कल्पान्दृष्टिपूजास्तुतिस्तोत्रम्
(श्रीषोडशोपचार मानसिकमन्त्रोक्तविधिना देवतास्तुतिः)
श्रीगणेशाय नमः ।
ॐ क ए ई ल ह्रीं ह स क ह ल ह्रीं स क ल ह्रीं श्रीं ।
कल्याणोज्वलकार्मुकानिक्तकलानन्देनमन्दस्मितां
कारुण्याङ्कुशपञ्चबाणकलितां कन्दर्पदर्पोज्ज्वलाम् ।
काम्याकर्षण दिव्यपाशाभरितां बालार्ककोटिप्रभां
आदिक्षान्ततनुत्रयां त्रिनयनांऽप्रायेच्छिवां शाम्भवीम् ॥ १॥
एकाकारतया प्रपञ्चभरितामेकान्तसञ्चारिणीं
एणीकाज्वलसंविदाम्परकलामेणामबिम्बां पराम् ।
एकोदेव इति प्रसिद्धमनुभिः प्राख्यात चिन्मातृकां
एकाराङ्कित बैन्दवी परशिवामेकाक्षरीमाहुवे ॥ २॥
ईशानादि महेन्द्ररुद्रपरिषद् ब्रह्मादिपादोन्नता
लङ्काराङ्कितदिव्यरत्नविलसत् सिंहासनेसुस्थिराम् ।
ईषद्भक्तितया त्वदीय चरणाम्भोजार्चनोदीप्तवान्
इच्छाज्ञानक्रियात्मकासनमिदं गृह्णातुते शाम्भवम् ॥ ३॥
लक्षाज्ञानमयं सुधार्णवजलेनापूर्यपात्रार्पितं
लाक्षालङ्कृतपादपङ्कजयुगेसङ्क्षोभ्यभक्त्यापुनः ।
लक्ष्मीरञ्जितहेमधामकलशेनापूर्यशीताम्बुना-
स्वा चामार्थमिदं प्रकल्पितमदे गृह्णत्वं हे शाम्भवी ॥ ४॥
ह्रीङ्कारोज्वलवर्णकल्पितकलालङ्कारसिंहासने
ह्रीङ्कारादिसमस्तसिद्धकलनैः संस्तूयमाने मुदा ।
गाङ्गं चन्द्रसचन्दनं हिमजले सस्यानिजानेक्षती
मातर्देवि कृपां कुरुत्वमधुना स्नानेत्वमङ्गीकुरु ॥ ५॥
हव्यागूढतनुप्रकाशसुभगे क्षौमाम्बरो भक्तिते
हंसस्फाटिकचन्द्रिकाभिरमलं तन्वोत्तुरीमांसिसम् ।
हारालङ्कृतपीवरस्तनभरामानन्दमन्दस्मिता
हव्यातीतमथामनङ्ग विभवामाराधयामाम्बिकाम् ॥ ६॥
सौवर्णोज्वलरत्नकुण्डलधरां सौभाग्यनासामणि
सान्द्रानन्दकरीप्रसिद्धमणिभिः सोहङ्किरीटंशुभम् ।
सर्वालङ्कृतबाहुदण्डयुगल ग्रैवेयहारान् बहून्
सल्लोपाचित हारनूपुरयुगं गृह्णातुते शाम्भवी ॥ ७॥
कस्तूरिघनसारकुङ्कुमरजोगन्धोत्कटञ्चन्दनं
कर्पूरच्छवि हारकाभिरमलं भक्त्यासमर्प्याक्षतैः ।
कल्हारोज्वलजातिपङ्कजरजः पद्मैश्चसौकेतकी
वनमल्लिका कल्पवृक्षकुसुमैरभ्यर्चवामीश्वरीम् ॥ ८॥
हाहाकाररवप्रसिद्धकलता हाकारहन्तात्मकं
भूयोदेवि हि कल्पयामि सततं ब्रह्मेन्द्रवन्द्येशिवे ।
हम्बीजार्ध कलात्मिकां तविभवेमल्यादिचक्राङ्किते
