%@@1 % File name : akulviiratantra.itx %------------------------------------------------------------------- % Text title : akulviiratantra % Author : % Language : sanskrit % Subject : tantram % Description/comments : akulviiratantra % transliterated by Michael Magee 1997 ## % http://www.shivashakti.com/## % Transliterated by : Michael Magee 1997 % Proofread by : Mike Magee % Latest update : January 5,2005 % Send corrections to : Mike Magee % % Special Instructions : i1.hdr, ijag.inc, itrans.sty, multicol.sty, % Transliteration scheme: ITRANS 5.3 % Site access % http://sanskrit.gde.to/ %------------------------------------------------------------------- % The text is to be used for personal studies and research only. % Any use for commercial purpose is prohibited as a 'gentleman's' agreement. %@@2 % % Please ignore the following commands and others with \ marks, % which are needed for devanaagarii output and formatting. \documentstyle[11pt,multicol,itrans]{article} %\documentclass[11pt]{article} %\usepackage{multicol} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. akulavIra tantram ..}## \itxtitle{.. akulavIra tantram ..}##\endtitles ## shrImachChandapAdakebhyo namaH | shrImInasahajanandaM svakIyA~Ngasamudbhavam . sarvamAdhAragambhIramachalaM vyapakaM param . athAtaH sampravayAmi akulavIraM mahadbhUtam . guhyAd guhyataraM guhyaM siddhasadbhAvasantatiH .. 1.. anagrahAya lokAnAM siddhanAthena bhAShitaM . gopanIyaM prayatnena yadIchChan shAshvataM padam .. 2.. saMsArArNavamagnAtAM bhUtAnAM mahadAshrayam . yathA nadInadAH sarvve sAgare samupAgatAH .. 3.. tathA akulavIreShu sarvvadharmmA laya~NgatAH . sarvvAdhAramasheShasya jagataH sarvvadA prabhuH .. 4.. sahajAnandaM na vindanti sarvvadharmmmasamAsR^itAH . anAnantamalairgrastA mahAmAyAndhachChaditAH .. 5.. shAstrajAlena santuShTA mohitAstyajayantitAH ##(?)## . na vindanti padaM shAntaM kaulAnAM niShkalaM gurum .. 6.. saMvAdayanti ye kechin nyAyavaisheShikAstathA . baudhAstu arihantA ye somasiddhAntavAdinaH .. 7.. mImAMsa pa~nchastrotAshcha vAmasiddhAntadakShiNAH . itihAsapurANa~ncha bhUtatattvantu gAruDam .. 8.. ebhiH shaivAgamaiH sarvvaiH parokSha~ncha kriyAnvitAiH . savikalpasiddhirsa~nchAraMtat sarvvaM pApabandhavit .. 9.. vikalpabahulAH sarvvai^rmmithyAvAdA nirarthakAH . na te mu~nchanti saMsAre akulavIravivarjjitAH .. 10.. sarvvaj~naM sarvvamAsR^itya sarvvato hitalakShaNam . sarvveShAM siddhistatrasthA sarvvasiddhi~ncha tatra vai .. 11.. yatnAsau akulavIro dR^ishyate sarvvatomukham . taM viditvA paraM rUpaM mano nishchalatAM vrajet .. 12.. shabdarUparasasparshagandha~nchaivAtra pa~nchamam . sarvvabhAvAshcha tatraiva pralINAH pralayaM gatAH .. 13.. bhAvAbhAvavinirmmukta udayAstamanavarjjitaH . svabhAvamatimataM shAntaM mano yasya manomayam .. 14.. akulavIramiti khyAtaM sarvvAdhArapAparam . nAdhAralakShabhedantu na nAdagochare paThet .. 15.. hR^idi sthAne na vaktre cha ghaNTikA tAlarandhrake . na iDA pi~NgalA shAntA na chAstIti gamAgame .. 16.. na nAbhichakrakaNThe cha na shire naiva mastake . tathA chakShurunmIlane cha na nAsAgranirIkShaNe .. 