% Text title : lalitAsahasranAmastotram shivakRitam 3 % File name : lalitAsahasranAmastotrashiva.itx % Category : sahasranAma, devii, dashamahAvidyA, lalitA, stotra, devI % Location : doc\_devii % Transliterated by : DPD, help from Alex % Proofread by : DPD, Narayanaswami Pallasena, PSA Easwaran % Description-comments : Also known as shailaputrI ror kAlI sahasranAmastotra % Source : mahAbhAgavata upapurANa Adhyaya 23 % Latest update : March 31, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shrilalitasahasranamastotram ..}## \itxtitle{.. shrIlalitAsahasranAmastotram shivakR^itam ..}##\endtitles ## shrImahAdeva uvAcha \- haranetrasamudbhUtaH sa vahnirna maheshvaram | punargantuM shashAkAtha kadAchidapi nArada || 1|| babhUva vaDavArUpastApayAmAsa medinIm | tato brahmA samAgatya vaDavArUpiNaM cha tam || 2|| nItvA samudraM samprArthyaM tattoye.asthApayanmune | yayurdevA nijaM sthAnaM kAmashokena mohitAH || 3|| samAshvasya ratiM svAmI punaste jIvito bhavet || 4|| shratha prAha mahAdevaM pArvatI ruchirAnanA | trijagajjananI smitvA nirjane tatra kAnane || 5|| shrIdevyuvAcha \- mAmAdyAM prakR^itiM deva labdhuM patnIM mahatttapaH | chiraM karoShi tatkasmAtkAmo.ayaM nAshitastvayA || 6|| kAme vinaShTe patnyAH kiM vidyate te prayojanam | yoginAmeSha dharmo vai yatkAmasya vinAshanam || 7|| iti shrutvA vachastasyAH sha~NkarashchakitastadA | sandhyAyan j~nAtavAnAdyAM prakR^itiM parvatAtmajAm || 8|| tato nimIlya netrANi praharShapulakAnvitaH | nirIkShya pArvatIM prAha sarvalokaikasundarIm || 9|| jAne tvAM prakR^itiM pUrNAmAvirbhUtAM svalIlayA | tvAmeva labdhuM dhyAnasthashchiraM tiShThAmi kAnane || 10|| adyAhaM kR^itakR^ityo.asmi yattvAM sAkShAtparAtparAm | puraH pashyAmi chArva~NgIM satImiva mama priyAm || 11|| shrIdevyuvAcha \- tava bhAvena tuShTA.ahaM sambhUya himavadgR^ihe | tvAmeva cha patiM labdhuM samAyAtA tavAntikam || 12|| yo mAM yAdR^ishabhAvena samprArthayati bhaktitaH | tasya tenaiva bhAvena pUrayAmi manorathAn || 13|| ahaM saiva satI shambho dakShasya cha mahAdhvare | vihAya tvAM gatA kAlI bhImA trailokyamohinI || 14|| shiva uvAcha \- yadi me prANatulyAsi satI tvaM chArulochanA | tadA yathA mahAmeghaprabhA sA bhImarUpiNI || 15|| babhUva dakShayaj~nasya vinAshAya digambarI | kAlI tathA svarUpeNa chAtmAnaM darshayasva mAm || 16|| ityuktA sA himasutA shambhunA munisattamam | babhUva pUrvavatkAlI snigdhA~njanachayaprabhA || 17|| digambarI kSharadraktA bhImAyatavilochanA | pInonnatakuchadvandvachArushobhitavakShasA || 18|| galadApAdasaMlambikeshapu~njabhayAnakA | lalajjihvA jvaladdantanakharairUpashobhitA || 