%@@1
% File name             : anandasagarastava.itx
%--------------------------------------------
% Text title            : Anandasagarastava
% Author                : Nilakantha Dikshitar
% Language              : Sanskrit
% Subject               : philosophy/hinduism/religion
% Description/comments  : Hymn to Devi Minakshi
% Transliterated by     : Sunder Hattangadi	
% Proofread by          : 
% Translation by        :  n/a
% Latest update         : Dec. 18, 2009
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskritdocuments.org
% http://sanskrit.gde.to/
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------
\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Anandasagarastava ..}##
\itxtitle{.. AnandasAgarastavaH ..}##\endtitles ##
.. AnandasAgarastavaH ..
vij~nApanArhaviralAvasarAnavAptyA
mandodyame mayi davIyasi vishvamAtuH .
avyAjabhUtakaruNApavanApaviddhA\-
nyantaH smarAmyahamapA~Ngatara~NgitAni .. 1 ..
AvedyatAmaviditaM kimathApyanuktaM
vaktavyamAntararujopashamAya nAlam .
ityarthyase kimapi tacChravaNe nidhAtuM
mAtaH prasIda malayadhvajapANDyakanye ..2..
AkranditaM ruditamAhatamAnane vA
kasyArdramastu hR^idayaM kimataH phalaM vA .
yasyA mano dravati yA jagatAM svatantrA
tasyAstavAmba purataH kathayAmi khedam .. 3 ..
paryAkule manasi vAchi pariskhalantyAM
Avartagarta iva chakShiShi ghUrNamAne .
kaste.abhidAsyati shive mamatAmavasthAM
kAle dayasva kathayAmi tavAdhunaiva .. 4 ..
bhaktiM karotu nitarAM surajAtimAtre
grAmINajanturiva paurajaneShu lokaH .
anyatra devi bhavadIyapadAravindA\-
dAkR^iShyamANamapi me hR^idayaM na yAti .. 5 ..
a~NgIkuru tvamavadhIraya vA vayaM tu
dAsAstaveti vachasaiva jayema lokAn .
etAvataiva sukaro nanu vishvamAtaH
uddaNDadaNDadharaki~Nkaramaulibha~NgaH .. 6 ..
vedAntavAkyajanitaM vimalaM vichAraiH
AsAdya bodhamanuchintanato.aparokSham .
muktiM vrajanti manujA iti sUktimAdyA\-
mAlambya kastaritumarhati shailakanye .. 7 ..
ekaikavedaviShayAH kati nAmashAkhA\-
stAsAM shirA.nsi kati nAma pR^ithagvidhAni .
arthAvabodhavidhuro.akSharalAbha eva
keShAM nR^iNAM katibhirastu sharIrabandhaiH .. 8 ..
nyAyAH parasparavibhinnadishaH sahasra\-
mucChAvachAni cha bhavantyupabR^i.nhaNAni .
evaM sthite girisute nigamopalAnAM
tAtparyasAramavadhArayituM kShamaH kaH .. 9 ..
astvakSharagrahavidhirjanuShAM sahasrai\-
rApAtato bhavatu nAma tato.arthabodhaH .
durvAdikalpitavikalpatara~NgasAndrAn
duShpUrvapakShajaladhIn kathamuttareyaH .. 10 ..
brahmeti shaktiriti bandhavimochanIti
mAyAmayIti madanAntakavallabheti .
saptAShTashabdaparivartanamAtra eva
sAmarthyamAvahati shAstraparishramo.ayam .. 11 ..
tasyai prasIdasi girIndrasute ya itthaM
sampAdayeta shanakairaparokShabodham .
yasmai prasIdasi sa cha kShamate.avaboddhu\-
mitthaM parasparasamAshrayametadAste .. 12 ..
AkarNaya tvamimamabhyupagamya vAdaM
jAnAtu ko.api yadi vA hR^idayaM shrutInAm .
tasyApyasa~NkhyabhavabandhashatArjito.ayaM
dvaitabhramo galatu janmashataiH kiyadbhiH .. 13 ..
kAle mahatyanavadhAvapatankvadApi
kvApyantime januShi ko.api gatiM labheta .
itthaM samarthanavidhiH paramAgamAnAM
paryAyasUktividhayA nayanaM na~narthe ..14 ..
ekApavargasamaye jagato.apavargaH
sarvApavargasamaye punarastasha~NkaH .