17.. na pUrakakumbhake tatra rechake ##[##cha##]## tathA punaH . na bindubhedake granthau lalATe na tu vahnike .. 18.. praveshanirgame naiva nAvAhanavisarjjanam . na karaNairnAsanaM mudrairnamAse bhinnatAluke .. 19.. na nirodho na choddhAro nAtItAM chAlanaM na hi . na preryyapreraka~nchaiva na sthAnannaiva chashrayam .. 20.. na chAtmanaiva tad grAhyaM grAhyAtItapadaM bhavet . etat pakShavirnirmuktaM hetudR^iShTAntavarjjitam .. 21.. na dUre na cha vai nikaTe na bharito na cha riktakaH . na unnona so.adhika ebhiH pakShairvivarjjitam .. 22.. yashcha viMshAtmako hyeSha pudgala nAsti yatra vai . yatra lakShaM na vidyeta akulavIra sa ucchyate .. 23.. yasyaivaM saMshitaM ka~shchit samarasa saMshitaH . sa brahmA so harishcaishaH sa rudro sa cha IshvaraH .. 24.. sa shivaH paramadevaH sa somArkkAgnikastathA . sa cha sAMkhyaH purANAshcha arhantabuddha eva cha .. 25.. svayaM devI svayaM devaH svayaM shiShyaH svayaM guruH . svayaM dhyAnaM svayaM dhyAtA svayaM sarvvatra devatA .. 26.. yAdR^ishena tu bhAvena puruSho bhAvayet sadA . tAdR^ishAM phalamAvpnoti nAtra kAryyavichAraNAt .. 27.. asyaiva hi hi nAmAni pR^ithagbhUtAni yogibhiH . anAma tasya giyante bhrAntij~nAnavimohitaiH .. 28.. dharmmAdharmmasamAkliShTAvikalpatamashChAditAH . tena mu~nchanti saMsAraM narakaM yonisaMkulam .. 29.. akulavIraM mahadbhUtaM yadA pashyanti sarvvagam . sa bAhyAbhyantare nityaM ekAkAraM charAcharam .. 30.. nistara~NgaM nirAbhAsaM padabhedavivarjjitam . sarvvAvayavanirmmuktaM nirlayaM nirvvakArajam .. 31.. adR^iShTanirguNaM shAntaM tattvAtItaM nira~njanam . sarvvaj~naM paripUrNa~ncha svabhAvashchaivamakShayam .. 32.. kAryyakAraNanirmmuktamachintyamanAmayam . mAyAtItaM nirAlambaM vyApakaM sarvvatomukham .. 33.. samatvaM ekabhUta~ncha UhApohavivarjjitam . akulavIraM mahadbhUtaM astinAstivivarjjitam .. 34.. na mano na cha vai buddhirna chintAchetanAadikam . na kAlaH kalanAshaktirna shivo na cha indriyaH .. 35.. na bhUte gR^ihyate so hi na sukhaM duHkhameva cha . na raso hi na sukhaM duHkhameva cha .. 36.. na raso virasashchaiva na kR^ito na cha jAyate . na chChAya na cha tApastu na shIto na cha uShNavAn .. 37.. na dR^ishyate mana statra udayAstamanavarjjitam . na sImA dR^ishyate tatra na cha tirthyaM na cahivahi .. 38.. advaitamachalaM shAntaM saMgadoShavivarjjitam . nirAkulaM nirvvikalpa~ncha nibaddha~ncha malakShaNam .. 39.. anAthaM sarvvanAtha~ncha unmanAM madavarjjitam . anigR^iDhamasandhi~ncha sthAvaraM ja~Ngameva cha .. 40.. jvalajjvalanabhUmyA cha Apo~nchaiva tathaiva cha . sarvvaM samarasaM pUrNaM akulavIrantu kevalam .. 41.. yasyaiShA sam.sthitA muktiH sa mukto bhavabandhanAt . na tasya mAtApitA va bAndhavaM na cha devatA .. 42.. na yaj~naM nopavAsa~ncha na kriyA varNabhedakam . tyaktvA vikalpasa.ghAtam akulavIralayaM gatAH .. 43.. na japo nArchchanaM snAnaM na homaM naiva sAdhanam . agnipraveshanaM nAsti hetantabhR^igu nodanam .. 44.. niyamo.api na tasyAsti nopavAso vidhIyate . pitR^ikAryyaM na karotAti tIrthayAtrAvratAni cha .. 