% Text title : kAmakalAkAlIsahasranAmastotra % File name : kAmakalAkAlIsahasranAmastotra.itx % Category : sahasranAma, devii, dashamahAvidyA, stotra, devI % Location : doc\_devii % Transliterated by : DPD, help fro Alex % Proofread by : DPD, Narayanaswami Pallasena ppnswami at gmail.com % Description-comments : See corresponding nAmAvalI % Source : mahAkAlasaMhitA kAmakalA khaNDa dvAdashapaTala % Latest update : November 14, 2020 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Kamakalakali Sahasranamastotram ..}## \itxtitle{.. shrIkAmakalAkAlIsahasranAmastotram ..}##\endtitles ## ##It is recommended to chant trailokyamohanakAlIkavacham before reciting the sahasranAma stotra or nAmAvalI## devyuvAcha | tvattaH shrutaM mayA nAtha deva deva jagatpate | devyAH kAmakalAkAlyA vidhAnaM siddhidAyakam || 1|| trailokyavijayasyApi visheSheNa shruto mayA | tatprasa~Ngena chAnyAsAM mantradhyAne tathA shrute || 2|| idAnIM jAyate nAtha shushruShA mama bhUyasI | nAmnAM sahasre trividhamahApApaughahAriNi || 3|| shrutena yena devesha dhanyA syAM bhAgyavatyapi | shrImahAkAla uvAcha | bhAgyavatyasi dhanyAsi sandeho nAtra bhAvini || 4|| sahasranAmashravaNe yasmAtte nishchitaM manaH | tasyA nAmnAntu lakShANi vidyante chAtha koTayaH || 5|| tAnyalpAyurmatitvena nR^ibhirddhArayituM sadA | ashakyAni varArohe paThituM cha dine dine || 6|| tebhyo nAmasahasrANi sArANyuddhR^itya shambhunA | amR^itAnIva dugdhAvdherbhUdevebhyaH samarpitam || 7|| kAnichittatra gauNAni gaditAni shuchismite | rUDhANyAkArahInatvAd gauNAni guNayogataH || 8|| rAhityAdrUDhiguNayostAni sA~NketakAnyapi | trividhAnyapi nAmAni paThitAni dine dine || 9|| rAdhayannIkShitAnarthAndadatyamR^itamatyayam | kShapayatyapamR^ityuM cha mArayanti dvipo.akhilAn || 10|| ghnanti rogAnathotpAtAnma~NgalaM kurvatenvaham | kimutAnyat sadA sannidhApayatya.arthikAmapi || 11|| tripuraghno.apyadonAmasahasraM paThati priye | tadAj~nayApyahamapi kIrtayAmi dinedine | 12|| bhavatyapIdamasmattaH shikShitvA tu paThiShyati | bhaviShyati cha nirNItaM chaturvargasya bhAjanam || 13|| manonyato nirAkR^itya sAvadhAnA nishAmaya | nAmnAM kAmakalAkAlyAH sahasraM muktidAyakam || 14|| OM asya kAmakalAkAlIsahasranAmastotrasya shrItripuraghnaR^iShiH | anuShTup ChandaH | trijaganmayarUpiNI bhagavatI shrIkAmakalAkAlI devatA | klIM bIjam | sphroM shaktiH | huM kIlakaM | kShrauM tattvaM | shrIkAmakalAkAlIsahasranAmastotrapAThe jape viniyogaH | OM tatsat || OM klIM kAmakalAkAlI kAlarAtriH kapAlinI | kAtyAyanI cha kalyANI kAlAkArA karAlinI || 15|| ugramUrtirmahAbhImA ghorarAvA bhaya~NkarA | bhUtidAmayahantrI cha bhavabandhavimochanI || 16|| bhavyA bhavAnI bhogADhyA bhuja~NgapatibhUShaNA | mahAmAyA jagaddhAtrI pAvanI parameshvarI || 17|| yogamAtA yogagamyA yoginI yogipUjitA | gaurI durgA kAlikA cha mahAkalpAntanartakI || 18|| avyayA jagadAdishcha vidhAtrI kAlamarddinI | nityA vareNyA