श्रीभद्रकालीकवचम्
ॐ श्रीदेव्युवाच ।
ॐ भगवन्करुणाम्भोधे शास्त्राम्भो निधिपारगः ।
त्रैलोक्यसारयेत्तत्त्वं जगद्रक्षणकारकः ॥ १॥
भद्रकाल्या महादेव्याः कवचं मन्त्रगर्भकम् ।
जगन्मङ्गलदं नाम वद शम्भो दयानिधे ॥ २॥
श्री भैरवः उवाच ।
भैम्भद्रकाली कवचं जगत्मङ्गलनामकम् ।
गुह्यं सनातनं पुण्यं गोपनीयं विशेषतः ॥ ३॥
जगत्मङ्गलनाम्नोस्य कवचस्य ऋषिः शिवः ।
उष्णिक्छन्दः समाख्यातं देवता भद्रकालिका ॥ ४॥
भैं बीजं हूं शक्तिः तथा स्वाहा कीलकमुच्यते ।
धर्मार्थ काम मोक्षार्थे विनियोगः प्रकीर्तितः ॥ ५॥
अस्य श्री जगत्मङ्गल नाम्नो भद्रकाली कवचस्य शिवऋषिः,
उष्णिक् छन्दः, श्रीभद्रकाली देवता, भैं बीजं, हूं शक्तिः,
स्वाहा कीलकं, धर्मार्थकाममोक्षार्थे कवच पाठे विनियोगः ।
अथ ध्यानम् ।
उद्यश्चन्द्रकलावतंसित शिखां क्रीङ्कार वर्णूज्वलाम् ।
श्यामां श्याममुखीं रवीन्दु नयनां हूं वर्ण रक्ताधराम् ॥ ६॥
भैं बीजाङ्कित मानसां शवगतां नीलाम्बरोद्भासिताम् ।
स्वाहालङ्कृत सर्व गात्र लतिकां भैं भद्रकालीं भजे ॥ ७॥
ॐ भैं पातु मे शिरो नित्यं देवी भद्रकालिका ।
ललाटं क्रीं सदा पातु महारत्नेश्वरी तथा ॥ ८॥
क्रीं भ्रुवौ पातु मे नित्यं महाकामेश्वरी तथा ।
नेत्रेव्यात् क्रीं च मे नित्यं नित्यानन्दमयी शिवा ॥ ९॥
गण्डौ मे पातु भैं नित्यं सर्वलोकमहेश्वरी ।
श्रुती ह्रीं पातु मे नित्यं सर्वमङ्गलमङ्गला ॥ १०॥
नासां ह्रीं पातु मे नित्यं महात्रिभुवनेश्वरी ।
अधरे हूं सदाव्यान्मे सर्वमन्त्रमयी तथा ॥ ११॥
जिह्वां क्रीं मे सदा पातु विशुद्धेश्वररूपिणी ।
भैं ह्रीं ह्रीं मे रदान्पातु नित्या क्रीं कुलसुन्दरी ॥ १२॥
ह्रीं हूं क्रीं मे गलं पातु ज्वालामण्डलमण्डना ।
ह्रीं हूं क्रीं मे भुजौ पातु भवमोक्षप्रदाम्बिका ॥ १३॥
ह्रीं हूं क्रीं मे करौ पातु सर्वानन्दमयी तथा ।
स्तनौ क्रीं हूं सदा पातु नित्या नीलपताकिनी ॥ १४॥
क्रीं भैं ह्रीं मम वक्षोव्यात् ब्रह्मविद्यामयी शिवा ।
भैं हूं कुक्षिं मे सदा पातु महात्रिपुरसुन्दरी ॥ १५॥
ऐं सौः भैं पातु मे पार्श्वौ विद्या चतुर्दशात्मिका ।
ऐं क्लीं भैं पातु मे पृष्ठं सर्वमन्त्रविभूषिता ॥ १६॥
ॐ क्रीं ऐं सौः सदाव्यान्मे नाभिं भैं बैन्दवेश्वरी ।
ॐ ह्रीं हूं पातु शिश्नं मे देवता भगमालिनी ॥ १७॥
ह्रीं ह्रीं ह्रीं मे कटिं पातु देवता भगरूपिणी ।
हूं हूं भैं भैं सदाव्यान्मे देवी ब्रह्मस्वरूपिणी ॥ १८॥
ॐ क्रीं हूं पातु मे जानू महात्रिपुरभैरवी ।
ॐ क्रीं ऐं सौः पातु मे जङ्घे बालाश्रीत्रिपुरेश्वरी ॥ १९॥
