% Text title : mAtaNgIsahasranAmastotra % File name : mAtangIsahasranAmastotra.itx % Category : sahasranAma, devii, dashamahAvidyA, stotra, devI % Location : doc\_devii % Transliterated by : Muktabodha.org % Proofread by : Muktabodha.org, DPD % Description-comments : From Shaktapramoda kAlyAdidashamahAvidyAtantrAtmakaH % Acknowledge-Permission: Marjorie Woollacott, Ph.D., Digital Library Coordinator muktabodha.org % Latest update : August 28, 2021 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Matangi Sahasranamastotram ..}## \itxtitle{.. shrImAta~NgIsahasranAmastotram ..}##\endtitles ## atha mAta~NgIsahasranAmastotram Ishvara uvAcha shR^iNu devi pravakShyAmi sAmpratantattvataH param | nAmnAM sahasramparamaM sumukhyAH siddhaye hitam || sahasranAmapAThI yaH sarvatra vijayI bhavet | parAbhavo na tasyAsti sabhAyAvvA mahAraNe || yathA tuShTA bhaveddevI sumukhI chAsya pAThataH | tathA bhavati deveshi sAdhakaH shiva eva saH || ashvamedhasahasrANi vAjapeyasya koTayaH | sakR^itpAThena jAyante prasannA sumukhI bhavet || mata~Ngo.asya R^iShishChando.anuShTubdevI samIritA | sumukhI viniyogaH syAtsarvasampattihetave || evandhyAtvA paThedetadyadIchChetsiddhimAtmanaH | devIM ShoDashavArShikIM shavagatAmmAdhvIrasAghUrNitAM shyAmA~NgImaruNAmbarAmpR^ithukuchA~Ngu~njAvalIshobhitAm | hastAbhyAndadhatI~NkapAlamamalantIkShNAntathA karttrikAndhyAyenmAnasapa~Nkaje bhagavatImuchChiShTachANDAlinIm || OM sumukhI shemuShIsevyA surasA shashishekharA | samAnAsyA sAdhanI cha samastasurasanmukhI || sarvasampattijananI sammadA sindhusevinI | shambhusImantinI saumyA samArAdhyA sudhArasA || sAra~NgA savalI velAlAvaNyavanamAlinI | vanajAkShI vanacharI vanI vanavinodinI || veginI vegadA vegA bagalasthA balAdhikA | kAlI kAlapriyA kelI kamalA kAlakAminI || kamalA kamalasthA cha kamalasthAkalAvatI | kulInA kuTilA kAntA kokilA kalabhAShiNI || kIrAkelikarA kAlI kapAlinyapi kAlikA | keshinI cha kushAvarttA kaushAmbhI keshavapriyA || kAlI kAshI mahAkAlasa~NkAshA keshadAyinI | kuNDalA cha kulasthA cha kuNDalA~NgadamaNDitA || kuNDapadmA kumudinI kumudaprItivarddhinI | kuNDapriyA kuNDaruchiH kura~NganayanA kulA || kundabimbAlinadanI kusumbhakusumAkarA | kA~nchI kanakashobhADhyA kvaNatki~NkiNikAkaTiH || kaThorakaraNA kAShThA kaumudI kaNDavatyapi | kaparddinI kapaTinI kaThinI kalakaNDinI || kIrahastA kumArI cha kurUDhakusumapriyA | ku~njarasthA kujaratA kumbhI kumbhastanI kalA || kumbhIkA~NgA karabhorUH kadalI kushashAyinI | kupitA koTarasthA cha ka~NkAlI kandalAlayA || kapAlavAsinI keshI kampamAnashiroruhA | kadambarI kadambasthA ku~NkumapremadhAriNI || kuTumbinI kR^ipAyuktA kratuH kratukarapriyA | kAtyAyanI kR^ittikA cha kArttikI kushavarttinI || kAmapatnI kAmadAtrI kAmeshI kAmavanditA | kAmarUpA kAmaratiH