19|| udyachChashA~Nkanichayairmeghapa~NktirivAmbare | AjAnulambimuNDAlimAlayA.ativishAlayA || 20|| rAjamAnA mahAmeghapa~Nktishcha~nchalayA yathA | bhujaishchaturbhirbhUyochchaiH shobhamAnA mahAprabhA || 21|| vichitraratnavibhrAjanmukuTojjvalamastakA | tAM vilokya mahAdevaH prAha gadgadayA girA || 22|| romA~nchitatanurbhaktyA prahR^iShTAtmA mahAmune | chiraM tvadvirahenedaM nirdagdhaM hR^idayaM mama || 23|| tvamantaryAminI shaktirhR^idayasthA maheshvarI | ArAdhya tvatpadAmbhojaM dhR^itvA hR^idayapa~Nkaje || 24|| tvadvichChedasamuttaptaM hR^itkaromi sushItalam || 25|| ityuktvA sa mahAdevo yogaM paramamAsthitaH | shayitastatpadAmbhojaM dadhAra hR^idaye tadA || 26|| dhyAnAnandena niShpandashavarUpadharaH sthitaH | vyAghUrNamAnanetrastAM dadarsha paramAdaraH || 27|| aMshataH purataH sthitvA pa~nchavaktraH kR^itA~njaliH | sahasranAmabhiH kAlIM tuShTAva parameshvarIm || 28|| (atha nAmAvaliH |) shiva uvAcha \- OM anAdyA paramA vidyA pradhAnA prakR^itiH parA | pradhAnapuruShArAdhyA pradhAnapuruSheshvarI || 29|| prANAtmikA prANashaktiH sarvaprANahitaiShiNI | umA chottamakeshinyuttamA chonmattabhairavI || 30|| urvashI chonnatA chogrA mahogrA chonnatastanI | ugrachaNDogranayanA mahogrA daityanAshinI || 31|| ugraprabhAvatI chogravegA.anugrA.apramardinI | ugratArogranayanA chordhvasthAnanivAsinI || 32|| unmattanayanA.atyugradantottu~NgasthalAlayA | ullAsinyullAsachittA chotphullanayanojjvalA || 33|| utphullakamalArUDhA kamalA kAminI kalA | kAlI karAlavadanA kAminI mukhakAminI || 34|| komalA~NgI kR^ishA~NgI cha kaiTabhAsuramardinI | kAlindI kamalasthA cha kAntA kAnanavAsinI || 35|| kulInA niShkalA kR^iShNA kAlarAtrisvarUpiNI | kumArI kAmarUpA cha kAminI kR^iShNapi~NgalA || 36|| kapilA shAntidA shuddhA sha~NkarArdhasharIriNI | kaumArI kArttikI durgA kaushikI kuNDalojjavalA || 37|| kuleshvarI kulashreShThA kuNDalojjvalamastakA | bhavAnI bhAvinI vANI shivA cha shivamohinI || 38|| shivapriyA shivArAdhyA shivaprANaikavallabhA | shivapatnI shivastutyA shivAnandapradAyinI || 39|| nityAnandamayI nityA sachchidAnandavigrahA | trailokyajananI shambhuhR^idayasthA sanAtanI || 40|| sadayA nirdayA mAyA shivA trailokyamohinI | brahmAditridashArAdhyA sarvAbhIShTapradAyinI || 41|| brahmANI brahma gAyatrI sAvitrI brahmasaMstutA | brahmopAsyA brahmashaktirbrahmasR^iShTividhAyinI || 42|| kamaNDalukarA sR^iShTikartrI brahmasvarUpiNI | chaturbhujAtmikA yaj~nasUtrarUpA dR^iDhavratA || 43|| haMsArUDhA chaturvaktrA chaturvedAbhisaMstutA | vaiShNavI pAlanakArI mahAlakShmIrharipriyA || 44|| sha~NkhachakradharA viShNushaktirviShNusvarUpiNI | viShNupriyA viShNumAyA viShNuprANaikavallabhA || 45|| yoganidrA.akSharA viShNumohinI viShNusaMstutA | viShNusammohanakarI trailokyaparipAlinI || 46|| sha~NkhinI chakriNI padmA padminI musalAyudhA | padmAlayA padmahastA padmamAlAdibhUShitA || 47|| garuDasthA chArurUpA sampadrUpA sarasvatI | viShNupArshvasthitA viShNuparamA.a.ahlAdadAyinI || 48|| sampattiH sampadAdhArA sarvasampatpradAyinI | shrIrvidyA sukhadA saukhyadAyinI duHkhanAshinI || 49|| duHkhahantrI sukhakarI sukhAsInA sukhapradA | sukhaprasannavadanA nArAyaNamanoramA || 50|| nArAyaNI jagaddhAtrI nArAyaNavimohinI | nArAyaNasharIrasthA vanamAlAvibhUShitA || 51|| daityaghnI pItavasanA sarvadaityapramardinI | vArAhI nArasiMhI cha rAmachandrasvarUpiNI || 52|| rakShoghnI kAnanAvAsA chAhalyAshApamochinI | setubandhakarI sarvarakShaHkulavinAshinI || 53|| sItA pativratA sAdhvI rAmaprANaikavallabhA | ashokakAnanAvAsA la~NkeshvaravinAshinI || 54|| nItiH sunItiH sukR^itiH kIrtirmedhA vasundharA | divyamAlyadharA divyA divyagandhAnulepanA || 55|| divyavastraparIdhAnA divyasthAnanivAsinI | mAheshvarI pretasaMsthA pretabhUminivAsinI || 56|| nirjanasthA shmashAnasthA bhairavI bhImalochanA | sughoranayanA ghorA ghorarUpA ghanaprabhA || 57|| ghanastanI varA shyAmA pretabhUmikR^itAlayA | khaTvA~NgadhAriNI dvIpicharmAmbarasushobhanA || 58|| mahAkAlI chaNDavaktrA chaNDamuNDavinAshinI | udyAnakAnanAvAsA puShpodyAnavanapriyA || 59|| balipriyA mAMsabhakShyA rudhirAsavabhakShiNI | bhImarAvA sATTahAsA raNanR^ityaparAyaNA || 60|| asurAsR^ikpriyA tuShTA daityadAnavamardinI | daityavidrAviNI daityamathanI daityasUdanI || 61|| detyaghnI daityahantrI cha mahiShAsuramardinI | raktabIjanihantrI cha shumbhAsuravinAshinI || 62|| nishumbhahantrI dhUmrAkShamardinI durgahAriNI | durgAsuranihantrI cha shivadUtI mahAbalA || 63|| mahAbalavatI chitravastrA raktAmbarA.amalA | vimalA lalitA chAruhAsA chArustrilochanA || 64|| ajeyA jayadA jyeShThA jayashIlA.aparAjitA | vijayA jAhnavI duShTajR^imbhiNI jayadAyinI || 65|| jagadrakShAkarI sarvajagachchaitanyakAriNI | jayA jayantI jananI janabhakShaNatatparA || 66|| jalarUpA jalasthA cha japyA jApakavatsalA | jAjjvalyamAnA yaj~neshA janmanAshavivarjitA || 67|| jarAtItA jaganmAtA jagadrUpA jaganmayI | ja~NgamA jvAlinI jR^imbhA stambhinI duShTatApinI || 68|| tripuraghnI trinayanA mahAtripuratApinI | tR^iShNA jAtiH pipAsA cha bubhukShA tripurA prabhA || 69|| tvaritA tripuTA tryakShA tanvI tApavivarjitA | trilokeshI tIvravegA tIvrA tivrabalAlayA || 70|| niHsha~NkA nirmalAbhA cha nirAta~NkA.amalaprabhA | vinItA vinayAbhij~nA visheShaj~nA vilakShaNA || 71|| varadA vallabhA vidyutprabhA vinayashAlinI | bimboShThI