vimalA devArAdhyAmitaprabhA || 19|| bhAruNDA koTarI shuddhA cha~nchalA chAruhAsinI | agrAhyAtIndriyAgotrA charcharorddhvashiroruhA || 20|| kAmukI kamanIyA cha shrIkaNThamahiShI shivA | manoharA mAnanIyA matidA maNibhUShaNA || 21|| shmashAnanilayA raudrA muktakeshyaTTahAsinI | chAmuNDA chaNDikA chaNDI chArva~NgI charitojjvalA || 22|| ghorAnanA dhUmrashikhA kaMpanA kaMpitAnanA | vepamAnatanurbhIdA nirbhayA bAhushAlinI || 23|| ulmukAkShI sarpakarNI vishokA girinandinI | jyotsnAmukhI hAsyaparA li~NgAli~NgadharA satI || 24|| avikArA mahAchitrA chandravaktrA manojavA | adarshanA pApaharA shyAmalA muNDamekhalA || 25|| muNDAvataMsinI nIlA prapannAnandadAyinI | laghustanI lamvakuchA dhUrNamAnA harA~NganA || 26|| vishvAvAsA shAntikarI dIrghakeshyarikhaNDinI | ruchirA sundarI kamrA madonmattA madotkaTA || 27|| ayomukhI vahnimukhI krodhanA.abhayadeshvarI | kuDambikA sAhasinI khaDgakI raktalehinI || 28|| vidAriNI pAnaratA rudrANI muNDamAlinI | anAdinidhanA devI durnnirIkShyA digambarA || 29|| vidyujjihvA mahAdaMShTrA vajratIkShNA mahAsvanA | udayArkasamAnAkShI vindhyashailasamAkR^itiH || 30|| nIlotpaladalashyAmA nAgendrAShTakabhUShitA | agnijvAlakR^itAvAsA phetkAriNyahikuNDalA || 31|| pApaghnI pAlinI padmA pUNyA puNyapradA parA | kalpAntAmbhodanirghoShA sahasrArkasamaprabhA || 32|| sahasrapretarAT krodhA sahasreshaparAkramA | sahasradhanadaishvaryA sahasrA~NghrikarAmbikA || 33|| sahasrakAladuShprekShyA sahasrendriyasa~nchayA | sahasrabhUmisadanA sahasrAkAshavigrahA || 34|| sahasrachandrapratimA sahasragrahachAriNI | sahasrarudratejaskA sahasrabrahmasR^iShTikR^it || 35|| sahasravAyuvegA cha sahasraphaNakuNDalA | sahasrayatramathinI sahasrodadhisusthirA || 36|| sahasrabuddhakaruNA mahAbhAgA tapasvinI | trailokyamohinI sarvabhUtadevavasha~NkarI || 37|| susnigdhahR^idayA ghaNTAkarNA cha vyomachAriNI | sha~NkhinI chitriNIshAnI kAlasaMkarpiNI jayA || 38|| aparAjitA cha vijayA kamalA kamalApradA | janayitrI jagadyonirheturUpA chidAtmikA || 39|| aprameyA durAdharShA dhyeyA svachChandachAriNI | shAtodarI shAmbhavinI pUjyA mAnonnatA.amalA || 40|| oMkArarUpiNI tAmrA bAlArkasamatArakA | chalajjihvA cha bhImAkShI mahAbhairavanAdinI || 41|| sAtvikI rAjasI chaiva tAmasI ghargharA.achalA | mAheshvarI tathA brAhmI kaumArI mAninIshvarA || 42|| sauparNI vAyavI chaindrI sAvitrI nairR^itI kalA | vAruNI shivadUtI cha saurI saumyA prabhAvatI || 43|| vArAhI nArasiMhI cha vaiShNavI lalitA svarA | maitryAryamnI cha pauShNI cha tvAShTrIvAsavyumAratiH || 44|| rAkShasI pAvanI raudrI dAsrI rodasyudumbarI | subhagA durbhagA dInA cha~nchurIkA yashasvinI || 45|| mahAnandA bhagAnandA piChilA bhagamAlinI | aruNA revatI raktA shakunI shyenatuNDikA || 46|| surabhI nandinI bhadrA valA chAtivalAmalA | ulupI lambikA kheTA lelihAnAntramAlinI || 47|| vainAyikI cha vetAlI trijaTA bhR^ikuTI matI | kumArI yuvatI prauDhA vidagdhA