuShTistuShTamanAstathA | tR^iShNA tR^iShNAvarjitA cha toShiNI toShakAriNI || 109|| takShiNI takSharUpA cha takShakAdiniShevitA | tIkShNA tIkShNaprabhA pAkA pAkasampAdinI tathA || 110|| pikasvarA pakShiratA pakShirAjaniShevitA | pakShavrataparA chaiva pakShiNI pakSharUpiNI || 111|| pUga pUgaratA pa~NkA pa~NkAkulasudurlabhA | pachinI pAchinI pR^ichChA pR^ichChAkushalakAriNI || 112|| pUjyA pUjanashaktA cha pa~nchAnananiShevitA | pa~nchavaktrA pa~nchabANamohinI pa~nchasevitA || 113|| pa~nchatvahA pa~nchapApanAshinI cha tathaiva cha | pa~nchamasvarasantuShTA pa~nchAsyakShINamadhyamA || 114|| pA~nchAlikA pA~nchajanyaninadA pi~njashAlinI | pa~njarA pa~njarasthA cha pu~njinI pu~njarUpiNI || 115|| paTIsindUratilakA paTashATIsamAvR^itA | pATalA puTinI chaiva peTIpoTA tathaiva cha || 116|| paThanAsaktahR^idayA pAThinI pIDitAsurA | paNakartrI pANipadmashobhitA paNDitA tathA || 117 1| pANDityadAyinI chaiva piNDadA piNDatoShitA | patitoddhArakartrI cha pAtitA.amitrasaMhatiH || 118 1| pitR^ibhaktiratA chaiva putriNI putradAyinI | pUtanA pUtanAshatruH pR^itanA pR^itanAvatI || 119|| potAdhAnAdhAnakartrI potanistArakAriNI | pathipUjyA pathipraj~nA pathikochChvAsakAriNI || 120|| pAthoruhanivAsA cha pR^ithivI pR^ithivIshvarI | padA pAdapatadbhaktA pidadhAnA pidhAyinI || 121|| pAnIyajasamuchchetAH pInastanakaTidvayA | punaHpunArasAveshA paunaHpunyavidhAyinI || 122|| panthAH pAnthasvarUpA cha pAnthaduHkhavinAshinI | pApanAshI puShparatA pavanotsukamAnasA || 123|| pAvakojjvalatejAshcha pibapibetivAdinI | pIvarA pAmarA prApyA pampApadavilAsinI || 124|| payasvinI payojADhyA pAyasaprItamAnasA | priyAlakusumAsaktA paronmUlanakAriNI || 125|| pArapradA purANArchyA pUrvotthA pUrvasevitA | paurvAparyakarI chaiva palAyanavivarjitA || 126|| pAlanI pulakA~NgI cha pAshahastA tathaiva cha | pR^ishnigarbhAvatArA cha piNDaghorasudurdharA || 127|| puShTadehA puShTarUpA poShyapoShaNakAriNI | pauShamAsanidAghA cha pAkShikI pakShiniHsvanA || 128|| pakShadvayavidhAtrI cha pakShAntArhaNatoShitA | khakR^itA khagatishchaiva khagatirladhupAyinI || 129|| khage khagI khagarutI khaganAgasvarUpiNI | kha~njA kha~njapriyA chaiva kha~njanAkShI cha kha~njanI || 130|| khaTvAratA cha khaDvA~NgaghAriNI kheTakapriyA | khaNDA khANDavadAhA cha khaNDitA surayUthapA || 131|| khAdantI khAdyamAnA cha khaNDahInA cha khedanI | khanitrI khananAsaktA khanirUpA khanIlibhA || 132|| khinnA kharatarA chaiva kharAMshumAlinI tathA | khalakhalI khArakarI khalInakurukAshrayA || 133|| khalInA khilahInA cha khilAkhilaniShevitA | gaurgobhiHkamitA chaiva gokhurArchanasaMratA || 134|| gaganA gaganAdhArA gogatA gogaNArchitA | gograhA gograhAhlAdakAriNI cha tathaiva cha || 135|| godhanAhlAdasantuShTA goghaTA ghaTitA tathA | ga~NgA cha gA~NgatA chaiva ga~njanI ga~njanojjhitA || 136|| gu~njanmadhuvratarutA gu~njAmAlAvibhUShaNA | gaNeshvarI gaNaratA gaNeshvaraniShevitA || 137|| guNitA guNapUrNA cha gauNA guNavivarjitA | gaNDA gaNDavatI chaiva gaNDakuNDalamaNDitA || 138|| gaNDakI chaiva gANDIvadhAriNI gendukapriyA | gatA gatimatI chaiva gItA gItAprachAritA || 139|| gotanurgotatA gAthA gAthAgAnaparAyaNA | gaditA gadasaMhantrI godAnavratachAriNI || 140|| godhA godhA~NgulitrA cha godhAnyadhanavarddhinI | gAnAsaktamanA gantrI gandhA gandhavahA tathA || 141|| gopI gopAlasaktA cha gopAlabAlapAlitA | gopagopArchitA chaiva gopatipraNayAnvitA || 142|| gophalA gophalakarI govardhanagharI tathA | gobalA gobalIvardanardanotsavamAnasA || 143|| gobAlakalitAbhUShA govindapremalAlasA | govAhanamanoj~nA cha govR^itA govanasthitA || 144|| gobhArabharaNAsaktA gobhUtA go.amR^itapriyA | gamitA gamane mandA gAminI gomatI tathA || 145|| gambhIrI chaiva gambhIrA gayAsuraniShUdanI | gayA gayAvAsinI cha gAyatrI chaiva gAyanI || 146|| geyA goyAnarasikA garalA garalAkulA | gAnonmattamaNishrIkA girantI cha girAmayI || 147|| gIryamANA gorasADhyA gorasakrayakAriNI | gaurI goshvasitAmodA gR^iShTirUpA tathaiva cha || 148|| gosAraNakarI chaiva gosulakShaNalakShitA | gosarjanakarI chaiva gahanA gahanapriyA || 149|| gAhA guhaniShevyA cha guhyA cha gR^ihadevatA | gehinI gokShamAdhIrA ghUkA ghUkArutotsavA || 150|| ghATitA ghaTitA chaiva ghATAvatyapi ghATikA | ghoTakAkArakalitA ghaNTA ghaNTAvimodinI || 151|| ghaNTAkarNaniShevyA cha ghANAmauktikarAjitA | ghR^iNAvatI ghAtakarI ghR^itAmodavidhAyinI || 152|| ghanAnandA ghanamayI ghanAghananiShevitA | ghanAgamarakR^itaratirdharmAgamasushItalA || 153|| gharShaNA ghR^iShTarUpA cha ghR^iShTirghAsAbhilAShiNI | ChekACheka ravelamAnA ChagalI ChAgavAhinI || 154|| ChAgavAhanasevyA cha ChaTAtrailokyamohinI | ChatrAChatramayI ChatraChAditA ChAtrarUpiNI || 155|| ChadAkarNA ChAdinI cha ChedinI ChedavarjitA | ChadarUpA ChannarUpA ChannanAmnI tathaiva cha || 156|| ChinnamastA ChannamUrtishChannaprachChannakAriNI | ChandA ChandamayI chaiva ChandogA ChandasAmprabhuH || 157|| ChAyAmayI ChAyinI cha ChAyAkartrI ChalapriyA | ChalAChalakarI ChalyA jagannAthapriyApi cha || 158|| jagatAmupakartrI cha tathA jAgaraNakShamA | ja~NgamA ja~NgameshAnI tathA ja~NgamachAriNI || 159|| jaTAjUTadhAriNI cha jaDAjaDanipAtinI | jitAmitrA cha jetrI cha jaitrakarmavidhAyinI || 160|| jananI jananItij~nA jinAchAraparAyaNA | japA japyA japakarI jApinI jIvadhAriNI || 161|| jIvApi jIvajIvAturjaivAtrikamanoramA | jaDinI jaDasuprItA jamalArjunabha~njinI || 162|| jemanA jemanakarI jaiministavanapriyA | jambUlamAlikAraktA jambUprItA cha jAmbavI || 163|| jAmbavatyapi jambAlA jambAlakalitA.api cha | jambuvatsevitA chaiva jambUnadavibhUShaNA || 164|| jambIravipinAsaktA jambukAnanavAsinI | jR^imbhApi jR^imbhamAnAsyA jambhasUdanavanditA || 165|| jambhapravairiNI chaiva jayA cha jayinI tathA | jAyA jeyavijetrI cha jarAmaraNavarjitA || 166|| jalA jalamayI chaiva jaleshvaraniShevitA | jalavAsA jAlahInA jAlakShepaNakAriNI || 167|| jakShiNI jakShasevyA cha jakShiNIgaNasevitA | jakSharADabhilAShyA cha jha~NkArA jha~NkR^itipriyA || 168|| jha~njhArUpA jhaTA chaiva jhiNTIkusumapUjitA | jhararUpA jhaShAkArA jhaSharAshiniShevitA || 169|| ThaM ThaM ThanitishabdADhyA ThadvayA ThaTharUpiNI | DamaDDamaruhastA cha DhakkAvAdyavinodinI || 170|| daNDA daNDadharA chaiva daNDapANiniShevitA | dAtrI dUtI dUtyasaktA dUtisa~nchArakAriNI || 171|| dAnasa~nchArasantuShTA dAnadviradagAminI | daNDinI daNDadhavalA dAntA dvandvavinAshinI || 172|| dandashUkasamAkArA davAgnivIryasambhR^itA | dAvamthitA daviShThA cha devatAgaNasevitA || 173|| devI devavasusnigdhA devakI devakapriyA | tathA daivavidhAnaj~nA daivavidbhirniShevitA 1| 174|| damarUpA dAminI cha dambhA dambholivikramA | dambhA dambhavatI chaiva dayA chApi dayAmayI || 175|| dAyADhyA dAyarUpA cha dUyamAnA surAdhipA | deyaprApyA darADhyA cha darahInA darAvahA || 176|| dAriNI dUralabhyA cha dalapUrNA dalapriyA | dolAyamAnasarvA~NgI divyatejaHprakAshinI || 177 1| divyA divivihArA cha divArAtrikarI tathA | dashadigjyotinI chaiva dashAphalavidhAyinI || 178|| dashAdashakalAdeshakAlochitaparAkramA | dishantI dAsharUpA cha doShaleshavivarjitA || 179|| doShakShayakarI duShTadUShaNoddhArakAriNI | dAsIpriyA dAsyakarI dAsIgaNavirAjitA || 1800 dahanA dahaneshA cha dAhanirmUlakAriNI | dahanI dIhamAnA cha dihannitambashAlinI || 181|| dehadhAtrI dauhikI cha dohinI doharUpiNI | dakShA dakShiNadigjAtA dakShiNA dakShiNapriyA || 182|| dAkShiNyaniratA dIkShA dIkShAkR^itiparAyaNA | dIkShitapraNayAviShTA dIkShitAtivashasthitA || 183|| dhikkAriNI cha dhaTinI dheTIkaTisushobhitA | dheTinI dheTarUpA cha dhR^itashrIrdhautavigrahA || 184|| dhanyA dhanadasantuShTA dhanvAnodanakAriNI | dhUpinI dhUpasammodA dhavalA~NgI cha dhAvinI || 185 1| dhaminI dhAminI dhUmrA dhUmaketuvinAshinI | dhUmayonikataprItirdhUmralochanamardinI || 186|| dhUmA dhaumyA dhaumyaratA dhmAyamAnA.ambujApi cha | dhiyA prApyA dhUyamAnA dhyeyA dhyAnavigocharA || 187|| dharaNI dharaNIshAnI dharaNIdharadhAriNI | dhArAdhAramayI dhArAdhAriNI dhIrapUjitA || 188|| dhurandharA dhoraNI cha dhaurINavratachAriNI | dhUlidhUsaragAtrA cha dhUsarA dhUsarekShaNA || 189|| dhiShaNAvatsevitA cha dhiShaNA dhiShaNAvatI | dhUkShantI nAkanilayA nAkanAyakanAyikA || 190|| nikaTasthA cha naukA cha naukAsantArakAriNI | nR^ikapAlamAlakaNThA nikArAntavidhAyinI || 191|| nakharA nakhachandrA cha nasarekhAvibhUShaNA | nagagAnagajA chaiva nagarAjanivAsinI || 192|| nAgavAhanasantuShTA nAginI nAgasevitA | navalA nAchalA chaiva nR^ichAturyakarI tathA || 193|| nicholA~nchalasaMvItA naichikIgaNapUjitA | nauchalA nochChalakarI nR^ichChAdanakarI tathA || 194|| nijalokashokaharA nejanI naujanastutA | nR^ijanArchanasantuShTA nR^isaMhArakarI tathA || 195|| naTinI naTarUpA cha naTanATanakAriNI | nATyalIlAvinodA cha nATitAkhilasaMmR^itiH || 196|| nIjajArutakartrI cha nIjajAdhipavAhanA | natacheto.ambujasthA cha nindAnandamayI tathA || 197|| nUtanAtinUtanA cha netratrayavibhUShitA | netrI netrashobhitA~NgI nAsvarUpA nadanmugvI || 198|| nAdarUpA nidadhatI naudharAdharanishchalA | nadasvarA chaiva tathA nAnAguNasamanvitA || 199|| nR^iNAmaprItihR^idayA naunAshitabhayAvahA | nandinI nanditA chaiva nandanandanajIvanI || 200|| nindAhInA tathA nandA nIpamUlavinAshinI | nR^ipatitvapradA chaiva naupatipratisevitA || 201|| nR^iphalaikapradAtrI cha navanItasukomalA | nAvanItarasasnigdhA niviDAshleShakAriNI || 