vidhuvaktrA cha vivastrA vinayaprabhA || 72|| vishveshapatnI vishvAtmA vishvarUpA balotkaTA | vishveshI vishvavanitA vishvamAtA vichakShaNA || 73|| viduShI vishvaviditA vishvamohanakAriNI | vishvamUrtirvishvadharA vishveshaparipAlinI || 74|| vishvakartrI vishvahartrI vishvapAlanatatparA | vishveshahR^idayAvAsA vishveshvaramanoramA || 75|| vishvahA vishvanilayA vishvamAyA vibhUtidA | vishvA vishvopakArA cha vishvaprANAtmikApi cha || 76|| vishvapriyA vishvamayI vishvaduShTavinAshinI | dAkShAyaNI dakShakanyA dakShayaj~navinAshinI || 77|| vishvambharI vasumatI vasudhA vishvapAvanI | sarvAtishAyinI sarvaduHkhadAridryahAriNI || 78|| mahAvibhUtiravyaktA shAshvatI sarvasiddhidA | achintyA.achintyarUpA cha kevalA paramAtmikA || 79|| sarvaj~nA sarvaviShayA sarvopariparAyaNA | sarvasyArtiharA sarvama~NgalA ma~NgalapradA || 80|| ma~NgalArhA mahAdevI sarvama~NgaladAyikA | sarvAntarasthA sarvArtharUpiNI cha nira~njanA || 81|| chichChaktishchinmayI sarvavidyA sarvavidhAyinI | shAntiH shAntikarI saumyA sarvA sarvapradAyinI || 82|| shAntiH kShamA kShemakarI kShetraj~nA kShetravAsinI | kShaNAtmikA kShINatanuH kShINA~NgI kShINamadhyamA || 83|| kShipragA kShemadA kShiptA kShaNadA kShaNavAsinI | vR^ittirnivR^ittirbhUtAnAM pravR^ittirvR^ittalochanA || 84|| vyomamUrtirvyomasaMsthA vyomAlayakR^itAshrayA | chandrAnanA chandrakAntishchandrArdhA~NkitamastakA || 85|| chandraprabhA chandrakalA sharachchandranibhAnanA | chandrAtmikA chandramukhI chandrashekharavallabhA || 86|| chandrashekharavakShaHsthA chandralokanivAsinI | chandrashekharashailasthA cha~nchalA cha~nchalekShaNA || 87|| ChinnamastA ChAgamAMsapriyA ChAgabalipriyA | jyotsnA jyotirmayI sarvajyAyasI jIvanAtmikA || 88|| sarvakAryaniyantrI cha sarvabhUtahitaiShiNI | guNAtItA guNamayI triguNA guNashAlinI || 89|| guNaikanilayA gaurI guhyA gopakulodbhavA | garIyasI gururatA guhyasthAnanivAsinI || 90|| guNaj~nA nirguNA sarvaguNArhA guhyakA.ambikA | galajjaTA galatkeshA galadrudhiracharchitA || 91|| gajendragamanA gantrI gItanR^ityaparAyaNA | gamanasthA gayAdhyakShA gaNeshajananI tathA || 92|| gAnapriyA gAnaratA gR^ihasthA gR^ihiNI parA | gajasaMsthA gajArUDhA grasantI garuDAsanA || 93|| yogasthA yoginIgamyA yogachintAparAyaNA | yogidhyeyA yogivandyA yogalabhyA yugAtmikA || 94|| yogij~neyA yogayuktA mahAyogeshvareshvarI | yogAnuraktA yugadA yugAntajaladaprabhA || 95|| yugAnukAriNI yaj~narUpA sUryasamaprabhA | yugAntAnilavegA cha sarvayaj~naphalapradA || 96|| saMsArayoniH saMsAravyApinI saphalAspadA | saMsArataruniHsevyA saMsArArNavatAriNI || 97|| sarvArthasAdhikA sarvA saMsAravyApinI tathA | saMsArabandhakartrI cha saMsAraparivarjitA || 98|| durnirIkShyA suduShprApyA bhUtirbhUtimatItyapi | atyantavibhavA.arUpA mahAvibhavarUpiNI || 99|| shabdabrahmasvarUpA cha shabdayoniH parAtparA | bhUtidA bhUtimAtA cha bhUtistandrI vibhUtidA || 100|| bhUtAntarasthA kUTasthA bhUtanAthapriyA~NganA | bhUtamAtA bhUtanAthA bhUtAlayanivAsinI || 101|| bhUtanR^ityapriyA bhUtasa~NginI bhUtalAshrayA | janmamR^ityujarAtItA mahApuruShasa~NgatA || 102|| bhujagA tAmasI vyaktA tamoguNavatI tathA | tritattvA tattvarUpA cha tattvaj~nA tattvakapriyA || 103|| tryambakA tryambakaratA shuklA tryambakarUpiNI | trikAlaj~nA janmahInA raktA~NgI j~nAnarUpiNI || 104|| akAryA kAryajananI brahmAkhyA brahmasaMsthitA | vairAgyayuktA vij~nAnagamyA dharmasvarUpiNI || 105|| sarvadharmavidhAnaj~nA dharmiShThA dharmatatparA | dharmiShThapAlanakarI dharmashAstraparAyaNA || 106|| dharmAdharmavihInA cha dharmajanyaphalapradA | dharmiNI dharmaniratA dharmiNAmiShTadAyinI || 107|| dhanyA dhIrdhAraNA dhIrA dhanvinI dhanadAyinI | dhanuShmatI dharAsaMsthA dharaNI sthitikAriNI || 108|| sarvayonirvishvayonirapAMyonirayonijA | rudrANI rudravanitA rudraikAdasharUpiNI || 109|| rudrAkShamAlinI raudrI bhuktimuktiphalapradA | brahmopendrapravandyA cha nityaM muditamAnasA || 110|| indrANI vAsavI chaindrI vichitrairAvatasthitA | sahasranetrA divyA~NgI divyakeshavilAsinI || 111|| divyA~NganA divyanetrA divyachandanacharchitA | divyAla~NkaraNA divyashvetachAmaravIjitA || 112|| divyahArA divyapadA divyanUpurashobhitA | keyUrashobhitA hR^iShTA hR^iShTachittapraharShiNI || 113|| samprahR^iShTamanA harShaprasannavadanA tathA | devendravandyapAdAbjA devendraparipUjitA || 114|| rajasA raktanayanA raktapuShpapriyA sadA | raktA~NgI raktanetrA cha raktotpalavilochanA || 115|| raktAbhA raktavastrA cha raktachandanacharchitA | raktekShaNA raktabhakShyA raktamattoragAshrayA || 116|| raktadantA raktajihvA raktabhakShaNatatparA | raktapriyA raktatuShTA raktapAnasutatparA || 117|| bandhUkakusumAbhA cha raktamAlyAnulepanA | sphuradraktA~nchitatanuH sphuratsUryashataprabhA || 118|| sphurannetrA pi~NgajaTA pi~NgalA pi~NgalekShaNA | bagalA pItavastrA cha pItapuShpapriyA sadA || 119|| pItAmbarA pibadraktA pItapuShpopashobhitA | shatrughnI shatrusammohajananI shatrutApinI || 120|| shatrupramardinI shatruvAkyastambhanakAriNI | uchchATanakarI sarvaduShTotsAraNakAriNI || 121|| shatruvidrAviNI shatrusammohanakarI tathA | vipakShamardanakarI shatrupakShakShaya~NkarI || 122|| sarvaduShTaghAtinI cha sarvaduShTavinAshinI | dvibhujA shUlahastA cha trishUlavaradhAriNI || 123|| duShTasantApajananI duShTakShobhapravardhinI | duShTAnAM kShobhasambaddhA bhaktakShobhanivAriNI || 124|| duShTasantApinI duShTasantApaparimardinI | santAparahitA bhaktasantApaparinAshinI || 125|| advaitA dvaitarahitA niShkalA brahmarUpiNI | tridasheshI trilokeshI sarveshI jagadIshvarI || 126|| brahmeshasevitapadA sarvavandyapadAmbujA | achintyarUpacharitA chAchintyabalavikramA || 127|| sarvAchintyaprabhAvA cha svaprabhAvapradarshinI | achintyamahimA.achintyarUpA saundaryashAlinI || 128|| achintyaveshashobhA cha lokAchintyaguNAnvitA | achintyashaktirdushchintyaprabhAvA chintyarUpiNI || 129|| yogIchintyA mahAchintAnAshinI chetanAtmikA | girijA dakShajA vishvajanayitrI jagatprasUH || 130|| sannamyA.apraNatA sarvapraNatArtiharI tathA | praNataishvaryadA sarvapraNatAshubhanAshinI || 131|| praNatApannAshakarI praNatAshubhamochanI | siddheshvarI siddhasevyA siddhachAraNasevitA || 132|| siddhipradA siddhikarI sarvasiddhagaNeshvarI | aShTasiddhipradA siddhagaNasevyapadAmbujA || 133|| kAtyAyanI svadhA svAhA vaShaD vauShaTsvarUpiNI | pitR^iNAM tR^iptijananI kavyarUpA sureshvarI || 134|| havyabhoktrI havyatuShTA pitR^irUpA.asitapriyA | kR^iShpapakShaprapUjyA cha pretapakShasamarchitA || 135|| aShTahastA dashabhujA chAShTAdashabhujAnvitA | chaturdashabhujA.asa~NkhyabhujavallIvirAjitA || 136|| siMhapR^iShThasamArUDhA sahasrabhUjarAjitA | bhuvaneshI chAnnapUrNA mahAtripurasundarI || 137|| tripurA sundarI saumyamukhI sundaralochanA | sundarAsyA shubhradaMShTrA subhrUH parvatanandinI || 138|| nIlotpaladalashyAmA smerotphullamukhAmbujA | satyasandhA padmavaktrA bhrUkuTIkuTilAnanA || 139|| vidyAdharI varArohA mahAsandhyAsvarUpiNI | arundhatI hiraNyAkShI sudhUmrAkShI shubhekShaNA || 140|| shrutiH smR^itiH kR^itiryogamAyA puNyA purAtanI | vAgdevatA vedavidyA brahmavidyAsvarUpiNI || 141|| vedashaktirvedamAtA vedAdyA paramA gatiH | AnvIkShikI tarkavidyA yogashAstraprakAshinI || 142|| dhUmAvatI viyanmUrtirvidyunmAlA vilAsinI | mahAvratA sadAnandanandinI naganandinI || 143|| sunandA yamunA chaNDI rudrachaNDI prabhAvatI | pArijAtavanAvAsA pArijAtavanapriyA || 144|| supuShpagandhasantuShTA divyapuShpopashobhitA | puShpakAnanasadvAsA puShpamAlAvilAsinI || 145|| puShpamAlyadharA puShpaguchChAla~NkR^itadehikA | prataptakA~nchanAbhAsA shuddhakA~nchanamaNDitA || 146|| suvarNakuNDalavatI svarNapuShpapriyA sadA | narmadA sindhunilayA samudratanayA tathA || 147|| ShoDashI ShoDashabhujA mahAbhuja~NgamaNDitA | pAtAlavAsinI nAgI nAgendrakR^itabhUShaNA || 148|| nAginI nAgakanyA cha nAgamAtA nagAlayA | durgA.a.apattAriNI durgaduShTagrahanivAriNI || 149|| abhayA.a.apannihantrI cha sarvApatparinAshinI | brahmaNyA