%@@1 % File name : bhavaaniisahasra.itx %-------------------------------------------- % Text title : durlabha bhavAnI kavacha ma.ntra sahasranAma stotra % Author : Traditional % Language : Sanskrit % Subject : philosophy/hinduism/religion % Description/comments : rUdrayAmala_ta.ntra % Transliterated by : WebD % Proofread by : Ravin Bhalekar ravibhalekar at hotmail.com.com % Latest update : October 31, 2005 % Send corrections to : sanskrit@cheerful.com % % Special Instructions: % i1h.hdr,ijag.inc,itrans.sty,multicol.sty,iarticle.sty % Transliteration scheme: ITRANS 5.2 % Site access : % http://sanskrit.gde.to/ %----------------------------------------------------- % The text is to be used for personal studies and research only. % Any use for commercial purpose is prohibited as a 'gentleman's' % agreement. % @@2 % % Commands upto engtitle are % needed for devanaagarii output and formatting. %-------------------------------------------------------- \documentstyle[11pt,multicol,itrans]{article} %\documentclass[11pt]{article} %\usepackage{multicol} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrIbhavAnIsahasranAmastotram ..}## \itxtitle{.. shrIbhavAnIsahasranAmastotram ..}##\endtitles ## shrIgaNeshAya namaH | kailAsa shikhare ramye devadevaM maheshvaram | dhyAnoparatamAsInaM prasannamukhapa~Nkajam || 1|| surAsurashiroratna{}ra~njitA~NghriyugaM prabhum | praNamya shirasA nandI baddhA~njalirabhAShata || 2|| shrInandikeshvara uvAcha | devadeva jagannAtha sa.nshayo.asti mahAnmama | rahasyamekamichChAmi praShTuM tvAM bhak{}tavatsala || 3|| devatAyAstvayA kasyAH stotrametaddivAnisham | paThyate nirataM nAtha tvattaH kimaparaM mahat || 4|| iti pR^iShTastadA devo nandikena jagadguruH | provAcha bhagavAnIsho vikasannetrapa~NkajaH || 5|| Ishvara uvAcha | sAdhu sAdhu guNashreShTha pR^iShTavAnasi mAM cha yat | skandasyApi cha yadgopyaM rahasyaM kathayAmi tat || 6|| purA kalpakShaye lokAnsisR^ikShurmUDhachetanaH | guNatrayamayI shak{}tirmUlaprakR^itisa.nj~nitA || 7|| tasyAmahaM samutpannastatvaistairmahadAdibhiH | chetaneti tataH shak{}tirmAM kApyAli~Ngya tasthuShI || 8|| hetussa~NkalpajAlasya manodhiShThAyinI shubhA | ichCheti paramA shak{}tirunmilati tataH param || 9|| tato vAgiti vikhyAtA shak{}tiH shabdamayI purA | prAdurAsIjjaganmAtA vedamAtA sarasvatI || 10|| brAhmI cha vaiShNavI saindrI kaumArI pArvatI shivA | siddhidA buddhidA shAntA sarvama~NgaladAyinI || 11|| tayaitatsR^ijyate vishvamanAdhAraM cha dhAryate | tayaitatpAlyate sarvaM tasyAmeva pralIyate || 12|| architA praNatA dhyAtA sarvabhAvavinishchataiH | ArAdhitA stutA saiva sarvasiddhipradAyinI || 13|| tasyAshchAnugrahAdeva tAmeva stutavAnaham | sahasrairnAmarbhirdivyaistrailokya praNipUjitaiH || 14|| stavenAnena santuShTA mAmeva prativesha sA | tadArabhya mayA prAptamaishvaryaM padamuttamam || 15|| tatprabhAvAnmayA sR^iShTaM jagadetachcharAcharam | sasurAsuragandharvayakSharAkShasamAnavam || 16|| sapannagaM sAchChikaM cha sashailavanakAnanam | sarAshigrahanakShatraM