गुल्फौ मे क्रीं सदा पातु शिवशक्तिस्वरूपिणी ।
क्रीं ऐं सौः पातु मे पादौ पायाद् श्रीकुलसुन्दरी ॥ २०॥
भैं क्रीं हूं श्रीं सदा पातु पादाधः कुलशेखरा ।
ॐ क्रीं हूं श्रीं सदाव्यान्मे पादपृष्ठं महेश्वरी ॥ २१॥
क्रीं हूं श्रीं भैं वपु पायात् सर्वं मे भद्रकालिका ।
क्रीं ह्रीं ह्रीं पातु मां प्रातर्देवेन्द्री वज्रयोगिनी ॥ २२॥
हूं भैं मां पातु मध्यान्हे नित्यमेकादशाक्षरी ।
ॐ ऐं सौः पातु मां सायन्देवता परमेश्वरी ॥ २३॥
निशादौ क्रीं च मां पातु देवी श्रीषोडशाक्षरी ।
अर्धरात्रे च मां पातु क्रीं हूं भैं छिन्नमस्तका ॥ २४॥
निशावसान समये पातु मां क्रीं च पञ्चमी ।
पूर्वे मां पातु श्रीं ह्रीं क्लीं राज्ञी राज्यप्रदायिनी ॥ २५॥
ॐ ह्रीं हूं मां पश्चिमेव्यात्सर्वदा तत्त्वरूपिणी ।
ऐं सौः मां दक्षिणे पातु देवी दक्षिणकालिका ॥ २६॥
ऐं क्लीं मामुत्तरे पातु राजराजेश्वरी तथा ।
व्रजन्तं पातु मां श्रीं हूं तिष्ठन्तं क्रीं सदावतु ॥ २७॥
प्रबुधं हूं सदा पातु सुप्तं मां पातु सर्वदा ।
आग्नेये क्रीं सदा पातु नैरृत्ये हूं तथावतु ॥ २८॥
वायव्ये क्रीं सदा पायादैशान्यां भैं सदावतु ।
उर्ध्वं क्रीं मां सदा पातु ह्यधस्ता ह्रीं तथैवतु ॥ २९॥
चौरतोपाप्तिभीतिभ्यः पायान्मां श्रीं शिवेश्वरी ।
यक्षभूतपिशाचादि राक्षसेभ्योवतात्सदा ॥ ३०॥
ऐं क्लीं सौः हूं च मातङ्गीचोच्छिष्ठपदरूपिणी ।
दैत्यभूचरभीतिभ्योवताद् द्वाविंशदक्षरी ॥ ३१॥
विस्मारितं तु यत्स्थानं यत्स्थानं नामवर्जितम् ।
तत्सर्वं पातु मे नित्यं देवी भैं भद्रकालिका ॥ ३२॥
इतीदं कवचं देवि सर्वमन्त्रमयं परम् ।
जगत्मङ्गलनामेदं रहस्यं सर्व कामिकम् ॥ ३३॥
रहस्याति रहस्यं च गोप्यं गुप्ततरं कलौ ।
मन्त्रगर्भं च सर्वस्वं भद्रकाल्या मयास्मृतम् ॥ ३४॥
अदृष्टव्यमवक्तव्यं अदातव्यमवाचिकम् ।
अश्रोतव्यमिदं वर्म दीक्षाहीनाय पार्वति ॥ ३५॥
अभक्तेभ्योपिपुत्रेभ्यो दत्वा नरक माप्नुयात् ।
दातव्यमभक्तेभ्यो भक्तेभ्यो दीयते सदा ॥ ३६॥
महादारिद्र्य शमनं महामङ्गलवर्धनम् ।
भूर्जत्वचि लिखेद्देवि रोचना चन्दनेन च ॥ ३७॥
श्वेतसूत्रेण संवेष्ट्य धारयेन्मूर्ध्नि वा भुजे ।
मूर्ध्नि धृत्वा च कवचं त्रैलोक्यविजयं भवेत् ॥ ३८॥
भुजे धृत्वा रिपुञ्जित्वा रणे जयमवाप्नुयात् ।
इतीदं कवचं देवि मूलमन्त्रैक साधनम् ॥ ३९॥
गुह्यं गोप्यं परं पुण्यं गोपनीय स्वयोनिवत् ।
॥ इति श्रीभैरवीतन्त्रे भद्रकालीकवचं सम्पूर्णम् ॥
Encoded and proofread by Ravin Bhalekar ravibhalekar at hotmail.com