45.. dharmmAdharmmaphalaM nAsti na snAnaM nodakakriyA . svayaM tyaja sarvvakAryyANi lokAchArANi yAni cha .. 46.. samayAchAravichAra~ncha kR^itakA bandhakAni tu . saMkalpa~ncha nikalpa~ncha ye chAnye kila dharmmiNaH .. 47.. bhave yogI nirAchAro pashuchAravivarjjitaH . siddhishchavividhAkAra pAtAle cha rasAyanam .. 48.. pratyakSha~ncha yA labdhaM na gR^ihnIyAt kadAchana . sarvva~ncha pAshajAla~ncha adhomArgapradAyakaH .. 49.. eteShu mochanA nAsti akulavIravivarjjitAH . yathA mR^itAH na jAnanti svAdaM kaTumadhurasya tu .. 50.. tathA akulavIrantu na jAnanti svabhAvagam . yathA madirA mahAntasya kathitaM nevashakR^ite .. 51.. rasyaparamAnandamatiguhyaM sugopitam . lokAnAM cha hitArthAya siddhanAthena bhAShitam .. 52.. nirvvikalpaM padaM shAntaM yatra lInaM parAparam . mokShasya tanmahAsthAnaM mantrarUpavivarjjitam .. 53.. tatraiva sR^iShTirUpeNa punastatra layaM gatA . kintena bahunoktena sarvvabandhavivarjjitam .. 54.. akulavIraM yadA labdhaM tadA kiM kaulikaiH kramaiH . labhdvA tu mokShasadbhAvam akulavIraM mahApaham ..55.. kaulamArge dvayo santi kR^itakA sahajA tathA . kuNDali kR^itakA j~neyA sahajA samarasa sthitA .. 56.. preryaprerakabhAvasthA kR^itakA sA.abhidhIyate . tataH sa pAtayed bhUmai mudrAmantrairniyogitaiH .. 57.. Ahute patane chAnye karNajApena dhUpakaiH . etat sAdhyamidaM tattvaM etad dhyAna~ncha dhAraNA .. 58.. anekaiH karmmasaMghAtaiH nAnAmArgavibhAvanaiH . vikalpakalalolloyA udbhrAntA bhrAntachetasaH .. 59.. hR^idi shokena santaptA vyAsa~NgAchcha mahAbhayaiH . harShaviShAdasampannA shochyamAnA muhurmuhuH .. 60.. tAvadbhramanti saMsAre kalpAkalpairbhavArNavaiH . dagdhabIjeShu saMbhUtiryathA naiva prajAyate .. 61.. mUlaChinne yathA vR^ikShe na prarohaM vidyate . akulavIragataM bhinnaM nAnAbhAvAnubandhanaiH .. 62.. na badhyate yathA vimale rasaM vipralayaM gatam . tadvadakulavIre cha sattve bhrAbhrAkhya yadgataH .. 63.. timireNa yathAchChannamuditArkaM na pashyati . aj~nAnamanastadvad bhrAntijAlavimohitA .. 64.. akule vIre cha samprApte sarvvametadvinishyati . dadhimadhe yathA sarpiH kAShThe chAgni sthito yathA .. 65.. puShpe gandhastile tailaM vR^ikShe chAyA samAshritA . madyamadhye yathAnandaM dIpe prabhA samAshritA .. 66.. padmamadhye cha kuNDalyA a~Ngapratya~Ngameva cha . raktArthAkulavIre cha tatsarvvaM viniyojitam .. 67.. bhAvA.abhAvAdisam.yuktaiH pratyayairddR^iShTigocharaiH . akulavIraM na jAnanti kR^itakairmohitAtmanaH .. 68.. pAshajAlanibaddhAshcha mahAmAyavimohitAH . na jAnanti padaM shAntamachintyaM nityasambhavaH .. 69.. sarvvavyApibhAvasthaM sthAnavarNavivarjjitam . sarvvabhUtasthitaM hyekamadhyayaM dheyavarjjitam .. 70.. sa cha sarvvagato bhAvaH sthire pUrNo nirantare . tatra mano vilInantu achalaM bhavatanmayam .. 71.. manovR^iddhistathA chintyaM kkShiptA tanmayatAM gatA . yathA tiShThati tattvasthaH shivaniShkalamavyaye .. 72.. tadA tanmayatAM yAti nirmmalaM nishchalaM padam . akulavIraM mahadbhutamekavIraM cha sarvvagam .. 73.. durlabhaM surasiddhAnAM yoginInA~ncha gocharam . kechid vadantIdaM dharmmamidaM shAstramidaM tapaH .. 