%@@1 % File name : devIpUjA.itx %-------------------------------------------- % Text title : devIchatuHshhashhTyupachArapUjAstotram % Author : Adi Shankaracharya % Translation by : % Language : Sanskrit % Subject : hinduism/religion % Description/comments : 64 offerings for performing Devi Puja % Transliterated by : Sridhar Seshagiri seshagir@egr.msu.edu % Proofread by : Sridhar Seshagiri seshagir@egr.msu.edu % Latest update : September 29, 2001 % Send corrections to : sanskrit@cheerful.com % % Special Instructions: % i1h.hdr,ijag.inc,itrans.sty,multicol.sty,iarticle.sty % Transliteration scheme: ITRANS 5.2 % Site access : % http://sanskrit.gde.to % http://www.alkhemy.com/sanskrit/ % ftp://jaguar.cs.utah.edu/sanskrit/sanskrit.html %----------------------------------------------------- % The text is to be used for personal studies and research only. % Any use for commercial purpose is prohibited as a 'gentleman's' % agreement. % @@2 % % Please ignore the following commands upto #indian and others with % \ mark, % which are needed for devanaagarii output and formatting. %-------------------------------------------------------- %-------------------------------------------------------- %-------------------------------------------------------- \documentstyle[11pt,multicol,itrans]{article} %\documentclass[11pt]{article} %\usepackage{multicol} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\large #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. devIchatuHshhashhTyupachArapUjAstotram ..}## \itxtitle{.. devIchatuHshhashhTyupachArapUjAstotram ..}##\endtitles ## AUM atha shrI devIchatuHshhashhTyupachArapUjAstotram uShasi mAgadhamaN^galagAyanaiH jhaTiti jAgR^ihi jAgR^ihi jAgR^ihi . atikR^ipArdrakaTAkshaniRIkshaNaiH jagadida.n jagadamba sukhIkuru .. 1 .. kanakamayavitardishobhamAna.n dishi dishi pUrNasuvarNakumbhayuktam . maNimayamaNTapamadhyamehi mAtaH mayi kR^ipayAshu samarchana.n grahItum .. 2 .. kanakakalashashobhamAnashIrSha.n jaladharalambi samullasatpatAkam . bhagavati tava sa.nnivAsahetoH maNimayamandirametadarpayAmi .. 3 .. tapanIyamayI sutUlikA kamanIyA mR^idulottarachChadA . navaratnavibhUShitA mayA shibikeya.n jagadamba te.arpitA .. 4 .. kanakamayavitardisthApite tUlikADhaye vividhakusumakIrNe koTibAlArkavarNe . bhagavati ramaNIye ratnasi.nhAsane.asmin upavisha padayugma.n hemapIThe nidhAya .. 5 .. maNimauktikanirmita.n mahAnta.n kanakastambhachatuShTayena yuktam . kamanIyatama.n bhavAni tubhya.n navamullochamaha.n samarpayAmi .. 6 .. dUrvayA sarasijAnvitaviShNu\- kAntayA cha sahita.n kusumADhyam . padmayugmasadR^ishe padayugme pAdyametadurarIkuru mAtaH ..7.. gandhapuShpayavasarShapadUrvA\- sa.nyuta.n tilakushAkshatamishram . hemapAtranihita.n saha ratnaiH adhyarmetadurarIkuru mAtaH .. 