shrutishAstraj~nA jagatAM kAraNAtmikA || 150|| niShkAraNA janmahInA mR^ityu~njayamanoramA | mR^ityu~njayahR^idAvAsA mUlAdhAranivAsinI || 151|| ShaTchakrasaMsthA mahatI mahotsavavilAsinI | rohiNI sundaramukhI sarvavidyAvishAradA || 152|| sadasadvasturUpA cha niShkAmA kAmapIDitA | kAmAturA kAmamattA kAmamAnasasattanuH || 153|| kAmarUpA cha kAlindI kachAlambitavigrahA | atasIkusumAbhAsA siMhapR^iShThaniSheduShI || 154|| yuvatI yauvanodriktA yauvanodriktamAnasA | aditirdevajananI tridashArtivinAshinI || 155|| dakShiNA.apUrvavasanA pUrvakAlavivarjitA | ashokA shokarahitA sarvashokanivAriNI || 156|| ashokakusumAbhAsA shokaduHkhakShaya~NkarI | sarvayoShitsvarUpA cha sarvaprANimanoramA || 157|| mahAshcharyA madAshcharyA mahAmohasvarUpiNI | mahAmokShakarI mohakAriNI mohadAyinI || 158|| ashochyA pUrNakAmA cha pUrNA pUrNamanorathA | pUrNAbhilaShitA pUrNanishAnAthasamAnanA || 159|| dvAdashArkasvarUpA cha sahasrArkasamaprabhA | tejasvinI siddhamAtA chandrA nayanarakShaNA || 160|| aparA.apAramAhAtmyA nityavij~nAnashAlinI | vivasvatI havyavAhA jAtavedaHsvarUpiNI || 161|| svairiNI svechChaviharA nirbIjA bIjarUpiNI | anantavarNA.anantAkhyA.anantasaMsthA mahodarI || 162|| duShTabhUtApahantrI cha saddhR^ittaparipAlikA | kapAlinI pAnamattA mattavAraNagAminI || 163|| vindhyasthA vindhyanilayA vindhyaparvatavAsinI | bandhupriyA jagadvandhuH pavitrA sapavitriNI || 164|| parAmR^itA.amR^itakalA chApamR^ityuvinAshinI | mahArajatasa~NkAshA rajatAdrinivAsinI || 165|| kAshIvilAsinI kAshIkShetrarakShaNatatparA | yonirUpA yonipIThasthitA yonisvarUpiNI || 166|| kAmollasitachArva~NgI kaTAkShakShepamohinI | kaTAkShakShepaniratA kalpavR^ikShasvarUpiNI || 167|| pAshA~NkushadharA shaktidhAriNI kheTakAyudhA | bANAyudhA.amoghashastrA divyashastrA.astravarShiNI || 168|| mahAstrajAlavikShepavipakShakShayakAriNI | ghaNTinI pAshinI pAshahastA pAshA~NkushAyudhA || 169|| chitrasiMhAsanagatA mahAsiMhAsanasthitA | mantrAtmikA mantrabIjA mantrAdhiShThAtR^idevatA || 170|| surUpA.anekarUpA cha virUpA bahurUpiNI | virUpAkShapriyatamA virUpAkShamanoramA || 171|| virUpAkShA koTarAkShI kUTasthA kUTarUpiNI | karAlAsyA vishAlAsyA dharmashAstrArthapAragA || 172|| mUlakriyA mUlarUpA mUlaprakR^itirUpiNI | kAmAkShI kamanIyA cha kAmeshI bhagama~NgalA || 173|| sUbhagA bhoginI bhogyA bhAgyadA subhagA bhagA | shvetA.aruNA bindurUpA vedayonirdhvanikShaNA || 174|| adhyAtmavidyA shAstrArthakushalA shailanandinI | nagAdhirAjaputrI cha nagaputrI nagodbhavA || 175|| girIndrabAlA girishaprANatulyA manoramA | prasannA chAruvadanA prasannAsyA prasannadA || 176|| shivaprANA patiprANA