%@@1
% File name             : kanaka.itx
%--------------------------------------------
% Text title            : kanaka dhArA stotra
% Author                :
% Language              : Sanskrit
% Subject               : philosophy/hinduism/religion
% Description/comments  : ????Source
% Transliterated by     : P. P. Narayanaswami swami at math.mun.ca
% Proofread by          : P. P. Narayanaswami swami at math.mun.ca
% Latest update         : November 1, 2010
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :
% http://sanskritdocuments.org
% http://sanskrit.gde.to/
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto engtitle are
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. kanaka dhArA stotra   ..}##
\itxtitle{.. kanaka dhArA stotra ..}##\endtitles ##
a~NgaM hareH pulakabhUShaNamAshrayantI
bhR^i~NgA~Nganeva mukulAbharaNaM tamAlam.h .
a~NgIkR^itAkhilavibhUtirapA~NgalIlA
mA~NgalyadAstu mama ma~NgaLadevatAyAH .. 1..
mugdhA muhurvidadhatI vadane murAreH
prematrapApraNihitAni gatAgatAni .
mAlA dR^ishormadhukarIva mahotpale yA
sA me shriyaM dishatu sAgarasaMbhavAyAH .. 2..
AmIlitAkShamadhigamya mudA mukundaM
AnandakandamanimeShamana~Ngatantram.h .
AkekarasthitakanInikapakShmanetraM
bhUtyai bhavenmama bhuja~NgashayA~NganAyAH .. 3..
bAhvantare madhujitaH shritakaustubhe yA
hArAvalIva harinIlamayI vibhAti .
kAmapradA bhagavato.api kaTAkShamAlA
kalyANamAvahatu me kamalAlayAyAH .. 4..
kAlAmbudALilalitorasi kaiTabhAreH
dhArAdhare sphurati yA taDida~Nganeva .
mAtussamastajagatAM mahanIyamUrtiH
bhadrANi me dishatu bhArgavanandanAyAH .. 5..
prAptaM padaM prathamataH khalu yatprabhAvAt.h
mA~NgalyabhAji madhumAthini manmathena .
mayyApatettadiha mantharamIkShaNArdhaM
mandAlasaM cha makarAlayakanyakAyAH .. 6..
vishvAmarendrapadavIbhramadAnadakShaM
AnandaheturadhikaM muravidviSho.api .
IShanniShIdatu mayi kShaNamIkShaNArddham.h
indIvarodarasahodaramindirAyAH .. 7..
iShTA vishiShTamatayo.api yayA dayArdra
dR^iShTyA triviShTapapadaM sulabhaM labhante .
dR^iShTiH prahR^iShTakamalodaradIptiriShTAM
puShTiM kR^iShIShTa mama puShkaraviShTarAyAH .. 8..

dadyAddayAnupavano draviNAmbudhArAM
asminnaki~nchanaviha~Ngashishau viShaNNe .
duShkarmagharmamapanIya chirAya dUraM
nArAyaNapraNayinInayanAmbuvAhaH .. 9..
gIrdevateti garuDadhvajasundarIti
shAkambarIti shashishekharavallabheti .
sR^iShTisthitipralayakeliShu sa.nsthitA yA
tasyai namastribhuvanaikagurostaruNyai .. 10..
shrutyai namo.astu shubhakarmaphalaprasUtyai
ratyai namo.astu ramaNIyaguNArNavAyai .
shaktyai namo.astu shatapatraniketanAyai
puShTyai namo.astu puruShottamavallabhAyai .. 11..
namo.astu nAlIkanibhAnanAyai
namo.astu dugdhodadhijanmabhUmyai .
namo.astu somAmR^itasodarAyai
namo.astu nArAyaNavallabhAyai .. 12..
namo.astu hemAmbujapIThikAyai
namo.astu bhUmaNDalanAyikAyai .
namo.astu devAdidayAparAyai
namo.astu shAr~NgAyudhavallabhAyai .. 13..
namo.astu  devyai bhR^igunandanAyai
namo.astu viShNorurasi sthitAyai .
namo.astu lakShmyai kamalAlayAyai
namo.astu dAmodaravallabhAyai .. 14..
namo.astu kAntyai kamalekShaNAyai
namo.astu bhUtyai bhuvanaprasUtyai .
namo.astu devAdibhirarchitAyai
namo.astu nandAtmajavallabhAyai .. 15..
sampatkarANi sakalendriyanandanAni
sAmrAjyadAnavibhavAni saroruhAkShi .
tvadvandanAni duritAharaNodyatAni
mAmeva mAtaranishaM kalayantu mAnye .. 16..
yatkaTAkShasamupAsanAvidhiH
sevakasya sakalArthasaMpadaH .
sa.ntanoti vachanA~NgamAnasaiH
tvAM murArihR^idayeshvarIM bhaje .. 17..
sarasijanilaye sarojahaste
dhavaLatamA.nshukagandhamAlyashobhe .
bhagavati harivallabhe manoj~ne
tribhuvanabhUtikari prasIda mahyam.h .. 18..
dig.hghastibhiH kanakakuMbhamukhAvasR^iShTa
svarvAhinI vimalachArujalAplutA~NgIm.h .
prAtarnamAmi jagatAM jananImasheSha
lokAdhinAthagR^ihiNImamR^itAbdhiputrIm.h .. 19..
kamale kamalAkShavallabhe tvaM
karuNApUratara~NgitairapA~NgaiH .
avalokaya mAmaki~nchanAnAM
prathamaM pAtramakR^itrimaM dayAyAH .. 20..
devi prasIda jagadIshvari lokamAtaH
kalyAnagAtri kamalekShaNajIvanAthe .
dAridryabhItihR^idayaM sharaNAgataM mAm.h
Alokaya pratidinaM sadayairapA~NgaiH .. 21..
stuvanti ye stutibhiramIbhiranvahaM
trayImayIM tribhuvanamAtaraM ramAm.h .
guNAdhikA gurutarabhAgyabhAgino
bhavanti te bhuvi budhabhAvitAshayAH .. 22..
.. iti shrImad.h sha~NkarAchAryakR^ita
shrI kanakadhArAstotraM saMpUrNam.h ..
##
Encoded and proofread by P . P . Narayanaswami at swami at math.mun.ca
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
{\rm http://sanskritdocuments.org}
\end{document}