8 .. jalajadyutinA kareNa jAtI\- phalatakkolalavaN^gagandhayuktaiH . amR^itairamR^itaurivAtishItaiH bhagavatyAchamana.n vidhIyatAm .. 9 .. nihita.n kanakasya sa.npuTe pihita.n ratnapidhAnakena yat . tadida.n jagadamba te.arpita.n madhuparka.n janani pragR^ihyatAm .. 10 .. etachchampakatailamamba vividhaiH puShpaiH muhurvAsita.n nyasta.n ratnamaye suvarNachaShake bhR^iN^gaiH bhramadbhiH vR^itam . sAnanda.n surasundarIbhirabhito hastaiH dhR^ita.n te mayA kesheShu bhramarabhrameShu sakaleShvaN^geShu chAlipyate .. 11 .. mAtaH kuN^kumapaN^kanirmitamida.n dehe tavodvartana.n bhaktyAha.n kalayAmi hemarajasA sa.nmishrita.n kesaraiH . keshAnAmalakaiH vishodhya vishadAnkastUrikoda~nchitaiH snAna.n te navaratnakumbhasahitaiH sa.nvAsitoShNodakaiH .. 12 .. dudhidugdhaghR^itaiH samAkshikaiH sitayA sharkarayA samanvitaiH . snapayAmi tavAhamAdarAt janani tvA.n punaruShNavAribhiH .. 13 .. eloshIrasuvAsitaiH sakusumairgaN^gAdi tIrthodakaiH mANikyAmalamauktikAmR^itarasaiH svacChaiH suvarNodakaiH . mantrAnvaidikatAntrikAnparipaThansAnandamatyAdarAt snAna.n te parikalpayAmi janani snehAttvamaN^gIkuru .. 14 .. bAlArkadyuti dADimIyakusumapraspardhi sarvottama.n mAtastva.n paridhehi divyavasana.n bhaktyA mayA kalpitam . muktAbhiH grathita.n suka~nchukamida.n svIkR^itya pItaprabha.n taptasvarNasamAnavarNamatula.n prAvarNamaN^gIkuru .. 15 .. navaratnamaye mayArpite kamanIye tapanIyapAduke . savilAsamida.n padadvaya.n kR^ipayA devi tayornidhIyatAm .. 16 .. bahubhiragarudhUpaiH sAdara.n dhUpayitvA bhagavati tava keshAnkaN^katairmArjayitvA . surabhibhiraravindaishchampakaishchArchayitvA jhaTiti kanakasUtrairjUTayanveShTayAmi .. 17 .. sauvIrA~njanamidamamba chakshuShoste vinyasta.n kanakashalAkayA mayA yat . tannyUna.n malinamapi tvadakshisaN^gAt brahmendrAdyabhilaShaNIyatAmiyAya .. 18 .. ma~njIre padayornidhAya rucirA.n vinyasya kA~ncI.n kaTau muktAhAramurojayoranupamA.n nakshatramAlA.n gale . keyUrANi bhujeShu ratnavalayashreNI.n kareShu kramA\- ttATaN^ke tava karNayorvinidadhe shIrShe cha cUDAmaNim .. 19 .. dhammille tava devi hemakusumAnyAdhAya phAlasthale muktArAjivirAjamAnatilaka.n nAsApuTe mauktikam . mAtarmauktikajAlikA.n cha kuchayoH sarvAN^gulIShUrmikAH kaTakhA.n kA~nchanakiN^kiNIrvinidadhe ratnAvata.nsa.n shrutau .. 20 .. mAtaH phAlatale tavAtivimale kAshmIrakastUrikA\- karpUrAgarubhiH karomi tilaka.n dehe.aN^garAga.n tataH . vakshojAdiShu yakshakardamarasa.n siktvA cha puShpadrava.n pAdau chandanalepanAdibhiraha.n sa.npUjayAmi kramAt .. 21 .. ratnAkshataistvA.n paripUjayAmi muktAphalairvA ruchirairaviddhaiH . akhaNDitairdevi yavAdibhirvA kAshmIrapaN^kAN^kitataNDulairvA .. 22 .. janani champakatalaimida.n puro mR^igamadopayuta.n paTavAsakam . surabhigandhamida.n cha chatuHsama.n sapadi sarvamida.n parigR^ihyatAm .. 