202|| nIvibandhAnubandhA cha nabhogamanalAlasA | nAbhihradagabhIrA cha nibhAsadbhAskarojjvalA || 203|| api naubhavanasthA cha namasyA nAmamohinI | nimnanAbhisushobhA cha nR^imaNDalavibhUShaNA || 204|| nemirnemivatI chaiva naimiShAraNyavAsinI | nityarUpA nityarasA nayanAnandavardhinI || 205|| nayadhIrA nAyikA cha niyatA niyatipradA | niyamAchArasa~nchArA narendraparisevitA || 206|| narAntaryAminI chaiva nirayAntakakAriNI | nArAyaNI nIravAsA nairantaryA cha nauratA || 207|| nalasevyA cha nAnADhyA tathA nIlasarasvatI | nR^ilambanakarI chaiva naulambanakarI tathA || 208|| nAshanI nAsharahitA nR^ishIlaparishIlanA | naushAndhakAradalanI noSharasthA cha noShitA || 209|| nAsAveShitamuktA cha nR^isajjanasutoShitA | nIhArAlayaputrI cha nihatirnihatikriyA || 210|| nIhArAMshusamAkArA tathA nauharaNodyatA | nR^ikShayakarI tathA chaiva naukShAlanakarI tathA || 211|| phaTAvatI phaNipatiprathitA phaNadIpitA | phenashubhrA cha phUtkArA phetkAriNyapi pherutA || 212|| phaladAtrI phullarUpA phullastabakashobhitA | phalgurUpA phalguvAkyA phalgUtsavaparAyaNA || 213|| bakalIlA bAkalA cha vR^ikavyUhavinAshinI | vR^ikodarA.agnirUpA cha bAtA vAgvAgupAsitA || 214|| vigatA veginI chaiva vidhAtR^ibhayanAshinI | vachanArachanAdakShA vAchikaprANamohinI || 215|| vichArachaturA vIchirvIchihantrI tayaiva cha | vajrabhUShA vajrapANirvajravairochanI tathA || 216|| vAjipR^iShThasamArUDhA vijarA bIjarUpiNI | va~nchakArutasandhAtrI va~nchakavyUhaveShTitA || 217|| vaTamUlanivAsA cha vaTAdhiShThAnakAriNI | viTajalpitasuprItA viTThaleshvarapUjitA || 218|| viTpUjitA cha vaDavA vADavAgnisamaprabhA | vINAvAdanasuprItA vINA vINAvatI tathA || 219|| vandanAsaktahR^idayA vasantotsavakAtarA | vAtaputrI cha vitanudhvajinI vItavidravA || 220|| vR^itakandarpamitrA cha vetrapANistathaiva cha | vadAvadapriyA chaiva vAdinI vidarA tathA || 221|| vedarUpA vedavatI vaidarbhIvadhakAriNI | bAdhA bAdhAnAshinI cha vidhanvA vidhurUpiNI || 222|| vidhishIlA budhA bodhyA vedhaHpUjyA cha vaidhasI | bodhitA bodhashIlA cha bauddhA bauddhakriyApriyA || 223|| vanasthitA vAnaprasthA vinetrA vR^intarUpiNI | vandanaprItachittA cha vanditA vanditapriyA || 224|| vR^indAravR^indavItA cha vR^indAvanavilAsinI | bandhanApannAshinI cha bandhujIvAruNAdharA || 225|| vandhyApatyapradA chaiva bAndhavAprItamAnasA | vapanotsavasaMsarpA vanitA vipaNisthitA || 226|| varavarasravadraktA vivarAntarachAriNI | vibhIrvaibhavasampUrNA vamitAsurapu~NgavA || 227|| vAmA cha vAmadevArchyA vibhanohR^idayasthitA | bimbAdharA vyayADhyA cha vaiyAsakiniShevitA || 228|| varArohA vAriNI cha virahAnalakIlitA | vIrA vIryayutA chaiva vIraNaprItimAnasA || 229|| vairiniShkampinI cheva balasUdanadurlabhA | balarAmAbhirAmA cha balavikramakAriNI || 230|| bAlA bilapraviShTA cha vilambakaraNakShamA | vashaMvadA vishAkheshA veshachAruvilAsinI || 231|| vaishampAyanapUjyA cha vaShaD viShavinAshinI | vR^iShAsuranihantrI cha vR^iSharakShaNakAriNI || 232|| vauShaTvasanashUnyA cha vAstuyAgasutoShitA | visinIdalavAsA cha vAhinI vAhinIsthirA || 233|| vihArakAriNI chaiva bR^ihatI vaihAyasI tathA | vakShoruhayugottu~NgA vikShAlanakarI tathA || 234 0| vR^ikShashreShThAgranilayA bhekaplutivinAshinI | bhagabhAlAla~NkR^itA cha bhagavatyapi bhAginI || 235|| bhAgyavattI tathA chaiva bhR^igusevanatoShitA | bhoginI bhogadA bhogyA bha~NgabhItivinAshinI || 236|| bhR^i~Ngara~Ngasa~NgamA cha bhajanasnigdhamAnasA | bhAjanashrIvR^iddhikarI bhujAndolavilAsinI || 237|| bhojyabhojanasantuShTA bha~njanI bhaTadurghaTA | bhuvanAsaktavadanA bhaNDamaNDanakAriNI || 238|| bhANDavatyapi bhANDA~NgI bhItA bhUtarAniShevitA | bhR^itA bhR^ityapriyA chaiva bhautacheShTAvidhAyinI || 239|| bhidAkartrI bhedahInA bhUpagoShThIsamarchitA | bhApapadapradAtrI cha bhavena paribhAvitA || 240|| bhAvinI bhuvanaprItA tathA bhAmA cha pambhAminI | bhImavIryapoShaNI cha bhUAMmabhUMmaguNAbUtA || 241|| bhaumasthAnapradAtrI cha bhaumagrahasupUjitA | bhayahInA bhavodbhrAntA bhArottolanakAriNI || 242|| bhIrurbhUriguNopetasevitA bheriniHsvanA | bheruNDA bhairavI chApi bhUlambanakarI tathA || 243|| bhR^ishaduritanihantrI cha bhAShiNI bhiShagarchitA | bhIShaNA cha bhushuNDyastrA bhUShaNena vibhUShitA || 244|| bheShajAshananIrogA bhaiShajyapadadAyinI | bhakShiNI chaiva bhikShushcha bhikShAkarmakalApinI || 245|| bhUkShayakalAlolA cha tathA bhaikShyavidhAyinI | bhaikShAchArasusantuShTA makarAkR^itikuNDalA || 246|| muktA muktaniShevyA cha muktAhAravihAriNI | mR^ikaNDutanayArchyA cha mR^ikaNDaparikhaNDinI || 247|| mauktikAbhAsuraradA makhakarmasamarhitA | mekhalA kaTibandhA cha maukharyaparivarjitA || 248|| mR^igashirasi jAtA cha mR^igacharmopaveshitA | mR^igapatnIlochanI cha mugdhA mugdhaniShevitA || 249|| maghavadvikramakarI moghIkR^itaripuvrajA | meghakeshI ma~NgalI cha tathA ma~NgaladAyinI || 250|| majjAvatI mR^ijAshIlA ma~nchasthA ma~njuvAgapi | moTinI maThamadhyasthA mR^iDAnI meDhUchakragA || 251|| maNimaNDapamadhyasthA maNirAjivirAjitA | maNipatrasthitA chaiva tathA mANavakAkR^itiH || 252|| mR^iNAlAbhabhujAyugmA mR^iNAlashayanotsukA | maNDalAntarasaMsthA cha muNDamAlAsamAkulA || 253|| matAbhij~nA mAtalIShTA mitrasaMsargatoShitA | mR^itasatkArakartrI cha maitravartmaprakAshinI || 254|| mathanI madapUrNA cha mAdinI muditA tathA | mR^iditA medurA chaiva modinI maudirapradA' || 255|| madhumAdhvIkamattA cha mAdhavIpuShpasaurabhA | mR^idhanirjayinI chaiva manoviShayajR^imbhitA || 256|| mAninI mInanetrA cha munirAjaniShevitA | mauninI cha tathA chaiva manthAnadaNDadhAriNI || 257|| mandArakusumArchyA cha mAndyavarjanakAriNI | mayadAnavasaMsevyA mAyAhInA cha mAyinI || 258|| mayUraninadAprItA mayUrarutakAriNI | maraNatrAsahantrI cha mAroddIpanakAriNI || 259|| murAgandhapriyA chaiva malaleshavinAshinI | mAlAshobhitasarvA~NgA milantI mIlayantyapi || 260|| mUlarUpA maulikA cha medhAmaishvaryadAyikA | miShantI mUShikAkArA mUShikAMshuvarapradA || 261|| meShAdinI moShahInA mAsavrataparAyaNA | mohinI makShikArUpA mekShaNI mokShadAyinI || 262|| yAgapriyA yugakarI yoginIkoTivallabhA | yaugikI yAchamAnA cha yachChantI yajanakriyA || 263|| yAjayantI tathA chaiva yojanAyAmavistR^itA | yoTanI yatamAnA cha yAtanAkShayakAriNI || 264|| yaduvaMshakShayakarI