ghasmarA tathA || 48|| jaratI rochanA bhImA dolamAlA pichiNDilA | alambAkShI kumbhakarNI kAlakarNI mahAsurI || 49|| ghaNTAravAtha gokarNA kAkaja~NghA cha mUShikA | mahAhanurmahAgrIvA lohitA lohitAshanI || 50| kIrtiH sarasvatI lakShmIH shraddhA buddhiH kriyA sthitiH | chetanA viShNumAyA cha guNAtItA nira~njanA || 51|| nidrA tandrA smitA ChAyA jR^imbhA kShudashanAyitA | tR^iShNA kShudhA pipAsA cha lAlasA kShAntireva cha || 52|| vidyA prajA smR^iti kAntirichChA medhA prabhA chitiH | dharitrI dharaNI dhanyA dhoraNI dharmasantatiH || 53|| hAlApriyA hAraratirhAriNI hariNekShaNA | chaNDayogeshvarI siddhi karAlI pariDAmarI || 54|| jagadAnyA janAnandA nityAnandamayI sthirA | hiraNyagarbhA kuNDalinI j~nAnaM dhairya~ncha khecharI || 55|| nagAtmajA nAgahArA jaTAbhArAyatarddinI | khaDginI shUlinI chakravatI vANavatI kShitiH || 56|| ghR^iNidhartrI nAlikA cha karttrI matyakShamAlinI | pAshinI pashuhastA cha nAgahastA dhanurdharA || 57|| mahAmudgarahastA cha shivApotadharApi cha | nArakhapparriNI lambatkachamuNDapradhAriNI || 58|| padmAvatyannapUrNAcha mahAlakShmIH sarasvatI | durgA cha vijayA ghorA tathA mahiShamarddinI || 59|| dhanalakShmI jayapradAshchAshvArUDhA jayabhairavI | shUlinI rAjamAtagI rAjarAjeshvarI tathA || 60|| tripuTochChiShTachANDAlI aghorA tvaritApi cha | rAjyalakShmIrjayamahAchaNDayogeshvarI tathA || 61|| guhyA mahAbhairavI cha vishvalakShmIrarundhatI | yantrapramathinI chaNDayogeshvaryapyalambuShA || 62|| kirAtI mahAchaNDabhairavI kalpavallarI | trailokyavijayA saMpatpradA manthAnabhairavI || 63|| mahAmantreshvarI vajraprastAriNya~NgacharpaTA | jayalakShmIshchaNDarUpA jaleshvarI kAmadAyinI || 64|| svarNakUTeshvarI ruNDA marmarI buddhivarddhinI | vArttAlI chaNDavArttAlI jayavArttAlikA tathA || 65|| ugrachaNDA smashAnogrA chaNDA vai rudrachaNDikA | atichaNDA chaNDavatI prachaNDA chaNDanAyikA || 66|| chaitanyabhairavI kR^iShNA maNDalI tumbureshvarI | vAgvAdinI muNDamadhyamatyanardhyA pishAchinI || 67|| ma~njIrA rohiNI kulyA tu~NgA pUrNeshvarI varA | vishAlA raktachAmuNDA aghorA chaNDavAruNI || 68|| dhanadA tripurA vAgIshvarI jayama~NgalA | daigambarI ku~njikA cha kuDukkA kAlabhairavI || 69|| kukkuTI sa~NkaTA vIrA karpaTA bhramarAmbikA | mahArNaveshvarI bhogavatI sa~NkeshvarI tathA || 70|| pulindI shavarI mlechChI pi~NgalA shavareshvarI | mohinI siddhilakShmIshcha bAlA tripurasundarI || 71|| ugratArA chaikajaTA mahAnIlasarasvatI | trikaNTakI ChinnamastA mahiShaghnI jayAvahA || 72|| harasiddhAna~NgamAlA phetkArI lavaNeshvarI | chaNDeshvarI nAkulIcha hayagrIveshvarI tathA || 73|| kAlindI vajravArAhI mahAnIlapatAkikA | haMseshvarI mokShalakShmIrbhUtinI jAtaretasA || 74|| shAtakarNA mahAnIlA vAmA guhyeshvarI bhramiH | ekAnaMshA.abhayA tArkShI vAbhravI DAmarI tathA || 75|| kora~NgI charchikA vinnA saMsikA brahmavAdinI | trikAlavedinI nIlalohitA raktadantikA || 76|| kShema~NkarI vishvarUpA