pa~nchabhUtaguNAnvitam || 17|| nandinnAma sahasreNa stavenAnena sarvadA | staumyahaM parAparAshak{}tiM mamAnugrahakAriNIm || 18|| ityuk{}tvoparataM devaM charAcharaguruM vibhum | praNamya shirasA nandI provAcha parameshvaram || 19|| shrInandikeshvara uvAcha | bhagavandevadevesha lokanAtha jagatpate | bhak{}to.asmi tava dAso.asmi prasAdaH kriyatAM mayi || 20|| devyAH stavamidaM puNyaM durlabhaM yatsurairapi | shrotumichChAmyahaM deva prabhAvamapi chAsya tu || 21|| shrR^iNu nandinmahAbhAga stavarAjamimaM shubham | sahasrairnAmarbhirdivyaiH siddhidaM sukhamokShadam || 22|| shuchibhiH prAtarutthAya paThitavyaM samAhitaiH | trikAlaM shraddhayA yuk{}tairnAtaH parataraH stava; || 23|| OM asyashrIbhavAnInAmasahasrastavarAjasya\, shrIbhagavAnmahAdeva R^iShiH \,anuShTupChandaH\, AdyA shaktiH shrIbhagavatI bhavAnI devatA\, hrIM bIjaM\, shrIM shaktiH\, klIM kIlakaM\, shrIbhagavatIbhavAnIprItyarthe jape viniyogaH | atha dhyAnam ardhendumaulimamalAmamarAbhivandyAmambhojapAshasR^iNiraktakapAlahastAm | rak{}tA~NgarAgarasanAbharaNAntrinetrAndhyAyechChivasyavanitAM vihvalA~NgIm || 1|| OM bAlArkamaNDalAbhAsAM chaturvAhuM trilochanAm | pAshA~NkushasharaM chApaM dhArayantIM shivAM bhaje || 2|| OM mahAvidyA jaganmAtA mahAlakShmIH shivapriyA | viShNumAyA shubhA shAntA siddhAsiddhasarasvatI || 1|| kShamA kAntiH prabhA jyotsnA pArvatI sarvama~NgalA | hi~NgulA chaNDikA dAntA padmA lakShmIrharipriyA || 2|| tripurA nandinI nandA sunandA suravanditA | yaj~navidyA mahAmAyA vedamAtA sudhAdhR^itiH || 3|| prItipradA prasiddhA cha mR^iDAnI vindhyavAsinI | siddhavidyA mahAshak{}tiH pR^ithivI nAradasevitA || 4|| puruhUtapriyA kAntA kAminI padmalochanA | pralhAdinI mahAmAtA durgA durgatinAshinI || 5|| jvAlAmukhI sugotrA cha jyotiH kumudavAsinI | durgamA durlabhA vidyA svargatiH puravAsinI || 6|| aparNA shAmbarI mAyA madirAmR^iduhAsinI | kulavAgIshvarI nityA nityaklinnA kR^ishodarI || 7|| kAmeshvarI cha nIlA cha bhiruNDA vahrivAsinI | lambodarI mahAkAlI vidyAvidyeshvarI tathA || 8|| nareshvarI cha satyA cha sarvasaubhAgyavardhinI | sa~NkarShiNI nArasi.nhI vaiShNavI cha mahodarI || 9|| kAtyAyanI cha champA cha sarva sampattikAriNI | nArAyaNI mahAnidrA yoganidrA prabhAvatI || 10|| praj~nA pAramitAprAj~nA tArA madhumatI madhuH | kShIrArNavasudhAhArA kAlikA si.nhavAhanA || 11|| OMkArA cha sudhAkArA chetanA kopanAkR^itiH | ardhabindudharAdhArA vishvamAtA kalAvatI || 12|| padmAvatI suvastrA cha prabuddhA cha sarasvatI | kuNDAsanA jagadvAtrI buddhamAtA jineshvarI || 13|| jinamAtA jinendrA cha shAradA ha.nsavAhanA | rAjalakShmIrvaShaTkArA sudhAkArA sudhotsukA || 14|| rAjanItistrayI vArtA daNDanItiH kriyAvatI | sadbhUtistAriNI shraddhA sadgatiH satyaparAyaNA || 15|| sindhurmandAkinI ga~NgA yamunA cha sarasvatI | godAvarI vipAshA cha kAverI cha shatahradA || 16|| sarayUshchandrabhAgA cha kaushikI gaNDakI shuchiH | narmadA karmanAshA cha charmaNvatI cha vedikA || 17|| vetravatI vitastA cha varadA naravAhanA | satI pativratA sAdhvI suchakShuH kuNDavAsinI || 