श्रीबालासपर्यापद्धतिः
विस्तृता तान्त्रिकी
श्रीमान् साधको बाह्ये मुहूर्ते शयनतलादुत्थाय
करचरणमुखादि प्रक्षाल्य । बद्धपद्मासनः समुपविश्य
स्वशिरःरथसहस्राराधोमुखकमलकर्णिकान्तर्गतंव निजगुरुं
स्वशक्त्या सहितं ध्यात्वा । मानसोपचारैः सम्पूज्य दण्डवन्नत्वा ।
गुरूक्तविधिना प्रातःकृत्यमजपाजपं च विधाय । स्वकार्यानुष्ठानाय
भूमिं प्रार्थ्य श्वासानुसारेण तस्यां पादावुपन्यस्य । गृहाद्बहिर्निःसृत्य ।
नैरृत्यां याम्यां वा दिशि मलमूत्रोत्सर्गशौचाचमनदन्तधावनादिकं
विदध्यात् । नद्यादिं गत्वा वैदिकं सन्ध्यादि निर्वर्त्य तान्त्रिकमारभेत ।
तत्रादौ ४ऐं आत्मतत्त्वं शोधयामि स्वाहा । ४ क्लीं विद्यातत्त्वं
शोधयामि स्वाहा । ४ सौः शिवतत्त्वं शोधयामि स्वाहा इति
मूलयुक्ततत्त्वत्रयेणाचम्य । ह्रीं स्वाहा इत्यनेन वाऽऽचम्य । मूलं
स्मरन् मलापकर्षणस्नानं विधाय । पुनराचम्य अद्येत्यादिमासा-
द्युत्कीर्तनं विधाय । श्रीकुलदेवताप्रीतये तान्त्रिकविधिना स्नानमहं
करिष्ये इति सङ्कल्प्य । जले त्रिकोणचक्रं विभाव्य सूर्यमण्डलात्
``ब्रह्माण्डोदर तीर्थानि ``गङ्गे च यमुने चैव -
इत्यादिनाङ्कुशमुद्रया
तीर्थमावाह्य । पुरःकल्पिततीर्थे संयोज्याचम्य स्वात्मानं प्रोक्ष्य ।
मूलेन मृदा स्नपनं विधाय । मूलं पठन् पुरतः आवाहितां स्वदेवतां
त्रिरभिषिच्य । श्रवणादिसप्तच्छिद्राणि निरुध्य त्रिर्निमज्ज्य उन्मज्जोत् ।
अथ सन्ध्या । तत्र पुर्ववदाचम्य स्वमूलप्राणायामर्ष्यादिदिकरषडङ्गं
विधाय पूर्ववत्तीर्थमावाह्य । वामहस्ते तज्जलं निधाय
दक्षहस्तेनाच्छाद्य यंरंवंलंहं इति पाञ्चभौतिकमन्त्रैः सप्तवार-
मभिमन्त्र्य । मूलविद्यया त्रिरभिमन्त्र्य । तज्जलबिन्दुभिर्वामाङ्गुष्ठा-
नामिकाभ्यां मूलविद्यया स्वशिरस्त्रिः प्रोक्ष्य अवशिष्टजलं वामहस्ते
निधाय । त्रिरभिमन्त्र्य मूलमुच्चरन् तत्त्वमुद्रया मृध्नि
सप्तधा मृलेन
च त्रिधाभ्युक्ष्य । शेषं जलं दक्षहस्ते समादाय तेजोरूपं
ध्यात्वा । इडया देहान्तःपापं प्रक्षाल्य । कृष्णवर्णं त ज्जलं
पापरूपं पिङ्गलया विरिच्य वामे कल्पितवज्रशिलायां फडिति
निःक्षिपेत् ।
ततोऽर्ध्यं विधाय । ॐ ह्रां ह्रीं सः श्रीमार्तण्डभैरवाय
प्रकाशशक्तिसहिताय इदमर्घ्यं परिकल्पयामि स्वाहा इति त्रिरर्घ्यं
कुलसूर्याय दत्त्वा । हृत्पद्मात् सूर्यमण्डले मूलदेवीं नीत्वा तत्र
विधिवद्ध्यात्वा । ऐं वागीश्वर्यै विद्महे क्लीं कामेश्वर्यै धीमहि सौः
तन्नः शक्तिः प्रचोदयात् । इत्यनया मूलगायत्र्या चतसृषु
सन्ध्यासु सूर्यमण्डले मूलदेव्यै अर्ध्यं दत्त्वा यथाशक्ति जपेत् ।
ततश्चतसृषु सन्ध्यासु क्रमशो मूलाधार -हृत्कमल
-भ्रूमध्यब्रह्मरन्ध्रेभ्यो देवीतेजः समाकृष्य इडया विरेच्य ।
कल्पितवह्निसूर्यचन्द्रतारामण्डलेषु निक्षिप्य । तत्र
बालायौवनप्रौढचिद्रूपां देवीं ध्यात्वा । ततः ऐं त्रिपुरादेव्यै विद्महे
वागीश्वर्यै धीमहि तन्नो मुक्तिः प्रचोदयात् । इति प्रातः ।
क्लीं त्रिपुरादेव्यै विद्महे कामेश्वर्यै धीमहि
तन्नः क्लिन्ना प्रचोदथात् । इति मध्याह्ने ।
सौः त्रिपुरादेव्यै विद्महे शक्तिश्वर्यै धीमहि
तन्नोऽमृते प्रचोदयात् । इति सायम् ।
ऐं वागीश्वर्यै विद्महे क्लीं कामेश्वर्यै धीमहि
सौः तन्नः शक्तिः प्रचोदयात् । इति अर्धरात्रे ।
इति स्वस्वगायत्र्यार्घ्यं दत्त्वा यथाशक्ति स्वस्वगायत्रीं च जप्त्वा ।
पूनर्मूलगायत्रीं च जप्त्वा स्वस्वबीजाक्षरं सर्वं मूलं च जप्त्वा ।
प्राणायामादिना जपं समर्प्य मण्डलेभ्यो देवीतेजः स्वस्थाने ।
देवीं च हृद्यानीय ध्यायेदिति सन्ध्याविधिः ॥
ततस्तर्पणम् ।
तत्र पुर्ववदाचम्य प्राणायामादि कृत्वा तीर्थमावाह्य । मूलेन जलं
सप्तधा अमृतमुद्रया अमृतीकृत्य । तत्र जले यन्त्रं ध्यात्वा ।
तत्र देवीं हृदयात् सपरिवारामानीय । षडङ्गयोगेन सकलीकृत्य
कुण्डलिन्याः प्रयोगेणामृतेनाभिषिच्य । विधिवत् प्रपूज्य । एशान्यां
