श्रीगोपिकाविरहगीतम्
एहि मुरारे कुञ्जविहारे एहि प्रणतजनबन्धो
हे माधव मधुमथन वरेण्य केशव करुणासिन्धो
रासनिकुञ्जे गुञ्जति नियतं भ्रमरशतं किल कान्त
एहि निभृतपथपान्थ ।
त्वामिह याचे दर्शनदानं हे मधुसूदन शान्त ॥ १॥
शून्यं कुसुमासनमिह कुञ्जे शून्यः केलिकदम्बः
अदीनः केकिकदम्बः ।
मृदुकलनादं किल सविषादं रोदिति यमुना स्वम्भः ॥ २॥
नवनीरजधरश्यामलसुन्दर चन्द्रकुसुमरुचिवेश
गोपीगणहृदयेश ।
गोवर्द्धनधर वृन्दावनचर वंशीधर परमेश ॥ ३॥
राधारञ्जन कंसनिषूदन प्रणतिस्तावक चरणे
निखिलनिराश्रयशरणे ।
एहि जनार्दन पीताम्बरधर कुञ्जे मन्थरपवने ॥ ४॥
इति श्रीगोपिकाविरहगीतं समाप्तम् ।
Proofread by PSA Easwaran psaeaswaran at gmail.com