kAmAkhyA kulakuTTanI | kAmA~NkushA veshinI cha mAyUrI cha kuleshvarI || 77|| ibhrAkShI dyonakI shAr~NgI bhImA devI varapradA | dhUmAvatI mahAmArI ma~NgalA hATakeshvarI || 78|| kirAtI shaktisauparNI bAndhavI chaNDakhecharI | nistandrA bhavabhUtishcha jvAlAghaNTAgnimarddinI || 79|| sura~NgA kaulinI ramyA naTI chArAyaNI dhR^itiH | anantA pu~njikA jihvA dharmAdharmapravartikA || 80|| vandinI vandanIyA cha velA.ahaskariNI sudhA | araNI mAdhavI gotrA patAkA vAgmayI shrutiH || 81|| gUDhA trigUDhA vispaShTA mR^igA~NkA cha nirindriyA | menAnandakarI vodhrI trinetrA vedavAhanA || 82|| kalasvanA tAriNI cha satyAmatyapriyA.ajaDA | ekavaktrA mahAvaktrA bahuvaktrA ghanAnanA || 83|| indirA kAshyapI jyotsnA shavArUDhA tanUdarI | mahAsha~NkhadharA nAgopavItinyakShatAshayA || 84|| nirindhanA dharAdhArA vyAdhighnI kalpakAriNI | vishveshvarI vishvadhAtrI vishveshI vishvavanditA || 85|| vishvA vishvAtmikA vishvavyApikA vishvatAriNI | vishvasaMhAriNI vishvahastA vishvopakArikA || 86|| vishvamAtA vishvagatA vishvAtItA virodhitA | trailokyatrANakartrI cha kUTAkArA kaTa~NkaTA || 87|| kShAmodarI cha kShetraj~nA kShayahInA kSharavarjitA | kShapA kShobhakarI kShemyA.akShobhyA kShemadughA kShiyA || 88|| sukhadA sumukhI saumyA sva~NgA suraparA sudhIH | sarvAntaryAminI sarvA sarvArAdhyA samAhitA || 89|| tapinI tApinI tIvrA tapanIyA tu nAbhigA | haimI haimavatI R^iddhirvR^iddhirj~nAnapradA narA || 90|| mahAjaTA mahApAdA mahAhastA mahAhanuH | mahAbalA mahAropA mahAdhairyA mahAghR^iNA || 91|| mahAkShamA puNyapApadhvajinI ghurghurAravA | DAkinI shAkinI ramyA shaktiH shaktisvarUpiNI || 92|| tamisrA gandharAshAntA dAntA kShAntA jitendriyA | mahodayA j~nAninIchChA virAgA sukhitAkR^itiH || 93|| vAsanA vAsanAhInA nivR^ittirnnirvR^itiH kR^itiH | achalA heturunmuktA jayinI saMsmR^itiH chyutA || 94|| kaparddinI mukuTinI mattA prakR^itirUrjitA | sadasatsAkShiNI sphItA muditA karuNAmayI || 95|| pUrvottarA pashchimA cha dakShiNAvidigU hatA | AtmArAmA shivArAmA ramaNI sha~NkarapriyA || 96|| vareNyA varadA veNI stambhiNyAkarpiNI tathA | uchchATanI mAraNI cha dveShiNI vashinI mahI || 97|| bhramaNI bhAratI bhAmA vishokA shokahAriNI | sinIvAlI kuhU rAkAnumati padminItihR^it || 98|| sAvitrI vedajananI gAyatryAhutisAdhikA | chaNDATTahAsA taruNI bhUrbhuvaHsvaHkalevarA || 99|| atanuratanuprANadAtrI mAta~NgagAminI | nigamAddhimaNiH pR^ithvI janmamR^ityujarauShadhI || 100|| pratAriNI kalAlApA vedyAChedyA vasundharA | prakShunnA vAsitA kAmadhenurvA~nChitadAyinI || 101|| saudAminI meghamAlA sharvarI sarvagocharA | DamarurDamarukA cha niHsvarA parinAdinI || 102|| AhatAtmA hatA chApi nAdAtItA vileshayA | parA.apArA cha pashyantI madhyamA vaikharI tathA || 103|| prathamA cha jaghanyA cha madhyasthAntavikAshinI | pR^iShThasthA cha puraHsthA cha pArshvasthordhvatalasthitA || 104|| nediShThA cha daviShThA cha varhiShThA cha guhAshayA | aprApyA vR^iMhitA pUrNA puNyairnavidanAmayA || 105|| ## var ## puNyairvedyAhya sudarshanA cha trishikhA vR^ihatI santatirvinA | phetkAriNI dIrghasrukkA bhAvanA bhavavallabhA || 106|| bhAgIrathI jAhnavI cha kAverI yamunA smayA | siprA godAvarI veNyA vipAshA narmadA dhunI || 107|| tretA svAhA sAmidhenI sruksruvA cha kravAvasuH | garvitA mAninI menA nanditA nandanandinI || 108|| nArAyaNI nArakaghnI ruchirA raNashAlinI | AdhAraNAdhAratamA dharmA dhvanyA dhanapradA || 109|| abhij~nA paNDitA mUkA vAlishA vAgavAdinI | brahmavallI muktivallI siddhivallI vipahnavI || 110|| AhlAdinI jitAmitrA sAkShiNI punarAkR^iti | kirmarI sarvatobhadrA svarvedI muktipaddhatiH || 111|| suShamA chandrikA vanyA kaumudI kumudAkarA | trisandhyAmnAyasetushcha charchA.aChAyAri naiShThikI || 112|| kalA kAShThA tithistArA saMkrAtirviShuvattathA | ma~njunAdA mahAvalgu bhagnabherIsvanA.araTA || 113|| chitrA suptiH suShuptishcha turIyA tattvadhAraNA | mR^ityu~njayA mR^ityuharI mR^ityumR^ityuvidhAyinI || 114|| haMsI paramahaMsI cha bindunAdAntavAsinI | vaihAyasI traidashI cha bhaimIvAsAtanI tathA || 115|| dIkShA shikShA anUDhA cha ka~NkAlI taijasI tathA | surI daityA dAnavI cha naro nAthA surI tvarI || 116|| mAdhvI khanA kharA rekhA niShkalA nirmamA mR^itiH | mahatI vipulA svalpA krUrA krUrAshayApi cha || 117|| unmAthinI dhR^itimatI vAmanI kalpachAriNI | vADavI vaDavA khoDhA kolA pitR^ivalAyanA || 118|| prasAriNI vishArA cha darpitA darpaNapriyA | uttAnAdhomukhI suptA va~nchanyAku~nchanI truTiH || 119|| krAdinI yAtanAdAtrI durgA durgartinAshinI | dharAdharasutA dhIrA dharAdharakR^itAlayA || 120|| sucharitrI tathAtrI cha pUtanA pretamAlinI | rambhorvashI menakA cha kalihR^itkAlakR^iddashA || 121|| harIShTadevI herambamAtA haryakShavAhanA | shikhaNDinI koNDayinI vetuNDI mantramayapi || 122|| vajreshvarI lohadaNDA durvij~neyA durAsadA | jAlinI jAlapA yAjyA bhaginI bhagavatyapi || 123|| bhauja~NgI turvarA vabhru mahanIyA cha mAnavI | shrImatI shrIkarI gAddhI sadAnandA gaNeshvarI || 124|| asandigdhA shAshvatA cha siddhA siddheshvarIDitA | jyeShThA shreShThA variShThA cha kaushAmbI bhaktavatsalA || 125|| indranIlanibhA netrI nAyikA cha trilochanA | vArhaspatyA bhArgavI cha AtreyA~NgirasI tathA || 126|| dhuryAdhihartrI dhAritrI vikaTA janmamochinI | ApaduttAriNI dR^iptA pramitA mitivarjitA || 127|| chitrarekhA chidAkArA cha~nchalAkShI chalatpadA | valAhakI pi~NgasaTA mUlabhUtA vanecharI || 128|| khagI karandhamA dhmAkShyI saMhitA kerarIndhanA | ## var ## dhmAkShI apunarbhavinI vAntariNI cha yamaga~njinI || 129|| varNAtItAshramAtItA mR^iDAnI mR^iDavallabhA | dayAkarI damaparA daMbhahInA dR^itipriyA || 130|| nirvANadA cha nirbandhA bhAvAbhAvavidhAyinI | naiHshreyasI nirvikalpA nirvIjA sarvavIjikA || 131|| anAdyantA bhedahInA bandhonmUlinyavAdhitA | nirAbhAsA manogamyA sAyujyAmR^itadAyinI || 132|| itIdaM nAmasAhasraM