४ श्रीकौलानन्दनाथभैरवस्तृप्यतां इति त्रिः सन्तर्प्य । वह्नौ ४
परमगुरुम् । नैरृत्यां ४ परमाचार्यम् । वायव्ये ४ परमेष्ठिगुरुम् ।
त्रिः सकृद्वा सन्तर्प्य । दिव्यौघसिद्धौघमानवौघानापि गुरून्
सन्तर्प्य जले यन्त्रं विभाव्य । ४ कामेश्वरसहिता बालात्रिपुरा
वागीश्वरौ तृप्यतामिति त्रिः सन्तर्प्य परिवारानपि सन्तर्प्य ।
प्राणायामादि विधाय देवीं स्वहृदि विसृजेत् । तीर्थं च स्वस्थाने
विसृजेदिति तर्पणम् ॥
ततो यागगेहमागत्य जलादिना द्वारदेवताः पूजयेत् ।
धात्रे नमः । विधात्रे नमः (दक्षे) गं गङ्गायै नमः ।
यं यमुनायै नमः । (वामे) द्वारश्रियै नमः । वास्तुपुरुषाय नमः
(ऊर्ध्वे) । देहल्यै नमः इत्यधः सम्पूजयेत् । स्वासनमास्तीर्यं ह्रीं
आधारशक्तिकमलासनाय नमः इति सम्पूज्य वीराद्यासनेनोपविश्य ।
``पृथ्वि त्वया धृता लोकाः इत्यादिना पृथिवीं प्रार्थ्य
मण्डूकाय नमः । कालाग्निरुद्राय नमः । ह्रीं आधारशक्तिकमलासनाय नमः ।
ह्रीम्पीठासनाय नमः । इत्यासनं सम्पूज्य । तदुपरि
समुपविश्य । संविदं यथामन्त्रं स्वीकुर्यात् ।
तद्विधिर्यथा -
संविदे ब्रह्मसम्भूते ब्रह्मपुत्रि सदानघे ।
ब्राह्मणानां च तृप्त्यर्थं पवित्रा भाव सर्वदा ॥
सिद्धमूल्यक्षये देवि हीनबोधप्रबोधिनि ।
राजप्रजावशङ्करि शत्रुपक्षनिषूदिनि ॥
ऐं क्षत्रियायै नमः स्वाहा ।
अज्ञानेन्धनदीप्ताग्ने ज्ञानाग्निब्रह्मरूपिणि ।
आनन्दस्याहुतिं प्रीतिं सम्यग्ज्ञानं प्रयच्छ मे ॥
ह्रीं वैश्यायै नमः स्वाहा ।
नमस्यामि नमस्यामि योगमार्गप्रदर्शिनि ।
त्रैलोक्यविजये मातः समाधिविजया भव ॥
क्लीं शूद्रायै नमः स्वाहा । इत्यभिमन्त्र्य ।
``ओं अमृते अमृतोद्भवे अमृतवर्षिणि अमृतमाकर्षय
आकर्षय सिद्धिं देहि देहि त्रिपुरसुन्दरीपदं मे वशमानय
वशमानय स्वाहा'' इति तदुपरि सप्तधा मूलं च जप्त्वा ।
धेनुयोनिमुद्रयाऽमृतीकृत्य आवाहनादिमुद्राः सन्दर्श्य ।
छोटिकाभिर्दिग्बन्धनं बिधाय । सप्तधा त्रिधा वा श्रीगुरुं देवतां
च सन्तर्प्य । ``ऐं वद वद वाग्वादिनि मम जिह्वाग्रे स्थिरीभव
सर्वसत्त्ववशङ्करि स्वाहा'' इत्यनेन मुखे जुहुयात् ।
ततः आनन्दमयो भवति ।
``अपसर्पन्तु ते भूता ये भूता भुवि संस्थिताः ।
ये भूता विघ्नकर्तारस्ते नश्यन्तु शिवाज्ञया ॥
पाषण्डकारिणो ये च भूता भूम्यन्तरिक्षगाः ।
दिवि लोके स्थिता ये च ते नश्यन्तु शिवाज्ञया ॥ ``
इति तर्जनीमध्यमाभ्यामूर्ध्वोर्ध्वं तालत्रयदानेन
वामपार्ष्णिघातत्रयेण दिव्यदृष्ट्या च त्रिविधविघ्नानुत्सार्य ।
छोटिकाभिर्दशदिग्बन्धनं कृत्वा चतुर्दिक्षु वह्निप्राकारं
सञ्चिन्त्य प्राणायामं कुर्यात् ।
तत्र प्रणवं षोडशवारमुच्चरन् दक्षाङ्गुष्ठेन दक्षनासापुटं
निरुध्य वामेन पवनं पूरयेत् । ततस्तमेव चतुष्षष्टिवारमुच्चरन्
दक्षानामाकनिष्ठिकाभ्यां वामं च पुटं निरुध्य द्वाभ्यां पवनं
कुम्भयेत् । ततस्तमेव द्वात्रिंशद्वारमुच्चरन् वामं पुटं
तथैव निरुध्य दक्षेण पवनं रेचयेदित्येकः प्राणायामः ।
एष एव विपर्ययेण द्वितीयः । प्रथमवत् तृतीयः ।
इति प्राणायामत्रयेण निरस्तसकलकलुषं स्वदेहं
देवताराधनयोग्यं विभाव्य भूतशुद्धिं कुर्यात् ।
अथ मूलाधाराद्धंस इति मन्त्रेण कुण्डलिनीं पृथिव्या सह
स्वाधिष्ठानमानीय । तत्र जले पृथिवीं लीनां विभाव्य तस्माज्जलेन
सह मणिपूरकं समानीय । तत्र वह्नौ जलं लीनं विभाव्य तस्माद्वह्निना
सह अनाहतं समानीय । तत्र वायौ वह्निं लीनं विचिन्त्य । तस्माद्वायुना
सह विशुद्धं समानीय । तत्रस्थाकाशे वायुं लीनं विचिन्त्य ।
तस्मादाकाशेन सह आज्ञाचक्रं समानीय । तत्र मनस्याकाशं लीनं
विचिन्त्य । मनो नादे लीनं विभाव्य । ध्वनौ ध्वनिं समर्प्य ।
सहस्रदलकमलकर्णिकास्थचन्द्रमण्डलमध्यगतत्रिकोणान्तर्गत-
तेजोमयबिन्दुरूपपरमशिवे देवतां समर्प्य । प्राणायामविधिना यमिति
वायुबीजं धूम्रवर्णं षोडशवारं जपन् शारीरं पापपुरुषम् ।
