श्रीइन्द्राक्षीसहस्रनामस्तोत्रम्
ॐ श्रीगणेशाय नमः ।
ॐ नमोदेव्यै ।
देव्युवाच -
भगवन्सर्वलोकेश भक्तानामुपकारक ।
इन्द्राक्ष्या इष्टदेव्याश्च वद नामसहस्रकम् ॥ १॥
भैरव उवाच -
या देवी विष्णुमायेति विख्याता सर्वजन्तुषु ।
सैवेन्द्राक्षी परा देवी वज्रहस्ता परात्मिका ॥ २॥
लोकेश्वरी महाविद्या सदा चैतन्यरूपिणी ।
अष्टाविंशाक्षरी विद्या महाश्रीषोडशाक्षरी ॥ ३॥
तस्या नाम्नां सहस्रं च वक्ष्यामि सर्वभूतये ।
अस्य श्री इन्द्राक्षीनामसहस्रस्य भगवान्सदाशिव ऋषिः ।
अनुष्टुप्छन्दः । षोडशाक्षरी देवता ।
ह्रीं बीजं, सौंः शक्तिः, क्लिं कीलमकम् ।
अशेषप्रत्यहशमनार्थे सर्वकामावाप्त्यर्थे पाठे विनियोगः ॥
ॐ ह्रीं श्रीं वज्रहस्ता ऐं सौंः क्लीं वज्रिसमर्चिता फट् स्वाहा ।
ॐ वज्रिणी वाणी वैधसी विद्युदीश्वरी ।
ईशानी शाङ्करी शान्तिः शक्तिश्च भ्रुकुटिः कुटी ॥ १॥
शान्ता भ्रान्तिर्भवानी च भीमा भीता भयानका ।
चित्रा विचित्रा विजया विश्वेशी विश्वनायका ॥ २॥
विद्या विनायकी वीणावेणुहस्ता विभाविनि ।
विस्मया स्मयकर्त्री च विमानगतिशामिनी ॥ ३॥
वैमानिकेशी वशिनी वाग्भवी वीरसुन्दरी ।
वैतालिकी केलीरता कमला कमलाश्रिता ॥ ४॥
कामेश्वरी रतिः प्रीती रतिलीला ललद्रसा ।
लाङ्गलीशा ललत्त्रासा नाममौक्तिकराजिता ॥ ५॥
नाम्ना नारी नमस्तुत्या स्तुतितुष्टाऽतुलप्रभा ।
प्रेमकर्त्री जगत्स्तुत्या ज्वालामण्डितशेखरा ॥ ६॥
ज्वालामुखी जयकरी जयदा विजयेश्वरी ।
विनता वेनरोष्टा च वैनतेयधजाश्रया ॥ ७॥
ध्वजिनी रथगा रथ्या पथ्या प्रीतनसन्निभा ।
कस्तूरीरसरम्याङ्गी कर्पूरधवला शुचिः ॥ ८॥
शुचिस्मिता हास्यमुखी क्रोधिनी क्रोधविट्कला ।
क्रिमिहा क्रमगा क्रान्ता कायक्लेशविवर्जिता ॥ ९॥
वानीरतलगा वेणुर्वैरोचनिभयापहा ।
विभाकरप्रभा वेत्रधारिणी सर्पहारिणी ॥ १०॥
सर्पाशनगतिर्गीता गायत्री गोर्गरीयसी ।
गोप्त्री सर्वमुखी सत्या सामगानरता रसा ॥ ११॥
रमा रेतःप्रभावजा रेतस्तुष्टा रजस्वला ।
रात्रिञ्चरी रजःशान्ता राजसी रेवती रुचिः ॥ १२॥
रात्रिरुजापहा रामा श्यामश्यामशमीलता ।
शाम्भवी शर्वरी शोभा शर्वरी शर्वसेविता ॥ १३॥
