% Text title            : laxmI kavacham 4
% File name             : laxmikavacham2.itx
% Category              : kavacha, devii, lakShmI, devI
% Location              : doc\_devii
% Proofread by          : NA
% Description-comments  : brahmavaivartapurANa 3 Ganapati Khanda, adhyAya 38, verses 52-82
% Latest update         : March 31, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Lakshmi Kavacham ..}##
\itxtitle{.. shrIlakShmIkavacham ..}##\endtitles ##
nArAyaNa uvAcha |
shR^iNu viprendra padmAyAH kavachaM paramaM shubham |
padmanAbhena yaddattaM brahmaNe nAbhipadmake || 1||
samprApya kavachaM brahmA tatpadme sasR^ije jagat |
padmAlayAprasAdena salakShmIko babhUva saH || 2||
padmAlayAvaraM prApya pAdmashcha jagatAM prabhuH |
pAdyena padmakalpe cha kavachaM paramAdbhutam || 3||
dattaM sanatkumArAya priyaputrAya dhImate |
kumAreNa cha yaddattaM puShkarAya cha nArada || 4||
yaddhR^itvA pAThanAd brahmA sarvasiddheshvaro mahAn |
paramaishvaryasaMyuktaH sarvasampatsamanvitaH || 5||
yaddhR^itvA cha dhanAdhyakShaH kuberashcha dhanAdhipaH |
svAyambhuvo manuH shrImAnpaThanAddhAraNAdyataH || 6||
priyavratottAnapAdau lakShmIvantau yato mune |
pR^ithuH pR^ithvIpatiH sadyo hyabhavadvAraNAdyataH || 7||
kavachasya prasAdena svayaM dakShaH prajApatiH |
dharmashcha karmaNAM sAkShI pAtA yasya prasAdataH || 8||
yaddhR^itvA dakShiNe bAhau viShNuH kShIrodashAyitaH |
bhaktyA vidhatte kaNThe cha sheSho nArAyaNAMshakaH || 9||
yaddhR^itvA vAmanaM lebhe kashyapashcha prajApatiH |
sarvadevAdhipaH shrImAnmahendro dhAraNAdyataH || 10||
rAjA maruto bhagavAnabhavaddhAraNAdyataH |
trailokyAdhipatiH shrImAnnahuSho yasya dhAraNAt || 11||
vishvaM vijigye khaTvA~NgaH paThanAddhAraNAdyataH |
muchukundo yataH shrImAnmAndhAtR^itanayo mahAn || 12||
sarvasampatpadasyAsya kavachasya prajApatiH |
R^iShishChandashcha bR^ihatI devI padmAlayA svayam || 13||
dharmArthakAmamokSheShu viniyogaH prakIrtitaH |
puNyabIjaM cha mahatAM kavachaM paramAdbhutam || 14||
OM hrIM kamalavAsinyai svAhA me pAtu mastakam |
shrIM me pAtu kapAlaM cha lochane shrIM shriyai namaH | 15|||
OM shrIM shriyai svAheti cha karNayugmaM sadA.avatu |
OM shrIM klIM mahAlakShmyai svAhA me pAtu nAsikAma || 16||
OM shrIM padmAlayAyai cha svAhA dantAnsadA.avatu |
OM shrIM kR^iShNapriyAyai cha dantarandhraM sadA.avatu || 17||
OM shrIM nArAyaNeshAyai mama kaNThaM sadA.avatu |
OM shrIM keshavakAntAyai mama skandhaM sadA.avatu |||| 18||
OM shrIM padmanivAsinyai svAhA nAbhiM sadA.avatu |
OM hrIM shrIM saMsAramAtre mama vakShaH sadA.avatu || 19||
oM shrIM moM kR^iShNakAntAyai svAhA pR^iShThaM sadA.avatu |
oM hrIM shrIM shriyai svAhA cha mama hastau sadA.avatu || 20||
OM shrInivAsakAntAyai mama padau sadA.avatu |
OM hrIM shrIM klIM shriyai svAhA sarvA~NgaM me sadA.avatu || 21||
prAchyAM pAtu mahAlakShmIrAgneyyAM kamalAlayA |
padmA mAM dakShiNe pAtu nairR^ityAM shrIrharipriyA || 22||
padmAlayA pashchime mAM vAyavyAM pAtu sA svayam |
uttare kamalA pAtu chaishAnyAM sindhukanyakA || 23||
nArAyaNI cha pAtUrdhvamadho viShNupriyA.avatu |
santataM sarvataH pAtu viShNuprANAdhikA mama || 24||
iti te kathitaM vatsa sarvamantraughavigraham |
sarvaishvaryapradaM nAma kavachaM paramAdbhutam || 25||
suvarNaparvataM datvA merutulyaM dvijAtaye |
yatphalaM labhate dharmI kavachena tato.adhikam || 26||
gurumabhyarchya vidhivatkavachaM dhArayettu yaH |
kaNThe vA dakShiNe bAhau sa shrImAnpratijanmani || 27||
asti lakShmIrgR^ihe tasya nishchalA shatapUruSham |
devendraishchAsurendraishcha so.avadhyo nishchitaM bhavet || 28||
sa sarvapuNyavAndhImAnsarvayaj~neShu dIkShitaH |
sa snAtaH sarvatIrtheShu yasyedaM kavachaM gale || 29||
yasmai kasmai na dAtavyaM lobhamohabhayairapi |
gurubhaktAya shiShyAya sharaNyAya prakAshayet || 30||
idaM kavachamaj~nAtvA japellakShmIM jagatprasUm |
koTisa~NkhyaM prajapto.api na mantraH siddhidAyakaH || 31||

iti shrIbrahmavaivarte mahApurANe tR^itIye gaNapatikhaNDe nAradanArAyaNasaMvAde
shrIlakShmIkavachavarNanaM nAmAShTAtriMshattamo.adhyAyaH || 38||

##
Brahmavaqivartapurana 3 Ganapati Khanda, adhyAya 38, Verses 52-82

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}