``वामकुक्षिस्थितं पापपुरुषं कज्जलप्रभम् ।
ब्रह्महत्याशिरस्कं च स्वर्णस्तेयभुजद्वयम् ॥
सुरापानहृदा युक्तं गुरुतल्पकटिद्वयम् ।
तत्संसर्गिपदद्वन्द्वमङ्गप्रत्यङ्गपातकम् ॥
उपपातकरोमाणं रक्तश्मश्रुविलोचनम् ।
खड्गचर्मधरं क्रुद्धं पापं कुक्षौ विचिन्तयेत् ॥
इत्थं संशोष्य । रमिति वह्निबीजं रक्तवर्णं चतुष्षष्टिवारं
जपन् तमेव सन्दह्य । वमित्यमृतबीजं शुक्लवर्णं सहस्रारे विचिन्त्य
द्वात्रिंशद्वारं जपन् तदुद्भवामृतवृष्ट्या निष्पापं शरीरमुत्पाद्य ।
ललाटस्थ-लमिति पृथ्वीबीजेन पीतवर्णेन सुदृढीकृत्य ।
ह्रीमिति मूलस्थेन बीजेन सैश्वर्यं विधाय ।
सोऽहमिति मन्त्रेण कुण्डलिनीममृतलोलीभूतां पञ्चभूतानि
जीवात्मानं च ब्रह्ममार्गेण स्वस्वस्थाने नियोजयेत् । ततो
देवीरूपमात्मानं विचिन्त्य हृदि हस्तं निधाय प्राणप्रतिष्ठां कुर्यात् ।
ॐ आंह्रीक्रों हंसः श्रीबालात्रिपुरायाः प्राणा इह प्राणाः ।
जीव इह स्थितः । ॐ सर्वेन्द्रियाणि इह स्थितानि ।
वाड्मनश्चक्षुःश्रोत्रघ्राणा इहागत्य सुखं चिरं तिष्ठन्तु स्वाहा
इति प्राणप्रतिष्ठां विधाय । स्वमूलऋष्यादिचिन्तनं विदधीत ।
अस्य श्रीबालात्रिपुरामन्त्रस्य दक्षिणामूर्तिः ऋषिः । पङ्क्तिश्छन्दः ।
श्रीबालात्रिपुरा देवता । ऐं बीजम् । सौः शक्तिः । क्लीं कीलकम् ।
पूजादौ विनियोगः इति कृताञ्जलिः स्मृत्वा यथाविधि न्यसेत् ।
दक्षिणामूर्तिऋषये नमः शिरसि । पङ्क्तिच्छन्दसे नमो मुखे ।
श्रीबालात्रिपुरादेवतायै नमो हृदि । ऐं बीजाय नमो गुह्ये ।
सौः शक्तये नमः पादयोः । क्लीं कीलकाय नमो नाभौ ।
विनियोगाय नमः सर्वाङ्गेषु ।
ऐं नमः (नाभ्यादिपादान्तं) । क्लीं नमः (कण्ठादिनाभ्यन्तं) ।
सौः नमः (मूर्धादिकण्ठान्तम्) ॥
ऐं नमः (वामपाणितले) क्लीं नमः (दक्षे) सौः नमः (उभयोः) ॥
द्रां क्षोभणबाणाय नमः (अङ्गुष्ठयोः) ।
द्रीं द्रावणबाणाय नमः (तर्जन्योः) ।
क्लीं आकर्षणबाणाय नमः (मध्यमयोः) ।
ब्लूं वशीकरणबाणाय नमः (अनामिकयोः) । इति बाणन्यासः ॥
सौः कामाय नमः (अङ्गुष्ठयोः) । क्लीं मन्मथाय नमः (तर्जन्योः) ।
ऐं कन्दर्पाय नमः (मध्यमयोः) । ब्लूं मकरध्वजाय नमः (अनामिकयोः)
स्त्रीं मीनकेतवे नमः (कनिष्ठिकयोः) । इति कामकरन्यासः ॥
अथ स्वमूलकरन्यासः । ऐं अङ्गुष्ठाभ्यां नमः । क्लीं तर्जनीभ्यां नमः ।
सौः मध्यमाभ्यां नमः । ऐं अनामिकाभ्यां नमः ।
क्लीं कनिष्ठिकाभ्यां नमः । सौः करतलपृष्ठाभ्यां नमः ।
एवं हृदयादिन्यासः ।
मातृकान्यासः ।
अस्य श्रीमातृकासरस्वतीन्यासमहामन्त्रस्य ब्रह्मा ऋषिः ।
गायत्री छन्दः । श्रीमातृकासरस्वती देवता । हल्भ्यो बीजेभ्यो नमः ।
स्वरेभ्यः शक्तिभ्यो नमः । बिन्दुभ्यः कीलकेभ्यो नमः ।
मम श्रीविद्याङ्गत्वेन न्यासे विनियोगः ॥
सर्वमातृकया सर्वाङ्गे अञ्जलिना त्रिर्व्यापकं कुर्यात् ॥
(७ -ओं ऐं ह्रीं श्रीं ऐं क्लीं सौः)
७ अं कं खं गं घं ङं - आं अङ्गुष्ठाभ्यां नमः
७ इं चं छं जं झं ञं - ईं तर्जनीभ्यां नमः
७ उं टं ठं डं ढं णं - ऊं मध्यमाभ्यां नमः
७ एं तं थं दं धं नं - ऐं अनामिकाभ्यां नमः
७ ओं पं फं बं भं मं - औं कनिष्ठिकाभ्यां नमः
७ अं यं रं लं वं शं षं सं हं लं क्षं अः -
करतलकरपृष्ठाभ्यां नमः
एवं हृदयादिन्यासः ।
भूर्भुवस्सुवरों इति दिग्बन्धः ॥
ध्यानम् ।
पञ्चाशद्वर्णभेदैर्विहितवदनदोः पादयुक्कुक्षिवक्षो -
देशां भास्वत्कपर्दाकलितशशिकलामिन्दुकुन्दावदाताम् ।
अक्षस्रक्कुम्भचिन्तालिखितवरकरां त्रीक्षणामब्जसंस्थां
अच्छाकल्पामतुच्छस्तनजघनभरां भारतीं तां नमामि ॥
लमित्यादि पञ्चपूजां कृत्वा ।
बहिर्मातृका
मातृकाः त्रितारीबालापूर्विकाः नम हंसः इत्यन्ताः स्वाङ्गेषु न्यसेत् ।
७ अं नमः हंसः (शिरसि) ७ कं नमः (दक्षबाहुमूले)
७ आं -(मुखवृत्ते)) ७ खं (दक्षकूर्षरे)
७ इं (दक्षनेत्रे) ७ गं हंसः (दक्षिमणिबन्धे)
७ ईं (वामनेत्रे) ७ घं (दक्षकराङ्गुलिमूले)
७ उं (दक्षकर्णे) ७ ङं (दक्षकराङ्गुल्यग्रे)