शशाङ्कमुकुटा शान्तिः शशाङ्काग्न्यर्कलोचना ।
शारदा शारदाम्भोजदलाक्षी दमकारिणी ॥ १४॥
दामोदरप्रिया देवी देवकी देवमानिता ।
दयावती दयाकर्त्री देवसूर्देववन्दिता ॥ १५॥
धृतिर्धरा च धरणी धरणीधरपुत्रिणी ।
दस्युहा दस्युजननी दस्युभीतिहरा हविः ॥ १६॥
हविष्या हरिसेव्या च हरिपत्नी हरार्चिता ।
हाटकेशी हलधरा हालाहलसदालसा ।
मोदकी मोदिनी मान्या मुरुप्रसूविभूषणा ॥ १७॥
मन्त्रावलिर्महामायामोचिनी पापमोचिनी ।
मानदा प्राणदा प्रीता प्रेतवाहा प्रजावती ॥ १८॥
प्रोत्तुङ्गकुचशोभाढ्या ढुल्लदम्भोजलोचना ।
सरसी सरसा साध्वी समस्तदुरितापहा ॥ १९॥
कोकिला कालवरदा कलान्तकफलावलीः ।
कोटरा कामिनी काम्या करालवदना कृशा ॥ २०॥
कृशाङ्गी कृषिरुग्रास्या सरित्सागरपुत्रिणी ।
सत्यामभिकसेव्या च सतानकतलस्थिता ॥ २१॥
विद्याविनयदा लोला लक्ष्मी लभ्या लयप्रदा ।
लूता लास्यरता लाजा लक्ष्मीनाथसमर्चिता ॥ २२॥
अक्षता त्र्यक्षिणी तारा त्रिपुरा त्रिपुरध्वनी । (त्रिपुरेश्वरी)
उग्रतारा जटाजूटा धारिणी जम्बुसत्रिभा ॥ २३॥
जाम्बूनदप्रभा जेया ज्येष्ठा श्रेष्ठा जलन्धरा ।
जाग्रती च सुषुप्तिश्च जयमण्डितमूर्धजा ॥ २४॥
जगत्प्रसूर्जगत्प्रीता प्रेतराजक्षयङ्करी ।
परा पुण्यप्रदा प्रेता त्रयीमूर्तिस्त्रयीतनुः ॥ २५॥
त्रयीतनुनिभा त्र्याश्रा त्र्यक्षरी तारिणीतनुः ।
तन्वी त्रिपुरमाता च त्रिनेत्रा त्रिपुरोत्तमा ॥ २६॥
त्रिवर्गफलदाता च तोतलाऽतुलविक्रमा ।
त्रिविक्रमप्रसूस्त्र्यन्ता त्रयी त्रिपुरभैरवी ॥ २७॥
श्रीदा श्रीधरपत्नी च श्रीः श्रीदानकवितृदा ।
श्रीदेवी च महालक्ष्मीः सिद्धलक्ष्मी सरस्वती ॥ २८॥
बाला बालकतुष्टा च बाला बाल्यैकसुन्दरी ।
बलीयसी भल्लहस्ता बालकेया बलन्धरा ॥ २९॥
बलितुष्टा बलिभुजा वरदा बालकेश्वरी ।
बन्धुप्रिया वान्धवेशी बगला वैदवेश्वरी ॥ ३०॥
ब्रह्मास्त्रविद्या जटिला ब्राह्मणी क्षत्रियीमया ।
मारा प्रलयकर्त्री च मातङ्गी मत्तमानसा ॥ ३१॥
मत्तमातङ्गगा मेध्या मुक्तिदा मेदिनी मतिः ।
राजमातङ्गिनीमूर्तिः रजोगुणविभूषणा ॥ ३२॥
रतिदा स्मृतिदा मथ्या मेनका मानवर्धिनी ।
सुन्दोपसुन्दमथनी स्वरूपा च तिलोत्तमा ॥ ३३॥