23 .. sImante te bhagavati mayA sAdara.n nyastametat sindUra.n me hR^idayakamale harShavarSha.n tanoti . bAlAdityadyutiriva sadA lohitA yasya kAntI\- rantardhvAnta.n harati sakala.n chetasA chintayaiva .. 24 .. mandArakundakaravIralavaN^gapuShpaiH tvA.n devi santata.n aha.n paripUjayAmi . jAtIjapAvakulachampakaketakAdi\- nAnAvidhAni kusumAni cha te.arpayAmi .. 25 .. mAlatIvakulahemapuShpikA\- kA~nchanArakaravIrakaitakaiH . karNikAragirikarNikAdibhiH pUjayAmi jagadamba te vapuH .. 26 .. pArijAtashatapatrapATalaiH mallikAvakulachampakAdibhiH . ambujaiH sukusumaishcha sAdara.n pUjayAmi jagadamba te vapuH .. 27 .. lAkshAsa.nmilitaiH sitAbhrasahitaiH shrIvAsasa.nmishritaiH karpUrAkalitaiH shirairmadhuyutairgosarpiShA loDitaiH . shrIkhaNDAgarugugguluprabhR^itibhirnAnAvidhairvasttubhiH dhUpa.n te parikalpayAmi janani snehAttvamaN^gIkuru .. 28 .. ratnAla.nkR^itahemapAtranihitairgosarpiShA loDitaiH dIpairdIrghatarAndhakArabhidurairbAlArkakoTiprabhaiH . AtAmrajvaladujjvalapravilasadratnapradIpaistathA mAtastvAmahamAdarAdanudina.n nIrAjayAmyuchchakaiH .. 29 .. mAtastvA.n dadhidugdhapAyasamahAshAlyannasa.ntAnikAH sUpApUpasitAghR^itaiH savaTakaiH sakshaudrarambhAphalaiH . elAjIrakahiN^gunAgaranishAkustumbharIsa.nskR^itaiH shAkaiH sAkamaha.n sudhAdhikarasaiH sa.ntarpayAmyarchayan .. 30 .. sApUpasUpadadhidugdhasitAghR^itAni susvAdubhaktaparamAnnapuraHsarANi . shAkollasanmarichijIrakabAhnikAni bhakshyANi bhuN^kshva jagadamba mayArpitAni .. 31 .. kshIrametadida.nmuttamottama.n prAjyamAjyamidamujjvala.n madhu . mAtaretadamR^itopama.n payaH sa.nbhrameNa paripIyatA.n muhuH .. 32 .. uShNodakaiH pANiyuga.n mukha.n cha prakshAlya mAtaH kaladhautapAtre . karpUramishreNa sakuN^kumena hastau samudvartaya chandanena .. 33 .. atishItamushIravAsita.n tapanIye kalashe niveshitam . paTapUtamida.n jitAmR^ita.n shuchi gaN^gAjalamamba pIyatAm .. 34 .. jambavAmrarambhAphalasa.nyutAni drAkshAphalakshaudrasamanvitAni . sanArikelAni sadADimAni phalAni te devi samarpayAmi .. 35 .. kUshmANDakoshAtakisa.nyutAni jambIranAraN^gasamanvitAni . sabIjapUrANi sabAdarANi phalAni te devi samarpayAmi .. 36 .. karpUreNa yutairlavaN^gasahitaistakkolachUrNAnvitaiH susvAdukramukaiH sagaurakhadiraiH susnigdhajAtIphalaiH . mAtaH kaitakapatrapANDuruchibhistAmbUlavallIdalaiH sAnanda.n mukhamaNDanArthamatula.n tAmbUlamaN^gIkuru .. 37 .. elAlavaN^gAdisamanvitAni takkolakarpUravimishritAni . tAmbUlavallIdalasa.nyutAni pUgAni te devi samarpayAmi .. 38 .. tAmbUlanirjitasutaptasuvarNavarNa.n svarNAktapUgaphalamauktikachUrNayuktam . sauvarNapAtranihita.n khadirena sArdha.n tAmbUlamamba vadanAmburuhe gR^ihANa .. 39 .. mahati kanakapAtre sthApayitvA vishAlAn DamarusadR^isharUpAnbaddhagodhUmadIpAn . bahughR^itamatha teShu nyasya dIpAnprakR^iShTA\- nbhuvanajanani kurve nityamArArtika.n te .. 