18|| ekachakShuH sahastrAkShI sushroNirbhagamAlinI | senAshroNiH patAkA cha suvyUhA yuddhakA.nkShiNI || 19|| patAkinI dayArambhA vipa~nchI pa~nchamapriyA | parA parakalAkAntA trishak{}tirmokShadAyinI || 20|| aindrI mAheshvarI brAhmI kaumArI kamalAsanA | ichChA bhagavatI shaktiH kAmadhenuH kR^ipAvatI || 21|| vajrAyudhA vajrahastA chaNDI chaNDaparAkramA | gaurI suvarNavarNA cha sthitisa.nhArakAriNI || 22|| ekAnekA mahejyA cha shata bAhurmahAbhujA | bhuja~NgabhUShaNA bhUShA ShaTchakrAkramavAsinI || 23|| ShaTchakrabhedinI shyAmA kAyasthA kAyavarjitA | susmitA sumukhI kShAmA mUlaprakR^itirIshvarI || 24|| ajA cha bahuvarNA cha puruShArthaprarvatinI | rak{}tA nIlA sitA shyAmA kR^iShNA pItA cha karburA || 25|| kShudhA tR^iShNA jarA vR^iddhA taruNI karuNAlayA | kalA kAShThA muhUrtA cha nimiShA kAlarUpiNI || 26|| suvarNarasanA nAsAchakShuH sparshavatI rasA | gandhapriyA sugandhA cha susparshA cha manogatiH || 27|| mR^iganAbhimR^irgAkShI cha karpUrAmodadhAriNI | padmayoniH sukeshI cha suli~NgA bhagarUpiNI || 28|| yonimudrA mahAmudrA khecharI khagagAminI | madhushrIrmAdhavI vallI madhumattA madoddhatA || 29|| mAta~NgI shukahastA cha puShpabANekShuchApinI | rak{}tAmbaradharAkShIbA rak{}tapuShpAvata.nsinI || 30|| shubhrAmbaradharA dhIrA mahAshvetA vasupriyA | suveNI padmahastA cha muk{}tAhAravibhUShaNA || 31|| karpUrAmodaniHshvAsA padminI padmamandirA | khaDginI chakrahastA cha bhushuNDI parighAyudhA || 32|| chApinI pAshahastA cha trishUlavaradhAriNI | subANA shak{}tihastA cha mayUravaravAhanA || 33|| varAyudhadharA vIrA vIrapAnamadotkaTA | vasudhA vasudhArA cha jayA shAkambharI shivA || 34|| vijayA cha jayantI cha sustanI shatrunAshinI | antarvatI vedashak{}tirvaradA varadhAriNI || 35|| shItalA cha sushIlA cha bAlagrahavinAshinI | kaumArI cha suparNA cha kAmAkhyA kAmavanditA || 36|| jAlandharadharAnantA kAmarUpanivAsinI | kAmabIjavatI satyA satyamArgaparAyaNA || 37|| sthUlamArgasthitA sUkShmA sUkShmabuddhiprabodhinI | ShaTkoNA cha trikoNA cha trinetrA tripurasundarI || 38|| vR^iShapriyA vR^iShArUDhA mahiShAsuraghAtinI | shumbhadarpaharA dIptA dIptapAvakasannibhA || 39|| kapAlabhUShaNA kAlI kapAlAmAlyadhAriNI | kapAlakuNDalA dIrghA shivadUtI ghanadhvaniH || 40|| siddhidA buddhidA nityA satyamArgaprabodhinI | kambugrIvAvasumatI ChatrachChAyA kR^itAlayA || 41|| jagadgarbhA kuNDalinI bhujagAkArashAyinI | prollasatsaptapadmA cha nAbhinAlamR^iNAlinI || 42|| mUlAdhArA nirAkArA vahrikuNDakR^itAlayA | vAyukuNDasukhAsInA nirAdhArA nirAshrayA || 43|| shvAsochChavAsagatirjIvA grAhiNI vahnisa.nshrayA | vallItantusamutthAnA ShaD{}rasA svAdalolupA || 44|| tapasvinI tapaHsiddhi ssaptadhA siddhidAyinI | taponiShThA tapoyuk{}tAH tApasI cha tapaHpriyA || 45|| saptadhAturmayIrmUtiH saptadhAtvantarAshrayA | dehapuShTirmanaHpuShTirannapuShTirbaloddhatA || 46|| auShadhI vaidyamAtA cha dravyashak{}tiprabhAvinI | vaidyA vaidyachikitsA cha supathyA roganAshinI || 47|| mR^igayA mR^igamA.nsAdA mR^igatva~N mR^igalochanA | vAgurAbandharUpA cha bandharUpAvadhoddhatA || 48|| bandI bandistutA kArAgArabandhavimochinI | shR^i~NkhalA kalahA baddhA dR^iDhabandhavimokShiNI || 49|| ambikAmbAlikA chAmbA svachChA sAdhujarnAchitA | kaulikI kulavidyA cha sukulA kulapUjitA || 50|| kAlachakrabhramA bhrAntA vibhramAbhramanAshinI | vAtyAlI meghamAlA cha suvR^iShTiH sasyarvadhinI || 51|| akArA cha ikArA cha ukAraukArarUpiNI | hrI~NkAra bIjarUpA cha klI~NkArAmbaravAsinI || 52|| sarvAkSharamayIshak{}tirakSharA varNamAlinI | sindUrAruNavarNA cha sindUratilakapriyA || 53|| vashyA cha vashyabIjA cha lokavashyavibhAvinI | nR^ipavashyA nR^ipaiH sevyA nR^ipavashyakarapriyA || 54|| mahiShA nR^ipamAnyA cha nR^ipAnyA nR^ipanandinI | nR^ipadharmamayI dhanyA dhanadhAnyavivardhinI || 55|| chaturvarNamayImUrtishchaturvaNai.nshcha pUjitA | sarvadharmamayIsiddhi shchaturAshramavAsinI || 56|| brAhmaNI kShatriyA vaishyA shUdrA chAvaravarNajA | vedamArgaratA yaj~nA vedirvishvavibhAvinI || 57|| anushastramayI vidyA varashastrAstradhAriNI | sumedhA satyamedhA va bhadrakAlyaparAjitA || 58|| gAyatrI satkR^itiH sandhyA sAvitrI tripadAshrayA | trisandhyA tripadI dhAtrI suparvA sAmagAyinI || 59|| pA~nchAlI bAlikA bAlA bAlakrIDA sanAtanI | garbhAdhAradharAshUnyA garbhAshayanivAsinI || 60|| surArighAtinI kR^ityA pUtanA cha tilottamA | lajjA rasavatI nandA bhavAnI pApanAshinI || 61|| paTTAmbaradharA gItiH sugItirj~nAnagocharA | saptasvaramayI tantrI ShaDjamadhyamadhaivatA || 62|| mUrChanA grAmasa.nsthAnA mUrChA susthAnavAsinI | aTTATTahAsinI pretA pretAsananivAsinI || 63|| gItanR^ityapriyA kAmA tuShTidA puShTidA kShamA | niShThA satyapriyA prAj~nA lolAkShI cha surottamA || 64|| saviShA jvAlinI jvAlA vishvamohArtinAshinI | shatamArI mahAdevI vaiShNavI shatapatrikA || 65|| viShArirnAgadamanI kurukullyA.amR^itodbhavA | bhUtabhItiharArakShA bhUtAveshavinAshinI || 66|| rakShoghnI rAkShasI rAtrirdIrghanidrA nivAriNI | chandrikA chandrakAntishcha sUryakAntirnishAcharI || 67|| DAkinI shAkinI shiShyA hAkinI chakravAkinI | shItA shItapriyA sva~NgA sakalA vanadevatA || 68|| gururUpadharA gurvI mR^ityurmArI vishAradA | mahAmArI vinidrA cha tandrA mR^ityuvinAshinI || 69|| chandramaNDalasa~NkAshA chandramaNDalavAsinI | aNimAdiguNopetA suspR^iahA kAmarUpiNI || 70|| aShTasiddhipradA prauDhA duShTadAnavaghAtinI | anAdinidhanA puShTishchaturbAhushchaturmukhI || 71|| chatussamudrashayanA chaturvargaphalapradA | kAshapuShpapratIkAshA sharatkumudalochanA || 72|| somasUryAgninayanA brahmaviShNushirvArchitA | kalyANIkamalA kanyA shubhA ma~NgalachaNDikA || 73|| bhUtA bhavyA bhaviShyA cha shailajA shailavAsinI | vAmamArgaratA vAmA shivavAmA~NgavAsinI || 74|| vAmAchArapriyA tuShTirloMpAmudrA prabodhinI | bhUtAtmA paramAtmA bhUtabhAvavibhAvinI || 75|| ma~NgalA cha sushIlA cha paramArthaprabodhinI | dakShiINA dakShiNAmUrtiH sudIkShA cha hariprasUH || 76|| yoginI yogayuk{}tA cha yogA~Nga dhyAnashAlinI | yogapaTTadharA muk{}tA muk{}tAnAM paramA gatiH || 77|| nAras.nihI sujanmA cha trivargaphaladAyinI | dharmadA dhanadA chaiva kAmadA