पञ्चदशाक्षरीगुप्तिनर्तनलीलास्तुतिः
श्रीगणेशाय नमः ।
ॐ क ए ई ल ह्रीं ह स क ह ल ह्रीं स क ल ह्रीं श्रीं ।
राजराजेश्वरी राक्षसघ्नि स्फुतराकेन्दु मण्डल राजन्मुखि ।
राज्याधि भारादि सम्पत्प्रदायिनि राजत्किरीटिनि पालय माम् ॥
इन्दुराजत्किरीटिनि पालय माम् ॥ १॥
कल्याणरूप मनोहराङ्गि बहुकल्यंश सम्भव दोषहरे ।
कल्याण शैल धनुर्धर नायिके कल्याणमाशु विधेहि मम ॥
नित्यकल्याणमाशु विधेहि मम ॥ २॥
एणीविशाल दृगम्बुरुहे निजवेणीसितेतर कुण्डलिनी ।
वाणीविलास महावर दायिनी पाणिं प्रदायैवोद्धारय माम् ॥
तव पाणि प्रदायैवोद्धारय माम् ॥ ३॥
ईशान पूर्वक ब्रह्ममयि द्रुतमीप्सिता शेष महार्थप्रदे ।
ईशान वामाङ्क वासमहारसे ईहामिहाशु विमोचय मे ॥
परमीहामिहाशु विमोचय मे ॥ ४॥
लक्ष्मी सरखत्यु मादियुते सर्वलक्षण प्रोल्लसि ताङ्गयुते ।
लक्षकोट्यण्ड समूह विधायिनि लक्ष्यार्थवस्तु प्रदर्शय मे ॥
तत्वलक्ष्यार्थवस्तु प्रदर्शय मे ॥ ५॥
ह्रीङ्कार पञ्जरमध्ये शुकेश्वरी ह्रीङ्कार जाप प्रसादकरे ।
ह्रीम्पद लक्ष्यार्थ वस्तुस्वरूपिणि ह्रीरस्तु मेऽनात्म वस्तुसुखे ॥
महाह्रीरस्तु मेऽनात्म वस्तुसुखे ॥ ६॥
हर्यब्ज जन्म त्रिदृग्जननी क्षित्री हर्यश्व पूर्वा मरार्चिताङ्घ्रे ।
हर्षिणि श्रीहरि सोदरि शाम्भवि हर्षप्रदा भव मे सततम् ॥
महाहर्षप्रदा भव मे सततम् ॥ ७॥
सर्व चराचर जन्तुद्भव स्थिति संहार कर्तुस्सहायभूते ।
संसार चक्र परिभ्रमणादिषु साहाय्यमाशु विधेहि मम ॥
नित्यसाहाय्यमाशु विधेहि मम ॥ ८॥
कल्प लतोपम बाहुयुगे महाकल्पान्त कालैक साक्षिभूते ।
कल्पित मिथ्या प्रपञ्च विलासिनि कल्पय मे गति मात्मम यीम् ॥
परिकल्पय मे गति मात्मम यीम् ॥ ९॥
हव्यवहादि कलामयि सज्जनहर्म्य महान्दोलि कादिप्रदे ।
हस्ति कुम्भोन्नत वक्षोज शोभिते हत्यादि पाप मिहोच्चाटय ॥
ब्रह्महत्यादि पाप मिहोच्चाटय ॥ १०॥
लब्धमहा भक्ति योगैक साधने लक्ष्य षडध्वाति क्रान्तरूपे ।
लक्ष्मण पूर्वज मुख्यप्रपूजिते लक्ष्मीकुरुष्व माँ त्वं कृपया ॥
महालक्ष्मीकुरुष्व माँ त्वं कृपया ॥ ११॥
ह्रीङ्कार रङ्गस्थलान्तर्महानटि ह्रीङ्कारोद्यानक केकिनीशे ।
ह्रींसरसी कलहंसिनि शङ्करि ह्रीम्पद लक्ष्यार्थमाविष्कुरु ॥
तव ह्रीम्पद लक्ष्यार्थमाविष्कुरु ॥ १२॥
सर्गस्थिति प्रलयादि विनिर्मुक्त सच्चिदानन्दैक ब्रह्ममयि ।
सत्सम्प्रदायात्म विद्यास्वरूपिणि सद्वस्तुद्योतय मे सततम् ॥
हृदि सद्वस्तुद्योतय मे सततम् ॥ १३॥
कर्तृत्व भोक्तृत्व धर्मादि दुरगकूटस्थ चैतन्य साक्षिभूते ।
कल्पित वस्त्वधिष्ठानस्वरूपिणि कर्मादिबन्धद्विमोचय माम् ॥
कामकर्मादिबन्धद्विमोचय माम् ॥ १४॥
लम्बोदरप्रसवित्रि षडाननलब्धपयः पान वक्षोरुहे ।
लज्जान्विते शिवशय्यागृहाङ्गणे लक्ष्यं ममास्तु ते पादयुगम् ॥
ध्यानलक्ष्यं ममास्तु ते पादयुगम् ॥ १५॥
ह्रीङ्कार कल्पमहाद्रुम मञ्जरि ह्रीङ्कार दुग्ध पयोधि सुधे ।
ह्रीङ्कार गेहमहारत्न दीपिके ह्रीङ्कार जापेऽस्तु मे रसना ॥
तव ह्रीङ्कार जापेऽस्तु मे रसना ॥ १६॥
पूर्णविद्येश्वरी श्रीमन्महागुरुपूर्णमहाकरुणासुधया ।
पूर्णाद्य गुप्तिः श्री पञ्चदशाक्षरी पूर्णप्रसादं करोतु मम ॥
अतुलपूर्णप्रसादं करोतु मम ॥ १७॥
पञ्च मुखेशादि देवप्रतोषकपञ्चदशाक्षर गुप्तिमिमम् ।
पञ्चाक्षरादि वदुच्चरतामिह पञ्चत्व सम्भवभीतिर्नहि ॥
क्वापि पञ्चत्व सम्भवभीतिर्नहि ॥ १८॥
गुप्तिनर्तनलीलेयं राजताळसमन्विता ।
देवतोत्सववेलायां कारयामास सूरिभिः ॥ १९॥
अन्योऽन्यं पादतलेनाघटनं प्रदक्षिणनर्तनं गुप्तिः ।
कुम्मिः इति द्राविडभाषायाम् ।
इति श्री पदवाक्यादिपारट्टश्वनो ब्रह्मीभूतकैलासनाथशास्त्रिणः
कृतिषु पञ्चदशाक्षरीगुप्तीस्तुतिः सम्पूर्णा ॥
Proofread by Rajesh Thyagarajan