श्रीशेषचन्द्रिकाचार्यस्तोत्रम्
श्रीपूर्णबोधसमयाम्बुधिचन्दिराय
विज्ञानभक्तिमुखसद्गुणमन्दिराय ।
हृन्नीरजान्तरवभासितसेन्दिराय
कुर्वे नमांसि रघुनाथयतीश्वराय ॥ १॥
गोपालपाद सरसीरुहसक्तचित्तम् ।
द्वैपायनार्यसमयेनिशमप्रमत्तम् ।
पापाद्रिभेदकुलशायितभव्यवृत्तं
भूपारिजातमनिशं स्मरशुद्धहृत्तम् ॥ २॥
लक्ष्मीनारायणाख्यव्रतिवरकरकञ्जात जातस्वधीत
प्राज्ञप्रज्ञागमौघक्षितिसुरनिकराराधिताङ्घ्र्यब्जयुग्मः ।
सह्यक्ष्माभृद्दुहित्रास्फटिककपिललोः सङ्गमे जातवेदो
मूर्धन्ये राजमानो वहतु मयि कृपां स्वीयदासानुदासे ॥ ३॥
वन्दमानजनसंसदपेक्ष्यं सादयाम्यहमिति स्थिरदीक्षम् ।
संसदि क्षणविदूतविपक्षं कंसभित्सुगुणसाधन दक्षम् ॥ ४॥
व्यासराजयतिवर्यमुखोद्यच्चन्द्रिकोर्वरितपूर्तिकृतं तम् ।
भावयामि सुरभूमिरुहङ्गामागतं क्षितिनु(सु)रार्थनयाहम् ॥ ५॥
घोरहृत्तिमिर सन्ततिसूर्यं धीरशेखरमपातकचर्यम् ।
नोनवीषि यदि मस्करिवर्यं भूसुरव्रजसि संसदि शौर्यम् ॥ ६॥
रेत्युक्त्वा लभते रघूद्वहकृपाङ्घ्रत्येदुक्त्वाक्षणात्
स्यादेवैष घुधातुवाच्यकृतिमान् नाशब्दितोनाथवान्ग् ।
थस्योच्चारणतो लभेत तपसः सिद्धिं यदाख्याक्षरैः
सर्व।ं चैतदवाप्नुतेकिमुत तन्नाम्नेखिलस्योक्तितः ॥ ७॥
रुक्मिणीशचरणाम्बुजसेवासादितानितरलभ्यविभूते ।
व्यासराजयतिशेखर विद्याविष्ठरेश करुणां मयि कुर्याः ॥ ८॥
पदवाक्यप्रमाणां भोनिधि पारीणताभृते ।
सर्वतन्त्रस्वतन्त्राय प्रणमामि मुहूर्मुहुः ॥ ९॥
श्रीशेषचन्द्रिकाचार्य पदपङ्कजसंस्क्रतिः ।
अतिशेते देवगवी चिन्तामणि सुरद्रुमान् ॥ १०॥
रघुनाथ यतीशानः पातु मां शरणागतम् ।
शरणागतवात्सल्यमात्मीयं दर्शयन्मयि ॥ ११॥
सर्वोत्तमो हरिरशेष जगन्नमिथ्या
भेदश्च जीवनिकरोनुचरोचितस्य ।
नीचोच्चतास्य च मिथोनिजमोद लाभो-
मुक्तिस्सभक्तितः उरुक्रमणेखिलेशे ॥ १२॥
अक्षादित्रितयं प्रमाणमखिलाम्नायैकवेद्यो हरिः
वृत्तिर्मुख्यतमा यतोस्यकमलानाथे स्वतन्त्रो हरिः ।
सर्वं चैतदधीनमित्यपि दृढं संसाधयित्वाखिळं
दुर्वादं समखण्डयत्सदसि यो मेदां दिशेत्सोमलाम् ॥ १३॥
कण्ठे श्रीतुळसीस्रजं हृदि ददछ्रीवल्लभं कर्णयो-
र्द्वन्दे श्रीतुळसीदळे करसरोजातद्वये पुस्तकम् ।
मुद्रोल्लासितमूर्ध्वपुण्ड्रनिकरं काये दधानोन्तिक
भ्राजद्दण्डकमण्डलुर्गुरुवरः श्रेयोर्थिभिश्चिन्त्यतां ॥ १४॥
रघुनाथयतीश तावकीनाखिललक्ष्माण्यनुसन्दधन्निजानि ।
हरतेकुमतिर्यः आर्यवर्यद्रुहि तस्मिन्ननुकुलतांल न युयुः ॥ १५॥
व्यासराजमठोस्माकं मठ एवेति वादिनम् ।
शिक्षस्वगुरुवर्याशु यद्यस्त्यात्ममठे कृपा ॥ १६॥
रघुनाथ यतीशानस्त्वदीयान्स्मरकारुण्यदृशो विधेहि पात्रम् ।
गणयेर्भवदीयदासदासेष्टितयाचेर चिताञ्जलिः प्रणम्य ॥ १७॥
विद्यारत्नाकरोक्तां गुरुवरनुतिमादरेण यः पठति ।
तस्मिन्नामगिरीशो नरहरिरचितः प्रसीदति क्षिप्रम् ॥ १८॥
इति श्रीविद्यारत्नाकरतीर्थविरचितं
श्रीशेषचन्द्रिकाचार्यस्तोत्रं सम्पूर्णम् ।
Encoded and proofread by Krishnananda Achar