patisammohakAriNI | mR^igAkShI cha~nchalApA~NgI sudR^iShTirhaMsagAminI || 177|| nityaM kutUhalaparA nityAnandA.abhinanditA | satyavij~nAnarUpA cha tattvaj~nAnaikakAriNI || 178|| trailokyasAkShiNI lokadharmAdharmapradarshinI | dharmA.adharmavidhAtrI cha shambhuprANAtmikA parA || 179|| menakAgarbhasambhUtA mainAkabhaginI tathA | shrIkaNThA kaNThahArA cha shrIkaNThahR^idayasthitA || 180|| shrIkaNThakaNThajapyA cha nIlakaNThamanoramA | kAlakUTAtmikA kAlakUTabhakShaNakAriNI || 181|| varNamAlA siddhikalA ShaTchakrakramavAsinI | mUlakelIratA svAdhiShThAnA turyanivAsinI || 182|| maNipUrasthitiH snigdhA kUrmachakraparAyaNA | anAhatagatirdIpashikhA maNimayAkR^itiH || 183|| vishuddhichakrasaMsthAnA chAj~nAchakrAbjamadhyagA | mahAkAlapriyA kAlakalanaikavidhAyinI | akShobhyapatnI sa~NkShobhanAshinI te namo namaH || 184|| shrImahAdeva uvAcha \- evaM nAmasahasreNa saMstutA parvatAtmajA | vAkyametanmaheshAnamuvAcha munisattama || 185|| shrIdevyuvAcha \- ahaM tvadarthe shailendratanayAtvamupAgatA | tvaM me prANasamo bhartA tvadananyA.ahama~NganA || 186|| tvaM madarthe tapastIvraM suchiraM kR^itavAnasi | ahaM cha tapasA.a.arAdhya tvAM lapsyAmi punaH patim || 187|| shrImahAdeva uvAcha \- tvamArAdhyatamA sarvajananI prakR^itiH parA | tavArAdhyo jagatyatra vidyate naiva ko.api hi || 188|| ahaM tvayA nijaguNairanugrAhyo maheshvari | prArthanIyastvayi shive eSha eva varo mama || 189|| yatra yatra tavedaM hi kAlIrUpaM manoharam | Avirbhavati tatraiva shivarUpasya me hR^idi || 190|| saMsthAtavyaM tvayA loke khyAtA cha shavavAhanA | bhaviShyasi mahAkAlI prasIda jagadambike || 191|| shrImahAdeva uvAcha \- ityukttvA shambhunA kAlI kAlameghasamaprabhA | tathetyukttvA samabhavatpunargaurI yathA purA || 192|| ya idaM paThate devyA nAmnAM bhaktyA sahasrakam | stotraM shrIshambhunA proktaM sa devyAH samatAmiyAt || 193|| abhyarchya gandhapuShpaishcha dhUpadIpairmaheshvarIm | yaH paThetstotrAmetachcha sa labhetparamaM padam || 194|| ananyamanasA devIM stotreNAnena yo naraH | saMstauti pratyahaM tasya sarvasiddhiH prajAyate || 195|| rAjAno vashagAstasya nashyanti ripavastathA | siMhavyAghramukhAH sarve hiMsakA dasyavastathA || 196|| dUrAdeva palAyante tasya darshanamAtrataH | avyAhatAj~naH sarvatra labhate ma~NgalaM mahat | ante durgAsmR^itiM labdhvA svayaM devIkalAmiyAt || 197|| || iti shrImahAbhAgavate upapurANe shrIshivakR^itaM shrIlalitAsahasranAmastotraM nAma trayoviMshatitamo.adhyAyaH sampUrNaH || shailaputrI sahasranAmastotram ## Proofread by DPD, Pallasena Narayanaswami ppnswami at gmail.com, PSA Easwaran \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}