IdR^igvidhaM kamapi pakShamihAvalambya
sthAtuM sukhaM kShamamaneva pathA pravR^ittaiH .. 15 ..
abhyasya vedamavadhArya cha pUrvatantra\-
mAlakShya shiShTacharitAni pR^ithagvidhAni .
adhyApanAdibhiravApya dhanaM cha bhUri
sharmANi mAtaralasAH kathamAchareyuH .. 16 ..
Ayasya tAvadapi karma karotu kashchi\-
ttenApi mAtaradhikaM kimivAnubhAvyam .
aste sukhaM ya iha bhAratavarShasIma\-
nyAste sa ki~nchidita uttarato.apasR^itya .. 17 ..
karma tyajema yadi nUnamadhaH patema
yadyAcharema na kadApi bhavaM tarema .
karma tyajediti charediti cha pravR^ittAH
bhAvena kena nigamA iti na pratImaH .. 18 ..
karmaNyakarmavidhireSha yadAcharanti
karmANi tattadanubandhajihAsayeti .
satyaM tathApyabhinavo bhavitA na bandhaH
prAchInabandhaharaNe ka ivAbhyupAyaH .. 19 ..
prArabdhakarma kiyadArabhate kiyadvA
prArapsyate kiyadidaM ka ivAvadhattAm .
kAlaH kiyAniva mayA pratipAlanIyo
yasya kShaNArdhamapi kalpashatatvameti .. 20 ..
puMsaH kShaNArdhamapi sa.nsaraNAkShamasya
sA~NkhyAdayaH saraNayo na vishanti karNam .
sa~NkhyAya gA~NgasikatAH sakalAshcha sUkShmA
bhu~NkShveti vAgiva mahAkShudhayArditasya .. 21 ..
bhaktistu kA yadi bhavedratibhAvabheda\-
statkevalAnvayitayA viphalaiva bhaktiH .
prItistvayi trijagadAtmani kasya nAsti
svAtmadruho na khalu santi janAstrilokyAm .. 22 ..
AtmA samastajagatAM bhavatIti samya\-
gvij~nAya yadvitanute tvayi bhAvabandham .
sA bhaktirityabhimataM yadi siddhamiShTaM
vyarthaM visheShyamalamastu visheShaNaM naH .. 23 ..
svAtmetaratvamavadhArya paratvabuddhyA
yatprIyate gurujaneShviva saiva bhaktiH .
syAdetadevamiyameva tu me jihAsyA
dvaitabhramAtkimadhikaM bhavabandhamUlam .. 24 ..
sevaiva bhaktiriti karmapathapraveshaH
sevyaprasAdaphalakA kila karmasevA .
dhyAnapravAha iti checChravaNAt tR^itIyaH
prAgeva mAtarayamAkalito.abhyupAyaH .. 25 ..
atraiva dAsyasi vimuktimathApi yAche
mAtaH sharIrapatanaM maNikarNikAyAm .
astu svakR^ityamanukampanamIshvarANAM
dAsasya karmakarataiva tathA svakR^ityam .. 26 ..
sadyo bhavetsukR^itinAmupadeshalAbhaH
pApAtmanAM bahutithe samaye vyatIte .
ityAdibhiH kila purANavachobhiramba
vArANasImapi na yAchitumutsuko.asmi .. 27 ..
AkrAntamantararibhiH madamatsarAdyaiH
gAtraM valIpalitarogashatAnuviddham .
dAraiH sutaishcha gR^ihamAvR^itamuttamarNaiH
mAtaH kathaM bhavatu me manasaH prasAdaH .. 28 ..
dhanyAH kati tribhuvane paramopabhAgyaM
sa.nsArameva parameshvari bhAvayantaH .