७ ऊं (वामकर्णे) ७ चं (वामबाहुमुले)
७ ऋं (दक्षनासापुटे) ७ छं (वामकूर्परे)
७ ॠं (वामनासापुटे) ७ जं (वाममणिम्बन्धे)
७ लृम् । (दक्षकपोलं) ७ झं (वामकराङ्गुलिमूले)
७ लॄं (वामकपोले) ७ ञं (वामकराङ्गुल्यग्रे)
७ ऐं (अधरोष्ठे ७ टं (दक्षोरुमूले)
७ ॐ (ऊर्ध्वदन्तपङ्क्तौ) ७ ठं (दक्षजानुनि)
७ औं (अधोदन्तपङ्क्तौ) ७ ढं (दक्षपादाङ्गुलिमूले)
७ अं (जिह्वाग्रे) (मूध्र्नि) ७ णं (दक्षपादाङ्गुल्यग्रे)
७ अः (खण्ठे) (वक्त्रै) ७ तं (वामोरुमूले)
७ थं (वामजानुनि) ७ दं (वामगुल्फे)
७ धं (वामपादाङ्गुलिमूले) ७ नं (वामपादाङ्गुल्यग्रे)
७ पं नमः हंसः (दक्षपाश्वे) ७ फं (वामपार्श्वे)
७ बं (पृष्ठे) ७ भं (नाभौ)
७ मं (जठरे) ७ यं (हृदये)
७ रं (दक्षकक्षे) ७ लं (गलपृष्ठे)
७ वं (वामकक्षे) ७ शं (हृदयादिदक्षकराङ्गुल्यन्तं)
७ षं (हृदयादिवामकराङ्गुल्यन्तं) ७ सं (हृदयादिदक्षपादाङ्गुल्यन्तं)
७ हं (हृदयादिवामपादाङ्गुल्यन्तं) ७ ळं (कट्यादिपादाङ्गुल्यन्तं)
७ क्षं (कट्यादिब्रह्मरन्ध्रान्तं)
अन्तर्मातृका ।
७ अं नमः हंसः । आं नमः हंसः इत्यादि अक्षरवर्गीण सहितं
..... अः नमः हंसः ॥
कण्ठे विशुद्धिचक्रे षोडशदलकमले ॥
७ कं नमः हंसः । खं नमः हंसः इत्यादि अक्षरवर्गेण सहितं
..... ठं नमः हंसः ॥
हृदये अनाहते द्वादशदलकमले ॥
७ डं नमः हंसः । ढं नमः हंसः इत्यादि अक्षरवर्गीण सहितं
..... फं नमः हंसः ॥
नाभौ मणिपूरे दशदलकमले ॥
७ बं नमः हंसः । भं नमः हंसः इत्यादि अक्षरवर्गीण सहितं
..... लं नमः हंसः ॥
लिङ्गमूले स्वाधिष्ठाने षड्दलकमले ॥
७ वं नमः हंसः । शं नमः हंसः इत्यादि अक्षरवर्गीण सहितं
..... सं नमः हंसः ॥
गुदोपरि मूलाधारे चतुर्दलकमले ॥
७ हं नमः हंसः । क्षं नमः हंसः ॥ भ्रुवोर्मध्ये आज्ञाचक्रे द्विदले
७ अं नमः हंसः । आं नमः हंसः इत्यादि अक्षरवर्गीण सहितं
..... क्षं नमः हंसः ॥
(५० वर्णाः) मूर्ध्नि सहस्रारे ॥
ऐं नमः मणिबन्धे । क्लीं नमः तले । सौः अग्रे । इति दक्षकरे ।
एवं वामकरे ।
ऐं नमः कक्षे । क्लीं कूर्परे । सौः पाणौ इति दक्षे । एवं वामेऽपि ।
ऐं नमः अधः कक्षे । क्लीं जानुनि । सौः पादाघ्रे इति दक्षे । एवं वामे ।
ऐं नमो लिङ्गे । क्लीं हृदि । सौः नादान्ते । इति विद्यान्यासः ।
नवयोनिन्यासः ।
ऐं दक्षकर्णे । क्लीं वामे । सौः चिबुके । ऐं दक्षशङ्खे । क्लीं वामे ।
सौः मुखे । ऐं दक्षनेत्रे । क्लीं वामे । सौः मुखे । ऐं दक्षनेत्रे ।
क्लीं वामे । सौः नासायाम् । ऐं दक्षबाहौ । क्लीं वामे । सौः कुक्षौ ।
ऐं दक्षजानुनि । क्लीं वामे । सौः नाभौ । ऐं दक्षपादे । क्लीं वामे ।
सौः गुह्ये । ऐं दक्षपार्श्वे । क्लीं वामे । सौः हृदि ।
ऐं दक्षस्तने । क्लीं वामे । सौः कण्ठे ।
रत्यादिन्यासः । (मूलाधारे) ऐंरत्यै नमः (हृदि) ।
क्लीं प्रीत्यै नमः (भ्रूमध्ये)। सौः मनोभवायै नमः । (मूलाधारे)
सौः अमृतेश्यै नमः (हृदि)। क्लीं योगेश्यै नमः (भ्रूमध्ये)
ऐं विश्वयोन्यै नमः । ऐं हृदयाय नमः । क्लीं शिरसे स्वाहा ।
सौः शिखायै वषाट् । ऐं कवचाय हुम् । क्लीं नेत्रत्रयाय वौषट् ।
सौः अस्त्राय फट् ॥ इति न्यासैर्देहं सन्नह्य ।
``मूलाधारे मूलविद्यां विद्युकोटिसमप्रभाम् ॥
सूर्यकोटिप्रतीकाशां चन्द्रकोटिसुशीतलाम् ।
बिसतन्तुस्वरूपां तां बिन्दुत्रिवलयां प्रिये ।
ऊर्ध्वशक्तिनिपातेन सहजेन वरानने ॥
मूलशक्तिदृढत्वेन मध्यशक्तिप्रबोधतः ।
परमानन्दसन्दोहसानन्दं चिन्तये परम् ॥
इत्यन्तर्यजनं कृत्वा पीठपूजां न्यासेन स्वदेहे कुर्यात् ।
आत्मनि पीठपूजा (मूलाधारे) आधारशक्तये नमः । प्रकृत्यै
नमः । (स्वाधिष्ठाने) कमठाय नमः । (मणिपूरे) शेषाय नमः ।
(अनाहते) पृथिव्यै नमः । सुधाम्बुधये नमः । मणिद्वीपाय नमः ।
चिन्तामणिगृहाय नमः । रत्नवेदिकायै नमः । मणिपीठाय नमः ।
(दिक्षु) नानामुनिगणेभ्यो नमः । नानादेवेभ्यो नमः । धर्माय