रम्भा रम्भा च रम्भोरू संरम्भा रम्भकारिणी ।
सदानन्दा सदातुष्टा सदारुष्टा सदागतिः ॥ ३४॥
चलकेशा चला चान्ता चामीकरनिभानना ।
च्युताऽच्युतप्रिया चोल्या चुल्ली चेटी च सत्कृतिः ॥ ३५॥
चारुरूपा महाचारा जैनमार्गविरोधिनी ।
जननी जैनजननी जैनमार्गरसालसा ॥ ३६॥
रामिका रससन्तुष्टा रसा रामैकरोधिनी ।
रसोल्लासा रसासारसारिणी स्मरकारिणी ॥ ३७॥
राज्ञी राज्यप्रदा रौप्या राज्यदा भोगवर्धिनी ।
भगिनी भाग्यदा भोगा भगमाला भगात्मिका ॥ ३८॥
भीरुण्डा भयभर्ताभा भाविभा भीमरूपिणी ।
भयानकमुखाभीष्टफलदा फैनिलाप्रजा ॥ ३९॥
पीताम्वरा पीतमुखी पतङ्गशतसन्निभा ।
पतङ्गगामिनी पीनकुचा कुष्ठक्षयङ्करी ॥ ४०॥
वीरात्मिकान्तिका चाद्या वागिला वसुसुन्दरी ।
वासवी वसुमाता च वसुधा वाङ्मयी वटुः ॥ ४१॥
वटुप्रिया वटुगता वाचाड्या वेशरूपिणी ।
वाराही वैष्णवी यष्टिर्यक्षिणी यदुनन्दिनी ॥ ४२॥
यादवेशी यज्ञकरी याज्ञिकेष्टवरप्रदा ।
यज्ञप्रिया यशोदा च यशोमाला यशस्विनी ॥ ४३॥
यानवा यजुर्माता च यात्रा च योगिनी यवा ।
वामचारप्रिया वामावार्ता वाग्वादिनी वसा ॥ ४४॥
यज्ञवाराहवरदा वामदेवी वसुन्धरा ।
शारिका शशिलेखा च शरदिन्दुशतप्रभा ॥ ४५॥
मनोजवा मनोरूपा महोग्रवपुषी वधूः ।
शशिनेत्रा शिवा शैनी शिववामाङ्गचारीणी ॥ ४६॥
ॐ ह्रीं श्रीमम्बिकाऽऽत्मीया चादिदेवी मनोहरा ।
इष्टदात्रीश्वरी चेशा ईशानी चेश्वरप्रिया ॥ ४७॥
उमा चोग्रमुखी मोह्योरगभूषणभूषिता ।
उन्नता चोन्नतकुचा चोदयाचलसंश्रया ॥ ४८॥
उदितादित्यसदृशी च योगफलदायिनी ।
उरुतन्वी तनुस्तारा चोषा बाणक्षयङ्करी ॥ ४९॥
अनिरुद्धप्रिया चोषा वेला चोषरमण्डला ।
ऊष्मोष्मज्वालानयना ऋजुर्यक्षैकसुन्दरी ॥ ५०॥
रूपा ऋक्षध्वजेष्टा च ऊष्मिणी चोष्मसुन्दरी ।
लिप्ता लिविर्लिविकरी लीना लीलालयस्वरा ॥ ५१॥
एणाक्षी ऐंस्वरूपाक्षी ऐश्वर्याऽऽश्चर्यरूपिणी ।
ओङ्कारप्रभवा चौष्टा चौत्सवी चोदयी विधिः ॥ ५२॥
अम्वा सुरेश्वरी शुक्रा अःस्वरूपैकसुन्दरी ।
कालिका कनकप्रीता कान्तिदा कामिनी प्रिया ॥ ५३॥
कठोरवपुषी कीला कीलिता कुब्जरूपिणी ।
कुब्जिका कूवरी कुन्ता केवला कान्तिसुन्दरी ॥ ५४॥