AbhAsarUpamavabodhamimaM sametya
klishye kiyatkiyadahaM tvamunA bhavena .. 29 ..
kA sa.nskR^itiH kimapachAranibandhaneyaM
kIdR^igvidhasya tava ki.n kShatametayeti .
prashne tu nAsmi kushalaH prativaktumeva
khedastu me janani ko.apyayamevamAste .. 30 ..
evaM gatasya mama sAmpratametadarha\-
matredamaupayikamitthamidaM cha sAdhyam .
asminpramANamidamityapi boddhumamba
shaktirna me bhuvanasAkShiNi ki.n karomi .. 31 ..
na j~nAyate mama hitaM nitarAmupAyo
dIno.asmi devi samayAcharaNAkShamo.asmi .
tattvAmananyasharaNaH sharaNaM prapadye
mInAkShi vishvajananIM jananIM mamaiva .. 32 ..
ki~nchinmayA shrutiShu ki~nchidivAgameShu
shAstreShu ki~nchidupadeshapatheShu ki~nchit .
AghrAtamasti yadato bhavatIM varItuM
goptrIti kAchidudapadyata buddhireShA .. 33 ..
brahmaivamevamahameSha tadAptyupAya
ityAgamArthavidhurAH prathame dayArhAH .
tvadrakShakatvaguNamAtravido dvitIyA
ityarthaye sadadhikAra nirUpaNAya .. 34 ..
mAtA karoShi mamatAM mayi yAvadIsha\-
ttAvadyate mama tataH kimivAsti sAdhyam .
mAmitthamitthamupayu~NkShva na vismareti
kiM svAminaM tvarayate kvachana svabhR^ityaH .. 35 ..
tyAjyaM tyajAni vihitaM cha samAcharANi
nityeShu shaktimanurudhya hu vartitavyam .
tadbuddhishaktimanuruddhya na kAryashakti\-
mityetadeva tu shive vinivedayAmi .. 36 ..
Atmaiva bhAra iti taM tvayi yo nidhatte
so.a~NgAni kAni kalayatvalasaH prapatteH .
vishvasya sAkShiNi vilakShaNalakShaNA yA
visrambhasampadiyameva samastama~Ngam .. 37 ..
tvatpreraNena miShataH shvasato.api mAtaH
prAmAdike.api sati karmaNi me na doShaH .
mAtraiva dattamashanaM grasataH sutasya
ko nAma vakShyati shishoratibhuktidoSham .. 38 ..
muktiM niShAdhayiShatAM nijayaiva buddhyA
prArabdhakarma bhavatu pratibandhahetuH .
tvAmeva sAdhanatayApi samAshritAnAM
tulyaM tadamba yadi kastava vIravAdaH .. 39 ..
prArabdhakarma girije bhavadAshritAnA\-
manyatra sa.nkramaya nAshaya vA samUlam .
martyAshcha khalvapi viShaM vapuShi prasaktaM
saMkrAmayanti parato.api cha nAshayanti .. 40 ..
tvaddarshanashravaNachintanavandanAdi\-
ShvakShANi devi viniyujya yathAdhikAram .
rakShetyasa~NkhyabhavasambhR^itayaiva maitryA
rundhyAM yadi sthiramamUnyadhunaiva na syuH .. 41 ..
trAtavya eSha iti chetkaruNA mayi syA\-
ttrAyasva kiM sukR^itaduShkR^itachintayA me .
kartuM jagattirayituM cha vishR^i.nkhalAyAH
karmAnurodha iti kaM prati va~nchaneyam .. 42 ..
tvayyarpitaM prathamamappayayajvanaiva
svAtmArpaNaM vidadhatA svakulaM samastam .
kA tvaM maheshi kuladAsamupekShituM mAM
ko vAnupAsitumahaM kuladevatAM tvAm .. 43 ..
mauDhyAdahaM sharaNayAmi surAntaraM che\-
tkiM tAvatA svamapi tasya bhavAmi mAtaH .
aj~nAnataH paragR^ihaM pravishanparasya
svatvaM prayAsyati pashuH kimu rAjakIyaH .. 44 ..