kAmAkhyA j~nAnamohinI || khaDginI khecharI kha~njA kha~njarITekShaNA khagA | kharagA kharanAdA cha kharasthA khelanapriyA || kharAMshuH khelanI khaTvAkharAkhaTvA~NgadhAriNI| kharakhaNDinyapi khyAtiH khaNDitA khaNDanapriyA || khaNDapriyA khaNDakhAdyA khaNDhasindhushcha khaNDinI | ga~NgA godAvarI gaurI gotamyapi cha gautamI || ga~NgA gayA gaganagA gAruDI garuDadhvajA | gItA gItapriyA geyA guNaprItirggururgirI | gaurgaurI gaNDasadanA gokulA goHpratAriNI | goptA govindinI gUDhA gUDhavigrastagu~njinI || gajagA gopinI gopI gokShAjayapriyA gaNA | giribhUpAladuhitA gogA gokulavAsinI || ghanastanI ghanaruchirgghanorugghananissvanA | ghu~NkAriNI ghukShakarI ghUghUkaparivAritA || ghaNTAnAdapriyA ghaNTA ghoTA ghoTakavAhinI | ghorarUpA cha ghorA cha ghR^itaprItirgghR^itA~njanI || ghR^itAchI ghR^itavR^iShTishcha ghaNTA ghaTaghaTAvR^itA | ghaTasthA ghaTanA ghAtakarI ghAtanivAriNI || cha~ncharIkI chakorI cha cha chAmuNDA chIradhAriNI | chAturI chapalA cha~nchushchitA chintAmaNisthitA || chAturvarNyamayI cha~nchushchorAchAryA chamatkR^itiH | chakravartivadhUshchitrA chakrA~NgI chakramodinI || chetashcharI chittavR^ittishchetanA chetanapriyA | chApinI champakaprItishchaNDA chaNDAlavAsinI || chira~njIvinI tachchintA chi~nchAmUlanivAsinI | ChUrikA ChatramadhyasthA ChindA ChindakarI ChidA || ChuchChundarI ChalaprItishChuchChundaranibhasvanA | ChalinI ChatradA ChinnA ChiNTichChedakarI ChaTA || ChadminI ChAndasI ChAyA CharU ChandAkarItyapi | jayadA jayadA jAtI jAyinI jAmalA jatuH || jambUpriyA jIvanasthA ja~NgamA ja~NgamapriyA | javApuShpapriyA japyA jagajjIvA jagajjaniH || jagajjantupradhAnA cha jagajjIvaparAjavA | jAtipriyA jIvanasthA jImUtasadR^ishIruchiH || janyA janahitA jAyA janmabhUrjjambhasI jabhUH | jayadA jagadAvAsA jAyinI jvarakR^ichChrajit || japA cha japatI japyA japAhA jAyinI janA | jAlandharamayIjAnurjjAlaukA jApyabhUShaNA || jagajjIvamayIjIvA jaratkArurjjanapriyA | jagatI jananiratA jagachChobhAkarI javA || jagatItrANakR^ijja~NghA jAtIphalavinodinI | jAtIpuShpapriyA jvAlA jAtihA jAtirUpiNI || jImUtavAhanaruchirjjImUtA jIrNavastrakR^it | jIrNavastradharA jIrNA jvalatI jAlanAshinI || jagatkShobhakarI jAtirjjagatkShobhavinAshinI | janApavAdA jIvA cha jananIgR^ihavAsinI || janAnurAgA jAnusthA jalavAsA jalArttikR^it | jalajA jalavelA cha jalachakranivAsinI || jalamuktA jalArohA jalajA jalajekShaNA | jalapriyA jalaukA cha jalAMshobhavatI tathA || jalavisphUrjjitavapurjjvalatpAvakashobhinI | jhi~njhA jhillamayI jhi~njhAjhaNatkArakarI jayA || jha~njhI jhampakarI jhampA jhampatrAsanivAriNI | Ta~NkArasthA Ta~NkakarI Ta~NkArakaraNAMhasA || Ta~NkAroTTakR^itaShThIvA DiNDIravasanAvR^itA | DAkinI DAmirI chaiva DiNDimadhvaninAdinI || DakAranissvanaruchistapinI tApinI tathA | taruNI tundilA