40 .. savinayamatha datvA jAnuyugma.n dharaNyA.n sapadi shirasi dhR^itvA pAtramArArtikasya . mukhakamalasamIpe te.amba sArtha.n trivAra.n bhramayati mayi bhUyAtte kR^ipArdraH kaTAkshaH .. 41 .. atha bahumaNimishrairmauktikaistvA.n vikIrya tribhuvanakamanIyaiH pUjayitvA cha vastraiH . militavividhamuktA.n divyamANikyayuktA.n janani kanakavR^iShTi.n dakshiNA.n te.arpayAmi .. 42 .. mAtaH kA~nchanadaNDamaNDitamida.n pUrNendubimbaprabha.n nAnAratnavishobhihemakalasha.n lokatrayAhlAdakam . bhAsvanmauktikajAlikAparivR^ita.n prItyAtmahaste dhR^ita.n Chatra.n te parikalpayAmi shirasi tvaShTrA svaya.n nirmitam .. 43 .. sharadindumarIchigaurabarNai\- rmaNimuktAvilasatsuvarNadaNDaiH . jagadamba vichitrachAmaraistvA\- mahamAnandabhareNa bIjayAmi .. 44 .. mArtANDamaNDalanibho jagadamba yo.aya.n bhaktyA mayA maNimayo mukuro.arpitaste . pUrNendubimbaruchira.n vadana.n svakIya\- masminvilokaya vilolavilochane tvam .. 45 .. indrAdayo natinatairmakuTapradIpai\- rnIrAjayanti satata.n tava pAdapITham . tasmAdaha.n tava samastasharIrameta\- nnIrAjayAmi jagadamba sahasradIpaiH .. 46 .. priyagatiratituN^go ratnapalyANayuktaH kanakamayavibhUShaH snigdhagambhIraghoShaH . bhagavati kalito.aya.n vAhanArtha.n mayA te turagashatasameto vAyuvegastura.ngaH .. 47 .. madhukaravR^itakumbhanyastasindUrareNuH kanakakalitaghaNTAkiN^kaNIshobhikaNThaH . shravaNayugalacha~nchachchAmaro meghatulyo janani tava mude syAnmattamAtaN^ga eShaH .. 48 .. drutataraturagairvirAjamAna.n maNimayachakrachatuShTayena yuktam . kanakamayamamu.n vitAnavanta.n bhagavati te hi ratha.n samarpayAmi .. 49 .. hayagajarathapattishobhamAna.n dishi dishi dundubhimeghanAdayuktam . atibahu chaturaN^gasainyameta\- dbhagavati bhaktibhareNa te.arpayAmi .. 50 .. parighIkR^itasaptasAgara.n bahusa.npatsahita.n mayAmba te vipulam . prabala.n dharaNItalAbhidha.n dR^iDhadurga.n nikhila.n samarpayAmi .. 51 .. shatapatrayutaiH svabhAvashItaiH atisaurabhyayutaiH parAgapItaiH . bhramarImukharIkR^itairanantaiH vyajanaistvA.n jagadamba vIjayAmi .. 52 .. bhramaralulitalolakuntalAlI\- vigalitamAlyavikIrNaraN^gabhUmiH . iyamatiruchirA naTI naTantI tava hR^idaye mudamAtanotu mAtaH .. 53 .. mukhanayanavilAsalolaveNI\- vilasitanirjitalolabhR^iN^gamAlAH . yuvajanasukhakArichArulIlA bhagavati te purato naTanti bAlAH .. 54 .. bhramadalikulatulyAloladhammillabhArAH smitamukhakamalodyaddivyalAvaNyapUrAH . anupamitasuveShA vArayoShA naTanti parabhR^itakalakaNThyo devi dainya.n dhunotu .. 55 .. DamaruDiNDimajarjharajhallarI\- mR^iduravadragaDaddragaDAdayaH . jhaTiti jhAN^kR^itajhAN^kR^itajhAN^kR^itaiH bahudaya.n hR^idaya.n sukhayantu te .. 