श्रीधरतीर्थस्तुतिः
(इन्द्रवज्रावृत्तम्)
आद्यन्त कार्यालय दिव्य तीर्थं
श्रीधर्मतेजोवल बुद्धितीर्थम् ।
सिद्धिर्गणानां गुणशान्तितीर्थं
श्रीदं च तीर्थं शरणं प्रपद्ये ॥ १॥
सर्वान्तरस्थानमनन्त तीर्थं
सर्वेन्द्रियालकृत गुह्यतीर्थम् ।
स्वानन्दशोभाङकुर हार्दतीर्थं
गुरुपादतीर्थं शरणं प्रपद्ये ॥ २॥
श्रीरामवाणीप्रिय भाग्यतीर्थं
श्रीरामसीताऽर्चन तोष तीर्थम् ।
श्रीराजरामाश्रित जीव (प्राण) तीर्थं
श्रीदं च तीर्थं शरणं प्रपद्ये ॥ ३॥
कारुण्यरूपान्तर स्वामितीर्थं
श्रीश्रीधराख्यामृतहस्ततीर्थम् ।
साक्षादगस्त्याश्रम भद्रतीर्थं
वरदाप्रवाहं शरणं प्रपद्ये ॥ ४॥
याऽणोरणीयान्तर देवकन्या
यालिङ्गिता गीतवतिप्रसन्ना ।
या राष्ट्रस्वर्गे परिणीत मान्या
तीर्थाङ्गना साध्विपदं प्रपद्ये ॥ ५॥
याऽरण्यमध्ये सरितासुवारि
या ब्रह्मसूत्रे सुविवाद वारि ।
या जन्मसन्तारयतीति वारि
सा मातृसाध्वीं शरणं प्रपद्ये ॥ ६॥
या मेधया निसृत कर्ण वारि
कार्यस्य सञ्चालिनि चित्तवारि ।
प्राक्जन्मपुण्यं फलदर्श वारि
मातुश्च साध्वीं शरणं प्रपद्ये ॥ ७॥
श्रीपादमूले श्रुतिकोकिलाख्ये
वाक्प्राणसङ्घे यतिराज शेखरे ।
झङ्कारभागे ओङ्कारमन्त्रं
श्रीदं च तीर्थं शरणं प्रपद्ये ॥ ८॥
सच्चित्कलाश्री सरसा सुशब्दं
विद्यार्थवारी भुवि पद्म निसृतम् ।
अध्यात्मनिष्ठात् गन्तव्यमार्गं
वरदां पुराणीं शरणं प्रपद्ये ॥ ९॥
सच्चित्प्रभां श्रीं प्रणवस्वरूपां
मृत्युजयालङ्कृत पार्वतीं ताम् ।
आत्मार्थसिध्यैः रिद्रस्यवज्रा
वृत्तेन तीर्थं शरणं प्रपद्ये ॥ १०॥
या काव्यलक्ष्मी जगति प्रसिद्धा
या सा कला विष्णु, शिवा च ब्रह्मा ।
या स्वर्गभूमी जय सज्जनाङ्गाः
सा तीर्थसाध्वीं शरणं प्रपद्ये ॥ ११॥
सर्वार्थदात्रीं जय तीर्थलक्ष्मीं
कैलासतोषाङ्कुर जीवलक्ष्मीम् ।
त्रयोदशाख्यावलि पूर्णलक्ष्मीं
क्षेत्रं सुपूज्यां शरणं प्रपद्ये ॥ १२॥
श्रीरामनामान्तर यज्ञतीर्थं
स्वीकृत्य च क्षः करणादि कार्यम् ।
श्रीपादराजार्पणमस्तु नित्यं
सर्वान् सतः श्रोचिरचित्रमीडे ॥ १३॥
इति भगिनी नेत्रावती विरचिता श्रीधरतीर्थस्तुतिः समाप्ता ।
(परमानन्द मठ, शीगेहळळी,
ता. शिरसी (उ. का.))
Proofread by Paresh Panditrao