%@@1
% File name             : laghu16.itx
%--------------------------------------------
% Text title            : laghuShoDashArNakalAvilAsaH
% Author                :
% Language              : Sanskrit
% Subject               : hinduism/religion
% Description/comments  : Hymn to Devi
% Transliterated by     : Sridhar  Seshagiri seshagir@egr.msu.edu
% Proofread by          : Sridhar  Seshagiri seshagir@egr.msu.edu
% Latest update         : October 15, 2001
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to
% http://www.alkhemy.com/sanskrit/
% ftp://jaguar.cs.utah.edu/sanskrit/sanskrit.html
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
%--------------------------------------------------------
%--------------------------------------------------------
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. laghuShoDashArNakalAvilAsaH ..}##
\itxtitle{.. laghuShoDashArNakalAvilAsaH ..}##\endtitles ##
kalyANa.n jagatAmaha.n kathamume dhyAyAmi sachchidvapu\-
strayyantairmanasApi te saha chira.n mR^igyApi yatnena cha .
j~nAtum no vaditu.n shakyamabhavad yasmAt tathA bhaktitaH
shrIchakrAgragashaivama~nchaparashaivAN^kasthitA.n bhAvaye .. 1..

elAsaurabhikuntale paramume tvA.n vyApya sarva.n sthitA.n
kAShThAdiShviva tailavahninavanItAmbupravAhAdikam .
shrImUrtiShvatisundarAsu navabandhUkaprabhAsvambike
shakya.n ki.n nu tathApi te parashive chAsthAnamAvAhaye .. 2..

IshAvAsyamida.n tvayA sakalamapyambAsane ma~njule
tvAmArohayitu.n samastabhuvanAdhAra.n katha.n shaknuyAm .
matsvAntAbjamapi tvadAsanavara.n bhUyAdyataH sarvadA
sarveShA.n hR^idayAravindabhavane nitya.n vasasyambike .. 3..

lakShyAlakShyavilakShaNa.n tava vapuH pAdAdihIna.n para.n
pAdyaistat paritoShayAmi kathamapyatyantamachchhAtmakam .
matsvAntadrutahemaratnakalashAnItAtibhaktyambunA
vij~nAnAmarasindhujena rachaye prakShAlana.n tvatpade .. 4..

hrI.nkAradrumama~njarIshavinute.anarghyAya hastAya te
sarvAbhIShTaphalapradAnaniratAyArghya.n katha.n kalpaye .
gR^ihNIShvAmba mayA pradattamanaghe vij~nAnapAtre sthita.n
tvadrUpAnubhavAmbukalpitamathApyarghya.n mahAsundari .. 5..

hanta tvanmukhanirgatena sakala.n pUta.n jagat sarvadA
vedenAchamanIyamadya sahasA dAtu.n katha.n shaknuyAm .
tubhya.n shrIparadevate mayi tathApyambAnukampAvashAd
gR^ihNIShvAchamana.n prakalpitamume gandhAdibhirmishritam .. 6..

sarva.n sarvata eva pUrNavibhave pUrNena pUrNa.n katha.n
vyApya tvattanumAsthitAmatitarA.n shuddhA.n jagatpAvanIm .
gAN^gairnirmalavAribhiH prabhavati prANI jagatyA.n tathA\-
pyAnandAmR^itavAriNAhamabhiShi~nchAbhyAdarAdambike .. 7..

kalpaya kalpakavR^ikShasa.nbhavamahatkausumbhavastradvaya.n
nAnAratnavichitramamba paramaprItyA katha.n te mayA .
vyApinyai jagatA.n tathApi vimalenAchchhAdaye tvA.n para.n
vij~nAnAtmakavAsasA parashive gR^ihNIShva tat prItitaH .. 8..

ha.nsasphATikakundasundaratarashrImUrtimArye shive
karpUrAgarukuN^kumAdimilitairgandhaiH katha.n lepaye .
shrutyuktA.n tava sarvagandhatanugA.n nirlepanA.n niShkalA.n
brahmAtmaikyabhavAnubhUtivimalaj~nAnAkhyagandhaiH param .. 9..

lagnendUjjvalarekhamamba makuTa.n mANikyadIptyujjvala.n
kAlonmIlitachampakAmbujamahadbilvIdalAnA.n srajA .
sa.nveShTyAhamakhaNDanirmalaparAnandAmbudhau vA kadA
majje manmathavairibhAmini vada svAnandavArA.nnidhe .. 10..

hrI.nkArI.n nigamAgamAntaviditA.n bhaktyA katha.n tarpaye
dhUpairguggulusa.nbhavairjagadida.n sa.nvyApya nitya.n sthitam .
shrImUrtyudbhavavAsanAbhiradhunA divyAbhirArAdhaye
sa.nvidvahnisamarpitAkhilajagatkAlAgarordhUpakaiH .. 11..

sarvaj~ne sakaleShTadAnanirate sAmAdibhiH sa.nstute
tubhya.n kalpayitu.n pradIpamaruNe sAjya.n katha.n shaknuyAm .
bAlArkAyutakoTisundaratano bhaktyA tathApya~nchite
vij~nAnAtmakadIpadIptibhiraha.n sa.ntarpayAmyambike .. 12..

kalyANyamba katha.n niveditumaha.n naivedyamArye shubhe
taptAShTApadabhAjanojjvalamume bhakShyAdibhiH sa.nyutam .
shakShye sa.nbhR^itasarvalokajaTharAyai tubhyamatyujjvala.n
vishvAsena samarpayAmi jagadAtmaikyAnnamAnandadam .. 13..

lakShmIvanditapAdapadmayugale lakShmIdhavAdyarchite
karpUrAjyalasatsuvarNakalashaprodbhAsi nIrAjanam .
nAnAshobhanagItanR^ittasahita.n divyAN^ganAbhirdhR^ita.n
vIkShyAdyAmba muda.n prayAhi kR^ipayA shrIkAmarAjeshvari .. 14..

hrI.nhrImityanubhAvyatA.n hR^itatamaHpu~nje samastArthade
tvatpAdAbjayuge bhavatvanudina.n bilvAmbujArchAvidhiH .
hrI.nkArArNamanuprayuktamaruNe matsvAntajaiH svAnubhU\-
tyabjaiH sAkamakhaNDasaukhyanilaye shrIchakrarAjeshvari .. 15..

hrI.nkAronnataratnama~njulamahatsi.nhAsane bhAsurA\-
mUDhe brahmaharIshvarAdivirala.n shrIkAmarAjAN^kakam .
sarvaj~nAdisamastashaktinivahaiH sa.nsevitAmambikA.n
saivAsmIti vibhAvanAnatishataiH sa.ntoShayAmyanvaham .. 16..

ye ye sa.ntatamandhakArigR^ihiNIstotra.n samastArthada.n
j~nAtvArtha.n hR^idi mantrarAjavimalashrIbIjavarNakramAt .
prokta.n mantravidaH paThanti sahasA kAlatraye.apyambikA\-
sA.nnidhye tadananyabhAvanAdhiyastatraikyatA.n prApnuyuH .. 17..

  .. iti shrIlaghuShoDashArNakalAvilAsastotra.n sa.npUrNam..

##\medskip\hrule\medskip
Encoded and proofread by Sridhar  Seshagiri seshagir@egr.msu.edu
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}