AdhAya mUrdhani vR^ithaiva bharaM mahAntaM
mUrkhA nimajjatha kathaM bhavasAgare.asmin .
vinyasya bhAramakhilaM padayorjananyA
visrabdhamuttarata palvalatulyamenam .. 45 ..
kvedaM patiShyati vapuH kva tato nu gamyaM
ko daNDayiShyati kiya.ntamanehasaM vA .
kiM tasya santaraNasAdhanamityanantA
chintA sthitA tvayi shanairavatAritA sA .. 46 ..
j~nAnaM visheyamuta tena vinoddhareyaM
prArabdhamapyapalapeyamutAnuru.ndhyAm .
itthaM sakR^itprapadanaikavasha.nvadAyA
mAturmayi pravavR^ite mahatIha chintA .. 47 ..
etajjaDAjaDavivechanametadeva
kShityAditatvaparishodhanakaushalaM cha .
j~nAnaM cha shaivamidamAgamakoTilabhyaM
mAturyada~Nghriyugale nihito mayAtmA .. 48 ..
ShaTtri.nshadAvaraNamadhyajuShi tvada~Nghrau
hAlAsyanAthadayite nihito mayAtmA .
bhUbhutalatridivavartiShu kaH kShameta
tacchakShushAdi nibhR^itena nirIkShituM mAm .. 49 ..
bandhaM hariShyasi sukhaM vitariShyasIti
nishchaprachaM nikhilamamba tadAsta eva .
saMpratyahaM tvayi nidhAya bharaM samastaM
yAnirvR^iNomikimito.api mamApavarge .. 50 ..
kAshyAM nipAtaya vapuH shvapachAlaye vA
svargaM naya tvamapavargamadhogatiM vA .
adyaiva vA kuru dayAM punarAyatau vA
kaH sambhramo mama dhane dhaninaH pramANam .. 51 ..
nAhaM sahe tava kathAshravaNAntarAyaM
nAhaM sahe tava padArchanavichyutiM vA .
mokShaM dishaitadaviruddhamidaM na chetyA\-
nnaivAstu mAtarapavargamahopasargaH .. 52 ..
AchUDamAcharaNamamba tavAnuvAra\-
mantaHsmaranbhuvanama~Ngalama~Ngama~Ngam .
AnandasAgaratara~NgaparamparAbhi\-
rAndolito na gaNayAmi gatAnyahAni .. 53 ..
pAShANato.api kaThine shirasi shrutInAM
prAyaH parikramavashAdiva pATalAbham .
amba smareyamamR^itArNavamAthalabdha\-
haiyya~NgavInasu kumAramidaM padaM te .. 54 ..
ye nAma santi katichidguravistrilokyAM
teShAmapi svayamupetavatA gurutvam .
pAdena mUrdhni vidhR^itena vayaM tavAmba
saMsArasAgaramimaM sukhamuttarAmaH .. 55 .
sAdhAraNe smarajaye nitilAkShisAdhye
bhAgI shivo bhajatu nAma yashaH samagram .
vAmA~NghrimAtrakalite janani tvadIye
kA vA prasaktirapi kAlajaye purAreH .. 56 ..
syAtkomalaM yadi mano mama vishvamAtaH
tatpAdayormR^idulayostava pAdukA.astu .
syAtkarkashaM yadi karagrahaNe purAreH
ashmAdhiropaNavidhau bhavatUpayogaH .. 57 ..
prasnigdhamugdharuchipAdatale bhavatyA
lagnaM dR^iDhaM yadiha me hR^idayAravindam .
eShaiva sAgrabhuvanadvishatIpatitva\-
sAmrAjyasUchanakarI tava padmarekhA .. 58 ..
aprAkR^itaM mR^idulatAmavichintya ki~nchi\-
dAlambitAsi padayoH sudR^iDhaM mayA yat .
tanme bhavArNavanimajjanakAtarasya
mAtaH kShamasva madhureshvari bAlakR^ityam .. 59 ..
yatrAnamanpashupatiH praNayAparAdhe
mandaM kila spR^ishati chandrakalA~nchalena .
puShpArchane.api mR^iditaM padayoryugaM ta\-
nmAtastudanti na kathaM paruShA giro me .. 60 ..
avyAjasundaramanuttaramaprameya\-
maprAkR^itaM paramama~Ngalama~Nghripadmam .
sa.ndarshayedapi sakR^idbhavatI dayArdrA
draShTAsmi kena tadahaM tu vilochanena .. 61 ..
divyA dR^isho.api diviShadgrahaNochitAni
vastUni kAmamavadhArayituM kShamante .
tvanmAtravedyavibhave tava rUpadheye
tvadbhAva eva sharaNaM parisheShito naH .. 62 ..
asminmahatyanavadhau kila kAlachakre
dhanyAstu ye katipaye shukayogimukhyAH .
lInAstvada~Nghriyugale parishuddhasatvAn
tAnAtmanastava nakhAnavadhArayAmaH .. 63 ..