नमः (दक्षांसे) । अधर्माय (दक्षकुक्षौ) । अज्ञानाय नमः ।
(दक्षपृष्ठे) । अवैराग्याय नमः (वामपृष्ठे) । अनैश्वर्याय
(वामकुक्षौ) । शेषाय नमः । पद्माय नमः । प्रकृतिमयपत्रेभ्यो ।
विकृतिमयकेसरेभ्यो नमः । पञ्चाशद्वर्णभूषितकर्णिकायै नमः ।
सूर्यमण्डलाय नमः । सोममण्डलाय नमः । वह्निमण्डलाय नमः ।
सं सत्त्वाय नमः । रं रजसे नमः । तं तमसे । आं आत्मने नमः ।
अं अन्तरात्मने नमः । पं परमात्मने नमः । ह्रीं ज्ञानात्मने नमः ।
पत्रेषु वामायै । ज्येष्ठायै नमः । रौद्र्यै नमः । अम्बिकायै नमः ।
इच्छायै नमः । ज्ञानदायै नमः । क्रियायै नमः । कुब्जिकायै नमः ।
चित्रायै नमः । विषघ्निकायै नमः । दूतर्यै नमः । आनन्दायै नमः ।
मध्ये मनोन्मन्यै नमः । ऐं परायै । अपरायै नमः । परापरायै नमः ।
ह्सौं सदाशिवमञ्चपद्मासनाय नमः । परमशिवपर्यङ्काय नमः ।
इति पीठं न्यस्य तत्रैव हृदये श्रीबालां ध्यायेत् ।
मूलादिब्रह्मरन्ध्रान्तं बिसतन्तुतनीयसीम् ।
भ्रमद्भ्रमरनीलाभधम्मिल्लामलपुष्पिणीम् ॥ १॥
ब्रह्मरन्ध्रस्फुरद्भिन्नमुखरेखाविराजिताम् ।
मुखरेखालग्नरत्नतिलकां मुकुटोज्ज्वलाम् ॥ २॥
विशुद्धमुक्तावज्राढ्यचन्द्ररेखाकिरीटिनीम् ।
भ्रमद्भ्रमरनीलाभनयनत्रयराजिताम् ॥ ३॥
सूर्यभास्वन्महारत्नकुण्डलालङ्कृतां पराम् ।
शुक्राकारस्फुरन्मुक्ताहारभूषणभूषिताम् ॥ ४॥
ग्रैवेयाङ्गदपत्रालिस्फुरत्कान्तिजितामृताम् ।
गङ्गातरङ्गकर्पूरशुभ्राम्बरविराजिताम् ॥ ५॥
श्रीखण्डवल्लीसदृशबाहुवल्लीविराजिताम् ।
कङ्कणादिलसद्भूषामणिबन्धलसत्प्रभाम् ॥ ६॥
रक्तोत्पलदलाकारपादपल्लवशोभिताम् ।
नक्षत्रमात्रासङ्काशमुक्तामञ्जीरमण्डिताम् ॥ ७॥
वामेन पाणिनैकेन पुस्तकं चापरेण तु ।
अभयं च प्रयच्छन्तीं साधकानां वरानने ॥ ८॥
अक्षमालां च वरदं दक्षपाणिद्वयेन तु ।
दधतीं भावये देवीं वश्यसौभाग्यवाक्प्रदाम् ।
क्षीरकुन्देन्दुधवलां प्रसन्नां संस्मराम्यहम् ॥
इति श्री बालात्रिपुरां ध्यात्वा मानसोपचारैराराध्य मनसा
यथाशक्ति जपहोमादिकं च कृत्वा ।
``धर्माधर्महविर्दीप्ते स्वात्माग्नौ मनसा स्रुवा ।
सुषुम्नावर्त्मना नित्यमक्षवृत्तीर्जुहोम्यहं स्वाहा ॥ ``
कामकलां विचिन्त्य तदुपरि श्रीबालां यथोक्तां ध्यायन् ।
स्ववामभागे षट्कोणान्तर्गतत्रिककोणद्वयबिन्दुबाह्यवृत्तचतुरश्रं
कृत्वा स्वदक्षे त्रिकोणं वृत्तबिम्बं मण्डलं भूमौ विरच्य
तत्राधारशक्तिं सम्पूज्य । तत्राधारं निक्षिप्य । तदुपर्यस्त्रमन्त्रेण
शोधितं हृन्मन्त्रेण पूरितं पात्रं शङ्खादिकं वा संस्थाप्य
तत्र ``गङ्गे च यमुने चैव '' इत्यादिना तीर्थमावाह्य
गन्धादीन् प्रणवेन निक्षिप्य ।
वह्निसूर्यसोमकलाभिः सम्पूज्य धेनुमुद्रां प्रदर्श्य
स्वमन्त्रेण च सम्पूजयेदिति । विधिविहितसामान्यार्घ्योदकेन स्ववामे
कृतमण्डलमभ्युक्ष्य । तत्र ``आधारशक्तिभ्यो नमः'' इत्यादि
पीठपूजाक्रमेण सम्पूज्य । नमः इत्याधारं प्रक्षाल्य मण्डलोपरि
संस्थाप्य । ``रं वह्निमण्डलाय दशकलात्मने नमः'' इति प्रपूज्य ।
देवीबुद्ध्या संस्थाप्य । ``अं अर्कमण्डलाय द्वादशकलात्मने नमः''
इति कलशे सम्पूज्य । ``ओं चन्द्रमण्डलाय षोडशकलात्मने नमः''
इति द्रव्ये सम्पूज्य । फडिति संरक्ष्य हुमित्यवगुण्ठ्य मूलेन संवीक्ष्य
नमः इत्यभ्युक्ष्य मूलेन गन्धमाघ्राय । कुम्भे पुष्पं दत्त्वा शापमोचनं
कुर्यात् ।
एकमेव परं ब्रह्म स्थूलसूक्ष्ममयं ध्रुवम् ।
कचोद्भवां ब्रह्महत्यां तेन ते नाशयाम्यहम् ॥
सूर्यमण्डलसम्भूते वरुणालयसम्भवे ।
अमाबीजमयि देवि शुक्रशापाद्विमुच्यताम् ॥
वेदानां प्रणवो बीजं ब्रह्मानन्दमयं यदि ।
तेन सत्येन देवेशि ब्रह्महत्यां व्यपोहतु ॥
पवमानः परानन्दः पवमानः परो रसः ।
पवमानं परं ज्ञानं तेन ते पावयाम्यहम् ॥
कृष्णशापविनिर्मुक्ता त्वं मुक्ता ब्रह्मशापतः ।
विमुक्ता रुद्रशापेन पवित्रा भव साम्प्रतम् ॥
इति त्रिः पठित्वा ततः ॐ वां वीं वूं वैं वौं वः ब्रह्मशापमोचितायै