कामारिवरदा कान्तिः कामेष्टा कीर्तिसुन्दरी ।
कारुकी कटुकी कीर्तिः कटुवाक्कटुचोषिणी ॥ ५५॥
कालान्तकजिता कालीकेश्वरी केशवप्रिया ।
क्रीता क्रीततपा क्रूरा क्रूरेशी क्रूरसुन्दरी ॥ ५६॥
क्रियावती क्रियाकर्त्री क्रिमिणी क्रमुकप्रिया ।
कूर्मेश्वरी कूर्मगतिः कूर्मिणी कूर्मरूपिणी ॥ ५७॥
काराकारैकनिगडा कारेशी कारमोचिनी ।
ककारवर्णमाला च ककाराक्षरसुन्दरी ॥ ५८॥
ऐं सौंः ख्रीं खेचरी खान्ता खशी खेटकरुपिणी ।
खगामिनी खगगतिः खगेशी खगसुन्दरी ॥ ५९॥
खगहस्ता खगाक्षी च खरूपा खेशसुन्दरी ।
खकाररूपिणी खस्थाखकारामृतसुन्दरी ॥ ६०॥
ॐ ह्रीं श्रीं गं गणेशानी गुणिनी गुणसुन्दरी ।
गुणिप्रिया गजपतिर्गजस्था गजगामिनी ॥ ६१॥
गरी गरिष्ठा गुटिका गानश्री गीतसुन्दरी ।
गया गीतप्रिया गम्या गुह्या गुह्यकसुन्दरी ॥ ६२॥
गिरिजा गिरिपूज्या च गिराशी गिरिसुन्दरी ।
ग्राहिणी गृहिणी गम्या गुहेशी गुहसुन्दरी ॥ ६३॥
गोर्गव्या गोमयी गान्ता गोकारी गोष्ठसुन्दरी ।
गजाननप्रिया ग्रीवा गोत्रेशी गोत्रसुन्दरी ॥ ६४॥
ग्रामिका ग्रहरूपा च ग्रहेशी ग्रहसुन्द्ररी ।
गुहप्रसूर्यहावासा गेहिनी गेहसुन्दरी ॥ ६५॥
गणका गणकेशानी गणेशा गणसुन्दरी ।
गणेशजननी गोपी गोपेशी गोपसुन्दरी ॥ ६६॥
गुह्यकेष्टप्रदा गेया गगनाकारसुन्दरी ।
ऐं सौंः घनाकृतिर्घोषेशी घौषसुन्दरी ॥ ६७॥
घर्घरा घर्घरीमूर्तिः घटिका घटसुन्दरी ।
घनसन्निभमूर्तिश्च घवर्णामृतसुन्दरी ॥ ६८॥
ॐ ह्रीं श्रीं ङें ङान्तवर्णाङ्का रोकरसुन्दरी ।
ॐ ह्रिं श्रीं चर्मवासा च चर्मिणी चर्मसुन्दरी ॥ ६९॥
चन्द्रिका चन्द्रवदना चन्द्रेशी चन्द्रसुन्दरी ।
चराचरजगत्स्रष्टा चारुणी चारुसुन्दरी ॥ ७०॥
चलाचलाच्युतकचाच्युतेश्यच्युतसुन्दरी ।
चुम्बिनी चुलिका चारा चुरेशी दैत्यसुन्दरी ॥ ७१॥
चलत्कनककेयूरा चलत्कनकसुन्दरी ।
ॐ ह्रीं श्रीं छिन्नमस्ता च छित्रास्या छित्रसुन्दरी ॥ ७२॥
छित्रिका छित्रमुकुटा छकाराक्षरसुन्दरी ।
ॐ जुं सः हौं जयाकारा जगतीधरसुन्दरी ॥ ७३॥
जगच्छा न्ता जगत्स्रष्टा जगतीसृष्टिसुन्दरी ।
जम्बुप्रिया जम्बुवेशी जपेशी जपसुन्दरी ॥ ७४॥
जीवदा जिववरदा जीवेशी जीवसुन्दरी ।