mokShadAdyutiH || 78|| sAkShiNI kShaNadA kA.nkShA dakShajA kUTarUpiNI | R^iatuH kAtyAyanI svachChA suchChandA kavipriyA || 79|| satyAgamA bahiHsthA cha kAvyashak{}tiH kavitvadA | mInaputrI satI sAdhvI mainAkabhaginI taTit || 80|| saudAminI sudAmA cha sudhAmA dhAmashAlinI | saubhAgyadAyinI dyaushcha subhagA dyutivardhinI || 81|| shrIkR^ittivasanA chaiva ka~NkAlI kalinAshinI | rak{}tabIjavadhodyuk{}tA sutanturbIjasantatiH || 82|| jagajjIvA jagadbIjA jagatrayahitaiShiNI | chAmIkararuchishchandrI sAkShAdyA ShoDashI kalA || 83|| yattatpadAnubandhA cha yakShiNI dhanadArchitA | chitriNI chitramAyA va vichitrA bhuvaneshvarI || 84|| chAmuNDA muNDahastA cha chaNDamuNDavadhodyatA | aShTamyekAdashI pUrNA navamI cha chaturdashI || 85|| umA kalashahastA cha pUrNakumbhapayodharA | abhIrUrbhairavI bhIrU bhImA tripurabhairavI || 86|| mahAchaNDI cha raudrI cha mahAbhairavapUjitA | nirmuNDA hastinIchaNDA karAladashanAnanA || 87|| karAlA vikarAlA cha ghorA ghurghuranAdinI | rak{}tadantordhvakeshI cha bandhUkakusumAruNA || 88|| kAdambinI vipAshA cha kAshmIrI ku~NkumapriyA | kShAntirbahusuvarNA cha ratirbahusuvarNadA || 89|| mAta~NginI varArohA mattamAta~NgagAminI | ha.nsA ha.nsagatirha.nsI ha.nsojvalashiroruhA || 90|| pUrNachandramukhI shyAmA smitAsyA cha sukuNDalA | mahiShI cha lekhanI lekhA sulekhA lekhakapriyA || 91|| sha~NkhinI sha~NkhahastA cha jalasthA jaladevatA | kurukShetrA.avaniH kAshI mathurA kA~nchyavantikA || 92|| ayodhyA dvArikA mAyA tIrthA tIrthakarapriyA | tripuShkarA.aprameyA cha koshasthA koshavAsinI || 93|| kaushikI cha kushAvartA kaushAmbI koshavardhinI | koshadA padmakoshAkShI kausumbhakusumapriyA || 94|| totalA cha tulAkoTiH kUTasthA koTarAshrayA | svayambhUshcha surUpA cha svarUpA puNyavardhinI || 95|| tejasvinI subhikShA cha baladA baladAyinI | mahAkoshI mahAvArtA buddhiH sadasadAtmikA || 96|| mahAgrahaharA saumyA vishokA shokanAshinI | sAtvikI satvasa.nsthA cha rAjasI cha rajovR^itA || 97|| tAmasI cha tamoyuk{}tA guNatrayavibhAvinI | avyak{}tA vyak{}tarUpA cha vedavidyA cha shAmbhavI || 98|| sha~NkarA kalpinI kalpA manassa~NkalpasantatiH | sarvalokamayI shak{}tiH sarvashravaNagocharA || 99|| sarva j~nAnavatI vA~nChA sarvatattvAvabodhikA | jAgratishcha suShuptishcha svapnAvasthA turIyakA || 100|| satvarA mandarA gatirmandA mandirA modadAyinI | mAnabhUmiH pAnapAtrA pAnadAnakarodyatA || 101|| AdhUrNArUNanetrA cha ki~nchidavyak{}tabhAShiNI | AshApurA cha dIkShA cha dakShA dIkShitapUjitA || 102|| nAgavallI nAgakanyA bhoginI bhogavallabhA | sarvashAstramayI vidyA susmR^itirdharmavAdinI || 103|| shrutismR^itidharA jyeShThA shreShThA pAtAlavAsinI | mImA.nsA tarkavidyA cha subhak{}tirbhak{}tavatsalA || 104|| sunAbhiryAtanAjAtirgambhIrA bhAvavarjitA | nAgapAshadharAmUrtiragAdhA nAgakuNDalA || 105|| suchakrA chakramadhyasthA chakrakoNanivAsinI | sarvamantramayI vidyA sarvamantrAkSharAvaliH || 106|| madhustravAstravantI cha bhrAmarI bhramarAlikA | mAtR^imaNDalamadhyasthA mAtR^imaNDalavAsinI || 107|| kumAra jananI krUrA sumukhI