Shri Ramakrishna Stotram

श्रीरामकृष्णस्तोत्रम्

लोकान् विलोक्य नवभौतिकभोगलग्नान् मग्नांश्च नास्तिकविचारपरम्परासु । भक्त्या विहीनहृदयांश्च समुद्धिधीर्षुः श्रीरामकृष्ण भगवान् स्वयमाविरासीत् ॥ १॥ वैराग्यबोधभजनत्रयसङ्गमेन सच्चित्सुखार्थमनपायमुपायरूपम् । सन्देशमौपनिषदं विशदीविधातुं श्रीरामकृष्णभगवान् स्वयमाविरासीत् ॥ २॥ कान्तासु विश्वजननीमवलोकयन्तं तुल्याश्मकाञ्चनमतिं सदसद्विवेकम् । नित्यं करामलकसिद्धसमाधियोगं श्रीरामकृष्णचरणौ शरणं प्रपद्ये ॥ ३॥ विद्याविलासविदुषोऽपि जगत्यनेका- नेकान्तमद्भुतरसानकरोत् स्वकीयान् । कृच्छ्रान्वितेषु करुणावरुणालयः सन् श्रीरामकृष्ण-भगवान् द्युतिमातनोतु ॥ ४॥ अद्वैतमार्गममलं चिरशान्तिबीजं संस्थापयन्नतुलयत्न परः परार्थः । वन्दे तमन्धतमसावृतजीववृन्दे प्रज्वालितो जगति येन विवेकदीपः ॥ ५॥ इति साहित्याचार्य श्रीभण्डारकरोपाह्वेन त्र्यम्बकशर्मणा विरचितं ``श्रीरामकृष्णस्तोत्रम्'' सम्पूर्णम् । Proofread by Aruna Narayanan