ॐ ह्रीं काङ्कारिणी श्रोतिर्लेखाकाङ्कारसुन्दरी ॥ ७५॥
झिल्ली धनुर्ज्या ज्याघाता झकारानन्दसुन्दरी ।
ॐ श्रीं ञानुतनुर्ञन्ता ञकाराकारसुन्दरी ॥ ७६॥
ॐ ऐं सौः टङ्कहस्ता च टङ्केशी टङ्कधारिणी ।
ॐ ठः ठः ठः स्वरूपाद्या ठकारत्रयसुन्दरी ॥ ७७॥
ॐ ह्रीं डिम्बाहिडिम्बा च हिडिका डिंवसुन्दरी ।
ॐ श्रीं ह्रां ढक्कूति ढक्का ढाकृतिर्ढक्कसुन्दरी ॥ ७८॥
ॐ ह्रीं णात्मप्रिया णान्ता णवर्णानन्दसुन्दरी ।
ॐ ऐं स्रीं तटिनीतीर्था तीर्थेशी तिथिसुन्दरी ॥ ७९॥
तारप्रियान्तरी तुर्या तुर्येशी तुर्यसुन्दरी ।
त्रोटिका तुटिगन्धाढ्या त्रुटेशी त्रुटिसुन्दरी ॥ ८०॥
तारापतिः कला दात्री तारा कान्तारसुन्दरी ।
त्रेतायुगेश्वरी त्र्यम्बा त्र्यम्बकेश्वरसुन्दरी ॥ ८१॥
तलातलाश्रया तापी तकाराक्षरसुन्दरी ।
ऐं श्रीं स्थूलारविन्दाक्षी स्थूलजा जलसुन्दरी ॥ ८२॥
स्थन्डिला मण्डलाकारा थकारानन्दसुन्दरी ।
द्युतिर्देवी दयालुश्च दयारूपैकसुन्दरी ॥ ८३॥
दरी द्युतिमती दीप्ता दीप्तपावकसुन्दरी ।
दीप्तार्चिर्दीप्तशीखिनी दीपिता दीपसुन्दरी ॥ ८४॥
दमेश्वरी दमाकङ्क्षा दमदा दमसुन्दरी ।
दोलाक्रीडा दरी गुह्या दरिद्रा दारसुन्दरी ॥ ८५॥
दारिद्र्यशतकोटिघ्नी दारिद्राक्षरसुन्दरी ।
ॐ सौंः सौ धनदा धर्म्या धर्मेष्टा धर्मसुन्दरी ॥ ८६॥
धन्या धन्यजनस्तुत्या धर्मिणी धातृसुन्दरी ।
धनदैकप्रिया धात्री धरित्री धीरसुन्दरी ॥ ८७॥
धर्मकर्मप्रिया धीरा धीरवीरैकसुन्दरी ।
ओं क्रीं नारायणी नीवी नृसिंही सिंहसुन्दरी ॥ ८८॥
नरनारायणीमूर्तिर्नर्मकर्मैकसुन्दरी ।
नर्मसाचिव्यकोल्लासा नादेशी नादसुन्दरी ॥ ८९॥
नटिनी नाटकोल्लासा नटनर्तनसुन्दरी ।
नर्मदा नलिनी नीला नलिनेक्षणसुन्दरी ॥ ९०॥
ॐ ऐं प्रीं परमा पूता पोतेशी पोतसुन्दरी ।
पण्यदा पणया साक्षी पण्यश्री पण्यसुन्दरी ॥ ९१॥
परान्त्रिका परोल्लासा पीवरा पीनसुन्दरी ।
फट्कारा च वषट्कारा फलदा फलसुन्दरी ॥ ९२॥
फट् स्वरूपा फडाकारा फट् वर्णामृतसुन्दरी ।
ॐ ऐं बालेश्वरी बभ्रुर्बलर्द बलसुन्दरी ॥ ९३॥
बलिदानवयक्षेशी बलिभुक्यतिसुन्दरी ।
ॐ श्रीं भैं भद्रकाली च भद्रदा भद्रसुन्दरी ॥ ९४॥
ॐ ह्रीं भर्गशिखा भार्गी भार्गवेश्वरसुन्दरी ।
