श्रीबालामहामालामन्त्रस्तवः
अस्य श्रीबालात्रिपुरसुन्दरीमहामालामन्त्रस्य दक्षिणामूर्तिः ऋषिः ।
पङ्क्तिश्छन्दः । श्रीबालात्रिपुरसुन्दरी देवता ।
ऐं बीजम् । सौः शक्तिः । क्लीं कीलकम् ।
श्रीबालात्रिपुरसुन्दरीप्रीत्यर्थे महामालामन्त्रपारायणे विनियोगः ।
मूलविद्याद्विरावृत्त्या कर हृदयन्यासः -
ध्यानम्-
रक्ताम्बरां चन्द्रकलावतंसां समुद्यदादित्यनिभां त्रिनेत्राम् ।
विद्याक्षमालाभयदानहस्तां ध्यायामि बालामरुणाम्बुजस्थाम् ॥ १॥
विद्याक्षमालासुकपालमुद्राराजत्करां कुन्दसमानकान्तिम् ।
मुक्ताफलालङ्कृतशोभिताङ्गीं बालां भजे वाङ्मयसिद्धिहेतोः ॥ २॥
भजे कल्पवृक्षाध उद्दीप्तरत्नासने सन्निषण्णां मदाधूर्णिताक्षीम् ।
करैर्बीजपूरं कपालेषु चापं सपाशाङ्कुशं रक्तवर्णं दधानाम् ॥ ३॥
व्याख्यानमुद्रामृतकुम्भविद्यामक्षस्रजं सन्दधती कराग्रैः ।
चिद्रूपिणीं शारद चन्द्रकान्तिं बालां भजे मौक्तिकभूषिताङ्गीम् ॥
लमित्यादि पञ्चपूजां कुर्यात्
वं वं वषट् वौषट् श्रौषट् आं ह्रीं क्रों ऐं क्लीं
सौः आं ऐं ह्रीं क्लीं सौः ।
आं ह्रीं क्रों ऐं क्लीं सौः श्रीं ह्सौः नमो भगवति बाला परमेश्वरि ।
ऐं ह्रीं श्रीं ह्सौः शौः सहक्षमलवरय ईं हसक्षमलवरय ऊं
श्रीगुरु परमगुरु परमेष्ठिगुरु परापरगुरुस्वरूपे ।
ऐं क्लीं सौः सकलजगदुत्पत्ति मातृके ।
अकारादि क्षकारान्त मातृकावर्णस्वरूपिणि ।
इच्छा ज्ञान क्रिया शक्त्यात्मिके ।
ऐं क्लीं सौः बीजत्रयात्मिके । बिन्दुत्रयात्मिके । त्रिकूटात्मके ।
त्रिगुणात्मके । त्रिखण्डात्मके । त्रिचक्रात्मके । त्रिकोणात्मके ।
त्र्यक्षरे । त्रिपुरे । ऐं क्लीं सौः पञ्चभूतात्मके । त्रिशक्त्यात्मके ।
पञ्चकृत्यपरायणे । सृष्टिस्थितिसंहारतिरोधानानुग्रहकारिके ।
पञ्चप्रेतमञ्चाधिशायिनि । ऐं क्लीं सौः अतलवितलसुतल-
तलातलरसातलमहातलपाताल-भूर्लोकभुवर्लोकसुवर्लोक-
महोलोकजनोलोकतपोलोकसत्यलोकभुवनैकवीरमात्रे ।
समुद्यदादित्यसहस्राभे । सोमसूर्याग्निलोचनत्रयराजिते ।
चन्द्रकलावतंसे । रक्ताम्बरधारिणि ।
पुस्तकाक्षमालावराभयकरविभूषिते ।
कनकवज्रवैडूर्यमुक्तालङ्कारभूषिते ।
ऐं ऐं सौः क्लीं क्लीं ऐं सौः सौः क्लीं नवाक्षरात्मके ।
नवकोणपुरावासे । नववर्षवयोविशिष्टाङ्गि । बालात्रिपुरे ।
ब्राह्म्याद्यष्टमातृकापरिसेविते । अणिमाद्यष्टैश्वर्यप्रदे । बालाम्बिके ।
एह्येहि आगच्छागच्छ । मम शरीरे प्रवेशय प्रवेशय ।
मम सकलकार्याणि साधय साधय । दुर्गतिं मोचय मोचय ।
श्रियं प्रापय । प्रापय ।
आं ऐं ह्रीं क्लीं क्रों सौः आं ह्रीं क्रों ऐं क्लीं सौः ।
ऐं ऐं नमो बलावागीश्वरि । ऐं ऐं कर्पूरधवलाकारप्रभे ।
ऐं ऐं व्रजमौक्तिकमुक्तालङ्कारभूषिते ।
ऐं ऐं मुक्ताक्षमालापुस्तकवराभयकर विभूषिते ।
ऐं ऐं शुभ्राम्बरधारिणि ।
ओं ह्रीं ह्स्रैं ह्रीं ओं ऐं धीं क्लीं सौः महासरस्वत्यात्मके ।