74.. ayaM lokamimaM svargamidaM sAdhyamidaM phalam . idaM j~nAna~ncha vij~nAnaM shuddhAshuddhamidaM param .. 75.. j~neya~ncha tattvakUTa~ncha yatra dhyAna~ncha dhAraNA . tadAsau yoginI hyekaH nAnyastu hi dvitIyakaH .. 76.. anAgatantu gata~nchaiva na hachChenna cha tiShThati . na bhUtaM na bhaviShya~ncha sthitipralayavarjitam .. 77.. na chAhaM prachitairdoShaiH liptate na kadAchana . nAhaM kashchinna me kashchinna baddho na cha bAdhakaH .. 78.. na mukti vai na cha na muktame mokShasya cha spR^ihA . gachChaMstiShThan sthapan jAgrad.hbhU~njAnao maithune.api vA .. 79.. bhayadAridrashokaishcha vividhairbhakShaNaistathA . chikitsA naiva kurvvIta indriyAarthaiH kadAchana .. 80.. Acharet sarvvavarNaistu na tu bhakShyaM vichArayet . evaM sa charate yogI yathAraNye hutAshanaH .. 81.. piNDabadhA~ncha nAnAsti avasthA murkhavAsanAm . somashUnyastathA vahniprANAyamavarjjitam .. 82.. aprameyanirAbhAsaM dhAraNAdhyAnavarjjitam . yena janmasahasrANi bhaktyA saMpUjito guruH .. 83.. te labhanti mahAj~nAnaM akulavIrantu mokShadam . yoginIrAkiNIchakre yasya bhaktiH sunishchalA .. 84.. akulavIraM mahadbhUtaM gambhIraM gahanAmayam . piNDAtItaM yadA j~neyamapiNDaM piNDavarjjitam .. 85.. padavya~njananirmmuktaM vimalaM satatoditam. talline tanmayAtmAnaM vindate shvAshvataM padam .. 86.. chitAtItaM bhavet so hi yogasaMyogavarjjitam . nirvvANaM vAsanAhInaM tR^iptAtma cha nirAmayaH .. 87.. tena labdhA na sandeho.amalA malachChedanAH . tasya pravarttate kShiptaM tasyaiva sarvvasarvvagam .. 88.. vedasiddhAntashAstrANi nAnAvidhAni shikhAni cha . tAni sarvvANi mohAni kAyakleshairnirarthakam .. 89.. vidyAha~nKAragrastAstu garvvitAH kugatiM gatAH . anarthena cha santuShTA bahugranthArthachintakAH .. 90.. akulavIraM na vindanti kR^itakairmmohitAmanaH . garvvitAnaM kuto j~nAnaM granthakoTishatairapi .. 91.. karpUraku~NkumAdInAM vastratAmbUlameva cha . kharavadbhavati tadbhAraM sarvvaM tasya nirarthakam . akulavIra~ncha dehasthaM yadA pashyati sarvvagam .. 92.. dharmmAdharmmaphalaM nAsti nodakaM tIrthasevanA . na kriyA satyashchaivaM vA karmakANDe na bhAvanA .. 93.. na tasya karmmakarmmANi lokAchArANi yAni cha . charitAH samayAchArA janairbhrAntivimohitaiH .. 94.. akulavIraM na jAnanti kiM vishiShTaM kutaH sthitam . kR^itakA bandhanA loke kalpitAshcha kupaNDitaiH .. 95.. sam.kalpavikalpa~ncha kalAkarmmANi yAni cha . siddhayo vividhA loke pAtAlam cha rasAyanam .. 96.. pratyakSha~ncha yadA labdhaM na vigR^ihNIyAt kadAchana . sarvve te pAshabaddhAshcha adhomArgapradAyakAH .. 97.. na chaitairmmuktiH sam.sAre akulaM bIravarjjitAH . yathA madiramAnandaM kathitaM naiva jAyate .. 98.. tadvadakulavIrAkhyaM svasam.vedyaniropaNam . na jAnanti narA mUDhAH sArAt sArataraM param .. 99.. tAvad bhrAntivimugdhAtmA yAvattalaM na vindati . chitAtIte yadA yogI sa yogI yogachintakaH .. 100.. viraktA vAsanA yasya tR^iptAtma cha nirAmayaH . tAvad bhramanti mohAtmA nAnAbhAvAnubandhanaiH .. 101.. yAvat samamekatvaM paramAnandaM na vindati . murkhANAM cha yathAshAstraM kumArIsuratiM yathA .. 