jvaranAshinI | nidhAnA pa~nchabhUtAnAM bhavasAgaratAriNI || 108|| akrUrA cha grahAvatI vigrahA grahavarjitA | rohiNI bhUmigarmA cha kAlabhUH kAlavartinI || 109|| kala~NkarahitA nArI chatuHShaShThyabhidhAvatI | atItA vidyamAnA cha bhAvinI prItima~njarI || 110|| sarvasaukhyavatIyuk{}tirAhArapariNAminI | jIrNA cha jIrNavasrA cha nUtanA navavallabhA || 111|| ajarA cha rajaHprItA ratirAgavivardhinI | pa~nchavAtagatirbhinnA pa~nchashleShmAshayAdharA || 112|| pa~nchapittavatIshak{}tiH pa~nchasthAnavibhAvinI | udakyA cha vR^iShasyantI bahiH prasraviNI tryahA || 113|| rajaHshukradharA shak{}tirjarAyurgarbhadhAriNI | trikAlaj~nA trili~NgA cha trimUrtistripuravAsinI || 114|| arAgA shivatattvA cha kAmatatvAnurAgiNI | prAchyavAchI pratIchI cha digudIchI cha digvidigdishA || 115|| aha~NkR^itiraha~NkArA bAlA mAyA balipriyA | shukrashravA sAmidhenI sushraddhA shrAddhadevatA || 116|| mAtA mAtAmahI tR^iptiH pitumAtA pitAmahI | snuShA dauhitriNI putrI pautrI naptrI shishupriyA || 117|| stanadA stanadhArA cha vishvayoniH stanandhayI | shishUtsa~NgadharA dolA lolA krIDAbhinandinI || 118|| urvashI kadalI kekA vishikhA shikhivartinI | khaTvA~NgadhAriNI khaTva bANapu~NkhAnuvartinI || 119|| lakShyaprAptikarA lakShyAladhyA cha shubhalakShaNA | vartinI supathAchArA parikhA cha khanirvutiH || 120|| prAkAravalayA velA maryAdA cha mahodadhiH | poShiNI shoShiNI shak{}tirdIrghakeshI sulomashA || 121|| lalitA mA.nsalA tanvI vedavedA~NgadhAriNI | narAsR^ikpAnamattA cha naramuNDAsthibhUShaNA || 122|| akShakrIDA ratiH shAri sArikA shukabhAShiNI | shAmbharI gAruDI vidyA vAruNI varuNArchitA || 123|| vArAhI tuNDahastA cha da.nShTroddhR^itavasundharA | mInamUrtirdharAmUrtiH vadAnyA.apratimAshrayA || 124|| amUrtA nidhirUpA cha shAligrAmashilAshuchiH | smR^itisa.nskArarUpA cha susa.nskArA cha sa.nskR^itiH || 125|| prAkR^itA deshabhAShA cha gAthA gItiH prahelikA | iDA cha pi~NgalA pi~NgA suShumnA sUryavAhinI || 126|| shashisravA cha tAlusthA kAkinyamR^itajIvinI | aNurUpA bR^ihadrUpA laghurUpA gurusthitA || 127|| sthAvarA ja~NgamAchaiva kR^itakarmaphalapradA | viShayAkrAntadehA cha nirvisheShA jitendriyA || 128|| chitsvarUpA chidAnandA parabrahmaprabodhinI | nirvikArA cha nirvairA viratiH satyavarddhinI || 129|| puruShAj~nA chA bhinnA cha kShAntiH kaivalyadAyinI | vivik{}tasevinI praj~nA janayitrI cha bahushrutiH || 130|| nirIhA cha samastaikA sarvalokaikasevitA | shivA shivapriyA sevyA sevAphalavivarddhinI || 131|| kalau kalkipriyA kAlI duShTamlechCha vinAshinI | pratya~nchA cha dhunaryaShTiH khaDgadhArA durAnatiH || 132|| ashvaplutishcha valgA cha sR^iNiH syanmR^ityuvAriNI | vIrabhUrvIramAtA cha vIrasUrvIranandinI || 133|| jayashrIrjayadIkShA cha jayadA jayavarddhinI | saubhAgyasubhagAkArA sarvasaubhAgyavarddhinI || 134|| kShema~NkarI kShemarUpA sartkItiH pathi devatA | sarvatIrthamayImUrtiH sarvadevamayIprabhA || 135|| sarvasiddhipradA shak{}tiH sarvama~Ngalama~NgalA | puNyaM sahasranAmedaM shivAyAH shivabhAShitam || 136|| yaH paThetprAtarutthAya shuchirbhUtvA