सुरादेव्यै नमः इत्यपि त्रिः । ह्रीं श्रीं क्रां क्रीं क्रूं क्रैं क्रौं क्रः
सुराकृष्णशापं मोचय मोचय अमृतं स्रावय स्रावय स्वाहा इति त्रिः ।
हंसः शुचिषद्वसुरन्तरिक्षसद्धोता वेदिषदतिर्थिर्दुरोणसत् ।
नृषद्वरसदृतसद्व्योमसदब्जा गोजा ऋतजा अद्रिजा ऋतं बृहत् ॥
इत्यपि त्रिः पठित्वा आनन्दभैरवं सुरादेवीं च तत्र ध्यात्वा
हसरक्षमलवयऊं आनन्दभैरवाय वौषट् । सहक्षमलवरयऊं
सुरादेव्यै वौषट् । इति देवदेव्यौ त्रिः सम्पूज्य द्रव्यमध्ये
दक्षिणावर्तेने त्रिः पङ्क्त्या अं (१६) कं (१६) थं (१६) इति शक्तिचक्रं
विलिख्य तन्मध्ये हं क्षं च ।
तत्समावेशाद्द्रव्यमध्येऽमृतं विचिन्त्य ।
धेनुमुद्रया अमृतीकृत्य वमिति सुधाबीजं मूलमप्यष्टधा घटं धृत्वा
पठित्वा । आत्मश्रीचक्रयोर्मध्ये त्रिकोणषट्कोणवृत्तचतुरस्रं
विलिख्य । चतुरश्रे पूर्णगिरिपीठाय नमः । उड्डीयानपीठाय नमः ।
कामरूपीठाय नमः । जालन्धरपीठाय नमः । इति सम्पूज्य । षट्कोणे
षडङ्गं सम्पूज्य । त्रिखण्डेन त्रिकोणाग्रदक्षोत्तरं सम्पूज्य । मध्ये
आधारशक्तीः सम्पूज्य त्रिकोणगर्भे यन्त्रिकां संस्थाप्य नमः इति
सामान्यार्घ्यजलेनाभ्युक्ष्य यं धूम्रार्चिषे नमः । रं ऊष्मायै नमः ।
लं ज्वलिन्यैः नमः । वं ज्वालिन्यै नमः । शं विस्फुलिङ्गिन्यै नमः ।
षं सुश्रियै नमः । सं स्वरूपायै नमः । हं कपिलायै नमः ।
लं हव्यवाहायै नमः । क्षं कव्यवाहायै नमः । मध्ये रं वह्निमण्डलाय
दशकलात्मने नमः । इति सम्पूज्य । षट्कोणे षडङ्गं सम्पूज्य ।
मध्ये मूलेन देवीं सम्पूज्य । पात्रं फडिति प्रक्षाल्य । यन्त्रिकोपरि
संस्थापयेत् । तत्र कं भं तपिन्यै नमः । खं वं तापिन्यै नमः ।
गं फं धूम्रायै नमः । घं पं मरीच्यै नमः ।
ङं नं ज्वलिन्यै नमः । चं धं रुच्यै नमः ।
छं दं सुषुम्नायै नमः । जं थं भोगदायै नमः ।
झ तं विश्वायै नमः । ञं णं बोधिन्यै नमः ।
टं ढं धारिण्यै नमः । ठं डं क्षमायै नमः ।
अं अर्कमण्डलाय द्वादशकलात्मने नमः ।
इति सम्पूज्य । त्रिकोणवृत्तषट्कोणं पात्रे विलिख्य
समस्तव्यस्तमन्त्रेण सम्पूज्य । वरुणबीजं मूलं विलोममातृकां च
पठन् । अमृतेन त्रिकोणं प्रपूर्य जलेन च भागमेकं प्रपूर्य तत्र
सुगन्धादि निक्षिप्य ।
अं अमृतायै नमः । आं मानदायै नमः । इं पूषायै नमः ।
ईं तुष्ट्यै नमः । उं पुष्ट्यै नमः । ऊं रत्यै नमः ।
ॠं धृत्यै नमः ।
ॠं शशिन्यै नमः । लृं चन्डिकायै नमः । लॄं कान्त्यै नमः ।
एं ज्योत्स्नायै नमः । ऐं श्रियै नमः । ॐ प्रीत्यै नमः ।
औं अङ्गदायै नमः । अं पूर्णायै नमः । अः पूर्णामृतायै नमः ।
ॐ सोममण्डलाय षोडशकलात्मने नमः ।
इति सम्पूज्य । पूर्ववन्मन्त्रं द्रव्ये विलिख्य त्रिकोणत्रिरेखायां
अं आं इत्यादि क्षः इत्यन्तं मातृकां त्रिस्त्रिर्विलिख्य । मूलखण्डत्रयेण
त्रिकोणं सम्पूज्य षट्कोणे षडङ्गं च । गङ्गेत्यादिना तीर्थमावाह्य ।
आनन्दभैरवभैरव्यौ स्वमन्त्रेण सम्पूज्य । पूर्वादितः ।
ग्लूं गगनरत्नेभ्यो नमः । स्लूं स्वर्गरत्नेभ्यो नमः ।
म्लूं मर्त्यरत्नेभ्यो नमः । प्लूं पातालरन्तेभ्यो नमः ।
मध्ये न्लूं नागरत्नेभ्यो नमः ।
इति सम्पूज्य । निवेदनद्रव्यं संशोध्य हुमित्यवगुण्ढ्य
अमृतीकृत्य । तालत्रयेण दिशः सम्बद्ध्य । तदुपरि सप्तधा मूलं
सम्पूज्य तत्र देवीमावाह्य । तालत्रयेण दिग्बन्धनं विधाय
अवगुण्ढ्यामृतीकृत्य । योनिमुद्रां प्रदर्श्य । ह्सौं नमः इति सम्पूज्य ।
शङ्खःमुद्रां प्रदर्श्य षडङ्गेन सकलीकृत्य मत्स्यमुद्रया पात्रमासाद्य
मूलं दशधा जप्त्वा पात्रं देवीरूपं विभावयेदिति ।
ततो देव्याज्ञामादाय घटसमीपे गुरुपात्रं ततः शक्तिपात्रं
भोगपात्रं स्वपात्रं योगिनीपात्रं वीरपात्रं बलिपाद्यार्घ्याचमनीयपात्राणि
संस्थाप्य । चर्वणयुतकारणेन तत्त्वमुद्रया श्रीपात्राद्बिन्दून्
समुद्धृत्य । आनन्दभैरवं तर्पयामि नमः इति तन्मन्त्रेण
त्रिः सन्तर्प्य । ततः श्रीगुरु श्रीमच्छ्री ....