102.. akulavIraM vindanti kathyamAnaiH kumArikAH . dishaveshAvinirmultaM sthAnavarNavivarjjitam .. 103.. nirAkulaM nirvvikalpaM nirguNa~ncha sunirmmalam . anAthaM sarvvanAtha~ncha pramAdonmAdavarjjitam .. 104.. ghananiviDanisandhisthAvare ja~NgameShu cha . jale jvalane tathA pavane bhUmyAkAshe tathaiva cha .. 105.. sarvatra samarasaM bharitamakulavIrantu kevalam . na j~nAtaM yena dehasthaM sa muktaH sarvvabandhanAt .. 106.. na tasya kriyAbandhena na vedyaM na cha vedanA . na yaj~no nopavAsashcha na charyyA na kriyodayaH .. 107.. na varNo varNabhedashcha akulavIraM yadAgatam . na jApo nArchAnagnInAM na homo naiva sAdhanam .. 108.. nAgnipraveshanantasya mantrapUjAcharaNodakam . niyamAshcha na tasyAsti kShetrapIThe cha sevanaiH .. 109.. na kriyA nArchanAkAdyairna tIrthAni vratAni cha . nirAlambapadaM shAntaM tathAtItaM nira~njanam .. 110.. sarvvaj~naparipUrNa~ncha svabhAvena vilakShyate . kAryyakAraNanirmmuktamachintita~ncha anAmayam .. 111.. mAyAtItaM nirAlambaM vyApakaM sarvvatomukham . svadehe saMsthitaM shAntamakulavIraM taduchchyate .. 112.. samastamekadAbhUtaM dvaitAbhAvavivarjjitam . akulavIraM mahadbhUtamastinAstivivarjjitam .. 113.. manobuddhichittastachittA naiva svachetanA . na kAlakalanA chaiva na shaktishca na chendriyaH .. 114.. na bhUte gR^ihyate so hi na duHkhaM sukhameva cha . na raso.adhirasaschchaiva kR^itakaM naiva kArakam .. 115.. na chChAyA nAtapo vahnirna cha shItoShNavavedanA . na dinaM rAtrimityuktamudayAstamanavarjjitam .. 116.. na mano dR^ishyate tatra norddhvamadhyaM cha j~nAyate . akShobhyamachalam shAntamIdR^ishaM tattvanirNayam .. 117.. yAdR^ishena tu bhAvena puruSho bhAvayet sadA . tAdR^ishaM phalamApnoti nAtra kAryyavichAraNAt .. 118.. eva~ncha kulasadbhAvamavAchyaM paramAmR^itam . agamyaM gamyate kasmAd bhrAntij~nAnavihohitAH .. 119.. na dUre na nikaTe chaiva pratyakShaM na parokShatA . na bharito na rikto vA nipuNo nApi chAdhikaH .. 120.. etat.hpakShavinirmmukto hetudR^iShTAntavarjjitaH . kR^itakairmmohitA mUDhAH karmmakANDaratAstu ye .. 121.. na teShAM muktiH saMsAre narake yonisaMkule . akulavIraM mahadbhUtaM yadA pashyati sarvvagam .. 122.. sabAhyAbhyantaraikatva/m sarvvatraiva vyavasthitam . nistara~NgaM nirAbhAsaM padachChedavivarjjitam .. 123. . sarvvAvayavanirmmuktaM nirvvikAra~ncha nirmmalam . adR^ishyaM nirguNaM nityaM nirNirodha~ncha nishchalam .. 124.. na dhyAnaM dhAraNA naiva na sthAnaM varNameva cha . na rechakaM pUraka~nchaiva narod.hghAta~ncha kumbhakam .. 125.. na chAntamAdimadhyasthaM na sato vR^iddhireva cha . grAhyagrAhakanirmmuktagranthAtIta~ncha yadbhavet .. 126.. etaiH sarvvairvvinirmmuktaM hetudR^iShTAntavarjjitam . sabAhyAbhyantaraikatvaM sarvvatraiva vyavasthitam .. 127.. samarasAnandrarUpeNa ekAkAraM charAchare . ye cha j~nAtaM svadehasthamakulavIraM mahadbhUtam .. 128.. yasyAa vashaM sthitaH kashchit samarasaM rasasaMsthitam . sa brahmA sa harishchaiva sa rudra~nchaiveshvarastathA .. 129.. sa shivaH shAshvato devaH sa cha somArkasha~NkaraH . sa vishAkhyo mayurAkSho arhanto budhameva cha .. 