yAnama~NgalachAriNI | yonirUpA yauvanADhyA yuvalokavilokitA || 265|| yamabhItikShayakarI yAminI yamunA tathA | yAvadguNasusampannA yashasyA cha yashasvinI || 266|| yashodAmohinI chaiva yoShAkulashiromaNiH | rukmiNI rAgarasikA rugapetA cha rogahR^it || 267|| rAghavI rAghavaprItA raM~NkAnugrahakAriNI | ra~NgadA ri~NgaNakarI rochiHsa~nchArakAriNI || 268|| ruchirA rauchikI chaiva rAjalakShaNalakShitA | rujAsa~nchArakartrI cha ra~njanA raTanotsavA || 269|| raNadurmadamattA cha ratakAlavilAsinI | rItij~nA rutaghorA cha rathalakShapurogatA || 270 1| radadvayasmerayutA rAdhitA rodhakAriNI | rodhovinAshinI chaiva randhanAkulavigrahA || 271|| rUpyabhANDA rUpavatI ropaNI ravakautukA | rAviNI revatI revA tathA raivatakasthitA || 272|| ramA cha ramaNI cheva rAmaNIyakamayutA | romarAjIrAjitA cha rambhA rambhAvanasthitA || 273|| rayakartrI roShakarI ruShTA rasitakautukA | rAsAveshavilAsA cha rohiNI rakShiNI tathA || 274|| rAkShaseshvarasevyA cha rUkShA lakuchaveShTitA | lagitA lagnasa~nchArA chApi lagnamayI tathA || 275|| ladhubuddhipradA chaiva la~NkApuranivAsinI | lai~NgavartmaprakAshA cha li~NgarUpA cha li~NginI || 276|| la~NghanI cha tathA lajjA lajjAbharadharA tathA | lAjavikShepaNI chaiva lA~NgulI lA~NgulAnvitA || 277|| lAtA loDanakartrI cha lUtAtantuprasAriNI | lUnAmitrA cha lapanI lApasaMlApakAriNI || 278|| lopAmudrA lAbhakatrI lobhahInA cha lobhanI | lomashArAghyacharaNA lambanI lambhanI tathA || 279|| layahInA layagatA layanAntarashAyinI | lAlAmayI lalajjihvA lAsyakartrI cha lAsikA || 280|| lakShasevyA cha lAkShAbhA lAkShArAgAnurAgiNI | vuddhipradA buddhiratA buddhirUpA tathaiva cha |1 981|| shaktiH shAkambharI chaiva shikyanirmANakAriNI | shukapoShaNakartrI cha shukadevavarapradA || 282|| shUkarAkR^itikartrI cha shUkadhAnyasutoShitA | shokApanodinI chaiva shAkhinI shikhisatprabhA || 283|| shA~NkarI sha~NkarA chaiva sha~NkhinI shR^i~NgadhAriNI | shATIpaTasamuddIptA shaThalokabibhartsanI || 284|| shADhyahInA tathA chaiva shaNasUtrashiroruhA | shUlapANiH shoNanetrA shAtakumbhastanadvayI || 285|| shitabANA shItamUrtiH shothaghnI shuddharUpiNI | shAntA shAntimatI chaiva shi~njitA sajjanapriyA || 286|| shapathA shAntahR^idayA shApamochanakAriNI | shapharInayanI chaiva shiphArUDhA shavAsanA || 287|| shAvapoShTrI shivopAsyA shivA cha shevadhistathA | shivikA shivikArUDhA shaivavartmapradAyinI || 288|| shobhAkarI shamavatI shAminyapi cha shemuShI | shampAmadhyA shambarArivAriNI shAmbarI tathA || 289|| shambhurUpA shAmbhavI cha shambhumUrdhnisthitApi cha | shayanochChvasitA chaiva shAyitA sharavAriNI || 290|| shrIH shrImanniShevyA cha shrIphalAdhaHsthitA tathA | shAriNI shivamUrddhA cha shivahastA tayaiva cha || 291 |1 shUrasevyA shaivahastapradadA shaurakarmiNI | shalabhoddhAriNI chaiva shAlAnirmANakAriNI || 292|| shilAvR^iShTikarI shIlashAlinI shUlinI tathA | shailatulyA shvarInA cha shvApadavyUhaveShTitA || 293|| shvetAsanA shvaityavatI shvAtI shvasanakAriNI | shvAsAnilasugandhA cha shashacharmanivAsinI || 294|| shaishavADhyA sheShahInA shoShaNI shAsinI tathA | shikShAkarI