भर्ग्या भर्गाङ्गवसतिर्भर्गाख्याभर्गसुन्दरी ॥ ९५॥
भगलिङ्गामृतप्रीता भगलिङ्गैकसुन्दरी ।
भगानन्दा भगोल्लासा भगेशी भगसुन्दरी ॥ ९६॥
भगोत्तमा भगानन्दा भगानन्दैकसुन्दरी ।
भगलिङ्गामृतस्नाता भगविर्वैकसुन्दरी ॥ ९७॥
भगबिम्बा भगाद्या च भोगेशी भोगसुन्दरी ।
भोगापवर्गदा भाग्या भगस्था भीमसुन्दरी ॥ ९८॥
भीमनादा भीमरदा भीमहा भीमसुन्दरी ।
ॐ श्रीं मृत्तिका मृत्स्ना मार्जारी मृडसुन्दरी ॥ ९९॥
मीना मैनाकभगिनी माणिकेश्वरसुन्दरी ।
महोरस्का महीमध्या माधवी मधुसुन्दरी ॥ १००॥
मधुमत्ता महाज्योतिर्मेरुस्था मेरुसुन्दरी ।
मधुक्षीबा मदारक्ता मद्देशी मधुसुन्दरी ॥ १०१॥
ॐ श्रीं योगप्रिया योग्या योगेशी योगसुन्दरी ।
ॐ यज्ञदक्षिणा वाज्या ॐ यक्षैश्वर्यसुन्दरी ॥ १०२॥
ॐ यक्षवेगनिलया यक्षवेलैकसुन्दरी ।
यमेष्टा यमदा यात्रा यमैश्वर्यादिसुन्दरी ॥ १०३॥
यमिनी यामिनी याम्या यामवेलैकसुन्दरी ।
योगियोगफला यादोनाथेष्टा नाथसुन्दरी ॥ १०४॥
याना यानरसा यष्टिर्याकारोल्लाससुन्दरी ।
ॐ रां रसातलस्था च रसदा राससुन्दरी ॥ १०५॥
रसस्वाता रैवतकी रेवा रैवतसुन्दरी ।
रविकोटिप्रभा दीप्ती रविजा रविसुन्दरी ॥ १०६॥
राक्षसी रक्षसां रक्ता राणी राक्षससुन्दरी ।
रजोवती राणसिकी राका राक्षरसुन्दरी ॥ १०७॥
ॐ ह्रीं श्रीं लम्बकेशा लम्बोष्ठी लम्बसुन्दरी ।
लम्बोदरप्रिया लम्भ्या लञ्चा लाङ्गूलसुन्दरी ॥ १०८॥
ललद्दंसा ललन्नेत्रा लालिता लल्लिसुन्दरी ।
लोहिताक्षी ललन्मूर्तिर्लोहिता लोहितेश्वरी ॥ १०९॥
लोहिताम्बरभूषाढ्या लकारामृतसुन्दरी ।
ॐ वां वनेचरप्रिया वेदिका वेदसुन्दरी ॥ ११०॥
वलिता वालिजननी वालुका वालिसुन्दरी ।
वरप्रिया वरोल्लासा वारिणी वारिसुन्दरी ॥ १११॥
वरज्येष्ठा कानिष्ठा च वालुप्ता लुप्तसुन्दरी ।
व्योमगा वारिधिसुता वराकानन्दसुन्दरी ॥ ११२॥
ॐ श्रीं शशिसहस्राभा शीतङ्गा शङ्करप्रिया ।
शौत्यप्रिया शतानन्दा शतगा शीतसुन्दरी ॥ ११३॥
शतयज्ञैकवरदा शतयक्षैकसुन्दरी ।
शतक्रतुप्रिया शर्मदायिनी शक्रसुन्दरी ॥ ११४॥
शिवप्रिया शूलहस्ता शुक्रेशी शुक्रसुन्दरी ।
शोकहाऽशोकमालाढ्या शुक्ला शोकैकसुन्दरी ॥ ११५॥