samAhitaH | yashchApishR^iNuyAnnityaM naro nishchalamAnasaH || 137|| ekakAlaM dvikAlaM vA trikAlaM shraddhayAnvitaH | sarvaduHkhavinirmuk{}to dhanadhAnyasamanvitaH || 138|| tejasvI balavA~nChUraH shokarogavivarjitaH | yashasvI kIrtimAndhanyaH subhago lokapUjitaH || 139|| rUpavAnguNasampannaH prabhAvIryasamanvitaH | shreyA.nsi labhatenityaM nishchalAM cha shubhAM shriyam || 140|| sarvapApavinirmuk{}to lobhakrodha vivarjitaH | nityaM bandhusutair dAraiH putrapautrairmahotsavaiH || 141|| nanditaH sevito bhR^ityairbahubhiH shuddhamAnasaiH | vidyAnAM pArago vipraH kShatriyo vijayI raNe | || 142|| vaishyastudhanalAbhADhyaH shUdrashchasukhamedhate | putrArthI labhate putraM dhanArthI labhate dhanam || 143|| ichChAkAmaM tu kAmArthI dharmArthI dharmamakShayam | kanyArthI labhate kanyAM rUpashIlaguNanvitAm || 144|| kShetraM cha bahushasyaM syAdgAvastu bahudugdhadAH | nAshubhaM nApadastasya na bhayaM nR^ipashatrubhiH || 145|| jAyate nA shubhAbuddhirlabhate kuladhuryatAm | na bAdhante grahAstasya na rakShA.nsi na pannagAH || 146|| na pishAcho na DAkinyo bhUtavyantarajR^imbhikAH | bAlagrahAbhibhUtAnAM bAlAnAM shAntikArakam || 147|| dvandvAnAM prItibhede cha maitrIkaraNamuttamam | lohapAshairdR^iDhairbaddho baddho veshmani durgame || 148|| tiShThan shR^iNvanpaThenmartyo muchyate nAtra sa.nshayaH | na dArANAM na putrANAM na bandhUnAM na mitrajam || 149|| pashyanti nahi te shokaM hi viyogaM chirajIvitAm | andhastu labhate dR^iShTiM chakShurogairnabAdhyate || 150|| badhiraH shrutimApnoti mUko vAchaM shubhAnnaraH | etadgarbhA cha yA nArI sthiragarbhA prajAyate || 151|| srAvaNI baddhagarbhA cha sukhamevaprasUyate | kuShThinaH shIrNadehA ye gatakeshanakhatvachaH || 152|| paThanAchChravaNA dvApi divyakAyA bhavanti te | ye paThanti shatAvartaM shuchiShmanto jitendriyAH || 153|| aputrAH prApnuyuH putrAn shrR^iNvanto.api na sa.nshayaH | mahAvyAdhi parigrastAstaptA ye vividhairjvaraiH || 154|| bhUtAbhiSha~Nga sa~NghAtaishchArtuthika tR^itIyakaiH | anyaishcha dAruNairogaiH pIDyamAnAshcha mAnavAH || 155|| gatabAdhAH prajAyante muk{}tAstetairnasa.nshayaH | shrutigranthadharobAlo divyavAdI kavIshvaraH || 156|| paThanAchChravaNAdvApi bhavatyeva na sa.nshayaH | aShTamyAM vA chaturdashyAM navamyAM chaikachetasaH || 157|| ye paThanti sadAbhak{}tyA na te vai duHkhabhAginaH | navarAtraM jitAhAro dR^iDhabhaktirjintendriyaH || 158|| chaNDikAyatane vidvAnchChuchiShmAn mUrtisannidhau | ekAkI cha shatAvartaM paThandhIrashcha nirbhayaH || 159|| sAkShAdbhagavatI tasmai prayachChedIpsitaM phalam | siddhapIThe girau ramye siddhakShetre surAlaye || 160|| paThanAtsAdhakasyAshu siddhirbhavati vA~nChitA | dashAvartaM paThennityaM bhUmishAyI naraH shuchiH || 161|| svapne mUrtimayIM devIM varadAM so.api pashyati | Avartana sahasrairye paThanti puruShottamAH || 162|| te siddhAH siddhidA loke shApAnugrahaNe kShamAH | kavitvaM sa.nskR^iteteShAM shAsrANAM vyAkR^itau tataH || 163|| shak{}tiH pronmIlyate shAstreShvanadhIteShu bhAratI | nakharAgashiroratnadviguNIkR^itarochiShaH || 164|| prayachChantashcha sarvasvaM sevante tAnmahIshvarAH | rochanAlikhitaM bhUrjeM ku~Nkumena shubhe dine || 165|| dhArayedyantritaM dehe pUjayitvA kumArikAm | viprA~nshcha varanArIshcha dhUpaiH kusumachandanaiH || 166|| kShIrakhaNDAjya bhojyaishcha pUjayitvA subhUShitAH | vidhAya mAtR^ikA nyAsaM a~NganyAsa purassaram || 167|| bhUtashuddhi samopaitaM shR^i~NkhalA nyAsamAcharet | yathAvadAshAsambaddhaH sAdhakaH prIti sa.nyutaH || 168|| mUlamantraM japedvImAn parayA sa.nyutodhiyA | praNavaM pUrvamuddhR^itya ramAbIjamanusmaran || 169|| mAyA kAmau samuchchArya punarjAyAM vibhAvasoH | badhnantiye mahArakShAM bAlAnAM cha visheShataH || 170|| bhavanti nR^ipa pUjyAste kIrtibhAjo yashasvinaH | shatruto na bhaya.nteShAM durjanebhyo na rAjataH || 171|| na cha rogo na vai duHkha na dAridryaM na durgatiH | mahArNave mahAnadyAM sthite.api cha nabhIH kvachit || 172|| raNe dyute vivAde cha vijayaM prApnuvanti te | nR^ipAshcha vashyatAM yAnti nR^ipamAnyAshcha ye narAH || 173|| sarvatra pUjitA loke bahumAnapurassarAH | ratirAgavivR^iddhAshcha vihvalAH kAmapIDitAH || 174|| yauvanAkrAntadehA stAH shrayante vAmalochanAH | likhitaM mUrdhnikaNThe vA dhArayedyo raNe shuchiH || 175|| shatadhAyudhyamAnaM tu pratiyoddhA na pashyati | ketau vA dundubhau yeShAM nibaddhaM likhitaM raNe || 176|| mahAsainye paritrastAnkAndishIkAnhataujasaH | vichetanAnvimUDhA.nshcha shatrukR^ityavivarjitAn || 177|| nirjitya shatrusa~NghAste labhante vijayaM dhruvam | nAbhichAro ne shApashcha bANavIrAdikIlanam || 178|| DAkinI pUtanAkR^ityA mahAmArI cha shAkinI | bhUtapreta pishAchAshcha rakShA.nsi vyantarAdayaH || 179|| na vishanti gR^ihe dehe likhitaM yatratiShThati | na shastrAnalatoyaughairbhayaM tasyopajAyate || 180|| durvR^ittAnAM cha pApAnAM balahAnikaraM param | mandurAkarishAlAsu gavAM goShThe samAhitaH || 181|| paThettaddoShashAntyarthaM kUTaM kapaTanAshinI | yamadUtAnna pashyanti na te nirayayAtanAm || 182|| prApnuvantyakShayaM shAntaM shivalokaM sanAtanam | sarvabAdhA sughorAShu sarvaduHkhanivAraNam || 183|| sarvama~NgalakaM svargyaM paThitavyaM samAhitaiH | shrotavyaM cha sadA bhaktyA paraM svastyayanaM mahat || 184|| puNyaM sahasranAmedamambAyA rudrabhAShitam | chaturvargapradaM satyaM nandikena prakAshitam || 185|| nAtaH parataro mantro nAtaH parataraH stavaH | nAtaH paratarA vidyA tIrthaM nAtaH parAtparam || 186|| tedhanyAH kR^itapuNyAste ta eva bhuvi pUjitAH | ekavAraM mudA nityaM ye.archayanti maheshvarIm || 187|| devatAnAM devatAyA brahmAdyairyA cha pUjitA | bhUyAtsA varadA loke sAdhUnAM vishvama~NgalA || 188|| etAmeva purArAdyAM vidyAM tripurabhairavIm | trailokyamohinIrUpAmakArShIdbhagavAnhariH || 189|| || iti shrIrudrayAmaletantre nandikeshvarasa.nvAde mahAprabhAvI bhavAnInAmasahasrastotraM sampUrNam || ## Proofread by Ravin Bhalekar ravibhalekar at hotmail.com \medskip\hrule\obeylines \medskip {\rm Please send corrections to sanskrit@cheerful.com} {\rm Last updated \today} {\rm http://sanskritdocuments.org} \end{document}