A shaishavAnmamatayA kalitastvayAsA\-
vAnR^iNyamamba tava labdhumanA mR^igA~NgakaH .
svAtmAnameva niyataM bahudhA vibhajya
tvatpAdayorvinidadhe nakharApadeshAt .. 64 ..
nAntaH praveshamayate kimapi shrutaM me
nAstikyavAdashilayA pratirudhyamAnam .
tatpAtayAmyahamimAM mahatImadhastA\-
tpAdodakena kiyatA paradevatAyAH .. 65 ..
sannAhibhiH yamabhaTaiH parivAryamANe
mayyarbhake karuNayA svayamApatantyAH .
AkarNayeyamapi nAma virAmakAle
mAtastavA~NghrimaNinUpurashi~njitAni .. 66 ..
brahmeshakeshavamukhairbahubhiH kumAraiH
paryAyataH parigR^ihItavimuktadesham .
utsa~Ngamamba tava dAsyasi me kadA tvaM
mAtR^ipriyaM kila jaDaM sutamAmananti .. 67 ..
Urau shirastava niveshya dayAvitIrNa\-
sa.nvyAnapallavasamIravinItakhedam .
atraiva janmani vibhoH paramopadesha\-
mAkarNayeyamapi kiM maNikarNikAyAm .. 68 ..
kA~nchIguNagrathitakA~nchanacheladR^ishya\-
chaNDAtakA.nshukavibhAparabhAgashobhi .
parya~NkamaNDalapariShkaraNaM purAreH
dhyAyAmi te vipulamamba nitambabimbam .. 69 ..
garbhe niveshya bhuvanAni chaturdashApi
sa.nrakShituM kalitanishchitayA bhavatyA .
prAkArameva rachitaM parito.api nUna\-
mUhe suvarNamayamedurapaTTabandham .. 70 ..
muktAshcha khalvapi yadi tripure bhavatyAH
stanyAshayA stanataTaM na parityajanti .
asmAkamudbhaTabhavajvaratApitAnA\-
mArdrIbhavan tu vadanAni kuto na hetoH .. 71 ..
naShTopalabdhamadhigatya shishuM chirAnmAM
vAtsalyavidrutahR^idaH paradevatAyAH .
klidyatpayodharaviniHsR^itadugdhabindu\-
niShyandapa~Nktiriva dIvyati hArayaShTiH .. 72 ..
yattaddhanurjanamanomayamaikShavaM te
tasyAstu devi hR^idayaM mama mUladeshaH .
chApAdhiropaNavidhau charaNA~nchalena
sambhAvyate kila samAkramaNa.n kadAchit .. 73 ..
AsthAya dAruNataraM kamapi svabhAva\-
matyantaduShkR^itakR^itAmapi shikShaNAya .
gR^ihNAsi sAyakapade kusumAnyamUni
mAtaH suteShu mahatI kila rUkShateyam .. 74 ..
pAshaM sR^iNiM cha karayostava bhAvayantaH
sa.nstambhayanti vashayanti cha sarvalokAn .
chApaM sharaM cha sakR^idamba tava smaranto
bhUpAlatAM dadhati bhogapathAvatIrNaH .. 75 ..
pAshA~Nkushau tava kare parichintya rAga\-
dveShau jayanti paramArthavidastu dhanyAH .
ekatra chApamitaratra sharaM cha matvA
vyAvartayanti hR^idayaM viShayAndhakUpAt .. 76 ..
utkrAntamAntaramidaM sharaNaM janAnA\-
mapyeti chandramiti he shrutayo vadanti .