शुक्लवासा शुक्लमुखी शकाराक्षरसुन्दरी ।
ॐ श्रीं षडक्षरा षट्षड्वर्णा खावर्णसुन्दरी ॥ ११६॥
षोडशी षोडशकला षोडशार्णार्णसुन्दरी ।
ॐ ऐं सौंः सात्त्विकी सीता सरला सीरसुन्दरी ॥ ११७॥
सुक्माला सनया सौम्या सौम्येशी सौम्यसुन्दरी ।
सुस्वरा सुनकाध्यक्षा सनकाध्यर्षिसुन्दरी ॥ ११८॥
समस्तनरकत्राता समस्तनरसुन्दरी ।
समस्तभयहा देवी समस्ताभयसुन्दरी ॥ ११९॥
समस्तजयदा ज्वाला ज्वालामण्डलसुन्दरी ।
सौंः सौंः सौंः सौंः स्वमन्त्रास्व सौंःमन्त्राक्षरसुन्दरी ॥ १२०॥
ॐ ह्रीं हरिहरेशानी हरेशी हरसुन्दरी ।
हरपत्नी हविर्ज्वाला हव्याढ्या हरसुन्दरी ॥ १२१॥
होतृसेव्या हकाराद्या ह्रीङ्काराक्षरसुन्दरी ।
ॐ क्ष्मां क्ष्मायती क्षीवा क्षान्ता क्षीरार्णवस्थिता ॥ १२२॥
क्षिरांवुधिप्रियाक्षेष्टा चाक्षेशी क्षीरसुन्दरी ।
क्षीराब्धितनया क्षान्ता क्षकारामृतसुन्दरी ॥ १२३॥
अकारादिक्षकरान्ता लक्षतत्त्वादिसुन्दरी ।
ब्राह्मी च वैष्णवी चैशी ब्रह्मेष्टा ब्रह्मसुन्दरी ॥ १२४॥
नवतत्त्वप्रकाशाढ्या नूतना विष्णुसुन्दरी ।
नवपीठनिवासस्था शिवदा शिवसुन्दरी ॥ १२५॥
नवेन्द्रियैकनिलया शिवदा शिवसुन्दरी ।
नवगाथारसाकाङ्क्षा गाथा गगनसुन्दरी ॥ १२६॥
नवरत्नविभूषाढ्या ब्रह्मा ब्रह्माण्डसुन्दरी ।
नवद्वीपैकवसतिः पीता पातालसुन्दरी ॥ १२७॥
नवपन्नगहाराढ्या प्रान्ता पन्नगसुन्दरी ।
नवमातृक्रमोल्लासा नाव्या नक्षत्रसुन्दरी ॥ १२८॥
नवपर्वतप्रस्थस्था नवमन्त्राङ्कसुन्दरी ।
अकचादि ऋतोन्नद्धपयशाक्षरकर्मिणी ॥ १२९॥
तलातलादिपातालचारीणी सर्वसुन्दरी ।
ॐ ह्रीं श्रीं ऐं सौंः क्लीं देवी फट् स्वाहेन्द्राक्षिणी परा ॥ १३०॥
फलश्रुतिः ।
इतीन्द्राक्ष्याः परं नाम्नां सहस्रं शिवभाषितम् ।
सर्वमन्त्रैकनिलयं सुन्दरीति मनुप्रियम् ॥ १३१॥
नवतत्त्वमयं दिव्यं ब्रह्माण्डान्तं सुधामयम् ।
भोगापवर्गदं पुण्यं सर्वतीर्थेकसाधनम् ॥ १३२॥
बलदं सर्वदा शान्तं ग्रहाणां शान्तिकृत्परम् ।
सर्वरोगभयहरं सर्वदेवप्रियं महत् ॥ १३३॥
भूतप्रेतपिशाचादियक्षराक्षसभीतिषु ।
पठेद्वा पाठयेन्नाम्नां सहस्रं मन्त्रगर्भिकम् ॥ १३४॥
दूरादेव पलायन्ते खगेशादिव पन्नगाः ।
