% Text title            : Sitaya Kritam Agni Stotram or Vahnya Ashtakam
% File name             : sItAyAkRRitaMagnistotraM.itx
% Category              : deities\_misc, aShTaka, stotra
% Location              : doc\_deities\_misc
% Proofread by          : PSA Easwaran
% Description/comments  : from Kurmapurana, kUrmapurANe uttarabhAge 34/116-124
% Latest update         : August 13, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sitaya Kritam Agni Stotram or Vahnya Ashtakam ..}##
\itxtitle{.. sItAyA kR^itaM agnistotraM athavA vahnyaShTakam ..}##\endtitles ##
sItA uvAcha \-
upatasthe mahAyogaM sarvadoShavinAshanam |
kR^itA~njalI rAmapatnI sAkShAtpatimivAchyutam || 1||
namasyAmi mahAyogaM kR^itAntaM gahanaM param |
dAhakaM sarvabhUtAnAmIshAnaM kAlarUpiNam || 2||
namasye pAvakaM devaM shAshvataM vishvatomukham |
yoginaM kR^ittivasanaM bhUteshaM paramampadam || 3||
AtmAnaM dIptavapuShaM sarvabhUtahR^idi sthitam |
taM prapadye jaganmUrttiM prabhavaM sarvatejasAm |
mahAyogeshvaraM vahnimAdityaM parameShThinam || 4||
prapadye sharaNaM rudraM mahAgrAsaM trishUlinam |
kAlAgniM yoginAmIshaM bhogamokShaphalapradam || 5||
prapadye tvAM virUpAkShaM bhUrbhuvaHsvaHsvarUpiNam |
hiraNyamaye gR^ihe guptaM mahAntamamitaujasam || 6||
vaishvAnaraM prapadye.ahaM sarvabhUteShvavasthitam |
havyakavyavahaM devaM prapadye vahnimIshvaram || 7||
prapadye tatparaM tattvaM vareNyaM savituH shivam |
bhArgavAgniparaM jyotiH rakSha mAM havyavAhana || 8||

iti vahnyaShTakaM japtvA rAmapatnI yashasvinI |
dhyAyantI manasA tasthau rAmamunmIlitekShaNA || 9||

iti kUrmapurANe pUrvabhAge chatustriMshAdhyAyAntargataM
sItAyA kR^itaM agnistotraM athavA vahnyaShTakaM samAptam |
kUrmapurANe uttarabhAge 34/116\-124
##
Proofread by PSA Easwaran 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}