tundA tAmasI cha tamaH priyA || tAmrA tAmravatI tantustundilA tulasambhavA | tulAkoTisuvegA cha tulyakAmA tulAshrayA || tudinI tuninI tumbA tulyakAlA tulAshrayA | tumulA tulajA tulyA tulAdAnakarI tathA || tulyavegA tulyagatistulAkoTininAdinI | tAmroShThA tAmraparNI cha tamaHsa~NkShobhakAriNI || tvaritA jvarahA tIrA tArakeshI tamAlinI | tamodAnavatI tAmatAlasthAnavatI tamI | tAmasI cha tamisrA cha tIvrA tIvraparAkramA | taTasthA tilatailAktA taruNI tapanadyutiH || tilottamA cha tilakR^ittArakAdhIshashekharA | tilapuShpapriyA tArA tArakeshI kuTumbinI || sthANupatnI sthirakarI sthUlasampadvivarddhinI | sthitiH sthairyasthaviShThA cha sthapatiH sthUlavigrahA || sthUlasthalavatI sthAlI sthalasa~NgavivarddhinI | daNDinI dantinI dAmA daridrA dInavatsalA || devA devavadhUrddityA dAminI devabhUShaNA | dayA damavatI dInavatsalA dADimastanI || devamUrttikarA daityAdAriNI devatAnatA | dolAkrIDA dayAlushcha dampatI devatAmayI || dashAdIpasthitA doShAdoShahA doShakAriNI | durgA durgArtishamanI durgamyA durgavAsinI | durgandhanAshinI dussthA duHkhaprashamakAriNI | durggandhA dundubhIdhvAntA dUrasthA dUravAsinI || daradAmaradAtrI cha durvvyAdhadayitA damI | dhurandharA dhurINA cha dhaureyI dhanadAyinI || dhIrAravA dharitrI cha dharmadA dhIramAnasA | dhanurddharA cha dhamanI dhamanIdhUrttavigrahA || dhUmravarNA dhUmrapAnA dhUmalA dhUmamodinI | nandinI nandinInandA nandinIinandabAlikA || navInA narmadA narmanemirnniyamanissvanA | nirmalA nigamAdhArA nimnagA nagnakAminI || nIlA niratnA nirvANA nirllobhA nirguNA natiH | nIlagrIvA nirIhA cha nira~njanajamAnavA || nirguNDikA cha nirguNDA nirnnAsA nAsikAbhidhA | patAkinI patAkA cha patraprItiH payasvinI || pInA pInastanI patnI pavanAshI nishAmayI | parAparaparAkAlI pArakR^ityabhujapriyA || pavanasthA cha pavanA pavanaprItivarddhinI | pashuvR^iddhikarI puShpI poShakA puShTivarddhinI || puShpiNI pustakakarA pUrNimAtalavAsinI | peshI pAshakarI pAshA pAMshuhA pAMshulA pashuH || paTuH parAshA parashudhAriNI pAshinI tathA | pApaghnI patipatnI cha patitA patitApatI || pishAchI cha pishAchaghnI pishitAshanatoShiNI | pAnadA pAnapAtrI cha pAnadAnakarodyatA || peyAprasiddhA pIyUShA pUrNA pUrNamanorathA | pata~NgAbhA pata~NgA cha paunaHpunyapibAparA || pa~NkilA pa~NkamagnA cha pAnIyA pa~njarasthitA | pa~nchamI pa~nchayaj~nA cha pa~nchatA pa~nchamApriyA || pichumandA puNDarIkA pikI pi~NgalalochanA | priya~Nguma~njarI piNDI paNDitA pANDuraprabhA || pretAsanA priyAlasthA pANDughnI pInasApahA | phalinI phaladAtrI cha phalashrIH phalabhUShaNA || phUtkArakAriNI raphArI phullA phullAmbujAnanA | sphuli~NgahA sphItamatiH sphItakIrttikarI tathA || bAlamAyA balArAtirbbalinI balavarddhinI | veNuvAdyA vanacharI vira~nchijanayatyapi || vidyApradA mahAvidyA