कुष्ठादयो महारोगाः शममेष्यन्त्यसंशयम् ॥ १३५॥
साधकस्य सदा पुण्यवर्धनं धनवर्धनम् ।
सर्वकालैकफलदं सर्वमन्त्रैकसाधनम् ॥ १३६॥
भूर्जत्वचि लिखेन्मन्त्रं सूर्यवारे च साधकः ।
गोरोचनैः कुङ्कुमेन धारयेत्सव्यके भुजे ॥ १३७॥
इन्द्राद्या निर्जराः सर्वे रावणाद्या निशाचराः ।
सम्युगे च जित्वा धृत्वा नाम्नां सहस्रमुत्तमम् ॥ १३८॥
रामभद्रेण सहसा विष्णुना दैत्यपुङ्गवाः ।
भौमेऽष्टम्यां श्मशाने च पठेन्नाम्नां सहस्रकम् ॥ १३९॥
जपेदष्टोत्तरशतं देव्याः पर्षद्वरो भवेत् ।
अमावस्यां निशीथे च रवौ नाम्नां सहस्रकम् ॥ १४०॥
पठित्वा पुलिने नद्याः बृहस्पतिसमो भवेत् ।
स्तम्भयेद्रिपुसैन्यादिदस्युवादिमुखानि च ॥ १४१॥
मोहयेत्परमेशानं वशयेद्भुवनत्रयम् ।
मारयेद्रियुसङ्घातं साधयेन्मन्त्रसञ्चयम् ॥ १४२॥
आकर्षयेदश्मरस उच्चाटयति वैरिणः ।
पठनाच्छ्रवणात्सत्यं धारणात्साधकोत्तमः ॥ १४३॥
इहलोके सुखं भुक्त्वा परत्र त्रिदिवं व्रजेत् ।
त्रिसन्ध्यं यः पठेद्भौमे त्रिस्त्रिवारं शुचिव्रतः ॥ १४४॥
भूमिशायी सुधीर्देवीं दर्शयेद्वरदायिनीम् ।
रणे राजभये कुञ्जे घोरदावाग्निभीतिषु ॥ १४५॥
पयोधौ पोतवायौ वा सङ्कटे राजसन्निधौ ।
चौरभीतिषु दुर्गेषु सिंहश्वापदभीतिषु ॥ १४६॥
पठेन्नाम्नां सहस्रन्तु साधको मुच्यते भयात् ।
प्रभावमस्या नाम्नां तु सहस्रस्यैह वर्णितुम् ॥ १४७॥
न च शक्रोमि शक्तोऽपि शेषा हि विफलं पदम् ।
अलं विस्तरमात्रेण यः पठेत्साधकोत्तमः ॥ १४८॥
विचरेद्भुवनेष्वेको यथाहं भैरवोत्तमः ।
इति नाम्नां सहस्रं तु सर्वमन्त्रैकरूपिणम् ॥ १४९॥
इन्द्राक्ष्यः सर्वसर्वस्वं रहस्यं स्वर्गवासिनाम् ।
सर्वार्थसाधनं लोके सर्वतन्त्रागमार्णवम् ॥ १५०॥
गुह्यं गुप्तं सदा गोप्यं गोप्तव्यं पशुसङ्कटे ।
गृहिणां योगदं नित्यं योगिनां मुक्तिदं सदा ॥ १५१॥
इन्द्राक्ष्या वज्रहस्ताया नाम्नां सहस्रकं परम् ।
गुह्यातिगुह्यगोप्तव्यं गोपनीयं स्वयोनिवत् ॥ १५२॥
इति श्रीरुद्रयामले तन्त्रे इन्द्राक्षीनामसहस्रं समाप्तम् ॥
Encoded by Sivakumar Thyagarajan Iyer
Proofread by Sivakumar Thyagarajan Iyer, PSA Easwaran