130.. svayaM devi svayaM devaH svayaM shiShyaH svayaM guruH . svayaM dhyAnaM svayaM dhyAtA svayaM sarvveshvaro guruH .. 131.. sarvvaj~naH sarvvamAsR^itya sarvvato hitalakShaNaH . sarvvayoginI tatrasthA sarvve siddhAscha tatra vai .. 132.. sarvvaM sarvvA^rthakaM chaiva sarvvaj~nAnashca tatra vai . yathAsau mahArtha~ncha akulavIramiti smR^itam .. 133.. shabdaH sparsho raso rUpaM gandho vadyANipama cha . sarve bhIrAshcha tatraiva ye pralInAH pralayaM gatAH .. 134.. nAdhAre dhyeyalakShye cha na nAdagochare pare . na hR^idi nAbhikaNThe vA vaktre ghaNTikarandhrayoH .. 135.. na iDA pi~NgalA chaiva suShmaNa cha gamAgamaiH . na nAbhichakre kaNThe cha na shire binduke tathA .. 136.. chakShukarNonmIlanaM naivaM nAsikAgranirIkShaNe . na pUrake kumbhake chaiva rechake cha tathA punaH .. 137.. na bindubhedagranthau cha lalATe na cha chandramAH . praveshe nirgame chaiva shikhA Urddhve na binduke .. 138.. na karairna sarairmudraiH nAkAsho vAyumaNDale . na chApe chandrasuryye cha bhAvAbhAve samAgame .. 139.. anaupamyaM nirAlambaM pakShApakShavivarjjitam . aj~nAnamalagrastAtmA mahAmAyavimohitAH .. 140.. shAstrArthena vimuDhAtmA mohitA viduSho janAH . na vidanti padaM shAntaM kaivalyaM nishkriyaM gurum .. 141.. saMkhyAdayascha ye kechit nyAyavaisheShikAstathA . bauddhArahantAshca ye kechit somasiddhAntadakShiNAH .. 142.. mImAMsA pa~ncharAtra~ncha vAmadakShiNakaulikAH . itihAsapurANAni bhUtatattva~ncha gAruDam .. 143.. ete chaiva samAH sarvve kechit vA.api kriyAnvitAH . vikalpasiddhidAH sarvve tadvidurna cha paNDitAH .. 144.. vikalpabahalAH sarvve mithyAvAdanirarthakAH . na te muchyanti saMsAre akulavIravivarjjitAH .. 145.. yAni kAni cha sthAnAni girirnagarasAgaram . sarvvatra saMsthitaM nityaM sthAvare ja~NgameShu cha .. 146.. pa~nchabhUtAtmakaM sarvve yat ki~nchit sacharAcharam . shivAdyadevaparyyantaM sarvvaM tatraiva saMsthitaM .. 147.. IdR^ishaM yoginaM dR^iShTvA upasarpanti ye narAH . gandaiH puShpaishcha dhUpaishcha khAnapAnAdibhakShaNaiH .. 148.. tarpayanti cha ye bhaktAstrividhaischaivAntarAtmanA . te.api bandaiH pramuchyanti muktimArgI na kADkShiNaH .. 149.. brahendraviShNurudra~ncha arahantA buddhameva cha . viShAkhyo mayUrAkSha ye cha R^iShayastapodhanAH .. 150.. devAdibho narendrAshcha ye chAnye mokShakA~NkShiNaH . te sarvve mokShamichChanti akulavIrantu mokShadam .. 151.. athAnyaM saMpravakShyAmi bhinnAvasthAM svabhAgaH . pUrvaM yaduktA sarvve anvayamArge tvakaulike .. 152.. ## * * * * * * * * * *## ## * * * * * * * ## nAtra saMshayaH .. 153.. na jarAsteShAM na mR^ityushcha na shoko duHkhameva cha . sarvvavyAdhiharashchaiva na punarbhavasaMbhavaH .. 154.. akulavIraM sthitaM divyaM siddhanAthaprasAdataH . sarvvataH sarvvadA shuddhaH sarvvataH sarvvadA prabhuH .. 155.. iti machChendrapAdAvatArite kAmarUpisthAne yoginIprasAdAllabdham akulavIraM samAptam . ## Encoded by Mike Magee ac70@cityscape.co.uk http://www.clas.ufl.edu/users/gthursby/tantra/akulavira.htm \medskip\hrule\obeylines \medskip {\rm Please send corrections to sanskrit@cheerful.com} {\rm Last updated \today} {\rm http://sanskritdocuments.org} \end{document}