nAmakoTishatAdhikam | devyAH kAmakalAkAlyA mayAte pratipAditam || 133|| nAnena sadR^ishaM stotraM triShu lokeShu vidyate | yadyapyamuShya mahimA varNituM naiva shakyate || 134|| prarochanAtayA kashchittathApi vinigadyate | pratyahaM ya idaM devi kIrttayedvA shR^iNoti vA || 135|| guNAdhikyamR^ite ko.api doSho naivopajAyate | ashubhAni kShayaM yAnti jAyante ma~NgalAnyathA || 136|| pAratrikAmuShmikau dvau lokau tena prasAdhitau | brAhmaNo jAyate vAgmI vedavedA~NgapAragaH || 137|| khyAtaH sarvAsu vidyAsu dhanavAn kavipaNDitaH | yuddhe jayI kShatriyaH syAddAtA bhoktA ripu~njayaH || 138|| AhartA chAshvamedhasya bhAjanaM paramAyuShAm | samR^iddho dhana dhAnyena vaishyo bhavati tatkShaNAt || 139|| nAnAvidhapashUnAM hi samR^iddhyA sa samR^iddhate | shUdraH samastakalyANamApnoti shrutikIrtanAt || 140|| bhu~Nkte sukhAni suchiraM rogashokau parityajan | eva nAryapi saubhAgyaM bhartR^iM hArddaM sutAnapi || 141|| prApnoti shravaNAdasya kIrtanAdapi pArvati | svasvAbhIShTamathAnye.api labhante.asya prasAdataH || 142|| Apnoti dhArmiko dharmAnarthAnApnoti durgataH | mokShArthinastathA mokShaM kAmukA kAminIM varAm || 143|| yuddhe jayaM nR^ipAH kShINAH kumAryaH satpatiM tathA | Arogya rogiNashchApi tathA vaMshArthinaH sutAn || 144|| jayaM vivAde kalikR^itsiddhIH siddhIChuruttamAH | niyuktA bandhubhiH sa~NgaM gatAyushchAyuShA~nchayam || 145|| sadA ya etatpaThati nishIthe bhaktibhAvitaH | tasyA sAdhyamathAprApyantrailokye naiva vidyate || 146|| kIrtiM bhogAn striyaH putrAndhanaM dhAnyaM hayAngajAn | j~nAtishraiShThyaM pashUnbhUmiM rAjavashya~ncha mAnyatAm || 147|| labhate preyasi kShudrajAtirapyasya kIrtanAt | nAsya bhItirnna daurbhAgyaM nAlpAyuShyannarogitA || 148|| na pretabhUtAbhibhavo na doSho grahajastathA | jAyate patito naiva kvachidapyeSha sa~NkaTe || 149|| yadIchChasi paraM shreyastarttuM sa~NkaTameva cha | paThAnvahamidaM stotraM satyaM satyaM sureshvari || 150|| na sAsti bhUtale siddhiH kIrtanAdyA na jAyate | shR^iNu chAnyadvarArohe kIrtyamAnaM vacho mama || 151|| mahAbhUtAni pa~nchApi khAnyekAdasha yAni cha | tanmAtrANi cha jIvAtmA paramAtmA tathaiva cha || 152|| saptArNavAH saptalokA bhuvanAni chaturddasha | nakShatrANi dishaH sarvAH grahAH pAtAlasaptakam || 153|| saptadvIpavatI pR^ithvI ja~NgamAja~NgamaM jagat | charAcharaM tribhuvanaM vidyAshchApi chaturdR^isha || 154|| sAMkhyayogastathA j~nAnaM chetanA karmavAsanA | bhagavatyAM sthitaM sarvaM sUkShmarUpeNa bIjavat || 155|| sA chAsmin stotrasAhasre stotre tiShThati vaddhavat | paThanIyaM viditvaivaM stotrametatsudurlabham || 156|| devIM kAmakalAkAlIM bhajantaH siddhidAyinIm | stotraM chAdaH paThanto hi sAdhayantIpsitAn svakAn || 157|| || iti mahAkAlasaMhitAyAM kAmakalAkhaNDe dvAdashapaTale shrIkAmakalAkAlIsahasranAmastotraM saMpUrNam || ## Proofread by DPD, Narayanaswami Pallasena ppnswami at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}