आनन्दनाथश्रीपादुकां पूजयामि तर्पयामि
नमः इति त्रिः सन्तर्प्य । श्रीपात्रामृतेन मूलदेवीं सायुधां सवाहनां
सपरिवारां तर्पयामि नमः इति सन्तर्पयेदिति कलशपूजाविधिः ।
अथ श्रीचक्रोपरि पीठपूजां पूर्ववद्विधाय श्रीबालां ध्यात्वा वायुबीजेन
वामनासापुटेन देवीं स्वहृदयात् कुसुमाञ्जलावानीय श्रीचक्रे संस्थाप्य ।
``देवेशि भक्तिसुलभे परिवारसमन्विते ।
यावत्त्वां पूजयिष्यामि तावद्देवि इहावह ॥ इति पठित्वा ।
७ श्रीकामेश्वरशिवशिवासहिते बलात्रिपुरे इहागच्छ आगच्छ ।
इह तिष्ठ तिष्ठ । इह सन्निधेहि सन्निधेहि ।
सन्निरुद्धा भव सन्निरुद्धा भव ।
मम सर्वोपचारसहितां पूजां गृहाण गृहाण
इत्यावाहनादिमुद्राः प्रदर्श्य ।
प्राणप्रतिष्ठां श्रीचक्रे लेलिहानमुद्रया विधाय दशदिग्बन्धं
कृत्वा अवगुण्ढ्य सकलीकृत्य परमीकृत्य । धेनुयोनिमुद्रे प्रदर्श्य
वराभयपुस्तकाक्षमालाज्ञानाङ्कुशपाशचापबाणकपालकमलादिमुद्राः
प्रदर्श्य । श्रीपात्रामृतेन सायुधां सवाहनां सपरिवारां सावरणां
श्रीकामेश्वराङ्कमध्यस्थ कामेश्वर्यङ्कसंस्थितां श्रीबालात्रिपुरां
तर्पयामि नमः इति त्रिः सण्तर्प्य । पुनरपि मूलेन श्रीबालात्रिपुराश्रीपादुकां
तर्पयामि नमः इति त्रिः सन्तर्प्य मूलमुच्चार्य ।
एतत्पाड्यं श्रीकामेश्वरसहित श्रीबालात्रिपुरायै नमः पादयोः पाद्यम् ।
एवमर्घ्र्यं स्वाहा (हस्तयोः) ।
आचमनीयं मधुपर्कं च सुधा (मुखे) । स्नानीयं नमः (सर्वाङ्गे) ।
इति सुस्नाप्य । शुद्धदुकूलेनाङ्गं प्रोञ्च्छय ।
विचित्रपटवस्त्रं कुङ्कुम-
कस्तूरीचन्दनसिन्दूरमुकुटकुण्डलहारादिनानालङ्करान् दत्त्वा
पुनराचमनीयं दद्यात् ।
ततो मध्यमानामाङ्गुष्ठैः गन्धो नमः इति गन्धम् ।
अङ्गुष्ठतर्जनीभ्यां पुष्पाणि वौषट् इति पुष्पैः सम्पूज्य ।
धूपपात्रं फडिति सम्पूज्य पुरतः स्थापयित्वा वामतर्जन्या
संस्पृशन् श्रीपात्रामृतेन धूपं निवेदयामि इति निवेद्य ।
जगद्ध्वनिमन्त्रमातः स्वाहा इति घण्टां सम्पूज्य
वामेन पाणिना तां वादयन्मध्यानामाङ्गुष्ठैर्धूपं धृत्वा
गायत्रीं मूलमन्त्रं च पठन् ।
``वनस्पतिरसो दिव्यो गन्धाढ्यो गन्ध उत्तमः ।
आह्वानं सर्वदेवानां धूपोऽयं प्रतिगृह्यताम् ॥ ``
इति त्रिधोत्तोल्य देवीं धूपयेत् । ततो दीपं सम्मुखे संस्थाप्य पूर्ववत्
प्रोक्षणपूजने कृत्वा वाममध्यमया दीपपात्रं स्पृशन् दीपं निवेदयामि
इति निवेद्य पूर्ववत् घण्टां वादयन् ।
मध्यमानामामध्ये दीपपात्रमङ्गुष्ठेन
धृत्वा दर्शयन् । गायत्रीं मूलं च पठन् ।
७ ``सुप्रकाशो महादीपः सर्वत्र तिमिरापहः ।
स बाह्याभ्यान्तरं ज्योतिर्दीपोऽयं प्रतिगृह्यताम् ॥'' इति दीपयेत् ।
ततः सुवर्णादिपात्रे कुङ्कुमेन वसुपत्रं चन्द्ररूपं चरुं कृत्वा मध्ये
दीपमेकमष्टपत्रेषु दीपाष्टकं संस्थाप्य श्रीं सौः ग्लूं
स्लुं म्लूं प्लूं न्लूं सौः
श्रीः रत्नेश्वर्यै नमः । इत्यभ्यर्च्य मूलेन चाभ्यर्च्य । स्थालकं
मस्तकान्तमृद्धृत्य नववारम् । मूलं च पठन् ।
``समस्तचक्रचक्रेशीयुते देवि नवात्मिके ।
आरात्रिकमिदं देवि गृःआण मम सिद्धये ॥ ``
इति चक्रमुद्रया नीराजयेत् । ततो नानानैवेद्यं सुवर्णादिपात्रे निक्षिप्य
हुमित्यवगुण्ठ्य धेनुमुद्रयामृतीकृत्य । मूलं सप्तधा जप्त्वा
वामाङ्गुष्ठेन नैवेद्यपात्रं स्पृशन् मूलान्ते ।
``हेमपात्रगतं दिव्यं परमान्नं सुसंस्कृतम् ।
पञ्चधा षड्रसोपेतं गृहाण परमेश्वरि ॥ ``
नैवेद्यं निवेदयामीति दक्षानामाङ्गुष्ठाभ्यामुत्सृजेत् । ततः
पुनराचमनीयं दत्त्वा मूलान्ते कर्पूरादियुक्तताम्बूलं निवेदयामिति
पुर्ववद्दद्यात् । सर्वेषामर्घ्यपात्रजलेनोत्सर्गः कार्यः ।
ततस्तत्त्वमुद्रया देवीं त्रिः सन्तर्प्य पूर्वोक्ताः मुद्राः प्रदर्श्य ।
योनिं हृदि । क्षोभिणीं मुखे । द्राविणीं भ्रूमध्ये । आकर्षिणीं ललाटे ।
वशिनीं ब्रह्मरन्ध्रे । आह्लादिनीं पञ्चमुद्रामयीं प्रदर्श्य । कृताञ्जलिः
``श्रीबालात्रिपुरे आवरणानि ते पूजयामि'' इत्याज्ञां
गृहीत्वावरणपूजामारभेत ।
तत्रादौ प्राग्योनिमध्ययोन्योरन्तराले गुरुपात्रे (त्रेण) .....
आनन्दनाथ श्रीपादुकां पूजयामि नमस्तर्पयामि नमः ।
एवं परमगुरु श्रीपादुकां पू । परमाचार्य श्री । परमेष्ठिगुरुश्री ।
दिव्यौधगुरुश्री । सिद्धौघगुरुश्री । मानवौघगुरुश्री ।
पुनः स्वगुरुश्री । इति पूजयेत्तर्पयेच्च ।
आग्नेये हृदयश्रीपा । ईशाने शिरःश्रीपा । नैरृते शिखाश्रीपा ।
वायव्ये कवचश्रीपा । मध्ये नेत्र श्रीपा । दिक्षु चतुर्धा अस्त्रश्री ।
इति पूजयेत्तर्पयेच्च ।
ततस्त्रिकोणे आग्नेये ऐं रं रति श्रीपा । ईशाने क्लीं प्रीं प्रीति श्रीपा ।
अग्रकोणे सौः मं मनोभवा श्रीपा । इति पूजयेत्तर्पयेच्च ।
ततस्त्रिकोणस्यैवोत्तरे । द्रां क्षोभणबाणश्री । द्रिं द्रावणबाणश्री ।