sukaNThI cha sekakartrI sukomalA || 295|| sukhapradA saukhyarUpA sagarAnvayatAriNI | sAgarAsthA cha sugadadhvaMsinI sa~NkarapriyA || 296|| sA~NgopA~NgakriyAdhyakShA sa~Nghasa~nchArakAriNI | sajjanAhlAdajananI sujanI sa~njayArchitA || 297|| sitapadmadalaprItA sutanuH sUtrarUpiNI | sR^itA cha sadarA chaiva sAdarA sIdadudvyathA || 298|| sudayA sudarA chaiva sodaraprItikAriNI | sadhavA cha tathA sAdhvI siddhA sIdhunipAyinI || 299|| sudhanvA cha tathA senAkolAhalavidhAyinI | sainyamUrddhAsandalanI sandeshahAriNI tathA || 300|| sAndrAnandA cha sindUramaNDitAlikamaNDalA | sundopasundahantrI cha saundaryasarvamohinI || 301|| sandhivigrahakAryA cha sandhAtrI sandhyayArchitA | sandhyA sindhusvarUpA cha sindhumajjanakAriNI || 302|| saindhavI saindhavashrIkA supadA sUpakAriNI | saupadyadAyinI chaiva savR^ittiH sAvarA tathA || 303|| suvarNAla~NkAradhAtrI sauvarNaprabhavojjvalA | sabhAsabhyaghikartrI cha sAbhA cha subhagA tathA || 304|| samA sAmyavihInA cha sImantotsavakAriNI | sR^imarA somabhAvA cha somavartmaprasAriNI || 305|| sampannA cha tathA sampat sampaddAtrI tathaiva cha | saMvR^itA cha tathA sambhAShaNakaushalakAriNI || 306|| shumbhanishumbhahantrI cha sampannA sAyatistathA | saraHsthA sArasI chaiva surasA surasAdhitA || 307|| saurasyadAyinI chaiva sanayA sAnayA tathA | sunIlA svachChabuddhishcha tathA svAchChandyakAriNI || 308|| rachanAmR^itavarShiNI cha svinnA svapnAvatI tathA | svayambhUpUjitA chaiva svayambhUH svAtmadIpanI || 309|| svarasaptakasa~NgItara~NgiNI svAtmabhAvinI | svAhA svadhA svAkSharA cha tathApi svAmivallabhA || 310|| sakShatA sAkShiNI chaiva sukShodA sUkShitA tathA | hu~NkAriNI tathA hUTTavAsinI haThakAriNI || 311|| hatihantrI hutaprItA hutAsuramahAhanA | hUtapApA hetihastA hotR^irUpA tathaiva cha || 312|| hautAsanaprabhAkartrI hR^idambujanivAsinI | hananAripTahR^idayA hInadoShA tathaiva cha || 313|| hambhAravAkAlanotthA hR^idayAnandashAlinI | hayavAhanasuprItA hAyanaj~nAnadAyinI || 314|| hUyamAnA hariprItA hAriNI hIrakojjvalA | halidarshanakrImbhArA halAhalanipAyinI || 315|| hilihilItikartrI cha tathA hulahulipriyA | helAkarI hvavAlantI cha hvAlayantI tathaiva cha || 316|| heShAravasamodA sA hasantI hAsavihvalA | hAhA hAhAkarI chaiva hUhU gandharvaveShTitA || 317|| haihayArchitatajAshcha kShatikartrI kShitisthitA | kShutakartrI kShetrarUpA kShetrapAlaniShavitA || 318|| kShautadoShaprashamanI kShudrA cha kShodinA tathA | kShaudrakaprItahR^idayA kShipantI kShobhavarjitA || 319|| kShamAvatI tathA kShAmAkSharollApavilAsinI | kShema~NkarI kShaumavastrA tathA kShayavivarjitA || 3ke 0|| kSharahInA bhaktajanA kShArahInA tathaiva cha | kShAraprItAkSharaprApyA kShAlanI kShAlanapriyA || 321|| aghamardanya~NkajA cha a~Ngapratya~NgakomalA | achChIkaraNadakShA cha ajamAyA tathaiva cha || 322|| a~nchalIcha~nchalA chaiva a~njanAra~njanI tathA | aTavIraTanaprItA atalAdhaHsthitA tathA || 323|| avanI amarArAtikoTikoTinipAtinI | ayasthitA arAlabhrurashaktA.ashakalA tathA || 324|| ashayA asharA chaiva ashalAkAshakojjvalA | asvapnA asahA chaiva ahantrI akShavR^ittigA || 