AstAmidaM mama tu devi mano.adhunaiva
lInaM dR^iDhaM vadanachandramasi tvadIye .. 77 ..
vidyAtmano janani tAvakadantapa~NkteH
vaimalyamIdR^igiti varNayituM kShamaH kaH .
tatsambhavA yadamalA vachasA.n savitrI
tanmUlakaM kaviyasho.api tatastarAM yat .. 78 ..
svacChApi te vahati yatkila dantapa~NktiH
svacChandanirdalitadADimabIjashobhAm .
tanme rajovyatikarAdhikapATalimni
chitte paraM parichayAditi chintayAmi .. 79 ..
ardhaM jitatripuramamba tava smitaM che\-
dardhAntareNa cha tathA bhavitavyameva .
tacchintaye janani kAraNasUkShmarUpa\-
sthUlAtmakatripurashAntikR^ite smitaM te ..80 ..
matkleshadarshanaparidravadantara~Nga\-
haiyya~NgavI naparivAhanibhaM jananyAH .
antastamopahamanusmaratAM janAnAM
mandasmitaM bhuvanama~Ngalamastu bhUtyai .. 81 ..
sA.nsiddhikAnanasaroruhadivyagandha\-
sAndrIkR^itendushakalAkalitAdhivAsam .
tAmbUlasAramakhilAgamabodhasAraM
mAtarvidhehi mama vaktrakalAchikAyAm .. 82 ..
nAsAmaNistava shive chirasa.nstavena
pratyAhR^ite manasi bhAti tapodhanAnAm .
aj~nAnasantatinishAtyayasUchanArthaM
AvirbhavantyasuradeshikatArakeva .. 83 ..
tAmbUlagarbhapariphullakapolalakShya\-
tATa~NkamauktikamaNipratibimbadambhAt .
astadvayavyatikarAmalasatvamAdyaM
varNaM bibharti jaThare tava vaktrabimbam .. 84 ..
datte shriyaM bahuvidhAM kushalAni datte
datte padaM surapaterapi lIlayaiva .
IdR^igvidhAmba tava dR^iShTirito.adhikA vA
nAdyApi karNamativartitumIshvarIyam .. 85 ..
pAshANakUTakaThiNe janadurvigAhe
vyarthaM mahatyupaniShadvipine pravR^ittA .
sevyeta kena tava lochanachandrikeya\-
menAM nipAtaya sakR^inmayi tapyamAne .. 86 ..
kAmaM shivena shamitaM punarujjagAra
dR^iShTistaveti kimiyaM janani stutiste .
lIlAprasUtapuruShArthachatuShTayAyA\-
stasyAH paraM tu sa bhavatyavayutyavAdaH .. 87 ..
somo jagajjanayiteti yadAha vedo
nedaM latAparamiti bhramitavyamAryaiH .
yaH shaivavAmatanuvartibhavaddR^igAtmA
chandro jagatsR^ijati tatpara eSha vAdaH .. 88 ..
sUchyagravadvasumatImaNuvaccha meruM
dR^iShTiryadamba tava pashyati dAnashauNDA .
dR^iShTAstvayA vayamapIha tataH smarAmo
veshantameva bhavasAgaramuttara~Ngam .. 89 ..
vANIniketanatayA ghanasAragaurAH
kalhArakesararuchaH kamalAnuSha~NgAt .
mAtarjayanti sharaNAgatalokacheto\-
mAlinyamArjanavashAdasitAH kaTAkShAH .. 90 ..
AkarNamullasati mAtarapA~Ngadeshe
kAlA~njanena ghaTitA tava bhAti rekhA .
shaivAlapa~NktirivasantatanirjihAna\-
kAruNyapUrapadavIkalitAnubandhaH .. 91 ..
vishvaM sR^ijati hanti cha yaH kaTAkSho
vishvasyatAM kathamasau chapalasvabhAvaH .
eSho.api yAmanusarallabhate yashA.nsi
tAmeva vishvasimi devi tavAnukampAm .. 92 ..
ardhaM kala~NkarahitA karuNaiva shambho\-
rardha.n guNAstaditare sakalAH sametAH .
ityamba samprati kila sphurita.n rahasyaM
sampashyato mama bhavanmayamaishamardham .. 93 ..