क्लीं आकर्षणबाणश्री । ब्लूं वशीकरणबाणश्री ।
तदग्रे सः उन्मादनबाणश्री ।
इति सम्पूज्य सन्तर्प्य । तथैव तदुत्तरे । सौः कामश्री ।
क्लीं मन्मथश्री ।
तद्दक्षे ऐं कन्दर्पश्री । ब्लूं मकरध्वजश्री । अग्रे स्त्रीं मीनकेतुश्री ।
इति पूजयेत्तर्पयेच्च ।
ततोऽष्टयोनिषु पूर्वादितः । अनङ्गकुसुमाश्री । अनङ्गमेखलाश्री ।
अनङ्गमदनाश्री । अनङ्गमदनातुराश्री । सुभगाश्री । भगाश्री ।
भगसर्पिणीश्री । भगमालाश्री । इति पूजयेत्तर्पयेच्च ।
ततोऽष्टपत्रेषु पूर्वादितः ।
अं असिताङ्गभैरवश्री । आं ब्राह्मी श्री । इं रुरुभैरवश्री ।
ईं माहेश्वरीश्री । उं चण्डभैवरश्री । ऊं कौमारीश्री ।
ऋं क्रोधभैरवश्री । ॠं वैष्णवीश्री । लृं उन्मत्तभैरवश्री ।
ॡ वाराहीश्री । ऐं कपालिभैरवश्री । ऐं माहेन्द्रीश्री ।
ॐ भीषणभैरवश्री । औं चामुण्डाश्री । अं संहारभैरवश्री ।
अः नारसिंही श्रीपा । इति पूजयेत्तर्पयेच्च ॥
ततो ग्रन्थिस्थानेषु पश्च्मिमादितः ।
कामरूपपीठश्री । मलयगिरिपीठश्री । कौलगिरिपीठश्री ।
कुलान्तकपीठश्री । चौहारपीठश्री । जालन्धरपीठन्धरश्री ।
उड्डीयानपीठश्री । देवकूटपीठश्री । इति पूजयेत्तर्पयेच्च ॥
ततो वृत्तमण्डले पश्चिमादित ऊर्ध्वमधश्च । हेरुकभैरवश्री ।
वेतालभैरवश्री । त्रिपुरान्तकभैरवश्री । अग्निजिह्वभैरवश्री ।
कालान्तकभैरवश्री । कपालिभैरवश्री । एकपादभैरवश्री ।
भीमरूपभैरवश्री । मलयभैरवश्री । हाकटेश्वरभैरवश्री ।
इति पूजयेत्तर्पयेच्च ॥
ततश्चतुरस्रे पूर्वादितः । इन्द्रश्री । अग्निश्री । यमश्री ।
निऋतिश्री । वरुणश्री । वायुश्री । कुबेरश्री । ईशानश्री ।
इन्द्रेशानयोर्मध्ये ब्रह्मश्री । वरुणराक्षसयोर्मध्ये विष्णुश्री ।
इति पूजयेत्तर्पयेच्च ॥
ततस्तत्समीपे । वज्रश्री । शक्तिश्री । दण्डश्री । खड्गश्री ।
पाशश्री । ध्वजश्री । गदाश्री । त्रिशूलश्रीपादुकां पूजयामि त ॥
ततश्चतुरश्रे पश्चिमे । वां वटुकाय नमो वटुकश्री ।
उत्तरे यां योगिनीभ्यो नमो योनिनीश्री । पूर्वे क्षां क्षेत्रपालाय
नमः क्षेत्रपालश्री । दक्षे गां गणपतये नमः गणपतिश्री ।
इति पूजयेत्तर्पयेच्च ॥
ततो वायव्ये अष्टवसुभ्यो नमः । ईशाने द्वादशादित्येभ्यो नमः ।
आग्नेये एकादशरुद्रेभ्यो नमः । नैरृते सर्वेभ्यो भूतेभ्यो नमः ।
इति पूजयेत्तर्पयेच्च ॥
ततो देवीसमीपे दक्षहस्ते अक्षमालाश्री । वरश्री ।
तद्वामे पुस्तकश्री । अभयश्री । इति पूजयेत्तर्पयेच्च ॥
पुनर्बिन्दौ मूलदेवीं पूर्ववत्सम्पूज्य सन्तर्प्य पुष्पाञ्जलित्रयेण
सम्पूज्य नित्यहोममाचरेत् ।
तद्यथा अग्नौ चक्रं विभाव्य विलिख्य जले वा । प्राणाय स्वाहा ।
अपानाय स्वाहा । व्यानाय स्वाहा । उदानाय स्वाहा ।
समानाय स्वाहा । इति हुत्वा षडङ्गाहुतीः कुर्यात् ।
ततो मूलेन स्वदेव्यै हुत्वा । स्वहृदि विसृज्य ईशाने
मण्डलं कृत्वा । वां वटुकाय नमः एह्येहि देवीपुत्र वटुकनाथ
कपिलजटाभारभास्वर त्रिनेत्र ज्वालामुख सर्वान् विघ्नान्
नाशय् अनाशय सर्वोपचारसहितं बलिं गृह्ण गृह्ण स्वाहा ।
आग्नेये । यां योगिनीभ्यो नमः ।
ऊर्ध्वं ब्रह्माण्डतो वा दिवि गगनतले भूतले निष्कले वा
पाताले वा तले वा सलिलपवनयोर्यत्र कुत्र स्थिता वा ।
ऊर्ध्वं पीठोपपीठादिषु च कृतपदा धूपदीपादिकेन
प्रीता देव्यः सदा नः शुभबलिविधिना पान्तु वीरेन्द्रवर्याः ॥
यां योगिनीभ्यो फट् स्वाहा । इति योगिनीबलिः ॥
नैरृते क्षां क्षीं क्षूं क्षैं क्षौं क्षः क्षेत्रपाल अलिबलिसहितं
बलिं गृह्ण गृह्ण स्वाहा । इति क्षेत्रपालबलिः ॥
वायव्ये गां गीं गूं गणपतये वरवरद सर्वजनं मे वशमानय
बलिं गृह्ण गृह्ण स्वाहा । इति गणपतिबलिः ॥
इत्थं बलिं विरचय्य गुरुदेव्यौ ध्यायन् यथाशक्तिं जपं विधाय ।
पुनरपि प्राणायामर्ष्यादिकराङ्गन्यासानन्तरं ``गुह्यातीति''
तर्पणेन तेजोरूपं जपफलं देवीवामहस्ते समर्प्य ।
कवचसहस्रनामस्तवपाठं पठित्वा साष्टाङ्गं प्रणिपत्य
प्रदक्षिणीकृत्य सामयिकैः सह पुर्वोक्तरूपेण पात्रवन्दनं विधाय
``नन्दन्तु साधकाः सर्वे विनश्यन्तु विदूषकाः ।
अवस्था शाम्भवी मेऽस्तु प्रसन्नोऽस्तु गुरुः सदा ॥``
इत्यादि पुर्वोक्तं शान्तिस्तोत्रं पठित्वा ।
ईशाने ``निर्माल्यवासिन्यै नमः'' इति निर्माल्यं त्यजेत् ।
ततः ``इतः पुर्वं जाग्रत्स्वप्नसुषुप्त्यवस्थासु मनसा वाचा
कर्मणा पद्भ्यामुदरेण शिश्ना प्राणदेहधर्माधिकारतो यदुक्तं
यत्कृतं तत्सर्वं मदीयं श्रीबालात्रिपुरार्पणमस्तु ।
ताम्रादिपात्रेऽघ्र्यं धृत्वा ``ओं ह्रां ह्रीं सः सूर्य एष तेऽघः
स्वाहा'' इत्यर्घ्यं सूर्याय दत्त्वा । अच्छिद्रमवधारयेत् । नैवेद्यादि
बान्धवैः साकं भुक्त्वा स्वात्मानं कामकलारूपं भावयन् सुखं
विहरेत् ।
इति श्रीबालासपर्यापद्धतिः समाप्ता ।
Proofread by PSA Easwaran