हारिद्राङ्कितहेमधामकलशे गृह्णीष्वदीयम्महत् ॥ ९॥
लम्बीजाङ्कितसिद्धमार्गसहजैर्द्रव्यैरनन्तैर्मुदा-
लङ्काराङ्कितवद्भिभानुशशिभिः पात्रसुधापूरितैः ।
लिप्तामोद मारीचिहिङ्गुसुरभिः युक्तैस्तुभक्तैः सदा
लक्ष्मीञ्चक्रनिवासिनीं कमलनीं सन्तर्पयामीश्वरीम् ॥ १०॥
ह्रीङ्कारत्रयवर्णपीठनिलये ह्रीङ्कारमन्त्रात्मिके
ह्रीङ्कारोज्ज्वल हेमधामचषकेसिद्यन्नभक्षान् वहन् ।
ह्रींश्रीङ्कल्पितकामधेनुनियतः क्षीराज्यमध्वास्यत
ह्रीङ्कारेण निवेदयामि सततं ह्रीङ्कारनादप्रिये ॥ ११॥
सर्वाम्नायपरापरान्तसलिलं सौगन्धगन्धैर्युतं
सौन्दर्येश्वरवल्लभे परेशिवे गृह्णीयहस्तोदकम् ।
सल्लायाणीवकौतुकामृतरसं सम्पूर्णचन्द्रप्रभं
सत्करहारयुतं गृहाण वरदे ताम्बूलमव्यास्यतम् ॥ १२॥
कादिक्षान्तस्वरादिवर्णमणिभिः सङ्कीर्णदीपाङ्कुरां
कालैकत्रयपञ्चसप्तरवकनैवर्णपात्रैमुदा ।
काव्यालङ्कृत नाटकाविश्रुतिभिः सङ्गीतनृत्यैमुहुः
कल्लोलान्तमिदङ्गृहाणवरदे नीराजनन्निर्मलम् ॥ १३॥
लावण्याङ्गदैमदीयपञ्चकमिदं सन्मार्गमार्गादयं
छत्रञ्चामरदर्पणं चमजनं दत्वाशिवेश्रादरात् ।
लीलापूजितपादपङ्कजयुगे सम्पूज्यगन्धाक्षतैः
लक्ष्मीरञ्जितपादुका तु विभवां सन्तर्पयामीश्वरीम् ॥ १४॥
ह्रीङ्कारीशिवतत्वमय्यनिलयां ह्रीङ्कारमन्त्रात्मिकां
ह्रीङ्कारत्रयवाग्भवादिमनुभिः संशोध्यतत्वञ्चयः ।
त्रर्कादिसहादिकादिमनुभिर्मत्वापुनःशाम्भवीं
स्तुत्वा शङ्करवल्लभां त्रिनयनामुद्भासयामीकरीम् ॥ १५॥
वन्देशपादार्वितदृष्टिमुमयानिमाल्यविजार्चिविधासमर्थः
दुःखावलीक्षेत्रपतेप्रवक्ष्य विश्रामये भक्तिजनैर्मुहुर्मुदा ॥ १६॥
ध्यानावाहनमासनार्च्यकमिदं स्नानाम्बुकं भूषणं
गन्धञ्चाक्षतपुष्पधूपममलं ज्योतिं च नैवेद्यकम् ।
ताम्बूलार्घ्यकच्छत्रचामरयुगं रत्नोज्वलन्दर्पणं
मापूरव्यजनम्प्रदक्षिणशतं नमस्कारान् गृहाणाम्बिके ॥ १७॥
कल्याणस्तुतिमेतदीयममलं ह्रीङ्कारमन्त्रात्मकं
सर्वाम्नायकरं महत्कविजनोलङ्कारह्रीङ्कारदम् ।
सर्वज्ञादिसमस्तसिद्धकमलै संस्तूयमानैर्मुदा
भक्त्यास्तोत्रमिदं पठेत् प्रतिदिनं ह्रीङ्कारमेतिक्षणत् ॥ १८॥
इति श्रीरुद्रयामले उमामहेश्वरसंवादे
कल्पान्दृष्टिपूजास्तुतिस्तोत्रं समाप्तम् ।
Proofread by Rajesh Thyagarajan