56 .. vipa~nchIShu saptasvarAnvAdayantya\- stava dvAri gAyanti gandharvakanyAH . kshaNa.n sAvadhAnena chittena mAtaH samAkarNaya tva.n mayA prArthitAsi .. 57 .. abhinayakamanIyairnartanairnartakInA.n kshanamapi ramayitvA cheta etattvadIyam . svayamahamatichitairnR^ittavAditragItaiH bhagavati bhavadIya.n mAnasa.n ra~njayAmi .. 58 .. tava devi guNAnuvarNane chaturA no chaturAnanAdayaH . tadihaikamukheShu jantuShu stavana.n kastava kartumIshvaraH .. 59 .. pade pade yatparipUjakebhyaH sadyo.ashvamedhAdiphala.n dadAti . tatsarvapApakshaya hetubhUta.n pradakshiNa.n te paritaH karomi .. 60 .. raktotpalAraktalatAprabhAbhyA.n dhvajordhvarekhAkulishAN^kitAbhyAm . asheShabR^indArakavanditAbhyA.n namo bhavAnIpadapaN^kajAbhyAm .. 61 .. charaNanalinayugma.n paN^kajaiH pUjayitvA kanakakamalamAlA.n kanThadeshe.arpayitvA . shirasi vinihito.aya.n ratnapuShpA~njaliste hR^idayakamalamadhye devi harSha.n tanotu .. 62 .. atha maNimaya~nchakAbhirAme kanakamayavitAnarAjamAne . prasaradagarudhUpadhUpite.asmi\- nbhagavati bhavane.astu te nivAsaH .. 63 .. etasminmaNikhachite suvarNapIThe trailokyAbhayavaradau nidhAya hastau . vistIrNe mR^idulatarottarachChade.asmi\- nparyaN^ke kanakamaye niShIda mAtaH .. 64 .. tava devi sarojachihnayoH padayornirjitapadmarAgayoH . atiraktatarairalaktakaiH punaruktA.n rachayAmi raktatAm .. 65 .. atha mAtarushIravAsita.n nijatAmbUlarasena ra~njitam . tapanIyamaye hi paTTake mukhagaNDUchajala.n vidhIyatAm .. 66 .. kshaNamatha jagadamba ma~nchake.asmi\- nmR^idutalatUlikayA virAjamAne . atirahasi mudA shivena sArdha.n sukhashayana.n kuru tatra mA.n smarantI .. 67 .. muktAkundendugaurA.n maNimayakuTA.n ratnatATaN^kayuktA\- makshasrakpuShpahastAmabhayavarakarA.n chandrachUDA.n trinetrAm . nAnAla.nkArayuktA.n suramakuTamaNidyotitasvarNapIThA.n sAnandA.n suprasannA.n tribhuvanajananI.n chetasA chintayAmi .. 68 .. eShA bhaktyA tava virachitA yA mayA devi pUjA svIkR^ityainA.n sapadi sakalAnme.aparAdhAnkshamasva . nyUna.n yattattava karuNayA pUrNatAmetu sadyaH sAnanda.n me hR^idayakamale te.astu nitya.n nivAsaH .. 69 .. pUjAmimA.n yaH paThati prabhAte madhyAhnakAle yadi vA pradoShe . dhramArthakAmAnpuruSho.abhyupaiti dehAvasAne shivabhAvameti .. 70 .. pUjAmimA.n paThennitya.n pUjA.n kartumanIshvaraH . pUjAphalamavApnoti vA~nChitArtha.n cha vindati .. 71 .. pratyaha.n bhaktisa.nyukto yaH pUjanamida.n paThet . vAgvAdinyAH prasAdena vatsarAtsa kavirbhavet .. 72 .. iti shrImatparamaha.nsaparivrAjakAchAryasya shrIgovindabhagavatpUjyapAdashiShyasya shrImachCha.nkarabhagavataH kR^itau devIchatuHshhashhTyupachArapUjAstotra.n sa.npUrNam .. ## \medskip\hrule\medskip Encoded and proofread by Sridhar Seshagiri seshagir@egr.msu.edu \medskip\hrule\obeylines \medskip {\rm Please send corrections to sanskrit@cheerful.com} {\rm Last updated \today} \end{document}