325|| AkAshavAsinI chaiva AgatApi tathaiva cha | AdhArasusthitA chaiva achalAdalakAhvalA || 326|| AchArarachitAchAryA AjimadhyapraveshinI | AyasA ArakUTasthA AlasyakShayakAriNI || 327|| AshaMsAkarmashubhadA AShADhadhAriNI tathA | AshAvardhanakartrI cha AshAjyotirvidhAyinI || 328|| AShADhamAsi pUjyA cha AshaMsAsvAntamAsthitA | AsArasukhitA chaiva Ahosviditi tarkitA || 329|| iDA iDatApatrayA IShaddhAsyamilanmukhI | uDDiyAnapIThagatA uShTrapu~NgavavAhinI || 330|| uktA utathyAdhvajadhR^ik uddhavaprItikAriNI | umbhitA uditA chaiva unnatA uparisthitA || 331|| ikShuhastA tathA.apyUDhA R^itukAlasukhapradA | R^itapriyA tathA chaiva R^ikShamokShaNakAriNI || 332|| R^iShibhiH sevitA chaiva R^iShyashR^i~NgasamarchitA | oDrapuShpapUjitA cha AdhArachakravAsinI || 333|| maNipuravAsinI cha svAdhiShThAnanivAsinI | anAhatAnAhatA cha vishuddhachakravAsinI | Aj~nAchakravAsinI cha sahasradalavAsinI || 334|| itImAM nAmnAmaShTAdashashatIM yaH paThati shR^iNoti pAThayati shrAvayati vA sa sarvapApavimuktaH\, sa dhanI dhanada iva\, sa kaviH kaviriva\, sa paNDito gururiva\, sa rUpavAn jaganmohano manmatha iva\, sa rAjyAdhikArI surarAja iva\, sa tejasvI vahniriva\, sa shAsakaH pitR^ipatiriva\, sa sarvatogatiH pavamAna iva\, sa shauryayuktaH sUrya iva\, sa shItalaH shItamarIchiriva bhavet || 335|| yaH paThet prayato vidvAn padyArdhaM padyameva vA | brahmahatyAdipApebhyo mukta eva na sashayaH || 336|| imaM stavaM paThan vyAsaH kavIndratvamupAgataH | vAlmIkirapi vipratvaM vishvAmitro jagAma saH || 337|| yadyapi kuShThI kunakhI badhiro.andhaH punarati durgato nAnAduravasthAjaDIkR^itakalevaro japati jApayati vA so.api pApaM sarvaM sandahya premalakShaNAM bhaktimadhiShThAya sarvopari bhrAjate || 338|| sarvAbAdhAprashamanaM dhanadhAnyavivardhanam | etasyAdhyayanenaiva satyaM satyaM vadAmyaham || 339|| dharmalipsurlabheddharmamarthepsvarthamavApnuyAt | kAmaM kAmI labhedAshu mumukShurmokShamApnuyAt || 340|| sa~NkaTe samanuprApte idaM svastyayanaM param | raNe vA rAjasadane dyUte cha vijayapradam || 341|| yastu nityaM samAhitaH samyagAlapati punarAlApayati shR^iNute shrAvayati vA taddarshanamAtreNa vAdino niShprabhA bhavanti dUrAdeva tejaHpu~njapratihatachakShuSho yoginI\-DAkinI\-yakSha\-rakSha\-kUShmANDa\- bhUta\-preta\-pishAcha\-hiMsrajantavaH palAyante || 342|| tasya vane vA gahane pote vAtAdghUrNite vA na ki~nchidbhayam | na vidyuto bhayaM na cha dasyuto bhayaM na rAjato bhayaM nA.analato bhayaM na kebhyo.api bhayam || 343|| sa sarvadharmasampUrNo nityAnandamayastathA | iha loke sukhaM bhuktvA paratra mayi lIyate || 344|| nApamR^ityurna cha jvaro nA.ashubhA buddhirunmadA | na mAtsaryaM na lobhashcha tasya puMso.api durmateH || 345|| imA stutiM paThati yaH parAM pumAn bhavet sa hi.aprathitakIrtiruttamaH | vidhUya.atatsakalakalmaShaM vrajed\- vrajeshvarI charaNapadmabhR^i~NgatAm || 346|| || iti shrIkR^iShNayAmale mahAtantre shrImadrAdhAdevyA nAmnAmaShTAdashashatI samAptA || chaturvisho.adhyAyaH || 24|| ## Proofread by PSA Easwaran psaeaswaran at gmail \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}