महामाये ! को नु भणतु महिमानं !
महामाये ! को नु भणतु महिमानं ! ॥
अभय वितरसि करकमलाभ्यां
नयनाभ्यां वरदानम् ॥
वदन शशी दृशौ मार्तण्ड
दिग्वलय परिधानम् ॥
क्रोधोऽग्निः स्मितमपि नवकुसुमं
करुणा खगकुलगानम् ॥
पदजलमुदधिरासनं धरणी
गगनं नीलवितानम् ॥
विनतजनानां हरसि विपत्तिं
दृप्तानामभिमानम् ॥
यमपि निजीकुरुषे करुणामयि
त विदधासि वदान्यम् ॥
त्वमसि जननि ! धनजनसुखदात्री
निखिलसमृद्धिनिधानम् ॥
पालय पोषय हासय वर्धय
प्रेरय काव्यललामम् ॥
-अभिराज डाॅ राजेन्द्रमिश्र
Encoded and proofread by Mohan Chettoor