bodhinI bodhadAyinI | buddhamAtA cha buddhA cha vanamAlAvatI varA || varadA vAruNI vINA vINAvAdanatatparA | vinodinI vinodasthA vaiShNavI viShNuvallabhA || vaidyA vaidyachikitsA cha vivashA vishvavishrutA | vidyaughavihvalA velA vittadA vigatajvarA || virAvA vivarIkArA bimboShThI bimbavatsalA | vindhyasthA paravandyA cha vIrasthAnavarA cha vit || vedAntavedyA vijayA vijayAvijayapradA | virogI vandinI vandhyA vandyabandhanivAriNI || bhaginI bhagamAlA cha bhavAnI bhavanAshinI | bhImA bhImAnanA bhImAbha~NgurA bhImadarshanA || bhillI bhilladharA bhIrurbbharuNDAbhI bhayAvahA | bhagasarpiNyapi bhagA bhagarUpA bhagAlayA || bhagAsanA bhavAbhogA bherIjha~NkArara~njitA | bhIShaNA bhIShaNArAvA vabhagatyahibhUShaNA || bhAradvAjA bhogadAtrI bhUtighnI bhUtibhUShaNA | bhUmidAbhUmidAtrI cha bhUpatirbbharadAyinI || bhramarI bhrAmarI bhAlA bhUpAlakulasaMsthitA | mAtA manoharA mAyA mAninI mohinI mahI || mahAlakShmIrmadakShIbA madirA madirAlayA | madoddhatA mata~NgasthA mAdhavI madhumarddinI || modA modakarI medhA medhyAmadhyAdhipasthitA | madyapA mAMsalobhasthA modinI maithunodyatA || mUrddhAvatI mahAmAyA mAyA mahimamandirA | mahAmAlA mahAvidyA mahAmArI maheshvarI || mahAdevavadhUmAnyA mathurA merumaNDitA | medasvinI milindAkShI mahiShAsuramarddinI || maNDalasthA bhagasthA cha madirArAgagarvitA | mokShadA muNDamAlA cha mAlA mAlAvilAsinI || mAta~NginI cha mAta~NgI mAta~NgatanayApi cha | madhusravA madhurasA bandhUkakusumapriyA || yAminI yAminInAthabhUShA yAvakara~njitA | yavA~NkurapriyA yAmA yavanI yavanArdinI || yamaghnI yamakalpA cha yajamAnasvarUpiNI | yaj~nA yaj~nayajuryakShI yashoniH kampakAkAriNI || yakShiNI yakShajananI yashodAyAsadhAriNI | yashassUtrapradA yAmA yaj~nakarmakarItyapi || yashasvinI yakArasthA bhUyastambhanivAsinI | ra~njitA rAjapatnI cha ramA rekhA ravI raNA || rajovatI rajashchitrA ra~njanI rajanIpatiH | rogiNI rajanI rAj~nA rAjyadA rAjyavarddhinI || rAjanvatI rAjanItistathA rajatavAsinI | ramaNIramaNIyA cha rAmA rAmAvatI ratiH | reto ratI ratotsAhA rogaghnI rogakAriNI | ra~NgA ra~NgavatI rAgA rAgA rAgaj~nA rAgakR^iddayA || rAmikA rajakI revA rajanI ra~NgalochanA | raktacharmadharA ra~NgI ra~NgasthA ra~NgavAhinI || ramA rambhAphalaprItI rambhorU rAghavapriyA | ra~NgA ra~NgA~NgamadhurA rodasI cha mahAravA || rodhakR^idrogahantrI cha rUpabhR^idrogasrAviNI | bandI vandistutA bandhurbandhUkakusumAdharA || vanditA vandyamAnA cha vaidrAvI vedavidvidhA | vikopA vikapAlA cha vi~NkasthA vi~NkavatsalA || vedairvilagnalagnA cha vidhivi~NkakarI vidhA | sha~NkhinI sha~NkhavalayA sha~NkhamAlAvatI shamI || sha~NkhapAtrA shinI sha~Nkhasvanasha~NkhagalA shashI | shabarI shambarI shambhuH shambhukeshA sharAsinI || shavA shyenavatI shyAmA shyAmA~NgI shyAmalochanA | shmashAnasthA shmashAnA