ऐं ऐं महासारस्वतप्रदे ।
ऐं ऐं वेदवेदाङ्गन्यायमीमांसापुराणधर्मशास्त्रात्मके ।
मम निखिलभाषासु अनवद्यगद्यपद्यरचनाचातुर्यं दापय दापय ।
विविधतर्कविगाहितसमस्तशास्त्रसागरगरीयःप्रतिभां प्रापय प्रापय ।
ऐं ऐं वद वद वाग्वादिनि । ऐं ऐं गङ्गातरङ्गकल्लोलवाक्पटुत्वप्रदे
मम सकलभाषासु मृदुमधुररसभावभासुरवाग्जालं देहि देहि ।
आं ऐं ह्रीं क्लीं क्रों सौः आं ह्रीं क्रों ऐं क्लीं सौः ।
क्लीं क्लीं नमो भगवति बाला कामेश्वरि । इच्छाकामफलप्रदे ।
क्लीं क्लीं रक्तगन्धानुलेपने ।
क्लीं क्लीं बन्धूककुसुमाकारकान्तिभूषण भूषिते ।
क्लीं क्लीं रक्तालङ्कारभूषिते । क्लीं क्लीं रक्तमाल्याम्बरधारिणि ।
क्लीं क्लीं इक्षुकोदण्डपुष्पेषुपाशाङ्कुशकरभूषिते ।
क्लीं क्लीं सर्वसत्त्ववशङ्करि । क्लीं क्लीं सर्वलोकाकर्षिणि ।
क्लीं क्लीं सकलकामप्रपूरणि । क्लीं क्लीं असाध्यसाधिनि ।
मम दृष्टादृष्टानां सर्वेषां स्त्रीपुरुषाणां जनानां गतिमति-
हृदयचित्तादिकमाकर्षयाकर्षय । वशमानय वशमानय ।
सम्मोहय सम्मोहय । आं ऐं ह्रीं क्लीं क्रों सौः । आं ह्रीं क्रों ऐं क्लीं सौः ।
सौः सौः नमो बाला सौभाग्येश्वरि । सौः सौः हेमप्रभाभासमाने ।
सौः सौः विद्युन्निकरनमत्प्रभे । सौः सौः स्फुरचन्द्रकलापूर्णे ।
कलशवरदाभयज्ञानमुद्राकरविभूषिते ।
सौः सौः स्रवत्पीयूषधाराभिवर्षिणि । महासौन्दर्य सुभगे ।
सौः सौः महामृत्युविनाशिनि । सौः सौः सर्वशत्रुसंक्षोभिणि ।
मम शत्रुभिः कृत-क्रियमाण-करिष्यमाण
निखिलमन्त्रयन्त्रतन्त्रप्रयोगान् उच्चाटय उच्चाटय ।
विविध प्रयोगान् नाशय नाशय ।
सौः सौः सर्वशत्रुभयङ्करि ।
मम शत्रूणां वाक्चित्तचक्षुर्जिह्वागलचेष्टादिकान्
स्तम्भय स्तम्भय । आं ऐं ह्रीं क्लीं क्रों सौः आं ह्रीं क्रों ऐं क्लीं सौः
नमो बाला त्रिपुरसुन्दरि । ऐं क्लीं सौः सर्वोपद्रवनाशिनि ।
राजचोरसर्पसिंहवृश्चिकव्याघ्राग्निजलविषादिकोत्पन्नान्
सर्वोपद्रवान् नाशय नाशय ।
ऐं क्लीं सौः सर्वव्याधिविनाशिनि । सर्वरोगान्नाशय नाशय ।
आरोग्यं दापय दापय । ऐं क्लीं सौः महासाम्राज्यदायिनि ।
ऐं क्लीं सौः सर्वसम्पत्प्रपूरणि । सर्वसौभाग्यप्रदे ।
महासम्पत्प्रदे मम सकलैश्वर्यं दापय दापय ।
ऐं क्लीं सौः जये विजये जिते अपराजिते सकललोकजयप्रदे
मम सर्वत्र सर्वदा यशोविजयादिकं देहि देहि ।
सकुटुम्बं सपरिवारं मां रक्ष रक्ष आं ऐं ह्रीं क्लीं क्रों सौः
आं ह्रीं क्रों ऐं क्लीं सौः सकलजगन्नुतायै श्रीबालात्रिपुरसुन्दर्यै
ह्रीं हुं फट् स्वाहा ।
अनेन मया कृतेन श्रीबालात्रिपुरसुन्दरीमहामालामन्त्रजपेन
भगवती सर्वात्मिका श्रीबालात्रिपुरसुन्दरी सुप्रीता सुप्रसन्ना वरदा भवतु !
श्रीबालात्रिपुरसुन्दरीचरणसमर्पितोऽस्तु !
इति श्रीबालामहामालामन्त्रस्तवः सम्पूर्णः ।
Proofread by PSA Easwaran