% Text title            : Shri Ramanuja Varnana Shlokah
% File name             : rAmAnujavarNanAshlokAH.itx
% Category              : deities\_misc, stotra, gurudev
% Location              : doc\_deities\_misc
% Proofread by          : Aruna Narayanan
% Description/comments  : Ramanujastotraratnavali, Ramanuja Sampradaya. (Prayer to Shri Ramanujacharya)
% Latest update         : December 25, 2022
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Ramanuja Varnana Shlokah ..}##
\itxtitle{.. shrIrAmAnujavarNanAshlokAH ..}##\endtitles ##
shrIve~NkaTAdhvarigurubhiranugR^ihItAH
             || shrIH ||
    || shrImate rAmAnujAya namaH ||
    || shrImate ve~NkaTAdhvariNe namaH ||

eShA bhUtapurI nirIkShitacharI doShApahantrI mayA
      shrImAnatra guNAbdhirAvirabhavat rAmAnujAryo muniH |
trayyantAmR^itasindhumanthanabhavaddhayya~NgavInAtmakaM
      vij~nAnaM yadupaj~nameva viduShAmadyApi vidyotate || 1||
kAmAdivairigaNabhImAnavadyanijanAmAbhilAShagarimA
      vaimAnikAryasamabhUmA matau vachanasImAtila~NghimahimA |
shrImAnanUnakalasomAnano vimaladhAmAvamAnitaraviH
      kShemANi jR^imbhayatu bhUmAvamutra sa cha rAmAnujo yatipatiH || 2||
sa jayati rAmAnujayatiH
      ajayati paravAdinaM yadIyoktiH |
sa~njayati bodhamanaghaM
      ra~njayati budhAn vyathAM cha bha~njayati || 3||
te mImAMsAshAstra\-
      pramathanaparikalitabudhajanAnandAH |
lakShmaNamuneH prabandhAH
      lakShmaNapUrvajasharA iva jayanti || 4||
rAmAnujAya gurave naraveShabhAje
      sheShAya dhUtakalaye kalaye praNAmAn |
yo mAdR^ishAnapi kR^ishAn paripAtukAmaH
      bhUmAvavAtaraduda~nchitabodhabhUmA || 5||
rAmAnujau yAmunatIrthasevA\-
      parAvudItau narakaM niroddhum |
tayoH purANaH praNinAya gItAM
      tasyA navIyastu tatAna TIkAm || 6||
yAmunatIrthAshramiNau
      rAmAnujamunirmukundashcha |
AdyaM triveNudharamadhikaM
      anyadantAdyamekaveNudharam || 7||
nityaM heyaguNAvadhUnanaparAH nairguNyavAdAH shrutau
      mukhyArthAH saguNoktayaH shubhaguNaprakhyApanAt brahmaNaH |
advaitashrutayo vishiShTaviShayAH niShkR^iShTarUpAshrayA
      bhedoktiH tadihAkhilashrutihitaM rAmAnujIyaM matam || 8||
jayatu jagati lakShmaNAryapakShaH
      jayatu vachaH shrutimaulideshikAnAm |
jayatu nigamavartmanissapatnaM
      jayatu chirAya cha mUrtira~njanAdrau || 9||
                   (vishvaguNAdarshachampUtaH)

iti shrIve~NkaTAdhvarigurubhiranugR^ihItAH shrIrAmAnujavarNanAshlokAH |

 || shrImate ve~NkaTAdhvariNe namaH ||
##
Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}