amba bhruvostava vicheShTitamapramattaM
sampashyatAM nijanijArthanideshahetoH .
tanmUladeshanihitA nibhR^itA surANAM
dR^iShTiH prayAti mR^iganAbhivisheShakatvam .. 94 ..
sAraM kaNaM kaNamagharmaruchAM sahasrA\-
tsa~NgR^ihya nirmitamidaM tava vaktrabimbam .
tAvatsudhAkarakala~NkakulAni pashchA\-
dekatra devi nihitAni kachApadeshAt .. 95 ..
vinyastamindramaNikandalasundareShu
kesheShu te sphaTikanirmalamindukhaNDam .
AdhArasa~NgativashAdasitAyamAna\-
mindIvaracChadavata.nsadashAM bibharti .. 96 ..
chintAmaNistribhuvaneshvari kaustubhashcha
khyAtau maNI tava gR^ihA~NgaNakuTTimasthau .
kiM ratnamanyadupalabhya kirITakoTiM
vAchaspatiprabhR^itayastava varNayantu .. 97 ..
prAdurbhavattaraNibimbashatAruNAni
paryAptashItakiraNAyutashItalAni .
shR^i~NgArasAraparivAhamayAni mAta\-
ra~NgAni ke.api charame januShi smaranti .. 98..
pratyugraku~NkumarasAkalitA~NgarAgaM
pratya~NgadattamaNibhUShaNajAlaramyam .
tAmbUlapUritamukhaM taruNenduchUDaM
sarvAruNaM kimapi vastu mamAvirastu .. 99 ..
ardhaM striyastribhuvane sacharAchare.asmi\-
nnardhaM pumA.nsa iti darshayituM bhavatyA .
strIpu.nsalakShaNamidaM vapurAdR^itaM ya\-
ttenAsi devi viditA trijagacCharIrA .. 100 ..
nirmAsi sa.nharasi nirvahasi trilokIM
vR^ittAntametamapi vetti na vA maheshaH .
tasyeshvarasya girije tava sAhacharyA\-
jjAtaH shrutiShvapi jagajjanakatvavAdaH .. 101 ..
sattAsyakhaNDasukhasa.nvidasi trilokI\-
sargasthitipratihatiShvapinirvyapekShA .
tvAmantareNa shiva ityavashiShyate ki\-
mardhaM shivasya bhavatItyanabhij~navAdaH .. 102 ..
nAsminravistapati nAtra vivAti vAto
nAsya pravR^ittimapi veda jagatsamastam .
antaHpuraM tadidamIdR^ishamantakAre\-
rasmAdR^ishAstu sukhamatra charanti bAlAH .. 103 ..
tvatsannidhAnarahito mama mAstu desha\-
stvattattvabodharahitA mama mAstu vidyA .
tvatpAdabhaktirahito mama mAstu va.nsha\-
stvacchintayA virahitaM mama mAstu chAyuH .. 104 ..
tvaM devi yAdR^igasi tAdR^igasi tvamIdR^i\-
geveti vaktumapi boddhumapi kShamaH kaH .
mAmeva tAvadavidannatipAmaro.ahaM
mAtaH stutiM tvayi samarpayituM vilajje .. 105 ..
kAchitkR^itA kR^itiriti tvayi sA.arpiteti
kApi pramodakaNikA na mamA.ntara~Nge .
mauDhyaM madIyamiha yadviditaM mamaiva
kiM tvamba vishvasimi dInasharaNyatAM te .. 106 ..
kAlAnapAsya viShuvAyanasa~NkramAdI\-
nasta~Ngate himakare cha divAkare cha .
amba smareyamapi te charaNAravinda\-
mAnandalakShaNamapAstasamastabhedam .. 107 ..
chaturadhyAyIrUpaM kalaha.nsavya~njana.n jaganmAtuH .
aparabrahmamayaM vapurantaH shashikhaNDamaNDanamupAse .. 108 ..
.. iti shrI nIlakaNThadIkShitavirachitaH
shrIAnandasAgarastavaH sampUrNaH ..
##
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
{\rm http://sanskritdocuments.org}
\end{document}