cha shmashAnasthAnabhUShaNA || shamadA shamahantrI cha sha~NkhinI sha~NkharoSharA | shAntishshAntipradA sheShA sheShAkhyA sheShashAyinI || shemuShI shoShiNI sheShA shauryA shauryasharA sharI | shApadA shApahA shApAshApapanthA sadAshivA || shR^i~NgiNI shR^i~Ngipalabhuk sha~NkarI shA~NkarI shivA | shavasthA shavabhuk shAntA shavakarNA shavodarI || shAvinI shavashiMshAshrIH shavA cha shamashAyinI | shavakuNDalinI shaivAshIkarA shishirAshinA || shavakA~nchI shavashrIkA shabamAlA shavAkR^itiH | savantI sa~NkuchA shaktishshantanushshavadAyinI || sindhussarasvatI sindhussundarI sundarAnanA | sAdhuH siddhipradAtrI cha siddhA siddhasarasvatI || santatissampadA saMvachCha~NkisampattidAyinI | sapatnI sarasA sArA sArasvatakarI sudhA || surAsamAMsAshanA cha samArAdhyA samastadA | samadhIssAmadA sImA sammohA samadarshanA || sAmatissAmadhA sImA sAvitrI savidhA satI | savanA savanAsArA savarA sAvarA samI || simarA satatA sAdhvI sadhrIchI sasahAyinI | haMsI haMsagatihaMsI haMsojjvalanicholayuk || halinI hAlinI hAlA halashrIrharavallabhA | halA halavatI hyeShA helA harShavivarddhinI || hantirhantA hayAhAhAhatAhantAtikAriNI | ha~NkArI ha~NkR^itirha~NkA hIhIhAhAhitAhitA || hItirhemapradA hArArAviNI harirasammatA | horA hotrI holikA cha homA homahavirhaviH || hariNI hariNInetrA himAchalanivAsinI | lambodarI lambakarNA lambikA lambavigrahA || lIlA lIlAvatI lolA lalanA lalitA latA | lalAmalochanA lobhyA lolAkShI satkulAlayA || lapatnI lapatI lampA lopAmudrA lalantikA | latikA la~NghinI la~NghA lAlimA laghumadhyamA || laghIyasI laghUdaryA lUtA lUtAvinAshinI | lomashA lomalambI cha lulantI cha lulumpatI || lulAyasthA balaharI la~NkApurapurandarA | lakShmIrllakShmIpradA labhyA lAkShAkShI lulitaprabhA || kShaNA kShaNakShukShukShiNI kShamAkShAntiH kShamAvatI | kShAmA kShAmodarI kShemyA kShaumabhR^itkShatriyA~NgaNA || kShayA kShAyAkarI kShIrA kShIradA kShIrasAgarA | kShema~NkarI kShayakarI kShayakR^itkShaNadA kShatiH || kShudrikA kShudrikAkShudrA kShutkShamA kShINapAtakA | mAtuH sahasranAmedaM sumukhyAssiddhidAyakam || yaH paThetprayato nityaM sa eva syAnmaheshvaraH | anAchArAtpaThennityandaridro dhanavAnbhavet || mUkassyAdvAkpatirdevi rogI nIrogatAvvrajet | putrArtthI putramApnoti triShu lokeShu vishrutam || vandhyApi sUyate putravviduShassadR^isha~NguroH | satya~ncha bahudhA bhUyAdgAvashcha bahudugdhadAH || rAjAnaH pAdanamrAssyustasya hAsA iva sphuTAH | arayassa~NkShayayyAnti mAnasA saMsmR^itA api || darshanAdeva jAyante narA nAryo.api tadvashAH | karttA harttA svayavIro jAyate nAtra saMshayaH || yayya~NkAmayate kAmantantamApnoti nishchitam | duritanna cha tasyAsti nAsti shokaH katha~nchana || chatuShpathe.arddharAtre cha yaH paThetsAdhakottamaH | ekAkI nirbbhayo vIro dashAvarttastavottamam || manasA chintita~NkAryaM tasya siddhirnna saMshayaH | vinA sahasranAmnAyyo japenmantra~NkadAchana || na siddhirjjAyate tasya mantra~Nkalpashatairapi | kujavAre shmashAne vA madhyAhne yo japetsadA || kR^itakR^ityassa jAyeta karttA harttA nR^iNAmiha | rogArtto.arddhanishAyAyyaH paThedAsanasaMsthitaH || sadyo nIrogatAmeti yadi syAnnirbbhayastadA | arddharAtre shmashAne vA shanivAre japenmanum | aShTottarasahasrantu dashavAra~njapettataH | sahasranAma chaitaddhi tadA yAti svayaM shivA || mahApavanarUpeNa ghoragomAyunAdinI | tato yadi na bhItiH syAttadA dehItivAgbhavet || tadA pashubalindadyAtsvayaM gR^ihNAti chaNDikA | yatheShTa~ncha varandattvA prayAti sumukhI shivA || rochanAgurukastUrIkarppUraishcha sachandanaiH | ku~Nkumena dine shreShThe likhitvA bhUrjjapatrake || shubhanakShatrayoge cha kR^itamArutasakriyaH | kR^itvA sampAtanavidhindhArayeddakShiNe kare || sahasranAma svarNastha~NkaNThe vA vijitendriyaH | tadAyampraNamenmantrI kruddhassa mriyate naraH || duShTashvApadajantUnAnna bhIH kutrApi jAyate | bAlakAnAmiyaM rakShA garbbhiNInAmapi priye || mohanastambhanAkarSha-mAraNochchATanAni cha | yantradhAraNato nUna~njAyante sAdhakasya tu || nIlavastre vilikhite dhvajAyAyyadi tiShThati | tadA naShTA bhavatyeva prachaNDApyarivAhinI || etajjaptammahAbhasma lalATe yadi dhArayet | tadvilokana eva syuH prANinastasya ki~NkarAH || rAjapatnyo.api vivashAH kimanyAH purayoShitaH | etajjaptampibettoyammAsena syAnmahAkaviH || paNDitashcha mahAvAdI jAyate nAtra saMshayaH | ayuta~ncha paThetstotrampurashcharaNasiddhaye || dashAMsha~NkamalairhutvA trimadhvAktairvidhAnataH | svayamAyAti kamalA vANyA saha tadAlaye || mantro niHkIlatAmeti sumukhI sumukhI bhavet | ananta~ncha bhavetpuNyamapuNya~ncha kShayavvrajet || puShkarAdiShu tIrttheShu snAnato yatphalambhavet | tatphalallabhate jantuH sumukhyAH stotrapAThataH || etaduktaM rahasyante svasarvasvavvarAnane | na prakAshyantvayA devi yadi siddhi~ncha vindasi || prakAshanAdasiddhissyAtkupitA sumukhI bhavet | nAtaH parataro loke siddhidaH prANinAmiha || vande shrIsumukhImprasannavadanAmpUrNendubimbAnanAM sindUrA~NkitamastakAmmadhumadollolA~ncha muktAvalIm | shyAmA~Nka~njalikAkarA~Nkaragata~nchAdhyApayantIM shuka~Ngu~njApu~njavibhUShaNAM sakaruNAmAmuktaveNIlatAm || iti shrInandyAvarttatantre uttarakhaNDe mAta~NgIsahasranAmastotraM sampUrNam || ## \medskip\hrule\medskip The original text is from Muktabodha Indological Research Institute www.muktabodha.org Data-entered by the staff of Muktabodha under the direction of Mark S. G. Dyczkowski. Reprint of edition published in 1892. Revision 0 february 9, 2009 Publisher : Shrivenkateshvara press Publication year : 1949 Reproofread by DPD \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}